المساعد الشخصي الرقمي

مشاهدة النسخة كاملة : يوميات التدريب الميداني :)


الصفحات : [1] 2

جوري الملتقى
2013- 2- 14, 03:22 PM
اسعد الله اوقاتكم :2:

هنا سيكون تجمعنا لكتابه يومياتنا في التدريب الميداني ،
وان وجد استفسار او مشكله يكتب هنا ونتناقشها جميعا ...

يرجى عدم فتح موضوع آخر يختص بهذا الموضوع ...

تحياتي :16:

هتوشة
2013- 2- 14, 03:46 PM
باذن الله بداايه موفقه وجميله للجميع

يعطيك العافيه جوريتناا

ابواديب
2013- 2- 14, 04:39 PM
ممكن اعرف كم فترة التطبيق. كم يوم

Alorkid
2013- 2- 14, 05:24 PM
مساء الخير لااجمل ملتقى ....كيف الحال جميعا ..بنات أبي اعرف افضل مدرسه ابتدائية للتطبيق ...تربيه خاصه...صعوبات تعلم ...بالأحساء

مآگڼَتۈڜهہَ ..~
2013- 2- 14, 07:21 PM
16 عشررررررر الابتدائيه افضل مدرسه انا فيهاا اطبق

مديناوي
2013- 2- 14, 11:34 PM
ان شاء الله تتسهل الامور للجميع ونخلص بداية الاسبوع هذا ونبدا التطبيق

والله يوفقنا جميعا

مديناوي
2013- 2- 14, 11:52 PM
ان شاء الله تتسهل الامور للجميع ونخلص بداية الاسبوع هذا ونبدا التطبيق

والله يوفقنا جميعا

مآگڼَتۈڜهہَ ..~
2013- 2- 15, 12:12 AM
بنات في احد بيداااوم السببببببببت بنات الاحساااء :39:

جوري الملتقى
2013- 2- 15, 01:57 AM
انا من الحساااا
بس للحين ماوجهوني :44:

Alorkid
2013- 2- 15, 02:15 AM
صباح الخير .حبيت اعرف اسم المدارس الأربع اللي يقولون عنها أداره الإشراف التربوي للتطبيق بالأحساء

جوري الملتقى
2013- 2- 15, 02:33 AM
صباح الخير .حبيت اعرف اسم المدارس الأربع اللي يقولون عنها أداره الإشراف التربوي للتطبيق بالأحساء
كلمتهم الاربعاء قالوا خلال الاسبوع القادم بنخبركم ..
بكلمهم مرة ثانية يوم السبت ..

رضاك يارب وجنتك
2013- 2- 15, 02:38 AM
الله يسهله علي وعليكم يارب :29::1:

روعه الخالق
2013- 2- 15, 03:50 AM
الله يسهله علينا



انا ماراح ادوام السبت مع ان تم توجهي
:29::29:

مآگڼَتۈڜهہَ ..~
2013- 2- 15, 04:19 AM
انا تم توجههي للمدرسه بس ما اخذت خطاب وقالو بنتصل عليج ولا اتصلوو الى الحين

F -16
2013- 2- 15, 04:34 PM
السلام عليكم ورحمة الله

مبروك عليكم التطبيق

زبدة الموضوع ، تنشب لهم في إدارة التربية والتعليم صدقني تطلع وخطابك معك ، انا جيتهم ووجهوني للأستاذ نبيل الملأ ، وسلمت خطابي له يوم السبت قالوا مانقدر نحطك بمدرسة لين يجتمعون زملائك مع بعض ، قلت اول شي مافيه مندوب من الجامعه عشان يجمع الطلاب المنتسبين واللي بيتخرجون واحنا من الخدمات الطلابية نطبع الورقة ونوصلها لكم ، المهم طال الحكي وحاول يصرفني بس نشبت لهم وماطلعت الا خطابي معي معي موجه للمدرسة اللي أبيها وحط لي يوم واحد بالأسبوع ، وآسف ع الإطالة حبيت أوضح لكم وتقبلوا تحياتي*

شهر زاد:)
2013- 2- 15, 06:14 PM
طيب اقدر اغير المدرسه لاني مابي ادرس ثانوي احس صعب وحطوني بمدرسه دمج كيف ادرس عاديين مادري كيف طريقتهم ولاندري وين موقع المدرسه

ابو ريان سليمي
2013- 2- 15, 06:54 PM
الله يسهل اموركم يا رب

والف مبروك عليكم التطبيق

وعقبالنا يا رب

لا اواصايكم تساعدونا بعدين في مرحلة التطبيق

ما هو تتخرجون ما نشوفكم :10:

ما نستغنا عنكم :21:


:16::16::16:

لمسه حنان
2013- 2- 16, 05:08 AM
صباح الخير
انا رحت يوم الثلاثاء وقالوا لي اي مدرسه تبين
وخيروني بين مدرستين
واخترت المتوسطه الخامسه وقالوا بندق عليك بس يجتمعون زملائك وللحين لاحس ولاخبر

مآگڼَتۈڜهہَ ..~
2013- 2- 16, 05:33 AM
ننتظرهم اليوم اذا مادقوو نروح الاحد الوزاره و نشوف شنو يقولون

ابواديب
2013- 2- 16, 12:21 PM
ممكن اعرف كيف الدوام للي بدأو بالتطبيق كل يوم أو محدد يوم اويومين بالاسبوع ولمده كم اسبوع ارجو التوضيح لاهنتو

أبداع القلم
2013- 2- 16, 01:50 PM
مساء الخير ...


رحت التطبيق شعور :29:حلو ((والله وكبرنا))) :35:
استقبلتني الاداريه وووقالت لى انتظري المدير عندها لقاء مع الامهات جلست اسولف مع الاداريه لين جاتني المديره ورحبت فيني وقالت خلاص روحي الدور الثالث عند المشرفه الفلانيه...
ورحت وماشاء الله استقبلتني ووكانت انسانه متعاونه وحبوبه وواشرحتي لي وقالت لى حرام يظلمونكم وتطبقين عند متوسط لازم تبدون تطبيق باول ابتدائي وثاني وثالث انتو بالمتوسط مالكم شغل لا بتحظير ولا بلوح فقط راح تترجمون شرح المعلمه وانتو ماعنكم خبره وانصحتنا
وطلعت منها على ادارة التربيه والتعليم وووحولوني على معهد الامل بدمام :34:والله يوفقنا يارب

جوري الملتقى
2013- 2- 16, 02:04 PM
ابداع القلم .. بداية رائعه ومحمسة :3:
وفعلا المفروض التدريب يكون في المرحلة الابتدائية ..

ننتظر بقية اليوميات ..
بالنسبة لي ان شاء الله بداية الدوام يوم الاثنين ..

شهر زاد:)
2013- 2- 16, 02:05 PM
مساء الخير ...


رحت التطبيق شعور :29:حلو ((والله وكبرنا))) :35:
استقبلتني الاداريه وووقالت لى انتظري المدير عندها لقاء مع الامهات جلست اسولف مع الاداريه لين جاتني المديره ورحبت فيني وقالت خلاص روحي الدور الثالث عند المشرفه الفلانيه...
ورحت وماشاء الله استقبلتني ووكانت انسانه متعاونه وحبوبه وواشرحتي لي وقالت لى حرام يظلمونكم وتطبقين عند متوسط لازم تبدون تطبيق باول ابتدائي وثاني وثالث انتو بالمتوسط مالكم شغل لا بتحظير ولا بلوح فقط راح تترجمون شرح المعلمه وانتو ماعنكم خبره وانصحتنا
وطلعت منها على ادارة التربيه والتعليم وووحولوني على معهد الامل بدمام :34:والله يوفقنا يارب


طيب معهد الامل الابتدائي ولاثانوي الي في71

رِيما
2013- 2- 16, 02:12 PM
حضرنا اول يوم طبعا حماس على فوضى خاصه ان خطاب ادارة التربيه لسى ماوصلهم

مع العلم قالو راح نرسله اليوم مجرد تعارف على الاستاذه وبدينا حضور انتظار

الي ودي اعرفه معقول اداوم دوام كامل ونص الدوام انتظار وتغطيه بدل غايبات

جوري الملتقى
2013- 2- 16, 02:19 PM
:19:حضرنا اول يوم طبعا حماس على فوضى خاصه ان خطاب ادارة التربيه لسى ماوصلهم

مع العلم قالو راح نرسله اليوم مجرد تعارف على الاستاذه وبدينا حضور انتظار

الي ودي اعرفه معقول اداوم دوام كامل ونص الدوام انتظار وتغطيه بدل غايبات



عشان كذا الادارة قالت لا تداومون اليوم
لان الخطاب باقي ماوصل وعلى كلامهم بيوصل للمدرسه بكرة ..

اول يوم غالباً يكون فوضى وحوسة ان شاء الله بقية الايام الوضع يكون اوكي :21:

العناااب
2013- 2- 16, 04:37 PM
السلام عليكم..
الحمدلله بدينا دوام اليوم في الثانويه 10 بالحفر ..قالولنا دوام كامل ...وطول الترم ..اول يوم تعارف ..قالوا بس تكتملون نعقد اجتماع ونوضح باقي الامور ....
بالتوفيق للجميع...طبعا اعاقه فكريه..

دفوشهه الغآمدي
2013- 2- 16, 04:45 PM
السلام عليكم ورحمه الله


طبعاً اليوم كان اول يوم دوام ومثل م ذكروآ البنات مجرد تعارف وطلبو استماره بنود التقييم
و للأسف المدرسه تبع التربيه الخاصه عندها اجازه امومه و مسكتنا وحده ثانيه مالها شغل بالقسم طبعاً هيه مو داريه وش السالفه بالضبط لكن تقول راح تتواصل م المدرسه اللي بالاجازه وتفهم منها كل شى :39:
وطبعاً المدرسه اللي انا فيها 3 طالبات تطبيق فقط و الدوام قالو ترم كامل

عموماً للحين م اتضحت لنا الامور بالضبط لكن ان شاء الله تتيسر و تتسهل


وبس :17:

رَحيق الورد
2013- 2- 16, 05:09 PM
استمتعو بكل يوم من يومياتكم
حتما ستكون ايام رائعه حتى لوتخللها بعض المشقه والتعب
استمتعو بكل لحظة فيها لانها لن تتكرر
متابعة بشغف ليومياتكم :31:

روعه الخالق
2013- 2- 16, 05:44 PM
دفوووشه اي مدرسه انتي


حنا المدرسه ٤٧قالت ماعاد استقبل غيركم العدد ٧متدربات
وكل طالبه عطتها ٣بنات في الرياضيات و القراءه والاملاء صعوبات


انا بكره راح ادوام وكتب لكم التقرير
:33::33::33:

انتظرووووني :29:

دفوشهه الغآمدي
2013- 2- 16, 07:11 PM
دفوووشه اي مدرسه انتي


حنا المدرسه ٤٧قالت ماعاد استقبل غيركم العدد ٧متدربات
وكل طالبه عطتها ٣بنات في الرياضيات و القراءه والاملاء صعوبات


انا بكره راح ادوام وكتب لكم التقرير
:33::33::33:

انتظرووووني :29:

انا بالقاعده مو بالحففر :43:

وحلو انكم بديتو و وزعوآ عليكم بنات :31:

احنا قالو لنا اول شئ تدرسون فصل عادي و تطلعون منه البنات اللي تلاحظون عندهم صعوبات
لكن قلنا العدد كبير يعني الفصل الواحد فيه 40 طالبه واحنا نعتبر متدربات مو خبره بالمجال

:6:

رجعت قالت : خلاص كل معلمه رح تطلع البنات اللي تلاحظ عندهم صعوبات سواء بالقراءه او الكتابه او الرياضيات ..

لكن مدري وش الطريقه للحين :42:

لكن اتوقع اول شئ نبدأ بالتشخيص للحاله و التأكد من وجود صعوبات عندهم و بعدها مخاطبه اولياء امورهم بالموضوع لكي يتم التطبيق الفعلي عليهم و الله اعلم

فاللي عندهم اي معلومات لا يبخلون علينا :31:

نمارق هل
2013- 2- 16, 07:23 PM
حضرنا اول يوم طبعا حماس على فوضى خاصه ان خطاب ادارة التربيه لسى ماوصلهم

مع العلم قالو راح نرسله اليوم مجرد تعارف على الاستاذه وبدينا حضور انتظار

الي ودي اعرفه معقول اداوم دوام كامل ونص الدوام انتظار وتغطيه بدل غايبات



ماشاء الله ,, مبروك الدوام بالتوفيق
بس انتي وين؟ بالدمام؟؟ وبأي مدرسه؟

LoooLy
2013- 2- 16, 07:49 PM
مرحبا ..مساءكم ورد
اليوم كان اول يوم دوام لي بمدرسة متوسطة وكان يوم حلو والمعلمات والاداريات ماشالله مرة طيبين ومتعاونين ..
أسأل الله لي ولكم التوفيق يارب ..:1:

الحكمة يمانية
2013- 2- 16, 08:42 PM
بالتوفيق اخواتي :43:

عقبال التخرج يارب

:31: من متابعين مسلسل ""التطبيق الميداني "":11:

:42::13::42:

♥ βąỵℓįşǻʼn ♥
2013- 2- 16, 09:04 PM
مشكورين الله يعطيكم ألف عافيه ،،

الدكتور يقول التدريب أسبوعين ويومين وأفهم من كلام البعض أنه ترم الحين يعني راح يكون التطبيق ترم وهل راح تكون كل يوم ؟؟


شاكره لكم تعاونكم ،،،

أبداع القلم
2013- 2- 16, 09:27 PM
لا التطبيق فقط اسبوعين ويومين يااالله بدو يستفيدون منكم بالانتظااار الله يعين هو لازم ندخل انتظار بس مو على طول
للحين ماااعرفت مكانه بكره اولا بروح اسجل بنتي بالمدرسه وبعدين بدور المعهد :35:
والله يوفق الكل :36:

Alorkid
2013- 2- 16, 09:32 PM
مساء الخير....كيف الحال يابنات ..حبيت اسأل بنات الأحساء فيه احد منكم طبق ...واللي طبق وين طبق ...واللي استلم الخطاب من وين استلمه...






وشكرا مقدما

Alorkid
2013- 2- 16, 09:55 PM
مساء الخير ...بنات الله يعطيكم العافية حبيت اسأل للي عندها علم اقدر أخذ دبلوم ؛انجليزي؛بعد ما اخلص من الجامعه ...تربيه خاصه :صعوبات تعلم ...

حلا ناسي
2013- 2- 16, 10:08 PM
:31: متابعه ليومياتكم بصمت

جوري الملتقى
2013- 2- 16, 11:15 PM
مساء الخير....كيف الحال يابنات ..حبيت اسأل بنات الأحساء فيه احد منكم طبق ...واللي طبق وين طبق ...واللي استلم الخطاب من وين استلمه...






وشكرا مقدما

انا وجهوني في ابتدائية السادسة عشر ،، وبداية الدوام يوم الاثنين ،،
وسئلتهم عن الخطاب قالوا هم بيرسلونه ..

عضو منتسب
2013- 2- 16, 11:55 PM
سلام عليكم ورحمة الله وبركاته ......



الحمد الله رب العالمين فضل من الله أنا بدينا نطبق كل شي تمام بداية تطبيق من الثلاثاء

الماضي أهم شي يا خوأني وخوأتي


أستفيدوا من تطبيق أنتو عارفين أنه أسبوعين ويومين .....وتمتعووا لانها بتكوون أيام حلووة


وأبذلوا الجهد بالتووفيق للجميع أهم شي الابتسامة:13::13::13:

~{RORO}
2013- 2- 17, 12:05 AM
موفقين يارب :16:
<~ متابعه لـ يومياتكم :29:

نوره#
2013- 2- 17, 12:45 AM
/


بالتوفيق للجميع
انا حددو التدريب بمعهد الامل بالدمام
وبكرا بباشر طوالي وان شاء االلله يكون يوم رائع ..

مديناوي
2013- 2- 17, 01:16 AM
انا طلبت ابتدائية وان شاء الله بكره يوقعو عليها


دعواتكم

Alorkid
2013- 2- 17, 01:27 AM
مشكورا يا جوري الملتقى ... على المجهود الذي تبذلينه ...ومشكورة على الرد ... يختار السادسه عشر مثلك...من شان مقابلتك☺

انواار
2013- 2- 17, 02:19 AM
السلام عليكم ورحمة الله
طبعاً من الاسبوع اللي طاف وانا استناهم يدقون علي وما دقوا فقلت لازم اروح لهم يوم السبت اللي هو امس فقالتلي المسؤله خلاص وجهناك للمدرسه 17 المتوسطه عاد انا هنا بققت عيوني :38: مصدومه محد دق علي وعلمني يعني لو مارحت ماكان احد دق المهم فطلعت من عندهم ورحت على طول للمدرسه وحضرت الساعه 9 دخلت للوكيله فقالت لحد الحين ما جت اوارقكم بس اطلعوا فوق عند المعلمه الفلانيه وتعلمكم وش تسوون فطلعنا وعلى طول قالت ادخلوا احضروا معي الحصه وشوفوا
المهم حضرت حصتين كان الوضع :21::11: ليتهم يخلونا نطبق ترم كامل والله احس عندي طاقه وحماس ماتكفيهم اسبوعين :40: :12:
الله ييسر للجميع ويفرحنا بتخرجنا ويحقق لنا مبتغانا على قولة ابداع قلم ( والله وكبرنا) :29: ياحلونا :1:

مآگڼَتۈڜهہَ ..~
2013- 2- 17, 02:51 AM
بنات الاحساء يوم الاثنين ان شاء الله ننطلق بالمدرسه الابتدائيه 16

وراح اكتب شنو سووينا هننا ..:34:

مديناوي
2013- 2- 17, 12:28 PM
انا اليوم الحمدلله سلمت خطابي للمدرسة


ومن بكرة ان شاء الله ابدا التطبيق


وكانت المدرسة حلوة وارتحت لها

فالي وفالك التفوق يارب

روعه الخالق
2013- 2- 17, 12:50 PM
اليوووم راحت للمدرسه
ومن هنا حابه اشكرك معلمه صعوبات التعلم الاستاذه :جيهان
كانت قمه بالاخلاق والتعامل مع جميع الطالبات
واليوم شرحت لنا دفتر للطالبه صعوبات وطريقه وكذا
وزعت علينا كل طالبه 3طالبات صعوبات تعلم في رياضيات +لغتي (قراءه وكتابه )و الاملاء

بدينا اول خطوه
الموافقه من ولي الامر للطالبه
طبعنا النظام كان كل طالبه له ملف بالماده

والمديره قمه بالتعامل معنا

وقالت راح اخليكم تاخذون انتظار :4:


وبس :29::29:

شهر زاد:)
2013- 2- 17, 01:12 PM
بكره ببدا ان شاء الله بمعهد الامل بالدمام

الله يوفق الجميع ياارب:2:

زهوور المحبة
2013- 2- 17, 01:33 PM
بالتوفيق للجميع
متابعه للاستفاده :34:

نجمة بلادهـا
2013- 2- 17, 02:24 PM
اليوم نقلونا لمدرسه جديده وكانت رائعه استقبال حلو من المديره والمعلمه الله يسعدهم ..

