**>>اخواني اخواتي ياليت تساعدوووووني<<**

[سهر2]

السلام عليكم ورحمة الله وبركاته

الله يوفقكم يا ليت من عنده خبره يساعدني

ويجاوب على اسألتي لأني مااعرف عن نظام الجامعه

سوى شي بسيط

وانا خايفه

انا دخلت ع الرابط وسجلت في كلية التربية قسم التربية الخاصه

ياليت تجاوبوني بأسرع وقت واكون شاكره لكم


كم النسب المقبوله في هذا القسم...؟؟

ماهي المواد التي تدرس في هذا القسم...؟؟

هل صحيح ندرس كيمياء وفيزياء ورياضيات في الترم الأول..وبعدها تخصص..؟؟؟

الترم كيف يعني كم مدته سنه او كم شهر كالمعتاد..؟؟


انا سجلت ع الموقع بس في خانة تحديد القسم مافهمت

فحطيت كلية التربيةجامعة الملك فيصل قسم التربية الخاصه

وحطيت كلية التربية للبنات بالأحساء قسم الجغرافيا

هل تسجيلي بهالطريقة خطأ...؟؟

وهل يوجد بقسم التربية الخاصة اختبار قدرات شرطاً لقبولي بالقسم...؟؟

وإذا فيه متى...؟؟

وإذا مانجحت مثلاً في هذا الاختبار هل يقبلوني على حسب النسبه

لأن نسبتي تدخلني اغلب الاقسام 97

الله يوفقكم ويسعدكم يارب

اعذروني ازعجتكم بأسألتي بس والله لأني مااعرف شي عن الجامعه

ولا عندي احد اسأله

جزاكم الله كل خير

اختكم

سهر2

[بـــو أحــمــد]

و عليكم السلام و رحمة الله و بركاته

سهر2
أهلاً و سهلاً بكِ في الملتقى الأكاديمي


كم النسب المقبوله في هذا القسم...؟؟

ماهي المواد التي تدرس في هذا القسم...؟؟

النسبة المطلوبة للطالباات هي 85% أدبي أو علمي

أما المواد .. بإمكانك تضغطين على الرابط التالي و تستفيدين من تعقيبات الأخوان و الأخوات :
http://www.ckfu.org/vb/showthread.php?t=3763



انا سجلت ع الموقع بس في خانة تحديد القسم مافهمت

فحطيت كلية التربيةجامعة الملك فيصل قسم التربية الخاصه

وحطيت كلية التربية للبنات بالأحساء قسم الجغرافيا

هل تسجيلي بهالطريقة خطأ...؟؟
أي قسم تقصدين ؟
بإمكانك تسجلين لك رغبات ثانية بالإضافة إلى رغبتك الأاسية
عشان إذا ما قبلوك الجامعة في رغبتك الأساسية .. ممكن يقبلونك في الرغبة الثانية


وهل يوجد بقسم التربية الخاصة اختبار قدرات شرطاً لقبولي بالقسم...؟؟

وإذا فيه متى...؟؟

وإذا مانجحت مثلاً في هذا الاختبار هل يقبلوني على حسب النسبه

لأن نسبتي تدخلني اغلب الاقسام 97

الله يوفقكم ويسعدكم يارب
ما شاءالله ..
إن شاء الله القبول مضمون يا أختي ..
ما فيه أختبار قدرات للطالبات .

الخطوة الجاية هي أختبار القبول .. و بيكون في يوم الأحد و الأثتين 1 و 2/7/1428هـ للتخصصات العلمية ..
و يوم الثلاثاء و الأربعاء من نفس الأسبوع للتخصصات الأدبية

[سهر2]

بـــو أحــمــد;
أي قسم تقصدين ؟
بإمكانك تسجلين لك رغبات ثانية بالإضافة إلى رغبتك الأاسية
عشان إذا ما قبلوك الجامعة في رغبتك الأساسية .. ممكن يقبلونك في الرغبة الثانية



انا قصدي المطلوب بهذي الصوره

http://http://www.kfu.edu.sa/banner_system/images/system/11.jpg

انا حطيت اول خانه كلية التربية احساء طالبات ادبي تقريباً لأنه اختيار

والخانه الثانيه حطيت كلية التربية جامعة الملك فيصل قسم التربية الخاصه

وبعدها كلية التربية للبنات بالأحساء قسم الجغرافيا اقصد فيه الكلية مو الجامعه


.....مدري احس انه خطأ وكنت غبيه في هالنقطه


اختبار القبول يعني كيف اسئله شفهيه او مجرد نعرف النتيجه....؟؟؟


ادري وربي ادري تعبتكم معي بس انا مااعرف امشي في اي شي الا لما اعرف

عنه كل شي او اغلب الاشياء لأني اخاف وارتبك كثير

الله يجزاك الجنه يا اخوي والله ماتعرف وشقد استفدت من موقعك

بالفعل موقع مميز ورائع بصراحه

كل الشكر لك يعطيك العافيه

اختك

سهر2

[سهر2]

