الرجااااااء المساعده البنات اللي في كلية العلوم

[عالية الهمه]

أخواتي اللي في جامعة الملك فيصل وبالتحديد في كلية العلوم ما رأي حضرتكم بهذه الكليه بس ما أبقى تحطيم يكفيني تحطيم والله إني كنت أتمنى الكليه بس ما حصل :Cry111:

ووشو الوان الزي حق الجامعه والأشياء المهمه في الجامعه لأني ما أعرف شيء فيها :Cry111:

والله يبلغنا رمضان واحنا في أحسن حال.

[fofo]

اهلييييييين خيتي عالية الهمة

مبروووووووك الف مبرووووووووك

ولاتتحطمي ولاشئ

احنا زيك حسينا كيف بالبداية

بعدين حبيناها اكثير اكثير:cheese::cheese:

انا طالبة بكلية العلوم بالدمام احياء-حيوان

والحمدلله على كل حال:119:

وبالنسبة للزي عادي عندهم التنورة الزرقاء والسودة

لثنين مافيه اشكال:cheese:

وبالنسبة للبلايز البسي الالوان اللي تريحك:119:

وعادي كم كامل او نص كم او ربع كم

بس مايتكون لبلووزة فضايح والابط يطلع:hahaha_2008:

لان اذا صاددوش الله يعينك منهم:cheese:

وموفقة لكل خيرررررر خيتي

[إضاءات]

ايووووه هو ألوان التنورة جنز أرق لااازم مو أخضر وإلا رمادي والتنورة السوداء يلبسون البنات بس الأمن يطاردونهم يعني مايخلونهم فعشااان ماااتتعذبين مع الأمن خليك ع الجنز وبس

والبلاايز مثل ماقالت الأخت لكن بعد لازم مايكون فيها أرواح وإلا بوسات وإلا صور مال أمها داااعي

وووبس

[منصورة]

اختي لاتتحطمين يمكنها خيرة لك بالعكس احمدي ربك وقولي الحمد الله وانا احس انها حلووووة موفقة

[أم العنود]

طالبات اللي انقبلوا بالعلوم الى الان لم يتحدد مكان دراستهم بس الاغلب انهم سيكونون في مبنى كلية التربيه العلميه التي تغير مسماها الى العلوم اللي عند الجوازات والمرور وهكذا ماكتب لكم في نموذج البريد صح .......
ولن يكون في مبنى الجامعه الا العلوم الزراعية والغذائيه

[♥..ЙAИa]

انا معكم ولا ابيها :Cry111:

[نـورهـ]

يااازينها كلية العلـــــوم ممتعه 000ذكرتووني بايام الدرااسه فيها00

من ناحية البس البلوزه لبسي الي تبين عاادي بس خليها ساتره نوعا ما00 علشان مايمسكونك الامن ويلبسونك بلوزه بيضاء ويدفعونك غرامه قيمتها 25 ريال المره الاولى واذا تكررت تزيد الضعف تصير 50 هههههههه:hahaha_2008:

اما التنوره للعلوم لازم درجات الازرق سواء جنز ولاقماش 00وللاداب لازم سوده000

وبالنسبه انكم ماتبونها ترى بس بالبدايه بكون شعوركم سئ 00بس بعدها بتتعودون عليها وبتسمتعون 0:cheese:0

انا لما ماقبلتني الجامعه على ايامي تحطمت ورحت الكليه وانا نفسي بخشمي مالي خلها وبديت الدرااسه ونفس الشعور000 :bawling::017:
بس بعد الترم الاول خلاااااااااااااااص حبيتهااا00:hahaha_2008::hahaha_2008:

[عالية الهمه]

الله يعافييييييييييكم ويجزاكم خير يارب والله ماقصرتوا.

وأنا قبلت في الجامعه كتبوا لي تم قبولك نهائياً في الجامعه ورمز المقر 1

[زهور الحياه]

انا انقبلت بالاداب
ابي اعرف شنو لون التنوره
انا سمعت ان احنا ازرق او اسود عادي هل الكلام صحيح
ما ابغى اتورط:g2:

[نـورهـ]

زهـــرة الحياة000

انا سمعت ان احنا ازرق او اسود عادي هل الكلام صحيح

في بناات يجازفوون ويخللفون وويلبسون زرقاء عااد هم وحظهم 00ان مسكوهم الامن ولا لاا00

بس الاساس سوده للادااب وزرقاء للعلووم0000

نصيحه لك اشتري لك ثنتين حق اول اسبووع وانتي شوفي الوضع 00

يمكن السنه يشددون زياده مثلا 00

الله يووووووووووفقكم 00

[زهورة]

انزين بنوتااااااااات


انا انقبلت بكلية العلوم اللي برا الجامعه اللي يم الجوازات بالاحساء

شنهو الالوان التنوره والبلوزه خبروني ترى اهم يقولون هالكليه متشددين وايد وغير جي يقولون انه نظامهم نظام مدرسه

[رهوش]

الله يعافييييييييييكم ويجزاكم خير يارب والله ماقصرتوا.

وأنا قبلت في الجامعه كتبوا لي تم قبولك نهائياً في الجامعه ورمز المقر 1

انا ما كتبوا لي رمز المقر بس تم قبولك بالجامعة نهائيا :c8:

[أم العنود]

انا ادرس فيها العام كان الزي تنورة سوداء وجنز ازرق وبني
والبلايز كل الاولوان القاتمه ماعدا الاحمر والصفر
بس احتمال السنه يتغير

[نهر الوفاء~]

يسلموا يبي لنا الحين نجهز بس يعني عادي اي لوون وتحياتي

[♥..ЙAИa]

بو العنود اختي طيب والدمام نفس المبنى؟!
:g2: