الى كل من دخلت أدب الانجليزي -اتمنى تفيدوني-الله يوفقكم

[طبخة]

السلام بنات ؟؟شواخباركم؟؟

حبيت استفسر عن قسم ادب الانجليزي يابنات ؟شنو رايكم فيه سهل ولا صعب ..

انا متخوفه ادخله ..انا احب الانجليزي بس ماعندي حصيلة كلمات ذاك الزوود

الكل يحطمني ويقولي لاتدخليه ..في بنات شطار دخلونا وحملوا اربع مواد من التخصص

أنا ابي احد يشجعني ........بليزز بنااات

طمنوني هل القسم حلو وسهل ؟وهل يبيلا ؟

وهل انتي قبل ماتدخلي القسم واجهتي تشجيع او تحطيم ؟وكيف عديتي ذا الشي..

كيف واجهتي وتعديتي الصعوبات الي واجهتك ؟؟

وهل انتي قبل ماتدخلي عندك حصيلة كلمات انجليزي قوويه ؟؟

وكيف نميتي لغتك الانجليزيه؟؟

وشنو تنصحوني من الكتب والمواقع الي استفدتوا منها ؟

وشنو النصائح الي تنصحوني بها اتقيد بها في حياتي الدراسيه؟


الله يوفقكم ويحقق كل ماتتمنوا ان شاء الله ..ويفرج همكم مثل مارح تفرجوا همي ويبعد عنكم الهم الغم والهم .ويبعد عنكم كل الاعداء وينصركم عليهم ويستر عليكم ياااااااااااااااااارب

[Miss wise]

أهلين أختي ذكرتيني بحالي قبل سنة كنت مررة مترددة بس صدقيني دامك حابة اللغة و لك نية تشدي حيلك بدراستك و تذاكري أول بأول راح تنجحي لأن القسم مو معضلة والدليل كثير بنات متخرجين منه اكيد انهم تعبوا بس كل قسم له صعوبته... اتمنى أكون أفدتك وموفقة يارب:119:

[Fanar]

الانجليزي يااختي يجنن
ويحتاج تتعبين على روحك اكثر من مناهج الدراسة
عليك بالقراءة و الكتابة راح ينفعونك كثير كثير
ابدأي بقراءة قصص الأطفال و شوية شوية إلى الروايات اللي تجنن
وحاولي تكتبين يومياتك بالانجليزي
مثلا طلعتي ليلة الى مطعم ،،،، اكتبي وصف للغرفة اللي جلستي فيها ( الجدار ، المقاعد، الأكل،......)
و بكذا بتلاحظين التطور
انا عطيتك طريقتي و كانت دراستي دبلوم سنتين بس والله استفدت كثير كثير
وفي بعض زميلاتي يهمهم التحدث اكثر من اي شي ثاني فيكون تركيزهم على مشاهدة الافلام وانا ولا عمري شفت فيلم

طولت عليك
الله يوفقك

[م/عبدالله الفريدان]

حب اللغة مو كل شيء
اهم شيء الاجتهاد بتحسين القراءة والكتابة والاستماع كثيرا لقنوات مثل سي ان ان وغيرها من الطرق
المفيدة لتحسين اللغة

وبالتوفيق

[عسولة الشرقية]

حبيبتي طبخه القسم حلووو


اول اسبوعين بتكرهين حياتك


بعدها بتحسين بصعوبه اشوي بس مو لدرجه الكره


بعدها بيصير سهل واوكي معك


بس لازم تشتغلين على نفسك بالقراءه والكتابه


اتمنى اكون افدتك

[طبخة]

مشكوووووورين اخواتي الله يوفقكم:119: استفدت منكم كثيرررر

محتاجه لتجارب وتجاوب بااقي الاعضاء :love080:

[saruoOona]

لسلام عليكم
بنات انا كنت قبل اربع سنين بادب انجليزي بكلية الجبيل
وصارت لي مشاكل كثير وظلم مايوصف المواد حلوه وسهله بعد ماتغيرت بس مادري عن كلية الدمام كيف
بس للي بقوله اني بسجل بلانتساب المتطور بكرا ان شاء القدير ونقبلت حابه
نسوي قروب لكل بنت مستجده ولبنات لقديمات عشان نساعد بعض ونرتقي للافضل
بس حبيباتي ادعولي اتقبل لاني مابي ادرس بمعاهد ولا ابي اهليه لانه ياخذون فلوسك ع الفاضي وبلاخير
عذاريب الدنيا بشهاده انا ناويه ادخل دوره قريب وجنب دوره ابي نسوي قروب حبوب ومتعاون ونتواصل ع الخاص لو الفكره جازت لكم
وخصوصا صاحبة الموضوع وانا لغتي حلوه واتكلم بطلاقه لكن للغه غير الادب من نواحي دراسيه
وخلال السنين اللي راحت مادري وش ستجد بلمنهج وتغير
عموما اتمني القي اقبال ونصير خوات وقلوبنا علي بعض ونسعي لمصلحة بعض
وحنا جالسين ع نت تكون جلستنا بفايده
معلش طولة عليكم بس تحمست شوي:150:

[وجد.]

هلا ياقلبي
بجاوبك بكل امانة وصدق
القسم م خصوصا ذا مايبيلة لعب ابدا ابدا
وهذا قسم جدا صعب صراحة راح تنجحين بحالة وحدة بس اذا انتي عاشقة عشق شي اسمة
لغة انجليزية وحابة تحفضين وتراة قسم يعتمد على الحفظ كثيييير
انا ساعدني لاني من كنت صغيرة دايم على الافلام الاجنبية اقرا جرايج انجليزي واحفظ اي كلمة من هنا
او هنا اي شي اقراة ومع الوقت بتصيرين فلتة بلبل با الانجليزي
بالتوفيق يا اختي وتوكلي على اللة وصلي صلاة الاستخارة وانشاء اللة خير
تراة لذيذ القسم مرررة

[Pink princess]

مرحبا حبيبتي

انا من طالبات قسم اللغة الانجليزيه باكليه الادبيه بالاحساء

بصراحه القسم جدا سهل بالنسبه لي لان كان طموحي اني اتعلم هذه اللغة طبعا تحتاجين مشاهده افلام اللغة الانجليزيه مره مترجمه ومره غير مترجمه ونصيحتي لج لازم تحفظين الك الهائل منidioms
لان راح يساعدك كثير في المحادثه وطريقه تركيب الجمله

وانا بعد كنت احفظ اناشيد انجليزيه مكتوبه طبعا واسمع مثلا سامي اليوسف واحفظ كثير لما تسهل علي كل شي

واذا احتجتي الى مواقع راسليني وراح اساعدك في كل شي

[Portia]

هلا حبيبتي يمكن ردي ماراح يكون مختلف عن باقي الردود انا بروح سنه رابع ان شاء الله واحس الى الان ماشبعت دراسه لانو اللغه بحر واحنا مازلنا نطفو على سطح هالبحر..بس اطمنك ترى القسم حده ممتع وحلو ومافي شي صعب الا اذا انت حطيت في بالك انه صعب وانا عكس الاخت اللي قالت ان القسم يعتمد على الحفظ لا مين قال ؟ اذا فهمت الموضوع تقدرين تجاوبين بجمل من تركيبك انت مو شرط من المنهج والحمدلله انو خلال سنوات الدراسه كل دكاترتي كانوا ممتازين وخلونا نحب موادهم وشي اكيد لازم تكون عندك حصيلة كلمات انت اشتغلي على نفسك من الان و اكيد لازم تهتمين بطريقة النطق ولفظ الحروف والكلمات القسم مو صعب بس يمكن يبي له شغل اكثر عن باقي الاقسام الثانيه بس من جد ممتع حده الله يوفقك حبيبتي ياريت انا توني بدخل سنه اولى لانو من جد ماشبعت من الانجلش :love080:

[Miss Diamond]

انا ادب انجليزي وتوني ببداية الطريق

بس صراحة القسم يبيله جد واجتهاد

ويبيلك ع طووول مذاكره مو بس تكتفين باللي بالمنهج عندك

لا يبيلك تاخذين من كل مكان يالغاليه

والله يوفقك ويوفقنا يارب

[النبراس المضئ]

لاتخافي وهدي من روعك القسم يجنن انا عن نفسي اقولش اني اموت على شي انجليزي دايم تلاقيني اطالع التلفزيون افلام برامج انجليزية ولا امل وصج اني في سنة اولى ورايحة انشاء الله سنة ثاني تلاقين مشاء الله يعني يصير عندك معلومات واجد ترى مو توي اطاع لفلام الأنجليزية تقريبا دايم اطالع افلام انجليزي من كنت في سادس ابندائي حتى الطالبات الي معاي في الكلية يفكرون اني رايح معد الا اني قويت لغتي بدون الحاجة الى المعهد جربي كل الي قلته وقالوه الصبايا وراح تصيري فلته في انجليزي راح تنسي العربي god luk:d5::love080::d5::love080:

[عيون السهارى]

هلا حبوبتي أنا طالعة سنة رابعة

أنتي بغض النظر لغتك حلوة ولا لا القسم يبيله بنت تبي تدرس

يعني اذا انتي تبين الراحة ع طول لا تدخلين ... امزح :119:

القسم مرة ممتع و المواد حلوه مادري عن النظام الجديد بس المواد دسمة كثير و يبي لها دراسة أول بأول و اذا درستي أول بأول بترتاحي بالأمتحانات لأنو بس تفهمين المطلوب منك بتعدي ان شاء الله

الدكتورات مش سواسية عندك اللي تشوفك حشرة و عندك اللي تشوفك طالبة الأسلوب يختلف

اذا دخلتي بتحبين القسم وهذا الشيء بخليك تنسين التعب

لازم طبعا تشدين حيلك و تحاولين ترفعين من مستوى لغتك انا أتكلم انجليزي بطلاقة قبل ما ادخل مع ذلك لما دخلت القسم حسيت اني ولا شي و صرت ادخل على مواقع تطوير للغة و الـ spelling حتى احافظ على مستواي ممتاز ع طول

اذا دخلتي ما راح تندمين >>> شكلي اشتغل بياعة :mh35:

بالتوفيق يالغلا

[رايقه%]

يالله رجعتيني ثلاث سنين ورى >> تقل عجوز
قبل لاادخل القسم كنت مرررررررره متردده لدرجه مو طبيعيه العطله كلها وانا افكر واقلبها بمخي ادخل والا ماادخل مع اني حابه اللغه بس الناس خوفوني كثيييييييير تدخلين انجليش ؟! صعب نصيحه لاتدخلين كتبهم تخرع مجلادات مو كتب واللي تقول لالاتدخلين صعب وحده شاطره دخلته ورسبت .. ومن هالكلام
وطبعا هالكلام يزيدني نفور من القسم لاني كنت خايفه من فكره الرسوب وكنت افكر ادخل قسم ثاني ماني هاويته , بس اللي لهم الفضل بعد الله امــي و خواتي صحيح يعني , شجعوني وحفزوني بقصص ايجابيه مش سلبيه والحمد لله هذا انا اللحين طالعه لسنه رابعه وع فكره ترى الانجليش حلو يوم تدرسينه تحسين انها خفيفه ع نفسك عكس المواد العامه :cheese: ودارسة الانجليش ممتعه لانها متنوعه يعني راح تاخذين قواعد وتاريخ وصوتيات وترجمه يبيلك مجهود صحيح بالبدايه لان الكلمات كثير اللي راح تكون جديده عليك بس بعدين تحسين كل شي صار لزيز ,, واي شي تحتاجينه حنا بالخدمه :119:
اخــتــــــ رايقهـ ــــــك

[ThE lEgEnD]

هلا يا طبخه<<<والله اسمك شييي

ترا الانجليزي زي اي لغه اذا تبغين تتعلمينها لازم تقتنعين انك تتعلمينها بعدين يجي وقت القرائه والحفظ والاستماع وهذول اهم شي بأي لغة جديده عليك وتبين تتعلمينها,,ولاتستهينين ابدا بأي ماده مهما كانت سهلة حتى المواد العامه يبغالها اجتهاد
واذا تبيين اي شي لايردك الا اصابيعك
وعلى قولة الشاعر



>>لكل مجتهدن نصيب<<:praying:

[ana nora_22]

انا بعد داخله انجلش ومتردده مرررررررررره
ياليت تعطونا تجاربكم اكثر
:sdfgdsf:

[Lavender flower]

حمستوني مررره للقسم
انا داخله انجلش تبع الانتساب المطور
بس خايفه ماأمشي
انا احب الانجلش واشوف افلام بس ماأركز على الكلام
مع ان إذا صارت الترجمه متقدمه عن الكلام اصير اردد الكلام بالانجليزي بدون وعي
وإن شاء الله ربي يوفق الجميع ..

[النبراس المضئ]

:m22asmilies-com::066::150:ادخلو انجليزي وماراح تندمو ابدا

[كاشخه بشباصه]

عجبني موضوعك ولو ان مالي بالتخصص نفسه
ربي يوفقكم:119:

[طبخة]

مشكورين لكل من دخل موضوعي وشارك لاني خففتوا اكثير من مخاوفي صرت ماهتم لكلام الناس ومقارناتهم بي بأي احد حتى لو حملت مواد اهم شي اجد ع نفسي وادخل قسم شي احبه
مشكورين والله يوفقكم ويحقق كل امنياتكم
وانا في انتظار نصائح وتجارب باقي الاعضاء

[just me!]

شوفي هالموضوع وان شالله بيفيدكـ..!!
http://www.ckfu.org/vb/t70811-2.html
الردووود كانت جدآ قيمــــهـ

[J A M I L A H]

شي حلو يآآ "طبخه" آنج وصلتي لمرحلة الآقتنآآآع هذي

شوفي هالرآآبط اللي حطته just me

آنآآآ وصقيقآآتي بالكوليج على قولتهم كبينآآ عفشنآ فيه

يآآرب يفيدك

وآلله يوفقك وييسر لك ...

[طبخة]

مشكورين وتسلموا

صح ان احيانا اخاف من كلام الناس من هالقسم
واحيانا احس بعض الناس يتعمدون انهم يخوفوني
بس ان شاء الله اتوفق بهاالقسم دعواتكم اني اكون ناجحه بهاالقسم ولا احمل ولاماده

[J A M I L A H]

يآآحبيبتي لا تسمعين كلآآم النآآس آبدن !
ثبتي هدفج وآسعي له ... وبس

وآلله يوفقج وييسر لج وتصيرين آدفر بنت بالكوليج :cheese:

[طبخة]

الله يسمع منك
ومشكووووووووووره يابعدي