بعض من غرائبي

[بن نابت]

السلام عليكم


أنا مقل ّ في المشاركات سامحوني ..

جاء ببالي بعض غرائبي و حبيت أشارككم فيها على السريع و إن شاء الله كل ما تذكرت بعضها أرجع أشارككم بها هنا :) .. من باب تسلية و لي هدف متأكد أني بأطلع بفائدة من وراء تداولي معكم بعض الأفكار من خلال التسلية و تغيير الجو

هذا الترم نزلت مادة حاضر العالم الإسلامي ., تصدقون عاد أني منزل ملف المادة من أول ترم وحاطه بمجلد على جنب ههههههههه مدري ليش هذي المادة بالذات , أتوقع أسم المادة يثير الإهتمام



الترم هذا أنا منزل 9 مواد و الحمدلله وضعت جدول مذاكرة من ثالث أسبوع _بحكم تأخر الجامعة_

برنامجي في المذاكرة كل أسبوع مادة أقرأهـا من أولها للآخر و أحل أسئلة الاختبارات السابقة و أقفل المادة و أنتقل للي بعدها الأسبوع من الاثنين للاثنين ., حسبت المدة بأخلص ان شاء الله التسع مواد و يبقى معي أسبوعين مذاكرة إن شاء الله :35: الآن في دراسة مادة علوم الحديث2 و الله يعين ..

الآن بالمستوى الخامس و مادة الاحصاء إلى الآن ما نزلتها , كل ترم أخرها للي بعدهـ و أقول خل تنقلع لبعدين , عارفين ليش ؟ لأني درستها من قبل في الكلية أيام دراسة الهندسة , درستها بالانجليزي و اللي درسني هندي يقطر راسه زيت كنت أغيب عنها من كرهي لها وله :26: و كانت مملة عاد ربك فرجها و فكني منها نجحت بالـ D+ أبي الفكه بس ., متى أنزلها الله أعلم :38:


في الترم الأول , قرأت مادة علوم الإدارة و تحمست لأساليب الإدارة الحديثة و طريقة المرآة mirror hypothesis . وحماااااس قلت هذي لو يطبقونها عندنا بالعمل عندنا بالشركة يا سلاااام يتغير شي كثير و نرتاح من الاستبداد اللي بأنظمة شركتنا و الديكتاتورية ., المهم رحت لرئيسي في القسم وهو دارس بكالوريوس إدارة و تفلسفت عليه شوي خخخخخخخ طلع ناسي أكثر علوم الإدارة اللي دارسها قلت فرصة أحشرهـ و كذا .., و قلت ليش ماتغيرون الانظمة الفرعونية هذي و نقااااش في الاخير كتب فيني و كانو بيعاقبوني ههههههههههههههههههه:13:


تحياتي لكم .. إن شاء الله أرجع لكم بباقة أخرى من المواقف

و الله النية تغيير الروتين و فرفشة


الله يسعد أيامكم

[عشق القصيد]

وعليكم السلام والرحمه
حياكك اخوي
منورنا , عادي كلن وظروفه
حلو جدولك بصصراحه :21:
اما مديركك
قلت فرصة أحشرهـ و كذا > ههههههههه طالع من قلبك
الله يسعدكك اخوي . :29:

[راجية الجنة]

:5:

مادة الاحصاء ممتع بس يبيله تركيز شوي

مادة الاداره غثيثه:9:

انامااجله الانجليزي قراءه مدري الى متى :39:

الله يستر

[المعالي غالية]

دورو لهم حجز وخذوهم الحمدلله نجحت فيهم وانا مو دافوره :5: وبتنجحون بأذن الله

[بن نابت]

عشق القصيد , راجية الجنة , المعالي غالية

أشكركم على التعليق و تحفيزي الله يعطيكم العافية , و تحميسكم لي على مادة الاحصاء أعتقد بيجيب نتيجة وأنزلها الترم الجاي و نفتكـ :34:

أختي راجية الجنة توكلي على الله و خذي الانجليزي قراءة تري مررررره مرررره سهلة , وللمعلومية _ولاتنضلوني مدري تعينوني_ كل مواد الانجليزي الثلاث أخذت فيها a+ الحمدلله , وأذكروا الله لأني بقلكم اني مافتحتهم طول الترم :38: << خااايف

امممممم و الله هالترم طلعت فيه مادتين دسمتين عسى الله ييسرها يارب , مادة تخريج الأحاديث مو مره صعبة لكن أتوقع لو تمكنت منها راح أستفيد كثيررر , ومادة علوم الحديث 2 فيها تشابه كثير لكن إن شاء الله أتغلب على صعوباتها ... , ودعواتكم تكفووووووون , وربي من قلبي أدعي لكم كلكم _وفيه أسماء أخصها بالدعااء _ أسأل الله لكم جميعا التوفيق و النجاح و فرحة التخرج بأجمل مماتتمنون من نتائج