ممكن مساعدة

[منصورة]

السلام عليكم
اخواني اللي انقبل في الجامعة قبول نهائي بعدها ايش يسوي لاانة سمعت عن نظام البانر بس مدري هل الحين نسوية؟

[أخت القمـر]

عليكم السلام..
طيب انتي وين انقبلتي بالضبط؟؟

نظام البنر راح تحتاجيه بشوال
عشان تسجلي موادك اللي راح تدرسيها

بدون تسجيل المواد ماراح تقدري تدرسي اي ماده
وراح يبتدي تقريبا 6 او 7شوال اذا مو غلطانه
وكل يوم دفعه محدده
طبعا يبتدون من الأقدم
يعني المستجدات اخر يوم
والتسجيل زحمه يعني على الأسرع من سبق لبق

[forward]

طيب كليه علوم الحاسب وش نظامها بالتسجيل ؟؟؟؟؟؟؟

[quiet girl]

اي والله انا بعد مستجدة في كلية الحاسب و تقنية المعلومات ومو عارفة طريقة التسجيل و على اي اساس احدد المواد :000:

ياليت احد يفيدنا جزاكم الله خير

[عين امي]

وش معجلكم الايااام جاايه ورااح تعرفوون كل شي


كل شي بووقته حلوووو

[كوسا زرقا]

خواتي اللي انقبلوا
انتم قدمتم اوراقكم وتسجلت اساميكم بالكليه "هذا المهم"
والباقي لما تبتدي الدراسه يعطونكم ورقه ومكتوب فيها المواد اللي بتدرسونها وبها الوقت يجي دور نظام البنر

تدخلون عليه وتسجلون موادكم وهومره سهل لايخوفكم اسمه انا لي خبره :g8:


حلو بنات وايشي واشي انا حاضره

[quiet girl]

يسلمو اختي

الله يعطيك الف عافية
:cheese:

[مليكة]

بناااات انا انقبلت فى كلية العلوم بالدمام


طيب كيف أسجل المواد وأنا مب عارفة شنو راح أدرس فى السنة التحضيرية


فهمونى وعلمونى تكفووون طلبتكم

[منصورة]

انا مقبولة كلية علوم كيف اسجل مشكورين على الردود

[ابتسامتك تكفيني]

مرحبا جميعــــاً

^يختلف تسجيل المواد للمستجدات من كلية إلى كلية ثانية، مثلا الكليات الصحية
ينزل لهم جدول مرتب من الكلية نفسها، اما العلوم والتربية مثلا فالطالبات نفسهم يعملون جداولهم.

^التسجيل يختلف بين طالبات الجامعة وطالبات كليات التربية سواء العلمية او الادبيه،
على سبيل المثال لاحد الفروق، طالبات الجامعة يعملون جداولهم قبل الدراسة بإسبوع
بينما طالبات الكلية لا لما يروحون للكلية يعطونهم اوراق بأرقام المقررات وبعدها يسجلون موادهم.

^بالنسبه لك يا منصورة :) ، حالياً بما ان تم ضم كلية العلوم اللي بالجامعة مع كلية العلوم اللي بالكلية
فانا مو عارفه هل بيمشي عليكم نظام الجامعه او نظام الكلية في تسجيل المقررات ! << بالاحساء


نصيحتي لكم >>> تابعو موقع الجامعة الرسمي أول بأول لأن اي خبر جديد بتسجيل المواد وكيف ومتى، بينزل فيه بإذن الله

..

بالتوفيق لكم واي خدمة انتم تامرون ;)