عندي مشكله تم حذف موادي كلها

[Moon-14]

السلام عليكم

انا الترم هذا كنت ابي اجله لضروفي الخاصه وسويت التاجيل عن طريق حسابي في موقع الجامعه
وتم رفض القبول لتاجيل من نفس النظام

وقبل مايبدا الترم جتني رساله على جوالي انه لازم اسجل المواد
وقمت وسجلت موادي كلها عن طريق النظام

والحين لي شهر اداوم ويحضروني واتعنى
وبالصدفه اليوم راجعت الاداره واكتشفت انهم اجلولي الترم ومسحوا كل المواد اللي مسجله عندي
وقالوا انتي طلبتي التاجيل
قلت طلبت بس النظام رفض
قالوا ايه التاجيل ياخذ وقت
يعني لو مارحت اليوم ماكنت ادري عن شي الين الاختبارات

حاولت معهم ماستفدت شي
مادري اروح لمين


ابي نصيحتكم وش اسوي

:44::23:

[بنووتة الكيمياء]

الخيره فيما اختاره الله ..

مالك الا تأجلين هالترم ربي يساعدك لانهم صعبين بهالمواضيع ماراح يساعدون لو ايش سويتي :32:

ماتدريين يمكن تأجيلك فييه خييره ان شاء الله :34:

ربي يعيييينك :1:

[nicole]

*



الخطأ منهم !!!!!!
وش ذنبك إذآ نظآمهم يقول شيء ويسوي شيء ثآني !
لآتعورين رآسك بالفرفره بالمكآتب .. آجلي هآلترم وبإذن الله خيره لك :1:

[Moon-14]

لاحول ولا قوة الا بالله

[احلام صاعده]

حسبنا الله ونعم الوكيل اختي انا كنت طالبه توسيع شعبه الكترونيا بايام التسجيل
ووماتوسعت وعرفت ان مافي امل تتسجل الماده
مرت الاسابيع ونسيت امر الماده نهائي
بالصدفه فتحت النظام الاسبوع اللي طاف
القاهم مسجلين لي المِادددده
تخيـلي ولاحضرت ولايوم
قالت اذا وصلتي للحرمان ماراح نقدر نسحب الماده
ورجعو الغلط علـي ��
اللي اعرفه اذا طلبتي توسيع شعبه الكترونيا
يجيك بعد كم يوووم
مووووووووو اسااااابيع ولابعد يمكن مالها اسبوعين من تسجلت
ويسجلون من روسهم
قال ايشششش الكترونـيااااااا
يـارب يـاااارب يــارب ياارب يسـر رررررهـاااااااا لـي وافرجهـاااا

[الانتظاار]

:4: يالله وربي بلاويهم كثيررره ماتنتهي وش ذا
خلاص يختي الله يكون بعونك اجلي الترم ذا اساسا شهر 7 منتهين
وكل شي خيره من الله لا تقلقي بس اذا حابة تاخذين صيفي اوكي
حسبي الله ونعم الوكيل فيهم انا يما صارت لي سوالف بالتوسسعه وبالمواد وغيره الله يعيين