اعذرني الصوره ماطلعت

بس هي تقريباً الصوره رقم 11 وهي البرنامج الدراسي

في موضوع كيفية التسجيل بالجامعه عن طريق النت الموضوع مثبت

الله يعطيك العافيه وعساك ع القوه دوم


اختك

سهر2

[سهر2]

.............الرد مكرر عذراً.............

[¤§©¤ ريم ¤©§¤]

الأخ بو احمد ماقصر

كفى ووفى

والله يعينج عيوني

ويعينا وياج والله

[وجنات الورد]

انا ماحطيت شيء بالرغبات لغير الكليات الصحيه:000:
ليكون من خلالها اقدر اختار القسم ؟؟:mh19:
انا اكتفيت بكلية التربية (الجامعة )....
الله يعينا

[بـــو أحــمــد]

سهر2
انا حطيت اول خانه كلية التربية احساء طالبات ادبي تقريباً لأنه اختيار

والخانه الثانيه حطيت كلية التربية جامعة الملك فيصل قسم التربية الخاصه

وبعدها كلية التربية للبنات بالأحساء قسم الجغرافيا اقصد فيه الكلية مو الجامعه


.....مدري احس انه خطأ وكنت غبيه في هالنقطه
أعتقد أنتِ تبغين تسجلين في كلية التربية في جامعتنا ... قسم التربية الخاصة

لا بد تحطين رغبتك الاساسية هي كلية التربية ( في جامعة الملك فيصل ) في خانة البرنامج الدراسي

و بعدين حطي رغبتك الثانية كلية التربية في الأحساء

http://www.kfu.edu.sa/banner_system/images/system/11.jpg

لأن فيه كلية للتربية ثانية في الأحساء و لها قسمين .. أدبي و علمي


و بخصوص أختبار القبول .. للاسف ما عندي معلومات عنه

[سهر2]

ايوه هي هذي الصوره الخانه الاولى اخترت فيها مدري بس اذكر انها كانت اختيار واخترت طالبات احساء ادبي

والخانه الثانيه حطيت

كلية التربية جامعة الملك فيصل قسم التربية الخاصه

كلية التربية للبنات بالأحساء قسم الجغرافيا اقصد فيه الكلية مو الجامعه



يعني كذا صح....؟؟؟؟



سامحوووووني تعبتكم معي





الف شكر لكم يعطيكم العافيه

[بـــو أحــمــد]

سهر2
باختصار أختي .. في بداية تقديم الطلب .. أنتي أخترتي كلية التربية ( الجامعة طلاب و طالبات )

شوفي الصورة على الرابط التالي :
http://www.kfu.edu.sa/banner_system/4.htm


و بالتحديد الخيار رقم 2 من الكليات
أنتي اخترتي هذا الخيار ؟؟؟؟؟؟

إذا كانت رغبتك الأساسية هي كلية التربية في جامعتنا .. لازم تكون هي أختيارك الاساسي في بداية التسجيل

وبعدين حطي في خانة الرغبات الثانية كلية التربية بالأحساء - قسم الجغرافيا ... شوفي الخانة الثانية في هاذي الصورة :
http://www.kfu.edu.sa/banner_system/images/system/11.jpg

[سهر2]

اخي ابو احمد

كل الشكر لك ولجهودك الواضحه الاكثر من رائعه

في هذا الصرح الشامخ

اسأل الله العلي القدير

ان يجعله في موازين حسناك

وان ينفع به كما استفدت وانتفعت منه

وكل ذلك بفضل الله ثم بفضلكم

اتمنى لكم الرقي والتوفيق في الدنيا والاخره

وعذراً على كثر الاسئلة التي قد اتعبتكم بها

وما كان منكم الا الرد الوافي

واخص بالشكر اخي ابو احمد واخي علي

مع تمنياتي لهما بالتوفيق والنجاح

وان ينال كل منهما مايروم اليه

تقبلوا فائق الاحترام والتقدير

اختكم

ســهــر2