التوصيات وما ادراك ما التوصيات ؟؟؟

[كمال الفهيد]

بسم الله الرحمن الرحيم



طبعا موضوع التوصيات امر هام بالنسبه للطلاب من حيث التسجيل

بالجامعه
ولذلك نشوف الطلاب يبحثون على توصيه من احد الدكاتره الافاضل

في اقسام الجامعه تشوفه رايح وجاي يبي المسكين توصيه
وهنا الامر الهام


فنشوف دكتور تدخل عنده ابتسامته ترتاح منها يرحب فيك

ويعطيك التوصيه اللي تبيها بعد اطلاعه على سجلك وتطلع

وانت مرتاح تحس انه يعتبرك انسان صاحب رساله تطمح


للافضبل فتشكره وتطلع وانت مرتاح وما تنساه نهائيا


ودايما من يجيك ذكره تقول الله يبيض وجه


لكن في البعض من الدكاتره تشوف اول من تدخل عليه تغير وجه يطالعك بعين وحده

ومسوي روحه مشغول باي ورقه يمه حت لو كانت ورقه بسكوت بو نص

طبعا انت شئ واحد تبيه لا تبي ابتسامته ولا تبي شئ منه تبي هالتوصيه وتطلع منه ولا ترجع له ثانيه

لكن بس يسمع منك ابي توصيه يطالعك بعيونه طبعا فتحت عينه الثانيه من وقع المصيبه عنده بطلب توصيه

ويقولك بكل برود ما اقدر او مشغول تعال وقت ثاني على الرغم من انه درسك من زمان

وعلى الرغم وجود سجلاتك الا انه يشوفك ولا شئ زين شنو تسوي

تطلع من مكتبه وانت حزين مكتئب والمفروض الجامعه هي من تعدل عندك الصحه النفسيه

وهذا مو بس يجيب لك اكتئاب الا يخليك تكره الدراسه نهائيا

ولذلك انا اتمنى مثل هذا الدكتور يفكر اكثر يغير من نفسيته يرحب بالاخرين

يبتسم لو مره عشان تتسجل في سجله ويحطونه بالجامعه في لوحه الشرف ويكتبون

انجاز تاريخي ابتسم الدكتور اليوم0






الله يوفق كل طالب طموح يا رب

[A R E E J]

بالفعل صادفني هذا الموقف

رغم ان درجاتي كانت جدآ عاليه بمواد هذي الدكتوره

من جد تحاكي واقع

[كمال الفهيد]

شاكر مرورك احساس مات

وايضا اكدتي ان هذه الحالات موجوده ايضا عندكم

بالجامعه كبنات وهذا واقع نعيشه وعن تجربه

يعطيك العافيه على القوه

[عبالله الشهري]

اهم شيء ابتعد عن المحاضرين والمعيدين....فاغلبهم لديهم شوفة نفس غير طبيعه


واي دكتور لا يتعاون في التوصيات. .فهذا يدل على اضطرابات الدكتور نفسيا ومعاناته من البارانويا

[امل بعيد]

بعض الاشخاص يعتمدون على الشكل اي كان الشكل يعني هو يطالعك من وجهه نظره مايشوفك تستحق الماستر فينظر لك هذي النظره ويقيمون الي بياخذون العلم على اساس وجهه نظرهم ويعتبرون الي بياخذ ماستر لازم له صفات معينه وللاسف هذا شي حاصل وكثير مو بس الدكاتره فيهم غرور حتى الطلبه نفسهم لانهم درسوا ماستر او خذوها يجيهم غرور غير طبيعي كانهم عالمين بكل العلوم ومايدرون انها مجرد دراسه في علم معين مهما اخذت منه يبقى اشياء واشياء ماراح تعرفها ومثل ماقلت فيه دكاتره متواضعين جدا يحبون كل الناس تتعب وتصير مثلهم وبالعكس يشجعون الانسان على العلم هذي مواقف تصير واذا ماعطاك التوصيه مو مهم فيه دكاتره غيره لاترجع له التوصيه ماتوقف عليه وهذا الموقف صراحه المفروض يعطيك دافع مو تكره الدراسه كذا طموح ورغبه تتحقق باذن الله بالرغم عن الي مايرضا

[كمال الفهيد]

بسم الله الرحمن الرحيم

عبد الله الشهري يعطيك العافيه لمرورك


الموضوع عن التوصيه مو عن شوفه النفس



واذا عن شوفة النفس كلنا من تراب وانا اخوك


وان شاء الله نشوفه مستقبلا هذا الدكتور

يعاون الاخرين وشوفته لنفسه

انا وانت عبدالله ندعو له وان شاء الله يتغير

عساك على القوه

[كمال الفهيد]

الف شكر لك امل بعيد

لمرورك الكريم وتعليقك القيم والمفيد

بالنسبه للدافع ما باقي شئ على التقاعد

شيبنا واحنا كلا نطالب بمواصلة الدراسه

لكن ما احد يسمعك واذا اسمعك احد

قالك خلك على جنب ماكو عندك واسطه

لا تتعب حالك وفعلا كلامه وصلنا على التقاعد

ولا حصلنا شئ ان شاء الله اعيالي يحصلون

فرصه لهم

ولكن للمستقبل لاخوانا الطلاب والجيل القادم ان شاء الله ما يكون له عائق



عساك على القوه

[كروان 2]

كلام في قمة روعة :21::21::21::21:

[كمال الفهيد]

بسم الله الرحمن الرحيم


كروان يعطيك العافيه على مرورك

عساك دوووم