المقبولين لعام 1430-1431 في كلية العلوم الزراعيه والاغذيه

[* نور القمر *]

السلآآآآم عليكم ورحمة الله وبركاته

بصراحه انا فتحت هذا الموضوع هنا للفائده لكل طالب جديد تم قبوله في كليه العلوم الزراعيه والأغذيه

نود من اعضاء المنتدى وبالذات المتخصصين في كلية العلوم الزراعيه والاغذيه افادة طلابها الجدد بكل ما يختص بالكليه من حيث : طريقة الدراسه فيها ..واقسامها .. وتعريف ببعض اعضاء هيئة التدريس
وبعض النصائح المهمه لهم في بداية دراستهم وتوعيتهم في بعض الامور

فنرجوا من اصحاب الخبره و المعرفة إفادتنا
وشكرا

[أحلاكم تتحداكم]

سجلت فيها بس للاسف ماقبلوني :Cry111:

نسبتي الموزونة 65.77 وأخر نسبة قبلوها في الدفعة الثالثة 73.16

دعواتكم لي بالتوفيق

[دوناامونيتا]

انا الحمد لله قبلوني بس والله مااعرف عنها شي ياليت تفيدونا
مشكوره اختي على الموضوع لاني في امس الحاجه للفائده

[* نور القمر *]

الموضوع انفتح للمعرفه والفائده :cheese:
و مع كذا ما لقينا اي ردود من طلاب وطلبات الكليه الي سبق ان درسوا فيها :c8:
وبصراحه انا فتحت الموضوع مش علشاني .. اخوي الي انقبل في الكليه وحابه استفيد منكم وافيد :cheese:

وان شاء الله اخوانا واخواتنا الاعضاء ما يقصرون معانا :119:
دمتم

[خوخه22]

السلام عليكم
انا انقبلت في العلوم الزراعيه والاغذيه بس انا من الدمام ومش عارفه احد بالاحساء اذا في وحده من الدمام ودخلت هالتخصص خل نتعرف على بعض:g4:
والي عنده معلومات عن القسم يفيدنا وشكرا

[أحلام طفلة]

ياليت اللي عنده معلومات يفيدنا وتكوون معلومات اكيدة:g8:
والله تعبنا من القيل والقال:Cry111:
من بيفيدنا ياالله يجعل الخير طريقه يااارب:s12:

[فتوشة]

السلااااااام عليكم
كل عام وانتم بخير والف مبروووك لكل المقبولين بالكليه واتمنى الي يحب هالكليه ينقبل فيها بأذن الله
انا طالبه كلية العلوم الزراعيه والاغذيه كتبت هالكلام في ردود سابقه بس لعيونكم راح اعيده
طبعاا راح اعرفكم على قسم الطالبات ام الطلاب لاعلم لي به
بالنسبه لكليتنا من وجهة نظري كليه جداااا ممتعه للي داخلهااا عن رغبه طبعا كليتنا الدراسه فيها
4 سنوات مثل باقي الكليات بس الفرق الي نتميز بيه او نختلف بيه ان المواد العامه حنا ندرسها سنتين ونبدا التخصص في سنه ثالث يعني التخصص سنتين ام باقي الكليات غير يقدرون يتخصصون من البدايه او
من ثاني سنه ما اعرف عنهم كثير...........
الكليه فيها حاليا قسمين فقط وحاليا يدرسون افتتاح اقسام جديده انشاء الله على سنتين يكونون مفتوحين
الاقسام هم 1/ قسم علوم الغذاء والتغذيه 2/ الاقتصاد التطبيقي -قسم علوم المستهلك
اول قسم الي هو تخصصي لسه مادرسته راح ابدأ فيه السنه الجايه بأذن الله بس من اطلاعي على الخطه الدراسيه القسم يتكلم عن الغذاء بشكل عاااام من جميع النواحي وقسم جدااا ممتع للي يحبه اكيد
والوظيفه تصنفك الهيئه الصحيه بعد النجاح بأختباااارها فنية تغذيه وليس اخصائية تغذيه ...
ام القسم الثاني قسم فيه حسابااااات كثير اقصد عمليات حسابيه هو يشبه مادة الاحصاء راح تدرسونها
بأول سنتين بالجامعه وراح تعرفونهاااا والوظيفه قالووو لنا انها بالبنك بس للحين مو متاكده من هالمعلومه...
بالنسبه لأختيار الاقسام قالووو لنا لم جينا نسجل للقسم انو على حسب المعدلات ارفع المعدلات للتغذيه والباقي للاقسام الثانيه بس بعدين دخلووو كل شخص بالقسم الي اختاااره اتوقع هيييك



نصيحه لكل الي داخلين الكليه ::: المواد العامه فيها صعوبه مثل كل مواد الجامعه العامه شدووو حيلكم
بالبدايه كثيرررررررر وجيبوااا معدل عاااالي لان مواد السنه الثانيه والتخصص سهله وترفع المعدل الفصلي ام المعدل التراكمي اذا نزل من البدايه صعب كثييير يرتفع


اتمنى اكوون افدتكم بالمعلومات الي عندي والي عنده اي سؤااال ممكن يرسل لي رساله وراح ارد
عليه بأذن اللله
:119:

تحيـــــــــــــــــــاتي

[اكو]

الف الف الف الف مبروووووك :d5: :d5: عقبال مانشوفكم تخدمون المجتمع بشي مفيد

ادعولي ادخل طب :praying: :s12:
واصير دكتور اد االدنيا :150:

[* نور القمر *]

الف شكر لك اختي فتوشة وماقصرتي والله ورايتك بيضاء والله يحقق لك كل احلامك :praying:
الدور والباقي على الطلاب محد راضي يفيدنا بالمعلومات :000: واخوي صاجني كل يوم يبي يعرف معلومات ومو لاقي مصدر موثوق يعتمد عليه :bawling:

اتمنى التعاون من الجميع و شكرا :g20:

[ملاك العشق]

كل الشكر للجهود المبذولة أخوتي
أنا طالبة قُبِلتْ في كلية العلوم الزراعية و الأغذية
بس حبيت أعرف طبيعة الدراسة [ عربي أو English ]
وَ الله يوفق الجميع

[ ملاك العشق ,,

[فتوشة]

العفو هذا واجبي
بالنسبه للغة الدراسه عربي بس الماده ماتخلى من المصطلحات الانجليزيه
وبعض المواااااد مثل مواد علم النباااات تكون مصطلحاتهاااا لاتينيه
بس لاتخافين مو صعبين كثير الا اذا استصعبتيهم فكري بيهم على انهم راح يزيدون ثقافتك بالللغه الانجليزيه
الي اكيد راح تحتاجين لها بالتدريب العملي وكذا راح يكونون سهلين


تحيـــــاتي
:119:

[روحي فداهم]

طيب ليش دخلتي هذا التخصص فنية تغذية ؟؟

ايهو افضل من ناحية الوظيفه تخصصش اما تخصص اقتصاد تطبيقي ؟؟

وكيف ارتب جدولي والله خايفه من هالنظام انا لاني ما اعرف له ؟؟

وشو الالوان للبلايز والتنانير المسموح بها ؟؟

[فتوشة]

دخلت هالتخصص لاني احبه ولانه حلمي من زماااان وهو اكيد افضل بالنسبه لي من تخصص الاقتصاد التطبيقي وبعد لاني ما احب الحسابات كثيييييير وبالنسبه للوظايف والله مدري شو الافضل لان قسم الاقتصاد التطبيقي قسم جديد بالنسبه للطالباااات ممكن تستفسرين عن هالمعلومه عند الطلااااااب

وبالنسبه للتنانير والبلايز حنا صراحه نلبس الي يعجبنا يعني تنوره جنز او اسود على اي تيشرت او بلوزه
بس اذا كنتوااا اول سنه لازم تلبسووون تنوره سوده وبلوزه بيضاء واذا مسكوووك الامن لابسه غير هيك ولا قصير راح تكتبين مخالفه لاتخافين عادي هم بالعاده يشددون اول سمستر من كل سنه للدفعات الجديده بس

تحيــــاتي :119:

[سمى]

هلاااا فتوشه
يعطيك العافيه يالغلاااا على المعلومات المفيده

بصراحه استفدت منك كثير

طيب بسألك

في احد من البنات الي كانوا يدرسون معك درس وبعدين قدر يحول ألى كلية العلوم الطبيه التطبيقيه؟

وياليت تسألين احد موثوق تعرفينه تعبت وانا ادور والف واحوس:sdfgdsf:

[فتوشة]

هلا سمى صراحه مااحد اعرفه حوول لكلية العلوم الطبيه التطبيقيه
والله مااريد ازعلك بس اقولك لا تتحمسين كثير لموضوع التحويل مااريدك تتأملين وبعدين تنصدمين
لان الي سمعته وهو كلام مو اكيد بس مقنع بالنسبه إلي ان التحويل من كليه عاديه لكليه طبيه مستحيل
حاولي تسألين حد يعرف الاجابه الاكيده بس نصيحتي لك كمان حاولي تتأقلمين في قسمك الي الله كتبه لك وحاولي تحبينه واكيد راح يكون بيه مصلحه لك

اتمنى اكون ساعدتك

تحيـــــــــــــــاتي

[][ شموخ الخيل ][]

الله يجزاك خير فتوشه ويوفقك قولي امييين
..
بس انتي متاكده ان اول سنه لااازم تنوره سودا وبلوزه بيضا؟؟؟؟؟؟؟؟ :(

[فتوشة]

هلا حائره
انا متأكده انه ايام الاحتبار لازم تنوره سوده وبلوزه بيضه بس مو شرط تلبيسين كذا من اول يوووم
لا جربي وراح تشوفين البنات شو لابسين واذا امسكوك الامن قولي لهم انا اول سنه وماادري عادي مو مشكله كبيره بس اذا شفتي ناس لابسين شي يلمع واشياء غريبه هذول بعدي عنهم لانهم ناس غريبين
كنهم رايحين عرس بعز الظهر والشمس ههه اللله يهديهم
حلو الواحد يكون لابس ملابس مرتبه بشكل معقووول للدراسه
وعلى فكره ترا في دكاتره واساتذه هم يفرضون نوعية اللبس في محاضرتهم بعضهم لازم ابيض واسود
وبعضهم مايرضون كم قصير ولاتنوره قصيره هيييك لازم تتقيدين بقوانينهم عشان تتجنبين الغيااب

تحيــــــــــاتي

[emoo.bs]

انا دفعة 2009
بس بصراحه بنات المواد العامه ماهي صعبه اعارض اختي
لانو مثلا كيميا وفيزيا واحياء ورياضيات وانقلش سواء علميه او نجل 1001<<<تافهين بصراحه واسهل من الثانوي لانو تحسون كله مراجعات للي خذتوه
الفيزيا متعه مو طبيعيه ماحبيته غير بالجامعه وانصحكم بالأستاذه كوثر الفارس قمه روعه
كيميا حلو بس الي فاهمه صح بالثانوي كمان بتجيب a+ << انا خذت عند استاذه سمر الدوسري
احياء <<لا تعليق يغث بس سهل
رياضيات مرررررررررررره تافهه حده حق متوسط ابتدائي <<انصحكم للي مو فاهمه رياضيات من عمرها تروح عند استاذه لولوه العيسى تشرح شرح
الانقلش مره سهل عند اي وحده
وباقي مواد الاسلامك دكتوره حنان ومياده روعه

بقاي المواد الي درستها مثل انتاج حبواني وسمكي غثه حده بس سهل

الاحصاء والاقتصاد حلوين خذوه عند دكتورة عبير او سلوى عادي بس عبير طيوبه ماتتعب
وكمان الحاسب دكتورة عبير

بنات وترى دكتورات كليتانا طيوووبين حده ومتسامحين بس يعني سلوى شوي بالواجبات تدق بس مره يساعدون ويضحكون بوجهك
مو علشان كليتنا بس الكل يقول دكاترتنا طيبين

وعلى التخصص التغذيه انا البنات الي تخرجو قالولي انو تقدرين تصيرين اخصائيه لما تقدمين ماستر او تخذين خبره كم سنه بالمجال
يعني مافي مشكله

والله يساعدكم ياارب

[فتوشة]

انا ماقلت المواد صعبة وتعجز لالالالالا قلت فيها شيئ من الصعوبة
كمان مستحيل نقول المواد تافهه بالمررره لو انها تافهه ماكان درسناهاا بالاصل وماكان فيها نسبة رسوووب
يمكن يكون هاذا رايك بالموااااد بس انا رايي يعتمد على راي الاغلبيه المتوسطة وانا كنت اقصد انو اهمال الماده نفسها وعدم مذاكرتها والتركيز بالمحاضره راح يخلي اتفه ماده صعبة
ومافي ماده تخلي من الجانب الصعب هه حتى مواد ثانوي ماكانت سهلة كذا وتافهه
يمكن تجربتك بالجامعه كانت بيرفكت وانا مبسوطة لك بس تاكدي انو تجربه ناس كثير مو مثل تجربتك ولا راح تكوووون

(( كل قصدي اقول كلام واقعي وما اعيش البعض بالحلم الجامعي مو قصدي احطم ولا اعجز انا بالرغم من كذا جبت معدلات عاليه في مواااد مو شي مستحيل ))
وهاذا بالاول والاخير رأيي الخاص ولكل شخص حرية الاخذ بيه وتركه

تحــــــــــــياتي :119:

[شمس الضحى]

أنا من دفعة 2008 وتخصصي تغذية مثل الأخت فتوشة ... :119:

وماشاء الله عليها كفت ووفت بس في شغلة حبيت أوضحها ... :g2:

بالنسبة لمقرارات سنة أولى اللي هي الكيمياء العامة - الفيزياء العامة - الرياضيات العامة - الأحياء

العامة عدد الساعات لكل مقرر من هذي المقرارات أربع ساعات وكل ماكان عدد الساعات كبير لازم

الواحد يجتهد بالماده ويقدم فيها كويس قد مايقدر لأن لها دور كبير بالمعدل وخصوصًا المعدل

التراكمي اللي راح يمشي معك من أول سمستر لك بالجامعة إلى آخر سمستر وأتوقع هذا اللي

كانت تقصده الأخت فتوشة .... والله أعلم ... :praying:

وأي سؤال أنا حاضره باللي أقدر عليه ... :g8:

[فتوشة]

يسلم فمك شمس الضحى فعلااا هاذا الي كنت اقصده ماقصرتي على التوضيح
الله يوفق الجميع ويوفقنا بمواد السمستر الجااااي والتسجيل والتأكيد
:s12:

[hanood]

السلام عليكم جميعآ،

انا من ضمن المقبولات لهذهـ السنه

علمآ بأن نسبتي المركبه حلوهـ وتدخلني كلية العلوم بس ميولي هو الصيدله

وللآسف ماحصل:Cry111:

لكن الحمدلله انقبلت بقسم العلوم الزرآعيه وآناا محتارهـ بين قسمين

همآ// قسم الغذاء والتغذيه(التغذيه العلاجيه)
و
(الأعمال الزراعية وعلوم المستهلك)

من الأفضل فيهم؟؟


أرجووكم أفيدوني،

..،..

[فتوشة]

توضيح فقط

قسم الغذاء والتغذية وليس قسم التغذية العلاجيه القسمين مختلفين القسم الاول هم الي عندناا
ام القسم الثاني فهو تابع لكليه العلوم الطبيه التطبيقيه

وجهة نظري تو الناس انك تحتارين قدامك سنتين مواد عامه وراح تدرسين مواد للقسمين او بمعنى اخر مواد راح تعرفك وتعطيك نبذه مختصره عن كل قسم وراح تفكرين شو الي حبيتيه اكثر وكذا راح تحتارين شو الافضل بالنسبه إلك

تحيـــــــــاتي

[شمس الضحى]

يسلم فمك شمس الضحى فعلااا هاذا الي كنت اقصده ماقصرتي على التوضيح
الله يوفق الجميع ويوفقنا بمواد السمستر الجااااي والتسجيل والتأكيد
:s12:



الله يسلمك يا أختي ... :g8:

آمين يارب العالمين :praying: ... والله أحاتي مواد ما دخلت لي بالتسجيل المبكر اخذوها علينا دفعة 2007 :Cry111:

والله يعين ... :praying:

[سمى]

السلام يعطيك العافيه فتوشه

طيب كيف اعرف اسماء الدكاتره الي يدرسون المواد العامه


ماني عارفه احسنهم و الأسوء

ابي الي متفهمين ويساعدون ويراعون بالدرجات وطيبين ونفسيتهم حلوه

والشرح واضح ومايغث ابي فعلااا اذا دخلت محاضرته/ا استمتع فيها

كاني داخله اخذ معلومات لمدى الحياه مو كأنها معلومه وخلص



ابي كل دكتور/ه والماده الي يدرسونها



تكفووووووووووووووووووووون

يااهل الخبره

[رفيعة الشآن]

سمى..

عندك باااسل ثقآفه ..

حلووو جدن ..

أحسن شئ ..


قولي لي المواد واقولك أزين شئ فييهآآ


يانآس وين التطبيق حق علوم مستهلك ؟

بنات : |

[fa6oma]

بنااات من جدكم المستجداات تنورة سووده وبلوزة بيضااا:c8:
ويييييييييين قاعدييييييييين !!!:sdfgdsf:

والعبايات طيب ممنوع عباية الكتف بالجامعه ؟؟:017:
والجوال الكميراا اكيد ممنوع بالجامعه بس بالسكن عادي ولاا ؟؟:g2:

[فتوشة]

التنوره سودة والبلوزة بيضة هذااااا نظام الجامعه بس ههههههههههه محد يطبقة الا بالاختباراااات لبسي الي تبين بس حطي في بالك انك معرضة للمخالفه بأي وقت والعبايات عادي على كيفك ام جوالات الكاميرااااااا مستحيل اذا صادوه عندك الامن او اجهزتهم صادته عندك يحولونك مجلس تاديبي واحتماااال فصل

[! M !]

يسسسسسسسسلمكُ ربي على إفأآدتنـأإ بصرآحهُ آستفدت انا كثيرُ


آنا من ظمن الطـآأإلبـآأت المقبولآت ٌُ لسسنه هذيُ

ونسبتي الحمدلله ح ـلوووهـ بإمكـآأنيُ آدخل كلية العلوم بس ميوليُ كـآأن -----> كلية الزرآع ـهـ

لاآنيُ تعرفت على وحده وحببتني فيهـآأ قالت لي مـآأإره سهله وتجننُ وتوكلت عل الله ودخلتهـأإ ..


×بس حبيت آستفسرٌُ.. :119:

بالنسبه للموآد اللي رآح آخذهـآأإ السمستر الاول البنت عطتني اسمـآأء الدكـآتره وانا ابي رآيكمُ بع ـد من آحسن ..

قـآألت ليُ /

الثقـآفه الاسسلآميه -------> باسل الح ـآفيُ
اللغه الانجليزي <-- شخصً وآحد
الكيميـآأإء العـآمه -----> سمر الدوسريُ
الريـآأضيــــآأت العامه -------> حنـآن المسلم
مقدمه في ع ـلم ااحصـآأء -----> سلوى
مقدمه في الح ـآسب الآلي ------> عبير


× وبسسسـآلكمُ بسً آخذ نظري وبعدينُ عملي .؟!


ومشكوورينُ مقدمـآأإ..ًً :119:

[احلام مؤجلة]

مرحبآآ بنآآت مبرووك لكل المقبولآت بالجاآمعة ,,,


أناآ من دفعة 2009 ,,,,


مآكنت أفكر أدخل القسم بس لمآ دخلته حبيته وأنبسطت مرة فيه ,,,


إذا على اللبس بصرآحة ألي شفته أنو مآيتكلمون عن اللبس كثير ,,, يعني يمكن بمواد الثقافة الاسلامية

والعقيدة وكذآ ,,, ممنوع الكم القصير والتنورة القصيرة وسمعت انو بعضهم يحددون اللون من اول محاضرة ,,,

يعني راح تعرفين شروطهم من أول يوم ,,,

أماآ البآقي مآشفت أحد قال شيء <<< دائمآ مخالفة بس محد يقول لها شيء لحد يسمع كلامها خخخخخخخ :hahahahahah:


والدكاترة كلهم كلهم مرررررررررة طيبين ....

المواد الي أخذتهاآ


الثقافة الاسلامية : باسل الحافي ممتعة محاضرته بس مو كل مرة يشرح الموجود بالملزمة طويلة المادة بس مرة سهلة

الرياضيات : حنان المسلم >>> طيبة مرة ومتساهله كثير والمادة سهله برضوا بس انتبهوا للشرح

الانجليزي : هاله البراك <<< عسسسسسسسسسل وربي من جد حبيتها :cheese: وأساسا المادة مرة سهله

حاسب : نظري عند عبير والعملي نسيت اسمها هع :cheese: بس برضو سهل وحلو

إحصاء : سلوى المادة مره سهله بس سلوى شوي ماتحب السوالف بالمحاضرة >>> راعية سوالف والواجب أول بأول << كأننا بمدرسة خخخخخخخخ :bawling::cheese:


أحياء : أخذتها نظري عند إيمان عسسل وربي مع ان كل البنات يقولون عصبية :t1: بس مدري احترميها تحترمك ,, المنهج طويل بس حلو لا تحفظين بدون فهم ,,,

هذا حق السمستر الاول


أما السمستر الثاني ,,,,,


كيمياء : عند سمر مررررررررة رائع وسهل ,,,

عقيدة : عند ريم ,, برضوا حلو ,,,

إقتصاد : عند عبير ,,, <<< محد يقول عنها شيء لانها طيبة ومتعاونة مع الطالبات مرة

إنتاج حيواني وسمكي : نسيت اسمها :hahahahahah: بس طيبة مرة مصرية هي ,,, والمادة دسمة بس ممتعة ,,, خخخخخخخخخخ حبيت البقرة من كثر مادرسنا عنها :hahahahahah::hahahahahah:

أنجليزي علمية : عند الاستاذة لانا ,,,,, المادة حلوة بس المحاضرة مملة ومافيها حماس :000:


ثم أخذت فصل صيفي :cheese: <<< مجتهده البنت خخخخخخخخ

نظام قتصادي : عند الحصين مررررررة يجنن وروعة والمادة حلوة ,,,

كتابة وتعبير : عند عبد العزيز الحليبي :cheese: المادة سهلة بس انتهبي للشرح لاني باي وقت يمكن يقومك خخخخخخخخخخخ


الصيفي أحلا مافيه انو تأخذين أقل من النصف من الي تدرسينه في سمستر كامل ,, وبالسهولة تجيبين A



هذا الي عندي وعذرآ ع الاطالة ,,, وإن شاء الله أفدتكم ولو بالقليل ...



بالتوفيق للجميع :g8:

[رفيعة الشآن]

بناااااااات البسوو الي تبووون بس يكون كم طوويل
أو 3 اربآآع


تنوره جنز أو سوودآ ..

* الي تسآل عن العملي والنظري سجلييهم مع بعض ..

ماتتسجل ذي الا مع ذي والعكس صحيح ..

آي سؤآل ؟

[فتوشة]

الأراء مختلفه بالنسبه للدكاتره انذكرت اسماء دكاتره درسوني والبعض مادرسني ارائي تختلف في بعض الدكاتره
راح اذكر الموااااد لكم وارااائي قريبااااااااا باذن اللله

[! M !]

مـآأفهمتُ كيف يع ـني آسجلهم معُ بعضً ..َ..؟

[مالك علاقة]

السلام عليكم ورحمة الله وبركااته :g20:

مبروووك للمقبولين والمقبولات بالكلية .. :d5:

انا انقبلت ولله الحمد بالكلية وانا عن نفسي حابتها .. لكن لأنها بالاحساء وانا من سكان الدمام

وما ودي ابعد هن اهلي تدرون مايقدرون يعيشون من دوني :hahahahahah::hahahahahah: <<

أمزح :cheese:

المهم عندي سؤال بالنسبة للسكن وكيف اقدر اقدم فيه لأني مااعرف شي ياريت

احد يفيدني جزاكم الله خير ..

ويعطيكم العافية اللي وضحولنا عن الدراسة للكلية وانا مرة متحمسه ابدأ الدراسة فيها ..

[فتوشة]

يعني تكتبين لم تسجلين قم سي ار ان تبع ماده النظري والعملي سواااا وبعدها تدقين تسجيل
هيييك

تحياتي

[احلام مؤجلة]

أيوا صحيح لازم النظري مع العملي ,,,

لما تآخذين السي ار ان للمادة في رقم للعملي وفي رقم للنظري وتختاري الي يناسبك ,,,


بالتوفيق :love080:

[@Ahmed@]

معقولة كل المقبولين

بناات !!

ما فيه طلاب :c8:

[! M !]

يسسسسسلمكُ ربي ياعنونيُ فهمتُ :love080:


الله يع ــطيكمُ العـآأفيهٌ..ً :119:

[co0ol]

ما شاء الله اللهم زد وبارك .. ما أسأل وحده من اللي أعرفهم او جمعني معهم سنه دراسيه ,, بأي تخصص انقبلتي ؟ > ما ترد الا كليله الزراعه:mh11: قآيم والله عزها كلية الزراعه :mh001:

[جوديانا]

بنات يبدا تاكيد التسجل وما ادري ايش تراني غبيه ومو فاهمه شي وبعدين كيف ادخل برقم اكاديمي وما ادري ايش فهمووني كيف .. وين رابط الموقع حق كليتنا "كلية النخل ":c8: عشان أكد التسجيل واسجل المواد قولي القصه لاني والله زي الاطرش في الزفه

[فتوشة]

كليتنا "كلية النخل
كليتنا مو كلية نخل على قولتك كليتنا افضل بكثير من هالكلمه وراح تشوفين بنفسك وحنا في هالملتقى هدفنا اكيد نرتقي بكليتناا الي الكل يشوفها مثلك وهي اكيد مو كذااا وانا عن نفسي ما احب اسمع هالكلمة عن كليتي
وعذراااا (( جوديانا )) بس مستقبلي في كليتي ما اسمح لحد يستهين فيه ويعبر عنه بها الكلمه
عذرا عالمداخله


تحيااااتي

[co0ol]

" نخل "

يا شيخه احمدي ربك غيرك يتمنى لو انقبل فيها

الله يفرج كربة المسلمين بس

[سمى]

السلااام عليكم ورحمة الله وبركاته


صباح الخير


فتوشه يعطيك العافيه على جهودك وحرصك لخدمة الطالبات

وايفادتهن بكل مفيد

بصراحه لما اشوف شجاعتك وتشجيعك ووقف كل من يتكلم عن الكلية

يزيد اعجابي بها


احييك على روقيك واسلوبك العالي وهمتك الانهائيه




بصراحه يشرفني اني استفيد من تجاربك


علشان كذا دائما تكون اسئلتي موجهه لك

لانك مصدر موثوق

*استفساري عدد مواد السنه التحضيرية 5 او 6؟

*وياليت رايك بالدكاتره واسلوبهم وتجربتك معهم في السنه التحضيره لك
ومن كان الاحسن والاسوء بالنسبه لك واختبراتهم ؟!


*اذا حصلت لي مشكلة او علامة استفهام بطريقي بالجامعة, من الشخص المناسب لأذهب اليه؟!

* اول يوم الي راح انداوم فيه بالجامعه بتاريخ 14/10 نداوم دوام عادي نجهز انفسنا من الساعه7 ؟!


هذي الاسئله ألي اللحين كأنها غيمه سوداء فوق راسي

واي غيمه سوده ثانيه راح اسئلك
اذا ماعندك مانع

[! M !]

:sdfgdsf: فتووشه ـ نـــــدآء هـآأإمً من ــميـرنـدآ


آي والله صدقتيُ آولً يووومُ وش نلبسً هل بندآومُ دوآمُ كاملً

ولآبسً بنـآأخ ـذ الج ـدآولً وبنرجعً بيوتنـآأإ ..؟! يعني وش رآح يصير لنـآأ آول يوم :Cry111:


وع ـآأديُ آلبسً تنوره( ـ بنيه ـ ) <-- ج ـأء في بالي وقلت إلا أسأله ـ ..!

ووو التيشرتـآأتً نلبسً آي لون ع ـآأدي ] ..!

[فتوشة]

العفووو سمى هذا واجبي
كل كلامي وردودي عباره عن تجاربي بالجامعه واحب الجميع يستفيد او يحذر منهااا
*استفساري عدد مواد السنه التحضيرية 5 او 6؟
مافهمت سؤالك بس في كليتنا سنتين تحضيريه اذا حابه تسمينهم هيك يهني سنتين مواد عامه وبالنسبه لعدد المواد
راح اذكرهم لك مع عدد الساعات
وياليت رايك بالدكاتره واسلوبهم وتجربتك معهم في السنه التحضيره لك
ومن كان الاحسن والاسوء بالنسبه لك واختبراتهم ؟!
مواد السمستر الاول
الثقافه الاسلاميه -ساعتين- الدكتور باسل الحافي دكتور جدا رائع بس الماده طويله شوي والاسئله اغلبها موضعيه
اللغة الانجليزيه - ثلاث ساعات- والله نسيت الي تعطينا بس وحده مررره حلووه هي سوريه الماده سهله وكلها ماخذيها
الكيمياء العامه -ثلاث ساعات- النظري كان عند الدكتوره امل يوسف يعني لاتعليق احس كنت ضايعه ماكنت افهم عليهااا
والعملي كان عند وفاء الثنياااان حليوووه اخذت عندها بعد عملي الكيمياء العضويه
الرياضيات العامه - ثلاث ساعات - حنان المسلم بعد لاتعليق ما احب هالماده وكانت محاضرتي العصر يقولون لولوه العيسى تهبل
مقدمة علم الاحصاء -3ساعات- عند سلوى عبد المنعم طبعااا اسلوبهاا حلووو وتاخذون عندهاااا مواد كثير
مقدمة الحاسب الالي -3 ساعات - بعد سلوى عبد المنعم للنظري والعملي كان هدى النعيم ماده سهله جدااا للي يعرف للحاسب وترا سلوى موادها كلها فيهاااا حسابااات يعني اسئلتهاااا مقاليه مسائل نوعاااا ماااااا

17 ساعه

[فتوشة]

مواد السمستر الثاني
العقيده والاخلاق -2- كان عند مررره نسيت اسمهاااا بس هي راحت من الجامعه الماده حليوه وغالب اسئلتهاااا تكون موضعيه
الاحياء العامعه -4- تنقسم هالماده قسمين النظري وقسمين العملي -النظري قسم النبات درستني هند سويفي وقسم الحيون ايمان عباس راح يدرسونك هالدكتورتين كثييييييييييييييييييييير ولعملي كان هدى الدوسري تعصب كثير وماتبي ولا همس بالمعمل وبالرغم من كذاااا ماعطتنا درجاتنا طول السمستر بس الحمد اللله نجحنا
الفيزياء العامه -4- كوثر الفارس حمدت ربي نجحت بالماده كانت عندي عقده بالفيزياااء فماحبيت شي بالماده واسئلة الاستاذه كانت صعبه بالشهري وبالنهائي يقولون اسهل ويقولون ترسب انا ماحبيتهااا مع احترامي لهااا
الانجليزي العلميه -3- درسوني هالماده عشر يمكن كل شوي دخلت علينا وحده ماده سهله بعد مايبي لهاااا كثير مذاكره
مقدمة علم الاقتصاد-3- سلوى عبد المنعم وهالماده تكلمه لمادة علم الاحصاء تقريباااا

16 ساعه

[فتوشة]

اذا حصلت لي مشكلة او علامة استفهام بطريقي بالجامعة, من الشخص المناسب لأذهب اليه؟!
طبعا بم انك دفعة جديده دائما تروحين لعميدة الكليه الدكتوره مليحة المرزوووق ماتقصر بالممممره مع الدفع الجديده
وبعد سنه طبعااا الله يعينك في السكرتيره وكم مكتب جمب مكتب الدكتوره مليحه ممكن يفيدونك وبعد مشرفتك الاكاديميه
تفيدك كثييييييييير وفي مكتب التسجيل في نفس دور كليتنا عند مكاتب الدكاتره ممكن يفيدونك
* اول يوم الي راح انداوم فيه بالجامعه بتاريخ 14/10 نداوم دوام عادي نجهز انفسنا من الساعه7 ؟!
والله انا اذكر اول يووووم رحت بدري من س7 ورحت طبعااا للدور الثاني في المبينى الاول الي فيه كليتنا وجلسنا
فتررررررررره طويله كل شوي يقولووون بنوزع الجداول بعد نص ساعه مدري بعد ساعه بالاخير وزعوهااا بس متاخر وطبعا وزعونا على قاعات بالاول وعرفونا على الكليه وهيك اشيااااء

جاهزه لاي استفسااار

تحيــــــــــــــاتي

[فتوشة]

آي والله صدقتيُ آولً يووومُ وش نلبسً هل بندآومُ دوآمُ كاملً

ولآبسً بنـآأخ ـذ الج ـدآولً وبنرجعً بيوتنـآأإ ..؟! يعني وش رآح يصير لنـآأ آول يوم


وع ـآأديُ آلبسً تنوره( ـ بنيه ـ ) <-- ج ـأء في بالي وقلت إلا أسأله ـ ..!

ووو التيشرتـآأتً نلبسً آي لون ع ـآأدي ] ..!


اول يوم ترا مايخوووف بس اهم شي لاتضيعين بالزحمه انا رحت اول يوم مع اختي ووصلتني للدور الي فيه كليتنا وبس تركتني وبتشوفين بنات زحمه امشي وراهم هههه جد اهم شي خلك بها الدووور وماراح تضيعين لجاو يوزعوون الجداول اكيد راح تعرفين ولأخذتي الجدول اتوقع تروحين البيت تسجلينه ما اتوقع في دوام اول يووووم لكم بس انا من ثاني يوووم داومت في دكاتره حضروووو اذكر كوثر الفارس حضرت من اول يوووم طبعا الجدول فيه ارقام المبني ورقم القاعه الي فيه محاضره لك ووقتها سألووو وماراح تتوهووون
بالنسبه للبس عاااادي انا لبست اول يوم تنوره جنز طويله وبلوزه لونها بطيخي تقريبااااا بس كان كمهااا ثلاث ارباع
يعني لبسووو اي لون تنوره وبلوزه بس اهم شي ماتصير البلوزه قصيره اول يوووم لانكم دفعه جديده راح يتسببون عليكم


تحيــــــــــــــاتي

[emoo.bs]

ياحياتي البنات بالزحمه اول يووم
احيا عاامه ماصار هند السويفي تدرسه <<غيروها نسيت وش اسم الي درستنا بس دوبها
رياضيات <<اايد لولوه العيسى مرررررررررررره تساعد وتخليكم تختارون اسالت ااختبار الاضافيه

انا عندي سؤال <<حسيت رجعت مستجده
مين مشرفتا الاكاديميه ؟؟؟
جاتني صدمه ماعرفت لاني شهريا انشب لدكتوره مليحه
مايهون علي شهر مازروها

[دوناامونيتا]

بنااااااااااااات وربي مااعرف شي توني مسجده ابي اعرف متى الدواااااااااام
ومتى نسوي الجداول حقتنا وشلون نسويهااااااا تكفون افيدوني وااول يوم لازم اداوم ولا لا؟

[fa6oma]

سلام عليكم
بناات اوول يووم ايش الاوراااق الي نحتااج نوديهااا ؟؟؟:c8:

[صـافـي]

السلام عليكم و رحمة الله...

كيفكم بنوتاااااااات..؟؟

انا توني اسجله في الملتقى عشان استفيد منكم....

لاني صراحه مو جايه افهم شي من اللي انتو كتبتوه...

أحس عقلي وقف عن التشغيل << يمكن يبغيله بانزين .هع..:hahahahahah:

وبعد لاني توني مستجده في الكليه ...

يعني ما اعرف عنها شي مثل الاطرش في الزقه...

وماباقي الا 3 أيام و لا اعرف ويش اسوي..

يا الله.. الله يعينا...

يللا تكفون بصروني...:Cry111:

[قمـــــر]

السلام عليكم ورحمه الله وبركاته
كيفكم يا بنوتات ؟
بما اني مستجده حبيت اسأل متى نقدر نسجل جداولنا وشلون ؟ :150:

وكليتنا في اي مبنــــــــى ؟؟ المبنى القديم صح ولا لا ؟؟:mh19:
ومشكورة اختي فتوشه على كل المعلومات ما قصرتي

:119:

[جوديانا]

كليتنا مو كلية نخل على قولتك كليتنا افضل بكثير من هالكلمه وراح تشوفين بنفسك وحنا في هالملتقى هدفنا اكيد نرتقي بكليتناا الي الكل يشوفها مثلك وهي اكيد مو كذااا وانا عن نفسي ما احب اسمع هالكلمة عن كليتي
وعذراااا (( جوديانا )) بس مستقبلي في كليتي ما اسمح لحد يستهين فيه ويعبر عنه بها الكلمه
عذرا عالمداخله


تحيااااتي

آسفه خيتو بس انا قلتها على مزح مو استهانها فيها بالعكس لو مستهينه فيها اساسا ما سجلتها فيها ويعطيك العافيه واتمنى ما تزعلين مني :011:
و اسال الله التوفيق للجميع
وشكرا

[شمس الضحى]

طبعا بم انك دفعة جديده دائما تروحين لعميدة الكليه الدكتوره مليحة المرزوووق ماتقصر بالممممره مع الدفع الجديده
وبعد سنه طبعااا الله يعينك في السكرتيره وكم مكتب جمب مكتب الدكتوره مليحه ممكن يفيدونك وبعد مشرفتك الاكاديميه
تفيدك كثييييييييير وفي مكتب التسجيل في نفس دور كليتنا عند مكاتب الدكاتره ممكن يفيدونك

والله انا اذكر اول يووووم رحت بدري من س7 ورحت طبعااا للدور الثاني في المبينى الاول الي فيه كليتنا وجلسنا
فتررررررررره طويله كل شوي يقولووون بنوزع الجداول بعد نص ساعه مدري بعد ساعه بالاخير وزعوهااا بس متاخر وطبعا وزعونا على قاعات بالاول وعرفونا على الكليه وهيك اشيااااء

جاهزه لاي استفسااار

تحيــــــــــــــاتي



يا الله تذكرت نفسي ذاك اليوم :c8: وأحنا المستجدات متجمعين مع بعض وكل ما قالوا لنا روحوا القاعة الفلانية إنطلقنا لها وبعدين يقولون لنا رجعوا ونرجع ... أحس كنا ضايعين :119:

وبعدها قسمونا في قاعات وأنا من قاعه لقاعه وآخر شيء خذت جدولي من عند د/ مليحة ... كنت بصيح وقتها لأنها قالت خلصت الجداول وأنا أقول وشلون يعني بجلس بالبيت :Cry111:

بس الحمدلله تسهلت الأمور ... :praying:

والله يوفقنا ونقدم أفضل ما عندنا ... :praying:

[شمس الضحى]

ياحياتي البنات بالزحمه اول يووم
احيا عاامه ماصار هند السويفي تدرسه <<غيروها نسيت وش اسم الي درستنا بس دوبها
رياضيات <<اايد لولوه العيسى مرررررررررررره تساعد وتخليكم تختارون اسالت ااختبار الاضافيه

انا عندي سؤال <<حسيت رجعت مستجده
مين مشرفتا الاكاديميه ؟؟؟
جاتني صدمه ماعرفت لاني شهريا انشب لدكتوره مليحه
مايهون علي شهر مازروها



الأحياء العامة قسمين حيوان ونبات درستني الحيوان د/ إيمان عباس والنبات د/ حمده شعاببنه << إن شاء الله يكون اسم العائلة صح >> ... والعملي درستني أ/ هدى الدوسري ...

بالنسبة للمشرفة الإكاديمية عشان أقدر أساعدك إنتي من أي دفعة ؟؟؟

لو كنتي من نفس دفعتي 2008 فالمرشدة الأكاديمية هي نفسها اللي استلمتي منها الجدول ... :119:

وعلى فكرة الأسامي معلقة على زجاج مكتب التسجيل ... :g8:

أتمنى إني أفدتك ... :119:

[fa6oma]

محد جااوب علي شنو الاوراق المطلووبه اووول يوم ؟؟:c8:
وصحيح بس ناخذ الجداوول ومارح نداوم الا يوم 21 :c8:

[شمس الضحى]

محد جااوب علي شنو الاوراق المطلووبه اووول يوم ؟؟:c8:
وصحيح بس ناخذ الجداوول ومارح نداوم الا يوم 21 :c8:



والله ما أذكر إني أول يوم خذت معي أوراق .... :mh19: ما أدري شوفي فتوشه وش تقول :119:

وهم بيسوون لكم حفل تعريفي بالجامعة وبإنظمتها وبيقولون لكم عن الأوراق المطلوبة للبطاقة الجامعية ... مثل سووا لنا ... :119:

ليه الجامعة حطوا إعلان أنكم راح تاخذون جداولكم جاهزة من الكلية ؟؟؟؟ :g2:

[رشـّـة عطـّـر]

ماتأخذين شيء اول يوم بس اخذي نوته

عشان إذا احتجتين تكتبين شيء عشان تذكريه

واما على الدوامات في على الدكتوره إلى ماخذه عندها

بعضهم مايداوم إلا الاسبوع الثانى

والبعض يداوم من الاسبوع الاول

أذكر الدكتوره عبير الله يذكرها بالخير

من الاسبوع الاول دوام

بس جد دكتوره ولااروووع

يمكن الشرح طويل

بس اسأله واخلاااق


اتمنى انى افدت بشيء




أختى قمر

ايوه احنا مبنانا القديم المبنى الاول

بس المحاظرات تكون على حسب القاعات

يعنى وحده في الاول ووحده في الثالث

يعنى كذا
:119:

[شمس الضحى]

السلام عليكم ورحمه الله وبركاته
كيفكم يا بنوتات ؟
بما اني مستجده حبيت اسأل متى نقدر نسجل جداولنا وشلون ؟ :150:

وكليتنا في اي مبنــــــــى ؟؟ المبنى القديم صح ولا لا ؟؟:mh19:
ومشكورة اختي فتوشه على كل المعلومات ما قصرتي

:119:



وعليكم السلام ورحمة الله وبركاته ..

الحمدلله بخير ،، أخبارك إنتي إن شاء الله بخير ... :119:

حياكِ الله بكليتنا ... :mh001:

حسب ما هو مذكور بالخطة يوم السبت 14/10/1430هــ الموافق 3/10/2009م الساعة 6 مساءً ....

شوفي الرابط خطة التسجيل للطلبة المستجدين (http://www.kfu.edu.sa/ar/Deans/AdmissionRecordsDeanship/registration/Pages/RegistrationForGirlsCollege20082009AndHealthScienc es2009Only.aspx)

كليتنا بالمبنى رقم 1 ... إذا تقصدين أقدم مبنى بالجامعة فأقولك إيه ... :119:

وأنا بعد أشكر فتوشه ... :d5:

موفقه وأي سؤال أحنا بالخدمة ... :g8:

[صـافـي]

امشكورين على المعلومات و الله يعطيكم العافيه..

طيب انا اريدكم تساعدون في الجدول...

يعني..

اريد كل ماده و احسن دكتور/ه يدرسونها..

من حيث الاسلوب و الاخلاق و اسئلة الاختبارات...

واتمنى باسرع وقت .. الله يعطيكم العافيه..

اممممممم

وبعد ويش اسأل....؟؟؟...:mh19:

اذا جا ببالي شي راح اقوله لكم...

وعذرا ع الازعاج...

اختكم / صـــافي

[قمـــــر]

ماتأخذين شيء اول يوم بس اخذي نوته

عشان إذا احتجتين تكتبين شيء عشان تذكريه

واما على الدوامات في على الدكتوره إلى ماخذه عندها

بعضهم مايداوم إلا الاسبوع الثانى

والبعض يداوم من الاسبوع الاول

أذكر الدكتوره عبير الله يذكرها بالخير

من الاسبوع الاول دوام

بس جد دكتوره ولااروووع

يمكن الشرح طويل

بس اسأله واخلاااق


اتمنى انى افدت بشيء




أختى قمر

ايوه احنا مبنانا القديم المبنى الاول

بس المحاظرات تكون على حسب القاعات

يعنى وحده في الاول ووحده في الثالث

يعنى كذا
:119:

مشكورة اختي رشه عطر ما قصرتي
الله يجزاك خير :119:

وبالتوفيق :g8:

[قمـــــر]

وعليكم السلام ورحمة الله وبركاته ..

الحمدلله بخير ،، أخبارك إنتي إن شاء الله بخير ... :119:
الحمد الله تمام


حياكِ الله بكليتنا ... :mh001:

الله يحيـــيك اختـــي

حسب ما هو مذكور بالخطة يوم السبت 14/10/1430هــ الموافق 3/10/2009م الساعة 6 مساءً ....

شوفي الرابط خطة التسجيل للطلبة المستجدين (http://www.kfu.edu.sa/ar/deans/admissionrecordsdeanship/registration/pages/registrationforgirlscollege20082009andhealthscienc es2009only.aspx)

كليتنا بالمبنى رقم 1 ... إذا تقصدين أقدم مبنى بالجامعة فأقولك إيه ... :119



وأنا بعد أشكر فتوشه ... :d5:

موفقه وأي سؤال أحنا بالخدمة ... :g8:


كل الشكر لك اختي شمس الضحى

على كل المعلومات

كفيتي و وفيتي

ما قصرتي يالغلا

تمنياتي لك بالتوفيق :119::119:

[رشـّـة عطـّـر]

:cheese:
:cheese:امشكورين على المعلومات و الله يعطيكم العافيه..

طيب انا اريدكم تساعدون في الجدول...

يعني..

اريد كل ماده و احسن دكتور/ه يدرسونها..

من حيث الاسلوب و الاخلاق و اسئلة الاختبارات...

واتمنى باسرع وقت .. الله يعطيكم العافيه..

اممممممم

وبعد ويش اسأل....؟؟؟...:mh19:

اذا جا ببالي شي راح اقوله لكم...

وعذرا ع الازعاج...

اختكم / صـــافي

نا اخذت بقولك انا وش أخذت وعجبنى

الرياضيات:.. حنان المسلم

صراحه انا حبيتها لان اصلا المنهج مرررره سهل وبس إعاده لثنوي

يعنى إذا إنتى شاطره في الرياضيات أخذيه عندها واستريحي:119:
بس يمدحون لولوة :t1:

اما الثقافه :.. عند باسل الحافي

مررررررريح مررره

واسألته موضعيه بس بعض الاحيان تشوفين السؤال غير طبيعي يجيبه من دااااخل الكلام

والعقيده :.. آممم
ناسيه اسمه بس والله رهيييب ومتعاون والله مااذكر اسمه
إذا تذكرته بقولك

والاقتصاد :.. عند عبير
أقولك رااااحه في كل شيء
اسألتها مرررره بسيطه ومن اسألة المراجعه وموضعيه
ومتسااهله
وطيوووبه الله يذكرها بالخير
هاذي اروع دكتوره علمتنى

الاحياء :..
النبات عند هند لسويفي
حلو
والحيوان عند نجلاء الحوتان
صرااحه مع إحترامى احسها شوي يعنى منقصه من الاخلاق:c8:
رأيئ طبعا والكل له رايه :c8:
يعنى اخذيه ومشي

والباقي إذا تذكرت جيت
:cheese:

بس انصحك بأي ماده فيها عبير أخذيها وانتى مغمضه

وربي يوفقك انتى والكل :s12:

وانا طبعا :g20:

[أولى سنة 2010]

السلام عليكم ورحمة الله وبركاته
كيفكم بنات إنشاء الله تمام وعقبال مانلتقي بالجامعة

أنا اليوم حبيت أخذ رائكم في المواد اللي بدرسها المستوى الأول

1- المدخل في الثقافة الأسلامية وراح تكون ساعتين
2- لغة أنجليزية بتكون 3 ساعة
3-مقدمة في الحاسب الآلى بتكون 3 ساعة
4- أحياء عامة بتكون 4 ساعة
5- كيمياء عامة 4 ساعة

وبكذا أكون أخذت 16 وحدة دراسية

أنا أخذت هذي المواد حتي يكون المستوى الأول سهل علي حتى أتعود على أجواء الجامعة
أبغي رايكم فيها واللي عندها فكرة أحلى من هذه تقولها لي
طبعا قبولي كان في كلية العلوم الزراعية و الأغذية

ومشكورين ويعطيكم العافية :119:

[صـافـي]

:cheese:
:cheese:

نا اخذت بقولك انا وش أخذت وعجبنى

الرياضيات:.. حنان المسلم

صراحه انا حبيتها لان اصلا المنهج مرررره سهل وبس إعاده لثنوي

يعنى إذا إنتى شاطره في الرياضيات أخذيه عندها واستريحي:119:
بس يمدحون لولوة :t1:

اما الثقافه :.. عند باسل الحافي

مررررررريح مررره

واسألته موضعيه بس بعض الاحيان تشوفين السؤال غير طبيعي يجيبه من دااااخل الكلام

والعقيده :.. آممم
ناسيه اسمه بس والله رهيييب ومتعاون والله مااذكر اسمه
إذا تذكرته بقولك

والاقتصاد :.. عند عبير
أقولك رااااحه في كل شيء
اسألتها مرررره بسيطه ومن اسألة المراجعه وموضعيه
ومتسااهله
وطيوووبه الله يذكرها بالخير
هاذي اروع دكتوره علمتنى

الاحياء :..
النبات عند هند لسويفي
حلو
والحيوان عند نجلاء الحوتان
صرااحه مع إحترامى احسها شوي يعنى منقصه من الاخلاق:c8:
رأيئ طبعا والكل له رايه :c8:
يعنى اخذيه ومشي

والباقي إذا تذكرت جيت
:cheese:

بس انصحك بأي ماده فيها عبير أخذيها وانتى مغمضه

وربي يوفقك انتى والكل :s12:

وانا طبعا :g20:



مشكوره على المعلومات ...

طيب بعطيكي دكاتره ثانين و قولي رايك فيهم...

ثقافه..هدى الدليجان مدري الديجان

كيمياء..هاله دسوفي..

رياضيات وحده من العيسى..

اقتصاد.. سلوى عبد المنعم...

قولي لي رايك فيهم و يعطيك العافيه...

[* نور القمر *]

الله يعطيكم العافيه على هالتفاعل الرائع واتمنى المزيد:)

عندي سؤااااااالين واتمنى القى رد عليهم بأسرع وقت:praying:

دخلت على موقع الجامعه ولقيت خطط لتأكيد التسجيل للفصل الدراسي الاول .. هل هذي للطلاب المقبولين هذي السنه ؟؟ .. واذا كان للمقبولين كيف واين يتم التأكيد ..

سؤالي الثاني

ايش سالفة الرقم الاطاديمي والرقم السري اللي بيتم صرفه يوم الخميس الي هو اليوم ؟؟ وكيف واين ؟؟

هذي المعلومات ابيها لخوي فأتمنى تساعدوووووني وتساعدونه

والله يساعد الجميييييييييع:119:

[طالبه جديده]

انا بعد انقبلت بكليه العلوم الزراعيه والاغذيه وابغى اتعرف على بنات اروح معاهم لاني من سكان الدمام وابغى وحده اروح واجي معاها واللي يعرف وين موقع الكليه بالضبط يشرحلي الطريق من الدمام الى الكليه

[شمس الضحى]

مشكوره على المعلومات ...

طيب بعطيكي دكاتره ثانين و قولي رايك فيهم...

ثقافه..هدى الدليجان مدري الديجان

كيمياء..هاله دسوفي..

رياضيات وحده من العيسى..

اقتصاد.. سلوى عبد المنعم...

قولي لي رايك فيهم و يعطيك العافيه...



أنا بساعدك شوي مع أن أغلبهم ما درسوني ... :119:

د/ هدى الدليجان : إن شاء الله بجربها هالترم وكان في منتدى النقاش جلسة رمضانية فحسيت من كلامها أنها طيبة وحبوبه << مجرد إحساس لا غير >> ... :g2:

د/ هاله الدسوقي : والله ما أعرفها ...:no2:

أ/ .... العيسى : بعد ما أعرفها ....:no2:

د/ سلوى عبدالمنعم : حليوة وطيبوبه وهاديه ،، درستني مقدمة في علم الإحصاء وأهم

شيء تكتبين الكلام اللي تقوله وتحلين الواجبات لأنها تقومك بالمحاضرة وتحلين على السبورة

وتعطيك بعد تمارين مراجعة وتحلينها وتعطينها إياه لأنو عليه درجات هذا بالنسبة لمادة مقدمة في

علم الإحصاء :150: ... وأتوقع نفس الشيء لمقدمة في علم الإقتصاد :mh19: ... وشوفي رشـّـة عطـّـر وش رأيها ... :119:

تمنياتي لكِ بالتوفيق ...:g8:

[رشـّـة عطـّـر]

مشكوره على المعلومات ...

طيب بعطيكي دكاتره ثانين و قولي رايك فيهم...

ثقافه..هدى الدليجان مدري الديجان

كيمياء..هاله دسوفي..

رياضيات وحده من العيسى..

اقتصاد.. سلوى عبد المنعم...

قولي لي رايك فيهم و يعطيك العافيه...

هلا أختى

الدكتوره هدى والله مااعرف

بس إلى اعرفه ان الكل يمدح ريم الملا في كل مواد الدين:119:

والدكتوره هاله اسمع انها مرره حلوو بس خلك في الحصه واتطمنى

اما الدكتوره سلوى انا اخذت عندها هالسمستر

الكل يمدح فيها بس يبيلك تكتبين :cheese:

والاسئله اسمع انها مرره حلووه

بس انا اخذت الاقتصاد عند عبيير

والله انها روووعه

صحيح تكسيير من الكتاابه:000:

بس اسئلتها تحليها انتى مغمضه وكلها موضعيه :g4:

والرياضيات العيسى ماادري عنها

بس شفت كم بنت مرتاحين معاها

واي سؤال اختى إن شاء الله نفيدك

وماقصرت اختى شمس الضحى

أفادتنا

.

.

[رشـّـة عطـّـر]

الله يعطيكم العافيه على هالتفاعل الرائع واتمنى المزيد:)

عندي سؤااااااالين واتمنى القى رد عليهم بأسرع وقت:praying:

دخلت على موقع الجامعه ولقيت خطط لتأكيد التسجيل للفصل الدراسي الاول .. هل هذي للطلاب المقبولين هذي السنه ؟؟ .. واذا كان للمقبولين كيف واين يتم التأكيد ..

سؤالي الثاني

ايش سالفة الرقم الاطاديمي والرقم السري اللي بيتم صرفه يوم الخميس الي هو اليوم ؟؟ وكيف واين ؟؟

هذي المعلومات ابيها لخوي فأتمنى تساعدوووووني وتساعدونه

والله يساعد الجميييييييييع:119:



هلا اختى

اولا

الجداول لكل السنوات .. بس إذا اخوك السنه الاولى

إن شاء الله اول يوم دوام كل شيء بيعرفه

لان اول يوم يفهمون الطلاب بالجداول وكيفية التسجيل

بس لايمنع انه يسأل عشان بعدين تكون الصوره واضحه

وتكون عنده خبره بالدكاتره


ثانياً:..

الرقم الاكاديمي

هو رقمه بالجامعه وكل طالب له رقم محدد

وهو نفسه الرقم إلى يدخل فيه البنر حق تسجيل الجداول و....آلخ

يعنى ذا الرقم يحفظه زي اسمه لان اي ورقة إختبار او اي شيء

لازم بيكتبه

والرقم السري يصرف مع الرقم الاكاديمي وبعدين يغيره على كيفه:119:

إن شاء الله إنى أكون أفدتك

:119:

إدعي لى اتوفق اختى

ويارب يوفق الجميع

[صـافـي]

الله يعطيكم العافيه خواتي...

بس صراحه مو جاي يدخل شي في عقلي....

مو غباء..بس العقل قفل...

فـالحين احترت مين اختار...

بس عبير راح اخدها في كل المواد اللي تدرسها...

طيب ...

اريدكم ترجحوني ويش اختار من المواد...

لان تقول لي وحده اختار المواد السهل عشان المعدل يصير عالي...

فأريد منكم تقولون لي ويش المواد السهله مع الدكتور / ه اللي اختارهم...

اسفه ثقلت عليكم...بس ما إلي ملجأ لحد غيركم من بعد ربي سبحانه و تعالى...

طبعا مع مراعاة عدد الساعات بحيث يكون المجموع 16 ساعه..

والله يعطيكم الف الف الف عافيه...

[رشـّـة عطـّـر]

هلا أختى صـآفي

شوفي بقولك كم ماده وكم دكتوره لسمستر الاول

وانتى وراحتك

خذي

الثقافه الاسلاميه = باسل الحافي =2 ساعات

اقتصاد= عبير= 3 ساعات

رياضيات= لولوة العيسى او حنان المسلم =3 ساعات

انجليزي = مافيه في الجداول اسم عشان اقولك =3 ساعات

حاسب= عبير قناوي = 3 ساعات

احصاء = سلوى عبد المنعم = 3 ساعات

:cheese:

ادري ودك تكفخيني

هذولى 17 ساعه:cheese:

ماعليك لا غباء ولا شيء

كلنا كذا اول ماقبلونا دلوخ وش نسوي وش نحط :hahahahahah:

ولا تدرك إلا صووبوووعك أسألى :119:

ربي يوفقك وترتاحين

وهالله هالله بالمعدل


..
..

محتاجه دعواتكم

:119:

[صـافـي]

الله يعطيكِ العافيه خيتو..


الثقافه الاسلاميه = باسل الحافي =2 ساعات

مضمون ميى ميى...؟؟..او 50 بالميى...؟؟

اقتصاد= عبير= 3 ساعات

من كلامكم عليها حبيتها ..هع هههههههههه

رياضيات= لولوة العيسى او حنان المسلم =3 ساعات

رجحي لي افض وحده لو سمحتي خيتو..؟؟..

انجليزي = مافيه في الجداول اسم عشان اقولك =3 ساعات

مو خاطر على بالك وحده زوينه....؟؟؟

حاسب= عبير قناوي = 3 ساعات

مو نفس دكتورة الاقتصاد....؟؟

احصاء = سلوى عبد المنعم = 3 ساعات

مو 16 ساعه....؟؟؟

وبالاخر الله يعطيكِ الف عافيه...

[رشـّـة عطـّـر]

باسل الحافي = إلا مضموون

مررره مررييييح

وأسئلته حق الاختبار كلها موضعيه

:150:

عبير = خذيها وارتاحى

صحيح كتابه كتابه بس تسـاااعد البنات ووااااجد :sdfgdsf:

واسئلتها من المراجعه

يعنى إذا حفظتيهم غمضى وحلى :g20:


حنان المسلم = إذا انتى توب بالرياضيات اخذيها لانها بس مراجعه لثنوي

اما لولوة ماادري عنها بس الكل يمدحها :t1:


الانجليزي = هاله صالح عبدالله البراك

مررره حلوووه

بس ماادري في الجداول لمن تجين تسجلين ماشفت اسامى الاساتذه


حاسب ايه نفس الدكتوره :cheese:

تعرفين لازم احط طبعتى :hahahahahah:

احصاء = سلوى

انا بدرسه السنه ذي

وصديقتى درست عندها وقالت حلوه فأخذته على كلامها :c8:

واسفه لانها مو 16 ساعه :c8:

إذا تبين أحذفي ماده وضيفي غيرها

ربي يوفقك

دعواتكم

:119:

[صـافـي]

حنان المسلم = إذا انتى توب بالرياضيات اخذيها لانها بس مراجعه لثنوي

صراحه ماني توب فيه..:c8:.كرهته..بس مع ذالك افهم بس مو كثير

اما لولوة ماادري عنها بس الكل يمدحها ...

في وحده قالت لي انها زينه ....

يعطيكِ العافيه..:c8:

لاتنسينا من دعواتكِ

[رشـّـة عطـّـر]

ماعليك غلط كتابى :cheese:

عدلتها

لان كان في بالى الانجليزي والدكتوره إلى درستنى

:cheese:

آما لولوة العيسى

أنا آسمع الكل مدحها

[رشـّـة عطـّـر]

اجل اتكلى على الله

وخذي عند لولوة

لانى أسمع انها تشرح بالتفصيل

:119:

الله يوفقك يالغلا

ولاتخافين كل شيء سهل

بس انتى ريحي حالك ولاتحطين في بالك شيء صعب

:119:

[صـافـي]

الله يعطيك مليون عافيه...

يللا شورتك وهداية الله...

طيب بسألك..

في دراسه صيفيه....؟؟؟

اذا في ..اقدر أقلل المواد و عدد الساعات...؟؟؟

[رشـّـة عطـّـر]

ايوه فيه دراسه صيفي

اتوقع ان تقدرين تأخذين 12 ساعه صيفي <---اتوقع :g2:

[صـافـي]

اممممم.....زين..

لاني يمكن ادرس صيفي..

صح..عبير تدرس علم الاحصاء لو لا....؟؟؟

الله يعطيكِ العافيه و ماقصرتي...

طيب مارديتي على اللي رسلت لكِ...؟؟:s11:

[رشـّـة عطـّـر]

هلا صافي :c8:

والله اولى اشوفهم اسمحى لى :c8:

ايه عادي

بس مشاركاتى اقل من 50

مااقدر ارسل لك خاص :s11:

إذا وصلت إن شاء الله ارسل لك :119:

وإذا على الدكتوره عبير تدرس حاسب

اما احصاء مااتوقع :s11:

[صـافـي]

والله اولى اشوفهم اسمحى لى

مافهمت ويش المقصد.؟:c8:

بس انا عندي طريقه غير الخاص ...

اذا عبر تدرس احصاء باخدها مابريحها.:cheese: ههههه

واكرر شكري لكِ

موفقه:praying:

[رشـّـة عطـّـر]

هلا

اقصد الى ارد عليهم :c8:

العفوو ولو ماسويتنا إلا الواجب

تراها تقدر الدراسه :cheese:

واول ماتدخل تقولك بخليك تحبين الماده غصب ومابتتخرجين إلا وانتى باصمتنها :hahahahahah:

طبعا انا حفظت منيه وحليت وكل إلى حفظته خليته في الكلاس :hahahahahah:

تحياتى

[صـافـي]

:hahahahahah:

طيب خيتو..

فيني اخلي يومين ما اروحهم الجامعه صح..؟؟؟

يعني ابي اروح 3 ايام في الاسبوع..أقدر ..؟؟؟

يعني السبت و الاثنين و الاربعاء....

اقدر والا لا...؟؟؟

:c8: ادري مزعجه تحمليني...:c8:

[رشـّـة عطـّـر]

لا افاا عليك مو مزعجتنى

لاتخلين سؤال إلا أسأليه :cheese:

ايوه تقدرين على حسب ترتيب موادك واختاري الساعات كويسه

انا السمستر ذا خليت الربوع فاضي

والثلاثاء اخذت فيه ماده مع انى ماكان ودي بس عشان ابي اخلص ساعات واجد<---طماعه زيك:hahahahahah:

[صـافـي]

اهاااااا

كأنه تعقدت اشوي....

يللا الله يعيني و يعدي هالفتره على خير...

الله يعطيك الف عافيه و ماقصرتي...

إن شاء الله نلتقي يوم السبت ...ههههههه

[رشـّـة عطـّـر]

على خير

:119:

لاتلبسين مخالف اول يوم

لانهم يدققون اول يوم على المستجدات

مع انه مو ذاك التدقيق

:cheese:

[صـافـي]

بلبس اسود و أخضر و يحمدون ربهم...

اوف انا البس ابيض مو امناسب لي بنوووب

و الله يعين

[رشـّـة عطـّـر]

إذا لبستين ابيض بنعرفك على طول سنه اولى :hahahahahah:

انا اول يوم مخالفه من فوق لتحت :cheese:

بس الحمد لله عدت :cheese:

[صـافـي]

هههههههههه

يعني تتوقعين كل طالبات سنه اولى بيلبسون ابيض و اسود...

أكييييييد لاااااا

:hahahahahah:

[رشـّـة عطـّـر]

إلا ثلاث ارباعهم :cheese:

حتى لو لبسو اصفر فسفوري بينعرفون :cheese:

هذا إذا شفتين :hahahahahah:

فديتنا نهبل اول ماندخل

مؤدبين :cheese:

مالينا إلا التنوره السودا

ونكشخ بهذاك القميص الابيض

وبعدين وينك يالابيض :hahahahahah:

[صـافـي]

ههههههههههه

هذا احسن شي انك تلبسي ع كيفك

صحيح اول سنه مثل ماسمعت يشددون بس يهون

مره مرتين بعدين ينطمون عنك

هههههههههه

[رشـّـة عطـّـر]

ماآقصد آخربك بس

ماشفتهم مره يدققون :cheese:

:cheese:

بس لاتخالفين على الاقل اول اسبوع

وتراه جاي الشتاء

يعنى من وراء خشمك مابتخالفين :cheese:

فديته احب الشتاء آحسه كووشخه :cheese:

[صـافـي]

هههههه....تحبينه بس لانه كشخه:hahahahahah:

ويييييييييه

خلينا الموضوع شات...:hahahahahah:

هههههههههههه

[رشـّـة عطـّـر]

ايه انا بعد اشوف

:000:

لو انا المشرفه قفلته :cheese:

<--شرانيه :cheese:

[صـافـي]

هههههههههههههههه

حدكِ شرانيه...:hahahahahah:

يللا عاد مصخناها.....

خلاص انا وزعت الجدول...

السبت.اقتصاد - انجليزي

الاحد اوف

الاثنين رياضيات - حاسب

الثلاثاء اوف

الاربعاء احصاء - ثقافه

عطيني رايش...؟؟؟ عشان نطلع من مسار الشات:hahahahahah:

[رشـّـة عطـّـر]

حلو

إذا إنتى بالاحساء

آما إذا في محل ثانى

خلى الربوع والثلوث آوف عشان تنزلى وترتاحى

بس مررره نايس

أحسه خفيف ومايتعبك لابالمذاكره ولا بالدوام

بس اهم شيء وقتهم عاجبنك



الاربعاء احصاد - ثقافه

:hahahahahah:

:hahahahahah::hahahahahah:

متأكده إنك دخلتى الماده ذي

آول مره أسمع بها

:cheese:

[صـافـي]

ههههه:hahahahahah:

مسكتيها علي يادبه...

غلطت بعد ... :hahahahahah::hahahahahah:

اي انا من اهل الحسا

واوقاتهم لسه ماشفتهم..:cheese:

بس بعدين راح اشوف و يمكن اغير ع حسب..

[رشـّـة عطـّـر]

خلاص مادام انك من الاحساء

مرررره حلوووو

بتصيرين شبه مأجزه :cheese:

يعنى توكلى

أتوقع أهلك بيشكون أنك تداومين :cheese:

بس مرره مريح للمذاكره بعد
:g8:

[صـافـي]

هههههههههه:hahahahahah:

اختي تقول لي وانتي رايحه تدرسين

انتي رايحه تلعبين و تجين...

اي و الله اريح ع الاقل اخد كفايتي في النوم

ههههههههه

يللا صرتي 50 الحين....:c8:

[رشـّـة عطـّـر]

هههههههههه

والله أولى أشوف

تراها بصفر مو 51

:cheese:

[صـافـي]

:c8::c8::c8:

احم احم...

[شمس الضحى]

هههههههههههههههه

حدكِ شرانيه...:hahahahahah:

يللا عاد مصخناها.....

خلاص انا وزعت الجدول...

السبت.اقتصاد - انجليزي

الاحد اوف

الاثنين رياضيات - حاسب

الثلاثاء اوف

الاربعاء احصاء - ثقافه

عطيني رايش...؟؟؟ عشان نطلع من مسار الشات:hahahahahah:



معليش أختي بتطفل عليك :c8: ... بس حبيت أنبهك لشغلة يمكن ما تعرفينها ... :g2:

الإنجليزي + الرياضيات محاضرتين بالأسبوع وحده مدتها ساعتين والثانية مدتها ساعة .. :119:

الحاسب محاضرتين نظري وعملي ... << يا حبي له >>... :119:

وباقي المواد اللي حطيتيها محاضرة وحده بالأسبوع ... :g20:

وألاحظ إنك ماخذه مقدمة في علم الإحصاء مع مقدمة في علم الإقتصاد !!! :mh19:

[شمس الضحى]

ايوه فيه دراسه صيفي

اتوقع ان تقدرين تأخذين 12 ساعه صيفي <---اتوقع :g2:



لا مو 12 ساعة ... :no2:

كأني سمعت الحد الأقصى 6 ساعات ... :g2: << يعني مو متأكدة >> ...

[fa6oma]

سلام عليكم بناات

ابي اسالكم احنا يعني المحاضراات طوول ايام الاسبووع ولا بس 3 ايااام :c8:
لاني شفت جدوول الاخت بس 3 اياام بلييز فهمووني شنو السالفه :c8:

تحيااتي :g8:

[مجهول111]

شساااااااااالفه كل بنات مااكووو اولاد:011:

[شمس الضحى]

سلام عليكم بناات

ابي اسالكم احنا يعني المحاضراات طوول ايام الاسبووع ولا بس 3 ايااام :c8:
لاني شفت جدوول الاخت بس 3 اياام بلييز فهمووني شنو السالفه :c8:

تحيااتي :g8:


وعليكم السلام ورحمة الله وبركاته ...

لا يا قلبي المحاضرات طول أيام الأسبوع بس هي تبي يصير عندها أوف يعني إجازة ماتروح

الجامعة فحاطها جدولها كذا ... وإنتي تقدرين تتحكمين بجدولك وتختارين الأيام والأوقات اللي

تناسبك بعد ... :119:

تمنياتي لكِ بالتوفيق ...:praying:

صحيح أختي إذا تكرمتي موقع الجامعة يفتح عندك ؟؟؟ :g2:

[جوديانا]

بنااات لو سمحتو وحده الله يجزاه خير ترتب الجدول ترتيب حلوو لنا لاني والله ماني عارفه شسالفه وكيف ارتبه ابي مساعدتكم لو سمحتو والله ضايعه اشوف ترتيب بنت من هنا وهنا ولاانا عرفه شسالفه دلخهه اشوف ولا افهم .. شي غريب علي احس ضاااااايعه مرررره :Cry111::Cry111::Cry111: حووووووووووووسه

[صـافـي]

معليش أختي بتطفل عليك ... بس حبيت أنبهك لشغلة يمكن ما تعرفينها ...

لا عادي لا تطفل و لا شي بالعكس افيديني....:c8:

الإنجليزي + الرياضيات محاضرتين بالأسبوع وحده مدتها ساعتين والثانية مدتها ساعة ..

اهااااا.....توني ادري...:c8:

الحاسب محاضرتين نظري وعملي ... << يا حبي له >>...

تصدقين نسيت....:hahahahahah::c8:

وباقي المواد اللي حطيتيها محاضرة وحده بالأسبوع ...

وألاحظ إنك ماخذه مقدمة في علم الإحصاء مع مقدمة في علم الإقتصاد !!!

طيب يا شمس الضحى...
اذا سمحتي:c8: سوي عليه بعض التعديلات....

بحيث يكون لي اوف يومين...

والله يعطيك العافيه وماقصرتي...

[رشـّـة عطـّـر]

هلا أختى شمس الضحى :119:

منوره

أختى الرياضيات والانجليزي محاظره وحده

الرياضيات ثلاث ساعات محاظره

وحتى الانجليزي

<--دارستنهم :cheese:

الانجليزي العلميه هى الى محاظرتين

وعلى ساعات الصيفي انا مو متأكده بس قلت اتوقع :cheese:

وعلى ان الاخت صافي ماخذه إحصاء وإقتصاد

هذا عادي لان المادتين مافيهم متطلب دراسى سابق :119:



جوديانا

هلا آختى

لاتضيعين ولا شيء .. كل شيء سهل

انتى اختاري المواد الى تبيها وحطيها في الوقت الى تبيه

وبما انك سنه اولى فالمواد بتأخذيها اول يوم

يعنى لاتستعجلين الامور

..

أتمنى أنى أفدت

دعواتكم

:119:

[fa6oma]

خيتوو شمس الضحى طيب انا ابي مثل الاخت صاافي اوف يوميين فماادري شلون يعني ع الموااد يعني راح يصير ضغط ولا اخذ صيفي لازم ؟؟
مو فاهمه شي بلييز فهمنيني اكثر لو سمحتي :g8:

[رشـّـة عطـّـر]

آختى فطومه

أسمحى لى أجاوبك

تقدرين تسوين ايام اووف بس بكذا بتضغطين نفسك شوي

وهذا يكون لمن تأخذين ارقام الس ار ان

ششوفي اليوم والساعه واختاري إلى يناسبك

وإذا على الصيفي هذا لتخفيف

يعنى تقدرين تأخذين كل سمستر 17 او 16 ساعه وبكذا ماتتأخرين إن شاء الله كثير

والصيفي مو اجباري بإختيارك أنتى

إن شاء الله تكونى إستفدتى

وتفيدك أختى شمس الضحى

دعواتكم

:119:

[مجهول111]

طيب انا اذا باااخذ 17 ساعه اقدر اخذ اياام اوووف

بدوون ضغط في الاياام البااقيه

ولا كيف:c8:

[رشـّـة عطـّـر]

هلا فيك أخوي

ايوه تقدر تأخذ

بس إذا ماتبغى ضغط كثير بصير عندك اووف واحد

انا ماخذه 18 ساعه وعندي يوم اووف ويوم محاظره بس الباقي مضغوط

دعواتكم

:119:

[شمس الضحى]

لي عودة إن شاء الله ... :119:

[جودي بيميني]

أنا طالبه تم قبولي في كلية المجتمع بس الحمد الله الحين حولوني لرغبتي الاولى
كلية العلوم الزراعيه
حبيت اسال عن انظمة الجامعه بشكل عام
من ملابس ....
وعن الكليه
وكم ساعه كحد أقصى في الفصل الدراسي وحد أدنى
وأي معلومه تفيدني

[شمس الضحى]

هلا أختى شمس الضحى :119:

منوره

أختى الرياضيات والانجليزي محاظره وحده

الرياضيات ثلاث ساعات محاظره

وحتى الانجليزي

<--دارستنهم :cheese:

الانجليزي العلميه هى الى محاظرتين

وعلى ساعات الصيفي انا مو متأكده بس قلت اتوقع :cheese:

وعلى ان الاخت صافي ماخذه إحصاء وإقتصاد

هذا عادي لان المادتين مافيهم متطلب دراسى سابق :119:



جوديانا

هلا آختى

لاتضيعين ولا شيء .. كل شيء سهل

انتى اختاري المواد الى تبيها وحطيها في الوقت الى تبيه

وبما انك سنه اولى فالمواد بتأخذيها اول يوم

يعنى لاتستعجلين الامور

..

أتمنى أنى أفدت

دعواتكم

:119:



يا هلا فيك ... :119:


الملتقى منور بوجودكم ...:c8:

لا يا قلبي الرياضيات محاضرتين هو صحيح 3 ساعات بس عدد المحاضرات ثنتين مو وحده وأنا درسته كذا ... ولو حابه تتأكدين أرجعي لجدول كلية العلوم وبتشوفين بنفسك ...

والإنجليزي بعد محاضرتين مثل مادرسته أنا ... وشوفي جدول مركز اللغة الإنجليزية وبتتأكدين ولو إني شفت بعض الشعب يكون الوقت فيها مدموج يعني بدل ماتصير مدة المحاضرة ساعتين تصير ثلاث ساعات ... :119:

وبالنسبة للإنجليزية العلمية محاضرتين بالأسبوع وكل محاضرة ساعتين بس كانت المحاضرات حلوة ... :119:

وطبعًا كلامي من واقع تجربتي ودراستي لهذي المواد ... :150:


تمنياتي لكن بالتوفيق ... :praying:

[شمس الضحى]

خيتوو شمس الضحى طيب انا ابي مثل الاخت صاافي اوف يوميين فماادري شلون يعني ع الموااد يعني راح يصير ضغط ولا اخذ صيفي لازم ؟؟
مو فاهمه شي بلييز فهمنيني اكثر لو سمحتي :g8:



شوفي يا أختي إذا كنتِ تبين عدد ساعات كبير وتبين أوف بنفس الوقت فأكيد راح يصير عندك ضغط بالجدول .... :119:

مقرارات المستوى الأول :

الثقافة الإسلامية ( 2 ساعة )
اللغة الإنجليزية ( 3 ساعات )
الكيمياء العامة ( 4 ساعات )
الرياضيات العامة ( 3 ساعات )
مقدمة في علم الإحصاء ( 2 ساعة )
مقدمة في الحاسب الآلي ( 3 ساعات )

المجموع : 17 ساعة

مقرارات المستوى الثاني :

العقيدة والأخلاق ( 2 ساعة ) بس طبعًا ماتقدرين تاخذينها إلا بعد ماتدرسين الثقافة الإسلامية ...
أحياء عامة ( 4 ساعات )
الفيزياء العامة ( 4 ساعات )
اللغة الإنجليزية العلمية ( 3 ساعات ) ونفس الشيء ماتقدرين تاخذينها إلا بعد ماتدرسين اللغة الإنجليزية ..
مقدمة في علم الإقتصاد ( 3 ساعات )
المجموع : 16 ساعة


وإنتي أختاري المواد اللي تناسبك سواء من المستوى الأول أوالمستوى الثاني بإسثناء المواد اللي باللون الأحمر هذي لازم تاخذينها بالبداية لأنها متطلب ...:119:


أتمنى يكون شرحي واضح :c8: وإذا مافهمتي قولي ... :064:

تمنياتي لكِ بالتوفيق ...:g8:


دعواتك لي بالتوفيق ... :praying:

[صطيف]

يا ربع
انا عندي مشكله
ما اعرف اسجل جدولي
وانا اول سنه لي

انا في كلية العلوم والزراع

ساعدوني
كيف اسجل جدولي

[شمس الضحى]

معليش أختي بتطفل عليك ... بس حبيت أنبهك لشغلة يمكن ما تعرفينها ...

لا عادي لا تطفل و لا شي بالعكس افيديني....:c8:

الإنجليزي + الرياضيات محاضرتين بالأسبوع وحده مدتها ساعتين والثانية مدتها ساعة ..

اهااااا.....توني ادري...:c8:

الحاسب محاضرتين نظري وعملي ... << يا حبي له >>...

تصدقين نسيت....:hahahahahah::c8:

وباقي المواد اللي حطيتيها محاضرة وحده بالأسبوع ...

وألاحظ إنك ماخذه مقدمة في علم الإحصاء مع مقدمة في علم الإقتصاد !!!

طيب يا شمس الضحى...
اذا سمحتي:c8: سوي عليه بعض التعديلات....

بحيث يكون لي اوف يومين...

والله يعطيك العافيه وماقصرتي...


الله يعافيك ... :119:

بس أنا ما أعرف الشعب اللي خذتيها ؟؟؟؟ :g2:

ووش المواد اللي استقريتي عليها !!! :mh19:

ثقافة إسلامية - اللغة الإنجليزية - مقدمة في الحاسب الآلي - مقدمة في علم الإحصاء وإيش بعد ؟؟؟ :mh19:

وأتوقع اليوم داومتي وعطوك الخطة ... :g2:

وأي سؤال أنا بالخدمة ... :119:

[! M !]

وهـ بس وش هالتع ـــب وش هالزح ــمه ـ


رحت اليوم ويـآأليتنيُ مـآأرحتُ ...


يعني اليوم مااستفدت شي من روحتيُ إلا اني اكتشفت اني مااعرف ولآ وحدهُ من مدررسسستنـآأ


غريبهـ بنـآأت الهفوف والخـآألديه ـ وينهم :Cry111:

يبي لي آتع ــرفً على بنـآأت .. ..؟!

بنآأت آنـآأ سنه ـ آولى وجهزت ليُ جدولً بحيث يكونُ عندي آوف يوم الثلآثـآأءً ..

والله تعبت الله يعينـآأ
ـ ..!! :bawling:

[قمـــــر]

السلام عليكم
يا ناس تسجيل الجداول مو عارفه وش اسوي
ساعدوني
:sdfgdsf:

عن جد احس اني ضايعه
:000:



:Cry111:

[شمس الضحى]

السلام عليكم
يا ناس تسجيل الجداول مو عارفه وش اسوي
ساعدوني
:sdfgdsf:

عن جد احس اني ضايعه
:000:



:Cry111:


وعليكم السلام ....

إيش فيك أختي ... سمي بالله ...:praying:

وإن شاء الله ما إنتي بضايعه :119: ... بس قولي إيش اللي مو عارفته ؟؟؟ :g2:

[شمس الضحى]

وهـ بس وش هالتع ـــب وش هالزح ــمه ـ


رحت اليوم ويـآأليتنيُ مـآأرحتُ ...


يعني اليوم مااستفدت شي من روحتيُ إلا اني اكتشفت اني مااعرف ولآ وحدهُ من مدررسسستنـآأ


غريبهـ بنـآأت الهفوف والخـآألديه ـ وينهم :Cry111:

يبي لي آتع ــرفً على بنـآأت .. ..؟!

بنآأت آنـآأ سنه ـ آولى وجهزت ليُ جدولً بحيث يكونُ عندي آوف يوم الثلآثـآأءً ..

والله تعبت الله يعينـآأ
ـ ..!! :bawling:



عادي أختي حتى أنا بأول يوم تعبت وخصوصًا ما معي أحد أعرفه ... :Cry111:

وإذا على البنات مو شرط كل البنات داوموا اليوم يعني لاتفقدين الأمل يمكن تلقين بنت

بنتين :119: ... لإني كنت كذا وبعدين أكتشفت ثنتين معي من نفس مدرستي :064: ...

تمنياتي لكِ بالتوفيق ... :praying:

[قمـــــر]

وعليكم السلام ....

إيش فيك أختي ... سمي بالله ...:praying:

وإن شاء الله ما إنتي بضايعه :119: ... بس قولي إيش اللي مو عارفته ؟؟؟ :g2:




بسم الله الرحمن الرحيم

هلا اختي المشكله لما افتح نظام البانر يطلع معي اختيارات كثيره مو عارفه وش ادخل عليه حتى اسجل جدولي

[سمى]

بلييزززززززززززز
ابي الرقم المرجعي(crn للمواد السنة التحضريه

ياليت احد يساعدني

[سمى]

ياليت احد يساعدني اللحين انا موقفه عند خطوت تسجيل المقررات

والشي الي اجهله الرقم المرجعي للماده


ماعطوني ياليوم الجامعه ورقة المواد والساعات



بليزززززززززززززززز ضرووووووووووووري



احد من بنات الكلية تعرف ارقام المرجعيه للمواد وسجلت وخلصت ياليتي تفيدني

[نورسين]

ابي رقم الكيمياء النظري
مع الانجليزي ضرووووووووري

[#صمت المشاعر#]

بليز ممكن تساعدوني:c8:
أنا طالبة مستجدة :119:وموعارفة كيف ارتب جدولي :Cry111:
ساعدوني ابغى يكون دوامي فترة الصباح وبدون اوف

الله لا يهينكم

[صـافـي]

مشكورة اختي شمس الضحى...

خليت وحده من صديقاتي تحط لي الجدول معها هي مستجده لكن عندها اخت دارسه وحطته لها...

وهذا هو الجدول..

السبت. رياضيات عامه ، أحياء عملي، حاسب نظري.

الاحد..احياء نظري.

الاثنين. احياء نظري ، رياضيات عامه.

الثلاثاء. اوف.

الاربعاء.الكتابه و التعبير ، حاسب عملي ، احصاء.

وبس..الفرق للي بيني بين صديقتي..و انها ماعندها اوف وعندها ثقافه في وقت الحاسب العملي..

راح اعود ليكم مع اسماء الدكاتره....

[رشـّـة عطـّـر]

يا هلا فيك ... :119:


الملتقى منور بوجودكم ...:c8:

لا يا قلبي الرياضيات محاضرتين هو صحيح 3 ساعات بس عدد المحاضرات ثنتين مو وحده وأنا درسته كذا ... ولو حابه تتأكدين أرجعي لجدول كلية العلوم وبتشوفين بنفسك ...

والإنجليزي بعد محاضرتين مثل مادرسته أنا ... وشوفي جدول مركز اللغة الإنجليزية وبتتأكدين ولو إني شفت بعض الشعب يكون الوقت فيها مدموج يعني بدل ماتصير مدة المحاضرة ساعتين تصير ثلاث ساعات ... :119:

وبالنسبة للإنجليزية العلمية محاضرتين بالأسبوع وكل محاضرة ساعتين بس كانت المحاضرات حلوة ... :119:

وطبعًا كلامي من واقع تجربتي ودراستي لهذي المواد ... :150:


تمنياتي لكن بالتوفيق ... :praying:




هلا شموس

:119:

آنا دفعه 1429

وكانت مواد الرياضيات والانجليزي محاظره وحده

إنتى أي دفعه

إذا الدفعه قبلى فيمكن ايوه أما إذا معاي فعلى حسب الدكتوره

:119:

[شمس الضحى]

هلا شموس

:119:

آنا دفعه 1429

وكانت مواد الرياضيات والانجليزي محاظره وحده

إنتى أي دفعه

إذا الدفعه قبلى فيمكن ايوه أما إذا معاي فعلى حسب الدكتوره

:119:



هلا وغلا ...:119:


أنا دفعة 2008 ... :119:


وإنتي ؟؟؟ :g2:

[قمـــــر]

السلام عليكم

الحمد الله قدرت اسجل لي بعض المواد

كل الشكر لكل من ساعدنا


واشكر اختي شمس الضحى - فتوشه

وبالتوفيق للجميع

[فتوشة]

العفووو حبيبتي قمر هاذا واجبنا والله كان ودي اساعدتكم اكثر بموضوع التسجيل
بس كانت عندي ظرووف ويادوب قدرت اسجل لحالي
الله يوفق الجميع

تحياتي

[صـافـي]

هلا و غلا

كيفكم...؟؟

وكيف اول يوم معاكم..؟؟

صراحه انا رحت بس اتعرف على الجامعه واخدت الخطه الدراسيه بس ما استفدت منه...لان الجدول حطته لي صديقتي...انا و هي نفس الجدول اللي ذكرته في الاعلىى. بس في اختلافات بسيطه..

المهم بذكر لكم كل ماده مع الدكتوره اللي راح تدرسني..

رياضيات عامه.. لولوه العيسى.

احياء عامه نظري.. نيفين بهاء الدين غانم.

احياء عامه عملي..نجلاء الحوتان.

حاسب الي نظري..عبير قنااوي.

حاسب الي عملي..هدى النعيم.

مقدمه في علم الاحصاء..سلوى عبد المنعم.

كتابه و تعبير ..صراحه ما عرف من هي..حاط لي tba.وماعرفي ويش الرمسه..

وبس اعطوني انتقاداتكم و ارائكم..

طبعا يوم لسبت و الاربعاء الدوام من 7 ونص الى 2 و 50 دققه..

اما الاحد من 7 ونص الى 8 و نص..

والاثنين من 7 و نص الى 12 و 10 دقايق

والثلاثاء ماعندي شي اوف..:119:

والله يوفقنا و يوفقكم

[شمس الضحى]

مشكورة اختي شمس الضحى...

خليت وحده من صديقاتي تحط لي الجدول معها هي مستجده لكن عندها اخت دارسه وحطته لها...

وهذا هو الجدول..

السبت. رياضيات عامه ، أحياء عملي، حاسب نظري.

الاحد..احياء نظري.

الاثنين. احياء نظري ، رياضيات عامه.

الثلاثاء. اوف.

الاربعاء.الكتابه و التعبير ، حاسب عملي ، احصاء.

وبس..الفرق للي بيني بين صديقتي..و انها ماعندها اوف وعندها ثقافه في وقت الحاسب العملي..

راح اعود ليكم مع اسماء الدكاتره....

السلام عليكم

الحمد الله قدرت اسجل لي بعض المواد

كل الشكر لكل من ساعدنا


واشكر اختي شمس الضحى - فتوشه

وبالتوفيق للجميع




العفو أخواتي ...:c8:

تمنياتي لكن بدوام التوفيق ... :praying:

[همسات حائره]

بنااات ابي اعرف كيف ناخذ جداولنا من النت بما اني مستجده ما اعرف كيف وضروووري ابغا اخذ الجدول عشان اسجل السي ار ان


:sdfgdsf:

[manary]

السلام عليكم ورحمة الله وبركاته أنا قبلوني في كلية العلوم الزراعيه والاغذيه
بس حب احول الى كلية العلوم سؤالي هل اذا حولت الى العلوم ادرس في الجامعه
ولا في كلية التربيه العلميه تكفون افيدوني الله يخليكم وعندي سؤال ثاني اذا درست
سنه كامله كليه العلوم الزراعيه والاغذيه وبعد ماخلصت سنه وابقى احول يرضون يحولوني
تكفون ساعدوني في الاجابه وابقى لوسامحتوا الاجابه موثوق منها تكفون ردوا على بسرعه
وتكفين فتوشه اذا تعرفين ردي علي ولي يعرف غير فتوشه يفيدني
والله يوفقكم ويجزكم كل خير

[زنبقه]

السلام عليكم ورحمة الله وبركاته أنا قبلوني في كلية العلوم الزراعيه والاغذيه
بس حب احول الى كلية العلوم سؤالي هل اذا حولت الى العلوم ادرس في الجامعه
ولا في كلية التربيه العلميه تكفون افيدوني الله يخليكم وعندي سؤال ثاني اذا درست
سنه كامله كليه العلوم الزراعيه والاغذيه وبعد ماخلصت سنه وابقى احول يرضون يحولوني
تكفون ساعدوني في الاجابه وابقى لوسامحتوا الاجابه موثوق منها تكفون ردوا على بسرعه
وتكفين فتوشه اذا تعرفين ردي علي ولي يعرف غير فتوشه يفيدني
والله يوفقكم ويجزكم كل خير

وعليكم السلاام ورحمة الله وبركااته
اذا حابة تسمعي إجابة موثوقة ..من الأفضل إنك توجهي الأستفسار لعميدة كلية العلوم الزراعية والأغذية..

[زنبقه]

بنااات ابي اعرف كيف ناخذ جداولنا من النت بما اني مستجده ما اعرف كيف وضروووري ابغا اخذ الجدول عشان اسجل السي ار ان


:sdfgdsf:

بعد ماتنتهي من تسجيل المواد..
أفتحي الجدول من هذا الرابط..
http://www3.kfu.edu.sa/WeeklySchedual/

[هيدرانجيا]

بناات انا انقبلت في كلية العلوم الزراعيه
بس ابغى اخذا ماده الرياضيات عند لولوة العيسي اذا ممكن ابقي رقم crn
بسرعه لو سمحتوا قبل مايسكرون النظام

هيدرانجيا

[زنبقه]

بناات انا انقبلت في كلية العلوم الزراعيه
بس ابغى اخذا ماده الرياضيات عند لولوة العيسي اذا ممكن ابقي رقم crn
بسرعه لو سمحتوا قبل مايسكرون النظام

هيدرانجيا

15509
.....................

[manary]

السلام عليكم ورحمة الله وبركاته أنا قبلوني في كلية العلوم الزراعيه والاغذيه
بس حب احول الى كلية العلوم سؤالي هل اذا حولت الى العلوم ادرس في الجامعه
ولا في كلية التربيه العلميه تكفون افيدوني الله يخليكم وعندي سؤال ثاني اذا درست
سنه كامله كليه العلوم الزراعيه والاغذيه وبعد ماخلصت سنه وابقى احول يرضون يحولوني
تكفون ساعدوني في الاجابه وابقى لوسامحتوا الاجابه موثوق منها تكفون ردوا على بسرعه
وتكفين فتوشه اذا تعرفين ردي علي ولي يعرف غير فتوشه يفيدني
والله يوفقكم ويجزكم كل خير


وعليكم السلاام ورحمة الله وبركااته
اذا حابة تسمعي إجابة موثوقة ..من الأفضل إنك توجهي الأستفسار لعميدة كلية العلوم الزراعية والأغذية..



مشكوره ياقلبي على رد واخر احد عطني وجه ورد علي بس والله انا ماعرف شي في جامعه يوم سالت عن العميده يقولون مانعرفها وشو اسم العميدة وتكفين ياقلبي اذا عندك اي معلومه أو اي احد تعرفينه عنده خلفيه عن هاالموضوع قولي لي لو معلومه صغيره وأي احد ثاني يعرف يقولي لان مافي احد معي من صدقاتي كلهم في كلية العلوم وخوفوني يقولون لي ان كلية العلوم الزراعيه والأغذيه مره صعبه ودراسه فيها كلها باالانجليزي والله عقدوني حتى صر لي يومين ماراحت الجامعه وكل ابكي مادري وشو اسوي ساعدوني الله يجزكم كل خير

[فتوشة]

اسفه عالتأخير
عميده كليتنا (كليه العلوم الزراعيه والتطبيق) الدكتوره / مليحه المرزوق تقدرين تروحين لها المكتب وتسألينها عن التحويل اتوقع انك تقدرين تحولين لكلية العلوم واذا كان عندك واسطه تدعمك يكون اسرع تحويلك واسهل
وترا الدراسه بكليتنا ما تتميز بالصعوبه بالعكس ممتعه ومافي كليه تخلى من الصعوبه هونيها وتهووون

تحياتي

[manary]

اسفه عالتأخير
عميده كليتنا (كليه العلوم الزراعيه والتطبيق) الدكتوره / مليحه المرزوق تقدرين تروحين لها المكتب وتسألينها عن التحويل اتوقع انك تقدرين تحولين لكلية العلوم واذا كان عندك واسطه تدعمك يكون اسرع تحويلك واسهل
وترا الدراسه بكليتنا ما تتميز بالصعوبه بالعكس ممتعه ومافي كليه تخلى من الصعوبه هونيها وتهووون

تحياتي

تسلمين ياقلبي على رد و أنا رحت لها ومره حبوبه حتى قالت لي أن دراسه في هاالكليه مره حلوه وأنا بصراحه قتنعت بكلامها بس أنا الآن اخذت وقف قيد لان عندي ظروف مره صعبه
وإن شاء الله بدخل الفصل ثاني بس أنا عندي سؤال وعذرا اذا كثرة عليكم اسئله
اذا دخلت فصل ثاني وشو ادرس ( الفصل الاول والآ الفصل ثاني ،،واذا كنت بدرس فصل الاول متى ادرس الفصل ثاني ) أرجوا منكم توضحون لي هانقطه لان والله مو عرفها ومشكورين واسفه مره ثانيه اذا كثرة عليكم اسئله &&& والله يوفقكم ياااااارب العالمين في كل حاجه من حاجتكم &&&

[manary]

="Purple"]وشدعــــــــــــــــوه ليه مافي احد رد علي[/COLOR] [/CENTER]

[فتوشة]

مرحبا
بالنسبه لسؤالك لاتحاتين كثر بالجامعه مايفرق كثير يعني اذا وقفتي قيد السمستر الاول ورجعتي السمستر الثاني راح تقدرين تاخذين مواد من السمستر الاول الي هو الي فاتك واكيد مواد من السمستر الثاني الي رجعتي فيه ولا تنسين شي مهم انك راح تفوتين سمستر كامل يعني صعب بها الطريقه تتخرجين في 4 سنوات عشان تكونين بس عارفه وهاذا شي طبيعي
لاتنسن شي مهم في مواد لها متطلب سابق يعني ماتقدرين تاخذينها الا انتي ماخذه ماده قبلهااا يعني حتى اذا رجعتي السمتر الثاني خذي من مواد السمستر الاول الي هي اصلا متطلب يعني خلي الاولويه لهم
اتمى يكون ردي كافي وواضح

تحياتي

[manary]

مرحبا
بالنسبه لسؤالك لاتحاتين كثر بالجامعه مايفرق كثير يعني اذا وقفتي قيد السمستر الاول ورجعتي السمستر الثاني راح تقدرين تاخذين مواد من السمستر الاول الي هو الي فاتك واكيد مواد من السمستر الثاني الي رجعتي فيه ولا تنسين شي مهم انك راح تفوتين سمستر كامل يعني صعب بها الطريقه تتخرجين في 4 سنوات عشان تكونين بس عارفه وهاذا شي طبيعي
لاتنسن شي مهم في مواد لها متطلب سابق يعني ماتقدرين تاخذينها الا انتي ماخذه ماده قبلهااا يعني حتى اذا رجعتي السمتر الثاني خذي من مواد السمستر الاول الي هي اصلا متطلب يعني خلي الاولويه لهم
اتمى يكون ردي كافي وواضح

تحياتي



تسلمين ياقلبي فهمت مشكوره ياااااعمري على انك رديتي علي وخذت من وقتك كثير
بس بسالك من مواد السمستر الاول الي هي متطلب( اللغة الانجليزي وثقافه الاسلاميه)
بس هاالمواد متطلب مافي غيرهم ؟؟؟؟
ومن فضلك ممكن تقولن لي الحد الاعلى للساعات ........
$ ومشكوره ياقلبي وماقصرتي الله يوفقك $

[فتوشة]

العفووو حياتي
بالنسبه لمواد المتطلب بالمسمستر الاول عندك مواد الدين الي هي تسمى السلم
الثقافه الاسلاميه مهمه لان في 3 مواد دين بعدهااا لازم تاخذيها وهي متطلب لهم
اللغه الانجليزيه نجل 101 هي متطلب لماده بعدها اسمها الانجليزيه العلميه
الكيم العامه بعد هي متطلب لاربع مواد بعدهااا في كيم عضوي وكيم حيوي واذا تخصصتي كيم وتحليل اغذيه
الحاسب مالها متطلب
ام علم الاحصاء اتوقع انها متطلب للي بعدها الي هي علم الاقتصاد بس مو متأكده
ام بالنسبه للحد الاعلى للساعات اتوقع 18 لان اكثر من كذا يأثر على معدلك واقل شي 9 طبعااا
بعد اول سمستر لم ينزل لك معدل كذا راح يحددون لك عدد الساعات على حسب معدلك

تحياتي

[manary]

مشكور ياقلبيو و تسلم يمنك على رد

والله يوفقك ياااااااارب في كل حاجه من حاجتك

[قمـــــر]

السلام عليكم بنات
انا مستجده من دفعه 2010
وحابه ارتب جدول للفصل الدراسي الثاني
وحبيت اسال من افضل دكتورة للكيمياء
وش رايكم بدكتورة :
وفاء الثنيان
سمر الدوسري
مها ابو الغار
عبير محمد السيد

وبعد لاحظت في الجدول في
كيمياء عامه 1
كيمياء عامه 2
الكيمياء العامه

يعني يختلفون ولا هي نفس الماده

وكمان الحاسب في
مبادئ الحاسب الالي
ومقدمه في الحاسب الالي
؟؟؟؟؟؟؟؟

وشكراااااااااااا :119:

[روح توت]

خوخه 22وانا من الخبر وعادي حبيبتي أتعرف عليك

[قمـــــر]

بنات ممكن crn للكيمياء
لما ادخل رقم يكتب لي غير متاح للبرنامج ؟؟ وشو يعني ؟؟؟؟؟؟




وبالتوفيق للجميع





استغفر الله الذي لااله الا هو الحي القيوم واتوب اليه

[قمـــــر]

السلام عليكم :119:


بنات مين جربت دكتوره بدور مغربي لماده english

[SHOSHA]

طيب سنتين تحضيري صح ؟
بعد ذا السنتين اقدر احول ؟ لكليه اخرى بنفس جامعه فيصل ..بالدمام بس ؟

[@Ahmed@]

^^^^^^^

ما فيه شي بكلية العلوم الزراعية اسمه سنة تخضيرية ولا سنتين ولا ثلاثه ولا حتى اربعه

بس من شروط التحويل انه تخلصين سنة كاملة في الكلية الي تم قبولك فيها + 24 ساعة دراسية

والحصول على نسبة معينه تطلبها الكلية بعدها ينظر في تحويلك اذا كان داخل كليات جامعة الملك فيصل

اما الدمام فهي الان جامعة مستقله عن جامعة الملك فيصل اسمها "جامعة الدمام"

لذلك تنظبق عليها التحويل من جامعة إلى جامعة اخرى والي صراحة اجهل شروطه

تحياتي لك

[SHOSHA]

:
:
:

شششششكرا الله يعطيك العافيه