طبعا واحنا نتعرف على المدرسه جاتنا احد الطالبات ( ابتدائي ) تسأل قالت ابله انتم وش تدرسون قلت احنا صعوبات تعلم قالت (ايه للبنات الكسالا ) طبعا عورتنا نظرت البنات لزميلاتهم ممن يأخذو حصص بغرفه المصادر انهم كسالا فبدأنا نقول لهم لا هم مو كسالا هم ما عرفوا شي وحنا نساعدهم وممكن ما انتبهوا في الحصه وحنا نعيد لها .... هذا احد المواقف الي مرت علينا

فاشون
2013- 2- 17, 02:32 PM
أنا اليوم اول تطبيق لي
والمدرسات مره حبوبات بس خفت من المديره شوي شديده
والطالبات مره محترمات والله اعجبوني وعددهم قليل بس وحده اول ثانوي واربع ثاني ثانوي واربع ثالث ثانوي المدرسه الي
طبقت فيها الثانويه ال١٦في حفر الباطن :21:

لولي 2
2013- 2- 17, 02:39 PM
بالتوفيق للجميع وبدايه موقفه أن شاءالله

أنا دوامي يوميا لمدة شهرين من الساعه8الى الساعه ١

والحمد الله المدرسة مره عسل والمديره بعد

أنا بديت اشخص طالبه بالصف الخامس :13:

شهر زاد:)
2013- 2- 17, 02:53 PM
[quote=لولي 2;8331095]بالتوفيق للجميع وبدايه موقفه أن شاءالله

أنا دوامي يوميا لمدة شهرين من الساعه8الى الساعه 1

والحمد الله المدرسة مره عسل والمديره بعد

أنا بديت اشخص طالبه بالصف الخامس :13:[/quote


انتي اي مدينه ؟ليه دوام شهرين مو اسبوعين ويومين

عصفوره بيضاء
2013- 2- 17, 03:05 PM
موفقين جميعا والف مبروك التطبيق وعقبال فرحتكم بتخرجكم يارب
والعقبه لنا يارب


بس لاحظت ان الاغلب صعوبات تعلم مافيه احد يطبق ومساره اعاقه سمعيه :31: ؟؟

وسؤال ثاني بعد :42: لو ماجازت لي المدرسه الي حطوني فيها اقدر اطلب تحويل لمركز معين ؟؟


وعساكم ع القوه ,, مُتابعه لكم :16:

sho-sho
2013- 2- 17, 03:49 PM
ليش بس اسبوعين ؟؟ مره شوي

وباقي الترم اش راح تسوون

BrǿǾǿrah
2013- 2- 17, 04:04 PM
موفقين يـــآرب
<<متابعه خلف الكواليس لكم:13:

رغد الشرقية
2013- 2- 17, 04:12 PM
طيب عندي سؤال

هل انتم اخترتم يوم واحد في الاسبوع

انا ابغاها متواصل اسبوعين يوافقون لي ؟؟

(خالد)
2013- 2- 17, 04:19 PM
أنا دوامي يوميا لمدة شهرين من الساعه8الى الساعه ١


امااااااااااا شهرين :6:

يعني انتي اللي طلبتي هالشيء ولاهم فرضوه عليك :31:

رغد الشرقية
2013- 2- 17, 04:28 PM
بالتوفيق للجميع وبدايه موقفه أن شاءالله

أنا دوامي يوميا لمدة شهرين من الساعه8الى الساعه ١

والحمد الله المدرسة مره عسل والمديره بعد

أنا بديت اشخص طالبه بالصف الخامس :13:
:38::38:كل يوم مدة شهرين:6:

جوري الملتقى
2013- 2- 17, 05:05 PM
التطبيق اسبوعين ويومين فقط
لكن بعض المراكز تسمح بالتمديد ..

لكن المطلوب منا 12 يوم
والاغلب يكون متواصل

deema ^^
2013- 2- 17, 05:18 PM
السلام عليكم ..
ايش مطلوب مننا بالضبط في التطبيق لان لا المديرة ولا المدرسة المسؤله عارفين شي ..نسالهم ايش نسوي يقولون ماندري اجلسو وراقبونا لان اصلا اسبوعين مايمدي تسوون فيها شي ولا تقدرون تمسكون حاله :9:
فاقاعدين طول الدوام بس نراقبهم ولا نسوي شي :10:

صبا الهفوف
2013- 2- 17, 05:37 PM
الله يوفقكم ويسعدكم
بنات الاحساء انتظر يومياتكم صعوبات التعلم
متابعين لكم بصمت

مديناوي
2013- 2- 17, 06:49 PM
انا قالو لي التطبيق اكثر من شهر
ثلاث ساعات يوميا

والفترة تعتمد على حسب كل مدرسة او مركز او معهد

نجمة بلادهـا
2013- 2- 17, 08:05 PM
وانا بعد قالوا لنا اسبوعين ما تسوي شي دراسه الحاله تستغرق قرابت الثلاث اسابيع

فرح نطبق شهر وزياده وسلمونا كل طالبه حالتين من البدايه تشخيص واختبارات ... الخ

"بنت جده<<
2013- 2- 17, 09:28 PM
مسسآء الخخير . . :43:

الححمدلله استلمت الخطاب وتم توجيهي للمعهد من بدري ، وهذا ثاني اسبوع لي بالمعهد . .

بدأت دوام من اول يوم رحت للمعهد ومسكت فصل ثاني ابتدائي ، ححبيت جو المعهد والطالبات عسسولات :1: . .

وصصرآحه تدريسهم والتعامل معاهم اسهل من اللي كنت متوقعته . . :42:

والمعلمه اللي مسؤوله عني مرره حبوبه ومتعاونه ، طلبت مني وسائل واوراق عمل ، كلها اشياء بسيطه . .

باقي لي الخطه والشرح واكون انجزت كل شي بإذن الله . .:36:

http://img08.arabsh.com/uploads/image/2013/02/17/0d3f424c65f503.jpg (http://arabsh.com)

^

وهذي الوسائل اللي طلبتها مني . . :42:

بـ التوفيق يَ رب . .


:29::21:

لولي 2
2013- 2- 17, 09:30 PM
اللي يسال ليه شهرين انا لما قلت أسبوعين قالت لي أسبوعين مرهه ما يكفي انك تشخص حاله وتدرسين الحالة نفسها وقالت الانتظام لما بجون اعطيهم شهرين

قالتلي إذا تبين صح تتعلمين لازم شهرين

وبما أن ما عندي لاشغل ولا مشغله أعجبتني فكرة الشهرين :13:

نجمة المساء
2013- 2- 17, 10:22 PM
مساء الخير

انا توجهت الى مدرسة ثانوية مطورة واتفقت مع

مديرتها والحمدلله وافقت واعطوني كذا حالة عندهم مشكلة

التاخر الاكاديمي وانخفاض المعدل والاضطرابات النفسية والانفعالية

لدي خمس حالات مع التعاون مع المرشدة الطلابية

الله يوفقنا ويسهل علينا التربية العملي ونستفيد اكثر ونفيد

عطني شماغكـ
2013- 2- 17, 10:32 PM
مرحباا
الله يوفقكم جميعاا
متابعة لكم من المستوى 7 <<< للخبرة :13:

بنات الأعاقة العقلية بالأحساء اعطونا تجربتكم وش صار معاكم ؟؟
وين الاماكن المتاحة لتطبيق

Ambition
2013- 2- 18, 01:10 AM
متااااااابعه بحماس ليومياتكم

بس محد جاب طاري للسمعيه

شكلي انا بسوي مثل لولي وبطبق في الحسا بدال الحفر


السنه الجايه مثل هالايام انا اطبق

مآگڼَتۈڜهہَ ..~
2013- 2- 18, 02:24 AM
اليوووووووم موعدنا بالمدرسه

ان شاء الله ر اح اكتب لكم كل شيء بالتفصيل

لمسه حنان
2013- 2- 18, 02:25 AM
بكره اول دوووام لنا
الاحساء / اعاقه عقليه

انتظروا اليوميات
وفالي وفالكم النجاح

لمسه حنان
2013- 2- 18, 02:26 AM
اقصد اليوووووم

ههههههههههههههه

ماكنتوشه شكلي فهيت

صبا الهفوف
2013- 2- 18, 04:17 AM
بالتوفيق ننتظركم ,,,,,,,

رغد الشرقية
2013- 2- 18, 04:59 AM
عجبتني حركة الدعم بصور :21:

ولله ياليت كل المدارس والمعاهد يخلون التطبيق شهرين اسبوعين ماتسوي شي:39:

رغد الشرقية
2013- 2- 18, 05:01 AM
اللي يسال ليه شهرين انا لما قلت أسبوعين قالت لي أسبوعين مرهه ما يكفي انك تشخص حاله وتدرسين الحالة نفسها وقالت الانتظام لما بجون اعطيهم شهرين

قالتلي إذا تبين صح تتعلمين لازم شهرين

وبما أن ما عندي لاشغل ولا مشغله أعجبتني فكرة الشهرين :13:


لولي في اي منطقه تطبقين

انا ابي زيك ابي اقلها شهرين اسبوعين ماتكفي:24:

لولي 2
2013- 2- 18, 07:21 AM
انا في جده أطبق :34:

أبداع القلم
2013- 2- 18, 07:47 AM
لان احنا الاعاقه السمعيه سوو لنا قصه وبجد تعبت من الروحه علة ادارة التعليم ومعهد الامل عند المخطط 71 ~وامس رحت للمعهد قالت لى وين خطاب نتوجيهكم لازم اشوفه ووطلعت منهم ورحت اادارة التعليم لاكن استاذه نوف طالعه ومحد رضى يعطيني خطااااب :4: اليوم بروح للاداره على 9 وبودي الخطاب للمعهد واا راح ادوام الا السبت بصراااحه وش هالفوضى الي سببتها لنا قرارات الجامعه غير المدروسه :22::22:
الله يعين ويوفق الي طبقو وعقبال التخرج

شهر زاد:)
2013- 2- 18, 08:01 AM
لان احنا الاعاقه السمعيه سوو لنا قصه وبجد تعبت من الروحه علة ادارة التعليم ومعهد الامل عند المخطط 71 ~وامس رحت للمعهد قالت لى وين خطاب نتوجيهكم لازم اشوفه ووطلعت منهم ورحت اادارة التعليم لاكن استاذه نوف طالعه ومحد رضى يعطيني خطااااب :4: اليوم بروح للاداره على 9 وبودي الخطاب للمعهد واا راح ادوام الا السبت بصراااحه وش هالفوضى الي سببتها لنا قرارات الجامعه غير المدروسه :22::22:
الله يعين ويوفق الي طبقو وعقبال التخرج


اي اقولك رحت والمديره نبههت عليك اقولكم انه نجي يوم الاربعاء نتفق نسوي اجتماع ويوم السبت نبدا باذن الله اي وقالت ماوصلها خطاب حاولو تسرعون بارسال الخطاب قلتلها الاداره ارسلت لكم الخطاب وقالت تعالو يوم الاربعاء

قوس قزح 2010
2013- 2- 18, 10:23 AM
ما شاء الله موفقين بإذن المولى

همس الصباح***
2013- 2- 18, 10:29 AM
جزاكم الله خير يومياتكم مهمه لنا جدا
بس ممكن اعرف في احد صعوبات تعلم يطبق في الرياض
:21:

فلسفة..~
2013- 2- 18, 10:37 AM
اقدر اخذ ماده العملي نظري بدون تطبيق؟!!
وتخصص الاعاقه العقليهه واجههم لمدارس والا معاهد؟

أم الكتاكيت
2013- 2- 18, 12:25 PM
متابعة لكم بحمااااااس :11:
طيب بنات الرياض عقلية وينكم:39:
عطونا النتائج

ريومة الشرقية
2013- 2- 18, 12:34 PM
حمستوني من جد والله ودوني معاكم :12::18:
بنات الاعاقة العقلية الدمام
بأنتظاركم الله يوفقكم:1::1:.

أسير بلآ قيود
2013- 2- 18, 12:53 PM
ما شاء الله عسى الله يوفقكم

انا متابع من بعيد لبعيد وان شاء الله المستوى الجاي عندي تطبيق :17:

المشكله انا ما اقدر اطبق أكثر من شهر يعني لو فرضو التطبيق شهر ممكن أخذ اجازه من العمل بس أكثر من شهر

قسم رحنا فيها :42:

من الحين لوقتها ربي يحلها

متابع بصمت:31:

تمنياتي للجميع التوفيق :2:

أبداع القلم
2013- 2- 18, 02:59 PM
اخ اسير ...:30:شلون توك وحاط دكتوراه اناا لى فتره اقري ردودك متعجبه متخرج ودكتوراه وجاي يساعدنا :27:اثر توك باي مستوى :4:

جوري الملتقى
2013- 2- 18, 03:13 PM
مساء الخير

اليوم كان الاول لي في التدريب
والحمدلله بدايه رائعة ومعاملة اروع

من اليوم الى الاربعاء بيكون مشاهدة فقط ،،
وابتداء من السبت نبدأ بالتدريب ..
مدة التدريب اسبوعين ويومين ، وبيكون متواصل

حضرنا حصتين لفصل الاعاقة السمعيه مكون من اربع طالبات
درجة فقدانهم السمعي من متوسط الى شديد
والنطق عندهم بسيييط جدا
فيستخدموم الاشارة بكثرة

استفدنا من الحضور :21:
ومعلمات التربية الخاصه متعاونات جدا جزاهم الله خير
وان شاء الله من بكرة بيسلمون لنا الجداول :29:

ريومة الشرقية
2013- 2- 18, 03:15 PM
^^
جوريتي :34:
يعطيك الف عافية
عساك ع القوة
موفقة يآارب :43::1:.

مديناوي
2013- 2- 18, 03:22 PM
السلام عليكم

اليوم كان اليوم الاول لي للتدريب

والحمدلله كان الاستقبال رائع والاروع المعلم المتعاون كان متفاهم وشرح لي الله يوفقه

وحضوري كان لفصل اعاقة عقلية كانو 7 طلاب فيهم واحد توحد

لم احصل على درجات الاعاقة لديهم لكن من فهمي انهم الدرجة البسيطة


طبعا كانو صف اول وثاني ابتدائي مقسمين

كم يوم الوضع يكون مشاهدة وبعدين ابدا ادربهم وادرسهم

والحمدلله كانو متعاونين مدرسين التربية الخاصة الله يجزاهم خير

ولي عودة

راع الكهفة
2013- 2- 18, 03:36 PM
اليوم كان حضور واستقبال رائع من قبل مدير المدرسه والمعلم المتعاون صعوبات وكذالك معلم تربية الموهوبين طلع معرفه
فقط اليوم جوله وجلسه مع المعلمين في غرفة المعلمين ودله وقدوع وخلاص الحساء الملكي وشاهي تلقيمه واستقبال روووووووووووووووووعه
والباقي بالحلقه القادمه يوميات متدرب
:16::16::16:

هتوشة
2013- 2- 18, 05:12 PM
مساء الخير

يزينكم ويزين يوميااتكم الله يوفقكم ووييسرلكم يااكريم

انا كنت في زوبعة أين أنا
الله وكيلكم من السبت وانا من الاداره الى المدرسه والعكس لفو راسي لف

مره بغرب الدمام مره بشرق

واليووم مااهن عليهم اهل سيهات ماامرهم خاافوو لا يزعلون عليهم

والسبب انو عندنا اكتفاء بنات التربيه بالجبيل حسيت انا اهل الجبيل مسببين زحمه <<<دعابه لا احد يااخذها على محمل الجد على رااسي اهل الجبيل

بالاخير قالو ابد ولا يجي في خااطرك مالك الا طيبة الخاطر

حطوني مع المشرفه الاول حقت صعوبات التعلم بالدمام
يعني السالفه ماافيه فلسفه :4:

والحمدالله المقابله تبشر بالخير والدواام رااح يبداا من بكره
وباذن الله لكل مجتهد نصيب

ورااح اوفيكم بالجديد اول باول باذن الله

يعطيكم العافيه ويسعدكم ياارب

من قلب الحدث
<<هتووشة :13:

я α ω α ŋ
2013- 2- 18, 08:46 PM
أنآ بدأت يوم السبت مآفي ولآ طآلبه معي وحدي بين معلمآت :7:
وضآيعه مرررهـ كل مآ أستفسروآ عن شيء قلت مدري :42:
أخر شيء خذت مني المشرفه علي رقم محمود على أسآس تستفسر منه عن كذآ شغله ..
تعآملهم حلو معي :21:
حضرت 3 حصص ونص بعضهم لغتي وبعضهم ريآضيآت ..
يوم الأحد المشرفه علي حصصهآ 6 و 7 ألغوهآ لأن كآنوآ معلمآت التربيه الخآصه " غرفة المصآدر" مسوين ندوهـ توعوية لـِ معلمآت العآم كيف يتعآملون مع الطآلبآت ذوي الأحتيآجآت دآخل صفوف الدمج
وقرأت ملف الطآلبآت إللي رآح أتعآمل معهم هم طآلبتين .. وأعطتني فكرهـ عن تحضير الدروس وأورآق للتحضير صورتهآ ورآح ابدأ أحضر أول درس لي لأني رآح أعطيهم أول حصه يوم السبت .. ووزعنآ الدروس بيني وبينهآ ..
يوم الأثنين حضرت حصتين مع المشرفه على تدريبي وتعرفت على طآلبآتهآ إللي رآح يصيرون بنآتي :1: وهم تعرفوآ علي وقآلت لهم سآرهـ <~ المشرفه علي إني رآح أعطيهم دروس
بكرآ الثلآثآء رآح يجون أمهآت الطآلبآت والمشرفه علي قآلت تبين تجين معي تتعرفين على الأمهآت قلت أكيييد طبعاً .. خآيفه صرآحه مآني عآرفه كيف أتصرف أبي أترك أنطبآع كويس عندهم :40:

وبس هذي يوميآتي :33::16:

زهوور المحبة
2013- 2- 18, 08:54 PM
بالتوفيق للجميع
متابعه للاستفاده

أسير بلآ قيود
2013- 2- 18, 09:29 PM
والله وصرتو كبار من جد

صارو البنات ينادونكم يأبله :5:

يلا شدو حيلكم والله الله بالمعامله الطيبه عشان تظمنون 70 درجه :34:



اخ اسير ...:30:شلون توك وحاط دكتوراه اناا لى فتره اقري ردودك متعجبه متخرج ودكتوراه وجاي يساعدنا :27:اثر توك باي مستوى :4:

دكتور بس ادرس معاكم:41:

هذا الله يسلمك ويسمنك الطموح وأحلمي شهادة الدكتوراه وان شاء الله بقدرت واحد احد أخذ شهادتها:42:

أنا مستوى سابع وادرس هذا الترم جميع مواد المستوى السادس بالاضافه الى مادتين من مستوى سابع :17:

وأسأل الله التوفيق لي ولكم :2:

verymoon*14
2013- 2- 18, 10:46 PM
لو ابغى اغير المدرسه واروح مدرسه ثانيه اقدر؟؟؟؟؟؟؟؟

واش اسوي الخطاب يرجع لادارة التربيه والتعليم والا من المدرسه الي وجهوني لها للثانيه على طول انقله ؟؟

MRRMRR
2013- 2- 18, 10:47 PM
بنت جده الله يعافيك انا تخصصي مثلك وعجبتني افكارك وتنسيق حقك
اتمنى تحطين لنا ابداعاتك عشان نستفيد من تجاربك:43:

دولار السعودية
2013- 2- 18, 11:55 PM
السلام عليكم

اليوم وصل خطابنا للمدرسه وقابلت المدير وبعض المعلمين
كانوا متعاونين جداً بس المعلم المتعاون ما قابلته :41:
وبصراحه تذكرت موقف مريت فيه من قبل و ما ادري انتم مثلي والا لا :31:
اللي هو : تذكرت اول يوم دخلت فيه المدرسه ( طبعا الكل مرة عليه هالحاله :12: ) :29:
وكان الفرق بين الموقفين الاول ابوي الله يرحمه كان معاي :19: والثاني كنت لحالي :24: :12:

المهم التطبيق الفعلي راح نبدأ فيه يوم السبت ان شاء الله :3:
تمنياتي للجميع بالتوفيق :2: :16:

رغد الشرقية
2013- 2- 18, 11:58 PM
مساء الخير


يزينكم ويزين يوميااتكم الله يوفقكم ووييسرلكم يااكريم

انا كنت في زوبعة أين أنا
الله وكيلكم من السبت وانا من الاداره الى المدرسه والعكس لفو راسي لف

مره بغرب الدمام مره بشرق

واليووم مااهن عليهم اهل سيهات ماامرهم خاافوو لا يزعلون عليهم

والسبب انو عندنا اكتفاء بنات التربيه بالجبيل حسيت انا اهل الجبيل مسببين زحمه <<<دعابه لا احد يااخذها على محمل الجد على رااسي اهل الجبيل

بالاخير قالو ابد ولا يجي في خااطرك مالك الا طيبة الخاطر

حطوني مع المشرفه الاول حقت صعوبات التعلم بالدمام
يعني السالفه ماافيه فلسفه :4:

والحمدالله المقابله تبشر بالخير والدواام رااح يبداا من بكره
وباذن الله لكل مجتهد نصيب

ورااح اوفيكم بالجديد اول باول باذن الله

يعطيكم العافيه ويسعدكم ياارب

من قلب الحدث

<<هتووشة :13:

:6::38::38::6:
يعني انتي من الجبيل وتداومين كل يوم في الدمام ؟؟؟؟

بقايا طفوله
2013- 2- 19, 12:27 AM
مساء الخيرررر

كيفكم بنااااات


طبعا انا طبقت في راس تنوره لان الدمام مكتفين مع اني كنت ابي الدمام :12:

بس الحمدلله خيررره مرره المديره عسل والمعلمات متعاونات ..

طبعا احنا داومنا من يوم السبت احنا 5 طالبات انا وصديقتي نجي سوا و3 بنات من الجبيل

مررررررررره وناااااااسه صراحه والعمل ممتع ...

والحمدلله بدينا نحضر من اول يوم حصص ويوم الاحد مسكنا دفاتر التحضير حقت المعلمات وشفناها ويوم

الاثنين شرينا دفاتر التحضير ( طبعا هي عباره عن ملف تحطين فيه اوراق مطبوعه من النت وملونه )

لان خلاص ماتووو الي يسوون دفاتر تحضيرر ويكتبوووون

المهم نبدا بالملف بوضع الاسم والتخصص وتحطيين الخطه الدراسيه للترم وكل شي ..

يعني يصير عندك تدفتر تحضير ع اساس اذا جات الحصه اللي بيقيمونك فيها يكون دفترك جاهز ومرتب تطلع

عليه المديررره..

احنا دوامنا من س 7 الى 11 بس يوم حسبتها حسيتها ماتكمل 60 ساعه في اسبوعين ويومين لذلك بنخليها 3 اسابيع او شهر بس التقيم راح تقيمينا المديره باي وقت احنا نكون مستعدين فيه لاعطاء الدرس اهم شي قبل تاريخ 24 لان الاستمارات التقييم راح ترفع للجامعه في هالتاريخ ..وممكن احنا نكمل دوام الى الوقت اللي نبي ...


وسلامتكم ...:16:

صبا الهفوف
2013- 2- 19, 01:08 AM
معلومات قيمه وجالسين نستفيد منكم
بالتوفيق ,,,

المستلمض
2013- 2- 19, 01:12 AM
.

السلام عليكم ورحمة الله وبركاته

احبائي الافاضل ..

ببدأ معاكم من بداية مشواري اثناء نزول الخطاب الموجه لأدارة التعليم ...

أولاً : اثناء نزول اختيار المدينه اللي اريد ان اطبق فيها ما أخترت ولا مدينه هع اقول مع نفسي راح اتدرب في منطقه حائل لو بالقوه ... ماعلينا ,


نزل الخطاب وتوجهت على طول لأدارة التعليم في منطقة حائل المهم وقع على الورقه ولا يدري وش السالفه هو نائب المدير هههه وشوي افر بالادارة ادور قسم التربيه الخاصه مافيه بعد تساؤلات الين قالوا لي رووح للأشراف الجنوبي بتلاقي التربيه الخاصه وطبعا انا عارف منهو مدير قسم التربيه الخاصه فيها صديق والدي ويقول انت مثل ولدي المهم اعطيته الخطاب وقال اختر المدرسه اللي تبيها واخترت المدرسه يوم جاء يوم الاربعاء الماضي رحت اخذت جوله على المدرسه وطبعا المدير والمرشد الطلابي معرفه ... مشت اموري ولله الحمد وقالوا تعال يوم السبت .. رحت لهم ادخل اسلم واوقع دخولي وجلسه بغرفة المعلمين وسوالف وتعليقات وقهوه وشاهي وفطور <--- بالحاله هذي قعدت افكر اقول لازم اقط معاهم هههههههه

المهم تواجهت انا ومعلم التربيه الخاصه صعوبات التعلم وكان في طالب يطبق مثلي متخرج من جامعة حائل نفس الحكايه صعوبات تعلم ...


جاء اليوم الاثنين اجتمعت انا والمدير والطالب ومعلم التربيه الخاصه وتفهمنا للوضع وكيفيه التدريب مع انه للآن ما اعطوني جدول ولا شي يعني متفررررج ...

طلعت من المدرسه قلت ابكلم الدكتور محمود واتصلت وتكلمنا مع بعض انسان حبوب .. انا اطبق في مدرسه بحائل كذا وقال امال ايه انت كيف اخترت حائل ومكتوب عند اسمك المدينه لم تحدد قلت عاد صارت والحمدلله ,,

سألته عن الثلاثين درجه المتبقيه من السبعين درجه اذا كان مدير المدرسه 35 والمدرس المناوب 35 ...

ايش هي 30 درجه ...
اللي عرفته انه يقول جميعها عن طريق الموقع مثل الواجبات والنقاشات ..وبحث او درس نموذجي نرسله للأيميل ...

تقريبا من السبت القادم راح يبدأ التطبيق الفعلي ...

راح ارجع لكم في يومياتي إن شاء الله

مآگڼَتۈڜهہَ ..~
2013- 2- 19, 02:00 AM
يوم الاثنين او ل يوووم و كان ممتع جدا

المدرسات متعاونيين معنا الحمد لله

بوكرا مشاهده و الاربعاء مشاهده و السبت نطبق ان شاء الله

Ambition
2013- 2- 19, 03:39 AM
حمستووووناااا

ربي يوفقكم ان شاء الله


محد جاب طاري السمعيه

كيف التطبيق ...

نمارق هل
2013- 2- 19, 05:50 AM
حمستووووناااا

ربي يوفقكم ان شاء الله


محد جاب طاري السمعيه

كيف التطبيق ...

لأن السمعيه اللي بالدمام للحي ضايعين
انا الى الآآآآآآآآن ماداومت ولا ادري وين اتدرب
والله أفضّل اني اسكت لأنه مو من صالح حد اتكلم واقول قصتي
لأن فيها فضايح بالوزاره
وانا اذا تكلمت ماراح ارحم حد
حسبي الله ونعم الوكيل

الى درجة انه وحده تتكلم بلسان المدرس
انها كلمته وقال لها ارسلوهم اي مكان عادي اي اعاقه ,,

أيُعقل!! صار لي سنتين ادرس سمعيه واتدرب على طلاب صعوبات أو فكري

يانااس أروح اذبحها هاذي؟!!

نمارق هل
2013- 2- 19, 06:30 AM
السلام عليكم

اليوم وصل خطابنا للمدرسه وقابلت المدير وبعض المعلمين
كانوا متعاونين جداً بس المعلم المتعاون ما قابلته :41:
وبصراحه تذكرت موقف مريت فيه من قبل و ما ادري انتم مثلي والا لا :31:
اللي هو : تذكرت اول يوم دخلت فيه المدرسه ( طبعا الكل مرة عليه هالحاله :12: ) :29:
وكان الفرق بين الموقفين الاول ابوي الله يرحمه كان معاي :19: والثاني كنت لحالي :24: :12:

المهم التطبيق الفعلي راح نبدأ فيه يوم السبت ان شاء الله :3:
تمنياتي للجميع بالتوفيق :2: :16:

الله يرحم والدك رحمة واسعه,, لا تنسى انه ربي معاك
الله يوفقك:16:
لاتكتب كذا مره ثانيه بكيتني بقوه:12:

majed99
2013- 2- 19, 09:56 AM
الحمد لله للتو استلمت خطاب توجيهي لمعهد التربية الفكرية بجازان مدة التطبيق الفترة المتبقية من الفصل(أعجبتني)
الان متجه الى المعهد
يارب سهل

majed99
2013- 2- 19, 10:56 AM
أيضاً للتو خرجت من معهد التربية الفكرية جداً تعامل راقي من مدير المعهد وجميع المعلمين والأخصائيين وهذا جولة سريعة على الفصول حمااااااااااااس منقطع النظير من بكره ان شاء بيضبطون جدول ونبدأ رحلة التعليم والتعلم
يا رب سهل

majed99
2013- 2- 19, 10:56 AM
أيضاً للتو خرجت من معهد التربية الفكرية جداً تعامل راقي من مدير المعهد وجميع المعلمين والأخصائيين وهذا جولة سريعة على الفصول حمااااااااااااس منقطع النظير من بكره ان شاء بيضبطون جدول ونبدأ رحلة التعليم والتعلم
يا رب سهل

زهوور المحبة
2013- 2- 19, 02:07 PM
نتمنى لكم التوفيق>>>متابعه

جوري الملتقى
2013- 2- 19, 02:18 PM
يسعد مساكم
اليوم حضرنا حصتين مشاهده واستفدنا كثييير منه ولاحضت البنات يستخدمون الهجاء الاصبعي اكثر من الاشارة
وكذلك المشرفة رتبت لنا جدول التدريب والمشاهدات وقالت بما ان مدتكم قليلة التطييق بيكون في حصتين فقط ..
وان شاء الله يوم الاحد بشرح لبناتي :1:

والمديرة ابدا ماعجبها مدة التطبيق تقول مررررة قليل شنو بيسوي لكم ..

جوري الملتقى
2013- 2- 19, 02:39 PM
السلام عليكم

اليوم وصل خطابنا للمدرسه وقابلت المدير وبعض المعلمين
كانوا متعاونين جداً بس المعلم المتعاون ما قابلته :41:
وبصراحه تذكرت موقف مريت فيه من قبل و ما ادري انتم مثلي والا لا :31:
اللي هو : تذكرت اول يوم دخلت فيه المدرسه ( طبعا الكل مرة عليه هالحاله :12: ) :29:
وكان الفرق بين الموقفين الاول ابوي الله يرحمه كان معاي :19: والثاني كنت لحالي :24: :12:

المهم التطبيق الفعلي راح نبدأ فيه يوم السبت ان شاء الله :3:
تمنياتي للجميع بالتوفيق :2: :16:
الله يرحم ابوك وابوي واموات المسلمين ..

انا تذكرت الدراسه بكل تفاصيلها لان المدرسة اللي اطبق فيها هي ذاتها اللي درست فيها والمديرة والوكيله والمعلمات نفسهم :42:
المديرة عرفتني على طول ..
لكن فيه مدرسة تناظرني كثير ودي اروح لها واقول انتي درستيني في رابع ابتدائي بس خفت على نفسيتها وسكت :5:

اقدر اخذ ماده العملي نظري بدون تطبيق؟!!
وتخصص الاعاقه العقليهه واجههم لمدارس والا معاهد؟
التدريب الميداني مافيه نظري عملي فقط ..
والتوجيه في المدارس والمعاهد ..


لأن السمعيه اللي بالدمام للحي ضايعين

انا الى الآآآآآآآآن ماداومت ولا ادري وين اتدرب
والله أفضّل اني اسكت لأنه مو من صالح حد اتكلم واقول قصتي
لأن فيها فضايح بالوزاره
وانا اذا تكلمت ماراح ارحم حد
حسبي الله ونعم الوكيل

الى درجة انه وحده تتكلم بلسان المدرس
انها كلمته وقال لها ارسلوهم اي مكان عادي اي اعاقه ,,

أيُعقل!! صار لي سنتين ادرس سمعيه واتدرب على طلاب صعوبات أو فكري


يانااس أروح اذبحها هاذي؟!!


للاسف الاهمال شديد جدا ..
ولأننا اول دفعه لابد نواجه كل المشاكل ..

مديناوي
2013- 2- 19, 05:19 PM
مساء الخير
اليوم حضرت ثلاث حصص حصة مشاهدة وحصتين درست فيها

الحصة الاولى لصف اول وثاني ودرستهم فيها قرأن

والحصة الثانية لصف سادس شرحت لهم جدول الضرب


لاحظت ان الشرح لهم لمدة قصيرة مو طويلة وعندهم النسيان كثير لازم من التكرار


الطلاب استياعبهم بطئ شوية ولا نكثر مدة الشرح لهم


والحصة الثالثة للصف الاول والثاني كانت مشاهدة شرح المعلم لمادة التوحيد




عندي سؤال الشرح يكون دقائق قليلة هل لاحظتم ذلك ؟

المستلمض
2013- 2- 19, 05:20 PM
الله حيهُم ,

اليوم وانا جالس في غرفة المعلمين دخل الوكيل وقال روح لفصل رابع لين يجي الاستاذ قلت حاضر ..

حسيتهم ملقٌف مره كل شوي اوص ولا صوت اسكتم كلن بكرسيه المهم قعدت اشرح لهم جدول الضرب يلا كل واحد يقوم يكتب ع السبوره سؤال ويختار طالب يجاوب .. صار فيه هدوء بهالوقت ... استاذ تكفى طلعنا تحت نلعب رياضه ؟

يا ابنائي انا مو مدرس رياضه والا طلعتكم وبعدين شمس وحررر <- يرقع لنفسه مابي ابتلش بهم خخخخخ


الين انتهت الحصه وقلت سلاااام <---


.

جوري الملتقى
2013- 2- 19, 05:47 PM
مساء الخير
اليوم حضرت ثلاث حصص حصة مشاهدة وحصتين درست فيها

الحصة الاولى لصف اول وثاني ودرستهم فيها قرأن

والحصة الثانية لصف سادس شرحت لهم جدول الضرب


لاحظت ان الشرح لهم لمدة قصيرة مو طويلة وعندهم النسيان كثير لازم من التكرار


الطلاب استياعبهم بطئ شوية ولا نكثر مدة الشرح لهم


والحصة الثالثة للصف الاول والثاني كانت مشاهدة شرح المعلم لمادة التوحيد




عندي سؤال الشرح يكون دقائق قليلة هل لاحظتم ذلك ؟



فعلا المعلمه قالت الدرس الواحد يتجزأ لهم لاكثر من حصه
فيئخذون جزئية بسيطة كل حصة ..

MISS EAMA
2013- 2- 19, 06:02 PM
السلام عليكم
بدأت يومياتنا في التطبيق :42:
أنا بديت من يوم السبت في مدرسة فيها دمج للصعوبات و أنا لوحدي في المدرسة ما معي أي أحد من جامعتي :44: ..
المدرسة جداً رائعه المديرة و الإداريات و المعلمات و خاصة معلمات صعوبات التعلم جداً رائعات فيه معلمتين و كانوا جداً متعاونات معي من أول يوم , و طبعاً عشان المدة قصيرة و ما تكفي أن أسوي مسح و تشخيص للحالات و أخذ حالة في لغتي و حالة في الرياضيات , قالوا خلاص راح نعطيك حالة من عندنا عشان تقدرين تعطينها 8 حصص على عدد الساعات الأساسية 8 و فعلاً أخذت حالة في الصف الأول و شفت التشخيص حقها .. و سويت ملفين ملف فيه المعلومات الشاملة و الموافقة و التشخيص و الأشياء الأساسية , و ملف الخطة التربوية الفردية اللي حطيت فيه جدول الحصص و الخطة التربوية الفردية ( الهدف بعيد المدى و الأهداف قصيرة المدى و الأهداف التدريسية ) و حطيت تحضير للدرس يعني طريقة العرض و طرق التعزيز و التقييم ....إلخ , و حطيت أوراق العمل , و سويت لوحة تعزيز بسيطة عشان أعزز للطالبة نهاية كل حصة و لما تنتهي الـ 8 حصص أعزز لها بهدية , يعني كنت أحاول أطبق كل شيء تعلمته بشكل نظري .
حضرت حصتين مشاهدة , و بديت يوم الأثنين بإعطاء أول درس للبنت , طبعاً كأن فيه أخطاء في عرض الدرس بس هم كانوا متعاونات مره معي و وضحي لي الأخطاء و أيش الأشياء اللي لازم أسويها و فيه أشياء كثير أعجبتهم في الدرس , و قالوا مش مشكلة لأنه أول مره و عشاني ما طبقت من أول .
عندي بكرا درس ثاني .. و أن شاء الله أتجنب الأخطاء اللي سويتها في الحصة الماضية ..
أهم شيء كان أني أحبب الطالبة فيني مثل ما قالوا لي عشان تتجاوب معي لأن كانت خجوله و هاديه جداً و تخاف شوي فكان لازم أحببها فيني و الحمد لله نجحت في هذي المهمة :21::13: ..

طبعاً لا تنسون تقييم المديرة و المشاركة في الأنشطة اللاصفية و الأمور الثانية اللي مطلوبة منا عشان نحصل على الدرجة الكاملة بإذن الله
وبالنسبة للدوام في الخطاب اللي وصل للمدرسة مكتوب لهم الدوام من 4/6 إلى 4/24 يعني ثلاث أسابيع مش أسبوعين و يومين
و أدوام من الساعة 6 و نص إلى الساعه 12 .. طبعا أن أجي 6 ونص عشان أحضر الطابور الصباحي عشان الأنضباط و الالتزام محاسبين عليه :42:

فالبنسبة لي كانت بداية جميلة ,, و القادم أجمل بإذن الله :29:


و بالتوفيق للجميع :21:

زهوور المحبة
2013- 2- 19, 08:14 PM
نتمنى للجميع التوفيق
من سار على الدرب وصل :1:خ

صبا الهفوف
2013- 2- 19, 08:20 PM
الله يوفقكم ان شاء الله
حبيت بس اقول ياليت اذا خلصتو تطبيق تقولون لنا اش الاخطاء الى وقعتو فيها علشان نتجنبها واش الاعمال الى سويتوها في التطبيق بشرح مفصل ,,,,

أبداع القلم
2013- 2- 19, 09:19 PM
ماشاء الله عليكم طلاب وطالبات الفكري وصعوبات :13:احس حماااس
انا كل مافكرت بحالنا مع التطبيق ودي اصيح :12:جد احتسنا والله كل مافكرت انكتم من الضيقه يالله انك تصبرنا وواللى مخوفني اكثر لغة الاشاره ماهي بذاك الزود عندي وتطبيقنا تاخر يالله انك تصبرنا ..
:44:

я α ω α ŋ
2013- 2- 19, 09:36 PM
اليوم مآحضرت ولآ حصه لأن الحصتين كلهآ كنت جآلسه مع أجتمآع الأمهآت .. وبعد مآخلصوآ رحت سلمت على أم وحدهـ من طآلبآتي وقلت اني جآيه تدريب ميدآني ورآح أمسك بنتهآ بكذآ درس وإن مدرستهآ رآح تكون معي وسألتهآ عآدي أخذ رقمك من عند سآرهـ عشآن أتوآصل معك وكذآ قآلت آوكِ والأم الثآنيه للأسف مآحضرت .. اليوم قلت لـِ سآرهـ يصير بكرآ أمسك نص الحصه وترآقبين سلبيآتي وإيجآبيآتي وإذآ حسيتي إني بدأت أضيع وقفيني وأمسكي الدرس و وآفقت فـ بكرآ رآح أبدأ أول تطبيق لي الله يستر ..
اليوم مسكت حصه أحتيآط عند بنآت سآدس كآن عندهم بعدهآ أختبآر توحيد وكل شوي يبون يطلعون يسألونهآ عآد شفت كلهم نفس السؤآل قلت تروح وحدهـ وتسأل عنكم كلكم .. وكل شوي نبي نروح دورة الميآهـ " وإنتم بكرآمه " عآد حرآم أسمح لهم بس أقول روحي ونآدي صآحبتك .. جتني وحدهـ تقول بتنزل تشتري فطور رحمتهآ صرآحه بس قلت لهآ بآقي حصه وتجي الفسحه أنتظري بس قآلت مآفطرت ورحمتهآ أكثر عآد قلت لهآ تنزلين بهدوووء لآ أحد يحس فيك وأسألي صآحبآتك يبون شيء يصير تشترين لهم مرهـ وحدهـ ويآحرآم أخذوآ ورقه وقلم وكتبوآآ الأشيآء وجمعوآ الفلوس وأتفقنآ ينزلون طآلبتين بس دخلت أستآذهـ التوحيد علينآ وقآلت مآشآء الله هذي المذآكرهـ بس أشوى مآشآفت الوضع بس كآن أزعآج فـ مآأنتبهت للطآلبآت بعدين قآلت بجي اللحين أختبركم فـ أعتذرت من البنآت وقلت كنت بسمح لكم تنزلون لأن كآنت حصه فرآغ ومآعندكم أحد لكن إللحين بتجيكم أستآذهـ فـ مآرآح أقدر أخليكم تنزلون وقلت للبنت ترجع الفلوس للبنآت إللي أخذت منهم وطلعت وبس ..

أبداع القلم
2013- 2- 19, 10:33 PM
اليوم مآحضرت ولآ حصه لأن الحصتين كلهآ كنت جآلسه مع أجتمآع الأمهآت .. وبعد مآخلصوآ رحت سلمت على أم وحدهـ من طآلبآتي وقلت اني جآيه تدريب ميدآني ورآح أمسك بنتهآ بكذآ درس وإن مدرستهآ رآح تكون معي وسألتهآ عآدي أخذ رقمك من عند سآرهـ عشآن أتوآصل معك وكذآ قآلت آوكِ والأم الثآنيه للأسف مآحضرت .. اليوم قلت لـِ سآرهـ يصير بكرآ أمسك نص الحصه وترآقبين سلبيآتي وإيجآبيآتي وإذآ حسيتي إني بدأت أضيع وقفيني وأمسكي الدرس و وآفقت فـ بكرآ رآح أبدأ أول تطبيق لي الله يستر ..
اليوم مسكت حصه أحتيآط عند بنآت سآدس كآن عندهم بعدهآ أختبآر توحيد وكل شوي يبون يطلعون يسألونهآ عآد شفت كلهم نفس السؤآل قلت تروح وحدهـ وتسأل عنكم كلكم .. وكل شوي نبي نروح دورة الميآهـ " وإنتم بكرآمه " عآد حرآم أسمح لهم بس أقول روحي ونآدي صآحبتك .. جتني وحدهـ تقول بتنزل تشتري فطور رحمتهآ صرآحه بس قلت لهآ بآقي حصه وتجي الفسحه أنتظري بس قآلت مآفطرت ورحمتهآ أكثر عآد قلت لهآ تنزلين بهدوووء لآ أحد يحس فيك وأسألي صآحبآتك يبون شيء يصير تشترين لهم مرهـ وحدهـ ويآحرآم أخذوآ ورقه وقلم وكتبوآآ الأشيآء وجمعوآ الفلوس وأتفقنآ ينزلون طآلبتين بس دخلت أستآذهـ التوحيد علينآ وقآلت مآشآء الله هذي المذآكرهـ بس أشوى مآشآفت الوضع بس كآن أزعآج فـ مآأنتبهت للطآلبآت بعدين قآلت بجي اللحين أختبركم فـ أعتذرت من البنآت وقلت كنت بسمح لكم تنزلون لأن كآنت حصه فرآغ ومآعندكم أحد لكن إللحين بتجيكم أستآذهـ فـ مآرآح أقدر أخليكم تنزلون وقلت للبنت ترجع الفلوس للبنآت إللي أخذت منهم وطلعت وبس ..

انتبهي لازم تكونين بين الشده والين وتكونين على نظام المدرسه عشان مممايمسكون عليك شي لانه لو صار لطالبتين شي او سوو خطاء انتي بتكونين المسؤله فلازم ننتبه كلنا لان 70 درجه بيدهم..:43:ان شاء الله تتقبلين نقدي وماتزعلين:29:

روعه الخالق
2013- 2- 20, 02:21 AM
انا الحمدلله بديت اشخص الحالات طبعا احاله من معلمه لي
عندي ثالث حالات صعوبات
الاملاء والقراءه و الرياضيات

وانهيت التشخيص والاوراق المطلوبه لجمع المعلومات وموافقه اولي الامر

وحددت الاهداف بعيده المدي وقصيره المدي

وبديت بالتزين الركن الخاص فيني من سبوره وبرتشين و هدايا تعزيزيه و وسائل تعليمه مساعده


بس ناقص لوحه التعزيز :22::22:

وان شااء الله راح ابدا بصياغه الاهداف


ومن هذا الملتقي الطلابي
اوجه بالشكر لمعلمتي وملهمتي
الاستاذه جيهان

Ambition
2013- 2- 20, 03:31 AM
يومياتكم صارت قصتي اللي اقراها قبل النوم

ربي يوفقكم وييسر اموركم ويسهلها عليكم ان شااء الله

غنج 2009
2013- 2- 20, 06:56 AM
الله يوفقكم ويسهل اموركم حبيت اسالكم اذا عندي اختي مدرسه صعوبات اقدر اطبق عندها ولاممنوع

هتوشة
2013- 2- 20, 08:10 AM
صباح الورد للجميع

بديت امس مع البنات والمشرفه كاان يووم ممتع

اخذت حالاتين ببداا معهم من السبت باذن الله
وحده لغتي والثانيه رياضيات
اخذت الاختبارات الي رااح اقيس من خلاله اداء الحاله

عقب اخذ موافقه ولي الامر
ويبداا المشوار معهم من يوم السبت باذن الله

اخذت فصل بحيث اجهزاء وكذاا بس احترت في فكره لوحه التعزيز ات
ياليت تعطوني افكار شووي تكون غريبه ومو تقليديه

وفيه اورق طلبت المشرفه اني اصوره
ورااح انزله باذن الله بس توصلني على الايميل

وبس هذاا جديدي

دمتم بحفظ الرحمن
من قلب الحدث
هتوشة :14:

شهر زاد:)
2013- 2- 20, 12:42 PM
عطونا معلومات او فكره عن الاعاقه السمعيه وكيف يكون دفتر التحضير:16:

أبداع القلم
2013- 2- 20, 01:11 PM
دفتر التحضير ملف تحطين في التحضير وان شاء الله راح نبدا السبت:34:

مديناوي
2013- 2- 20, 01:32 PM
مساء الخير


اليوم الثالث حضرت اربع حصص

درستهم الاولى قراءة والثانية وفقه اوقات الصلاة والمتبقي مشاهدة


ولسا ماسلموني جدول بس اقدر اختار اي فصل من صف اول الى صف سادس واحضر مشاهدة او اقول للمعلم المتعاون بشرح عنك عادي عندهم


المعلمين متعاونين ربي يسعدهم


في المشاهدة

لاحظت وجودو صعوبة في في الانظباط

وعدم تقيدهم بالانظمة

جربت معهم العقاب من التعزيز قلت لهم مافي فسحة لو مانظبطتو بس برضو يرجعو يكرورو الشي


وانا كنت متوازن معهم بعدم الحرية لاخر شي وبعدم التشدد لاخر درجة يعني في المتوسط


وبعض الاحيان مواقف تحتاج لها الشدة

الي جرب شي مع الانظباط يكتب تجربته

والي عنده خطة للاعاقة العقلية او ملفات او اي شي ينزلها هنا

لي عودة

بنت الجبيل.
2013- 2- 20, 03:11 PM
الله يوفقكم ي رب:11::11:
ي حظكم ماشلله بديتي تطبقوووووووون
شي جميييييييل:21::43:
اهم شي لا تنسونا نعلمونا بعد التخرج :21::2:

جوري الملتقى
2013- 2- 20, 04:30 PM
مساء الخيرات
اليوم كذلك فقط مشاهدة
بس انا حبيت اتعرف على بناتي اكثر ودخلت الفصل قبل المعلمه وتعرفت عليهم وعرفتهم بنفسي وسولفت معهم شوي ..، عشان يألفوني :21:
الحمد لله هم اذكياء والتعامل معهم سهل :1:

وكذلك في حصص الانتضار مع التعليم العام استغليت الفرصه واعطيت للطالبات دروس في لغة الاشارة :42:
وانبسطوو كثيييير :14:
الفصل كله طلب مني اعلمهم اسمائهم بأبجدية الاصابع :13:

الحمدلله تجربة جدا ممتعه :16:

راع الكهفة
2013- 2- 20, 05:11 PM
انا الحمدلله بديت اشخص الحالات طبعا احاله من معلمه لي
عندي ثالث حالات صعوبات
الاملاء والقراءه و الرياضيات

وانهيت التشخيص والاوراق المطلوبه لجمع المعلومات وموافقه اولي الامر

وحددت الاهداف بعيده المدي وقصيره المدي

وبديت بالتزين الركن الخاص فيني من سبوره وبرتشين و هدايا تعزيزيه و وسائل تعليمه مساعده


بس ناقص لوحه التعزيز :22::22:

وان شااء الله راح ابدا بصياغه الاهداف


ومن هذا الملتقي الطلابي
اوجه بالشكر لمعلمتي وملهمتي
الاستاذه جيهان

ماشاء الله عليك ياليت اختي تصورين لنا اعمالك اللى بديتي فيها وتنزلينها هنا
اذا ماتكلف عليك حتى نستفيد

راع الكهفة
2013- 2- 20, 05:14 PM
الله يوفقكم ويسهل اموركم حبيت اسالكم اذا عندي اختي مدرسه صعوبات اقدر اطبق عندها ولاممنوع

نعم تقدرين تطبقين عندها اذا في نفس المدينه اللى تختارينها

MISS EAMA
2013- 2- 20, 05:48 PM
انا الحمدلله بديت اشخص الحالات طبعا احاله من معلمه لي
عندي ثالث حالات صعوبات
الاملاء والقراءه و الرياضيات

وانهيت التشخيص والاوراق المطلوبه لجمع المعلومات وموافقه اولي الامر

وحددت الاهداف بعيده المدي وقصيره المدي

وبديت بالتزين الركن الخاص فيني من سبوره وبرتشين و هدايا تعزيزيه و وسائل تعليمه مساعده


بس ناقص لوحه التعزيز :22::22:

وان شااء الله راح ابدا بصياغه الاهداف


ومن هذا الملتقي الطلابي
اوجه بالشكر لمعلمتي وملهمتي
الاستاذه جيهان

ماشاء الله .. يعني سويتي أشياء كثير .. حلو و الله
أنا لما جيتهم قالوا ما عندك وقت تسوين مسح و إحالة و تشخيص فقالوا أمسكي حالة موجودة بالمدرسة عشان نقدر نقيمك ,, و لأني كنت لوحدي من جامعتي قالوا استخدمي غرفة المصادر
أما بنات التطبيق من كلية الدمام أعطوهم غرفة و أشتغلوا فيها و هم لهم 3 أسابيع مدوامين قبلي و عملوا مسح و إحالة و تشخيص و بيدون يوم السبت يعطون دروس و لهم حالتين وحده في لغتي و الثانية في الرياضيات بس هم أخذوا أسبوعين و زيادة يسون مسح و تشخيص عشان كذا الأدارة و معلمات صعوبات التعلم قالوا أني ما أقدر أسوي مثلهم :24:
حتى لوحة التعزيز طلبوا لوحة تعزيز بسيطه جداً , بس سويت الأشياء الثانية الخطة و كذا ..
و سويت ملفين ملف حطيت فيه الموافقة من ولي الأمر و المعلومات و اختبارات التشخيص اللي سوتها المعلمة للبنت , و ملف حق التحضير و الخطة التربوية الفردية ..

MISS EAMA
2013- 2- 20, 06:08 PM
يومياتي :13::33:
اليوم طبعاً أخذت حصتين حصة درست فيها مهارة و الحصة اللي بعدها أعطيتها تقييم
الحمد لله اليوم أحسن من الحصة اللي قبلها فيه شوي نقاط نبهتني عليها المعلمة و أن شاء الله أنتبه لها الحصة الجاية .. المديرة قالت لي أنها تبي تحضر لي درس و طلبت مني أحدد لها يوم مناسب فقاعده أفكر أسوي فيه درس نموذجي .

و بالنسبة للمطلوب منا اللي عليه عشر درجات , أيش قررتوا تعملوا ؟؟
أنا قلت بسوي ملف أنجاز راح أحط فيه ( حصص المشاهدة اللي حضرتها - الخطة التربوية الفردية - أوراق العمل - الأنشطة الصفية و اللاصفية - و يمكن الدرس النموذجي إذا سويت )
إذا فيه أفكار خلونا نجمعها و نفكر مع بعض عشان نضمن 10 درجات :29:

راع الكهفة
2013- 2- 20, 06:41 PM
التقييم امره سهل مارايح يقصرون بالتقييم
الاهم هو الفائده لنا من التطبيق

وانا سئلة الدكتور عن اللى يبي يزود على الحد الادنى قال ممكن ومافيه اشكاليه
اللى معه فرصه من عمله يزود الساعات حتى تكون افضل له عند التعيين او الوظيفه عن طريق الخدمه المدنيه
لكن ابي ارجع اسئله عن امكانية اضافة مثلا 100ساعه او 150 ساعه بالتقييم

я α ω α ŋ
2013- 2- 20, 08:55 PM
يوم الأربعآء .,~

اليوم سآرهـ كآنت غآيبه لأن أمهآ كآنت منومه بـِ المستشفى وتحآليل عآد أمس بعد الدوآم قآلوآ لهآ أكتشفوآ فيهآ سرطآن الله يشفيهآ يآرب :22:
فـ قآلوآ لي معلمتين رآح نحضرلك وأنآآآ مآكنت محضرهـ الدرس كله للأسف لأني أتفقت مع سآرهـ بس أعطي مقدمه للدرس المهم خذيت بنآتي وشكلهم حبوني وآيد بشوشين معي :1:
وعطيتهم درس لغتي وكآن فيه معلمه ترآقبني عشآن تقولي السلبيآت والإيجآبيآت لأن المعلمه الثآنيه كآن عندهآ درس ..
بعد مآخلصت الدرس خذتني وقآلت لي تعآملك حلو وبشوشه وهذآ شي رآح يسآعدك مع تعآملك مع الطآلبآت ..
لكن أنآ قلت لهم الحرف نكتبه بطريقتين والمفروض أقول يكون شكله كذآ أول الكلمه وكذآ في وسطهآ وكذآ في أخرهآ .. خطي صغير .. صوتي منخفض خآصه بـِ النسبه لبنآت السمعي يعني .. والطآلبآت كآنوآ مشتتآت قلت لهآ هين أنآ بكبري كنت مشتته لأنه أول تطبيق لي ومو محضرهـ له زين .. قآلت لي خلآص لآ تأخذينهم الحصه الثآتيه بس أرجعي حضري لـِ نفس الدرس بطريقه مختلفه وأعطيهم إيآهـ مرهـ ثآنيه يوم السبت :36:

غنج 2009
2013- 2- 20, 09:12 PM
نعم تقدرين تطبقين عندها اذا في نفس المدينه اللى تختارينها

زين متاكد ياخوي والله يجزاك خير مشكور

راع الكهفة
2013- 2- 20, 09:25 PM
زين متاكد ياخوي والله يجزاك خير مشكور

متأكد واذا انتي في حفر الباطن معليك نتوسط لك بالاداره

أسير بلآ قيود
2013- 2- 20, 09:39 PM
يوم الأربعآء .,~

اليوم سآرهـ كآنت غآيبه لأن أمهآ كآنت منومه بـِ المستشفى وتحآليل عآد أمس بعد الدوآم قآلوآ لهآ أكتشفوآ فيهآ سرطآن الله يشفيهآ يآرب :22:
فـ قآلوآ لي معلمتين رآح نحضرلك وأنآآآ مآكنت محضرهـ الدرس كله للأسف لأني أتفقت مع سآرهـ بس أعطي مقدمه للدرس المهم خذيت بنآتي وشكلهم حبوني وآيد بشوشين معي :1:
وعطيتهم درس لغتي وكآن فيه معلمه ترآقبني عشآن تقولي السلبيآت والإيجآبيآت لأن المعلمه الثآنيه كآن عندهآ درس ..
بعد مآخلصت الدرس خذتني وقآلت لي تعآملك حلو وبشوشه وهذآ شي رآح يسآعدك مع تعآملك مع الطآلبآت ..
لكن أنآ قلت لهم الحرف نكتبه بطريقتين والمفروض أقول يكون شكله كذآ أول الكلمه وكذآ في وسطهآ وكذآ في أخرهآ .. خطي صغير .. صوتي منخفض خآصه بـِ النسبه لبنآت السمعي يعني .. والطآلبآت كآنوآ مشتتآت قلت لهآ هين أنآ بكبري كنت مشتته لأنه أول تطبيق لي ومو محضرهـ له زين .. قآلت لي خلآص لآ تأخذينهم الحصه الثآتيه بس أرجعي حضري لـِ نفس الدرس بطريقه مختلفه وأعطيهم إيآهـ مرهـ ثآنيه يوم السبت :36:

الله يشفي أم أﻷستاذه ساره ويكون بعونها

والله يقويك يأستأذتنا الجديده شدي حيلك

بس مو داخله في راسي اني اشرح ويجي واحد يقولي غلط اشرح كذا ولا كان المفروض تسوين كذا وكذا وجيب كذا وكذا وكانه يذلني بالدرجات الي راح يعطيني

ما عليك من هذي الابله اسحبي عليها وان شاء الله أبلة ساره بتداوم يوم السبت وبتزين اموورك

MISS EAMA
2013- 2- 20, 11:23 PM
أختي я α ω α ŋ (http://www.ckfu.org/vb/u36805.html)
الله يشفي أم سارة يارب و يحفظ الجميع من كل شر

حبيبتي بالنسبة لك سويتي جدول للحصص و لا بديتي كذا ؟؟
لأنه لازم تكوني مسوية جدول عشان تقدرين تكونين مستعدة و معدة للدرس
و بالنسبة لي المعلمات يحضرون لي كل درس عشان يقيموني ..

و أنا أشوف أنه بالعكس أستفدت خلال الحصتين من حضورهم لي عشان أعرف وش أخطئت فيه و أتجنبه في الحصة الجاية و خاصة أننا ما طبقنا من قبل و ما عندنا خبره في هذا الموضوع ,, و لا تشوفينه أنتقاد بل توجيه لك ,,

يعني أنا قالوا لي بالحصة الأولى أن مقدمتي ضعيفة و أني المفروض أكتب عنوان الدرس و أيش راح نتعلم فيه ؟؟

كان درسي عن حرف الياء و كنت كاتبته في بطاقة عرضته على البنت و سألتها و جاوبت و حطيته على السبورة و بعدين بديت علطول بالدرس ..

المعلمة قالت لي المفروض أقول وش بنسوي خلال الدرس يعني أننا راح نتعرف على شكل حرف الياء و صوته ... إلخ

و هذي النقطة ما سويتها .. طبعاً قالوا لي أني توترت كثير و كنت مرتبكه بما أنه كان الدرس الأول :7:

و قالوا أفضل نبدأ الدرس بقراءة قصة أو أنشودة .. يعني مدخل حلو للدرس

و قالوا أنه أفضل أسأل البنت أكثر من أني أقرأ لها الكلمات و أني أخليها تطلع تكتب على السبورة و أطلب أنها تعطيني كلمات فيها حرف الياء ... إلخ

و طبعاً قالوا أني عززت البنت كثير :36: المفروض أعززها مرتين بالكثير و أنا عززتها أكثر من مره و بكل الأشكال معنوي و رمزي و مادي و هذا غلط لأن البنت بتمل من كثر التعزيز يعني أعززها مثلا بوضع نجمه في دفترها أو ورقة العمل بعد ما تحل و بعدين أعززها في لوحة التعزيز ..
و كثير من الأشياء اللي قالوها لي و جد استفدت منها

و على فكره هم لازم يحضرون لك عشان هم مطالبين بتقيمينا ..

متابعة ليومياتك .. موفقة يارب :29:

Ambition
2013- 2- 21, 02:20 AM
متأكد واذا انتي في حفر الباطن معليك نتوسط لك بالاداره

احممم

يعني نضمن الواسطه بعد سنه ان شاء الله :21:

مو تتخرجوا وتنسونا :14:

ربي يوفقكم:35:

نمارق هل
2013- 2- 21, 05:58 AM
الحمد لله باركولي :3:
انحلت المشكله وببدأ الدوام يوم السبت
بعد تععععععععب ,, :22: والله انه الى الآن جسمي يعورني من كثر مالفيت الدمام كلهاااااااا هالأسبوع
لأن كل موظفه بالوزاره كانت توجهني لمدرسه هي اختارتها,, وكنت ماالاقي اسمي وارجع الوزاره واسألهم والاقي اسمي بمدرسه ثانيه:4:
وفيه مره,, المدرسه طلبوا مني خطاب من الوزاره ورحت للوزاره لقيت اسمي بمدرسه ثانيه :32:
وهكذاااااا,, الحمد لله على كل حال..

"المهم"
قالو لي امسك فصل لمدة اسبوع ,, والاسبوع الثاني فصل آخر
وإذا حابه ابدل مع زميلاتي المتدربات ..عادي
علشان استفيد اكثر
المديره ماشاء الله تبارك الرحمن طييييييييييبه وعسسسسل

لي عوده بيومياتي

غنج 2009
2013- 2- 21, 06:18 AM
متأكد واذا انتي في حفر الباطن معليك نتوسط لك بالاداره
جزاك الله خير ماتقصر اخوي بس انا بالرياض

я α ω α ŋ
2013- 2- 21, 09:37 AM
أختي я α ω α ŋ (http://www.ckfu.org/vb/u36805.html)
الله يشفي أم سارة يارب و يحفظ الجميع من كل شر

حبيبتي بالنسبة لك سويتي جدول للحصص و لا بديتي كذا ؟؟
لأنه لازم تكوني مسوية جدول عشان تقدرين تكونين مستعدة و معدة للدرس
و بالنسبة لي المعلمات يحضرون لي كل درس عشان يقيموني ..

و أنا أشوف أنه بالعكس أستفدت خلال الحصتين من حضورهم لي عشان أعرف وش أخطئت فيه و أتجنبه في الحصة الجاية و خاصة أننا ما طبقنا من قبل و ما عندنا خبره في هذا الموضوع ,, و لا تشوفينه أنتقاد بل توجيه لك ,,

يعني أنا قالوا لي بالحصة الأولى أن مقدمتي ضعيفة و أني المفروض أكتب عنوان الدرس و أيش راح نتعلم فيه ؟؟

كان درسي عن حرف الياء و كنت كاتبته في بطاقة عرضته على البنت و سألتها و جاوبت و حطيته على السبورة و بعدين بديت علطول بالدرس ..

المعلمة قالت لي المفروض أقول وش بنسوي خلال الدرس يعني أننا راح نتعرف على شكل حرف الياء و صوته ... إلخ

و هذي النقطة ما سويتها .. طبعاً قالوا لي أني توترت كثير و كنت مرتبكه بما أنه كان الدرس الأول :7:

و قالوا أفضل نبدأ الدرس بقراءة قصة أو أنشودة .. يعني مدخل حلو للدرس

و قالوا أنه أفضل أسأل البنت أكثر من أني أقرأ لها الكلمات و أني أخليها تطلع تكتب على السبورة و أطلب أنها تعطيني كلمات فيها حرف الياء ... إلخ

و طبعاً قالوا أني عززت البنت كثير :36: المفروض أعززها مرتين بالكثير و أنا عززتها أكثر من مره و بكل الأشكال معنوي و رمزي و مادي و هذا غلط لأن البنت بتمل من كثر التعزيز يعني أعززها مثلا بوضع نجمه في دفترها أو ورقة العمل بعد ما تحل و بعدين أعززها في لوحة التعزيز ..
و كثير من الأشياء اللي قالوها لي و جد استفدت منها

و على فكره هم لازم يحضرون لك عشان هم مطالبين بتقيمينا ..

متابعة ليومياتك .. موفقة يارب :29:



آمين يآرب ..
بـِ النسبه للجدول رآح أمسك نفس جدول سآرهـ هي حصتين كل يوم ووزعنآ الدروس بيننآ يعني لمآ تخلص من درسهآ ابدأ أنآ للدرس إللي أخترته وعندي أورآق رآح أحضر فيهآ الأهدآف طويلة المدى والأهدآف قصيرة المدى والأهدآف التدريسيه وهي نصحتني أحضر الدروس كلهآ مرهـ وحدهـ مو أنطر لمآ يجي يومهآ .. إيي حتى أنآ أستفدت من تقييمهآ لأدآئي لأن هـ الشيء بصآلحي بس لأزم أتجنب الأخطآء إللي نبهتني عليهآ والآ رآح يكون هـ الشيء ضدي ..
كلنآ أول تطبيق مرتبكين وحآلتنآ حآله خآصة النوع إللي يكرهـ أحد يرآقبه وهو يشتغل مثل حآلآتي :31:
بـِ النسبه للسبورهـ فيه أحجآم صغيرهـ ممكن تجيبينهآ لهم مرررهـ ينبسطوآ فيهآ كل درس طلعيهآ لهم يكتبون عليهآ أو أكتبي عليهآ الجمل وأنطقيهآ وخليهم يحطون دآئرهـ عليهآ .. بـِ النسبه لـِ مقدمة الدرس ممكن تكتبين قرآءة وكتآبة حرف وتخلينهم هم يستنتجون الحرف مثلاً أشري بيدك وقولي هذي إيش هم رآح يقولون يد أو أكتبي لهم كلمآت وقولي إيش الحرف إللي تكرر يعني كأنك تلعبين حآولي تسألينهم أكثر من إنك تلقنينهم وموفقه :16:

جوري الملتقى
2013- 2- 21, 09:57 AM
روان انتي لاي مرحله تشرحين ؟

انا عندي شرح لفصل سادس يوم الاحد والمادة فقه درس زكاة الفطر :34:
ان شاء الله اليوم بشتغل في تحضير الدرس وتحديد الاهداف ..
وافكر بتعزيز ينشطهم :17:

я α ω α ŋ
2013- 2- 21, 10:08 AM
صف أولى أبتدآئي عندي طآلبتين ., وحدهـ ضعف سمع وتستخدم سمآعآت والثآنيه زرآعة قوقعه وعمرهآ اللغوي سنتين :1:

قمر الصباح
2013- 2- 21, 11:00 AM
مرحباجيرنا مستوى ثامن:14: حبيت اسئلكم
بالنسبه للي تخصص إعاقه سمعيه
"" كيف تدريبكم صعب يطلبون منكم اتقان لغة الاشاره ؟
"""وجهوكم لمدارس فيها إعاقات سمعيه؟
"""وهل ممكن اتدرب بمستشفى افضل؟

انتظر ردودكم انا شايله هم ما ابي اتدرب بمدرسه:36: وإلى الحين ما اتقنت اللغه تمااام

MISS EAMA
2013- 2- 21, 12:13 PM
أيه أختي روان الحمد لله في الدرس الثاني تجنبت أكثر الأخطاء بالدرس الأول و الحمد لله عدت على خير
و بصراحه استفدت من ملاحظات المعلمات ..
أنا عندي طالبة وحدة و المفروض أخذها 8 حصص بس راح أخذها 9 كل أسبوع 3 حصص لأنه في حصص تقييم
و ودي أكمل عشان أستفيد أكثر بس لأن البنت مش حالتي في الأساس حالة المعلمة و لازم هي تكمل معها فما أتوقع يخلوني أكمل الإ إذا كنت مشاهده أو بديلة في حال غياب المعلمة بس مش أساسية لأخر السنة

و موفقين يارب

я α ω α ŋ
2013- 2- 21, 12:47 PM
مرحباجيرنا مستوى ثامن:14: حبيت اسئلكم
بالنسبه للي تخصص إعاقه سمعيه
"" كيف تدريبكم صعب يطلبون منكم اتقان لغة الاشاره ؟
"""وجهوكم لمدارس فيها إعاقات سمعيه؟
"""وهل ممكن اتدرب بمستشفى افضل؟

انتظر ردودكم انا شايله هم ما ابي اتدرب بمدرسه:36: وإلى الحين ما اتقنت اللغه تمااام

بـِ النسبه للمدرسه إللي أنآ فيهآ رآفضين لغة الأشآرهـ ومآيسمحون لنآ نتعآمل فيهآ لأنهآ تستخدم في حآلآت الصمم الكلي .. إيي أنآ في مدرسه فيهآ أعآقه سمعيه وأستخدم غرفة المصآدر لتدريسهم .. أخر سؤآل مدري والله يصير أو لآ

جوري الملتقى
2013- 2- 21, 01:45 PM
مرحباجيرنا مستوى ثامن:14: حبيت اسئلكم
بالنسبه للي تخصص إعاقه سمعيه
"" كيف تدريبكم صعب يطلبون منكم اتقان لغة الاشاره ؟
"""وجهوكم لمدارس فيها إعاقات سمعيه؟
"""وهل ممكن اتدرب بمستشفى افضل؟

انتظر ردودكم انا شايله هم ما ابي اتدرب بمدرسه:36: وإلى الحين ما اتقنت اللغه تمااام

المدرسة اللي انا فيها عندهم فصول دمج وفصلين درجة فقدانهم السمعي من متوسط الى كلي وهم اللي بنتعامل معهم ..،
فنستخدم معهم لغة الاشارة وابجدية الاصابع ..
ضروري تكوني اتقنتي اللي درسناها ..

اما بخصوص المستشفى ماعندي فكرة ..

راع الكهفة
2013- 2- 21, 01:58 PM
احممم

يعني نضمن الواسطه بعد سنه ان شاء الله :21:

مو تتخرجوا وتنسونا :14:

ربي يوفقكم:35:

ابشري ماننسا حتى لو تخرجنا :21::21::21::21:

L-A
2013- 2- 21, 03:03 PM
معليه سؤال مضيع بس مااحبيت افتح له موضوع عندكم وازاحمكم بالقسم
ا ياحلوات انا بيبقى لي مادة مع التطبيق الميداني مااخذتها الي هي التوجيه والارشاد حقت مستوى رابع
ابي اعرف جدول اختباركم يمكن نفسه للترم الي بيجي لان جد خايفه تتعارض واجلس عشانها سمستر كامل
وبس موفقين

راع الكهفة
2013- 2- 21, 03:13 PM
معليه سؤال مضيع بس مااحبيت افتح له موضوع عندكم وازاحمكم بالقسم


ا ياحلوات انا بيبقى لي مادة مع التطبيق الميداني مااخذتها الي هي التوجيه والارشاد حقت مستوى رابع

ابي اعرف جدول اختباركم يمكن نفسه للترم الي بيجي لان جد خايفه تتعارض واجلس عشانها سمستر كامل
وبس موفقين






هلا اختي القسم والموضوع لك وللجميع


الاجابه تقدرين تاخذينها والتطبيق تربية خاصه
ليس له جدول اختبار فقط
الموجود بالجدول التدريب الميداني2 ((كلية آداب))

يعني مافيه تعارض مع العملي



العملي تطبيق ميداني 70 درجه و30 درجه من الدكتور يطلب فيها اعمال او بحث
هذي المعلومات اللى عندنا



:21::21::21:

آلقلب آلطفولي
2013- 2- 21, 03:54 PM
..

مرحبا :29:

يعطيكم العافيه جميعاً .. مووفقين يااارب

بالنسبة ليومياتي ( الاسبوعيه ) :5:

بدأت دوام يوم الأثنين ,, كان المفروض اروح الأحد بس مره كنت تعبانه وأجلته

دوامي في مدرسة ابتدائية ومسكوني صف ثاني ابتدائي

الفصل فيه 3 بنات ,, درجة الفقد السمعي متوسطة ,, يستخدمون سماعات ,.

واستخدامهم للغة الاشاره خفيف جداً جداً جداً ,. النطق عندهم جيد

يوم الاثنين والثلاثاء والاربعاء كان مشاهده .. وساعدت المعلمه شوي في التقييم اليومي ومراقبة حل اوراق العمل :21::13:

ان شاء الله من السبت راح نجتمع مع المسؤوله عنا والمديرة وراح نرتب جدول يخدمنا بشكل كامل

واتفقنا تكون فترة التدريب شهر كامل << المديرة اقترحت علينا .. والحلو طلع كلنا متفرغين وودنا بهالشي والحمدلله اتفقنا عليه :35::3:

الاداره والمدرسات والطالبات مرره حليوين وارتحت معاهم :2:

وياارب يوفقنا ونخلص فترة التدريب على خير

من الحين احس بشتاق لهم نهاية التدريب :18::44: << تو بسم الله اصبري يمر اسبوعين بعدين ابكي :5:

majed99
2013- 2- 21, 07:16 PM
يوم الاربعاء ولله الحمد داومت من بداية الطابور الى الحصة الرابعة .. الحصة الاولى حضرتها في فصل فيه طالبين (عوق متعدد) وكانت الحصة قراءة وكتابة كنت مشاهد فقط بطلب مني حتى اكسر الحاجز اللي (بيني وبين نفسي) وبعدها بدأت الحصة الثانية وكانت علوم كان في الفصل اربعة طلاب شرحلهم الاستاذ وكانت معلومات جدا بسيطة بالنسبة لنا ولكن جدا صعبة عليهم (سبحان الخالص) وبعدها الحصة الثالثة وكانت دين مع نفس الطلاب وكانت عن الوضوء ... بعدها نزلت في غرفة المدرسين الى ان انتهت الحصة الرابعة وبعدها قال لي المشرف خلاص اليوم خلصنا ويوم السبت راح نضبط جدولك تمشي عليه.....
وهكذا انتهى يوم الاربعاء
اللي مستغربه ان مدة الحصة (45 دقيقة)!!
طبعا تطبيقي في معهد التربية الفكرية

صبا الهفوف
2013- 2- 21, 11:21 PM
الله يكتب اجركم ويوفقكم
والله صرت ادخل الملتقى عليكم سيده ونسيت ان عندي مستوى ادرس فيه لاني خايفه من التطبيق وانا مو جرئيه يعني ما احب احد يناظر فيني او يحاسبني فما اعرف اش بشوي في التطبيق ؟؟؟
احس اني بروح كذا:38: بس ما ادري وين الله قاطني

نمارق هل
2013- 2- 21, 11:38 PM
معلومه للمتدربات للإعاقه السمعيه:21:
فيه طريقه حلوه أنا استخدمها علشان اتدرب على لغة الإشاره
أوقف قدام مرايه واحاول اركب كلمات فـ جمل فـ سوالف :27: كلها بالاشاره طبعاً:42:...... ليما اتدرب..
فيه وحده علمتني هالطريقه الله يجزاها خير لما كنت بتحفيظ القرآن وكانت تدربنا على كيفية مخارج الحروف بالتجويد,, قالت أفضل طريقه وانتي قدام المرايه ,, فقلت خليني استخدم لغة الاشاره بهالطريقه..
وحلو ناخذ معنا نوته صغيره بالجيب وحنا بالمدرسه علشان نكتب فيها اذا توهقنا وماعرفنا نأشر:8:

L-A
2013- 2- 22, 04:33 PM
هلا اختي القسم والموضوع لك وللجميع


الاجابه تقدرين تاخذينها والتطبيق تربية خاصه
ليس له جدول اختبار فقط
الموجود بالجدول التدريب الميداني2 ((كلية آداب))

يعني مافيه تعارض مع العملي



العملي تطبيق ميداني 70 درجه و30 درجه من الدكتور يطلب فيها اعمال او بحث
هذي المعلومات اللى عندنا



:21::21::21:

http://montada.rasoulallah.net/uploads/monthly_07_2011/post-25052-0-67290800-1311503393.gif

حلمها طفله
2013- 2- 23, 02:40 AM
رااااائعين ويومياتكم ماشاء الله تفتح النفس وتحمس ,,,,اسأل الله لكم التوفيق والسداد ... اخواني اخواتي انا الان مستوى سادس ولكن لدي بعض الاستفسارات اتمنى تخدموني وتساعدوني فيها ,,,
اولاً//انا اسكن بمنطقة الباحه وسمعت ان الجامعه لم تضع المنطقة ضمن مناطق التطبيق او الميداني مع العلم اني تخصص صعوبات تعلم يعني صراحه هالمشكله مسببتلي قلق من الان .؟؟؟؟
ثانياً // أنا خريجة معهد معلمات ومعلمه بالقطاع الحكومي وخبره اكثر من 10 سنوات ولله الحمد فسؤالي هل لااااازم اطبق اقصد ماممكن تشفعلي خبرتي عن التدريب؟؟؟
ثالثاً// سؤالي للموظفين والموظفات كيف راح يكون وضعكم مع الدوام في فترة الميداني ؟؟هم والله
اخيراً اسفه على الاطاله لكن اتمنى تساعدوني واذا ممكن تستفسرون من المراكز اللي تطبقون فيها عن وضعي اكون لكم من الشاكرين

قـف و نـاظـر
2013- 2- 23, 03:51 AM
بالتوفيق لكم .. بصراحة ما عاد ادخل مستوى سابع الا قليل تشتت ذهني بالتطبيق الله ييسره لي ولكم ..

سؤالي للطلاب احد طبق في الرياض (غرب الرياض) أو اي مكان بالرياض وبإي مدرسة (التخصص صعوبات التعلم) و اقدر اختار المدرسة لان عندي بغرب الرياض مدرسة سمعت واحد ممن خوياي يقول فيها صعوبات تعلم هي مدرسة عادية بس فيها مدرسين صعوبات التعلم ..

انتظركم يا طلاب الرياض

يارب تحقق أملي
2013- 2- 23, 04:42 AM
احوي راع الكهفه الله يجزاك
حابه اسألك
انا مساري اعاقه عقليه من حفرالباطن
اذا طبقنا وين نطبق بمدرسه ولامعهد
انا اشوف المدرسه العاديه مافيهم اعافات
ياليت ترد علي
:29:

مديناوي
2013- 2- 23, 06:27 AM
احوي راع الكهفه الله يجزاك
حابه اسألك
انا مساري اعاقه عقليه من حفرالباطن
اذا طبقنا وين نطبق بمدرسه ولامعهد
انا اشوف المدرسه العاديه مافيهم اعافات
ياليت ترد علي
:29:




اجاوبك بالنيابة عنه


بامكانك التطبيق بمعهد او مدرسة حسب اختيارك اذا ماكان احد قبلك اختارها


وحاولي تاخذي الاقرب من بيتك



التطبيق يكون بمعهد او مدرسة



والمدرسة العادية فيها صفوف اعاقة عقليه من صف اول الى صف سادس
الي هي تربية فكرية

وانا اطبق في مدرسة عادية
فيها طلاب ضعيفي العقل ومتلازمة داون وطالب واحد توحد

verymoon*14
2013- 2- 23, 08:29 AM
رااااائعين ويومياتكم ماشاء الله تفتح النفس وتحمس ,,,,اسأل الله لكم التوفيق والسداد ... اخواني اخواتي انا الان مستوى سادس ولكن لدي بعض الاستفسارات اتمنى تخدموني وتساعدوني فيها ,,,
اولاً//انا اسكن بمنطقة الباحه وسمعت ان الجامعه لم تضع المنطقة ضمن مناطق التطبيق او الميداني مع العلم اني تخصص صعوبات تعلم يعني صراحه هالمشكله مسببتلي قلق من الان .؟؟؟؟

اولا / يمكن الاترام الجايه يسمحون يالتطبيق في الباحه كل ترم غير عن الي قبله متأكده انه راح يفتحون تطبيق بمنطقتك (تفاؤلو بالخير تجدوه ) احنا عشان اول دفعه التجارب كلها فينا :24:


ثانياً // أنا خريجة معهد معلمات ومعلمه بالقطاع الحكومي وخبره اكثر من 10 سنوات ولله الحمد فسؤالي هل لااااازم اطبق اقصد ماممكن تشفعلي خبرتي عن التدريب؟؟؟

لازم تطبيق حتى لو لك مليون سنه مالهم دخل يعاملونك طالبه بجامعه فيصل بس مالهم دخل بمجالك الي انتي فيه ابد .. للاسف لازم تطبقين

بس حاجه يمكن تفيدك لو فيه في مدرستك دمج تطبقين فيها :21:


ثالثاً// سؤالي للموظفين والموظفات كيف راح يكون وضعكم مع الدوام في فترة الميداني ؟؟هم والله

تاخذين اجازه فتره التطبيق بموجب الورقه الي من الجامعه على انك تطبقين يعطونك اجازه


اخيراً اسفه على الاطاله لكن اتمنى تساعدوني واذا ممكن تستفسرون من المراكز اللي تطبقون فيها عن وضعي اكون لكم من الشاكرين


العفو تحت امرك :21: :29::16:

verymoon*14
2013- 2- 23, 08:36 AM
بالتوفيق لكم .. بصراحة ما عاد ادخل مستوى سابع الا قليل تشتت ذهني بالتطبيق الله ييسره لي ولكم ..

انا انصحك تركز بالمستوى الي انت فيه ولا تشتت نفسك بشي بعيد عنك عشان تجيب معدل زين :21: والتطبيق مره سهالات ومتعه لاتخاف ابد وكل شي تمام لاتقلق

سؤالي للطلاب احد طبق في الرياض (غرب الرياض) أو اي مكان بالرياض وبإي مدرسة (التخصص صعوبات التعلم) و اقدر اختار المدرسة لان عندي بغرب الرياض مدرسة سمعت واحد ممن خوياي يقول فيها صعوبات تعلم هي مدرسة عادية بس فيها مدرسين صعوبات التعلم ..

انتظركم يا طلاب الرياض

ايوا الرياض يطبقون معانا وكل الرياض مو بس مكان معين اي مدرسه بالرياض فيها صعوبات تقدر تطبق فيها على كيفك في اي مدرسه تبغى لان الرياض من المناطق الي فيها تطبيق

ارتاح تقدر تطبق في اي مدرسه قريب بيتك :21:

رَحيق الورد
2013- 2- 23, 11:56 AM
ماشاءالله تبارك الرحمن :43:
متابعه لكم بصمت:31:


ودي اسال بنات ابها /شنهي مدارس الدمج للاعاقه العقليه الي بابها؟؟

verymoon*14
2013- 2- 23, 12:49 PM
^

^^

ابحثي في قوقل بتلاقين مدارس ومعاهد كثير اختاري بعدين الاقرب لمنطقتك اذا الله اراد لك :2:

دولار السعودية
2013- 2- 23, 01:05 PM
الله يرحم والدك رحمة واسعه,, لا تنسى انه ربي معاك

الله يوفقك:16:

لاتكتب كذا مره ثانيه بكيتني بقوه:12:



:24::8:

اللهم آآآآآمين وجزاك الله خير

ابشري ماراح اكتبه مره ثانيه

:2:

نوره#
2013- 2- 23, 06:02 PM
,’

مساء النورَ
ربي يوفقكم صبايا والجميع بالتطبيق ويومياتكم رائعه وحمااس :2:

الحين بتكلم عن حالتي :30: طبعاً مثل الكثير الي خبصو وانتقلو من مدرسه للثانيه
بالاول وجهوني لمعهد الامل وللاسف ماكان فيه تخصصي صعوبات تعلم بصراحه حبيت الوضع بالمعهد والمديره قمة بالطيب والروعه وطالبات التطبيق مره لطيفات , ف كلمة مسئولة التدريب وخبرتني اتوجه لمدرسة 17 ورحت طوالي لها بعد ماضيعت بالشوارع وفريت الدمام بكبرها :42: وجلست اكثر من ساعه بس انتظر المديره تنتهي من الاجتماع وللاسف برضو المدرسه مافيها صعوبات فيها اعاقه عقليه واعاقة سمعيه فقالت روحي لادارة التربيه وطلعت للادارة التربيه و وجهوني لابتدائية 36 بحي الروضه :39: وبكرا بروح واشوف الوضع اليوم احسني رجعت هلكاناا للبيت ومتكسره :4:

- بس سؤال صباايا في احد يطبق ب مدرسهَ 36 بحي الروضه تخصص صعوبات تعلم او نو ؟


:16::16::16::16: < وهذي لكم تقاسموهاا

MISS EAMA
2013- 2- 23, 07:57 PM
,’

مساء النورَ
ربي يوفقكم صبايا والجميع بالتطبيق ويومياتكم رائعه وحمااس :2:

الحين بتكلم عن حالتي :30: طبعاً مثل الكثير الي خبصو وانتقلو من مدرسه للثانيه
بالاول وجهوني لمعهد الامل وللاسف ماكان فيه تخصصي صعوبات تعلم بصراحه حبيت الوضع بالمعهد والمديره قمة بالطيب والروعه وطالبات التطبيق مره لطيفات , ف كلمة مسئولة التدريب وخبرتني اتوجه لمدرسة 17 ورحت طوالي لها بعد ماضيعت بالشوارع وفريت الدمام بكبرها :42: وجلست اكثر من ساعه بس انتظر المديره تنتهي من الاجتماع وللاسف برضو المدرسه مافيها صعوبات فيها اعاقه عقليه واعاقة سمعيه فقالت روحي لادارة التربيه وطلعت للادارة التربيه و وجهوني لابتدائية 36 بحي الروضه :39: وبكرا بروح واشوف الوضع اليوم احسني رجعت هلكاناا للبيت ومتكسره :4:

- بس سؤال صباايا في احد يطبق ب مدرسهَ 36 بحي الروضه تخصص صعوبات تعلم او نو ؟


:16::16::16::16: < وهذي لكم تقاسموهاا


ياقلبي أنتي المفروض لما تروحين لإدارة التعليم يطلعون لك أسماء المدارس اللي فيها صعوبات تعلم مو تروحين كل مدرسة تشوفين إذا كان فيها أو لا ؟؟
حرام هالتعب و تضيع الوقت
الله يكون بعونك .. و موفقة يارب :16:

كالقمر وحيدة
2013- 2- 23, 08:53 PM
مديناوي

نصيحه مني انا الحين اتدرب في روضة اطفال وهي دمج قبل التطبيق

اسلوب العقاب يخليهم يعاندون والعناد حيييييل عندهم

بس استخدم التعزيز من اول ماتدخل خلي هدايا بسيطه معاك وخبرهم اللي راح ينضبط بتكافئة في نهاية الحصه :19:

انا جربتها مع الاطفال وهم عنيدين مره :44:

وبصراحه فادة مرااااااا:21:

فصرت كل يوم انوع التعزيز بشيء يحبونه

وبالتوفيق لكم :16:

ريومة الشرقية
2013- 2- 23, 09:40 PM
السلام عليكم
اخباركم يامتدربين ومتدربات؟
عساكم ع القوة ويعطيك الصحة والعافية :16:
ابسألكم سؤال شطحة شوي :35:
الحين اذا تدربتوا وخلصتوا في امكانية يوظفونكم عندهم ولا؟

نوره#
2013- 2- 23, 10:57 PM
ياقلبي أنتي المفروض لما تروحين لإدارة التعليم يطلعون لك أسماء المدارس اللي فيها صعوبات تعلم مو تروحين كل مدرسة تشوفين إذا كان فيها أو لا ؟؟


حرام هالتعب و تضيع الوقت
الله يكون بعونك .. و موفقة يارب :16:


,’

يبَ المفروض لكن وضعوني عشوائي وكلمت مسئولة التدريب وخبرتها بتخصصي ووجهتني للمدرسة الخطاء للمرة الثانيه فرحت لادارة التربيه ولمديرة التربيه الخاصه واعطتني المدارس الي فيها تخصصي بكرا بروح وان شاء الله خير ..

امييين واياكَ يَ عسسسسلز


*

سؤال صبايا : في احد يتدرب بمدرسة 36 بحي الروضى .؟

زهوور المحبة
2013- 2- 23, 11:56 PM
من سار على الدرب وصل
:3:

يارب تحقق أملي
2013- 2- 24, 03:01 PM
اخوي مديناوي جزاك الله خير ماقصرت بس ماضنتي بحفرالباطن طالبات فيهم اعاقات يدرسون مع العاديات

ومدارس البنات بالحفر للان ماطبقت الدمج وماعندنا الامعهد الامل واناصراحه ماودي بمعهد ودي بمدرسه
:42:

Deemah
2013- 2- 24, 04:02 PM
وآنتو تتكلموون عن يومياتكم تذكرت فترة تدريبي :44:

> متآبعهه بصصصمت

:1:

N O O R A
2013- 2- 24, 04:06 PM
ماشاء الله قريت ردودكم رد رد وتحمست معكم
الله يبلغنا ويجي هاليوم ان شاء الله
وموفقين كلكم الله لايضيع لكم تعب

بنات اعاقه سمعيه بالخبر مالكم حس
علمونا وش صار معكم ووين المدراس الي عندنا

روعه الخالق
2013- 2- 24, 06:08 PM
ماشاء الله عليك ياليت اختي تصورين لنا اعمالك اللى بديتي فيها وتنزلينها هنا
اذا ماتكلف عليك حتى نستفيد


اخوي ان شاء الله ابحاول بس انا ادخل عن طريق الا يباد

روعه الخالق
2013- 2- 24, 06:12 PM
اليوم تقريبا خلصت كل شي من معلومات عن الطالبات الثلاثه
وبديت حددت الاهداف التدريسيه
والنموذج اليومي للدرس
وحضرت حصه انتظار عند طالبات صف اول يالبي البراءه

وحضرت حصه مشاهده عند احد المعلمات طبعا علشان اشوف تفاعل طالبتي بغير ماده الصعوبات واسال عنها بس للاسف قالت لي الاستاذه ابدا مافيه تفاعل معي
ان شاء الله بكره اصور ركني
وبكره عندنا درس نموذجي للمعلمه الصعوبات تبي تشرح وحنا نشوف

MISS EAMA
2013- 2- 24, 09:52 PM
اليوم تقريبا خلصت كل شي من معلومات عن الطالبات الثلاثه
وبديت حددت الاهداف التدريسيه
والنموذج اليومي للدرس
وحضرت حصه انتظار عند طالبات صف اول يالبي البراءه

وحضرت حصه مشاهده عند احد المعلمات طبعا علشان اشوف تفاعل طالبتي بغير ماده الصعوبات واسال عنها بس للاسف قالت لي الاستاذه ابدا مافيه تفاعل معي
ان شاء الله بكره اصور ركني
وبكره عندنا درس نموذجي للمعلمه الصعوبات تبي تشرح وحنا نشوف

ماشاء الله عليك أختي .. يعطيك العافية


حبيت اسألك كم طالبة أنتي أخذتي .. لأن اللي أعرفه كل وحدة تأخذ طالبتين وحدة لغتي و وحدة رياضيات ..؟؟

MISS EAMA
2013- 2- 24, 09:58 PM
يومياتي :33:
اليوم كنت سعيدة جداً لأني أخيراً أعطيت الدرس الثاني كان كل مرة يتأجل أما لأن معلمة البنت تبها في الحصة و ما تسمح لها تروح لغرفة المصادر أو تكون غرفة المصادر كلها مشغولة ..
أخذت البنت اليوم و الحمد لقيت عندها تفاعل كثير و الأهم أن البنت حبتني لأن معلماتها يقولون ما تتفاعل بسرعه و تخاف و هادية و مراح تتجاوب معك بس الحمد لله البنت تفاعلت معي و أحس أنها تحمست لما قلت لها تجي معي ..
درسي اليوم كان عن الحركات و الحمد لله المعلمات قالوا أني أحسن بكثير من المرة الأولى و البنت كانت تجاوب على أسئلتي و متفاعلة معي ..
الحمد لله اليوم كنت خايفة لأني خفت البنت ما تتفاعل معي بس اللهم لك الحمد كل اللي كنت خايفة منه راح أول ما بدأت ..
أن شاء الله الأيام الجاية تكون أفضل
بالتوفيق للجميع :29::16:

مديناوي
2013- 2- 24, 10:43 PM
نزلت محاضرات بالبلاك بورد للتدريب الميداني


شفت التمهيدية

في واجبات وفي مناقشة في المنتدى وفي ثلاث لقاءات مباشرة عليها ال 30 درجة المتبقية

ليه كذ1
2013- 2- 25, 03:02 AM
السلام عليكم

جد يومياتكم مرره حمست الجميع الله يوفقكم ويسهل دربكم وعقبالنا :1:



حبيت اسئل عن مادة التدريب الميداني تختبرونها ولا درجات التطبيق مع الاعمال الفصليه تكفي

واذا لها اختبار باي يوم محدد لكم

جوري الملتقى
2013- 2- 25, 04:00 AM
يسعد صباحكم ..

امس كان اول شرح لي ..
الحمدلله تفاعل البنات معي رائع ومتساعديين :1:
توترت اول خمس دقايق بعدين الوضع صار اوكي :21:
وكأول محاوله قالت لي معلمتي التقييم ممتاز واتقنت الاشارات :14::3:

عقبال الشرح الثااني :21:

جوري الملتقى
2013- 2- 25, 04:03 AM
السلام عليكم

جد يومياتكم مرره حمست الجميع الله يوفقكم ويسهل دربكم وعقبالنا :1:



حبيت اسئل عن مادة التدريب الميداني تختبرونها ولا درجات التطبيق مع الاعمال الفصليه تكفي

واذا لها اختبار باي يوم محدد لكم

وعليكم السلام ورحمة الله وبركاته
مافيه اختبار .. تطبيق مع الاعمال الفصلية ..

verymoon*14
2013- 2- 25, 07:44 AM
الحمدلله اخيرا تم توجيهي لمدرسه ثانيه بعد تعب وشقى وقله حيا ومرمطه :32:

عسى ربي يسهلها وتمر على خير الله يختار لنا الصالح في الامور كلها يارب

عقبال التخرج ونفتك :24:

هتوشة
2013- 2- 25, 08:31 AM
صباح الخير

يبنتي الحمدالله تتيسر من ربك
يالله ايام وتعدي بس انتي شدي الهمه وانا اختك

هتوشة
2013- 2- 25, 08:40 AM
يوه نسيت اقولكم انو اموري تمام مع المدرسه الي انا فيه

وخلاصت وحده من البنتين الي عندي اختبار اداء حاله الي هي لغتي واستناء موافقه ولي الامر
بديت احط له خطه فرديه واحدد الاهدف يعني بدت الامور تترتب معي

وراح ابد في الثانيه اليوم الي اهي ريااضيات واشوف وضعه كيف عشان تكون حوستهم وحده
والحمد الله على كل حال
من قلب الحدث
هتوشة:29:

دفء المشاعر
2013- 2- 25, 08:50 AM
هتوشه اي مسار انتي ؟

هتوشة
2013- 2- 25, 10:39 AM
صعوبات تعلم

روعه الخالق
2013- 2- 25, 05:19 PM
انا عندي ثالث طالبات
صف خامس قراءه
وصف خامس واملاء
وصف ثالث رياضيات

اهم شي ان الاستاذه قالت ماراح اقيمك علي ارتفع مستوي الطالبه لان فيه طالبه صف خامس الحروف ماتعرفها ومع ذالك تنجح كل هالسنوات :22:

MISS EAMA
2013- 2- 25, 07:03 PM
انا عندي ثالث طالبات
صف خامس قراءه
وصف خامس واملاء
وصف ثالث رياضيات

اهم شي ان الاستاذه قالت ماراح اقيمك علي ارتفع مستوي الطالبه لان فيه طالبه صف خامس الحروف ماتعرفها ومع ذالك تنجح كل هالسنوات :22:

ياعمري عليك أخذتي ثلاث حالات كيف تقدرين تعطينهم في هالوقت القصير
و بالنسبة للبنت اللي في خامس :4: كيف راح تعلمينها إذا هي ما تعرف الحروف ؟؟
أنا و الله البنت اللي عندي في أول و عندها مشكلة في الاملاء و القراءة و عايده سنه و تركيزها شوي ضعيف بس قاعده أحاول معها و أخذها حصص إضافيه أكثر عشان أحسن مستواها قد ما أقدر مع أنه حتى أنا الاستاذة قالت مراح تقيمني على تحسن مستواها لأنها مرة ضعيفة و تحتاج وقت أكثر من الوقت اللي محدد لي ..
الله ييسر لنا يارب

verymoon*14
2013- 2- 25, 08:58 PM
:21:

ضووء القمر
2013- 2- 26, 06:00 PM
السلام عليكم

حبايبي ابي اعرف وين مدارس التطبيق للاعاقه العقليه والمراكز في الجبيل .. تركت مذاكرتي وجلست اقرأ كلامكم

يؤيؤه متحمسه وخايفه بنفس الوقت .... الله يوفق الجميع :2: اتخيل وحنا نطبق وناسه + خوف = شعور مختلط:39:

verymoon*14
2013- 2- 26, 09:03 PM
جاتكم يومياتي لاتفوتكم :26:

اول يوم اداوم فيه مشاهده طبعا :31:

وفي نص الحصه طلعت الابلى نادتها المديره قمت اهجدهم لين ترجع :27:

وقلت براجع معاكم الي قالت الابلى من بدايه الحصه واراجع معاهم لاحياة لمن تنادي الا بنت بس :6:

انصدمت وقلت في نفسي وشلون بسوي لو جا وقت درسي مايركزون ابد وينسون :36:

وشجعتهم شوي وباديكم هدايا ومسكوها علي صجوني وين الهدايا ياابلى كل شوي وين الهدايا

وقامو عندي وووووووواي ضبطهم صعب مره اخر شي صرخت كل وحده مكانها بسرعه:41: :32:

المشكله اطول منى كلهم ضخاااااااام ماشاء الله يحزنون

وفي نفس الوقت ماتقدرين فيهم مره حتى ابلتهم ماهي قادره فيهم شقيات وفرررررررررط حركه الله المستعان

واخر شي قالو لي مانبغاك تدرسينا نبغى ابلتنا احنا نحبها مانحبك :18: ~> جرح :40:

قلت لهم ماراح ادرسكم بس لين ترجع الابلى

شغلت لهم اغاني طيور الجنه وهاتك ياهز شي ماتتخيلونه :13:

المهم رجعت ابلتهم قالت خليهم ينبسطون وتعالي نقعد ع جنب شكلهم خلاص ماعاد يستوعبون تقفلت عقولهم :27::2:

جلسنا صراحه عسسسسسسسوله مره وطيبه وتقول لاتبذلين جهد كبير الدرس نجلس فيه اسبوع يادوب يفهمونه

وطمنتني قالت سهالات ولا تشيلين هم

وبس هذا اول يوم لي وعلى الله تعدي باقي الايام على خير

طبعا اول حصه لهم رياضه صراحه وناسه ودي كل الحصص رياضه يتجاوبون معانا اكثر

verymoon*14
2013- 2- 26, 09:09 PM
^
^^
^^^
:(269):

لا احد يغار مني بس :35:

تحملو عاد ادري الناس قدرات :8:خخخخخخ:42:

:mh35:

verymoon*14
2013- 2- 26, 10:51 PM
^^

ألف مبرووك عقبالنا يارب

موفقه ياارب :2:

الحكمة يمانية
2013- 2- 27, 12:40 AM
:3::3: ماشاء الله يابنت جدة :11:
الله يوفقك وعقبال التخرج :21::21:


verymoon*14: وين تدريبك ؟؟

ريومة الشرقية
2013- 2- 27, 12:48 AM
:3::3:
يعطيكم الف عافية وعساكم ع القوة :1:
انتم السابقون ونحن اللاحقون :34:
يآالله باقي سمسترين مستعجلة على التخرج اقوى شي :42:
موفقين:16:.

verymoon*14
2013- 2- 27, 12:50 AM
تدريبي بجده :24:

عقبالك يارب الله يوفقك يارب

الحكمة يمانية
2013- 2- 27, 12:55 AM
تدريبي بجده :24:

عقبالك يارب الله يوفقك يارب



الله يسر امرك ويفتح عليك :35:
بس في اي مدرسة او مركز ؟؟؟ لاني في جدة وابغا اعرف طالبات العقلية وين ممكن يتوجهو
:29::11:

أسير بلآ قيود
2013- 2- 27, 12:58 AM
ما شاء الله تبارك الله

عاد لا تنسين أنا أول واحد يقولك مبروك مقدماً ع التخرج ويهدي لك أنشودة التخرج:34:

وبصراحه أحب أشكرك ع الملازم الي نزلتيها كافيه ووافيه مع الشرح :21:

شكراً شكراً شكراً والله يكتب لك الاجر

والف الف الف مبروك:2:

http://www.youtube.com/watch?v=8xmO4mMPswI


وأن شاء الله نهاية المستوى هذا نسوي لكم حفل هنا قد الدنيااااااااااااااااااااااااااااااااااااااااااااا اا ونرد لكم لو الشي اليسيييير من جمايلكم علينا:2:

verymoon*14
2013- 2- 27, 01:05 AM
فيه معهد تربيه فكريه بالصفا

ومدرسه 81 بقويزه ابتدائي

ومعهد تربيه فكريه بالاسكان الجنوبي

ومدرسه متوسطه ناسيه اسمها برضو بقويزه

ومدارس الشمال والله ا اعرف انا عشان ساكنه بالجنوب هذي هي الموجوده بس اقرب شي لجنوب جده


تسلمين الله يوفقنا واياك يالغلا :43:

كلـ جرراح ـي
2013- 2- 27, 02:22 PM
مساء الخير ع الجميع اخباركم دفعتي المميزه؟؟
ووووووووحشتووووووووووني
انقطعت كثير عن المنتدى لكن قلبي مازال عندكم اراقب ابداعاتكم متى
ماسمحت لي الفرصه>>حسيت اكتب خاطره:34:
من زمان عنكم وبخاطري لكم كلام كثيرررررر,,:42:
بخصوص الميداني انا بديت الاسبوع اللي انتهى الجو العام حلووو المدرسات حبوبااات
ومديرة الفكررري تجنن اخلاق
بس مديرة العام :32:ماتبيني عندهم:24:بس مسوويه فيها قووويه ماعاد امر عليها:17::6:
المهم اخذت الجدول وراح ادخل حصص من يوم السبت ,مسكت رياضيات وقراءة وتربية اسلاميه لأول ثانوي,وتربيه اسريه لصف ثاني ورابع ابتدائي,وعلوم ثاني متوسط...سوت لي المدرسه كوكتيل عشان استفيد قالت لي دوامك لنهاية الترم عشان تستفيدين عدل وقلت معك:16:
وعندي بصف اول ثانوي ثلاث طالبات والمتوسط اربع طالبات
وثاني ابتدائي ثلاث طالبات ورابع طالبه
وبث اتوووقع كل ذا اللي صار:29:
باقي عاد اسوي تحاضير لموادي :33:وان شاء الله تتسهل

verymoon*14
2013- 2- 27, 09:57 PM
في طالبه اليوم مره مصممه الا تكتب في ملابسي ووجهي بالالوان

ياربي قسم بالله ورطه الله يشفيها مااحد يقدر يجلسها تفقد اعصابها وتصرخ لازم تسوي الي في راسها

والا تزعل :39:

مدري وش السواه معاها الابلى ماتت علي ضحك قالت البسي اسود احسن عشان لايبان

وربي تحزن مره بس تاكل ولا ترضى احد يمنعها تبكي وتصيح من يوم رحت الين رجعت وهي تاكل

يارب زينا بالعقل الحمدلله يارب على نعمة العقل صراحه من جد احنا بنعمه ماندري عنها

سبحان الله

بس الشي الي مستغربته ليش حاطينها في مدارس دمج وهي ماتقدر تتعلم المفروض تكون في معهد تدريب ماتتعلم ذي بس تدريب

ريومة الشرقية
2013- 2- 27, 10:03 PM
^^
فري مون
خلي عباتك عليك اذا ماعندك ملابس سوداء كثير احسن حل بالنسبة لي :34::27:
الله يشفيها ويعافيها يآارب
الحمدلله على كل حال
موفقة خيتو:16:.

دفء المشاعر
2013- 2- 27, 10:08 PM
فري مون موتيني ضحك


هذي من ايجابيات هالتدريس هالفئه انك تحسي بنعم الله عليك ااي تستوجب الشكر
ربي لك الحمد والشكر

verymoon*14
2013- 2- 27, 10:38 PM
ههههههه

دوم الضحك يارب

الله يعدي هذي الاسبوعين على خير

مسكت المديره وقلت لها ابغى انشطه لو عندكم بسوي الي تبغون قالت تم

والابلى قلت لها انا بسوي لك الوسائل والخطه واطبع لك وكل شي بس مابعطي درس

قالت مو مشكله ربي يسهلها وقفت لهم درس اول يوم وشكلها اكتفت به لانهم مو راضين ادرسهم

يقولون نبغى ابلتنا مانبغاك قلت في نفسي احسن عساهم مايرضون يفكوني جات من الله ثم منهم
:21: :14:

شهر زاد:)
2013- 2- 28, 01:04 AM
عندي شرح درس المئات والعشرات والاحاد للصف الثاني ياليت تساعدوني كيف اوصل لهم المعلومه وهل فيها صياغه اهداف وكيف طريقتها احس محتاسه مرره موعارفه وش اسوي :5::18:

بنات بسالكم انتو مين بقيمكم على الشرح ؟

لان سالت الوكيله وقالت المعلمه وقلت للمعلمه وقالت انا برفض اذا قالولي اقيمك طيب انا شارحه من قبل جزء بسيط تخيلو كان عليهم درس مقارنه الكسور وحلها كله غلط اكتبت النص اصغر من الربع والثلث اكبر من النص وهكذا واسالتني قالت تشوفين حلي صح قلتلها بصراحه كله عكس قالت ماعرف كيف الحين هل اعيد الدرس تخيلو مابقت تعيد الدرس كانت بتخليهم نفس فهمهم وين الذمه بالشغل ابي افهم وش هالظلم قالت مو عارفه كيف الحين اعيد قلتلها المفروض تعيدي وقلتلها تجيب مثال مثل كاس مرقم او اي مجسم يبين النص والربع قالت اجل انتي اشرحي لهم وقمت وشرحت لهم وقالت ماشاءالله عليك طيب وجاء الاسبوع الي بعده قالت انا ماقدر اقيمك اخاف اظلمك يمكن انتي زينه وانا اقيمك اقل ويمكن ويمكن قلت بقلبي طيب :32:انتي شفتي شرحي واعجبك :20:ليه تقولين كذا بصراحه انقهرت منها مادري وش اسوي :12::4:احس حنا مظلومين :12:

أسير بلآ قيود
2013- 2- 28, 01:54 AM
عندي شرح درس المئات والعشرات والاحاد للصف الثاني ياليت تساعدوني كيف اوصل لهم المعلومه وهل فيها صياغه اهداف وكيف طريقتها احس محتاسه مرره موعارفه وش اسوي :5::18:

بنات بسالكم انتو مين بقيمكم على الشرح ؟

لان سالت الوكيله وقالت المعلمه وقلت للمعلمه وقالت انا برفض اذا قالولي اقيمك طيب انا شارحه من قبل جزء بسيط تخيلو كان عليهم درس مقارنه الكسور وحلها كله غلط اكتبت النص اصغر من الربع والثلث اكبر من النص وهكذا واسالتني قالت تشوفين حلي صح قلتلها بصراحه كله عكس قالت ماعرف كيف الحين هل اعيد الدرس تخيلو مابقت تعيد الدرس كانت بتخليهم نفس فهمهم وين الذمه بالشغل ابي افهم وش هالظلم قالت مو عارفه كيف الحين اعيد قلتلها المفروض تعيدي وقلتلها تجيب مثال مثل كاس مرقم او اي مجسم يبين النص والربع قالت اجل انتي اشرحي لهم وقمت وشرحت لهم وقالت ماشاءالله عليك طيب وجاء الاسبوع الي بعده قالت انا ماقدر اقيمك اخاف اظلمك يمكن انتي زينه وانا اقيمك اقل ويمكن ويمكن قلت بقلبي طيب :32:انتي شفتي شرحي واعجبك :20:ليه تقولين كذا بصراحه انقهرت منها مادري وش اسوي :12::4:احس حنا مظلومين :12:


النص أصغر من الربع والثلث أكبر من النص
عاشو والله:5:

قولي لها ما راح ينقص منك شي لو تعطيني الدرجه الكامله:32:

هههههه بصراحه هذي الابلى محتاجه من يقيمها:5:

شهر زاد:)
2013- 2- 28, 02:04 AM
النص أصغر من الربع والثلث أكبر من النص

عاشو والله:5:

قولي لها ما راح ينقص منك شي لو تعطيني الدرجه الكامله:32:

هههههه بصراحه هذي الابلى محتاجه من يقيمها:5:



المعلمه توها اول سنه لها تدريس من بعد عام ١٤٢٣ توه جاها التعيين وتقول المديره ماشافت شرحي كيف انا اقيمك بصراحه مادري وش اقول الله يفرج همنا ونخلص على خير:18:

بقايا طفوله
2013- 2- 28, 03:11 AM
مرررررررررررررراحب

انا كنت احضر الاسبوع اللي راح وهالاسبوع قلت باعطيهم دروس .. وبسسب غيابهم بديت الثلاثاء اعطي اول درس بحضور معلمه الماده .. وعطتني رايها ببعض النقاط .. جزاها الله خيررر

بس اليوم حضرت لي المديره وللاسف كانت معلمه الماده غايبه وتمنيت انها موجوده والحمدلله عشان تشوف عطائي اليوم الللي كان افضل مليون مره عن البارح لان اول مررره تكونين متوتره بس عقبها اليوم انطلقت الحمددلله .. والمديررره مره عجبتها الحصه مرررررره ماشاءالله :42: وقيمتني خلاص :21:

لاتخلين المعلمه تقيمك من اول حصه تعطين فيها ..

الاشياء المهمه :

ضبط الطالبات في الفصل ويحبونك اهم شي ..

تبداين بالتاريخ واليوم ويطلعون الطالبات الكتاب ..وتنطلقين

ومن الاشياء انك تربطين الدرس باشياء ثانيه

وبرضو اذا جيتي تطلعين وسيله او تشغلين برجكتر لا تسكتين كلمي الطالبات ..عشان ما يكون في وقفت بالدرس ويطلعون البنات من جو الدرس ... ولازم مراعاه الفروق الفرديه ..

وتتكلمين لغه عربيه مو شرط على طول بس اغلب الوقت ..


واللي عندها سوال تسدحه هوووووووووووووون

بالتووووفيق للجميع... :16:

مديناوي
2013- 2- 28, 03:30 AM
في طالبه اليوم مره مصممه الا تكتب في ملابسي ووجهي بالالوان

ياربي قسم بالله ورطه الله يشفيها مااحد يقدر يجلسها تفقد اعصابها وتصرخ لازم تسوي الي في راسها

والا تزعل :39:

مدري وش السواه معاها الابلى ماتت علي ضحك قالت البسي اسود احسن عشان لايبان

وربي تحزن مره بس تاكل ولا ترضى احد يمنعها تبكي وتصيح من يوم رحت الين رجعت وهي تاكل

يارب زينا بالعقل الحمدلله يارب على نعمة العقل صراحه من جد احنا بنعمه ماندري عنها

سبحان الله

بس الشي الي مستغربته ليش حاطينها في مدارس دمج وهي ماتقدر تتعلم المفروض تكون في معهد تدريب ماتتعلم ذي بس تدريب




حاولي تطبقي الموقف الودود معاهم ينفع


انا شفت طالب توحد بالفصل عندي غريبة المفروض يكون بمعهد للتوحد


وجربت معه موقف ودود وصار يحبني من ثاني يوم اخذ علي



بقية الطلاب جربت معهم ونفع اكثر حتى في واحد بصف خامس عنده فرط حركة ونشاط زايد يجننك لو تشوفيه بس كسبته جلسته عندي واخذت واعطيت معه لما خليته يبنسط معي وخلاص اخذ علي



بس الحمدلله على نعمة العقل
هذا من احد الايجابيات


والطالب التوحد حالة خاصة لحاله



والله يوفقني ويوفقكم يارب

verymoon*14
2013- 2- 28, 04:04 AM
الله يعينك التوحد اصعب من المعاقين عقليا مافي تجاوب ومعصبين دائما

وفرررررررررررررررررررررررررررررررررررط حركه لابعد حد

مزاجيين الله يعينك انا لا كلهم عقلي بس اقرب للطبيعي ماعدا وحده الله يشفيها ماتحب احد مره مره

انا عني اصنفها اعاقه شديده لاتتكلم ولا تفهم ابدا ولا تركز ولا تعرف الخطر وابدا مافيه نسبه ذكاء ابد ولا 1%

لازم تروح مراكز تأهيل شامل لانها ماتعتني بنفسها مره حتى لها شغاله تداوم معاها عشان الحمام الله يكرمكم وتمسحها وتنظفها واذا عجزنا فيها تقعدها بالقوه

بس احس ابلتها معتبرتها مو موجوده ابدا ولا تسألها ولا تشركها في الحصه ولا الواجبات نهائيا

جوري الملتقى
2013- 2- 28, 09:55 AM
عندي شرح درس المئات والعشرات والاحاد للصف الثاني ياليت تساعدوني كيف اوصل لهم المعلومه وهل فيها صياغه اهداف وكيف طريقتها احس محتاسه مرره موعارفه وش اسوي :5::18:

بنات بسالكم انتو مين بقيمكم على الشرح ؟

لان سالت الوكيله وقالت المعلمه وقلت للمعلمه وقالت انا برفض اذا قالولي اقيمك طيب انا شارحه من قبل جزء بسيط تخيلو كان عليهم درس مقارنه الكسور وحلها كله غلط اكتبت النص اصغر من الربع والثلث اكبر من النص وهكذا واسالتني قالت تشوفين حلي صح قلتلها بصراحه كله عكس قالت ماعرف كيف الحين هل اعيد الدرس تخيلو مابقت تعيد الدرس كانت بتخليهم نفس فهمهم وين الذمه بالشغل ابي افهم وش هالظلم قالت مو عارفه كيف الحين اعيد قلتلها المفروض تعيدي وقلتلها تجيب مثال مثل كاس مرقم او اي مجسم يبين النص والربع قالت اجل انتي اشرحي لهم وقمت وشرحت لهم وقالت ماشاءالله عليك طيب وجاء الاسبوع الي بعده قالت انا ماقدر اقيمك اخاف اظلمك يمكن انتي زينه وانا اقيمك اقل ويمكن ويمكن قلت بقلبي طيب :32:انتي شفتي شرحي واعجبك :20:ليه تقولين كذا بصراحه انقهرت منها مادري وش اسوي :12::4:احس حنا مظلومين :12:

غريبة هالمعلمة :6:
اطلبي من المديرة تحضر شرحك مع المعلمه وخليها تشوف ابداعك عشان لو المعلمه اعطتك درجة ماتستحقينها تتناقشي مع للمديرة ..

