صدمه بكل صراحه آختبار قضايا الثقافيه المعاصره بيكون مقالي اإحنا

[شموخ المطيري]

إحنا مو حقل تجارب عند الجامعه
مع احترامي شديد لهم

اتصلت طالبه علي دكتور بدران الحسن أستاذ قضايا وبنفس الوقت نظريه المعرفه
وقال اىاختبار بيكون مقالي عشراسئله وتتوزع سبعين درجات عليهم
ماده هذه اصعب ماده شلون مقالي
لي ثلاث سنين موضوعي والان مقالي

عارضوا باطلبه بمحاضره مباسره الله بستر بعد يقول لنا نظريه مقالي

[شموخ المطيري]

الله الله بمحاصره مباشره احتجوا

اطمنئكم باقي مواد الحمد لله موصوعي

[M1H1]

الله يستر من قرارت الجامعة الارتجاليه هذي :22:
ياجماعة الخير لازم نعترض على هذي القرارت حنا مو طلاب انتظام
كل واحد فينا عنده اعماله واشغاله ومسؤليات غير الجامعة
حنا لجئنا للتعليم علشان نرفع من مستوانا التعليمي مو علشان يعقدونا من الدراسه ويطفشونا
كل واحد فينا اقل شئ خلص سنتين وثلاث سنوات وتعودنا على نظام الاسئلة والحين جاين يغيرون النظام
حبايبي لازم يشوفون لنا حل وإذا هم مالقو حل حنا راح الاقي الحل
بصراحه محنا فاضين كل يوم يغيرون طريقة
اسف على الاطاله بس والله غبنا :32:

[بوعبدالله منتسب]

والله مصيبة
نزلوا عدد الاسئلة الى 50
والحين اسئلة مقالية
وبكرة يقلون احضر للجامعة اختبار شفوي
وش الي ناويه الفريدان

[== الفيصل ==]

هلا شموخ ما عتقد مقالي يمكن قصدها الانتظام

وأجهزه التصحيح وين راح يودونها ؟؟

اعتقد المعلومه اللي وصلت لك غير صحيحه

والجامعه تعتمد على التصحيح الالي ويطول بعد ؟؟

كيف لو اعتمدو على التصحيح اليدوي ؟؟

راح يطولون اكثر واحتمال ماتظهر النتائج بعد:13:

دوووك:16:

[شباب الرياض]

هلا شموخ ما عتقد مقالي يمكن قصدها الانتظام


وأجهزه التصحيح وين راح يودونها ؟؟

اعتقد المعلومه اللي وصلت لك غير صحيحه

والجامعه تعتمد على التصحيح الالي ويطول بعد ؟؟

كيف لو اعتمدو على التصحيح اليدوي ؟؟

راح يطولون اكثر واحتمال ماتظهر النتائج بعد:13:


دوووك:16:



كلام من ذهب ويلموني في حبك:8:
الحين الجامعه ورطانه بالتصحيح الالي والمقالي يحتاج الى الف دكتور عشان تصحح الاوراق يدويا لعدد يتجاوز الاربعين الف

[رجوى*]

القضايا مادة مشتركه في جميع التخصصات

ونظام المقالي عند التاريخ والجغرافيا :23:
اكيد فهمتي غلط شموخ
يمكن يقصد عند هالتخصصات

[TheDream]

الله يعين يارب

بصراحة يبونه مقالي والا جريدي والا اللي يبونه ما عندنا مشكلة اهم شي يكونون واضحين بتصريحاتهم حتى ما تهلكنا الاشاعات :20:

شكرا شموخ على التنبية

[am3]

فعلا مثل ماقالت رجوى الماده مشتركه مع جميع التخصصات , يعني العدد كبير !
كيف بتكون مقالي !!

اعتقد بالمباشره تتضح الامور اكثر ..

[مُلهمــــة]

الله يعننــــــا.....

.............هذا المستوى بالنسبه لـي مختلف عن كل المستويات في كـل شي لذا رااااح اتقبل اي شي

المهم يصدر هذا الامـر من الجــامعه حتى النفوس تطمئن

[أم سمون]

الحمدالله امتحنت هالمادة :10:

الله يعينكم

أهم شي نظرية المعرفة وش صار عليه لانه نفس الدكتور:40:

[رنجه]

:9: قرار فاشل الحين محتاجين درجات ومعدلات عدله ويقولون مقالي
ليش مايرجع النجار احسن
خبصنا الفريدان بدون اي فايده
لا ومسوي حوافز للمتفوقين>>>>>> اللي يشوف قراراتهم مايشوف تفوق ابد:44:

[SaD HeArT]

يهب يا وجهه بدران إذا سوّاها و جاب أسئلة مقالية !!

صدقت وحدة من البنات لمّـا قالت : ( يا زين صابر عند بدران ) :25: ..!!



بــصراحه كلام الأخ == الفيصل ==مقنع ,

و لكن مع هذا نحتاج تأكيـد علشان نعرف وين حنـّا رايحين ..!!

هــ الجامعه في هـ الكورس قراراتها " لحسة مخ " ..

ما يمدينا " نتحلطم " من قرار " غثيث " , إلا جاينا اللي " أغثّ منـّه " !!













http://www.ckfu.org/vb/images/icons/ei28.gif

[سو**سو]

ياربي من وين تجيبون هالاخبار اللي تخرع :38:

[moly]

حسبي الله ونعم الوكيل حسبي الله ونعم الوكيل
فاضي الحين حنا ؟!!
مقالي وعشر اسئلة !!! يعني لو تغلط بسؤالين رحت ملح

[شموخ المطيري]

أنا معكم

صراحه الجامعه غامضه

انا اللى متأكده منه موادنا التخصص موضوعي

بس لاتنسون قضايا ماده مشتركه بين الاقسام
تكون مقاليه للثلاث أقسام
اتوقع الدراسات والجغرافيا والتاريخ

وأحنا قسمنا معهم ولا

لازم اكلم دكتور ونتأكد

ذاكروا يالاجتماعين

[شموخ المطيري]

ياربي من وين تجيبون هالاخبار اللي تخرع :38:


من أستاذ المقرر

[شموخ المطيري]

شدوا حليكم

اله يسهل أمورنا

[SaD HeArT]

مرحبــاا ..


موعد المحاضرة المباشرة بــ إذن الله يوم الأربعـاء (بعد بكره ) ,

الطلاب / من 6.30 م إلى 7.00 م ,

الطالبات / من 7.15 م إلى 7.45 م ,

يا ليت اللي يقدر يحضر من الإخوان أو الأخوات للمحاضره يتأكـّد من سالفة الأسئلة المقاليـة ..










http://www.ckfu.org/vb/images/icons/ei28.gif

[عيون حالمه]

كل يوم خبر يسد النفس بصراحه :23:..

شكلي بجيب العيد ب 9 المواد اللي أخذتهم هالسمستر ..:10:

[بدر 2011]

الله يكون بالعون للان المحاضرات المباشرة
مافتحت وغير مشاكل هالموقع وهم ماشاء الله عليهم
مايفكرون بمساعدة هالطلاب لا يبون يغثونهم بهالقرارات

[عايش الدور]

والله لكتب في سبق واشهر بهم ..


حنا ماحنا بفاضين ورانا بيت وعيال ودوام ماحنا متفرغين مثل الانتظام ..



الا اذا يبون يخلون مسمى شهادتنا انتظام مثل الجامعه الالكترونية اقولهم ضعو بعد 5 أساله



ولا يخلونها على ماكانت الواحد يالله يحك اذنه وكل يوم يجينا قرار جديد اما الشيء الي فيه صالح لنا



يتغاضون عنه أقرب مثال قسم تقنية معلومات والحوافز الي يمنون فيها تقول قدامهم وراعين لنا سنه وحنا



ننتظر وش هالكلام والاستخفاف والتعنت .. ياليت تركزون على كلامي لأننا اذا مرا علينا هالكلام بدون حسم



راح نشوف من الجامعه شيء مايرضينا وحنا نبي شهادتنا ونتوكل على الله والله لايجزا واحدن أيً كان ناوي



يضر أخيه سواها من دكاتره او طلاب

[فنوُ *]

هذا زي حفظ جزء عمّ عندي احساس انه يبي يخوفنا ونهتم اتخيل كل الأقسام هنا الي معه هالماده + الانتظام ويصحح لنا رحنا ورا الشمس وضاعت الأوراق وووو ان شاء الله انه يمزح الدكتور وحتى الأنتظام موادهم العامه موضوعيه مدري ماخشت مخي سالفة المقالي :064:

[ليـن]

معقوله ؟!!!!
مااعتقد هالكلام صحيح وين يمديهم يصححون ويدققون ع الاجابات والله يبيلهم ع كذا شهور عشان تطلع النتيجه
المشكله تاركينا هنا بمعمعه كل يوم نسمع بأشاعه ولافيه اي جهه رسميه تنفي او تثبت الكلام
اذا جاني ضغط اوسكر اشهدوا ان جامعتنا هي السبب:22:

[رجـــــــــاوي]

والله كثر الكلام وكثرت الاشاعات ودكتور فلان ودكتور فلان
ماعاد درينا حن يمين والا يسار
ترى هاي الاخبار والله تعبنا حتى لو ماهي بصدق
فتكفون اللي يسمع خبر من الدكتور نفسه يعلمنا علشان نفكر في حل اما نقل اخبار من طلاب مثلنا
لا لا لا لا لا

[رجـــــــــاوي]

ترى ماهو شك في الاخت شموخ لان اكيد هي سمعت الخبر زي ماسمعنا
وحبت تنبهنا فالمعذره ياشموخ :43:
بس نبي المصداقيه والتاكد من الخبر قبل النقل

[بخاطري شئ]

مع مقالي كل شئ يحلالي :mh001:
مع مقالي زاد واللة هبالي :5aga:
مع مقالي يافرحة كل عذالي :agolakser:
مع مقالي زاد والله وجع راسي:icon120:

[رجوى*]

الموضوع مغلق لحين نزول القرار
اعتذر من صاحبة الموضوع
:16: