من وكيلة العميدة: بخصوص إزالة الطاولات والكراسي

[Gladiolus]

السلام عليكم ورحمة الله وبركاته

عزيزاتي المعترضات ع إزالة الطاولات والكراسي إلي بالصاله

الحال صعب وحوسه ومافي مكان مرتب نجلس عليه و الأرضيه بارده وغيره

فاليوم كلمت وكيلة العميده وقالت أكتبي خطاب شكوى وجمعي لي أسماء الطالبات وجيبيهم أعطيها إياه وسالتها في أمل ولا بس كذا قالت أنشوف إن شاء الله

فاللي حابه تضيف اسمها عشان نجمع أكبر عدد ممكن من الطالبات المعترضات ترسلي لي اسمها ورقمها الأكاديمي أو بس ترسل رقمها الأكاديمي

وبليز من غير تحطيم إحنا بنسوي إلي علينا والباقي ع الله وان مانفع عالأقل حاولنا ما سكتنا

والموضوع غير مطروح للنقاش فالمعذرة أي نقاش يطلب من المشرفه حذفه

[Black Widow]

:21::42:

[ĤЧoη=3]

،

بالتوفييق يارب

:21:

[شيخة البنات*]

قولي لها الكل معترض تسكتنا بهالكلام جمعي أسماء وجمعي ترى بطلوها:20::13:

[Maybe Not]

حتى هم ماعندهم نقاش بهالموضوع لانهم شالوهم لغرض ..
محد يسمع ..
وسعاد الشايقي ماتعرف غير التصرييف ..
موقصدي احطم ولا شي ..
موفقات

[صدى الكتمان]

حتى هم ماعندهم نقاش بهالموضوع لانهم شالوهم لغرض ..
محد يسمع ..
وسعاد الشايقي ماتعرف غير التصرييف ..
موقصدي احطم ولا شي ..
موفقات


صح كلامك :21:

[وينك ياغلاي]

انا اليوم سجلت اسمي مع وحده كانت تدور
ويارب يرجعون الدائره الزرقاء حقتنا :44: :18:

خلونا متفائلات :19:

[صوت الضمير]

هي آللي قالوا بيخلونها مكتبة ؟ كأني سمعت بكذا ؟

عمومًا حبيبة قلبي و أخيتي الغالية صاحبة الموضوع ,, بخصوص هالعبارة :

وبليز من غير تحطيم إحنا بنسوي إلي علينا والباقي ع الله وان مانفع عالأقل حاولنا ما سكتنا


السؤال
ما حكم قول: (سويت اللي علي والباقي على الله؟).




الجواب
الحمد لله، رب العالمين والصلاة السلام على رسول الله، وبعد:
فمن يقول هذا العبارة مراده أني فعلت السبب الذي أقدر عليه في الأمر الذي أريد تحقيقه، وأما حصول المقصود، وتحقيق النتائج فذلك إلى الله، وهذا المعنى حق، فإن العبد لا يملك تحقيق مقاصده، وبلوغ آماله إلا بتوفيق الله وتيسيره، فمعنى هذه العبارة يرجع إلى ما جاء في الحديث "اعقلها وتوكل". أخرجه الترمذي (2517)، وابن حبان (731). وهذا هو الذي يليق بالمسلم أن يفعل السبب المشروع ويعتمد في حصول المطلوب على ربه، فيجتهد في فعل الأسباب المشروعة، ويستعين بربه في حصول مطلوبه كما قال صلى الله عليه وسلم "احرص على ما ينفعك، واستعن بالله ولا تعجِز". صحيح مسلم (2664).
ولكن ينبغي أن يقول المتكلم بهذه العبارة (والباقي إلى الله)، بدل (على الله)، والله أعلم.

[MEESH وبس]

:10:


من جد حالتنا مأساوية حتى الكراسي الفضية قلصوا عددها
ماعادها موجودة مثل اول !
وين نقعد يعني هفف انا معاك ان شاء الله يتحركون ،
موفقة :21::1:

[Gladiolus]

ششكر خأإاص للي وقفوا معي ? ?

بالنسبه لاختي ميبي نوت
عفوا أنا مارحت لأستاذة سعاد الشايقي ?

أختي صوت الضمير جزاك الله خير بموازين حسناتك ياارب وان شاء الله سيتم التعديل

بالنسبه لوش الغرض إلي بيسوونه بذاك المكان العميده تقول هو شيء راح تستأنسون فيه وتحبونه بس ؤش هو ؟ للحين محد قال منهم

وألاستاذه العزيزه إلي قالت أجمعي ماقالت أكيد بس قالت بنشوف يعني نحاول مؤ خسرانين شيء إن صار زين وان ماصار الشكوى لله ؤش نسوي بعد

[Shasha]

ليييييه يعني هالزحمه و تجميع أسماء الطالبات و خطابات ووو ...
شي معروف إن العالم محتاجة كراسي تقعد عليها ,,
عالأقل يوم هم شالوها حطوا إعلان للسبب بما إنه شي من حقنا نعرفه

على إني ما أقعد بالصاله و لا بستفيد شي من هالخطاب , بس علموني وين مكان البنت أروح أكتب اسمي أنا و صديقاتي ,,

و ياليت تكتبون خطاب حق مكتبة التصوير , ويييييين قاعدين أروح العلوم و إلا فجر كل مابغيت شي
و بعدين موظفات تصوير العلوم ذلوووونا و الله , شغلهم مره مو شي و فيهم برووووود و يسفهون البنات
ودايم الملازم مو موجوده :32:

بنات ترى ميزانية الكلية شششششي ماتتصورونه , لاااا تسكتوووون على حقكم
أنا إن شاء الله خريجه هالترم بس نصيحه لكم لأنهم بيتمادون لو سكتوا

لما يصير لقاء مع العميده طالبوا بمكتبة تصوير بكراسي مريحه بزراعة برى بدل التربة و الغبره ,
طالبوا بسيارة للبنات , مو بس للموظفات ,
طاااااالبوا بتصليح المصاعد , سسسسلامات مبنى جديد مافيه مصاعد
طالبوا ب أجهزة عرض داخل القاعات , مايحتاج تجيبون لابتوباتكم على كل عرض
وووووو غيرها من الأشياء اللي تساعد عالتعليم و تريح الطالبه داخل الجامعه


لا تضيعون اللقاء على طلبات سطحيه مثل التنانير الرماديه و غيرها , هذه خلوها بعدين لما يتعدل المبنى


لكم حق تتدلعون دام الفلوس موجودة , بدل لا تروح على خرابيط :24: