طريقتي في المذاكرة ، للفائدة

[Doremi]

https://lh5.googleusercontent.com/-N5J4E9yyipQ/UUW8WcDGeVI/AAAAAAAAErc/Mb1Wsyg9CDs/s419/k.gif








السلام عليكم و رحمة الله



مرحبا جميعا ً ، كيف الحال؟




ألاحظ البعض في المنتدى لسى ما حددوا طريقة معينة للمذاكرة


وفيه ناس يقولون أنهم لسى ما خلصوا المذاكرة و فيه ناس محتاسين ما بدأوا
وناس ما اشتروا الملازم .. << ترى مفروض اشتريتوها/طبعتوها من الأسبوع الأول..




حبيت أعرض طريقتي الي ناسبتي و أتمنى تفيد أحد منكم و بيبقى لكم أوقات فراغ كبيرة مثلي إن شاء الله ..

بس ما أعتقد راح يمديكم هالمرة لأن الترم انتصف :8: ، لكن للأترام الجايه
أو الي حابه تضغط على نفسها أسبوعين ورا بعض و تلحق معي :17: نصير صديقات :5:






عندي كم نصيحه ممكن تعدّوها و تنزلون للطريقة على طول لو مو حابين تقرأوها




أولا ً


اختاروا مكان تجلسون فيه باستمرار يكون مكان الدراسه ..
مثلا ً أنا اخترت غرفة الأكل علشان الطاولة كبيرة ومريحه ، أحط عليها اللاب توب
و أشغل المحاضرات و أتبع مع الملزمة .. و نادر يجي أحد من العائلة يزعج ..



ثانيا ً

وقت الدراسة خلي معك مشروبات ، شاي كوفي قهوة ، أي شيء
بس ما يكون مشروبات ضاره لأن الغرض منها تساعدك على التركيز
فما أظن البيبسي و العصيرات تعينكم على شيء غير النوم و الكسل ..

والمكوّن المهم هو المكسرات ، المكسرات تساعد على تقوية الذاكرة
مثل عين الجمل و جوز البقان .. بس صحيا ً مالي دخل لأن فيها دهون يعني لا تكثرون ..



ثالثا ً

ركزوا و صفوا مخكم قبل ما تبدأون ..
الي متزوجات و عندهم عيال صغار أنا ما أدري لو هالشيء ينفع ولا لا
لكن اشتروا لهم مليون خربوطه و حلويات من السوبر ماركت انثروها على الأرض عند التلفزيون
و ارفعوا لهم الصوت وخلوهم يعثون في الأرض فسادا ً براحتهم ..
ما أعرف أتعامل مع الأطفال إلا كذا فما أقدر أفيدكم :22:





المذاكرة




نجي لطريقة المذاكرة .. الي أذكره و أعرفه مضبوط..
أننا درسنا الثانوي و المتوسط - والبعض درسوا جامعة من قبل -كنا ناخذ كل محاضرة أو درس
في يومها..
بعضكم كان يذاكر كل درس في يومه ، و بعضكم يكتفي بفهم الدرس وقته .. متى كنا نذاكر؟
أيام الاختبارات أو قبلها بأسبوع بالكثير !!




الموضوع ما يختلف هنا أبدا ً ..




أول أسبوع نزلوا علينا محاضرات دفعة وحدة في كل مادة ..
وقتها أنا كنت طبعت الملازم كلها من موضوع هتان جزاه الله خير..
ضغطت على نفسي و جلست أسبوعين ورا بعض ، كل يوم أفتح محاضرة مسجلة
أشاهدها بتركيز و أخطط في الملزمة و أكتب الي عندي
ملزمة هتان كامله لكن لكل انسان طريقته في الفهم فلازم تكتبون ملاحظاتكم الخاصة..

محاضرة وراء محاضرة لحد ما خلصت كل المحاضرات في الأسبوع الثاني أو الثالث أعتقد
<< أحيانا ً أصير زول مالي خلق أكمل لأن فعلا ً ضغط =(


ملاحظة : ضروري تحمل المحاضرات و تشاهدها وأنت تتبع مع الشرح في الملزمة كأنك في قاعة الدرس
علشان ترسخ المعلومة.. ما ينفع تحملونها و تخلونها في الجهاز منظر




لما تنتهون من تعويض الي فاتكم انتم وصلتم لمرحلة تختارون فيها طريقة سهله و حلوة
عندكم طريقتين أقترحها بعد ما تمشون في الجدول تمام ..






- الطريقة الأولى -

يوم السبت والأحد (أو أي يومين 2 ) أمسك المحاضرات النازله لهالأسبوع ..
السبت : 4 محاضرات تشاهدها و تفهمها و تخططها .. يعني 4 مواد..
الأحد : نفس الشيء تسويه للمواد الـ4 الباقية ..
الاثنين : فـــــــراغ
الثلاثاء : فـــــــراغ
الأربعاء : فـــــــراغ
الخميس : فـــــــراغ
الجمعة : فـــــــراغ



طبعا ً كل مادة تحضر محاضرتها و تنتهي تروح تحل مناقشتها من وقتها
و حط علامة صح في جدول المتابعة :35:



باقي الأسبوع خليه للمشاغل الثانية ، ارتباطات طلعات نزلات أو نوم الي تحبون :17:






- الطريقة الثانية -

السبت : النحو التطبيقي مثلا ً و مادة أخرى ( مشاهدة المحاضرات - تخطيط و فهم ) + حل مناقشاتها
الأحد :انجليزي مثلا ً - ومادة أخرى ( مشاهدة المحاضرات - تخطيط و فهم ) + حل مناقشاتها
الاثنين : مادتين من اختيارك أيضا ً ( مشاهدة المحاضرات - تخطيط و فهم ) + حل مناقشاتها
الثلاثاء :مادتين من اختيارك أيضا ً ( مشاهدة المحاضرات - تخطيط و فهم ) + حل مناقشاتها
الأربعاء : فـــــــراغ
الخميس : فـــــــراغ

الجمعة : فـــــــراغ
:21: حلوه بس أنا أحب الأولى أكثر




الفرق بين الطريقتين :

الأولى تضغط نفسك السبت و الأحد أو أي يومين من اختيارك
لكن تنضبط فيها علشان تفضى طول الأسبوع ..

الثانية ، كل يوم محاضرتين بس ، و تاخذ منك 4 أيام ..
و هي حلوه للي موظفين أو عندهم ارتباطات فما يمديهم إلا محاضرتين في اليوم ..





قبل الاختبارات طبيعي جدا ً أن الواحد يتعب و يحتاج وقت أكثر للمذاكرة ..
نبدأ في الأسبوعين الأخيرة قبل الاختبار نعبي الأيام الي كانت ( فراغ )
و نحط فيها مادة من المواد نذاكرها من أول لآخر شيء وصلنا له..

و تعتبر مذاكرة مراجعة للأختبار يعني مو مذاكرة نهائية ..

و بكذا لو مادة دسمه ممكن تاخذون فيها يومين بالراحة على اعتبار أننا فهمنا المحاضرات من وقتها
و كتبنا ملاحظات و تبسيط في كل محاضرة ..



يجي قبل الاختبار احنا ذاكرنا من قبل و ما بقي إلا نذاكر المذاكرة الأخيره
و هي بتكون قبل اختبار المادة نفسها..
و ممكن يكون بقي عليكم محاضرة أو 2 في بعض المواد لأننا راجعناها في الاسبوعين الأخيرة
واحنا لسى ما خلصنا المنهج ، مو مشكله لأننا نكون فهمنا من وقتها
و دوبنا أخذناها قريب ما أمدانا ننسى



هذا كل ما عندي ، لاحظت البعض مو متحمسين للدراسه علشان كذا يستمرون في
اختلاق أعذار و أنهم مشغولين و ماعرف إيش ..
كونوا واقعيين ، لو جاتكم وظيفه ماراح تتعذرون بالأطفال أو الارتباطات ، والدراسه أسهل بكثير
من الدوام ..

خذوا الأمر بجدية ، واحتسبوا الأجر لأن العلم فيه أجر إذا احتسبنا ..


سامحوني على التقصير
اليوم الأحد و لسى ما درست أمس شيء لأن المحاضرات ما كانت تشتغل :32:
تعرفون لما الواحد ينظم وقته و يتحمس بس الجامعه نفسها تتبهلل و تخذلك :23::44:

بالتوفيق للجميع :16:


https://lh5.googleusercontent.com/-N5J4E9yyipQ/UUW8WcDGeVI/AAAAAAAAErc/Mb1Wsyg9CDs/s419/k.gif

[N'DOW]

الله يعطيتس الف عافيه ي ليتس حطيتي هالموضوع في بداية الدراسه كان مشيت عليها .:24: :24:
الحين مايمدي امشي ع هالطريقه كلششش :24::24:
بس ان شاءلله الترم الجاي بمشي عليها ..:19: :19:

[سعد العامري]

انتي طريقتك مذاكره واكل سمنه هههههههههههههههه :14:
اعجبتني الطريقه الثانيه لني نظامي مهب محاضره اخلص الماده
على طول مرتن وحده لني مرتبط ككثير الله يعين :7:

.. الله يعطيك العافيه وجزاك الله خير
وجعلها الله في موازين حسناتك :16:

[Doremi]

الله يعطيتس الف عافيه ي ليتس حطيتي هالموضوع في بداية الدراسه كان مشيت عليها .:24: :24:
الحين مايمدي امشي ع هالطريقه كلششش :24::24:
بس ان شاءلله الترم الجاي بمشي عليها ..:19: :19:



والله اني نادمة علشان ما نزلتها من أول :22: ما كنت متأكده أني بمشي عليها و تناسبني ..
الله يقويك و يسهل عليك الترم الجاي :16:
الله يعافيك :29:


انتي طريقتك مذاكره واكل سمنه هههههههههههههههه :14:
اعجبتني الطريقه الثانيه لني نظامي مهب محاضره اخلص الماده
على طول مرتن وحده لني مرتبط ككثير الله يعين :7:

.. الله يعطيك العافيه وجزاك الله خير
وجعلها الله في موازين حسناتك :16:


هههههههههههههههههه من جد أحس البنات بيصفقوني على هذا الجدول
الي يتنفخون بالمكسرات يبدلونها بشيء ثاني طيب :7: <<< خافت


شكرا ً على ردودكم :29:

[سعد العامري]

الله لا يهينك :16:

[سبحانك يارب]

يالله ياعسل طلعنا انا وانتي صديقات نفس نظامي ياعسل وبشرك متزوجه بس يومين مااعترف في زوجي ولدي وبنتي وباقي الاسبوع فله اعوضهم عن اليومين دبل:39::5::2::2::2::2::2:

[Doremi]

يالله ياعسل طلعنا انا وانتي صديقات نفس نظامي ياعسل وبشرك متزوجه بس يومين مااعترف في زوجي ولدي وبنتي وباقي الاسبوع فله اعوضهم عن اليومين دبل:39::5::2::2::2::2::2:

هههههههههههههههههههههه حلوه ما تعترفين فيهم :5: بس ماشاء الله عليك
والله صدق ماراح يصير إلا الخير لو جلسوا يومين ينتبهون لأنفسهم :5:
الله يوفقك إن شاء الله :43:

[خوخا]

الله يعطيك العافيه
طريقتك حلوه
بس الحين مايمدينا الجامعه ضغطتنا بالمحاظرات :40:

[تاج راسي امي]

لله يعطيك الف عافيه على الطرح

[شباصه ماركه]

انا ذاكرت من البدايه بس المحاضرات ماسمعتها حملتها بالاب توب وحذفتها لانها علقت لاب توب وذاكرت بس من ملخصات هتان ولاسمعت ولامحاضره

[Remeya]

سويت لي جدول كل يوم مادة معينة معدا يوم الأربعاء مادتين
احيانا إلتزم بالجدول وأحيانا لا ...: (

[وصـــال]

الله يعطيكي الف عافيه عن جد طريقه حلووه للمذاكره بس للاسف مايمدي اطبقها راحت علينا ان شاء الله الترم الجاي والله يوفق الجميع ويوفقك يارب:2:

[Remeya]

ليش ما يمدي ترى باقي 7 محاضرات لكل مادة سوو طريقة الاولى في اليومين الأولى ذاكروا 8 المواد
تلحقون على كم محاضرة ومناقشة افضل من لاشيء
وكله يساعد وقت المذاكرة :16:

[سبحانك يارب]

هههههههههههههههههههههه حلوه ما تعترفين فيهم :5: بس ماشاء الله عليك
والله صدق ماراح يصير إلا الخير لو جلسوا يومين ينتبهون لأنفسهم :5:
الله يوفقك إن شاء الله :43:

لا عاد من جد مو مره :4: مستلزمات ضروريه لابد منها :35:مو لدرجة خيالك :8::5::5:يعني اكون الكرسون تبع المطاعم خذا هات مافي خرجات مافي جلسات مافي وناسه مافي حكي سكون هدوء يعني كذا تقريبا:26::5::5::5::5::5:ويوفقك ياعسل:2::2::2::2::2::2:

[ام علوش]

جزاك الله خير طرقك جدا حلوة وانا ناسبتني الثانية
وان شاء الله صقيقات :34::2:<<< عاجبتني الكلمة

طبعا انا بديت قبل فترة كنت اجمع المحاضرات واستمع لها مرة وحدة لمادة وحدة مثل التحرير العربي
ذاكرت 5 محاضرات في يوم واحد وعجبتني لحد ماوصلت لاخر محاضرة في اكثر المواد وببدأ بعد الاجازة هذي
مذاكرة لان في مناسبات عندي وضيوف ببيتي وصعب اذاكر شي

الي متزوجات و عندهم عيال صغار أنا ما أدري لو هالشيء ينفع ولا لا
لكن اشتروا لهم مليون خربوطه و حلويات من السوبر ماركت انثروها على الأرض عند التلفزيون
و ارفعوا لهم الصوت وخلوهم يعثون في الأرض فسادا ً براحتهم ..


جبتي العيد هنا ههههههههههههههههه :hahahahahah::hahahahahah::hahahahahah::hahahahaha h:

[Doremi]

الله يعطيكم العافية على الردود جميعا ً ..
و أعتذر لأن الوقت متأخر لكن الأترام الجايه إن شاء الله كلنا نشد الهمه


و عن نفسي أشوف أنه يمدي الحين بس للي عندهم همه و ناوين يضغطون على أنفسهم شوي


جزاك الله خير طرقك جدا حلوة وانا ناسبتني الثانية
وان شاء الله صقيقات :34::2:<<< عاجبتني الكلمة

طبعا انا بديت قبل فترة كنت اجمع المحاضرات واستمع لها مرة وحدة لمادة وحدة مثل التحرير العربي
ذاكرت 5 محاضرات في يوم واحد وعجبتني لحد ماوصلت لاخر محاضرة في اكثر المواد وببدأ بعد الاجازة هذي
مذاكرة لان في مناسبات عندي وضيوف ببيتي وصعب اذاكر شي



هلا ام علوش :16: (صقيقات) << بروح أضيفك لقائمة الصداقة :41:
الله يوفقك ، ايه يمدي بعد الاجازه مثل ما قلتي
أنا كمان راح أسافر في الاجازه و مارح يكون فيه نت فممكن يخرب الجدول حبتين


جبتي العيد هنا ههههههههههههههههه :hahahahahah::hahahahahah::hahahahahah::hahahahaha h:
هههههههههههههههههههههههههههههههههههههه بس نفعتني مع بنات أخوالي و ماسمعت لهم حس..



الله يوفقكم و يسهل عليكم جميعا ً :16:

[رهام الغلا]

رااائعه جدا وان شاءالله هالاسبوع راح اضغط على نفسي وامشي مع جدولك الاول
حق اليومين
لاني كنت امشي مثلك وصلت بتخطيطي من ملزمة هتان والمشاهده للمحاظرة 4
يعني هالاسبوع ان شاءالله احاول اخلص الثلاث الباقي بس النت مدري وش جاه
الله يوفقك ان شاءالله

[عبدالله*]

مافيه طريقه اسهل من هذي ؟؟

اممممم وين القى الملخصات ناس قالوا لي رح لمكتبة تميم فيها كل الملخصات لكل المواد

ولا تشوف المحاضرات ولاشي:28:

