ضروري تساعدوني والله إني في ورطة !!!

[مولي999]

السلام عليكم حبايبي....
أنا عندي مشكله كبيرة ومالقيت أحد يفيدني بهالموضوع ..وسألت كثير لكت للأسف محد رد علي ومالقيت اجابه شافيه

انا درست مستوى أول ونجحت فيه ولله الحمد وسجلت مواد المستوى الثاني سجلت فق 14 ساعه وسددت كامل المبلغ

من حوالي اسبوعين المهم حاليا أمر بظروف صحيه وماراح أكمل هالترم وقلت أقدم أعتذار فتحت أيقونة الأعتذار لكن لاحضت

حاحة غريبه مكتوب(أنت الان في فترة لايستحق لك استرداد الرسوم )استغربت لأن المفروض يسترد كامل المبلغ لأن موعد

الأعتذار لسا ماراح علي مكتوب ف التقويم الزمني اخر موعد للأعتذار مع استردادى100% من الرسوم 14/4/1434

واخر موعد للأعتذار مع استرداد 50%من المبلغ يبدأ من بعد تاريخ 14/4/1434

وأنا أبي اعتذر ومادري هل أقدم أعتذار او وش السالفه خايفة تروح فلوسي ع الفاضي والمشكله توني دافعه

وحتى ما امداهم يقولون لايحق لك استرداد المبلغ !!!!

أتمنى من ذوي الاختصاص والخبرة الرد عاجلا ...ودعائي للجميع بالتوفيق والنجاح .....

[صَمْتّ مُؤْلِمْ]

الله يسهل عليك


بس إذا ما قدرتي مره مره
قدمي عذر بوقت الاختبارات بوضعك الصحي وبكذا الرسوم ماتروح عليك وتختبري الترم إللي بعده



بالتوفيق

[المحترمه]

وعليكم السلام ورحمة الله وبركاته

عزيزتي انتظري هالأسبوع حتى يتم تحديث الفواتير
والنظام وراح تتعدل بإذن الله .. بالتوفيق :16:

[مجهوووولة]

حاولي تتصلين على جامعه اختي ان شاء الله يفيدونك ...الله يفرجها عليك ..:2:

[الأنسه صفاء]

الله ييسر لك:2:

[مولي999]

اخاف انتظر ويروح الوقت لأنو باقي فقط اسبوعين على استرداد المبلغ كامل .......

[المحترمه]

الشعيبي قال أنه خلال هالأسبوع راح تحديث
الفواتير وإذا ما جد جديد .. راسلي العماده

[مولي999]

وحدة نفس حالتي العام سددت واعتذرت ويوم جت تكمل طالبوها بالمبلغ مع انها مسددة عشان كذا انا خايفه ....

[آي فون]

باذن الله راح ترجع فلوسك لا تخافي ،،

عموماً اللي موجود الحين في الموقع والرسالة اللي تقولي عليها هذي موجودة للترم اللي راح والسيستم ما تحددث وشوفي مكتوب فيها الترم الاول

http://up.arab-x.com/May12/c2t42087.png


اللي عليك تسويه هو انك ترسلي ايميل لهم علشان يكون دليل عندك ،، والشي الثاني تدخلي على اسئلة وأجوبة وتقددمي سؤال علشان يصير محفوظ في السيستم الين ما يحدثوا السيستم

أنا اتوقع ان السيستم حق جامعتنا يشتغل على الديزل ،، لذلك يبيله فتره الين يتحمى ويددهر

[مولي999]

يعطيك العافيه ماقصرت بس ياليت تعطيني الايميل حقهم عشان ارسل وهل ارسل لهم من ايميلي تبع الجامعه؟؟

[المحترمه]

يعطيك العافيه ماقصرت بس ياليت تعطيني الايميل حقهم عشان ارسل وهل ارسل لهم من ايميلي تبع الجامعه؟؟

بإمكانك مراسلة العماده عبر البريد
del_finance@kfu.edu.sa
سواء الشخصي أو البريد الجامعي
وراح يتم الرد عليك في وقت قصير
بإذن الله .. بالتوفيق :16:

[رفيف7]

الله يسر لك أمورك.....ويكتب لك اللي فيه خير أنشالله.:16: