ملخصات مستوى ثالث جاهزة بمكتبة الديوان بالأحسآء ... سراب الورد

[سراب الورد]

السلام عليكم ورحمة الله وبركاته

اسعد الله اوقاتكم اخواني وخواتي بكل خير

أنا طبعت ملخصات مواد مستوى ثالث اللي أنا اخذتها
وهي:
ادارة مالية 1 - تقنية المعلومات2 - اساسيات المحاسبة - الاحصاء في الادارة - وفقه السيره .

طبعتها وسويت لها غلاف لكل مادة باسمها واسم معد الملخص

ووديتها المكتبه وطلبت يسويها لي ويرتبها بحيث ما تتمزع الاوراق

وحتى لو بعطيها حد في المستويات القادمه تكون على نفس ترتيبها

المهم جبتها من المكتبه وعجبني شكلها وقلت لازم اخواني الطلبه والطالبات يشاركوني فيها

وكلمت صاحب المكتبه وطلبت منه يسوي كذا نسخه

من كل مادة في المكتبه

ارفقت لكم صورة غلاف الملخصات

الملخصات انا طبعتها عندي بالبيت

يعني المكتبه بس سوا نسخه وغلاف

هو قالي راح ياخذ على عدد الورق كل 50 ورقه بـ 5 ريال

مش كثيرمقابل لو بتطبعونه انتو بالمكتبه

انا كنت قبل احط الملخص بفلاش ويطبع لي كل ورقتين بريال

يعني 50 ورقه بـ 25 وعليك الحساب

الملخصات موجوده بمكتبة الديوان اللي بالمزروعيه

عند مسجد النعيم ومصرف الراجحي

اتمنى الملخصات تنال اعجابكم

والله عالم ان مالي اي نسبه في ذلك بس صاحب المكتبه خفض لي تغليف الملخصات ..

ومابي منكم الا الدعاء لي بالتوفيق وتيسير اموري

سراب الورد ..

:16::1:

[عاشق حرف m]

الله يعطيك العافية ماقصرتى

[ليدي قمر]

الله يسعدك مبادره حلوه منك عقبال مايصير عندنا احد بالخرج :10:

[جنون الحياه]

الله يجزآآآآآآآآآآك ألف خييييييييييييير ويجعلهآ بموآآآزين حسنآآآتك,,:16::16:

مآ قصرررتي ,, :16::16:

بآآآآآآدرة طيبة منك ,, :1:

بس سؤال مكتبة الديوآن وين عشآن يكون وآضح للأعضآء ؟؟ :34:

كل التوووووووووووووفيق,,

[أم المثنى]

الله يجعل لك واللي سوو الملخصات في كل حرف حسنة

ومحو سيئة وقرب من الجنة وبعد عن النار ويفرج عنكم دنيا

وآخرة آمين يارب

[سراب الورد]

لا شكر على واااجب :1:

مكتبه الديوان بالأحساء >> الهفوف >> المزروعيه

>> مقابل جمعيه المزروعيه وجامع النعيم وبجوار مطعم نعمان

تمنياتي لكم بالتوفيق

:16:

[المســافر]

جزاك الله الف خير

وجهد تشكرين عليه

لكي منا كل الدعاء بالتوفيق والنجاح ان شاء الله

على كل ماتبذلونه في مساعده اخوانكم واخواتكم

ونتمنى ان تتوفر هذه الملخصات في مدينة الرياض

تقبلي خالص تحياتي

[فوشيآآ]

ماقصرررتتي حبيبتي ربي يوفقكك ويسعدكك :43::43: