المحاظرات تعالوا هنا

[اموني 12]

مرحباا


الحين نزلت محاظرات مسجله كثيره وحظرت وحده بس اللي هي تعريف الماده

السوال : هل احظرالمحاضرات المسجله واحلل الواجبات

او انتظر المباشره


ومين الاهم هذي ولا هذي لانه بصراحه الدنيا محيوسه ولاني عارفه شي


افيدوني بليز :10:

[فارس740]

اول شي تحضري المحاضرة المسجلة وهي الي يجي منها الاختبار وعددها 14 محاضرة لكل مادة تنزل بمعدل كل اسبوع محاضرة مع المحتوى

بعدها ينزل تقريبآ كل شهر واجب واحد + محاضرة مباشرة واحدة وبمعدل 3 واجبات + 3 محاضرات مباشرة لكل مادة خلال الترم

طبعآ المباشرة عبارة عن شرح لما سبق اخذهـ يعني تقريبآ كل خمس او اربع محاضرات ينزل الدكتور محاضرة مباشرة وهي تنزل بجدول وتعلن عن طريق الجامعه .. والفائدة منها الطالب يقدر يستفسر من الدكتور عن اي شي مو واضح له والباقي يستفيد اذا لم تستطع الحضور بوقتها سوف تنزل بعد فترة كمسجلة وتسمع سوالف الدكتور والطلاب كل محاضرة تقريبآ 30 دقيقة

المناقشات هذه يكتبها الدكتور وهي بالعادة لا تتغير يعني شوف المناقشات السابقة واكتب نفسها وعددها 14 لكل مادة بتحصل في المنتدى

اتمنى اني شرحت ووضحت لك الفكرة

اهم شي تابع المحتوى الي هو عرض بوربوينت + استمع لكلام الدكتور تجيب الدرجة الكاملة بأذن الله

همسه / في ملخصات من الاخوان موجودة في القسم الي تدرس فيه

موفق :16:

[المعيده ساره]

هلا اختي

انتظري الين يفتح الافتراضي لاتحلين شي بالبلاك بورد لان تحصل فيه لخبطه بالدرجات

والمحاضرات المسجله شاهديها وحمليها عشان تاخذي درجة التحميل

اما المحاضرات المباشره ف لسه بدري عليها
:16:

[بدر 2011]

ماقصروا اللي قبلي عسى ربي
يجزاهم كل الخير ويرضى عنهم
وعنك يسعدك ربي فالك التوفيق

[اموني 12]

بس كيف احظر هالكم الهائل من المحاظرات ليش كذا

يعني من هالقد ماقدر افهم شي

وهم نزلوها كذا دفعه وحده المفروض حبه حبه ايش هذا :10:

[تاج راسي امي]

نا البلاك بور حقي معفوس الكلام في مكان ولزم اضغط مكان ثاني عشان يفتح فيه احد زيي

[جوهرة الشموخ]

السلام عليكم
ماشاءالله أشوف البلاك بورد فتح عندكم جميع إلى في المنتدى انا مافتح معي أي شي حتى الجدول إلى المستوى الأول علم الاجتماع ترسل الجدول هنا و مشكورين

[اموني 12]

والله فتح وحطوا جميع المحاضرات ولخبطه وحوسه


محنا بفاهمين شي

[اموني 12]

في احد الاعضاء ذكر بان المحاظرات المسجله قديمه مارا

يعني يقول لزم ننتظر الافتراضي يفتح

والله ويش السالفه آنَـآا جإلسہ احظر مابغئ اضيع وقت ع اشياء قديمه بعدين تنزل جديده


بالله افيدونا:10:

[Ei2]

اما انا بنتظر التعليم الافتراضي يفتح بعدها بتبان الصوره لنا
اما اني احضر المحاضرات ويطلعون يقولون ما تحسب
لانها محاضرات قديمه وماني عارف ايش لا معليش
وثانيا لاحظو مادة التحرير العربيه المحاضره عام 2007 !!!!!!

[جامعي عن بعد]

لا تسوين اي شيء حاليا
لحد مايفتح الافتراضي افضل واسهل

الافتراضي = للمحاضرات المسجله والواجبات
البلاك بورد = للمحاضرات المباشره
هذي طريقه مضمونه فيها الدرجات

بس انتظري لحد مايفتح الافتراضي
الحين النظام معلق واي تحميل من البلاك بورد ماتحسب لك
درجه ماحنا مستعجلين

[فارس740]

هم الان حذفو جيمع المحاضرات ونزلو التمهيدية + الاولى لكل مادة وكل اسبوع ينزلون محاضرة

الي صار قبل انهم يحدثون الموقع ونزلو جميع المحاضرات اعتقد كل سمستر كذا :16: