ياناس شوفولي حل تكفووون ..

[حياتي كلها عبود]

السلام عليكم

اخواني واخواتي الطلبة تكفوون ابغى وقفتكم معي لو معنويا شوي :12::18:

لاني صرت بحاله ميئوس منها .. وقربت ادخل المصحه النفسية من كثر ما اهوجس

حتى وانا نايمه :44:

والسبب مادتين التخصص اللي ما تسجلت بالبانر :33:

مع اني سويت كل شي اقدر عليه وبدون فايده

وراسلت واتصلت بالعماده ومافي رد

يعني وش الحين بالضبط؟؟

ادرس كذا بمواد مشتركه بس!! يعني كأني ما تخصصت ولا حددت مساري :12:

الناس كلها تتكلم بالتسديد وانا الين الحين ماتسجلت موادي يعني كيف اسدد

ومتى اقدر اصلا اسدد وهم ينزلون اعلانات ان التسديد بينتهي وانا باقي انتظر رد الجامعة

وش بيدي وش اللي اقدر اسويه تكفون ساعدوووني :12::12:

لو عندي احد يسافر للجامعه كان ارسلته

والاتصال دقييييييت كثير .. والايميل ارسلت .. وكلمت الشعيبي بتويتر

لكن لاحيااااة لمن تنادى :4:

وش اسسسسووووي بلييييز لاا تهملووني ابي اي شي لو مشاركه وجدانيه:44:

[الكوتش]

تاكدي من رقم الcrn

[حياتي كلها عبود]

اخوي كوتش :44:

وربي متاكده من رقم الcrn

حسب الارقام المرجعيه الجديدة

ومن قبل مايقفل البانر بس ماقبل معاي:18:

[حلا الورود]

اعتقد حل مشكلتك بالاسم

خلي حياااااااااتك كلها لك وراح تلقي حل للمشكله

اقترح يكون النك (حياتي كلها انا)

سواء كان عبود ابنك او حبيبك

اعتذر لك على التطفل

لاتزعلين ياعسوله :1::2:

[الا ياوقت]

غريبه والله
اتصلي بالجامعه ولا تواصلي مع مدير الجامعه عن طريق تويتر
الله يفرج همك ويسر امرك

[نورة الامورة]

سوي مثلي الحل باختصار خذي المواد المشتركة من نفس المستوى الحالي واضيفي معها مادتين مشتركة من المستوى القادم انا مارضو يغيرون مسار الى سمعي مع اني ما درست اي مادة من التخصص صعوبات والترم الجاي خذي مواد التخصص كلها مثلي

[حياتي كلها عبود]

الحمد لك ياارب:2:

تم تسجيل المقررات بنجااح

بعد ما ارسلت للفريدان


اشكر تفاعلكم معي :29:

[زهرة السوسن@@]

مبروك
طيب لوسمحت اشلون تواصلت مع الفريدان لاني اراسله بالتويتر مايرد اذا ايميله او رقمه عندك ياليت تحطه هنا واكون شاكره