جوري الملتقى
2013- 2- 28, 10:00 AM
بالنسبة لي الاسبوع القادم بشرح اربع مواد ..
وعلى قولة معلمتي التقييم بيكون مثل ارب ايدول :42:
4 معلمات بيحضرون لي ويقيموني :6::38:

قلت لهم ليييه:4:
قالوا لازم لان مشرفتكم بتغيب :36:

الله يعديه على خير ..

بشاير..~
2013- 3- 1, 02:37 AM
يسعد ايامكم وموفقين يا رب
انا ما كنت معاكم هالترم بس إن شاءالله الترم الجاي اكون
بس مستغربه احس بنات السمعيه قليييييييييل ليه ؟
قمت اخاف والله ..
الزبده اللي تخصصها سمعيه و بالدمام ياليت تقولي وين تدربت
و إذا الإداره زينه او لا

:2:

آلبتول
2013- 3- 1, 04:36 AM
وانا زي بشاير ...

نبي تجاربكم ياسمعيهه ..:40:

لا هنتو

ورد الجنوب
2013- 3- 1, 01:42 PM
انا سمعيه اتدرب في جده حلو التدريب والمديره والمعلمات رائعات ومتعاونات راح اسبوع وهذا الاسبوع الثاني وان شاء الله يوم الاربعاء ارسل استمارتي للدكتور
وربنا يسهل لنا ولكم

MISS EAMA
2013- 3- 1, 02:02 PM
السلام عليكم
بغيت أعرف كيف نرسل الأستمارة ؟؟
هل أنا أرسلها و لا المدرسة ترسلها ؟؟

ريومة الشرقية
2013- 3- 1, 02:06 PM
السلام عليكم

بغيت أعرف كيف نرسل الأستمارة ؟؟
هل أنا أرسلها و لا المدرسة ترسلها ؟؟

عليكم السلام والرحمة
قريت رد لـ بنت جدة
هي اللي ارسلتها الاستمارة<<بالنسبة لسؤالك الثاني
اما كيف الاعضاء ان شاء الله يفيدونك
موفقة:16:.

دفء المشاعر
2013- 3- 1, 09:08 PM
السلام عليكم
بغيت أعرف كيف نرسل الأستمارة ؟؟
هل أنا أرسلها و لا المدرسة ترسلها ؟؟


http://www.ckfu.org/vb/showthread.php?t=432380


على هالرلبط تلقي الاميل الي ترسل عليه الاستماره

MISS EAMA
2013- 3- 1, 09:43 PM
يعطيكم العافية ..
يعني أنا بنفسي أرسلها مش المديرة .. بس أكيد لازم عليها ختم و توقيع و لا كيف يتأكدون من أنها من المدرسة ..
أنا أحس المفروض المدرسة هي اللي ترسلها مش الطالب

بقايا طفوله
2013- 3- 1, 10:30 PM
يعطيكم العافية ..

يعني أنا بنفسي أرسلها مش المديرة .. بس أكيد لازم عليها ختم و توقيع و لا كيف يتأكدون من أنها من المدرسة ..
أنا أحس المفروض المدرسة هي اللي ترسلها مش الطالب


عادي جدا" توقع عليها المديره مع الختم وخذيها ارسليها او هي ترسلهااا ...

ومن كلام الدكتور ان على المديره ترسلها ولا تتطلع الطالبه على النتيجه :26:
بس اسكتو لا تقولون اني قلت لكم ... :42:

وشكرا" وعفواط والى اللقاء ..



شطحه ....

بنات الدمام والخبرررر نبي حفله تخررررررررررج :3::13::34::11:

MISS EAMA
2013- 3- 1, 11:31 PM
بقايا طفولة .. يعطيك العافية
ياليت نسوي حفلة تخرج كلنا بنات المنطقة الشرقية :14:

بوبديـــــْع
2013- 3- 2, 01:12 AM
بقايا طفولة .. يعطيك العافية
ياليت نسوي حفلة تخرج كلنا بنات المنطقة الشرقية :14:


ولاتنسوني خذوني معكم ...خخخخ:8:

"بنت جده<<
2013- 3- 2, 01:55 PM
ما شاء الله تبارك الله

عاد لا تنسين أنا أول واحد يقولك مبروك مقدماً ع التخرج ويهدي لك أنشودة التخرج:34:

وبصراحه أحب أشكرك ع الملازم الي نزلتيها كافيه ووافيه مع الشرح :21:

شكراً شكراً شكراً والله يكتب لك الاجر

والف الف الف مبروك:2:

http://www.youtube.com/watch?v=8xmo4mmpswi


وأن شاء الله نهاية المستوى هذا نسوي لكم حفل هنا قد الدنيااااااااااااااااااااااااااااااااااااااااااااا اا ونرد لكم لو الشي اليسيييير من جمايلكم علينا:2:


الله يبارك فيك اخوي وعقبالك . . العغوو ماسويت شي :29:

تسسلم :16:

بالتوفيق ي رب . .

:29::21:

سر الحيااة
2013- 3- 2, 03:57 PM
ياسلااااام انتوا بتخلصوا

وانا توي ببتدي :42:

عطوني ادرس اولى ابتدائي وفي بالفصل 9 طالبات و4 منهم شياااطين مانقدر نتحكم فيهم حراام يخلون هالكميه بفصل واحد عن جد مافي تحكم بالفصل ويشجعوا الباقي عالحررركه وعدم الانضباط

الله يعين بس ..بس كنت اليوم متفرجه بالفصل واندمجت مع البعض افكر هالاسبوع بس اشاهد واتابع وببتدي الاسبوع الجي اطبق واشرح لهم

ومبروووووك مقدما للي خلصوااا

زهوور المحبة
2013- 3- 2, 07:20 PM
نتمنى للجميع التوفيق
:16:

MRRMRR
2013- 3- 2, 07:49 PM
احنا اخر يوم بكره ان شاء الله ربي يسهل
طيب كيف هم بيسلمونا الاوراق

أبداع القلم
2013- 3- 2, 09:11 PM
ياسلااااام انتوا بتخلصوا

وانا توي ببتدي :42:

عطوني ادرس اولى ابتدائي وفي بالفصل 9 طالبات و4 منهم شياااطين مانقدر نتحكم فيهم حراام يخلون هالكميه بفصل واحد عن جد مافي تحكم بالفصل ويشجعوا الباقي عالحررركه وعدم الانضباط

الله يعين بس ..بس كنت اليوم متفرجه بالفصل واندمجت مع البعض افكر هالاسبوع بس اشاهد واتابع وببتدي الاسبوع الجي اطبق واشرح لهم

ومبروووووك مقدما للي خلصوااا


وين تطبقين ؟؟؟ باي منطقه وشو تخصصك

معزوفة الشرق
2013- 3- 3, 12:23 AM
الله يوفقكم ان شاءالله وفالكم الأمتياز يارب ..

ومبروك عليكم التخرج :16:

طالبة صعوبات
2013- 3- 3, 11:51 AM
تم بحمد الله الانتهااااء من التدريب الميداني (قدمة درسي اليوم امام المعلمة المتعاونة والمشرفه طبعا في البداية ارتبكت وتوترة كثييييير بس الحمد لله عجبهم الدرس اعطوني ملاحظات بسيطة علشان استفيد منها في المستقبل عقبال الدرجات العالية بأذن الله

دفء المشاعر
2013- 3- 3, 11:57 AM
ياليت تكتبو الملاحظات الي يعطوكم اياها المشرفه والمعلمة
عشان احنا بعد نستفيد :)

سر الحيااة
2013- 3- 3, 02:59 PM
هلا ابداع قلم انا مثلك بالاحساء

واطبق بمعهد التربيه الفكريه..


اي والله ياليت تكتبوا الملاحظات عشان نستفيد ويعطيكم العافية

طالبة صعوبات
2013- 3- 4, 11:26 AM
بالنسبة للملاحظات الي تلقيتها من المعلمة (انا عرضت بطاقات مقاسa4 لكلمات توضح المد بالواو المعلمة اعجبها المقاس كثيير قالت لي كثيير من المعلمات تكون بطاقاتهم صغيره بس الملاحظه الي تلقيتها عدم كتابة الحركات على الكلمة - عدم تمييز حرف المد بلون مغاير في الكلمة( ولو اني مش معاها في هاذي النقطة:30:- في كلمات كتبتها على السبورة للشرح وقعت في غلط وهو عدم كتابة الكلمات على السطر- عدم كتابة عنوان الدرس طبعا انا ترددت كثيير في كتابة موضوع الدرس بسبب التشتت الي تعاني منه الطالبة لاكن المعلمة قالت حتى وان كان عندها تشتت لابد من كتابة موضوع الدرس) وبـــــس اتمنى انكم تتعلمون من الاخطاء الي وقعنا فيها والله يوفقكم يارب
بالتـــــــــوفيق للجميييع:2::2:

Ambition
2013- 3- 4, 05:49 PM
احس انكم خلصتوا التدريب بسرعه .. مامداكم

طيب عطونا نصايحكم .. وشنو الاغلاط اللي مريتوا فيها عشان نتفاداها احنا مستقبلا


ولاحظت انه مافي كثير سمعيه


ابي اعرف كيف التطبيق يكون ... وشلون استخدامنا لغه الاشاره

جوري الملتقى
2013- 3- 4, 06:38 PM
احس انكم خلصتوا التدريب بسرعه .. مامداكم

طيب عطونا نصايحكم .. وشنو الاغلاط اللي مريتوا فيها عشان نتفاداها احنا مستقبلا


ولاحظت انه مافي كثير سمعيه


ابي اعرف كيف التطبيق يكون ... وشلون استخدامنا لغه الاشاره

آلية التطبيق تختلف من مدرسة للثانيه
انا اطبق مع طالبات الدمج الجزئي يعني اعتماد كلي على لغة الاشارة ..
والبعض يطبقون مع الدمج الكلي وفيها ممنوع استخدام لغة الاشارة للمحافظة على نمو اللغة ..

شهر زاد:)
2013- 3- 4, 06:45 PM
اكثر شي يستخدمون مخارج الحروف في لغه الاشاره

Ambition
2013- 3- 5, 01:33 AM
جوري ..شهرزاد ..مشكورين الله يعطيكم العافيه

haam
2013- 3- 5, 02:49 AM
ماشاء الله تبارك الرحمن
الله يوفقكم وينولكم الدرجات العاليه

بغيت أعرف ،، اللحين بعد ماخلصتو التدريب اللي هي إسبوعين فيه شي بعد ولا؟!!
إختبار للمادة نهاية السمستر مثلاً
ولا كذا خلاص أنجزتوا ؟؟
،،،:106:

جوري الملتقى
2013- 3- 5, 02:01 PM
لا مافي اختبار نهائي فقط التقييم على التطبيق من المديرة والمعلمة
و30 درجة من البلاك ..

MISS EAMA
2013- 3- 5, 05:52 PM
الحمد لله أنتهيت اليوم مع الحالة حقتي :14: .. كان تقييم نهائي على المهارات الأخيرة اللي أعطيتها أيها :13:
و لله الحمد رغم الفترة القصيرة اللي استلمتها فيها إلا أن حسيت أن البنت تحسنت لو بنسبة بسيطة و خاصة أن الفترة اللي كنت قاعدة أدرسها فيها ما يمدي أبداً أن الواحد يلاحظ تحسن على حالته...
بكرا بتكتب المديرة التقييم حقها و المعلمات في استمارة التقييم .. و الحمد لله المديرة و المعلمات مره مبسوطات مني .. و المديرة تقول أنها تفأجات مني لما حضرت لي تقول كأني مش متدربة و مدحت كثير لغتي لأني كنت أتكلم مع البنت لغة عربية فصحى و قالت أسلوبي معها كان حلو :34: ..
بصراحه فترة التدريب هذي كانت من أجمل أيام دراستي و جد هي اللي حمستني على المواصلة ..
المديرة و المعلمات طلبوا مني أجي مرة ثانية عشان أستفيد أكثر و أنا حابة هذا الشيء فيمكن أن شاء الله أصير أروح للمدرسة عشان أعطي البنت حصة أضافية إملاء و قراءة لأن البنت هذي هي مشكلتها ,, بس مقدر أمسك الحالة بشكل أساسي عشان معلمتها الأساسية ..
و عقبال الجميع يخلصون التدريب بنجاح :21:

همس الصباح***
2013- 3- 6, 08:54 AM
ممكن تنزلو استمارة تحضير درس
لمعلمات او معلمين صعوبات تعلم

مديناوي
2013- 3- 7, 11:07 AM
الحمدلله انتهيت من التدريب وقال المدير رسل التقييم خلاص والحمدلله


وطالب التوحد الله يخليه لاهله هو اصعب حالة مرت علي التعامل معه يبغاله طرق عديدة


وقالو لي اذا تحب تزور المدرسة ثاني مره اي وقت تعال

ما قصرو الله يديهم العافية



وفالي وفالكم التفوق والتخرج يارب

آلقلب آلطفولي
2013- 3- 7, 11:48 AM
..

السلام عليكم

يعطيكم العافيه جميعاً .. :21: يوميات حلووه

مبرووك للي خلصوا فترة تدريبهم ,, وعقبال الباقي ان شاء الله

:29:

بالنسبة ليومياتي الاسبوعيه << مااقدر ادخل كل يوم اكتب :7: من زحمة التحضير واوراق العمل ووو

هالأسبوع كلــه كنت اشرح مادة رياضيات للصف الثاني ابتدائي ( اعاقة سمعية )

من السبت الى الثلاثاء كان كل يوم درس جديد + ورقة عمل للدرس السابق عشان التقييم

يوم الاربعاء كان مراجعه كامله لجميع الدروس + ورقة عمل شاملة الدروس

وكلهاا مسكتها انا بروحي ( تحضير الدروس + شرح + ورقة عمل ) ,, كانت المعلمة المسؤوله عني تحضر الحصص وتشاهدني فقط

ونهاية الحصه اجلس معاها ونتناقش عن الايجابيات والسلبيات :13:

والحمدلله الف الحمدلله كانت كثير تمدحني وتشجعني :17:مع بعض الملاحظات الخفيفه :42:

والبنات الي اعلمهم جداً حلوات وحبيتهم من كل قلبي :1: واهم حبوني بعد :34::2: وكل يمره نجلس حصص الانتظار سوالف وضحك ولعب ,, يالبى قلبهم :37:

الاسبوع الجاي ان شاء الله راح اجرب شرح مادة ثانيه ( اتوقع انها الاسرية )

والاسبوع الي بعده راح ارجع لمادة الرياضيات واشرح الاسبوع كله لآن راح يكون التقييم الاخير وراح تحضر لي المشرفه وتقيمني خلاص :34:

ياارب يعدي الاسبوعين على خير ,, وان شاء الله نطلع بنتيجه حلوه :16:

verymoon*14
2013- 3- 7, 01:14 PM
الحمدلله انتهيت من التدريب وقال المدير رسل التقييم خلاص والحمدلله



وطالب التوحد الله يخليه لاهله هو اصعب حالة مرت علي التعامل معه يبغاله طرق عديدة


وقالو لي اذا تحب تزور المدرسة ثاني مره اي وقت تعال

ما قصرو الله يديهم العافية



وفالي وفالكم التفوق والتخرج يارب


مبروك هنيأً لكم عقبالي يارب طفشت صراحه :24:

اش الدروس الي اعطيتهم هيه والمواد ؟؟؟؟؟

مديناوي
2013- 3- 7, 02:02 PM
مبروك هنيأً لكم عقبالي يارب طفشت صراحه :24:

اش الدروس الي اعطيتهم هيه والمواد ؟؟؟؟؟




الله يبارك فيك

وعقبالك ان شاء الله


الدروس كانت متنوعة وكثيرة لانها لجميع الصفوص من صف اول الى صف سادس

بس بالبداية والتركيز كنت في الصفوف الاولى الي كان معي فيها معلمي المتعاون وهو مشرفي

الدروس بالصفوف الاول طبعا بعد تحضير طريقة الدرس وطريقة الاهداف
كل يوم كنت اخذ الحصص واشرح لهم الصف الاول والثاني بفصل واحد

وجربت درستهم رياضيات الاعداد زي رقم 8.ورقم 5 وقراءة وكتابة الحروف حرف ق . حرف ظ وحرف ك وحرف و وقراءن الصف الاولى سورة العصر والصف الثاني سورة تبٌت
واناشيد
وعلوم معرفة البذرة ووزراعة البذرة


طبعا كثير غير الي كتبته كله سجلته بالدفتر

verymoon*14
2013- 3- 7, 02:08 PM
انا عندي مادتين سنه خامس رياضيات وقراءه

رياضيات درس النقود

قراءه اماطه الاذى عن الطريق وبمسكهم اسوع كامل

وسائل وخطه واوراق عمل وقرف و عروض بوربوينت ولا لقيت شي في عمنا قوقل وبجلس افحط فيها

ونشاط للمدرسه يارب بس تتسهل ويعجبهم بعد ذا التعب


نفسي اخلص

سر الحيااة
2013- 3- 7, 07:15 PM
الحمد الله خلصت اسبوع والطالبات حبوني واندمجوا وياي بس للحين ماني قادرة اضبطهم هههه

ويوم الاحد ان شالله بقيم قلت باخذ حصة رياضيات احسن


يكون فيها وسائل والعاب اكثر وكذا يقعدوا يندمجوا وان شالله مايفشلوني قدام المشرفه


بالتوفيق وعقبال مانخلص

الحكمة يمانية
2013- 3- 7, 08:56 PM
انا عندي مادتين سنه خامس رياضيات وقراءه

رياضيات درس النقود

قراءه اماطه الاذى عن الطريق وبمسكهم اسوع كامل

وسائل وخطه واوراق عمل وقرف و عروض بوربوينت ولا لقيت شي في عمنا قوقل وبجلس افحط فيها

ونشاط للمدرسه يارب بس تتسهل ويعجبهم بعد ذا التعب


نفسي اخلص


ماشاء الله عليك :3: الله يقويك
كنت بسالك :29:
المدرسة اللي انت فيها مدرسة حكومية ؟وهل فيها فصول دمج ؟ وانت بتدرسي الطالبات في غرفة المصادر او في فصل عادي ؟
وطلب اخير :43:
اسم المدرسة :29::29:
اعتذر عن الاطالة

راع الكهفة
2013- 3- 7, 09:49 PM
يوميات التطبيق احلا شي والطلاب اندمجو معي وصار لي شعبيه بالمدرسه لاني اعطي دروس لحالات صعوبات التعلم اللى موجودين من اول ومعي حاله جديده والحصص الفاضيه امسك احتياط بمزاجي طبعا
واذا كنت احتياط عند رابع او خامس او سادس على طول اطلعهم رياضه وصاروا كل يوم يقولون نبيك تطلعنا رياضه يعني لو اطول عندهم شكلي اقلبها نادي الهلال مو مدرسه
بس بصراحه المدرس اللى يطلعهم رياضه يحبونه ويسمعون كلامه على طول بصراحه التدريس ممتع

لكن سؤال للبنات
وش دخل المشرفه بالتقييم
المعروف التقييم من المديرة 35درجه والمعلمه المتعاونه 35درجه
وش دخل ام المشرفه
:16::16::16: