تسجيل الدخول

مشاهدة النسخة كاملة : - - --^[ - الألعاب الشعبية Popular games - ]^-- - -

F-fatimah
2013- 3- 6, 10:27 AM
ألعاب الماضي - صباح السعودية



http://www.youtube.com/watch?v=NULeTm7IV_U



......
F-fatimah
2013- 3- 6, 10:30 AM
الألعاب الشعبية


تعرف بأنها نشاط رياضي ذهني ضارب في القدم يشكل جزءاً من
الإرث الاجتماعي المرتبط بجذور الشخصية الإنسانية والمقومات الحضارية للمجتمع العربي تناقلته الأجيال جيلاً بعد جيل ومارسته برغبة وصدق من أجل الترفيه والتنشيط وقضاء وقت الفراغ بطريقة مفيدة.




.
.
.



فوائد الألعاب الشعبية


حظيت الألعاب الشعبية باهتمام كبير لما لها من فوائد جمة تعود على اللاعبين في
مختلف الأعمار وهذه الفوائد متنوعة ، منها الفائدة الخلقية والبدنية والنفسية والاجتماعية والسلوكية والوجدانية لأنها مرتبطة بصفة الحرية والحرية أسمى
ما يسعى إليه الإنسان، ومن فوائد الألعاب تنمية العلاقات وتجسيد روح التعاون والألفة
بين الجماعة فمن خلال اشتراك اللاعب مع زملائه في اللعب مما يجعله يكتسب العديد
من الفوائد التي تساعد في إعداده وصقل تجربته وتنمية روح الجماعة لديه





.
.
.


ويمكن تحديد فوائد الألعاب بما يلي :

1 ـ تعويد اللاعب على الاعتماد على النفس وتساعده على الدفاع عن نفسه
2 ـ تساعد اللاعب على التفكير والابتكار ويقظة الذهن
3 ـ تغرس المعاني الحميدة لدى اللاعب من خلال التزام اللاعبين بقوانين وشروط اللعب
4 ـ تعود اللاعب على الصبر والمثابرة أثناء ممارسة اللعب
ونجد أن الألعاب الشعبية لها علاقة بحياة الأطفال في التراث الشعبي وقد كان الطفل
يقوم بممارسة بعضها لتساعده على تعلم المهن أما الألغاز والقصص فتعلم الطفل
المداخل والمخارج الصعبة في اللغة
إن للألعاب الشعبية علاقة بحياة الإنسان في المجالات التالية :
1 ـ اللعب جزء من حياة الإنسان في الوسط الشعبي ملازم له وتقدم مثالاً من أحوال
النظام الاجتماعي كالتعاون والتكافل وحب الغلبة والامتثال للنظام
2 ـ الألعاب الشعبية في تكوينها خاضعة لطبيعة البيئة وتقلبات المناخ في الفصول
الأربعة واختلاف الليل والنهار وتبعاً للعادات والمناسبات
3 ـ إن الألعاب الشعبية في الكثير من أنواعها مطابقة لما يشتمل عليه مجتمعنا الحديث
في الرياضة واللعب مثل ألعاب القوى – الوثب – الرمي – الجمباز – السباحة – الفروسية )
4 ـ آن الذين يراقبون هذه الألعاب يلاحظون إنها تتعرض شأنها شان باقي فنون
ومجالات التراث الشعبي للتغيير أو الانقراض أو أخذ الطابع العصري بدخول الآلة
وتوافر الإمكانيات وتغير أنماط العيش وهذا ما نشاهده في رواج ألعاب ( الأيباد–
الكمبيوتر - الآيفون - السوني ) فأخذ الناس من جراء ذلك يفقدون صلتهم بألعابهم القديمة مما يهدد
هذه الألعاب بالزوال .



......
F-fatimah
2013- 3- 6, 10:34 AM
السلام عليكم ورحمه الله وبركاته




قبل كم يووم كنت بالسياره مع اخووي وفاتحين على الراديو وجابو سالفه الالعاب الشعبيه وكيف انو بدأت تندفن مع الجيل الجديد وانشغالهم بالاجهزة واثر ذلك عليهم وكيف اصبحنا جيل كسوول وبليد ماعدا البعض منا


قلت ليه مايكون لنا تجمع ونفتح هذا الموضوع ونتذكر الالعاب القديمه ونتكلم عن اصل الالعاب الشعبيه ونجيب ايضاَ العاب شعبيه من مدن ومناطق وبلاد مختلفه ( العاب شعبيه سعوديه - اماراتيه - مصريه - ... الخ ) ونحاول نرجع الالعاب في هذا الجيل لانها اجمل واحلى من الالعاب الالكترونيه وتعليميه وتربويه قبل ماتكون تسليه

ومنها نتذكر الماضي الجميل خصوصاً الطيبين فينا ^^




اتمنى تعجبكم الفكرة واشووف تفاعل كبير منكم


بإنتظاركم


......
الجــــ@ـارح
2013- 3- 6, 10:53 AM
نعم اختي عالم التكنولوجيا اثر على جميع مجتمعنا

الحاضر . وفقد مجتمعنا اشيا كثيره غير الالعاب الشعبيه

الان في المجالس افتقدنا ذكر الله قبل كل شي وافتقدنا

الحكم والقصص القديمه , حيث عندمانكون في مناسبه نجد كل شخص

منهمك في جواله ولا يهتم بمن حوله ,,

فقد فقدنا اختي اشيا اهم بكثير من الالعاب الشعبيه

والصوره التاليه تحكي عالمنا اليوم ...

سلمت يمينك اختي فاطمه على اختيارك


http://im35.gulfup.com/vmHUB.jpg
F-fatimah
2013- 3- 6, 10:55 AM
هاذي اللعبه جنووني واحبها <<<<اي لعبه فيها دفااشه احب العبها لكن لاتقولون عني ولد ^^


......

.: لعبة خبز رقاق :.


http://www.al-nakheel.ae/images/game10.jpg



ويلعبها الأطفال حيث ينحني أحدهم إلى الأمام ويقوم الآخرون بالقفز من فوق ظهره


....
F-fatimah
2013- 3- 6, 11:06 AM
نعم اختي عالم التكنولوجيا اثر على جميع مجتمعنا

الحاضر . وفقد مجتمعنا اشيا كثيره غير الالعاب الشعبيه

الان في المجالس افتقدنا ذكر الله قبل كل شي وافتقدنا

الحكم والقصص القديمه , حيث عندمانكون في مناسبه نجد كل شخص

منهمك في جواله ولا يهتم بمن حوله ,,

فقد فقدنا اختي اشيا اهم بكثير من الالعاب الشعبيه

والصوره التاليه تحكي عالمنا اليوم ...

سلمت يمينك اختي فاطمه على اختيارك


http://im35.gulfup.com/vmhub.jpg



+1

صدقت يااخوي ضاع طعم المجالس

ودك لو تحط لك مو مفتشين جوالات على الباب الا ودك توظف ساحبين جوالات

المجلس كله يكوون بدون اجهزة ومافي غير الدله والضياافه

شرفني واسعدني حضوورك

شكراً لك


.....
Ms.Solo
2013- 3- 6, 11:45 AM
النبيطه..هذي اللعبه وبدون منازع كانت لعبتي المفضله حتى لوانها بالغالب حقت اولاد

لكن كانت روعه وحماس تجميع المغاطات و نعول اخوانك القديمه كرمتوا كانت شي حماس ومنافسه

وخصوصا وقت الصيد :71: اعتقد خلصنا عصافير الحاره هههههههه

واهم شي طلعتي كل يوم بكشتي لين صدر قرار اني كبرت ولازم انطق بالبيت :35:

بعدها سلمتها لاخواني :12::12:

http://dc03.arabsh.com/i/01740/wggs2ph75kkg_t.jpg
UNO_0
2013- 3- 6, 12:05 PM
يقوم ويضرب

^
هههههه


يا أنه يقوم تصفيق بهاللعبه

هي عباره عن مجموعة اولاد صافين على شكل دائره

وفي كورة في النص < نفس كورة التنس

وايضا في واحد برا عنده ورقة
فيها اللقاب يختارها المتنافسين < مثل - القرش الاملح - قطو المطابخ - نامق - عبسي وهكذا

واللي يقول اسمه ياخذ الكوره ويصفق له واحد < طبعا الباقي بيحاولون يهربون عشان مايصفقهم ويطلعهم

واذا ما صفق احد يطلع هوو


وفيه اللعاب كثيرة كنا نلعبها يا ليت ذيك الايام ترجع

مو جيل اللحين كلا على الايباد


تقوووووووووووووووم وتضرررررررررررررررررررب فطوم ههههههههه << طبعا انا اختفيت فرررررر
التميمية
2013- 3- 6, 12:34 PM
أوووووه زمان ي فن هههههههههههههههههههههههه والله :11: ي زين اول ي ليتني عشته بس احس انه احلى بكثيييييييييييير من اللحين :24:

فطوم وش رايس نلعب لعبة اوم رقاق :5: ههههههههههههههههه
زيزو الوايليه
2013- 3- 6, 01:06 PM
موضوع رائع فطوووم .. من جد فقدنا طعم الحياة من يوم فقدنا التواصل والاشياء التي كنا تفعلها بالسابق وتسعدنا .. اقرب مثال الزواجات .. اول كانت عباره عن اكثر من ثلاث ايام .. نتشارك بالتجهيز للعروس ونتجمع ونتحني معها الحين .. كل الزواج ع بعضه ساعتين ومشي حالك ....

احب لعبة الزقطه للي يعرفها هههههه
خمس حصوات او تيل .. تيلات ... نرمي وحده فوق وانحاول ناخذ الي بالارض من دون مانطيح الي باليد ... خفة يد مو الحين البزر يجيب لك موويه يتكبب نصه بالطريق مايوصلك الا ربعه ...
والا ينادي الشغاله تجيبه له ... جيل كسووووول
wintr song
2013- 3- 6, 04:03 PM
الله فطوم موضوع رائع

راحو الطيبين كل شئ كان حلو اما اللحين ف ذا الجيل :139:
واحسهم ماينبسطون


شكرا لكِ:16:
F-fatimah
2013- 3- 6, 04:04 PM
النبيطه..هذي اللعبه وبدون منازع كانت لعبتي المفضله حتى لوانها بالغالب حقت اولاد

لكن كانت روعه وحماس تجميع المغاطات و نعول اخوانك القديمه كرمتوا كانت شي حماس ومنافسه

وخصوصا وقت الصيد :71: اعتقد خلصنا عصافير الحاره هههههههه

واهم شي طلعتي كل يوم بكشتي لين صدر قرار اني كبرت ولازم انطق بالبيت :35:

بعدها سلمتها لاخواني :12::12:

http://dc03.arabsh.com/i/01740/wggs2ph75kkg_t.jpg


وتوارثها الاجيال من بعدي هآآ يامس سولو ^^

والله ايام اللعب فله لكن مثل ماقلتي الكبر والزمن حكمو علينا بالجلسه في البيت

الله يرحم أيآآآم زمأأأن

نورتي يالغلآ حياك الله وتعالي كل يوم



يقوم ويضرب

^
هههههه


يا أنه يقوم تصفيق بهاللعبه

هي عباره عن مجموعة اولاد صافين على شكل دائره

وفي كورة في النص < نفس كورة التنس

وايضا في واحد برا عنده ورقة
فيها اللقاب يختارها المتنافسين < مثل - القرش الاملح - قطو المطابخ - نامق - عبسي وهكذا

واللي يقول اسمه ياخذ الكوره ويصفق له واحد < طبعا الباقي بيحاولون يهربون عشان مايصفقهم ويطلعهم

واذا ما صفق احد يطلع هوو


وفيه اللعاب كثيرة كنا نلعبها يا ليت ذيك الايام ترجع

مو جيل اللحين كلا على الايباد


تقوووووووووووووووم وتضرررررررررررررررررررب فطوم ههههههههه << طبعا انا اختفيت فرررررر


وتقووم فطووم وتضرب اونو لو انك بعبايه تخفي بطلعك وبجرك على بالك بعديها لك بالساااهل ^^

جيل الأيباد يبقي يفووز دايماً ومايبقى احد يضربه وحساسين مايعرفون متعه ولذه الالعاب القديمه


عجبتني اللعبه انون العبها مع اخوااني بجرب حظي معهم مع انهم بس نلعب شووي تقووم الهوشه والصيحه يخلون الواحد يكره اللحظة اللي فكر يلعبهم فيها

منوور اونو


أوووووه زمان ي فن هههههههههههههههههههههههه والله :11: ي زين اول ي ليتني عشته بس احس انه احلى بكثيييييييييييير من اللحين :24:

فطوم وش رايس نلعب لعبة اوم رقاق :5: ههههههههههههههههه


اي والله احلى

موافقه على اللعب بس بشرط انا انط عليك ^^

نوورتي ااختي


موضوع رائع فطوووم .. من جد فقدنا طعم الحياة من يوم فقدنا التواصل والاشياء التي كنا تفعلها بالسابق وتسعدنا .. اقرب مثال الزواجات .. اول كانت عباره عن اكثر من ثلاث ايام .. نتشارك بالتجهيز للعروس ونتجمع ونتحني معها الحين .. كل الزواج ع بعضه ساعتين ومشي حالك ....

احب لعبة الزقطه للي يعرفها هههههه
خمس حصوات او تيل .. تيلات ... نرمي وحده فوق وانحاول ناخذ الي بالارض من دون مانطيح الي باليد ... خفة يد مو الحين البزر يجيب لك موويه يتكبب نصه بالطريق مايوصلك الا ربعه ...
والا ينادي الشغاله تجيبه له ... جيل كسووووول

ايوااا عرفتها اي والله حلووه اللعبه بالحيل

اخووي كان يشتري تيلات والعبها معه بس ضاعو التيلات وماشرينا غيرهم <<<زوول ^^

صدقتي جيل كسوول وكسلنا معه

منووره الحته زيزو


.....
tulip..❥
2013- 3- 6, 06:59 PM
http://i-exc.ccm2.net/iex/1280/1803743892/731651.jpg


لعبتي المفضله ولو ان نصها ع وجهي بس حلوه :34:

وفي كمان العاب بس ماعرف اسمائها :5:


وفعلا العاب زمان رغم بساطتها الا انها مُسليه بعكس واقعنا والعابنا الايباديه :31:
طألبــة الجنان
2013- 3- 6, 07:31 PM
موضوع رائع بجد
افتقدنا هاالالعاب
الحين ماتشوفين غير الاجهزا بيدهم والله ذبحتتهم
ومحد يم احد
prestigious
2013- 3- 6, 08:55 PM
لعبة البيه
Khaled.k
2013- 3- 6, 10:27 PM
http://www.imuae.com/vb/imgcache2/315147.gif
كنا نحب هذه العبه
ونتقاء جميل يذكرنا باأيام الطفوله الجميلة تسلمين يامبدعه
Khaled.k
2013- 3- 6, 10:30 PM
http://www.qatarpictures.com/qatargallery/up3/files/4/DSC05087.jpg
ms.jasmien
2013- 3- 6, 11:16 PM
الله فطومتي ع الموضوع الجميل ذكرتينا بايام ماتنسى والله

لعبه وحده لا والله ثنتين
شبره يامره ياشمس نجوم :5: تعرفينها (نط الحبل )
وحبشه وهل يخفى القمر ؟! كانت اشهر لعبه عندنا

اللحين ماشوف احديلعبها ولاراح يلعبونها جيل الايباد:30:

مشكوره حبي على هالموضوع النايس
والف شكر للجارح ولمشرفنا الغالي ابوعبدالعزيز
ياجعل ربي يسعدهم ع التنبيه :1:

ومسائك سكر :16:
♥ ρяɪиcєss
2013- 3- 6, 11:28 PM
موووووضع رائع ربي يعطيككك العافيههه
♛افنان الشهري♛
2013- 3- 6, 11:43 PM
http://i-exc.ccm2.net/iex/1280/1803743892/731651.jpg

ي لبيئيه كنت أموت ب هالعبه كنت أسوي فيها حركات >> استعراض :17::17:


يسلمو ع الموضوع الجميل :34:
المتلالئه
2013- 3- 7, 12:46 AM
الله ع العاااب زمان
طفوله صدق
اما الجيل هذا مااشوف الا الاجهزه الالكترونيه...

الله يعطيك العافيه فطوم...
:2:
المتلالئه
2013- 3- 7, 12:52 AM
اشكر اخواني ابوعبدالعزيز والجارح
وصاحبة الموضوع الغلا فطوم ع التنبيه...
الله يحفظكم
:2:
angle KFU 2011
2013- 3- 7, 01:21 AM
ههههه ذكرتيني بالماااااضي
ياحلو زمنا ياريت نرجع لذااااك الزمن



مشكورة ع المووووضوووع الجمييييييييييل ..:3::3:
شخصية مجهولة
2013- 3- 7, 01:24 AM
موضوع رائع


الله يذكر أيام زمان ف الخير


ويحسن الخاتمة على رضاة


وفقك الله
:2:
زيزو الوايليه
2013- 3- 7, 01:26 AM
لعبة البيه

مازالت عندنا ذكرئ من جدي الله يرحمه ...
تيتشر ريماز
2013- 3- 7, 02:55 AM
http://im35.gulfup.com/vmHUB.jpg

هههههه عجبتني هاذي الصورة من جد تحكي الواقع حتى الشيبان ماكان يعجبهم ذا الشيء صار يعجبهم

الحين وش يسوون بدل مايجلسون لحالهم المساكين

http://dc03.arabsh.com/i/01740/wggs2ph75kkg_t.jpg

النبيطه آآآه كانت فلم رعب لي ولبنات عماتي واعمامي هههههه يوم كنا صغار كانوا اولاد العائلة المرجوجييين مجننينا بها اذا جاتهم الفصلة الله يسامحهم كم بكوني :12::5: ماصدقنا كبروا وصاروا يستحون عشان يريحونا من خششهم :26:

http://im2.gulfup.com/2011-03-12/1299896004981.jpg

كمان هذا كنت احبه واحب اللعب فيه هذا لحاله فلم اكشن :34:

وبعد بصل بصل بصيلة نهار العيد تعشينا ملوخيييية وعلبة الوان ووالسبت والاحد وفتاحية وردة:13: (لحد الان اذا

جتنا الفصلة تايم انا وخواتي نلعبها مع البزارين :42:)

مشكوررررة فطوم موضوع جميل جميل جدا ذكرتينا بايام الفلة والوناسة :1::16:
البرنسيسية
2013- 3- 7, 11:16 AM
الالعااب جميلة تذكرنا بالطفولة وبرئتهاااا
وقلوب الطيبة
تحياتي لكم واشكر أبو عبدالعزيز على التنبية
:2::2::2::2::2:
بحر العطا
2013- 3- 7, 02:09 PM
كل ماتتقدم الحياه تظهر اشياء تلو الاخرى والبشر تتغير مع هذا تغير الى للاسوء للاسف


يعطيك العافيه


نايل وت ذمننق البيه ؟
F-fatimah
2013- 3- 8, 01:02 PM
الله يعافيكم ويخليكم

استمتعت بالردود والله طلعتو تلعبون وماتعزموون ^^

بجد كانت ايام فله ووناسه


نايل وت ذمننق البيه ؟


+1


وش هاذي يااخوي ؟

مافهمتها


.....



خلوني اقوول لكم وش كنا نلعب بعد لعبه الغميضه

تعرفونها نربط اللفه او اي حاجه على عين شخص ويحاول يمسكنا واللي يمسكه يجي الدور عليه طبعاً اللي بيمسكنا مسكيين مره تجيه دقه على كتفه يعني اني يمينك وانا اصلا شماال او يكون المكاان هدووء لدرجه انو يشك في نااس حووله ويرفع الرباط عن عينه وتقووم الصيحه غشاااش غشاااش


...


بعد في العااب بس كل مره بقوول شئ ^^


واللي حضروو خلوني اشووفكم واشترف فيكم مره ثانيه


.....
خواطر انسآن
2013- 3- 8, 01:19 PM
الا ياليت الزمن يعود يوماً
كآنت برآئة اطفآال تجمعنآ بعيال الحآره ونلعب بالشآرع من اول مانرجع من المدرسه
كآانت شقآوة حلوة مع الالعآب الشعبيه
ذكريآات مع لعبة العنبر خصوصاً برمضآان
http://www.emaratalyoum.com/Articles/2008/11/PublishingImages/11_21_2008/ar22-211108-02_small.jpg

ولا انسى لعبة الطقية والجرس اتذكر اول مالعبتها كان ثاني يوم درآسي لي بالمدرسة كان الاستآذ جمعنآ كلنا بالساحة الخآرجية ولعبنا اياها :42:
http://www.alriyadh.com/2009/05/08/img/1241554142388232700.jpg

يعطيك الف عافيه ع الموضوع الجمييييل جداً :16:
F-fatimah
2013- 3- 8, 01:24 PM
الله يعافيك

اي والله شقااوه

لعبه العنبر كيف طريقتها يمكن اعرفها بالطريقه مااعرفها بالاسم ^^


طق ياجرس ياما تعبنا من لعبها ولسه نلعبها


......


لعبه علبه الالوان

اللي نقول فيها

طق طق

من في الباب

انا الذيب ...الخ

طبعاً قبلها نتفق على الوان كل واحد يختار لون واذا الذيب اختار لون موجود عندنا اللي اختار اللون يركض والذيب ورااه لو رجع البيت قبل مايمسكه نعيد من جديد على نفس الالوان طبعاً واذا مسكه يطلع الين نخلص <<<على اساس حنا كتاكيت او خرفان مادري مااذكر بالضبط لكن اذكر فيها ذيب ^^


.....