طريقتكك جدا حلوه بس المشكله انا عندي دوام شفتات ونومي ملخبط ومافيه وقت :24:

الف شكر ع مجهودكك :16:

[Doremi]

رااائعه جدا وان شاءالله هالاسبوع راح اضغط على نفسي وامشي مع جدولك الاول
حق اليومين
لاني كنت امشي مثلك وصلت بتخطيطي من ملزمة هتان والمشاهده للمحاظرة 4
يعني هالاسبوع ان شاءالله احاول اخلص الثلاث الباقي بس النت مدري وش جاه
الله يوفقك ان شاءالله

أهلين رهام ، كويس يعني مو متأخره كثير ماشاء الله 3 محاضرات مب مره كثير ..
يلا شدي الهمة إن شاء الله يسهل عليك و تخلصينها بسهوله و سرعه ..
أما عن النت :39: هو ما يستخف إلا إذا صرتي تبغينه ضروري ، الله يعينك


مشكوره على ردك :29:

مافيه طريقه اسهل من هذي ؟؟

اممممم وين القى الملخصات ناس قالوا لي رح لمكتبة تميم فيها كل الملخصات لكل المواد

ولا تشوف المحاضرات ولاشي:28:

طريقتكك جدا حلوه بس المشكله انا عندي دوام شفتات ونومي ملخبط ومافيه وقت :24:

الف شكر ع مجهودكك :16:


الله يعينك :/ إذا دوام شفتات فما أظن يمديك على الطريقتين


فيه طريقه جات ببالي بس ما أدري تناسبك أو لا
لكن مافيها أيام فراغ للأسف ..




عدد موادنا 8 مواد لهالترم ..
كل يوم من أيام الأسبوع امسك لك مادة وحده بس ، سواء تحضرها مع المحاضرة أو بس في الملزمة..
ماعدا العقيدة الاسلامية أنا أشوف أنها ما تحتاج دراسه للمحاضرات ، صح كلها حفظ بس لو قبل الاختبارات بأسبوع مسكتها و أخذتها جزئيات ممكن يمشي الوضع معك ..


لو تركت مادة العقيدة الاسلاميه على جنب راح يبقى لك 7 مواد ، كل يوم في الأسبوع مادة ..
( ممكن تترك مادة ثانيه بدل العقيدة لو عندك مادة تشوف أنك ضامنها بإذن الله)


أو كل يوم مادة ماعدا يوم من أيام الأسبوع الي يكون عندك وقت إضافي تمسك مادتين..




الملخصات أنا أذاكر من ملخصات هتان و جزاه الله خير ما قصر معنا ..
اللهم كم محاضره في كم ماده تلاقي فيها نقص شريحه أو شريحتين من المحتوى سقطت سهوا ً ..
هذا الموضوع الي طبعت منه الملازم :
http://www.ckfu.org/vb/t425198.html
و بتقدر تلاقيها في المواضيع في المنتدى ممكن ناس يكتبون عنها ..لو لقيت وقت فراغ هالأسبوع راح أنزل موضوع عن الأشياء الناقصة

ما أدري لو المتابعه من الملخصات بدون المحاضرات كافيه بس دعواتي لك و للجميع بالتوفيق ..
أعتذر لو ما أفدتك كثير بهالطريقة بس إن شاء الله تمشي الحال بمحاضره وحده في اليوم

[عبدالله*]

أهلين رهام ، كويس يعني مو متأخره كثير ماشاء الله 3 محاضرات مب مره كثير ..
يلا شدي الهمة إن شاء الله يسهل عليك و تخلصينها بسهوله و سرعه ..
أما عن النت :39: هو ما يستخف إلا إذا صرتي تبغينه ضروري ، الله يعينك


مشكوره على ردك :29:




الله يعينك :/ إذا دوام شفتات فما أظن يمديك على الطريقتين


فيه طريقه جات ببالي بس ما أدري تناسبك أو لا
لكن مافيها أيام فراغ للأسف ..




عدد موادنا 8 مواد لهالترم ..
كل يوم من أيام الأسبوع امسك لك مادة وحده بس ، سواء تحضرها مع المحاضرة أو بس في الملزمة..
ماعدا العقيدة الاسلامية أنا أشوف أنها ما تحتاج دراسه للمحاضرات ، صح كلها حفظ بس لو قبل الاختبارات بأسبوع مسكتها و أخذتها جزئيات ممكن يمشي الوضع معك ..


لو تركت مادة العقيدة الاسلاميه على جنب راح يبقى لك 7 مواد ، كل يوم في الأسبوع مادة ..
( ممكن تترك مادة ثانيه بدل العقيدة لو عندك مادة تشوف أنك ضامنها بإذن الله)


أو كل يوم مادة ماعدا يوم من أيام الأسبوع الي يكون عندك وقت إضافي تمسك مادتين..




الملخصات أنا أذاكر من ملخصات هتان و جزاه الله خير ما قصر معنا ..
اللهم كم محاضره في كم ماده تلاقي فيها نقص شريحه أو شريحتين من المحتوى سقطت سهوا ً ..
هذا الموضوع الي طبعت منه الملازم :
http://www.ckfu.org/vb/t425198.html
و بتقدر تلاقيها في المواضيع في المنتدى ممكن ناس يكتبون عنها ..لو لقيت وقت فراغ هالأسبوع راح أنزل موضوع عن الأشياء الناقصة

ما أدري لو المتابعه من الملخصات بدون المحاضرات كافيه بس دعواتي لك و للجميع بالتوفيق ..
أعتذر لو ما أفدتك كثير بهالطريقة بس إن شاء الله تمشي الحال بمحاضره وحده في اليوم


تسلمين ماقصرتي تعبتكك معي :34:

بس انا جديد ولا ادري وش الطبخه ومن وين اذاكر ؟؟ :24:

اممم وش الملزمهه ؟؟

ودي :16:

[صِـمِـتُ]

يعطيك العافيه
انا ماشيه

- الطريقة الأولى -

يوم السبت والأحد (أو أي يومين 2 ) أمسك المحاضرات النازله لهالأسبوع ..
السبت : 4 محاضرات تشاهدها و تفهمها و تخططها .. يعني 4 مواد..
الأحد : نفس الشيء تسويه للمواد الـ4 الباقية ..
الاثنين : فـــــــراغ
الثلاثاء : فـــــــراغ
الأربعاء : فـــــــراغ
الخميس : فـــــــراغ
الجمعة : فـــــــراغ
وفالك ال +a

[يـــارا]

http://i1130.photobucket.com/albums/m524/mnaal17/meme/2464113lykon44f8o.gif?t=1318849328

مآشاء الله عليك جد طريقتي حلوه كمان سهله
بس ان شاء الله نعتمد عليها فـ المستوى القادم على خير

[سلفستر الجنوب]

مررررره حلوه الطرقتين بس شيلي المكسرات من السالفه :27:
انا تقريبا نفس الطريقه الاولى بس انا اشوف ثلاث محاضرات بعدين ثلاث
بعدين ثنتين والايام الباقي اخصصهم لماده اومادتين امسكهم فيهاوالجمعه
اذاكر محاض رات الاسبوع كامل واكون قضيت في اسبوع كل الي اخذنا
من دون ما اضغط نفسي او اي شي والحمد لله فاضيه لدراسه

[ana ~♪]

ما ادري انا موماشيه على نظام محدد وفي كم محاضره تراكمت علي
لاني كنت مريضه الاسبوعين اللي راحوا وحتى والله الى اليوم و انا مريضه :39:


بس في طريقه حلوه بتبعها بعد الاجازه ان شاء الله
وهي اني اتابع كل يوم محاضره او محاضرتين مشاهده فقط ... وطبعا مع حل مناقشتهم يعني كل يوم
طول ايام الاسبوع من السبت ل الثلاثاء


ويوم الاربعا والخميس والجمعه .. امسك الملازم واذاكر منها (( حفظا ))

وش رايكم ... احسها خفيفه هالطريقه مافيها ضغط لانك طول الاسبوع فاضيه ماغير تحضرين محاضره او محاضرتين باليوم يعني ساعتين اقصى شي وباقي اليوم ملكك تسوين اللي تبين .. اعتبريها مسلسل متابعته وشوفيها :27::27: