عاجل مساعدة من لديه الخبره

[لــ ع ـيونك]

السلام عليكم ورحمة الله وبركاته

من امس اذا دخلت على كل النظامين يطلع لي

النظام مغلق لأنك لم تسلم شهاداتك الاصلية
وحاطين رقم جوال للاستفسار ولا احد يرد عليه

الشهاده مسلمها للبريد الممتاز ايام القبول بالمستوى الاول

ياليت من عنده خلفيه او واجه مشكله مثل هذي يفيدنا

ونبي ارقام الجامعه نستفسر حاطين رقم لي ولااحد يرد عليه

[شموع العسيري]

هلا أخوي
وعليكم السلام ورحمة الله وبركاته
أكيد لخبطه من عندهم
أرسلهم على الايميل أو التويتر
كل شي موجود هنا
http://www.ckfu.org/vb/t431491.html

[لــ ع ـيونك]

مشكوره شموع وان شاءالله مايتأخر ردهم

[شموع العسيري]

العفوووو
مااسوويت شي
وإذا على المحاضرات شوفها من اليوتيوب
عشاان لاتتأخر
وإذا أشتغل حمل المحااضرات وحل المناقشات والواجبات
باااااااالتوووووفيق:2:

[رنوشيه]

نفس المشكله ولا احد يرد على مرره ارتفع ضغطي انا مسلمه شهادتي وعديت المستوى الاول ولله الحمد بس كيف اتاكد انهم مخربطين اصلا كيف اتطمن مافي احد يرد على رقم الجوال اللي حاطين :32::32::32::32::32::32::32::32::32::32:

[همسه ذوق]

بالنسبه للرد والله انهم مايردون على المكالمات اما مشغول او مايردون من الضغط عليها والاسئله المتكرره

حتى انا رسومي كانت نفس المبلغ لاني كنت مسويه اعتذار الفصل الاول وحسبولي الرسوم حقته الله يسامحهم المهم انني حذفت مواد المستوى الثالث واخذت ماده العقيده كان فيه تعارض بالوقت لي المستوى الثاني العام الماضي

سمعت انهم يحسبون الرسوم للسنه اللي بعدها اذا كان الاعتذار بالوقت المسموح فيه باسترداد الرسوم

الله كريم :29:

[رنوشيه]

السلام عليكم ورحمة الله وبركاته

من امس اذا دخلت على كل النظامين يطلع لي

النظام مغلق لأنك لم تسلم شهاداتك الاصلية
وحاطين رقم جوال للاستفسار ولا احد يرد عليه

الشهاده مسلمها للبريد الممتاز ايام القبول بالمستوى الاول

ياليت من عنده خلفيه او واجه مشكله مثل هذي يفيدنا

ونبي ارقام الجامعه نستفسر حاطين رقم لي ولااحد يرد عليه





وش صار معك ان شاء الله انحلت مشكلتك بالنسبه لي ما انحلت للان وللاسف مايردون :22::22::22::22:

[لــ ع ـيونك]

رنوشيه
ابشرك انحلت المشكله
ازعجتهم ازعاج بالاتصالات الين ردو وقال الي رد ان شهادتي ماوصلت واخذ بياناتي كلها
واليوم الثاني اشغلتهم بالاتصالات وقالو بنشوف ملف وقلت لهم اذا الشهاده ماوصلت لكم وانا مسلمها رسمي للبريد السعودي الي يتحمل مسئوليه ضياعها الجامعه وعطيتهم شوي

وكلمتهم الثلاثاء وقالي الاربعاء يشتغل النظام معاك قال كل اوراقك سليمه وفعلا اليوم الاربعاء فتح النظام معي