هل لديك الجرأه في الإعتراف؟؟؟

[{%{محمد}%}]

السلام عليكم ورحمة الله وبركاته

صباح الخير / مساء الخير

أسعد الله أيامكم ....:2:

الموضوع اليوم

هل لديك الجرأه في الإعتراف؟؟؟


الكثير من الأشخاص ليس عندهم حسن تصرف في المعاملة الحسنه بين الجنسين وبعضهم بعتبرها فرض شخصيه والبعض يعتبرها مفاخره و البعض مع الخيل ياشقرا

سؤالي هو

ماذا لو وجدت زوجتك ، خطيبتك ، اختك اسمهافي جوالك

ياكافي الشر ، يادافع البلاء ، بسه ، وكثير من المسميات ايضاً

والسؤال نفسه

ماذا لو وجدت انت اسمك في جوال
ماذا لو وجدت زوجتك ، خطيبتك ، اختك
الابله ، العنجهي ، العربجي ، بو سروال و فالينه ، المفهي وكثير من المسميات ايضاً


هل السبب في ذالك

هي المعامله ، التربيه ، ام ماذا؟

وما هي الطرق المثلى في التخلص من هذه المسميات التى اتينا بها

وهنا انا لا اخصص احد بعينه بل اسأل بشكل عام

وعفواً دعونا من المثاليات المصطنعه اريد أجوبه شافيه


هذا وبإنتظار وجهه نظركم


تحياتي وإشواقي لكم :16:

[حُروف آنثوية]

يعطيك العافيه على الموضوع
وأصبح بكثر في بعض الناس
بس انا عني نفسي لو حصل هذا الشيء
بسوي كأني ماشفت شيء لآن مايهمني رآئي احد فيني اهم شي اني واثقه من نفسي وخلآص
وطبعاً بتتغير معاملتي للشخص واسلوبي معه بيتغير
دمت بود ..

[مُترفه ..!]

هل السبب في ذالك

هي المعامله ، التربيه ، ام ماذا؟



بما انك طلبت بدون اصطناعيهه المتعارف بيني انا واخواني و بتكلم عن شخصي انا

عنديي اخويي الكبير فوق 26 كل وحده باسمها صريح بتلفونهه
بينما اخويي الي ب الابتدائي يقولي يَ ويلك اصحابي يشوفوك
راح اوضح شغله هنا الي هيَ البيئه او المجتمع مش التربيه ابداً و المعامله = برضو اكرر اتكلم عن بيتي انا

يعني اخويي الكبير دارس متعلم منذ صغره بمدرسه ذات مجتمع راقيّ والله
واخويي الصغير الحين بمدرسسهه كلها تفكيرات عادات وتققاليد درججه اولــىى فَ اذا اخويي الكبير الوضع عنده م فيه ايي مشكله انو كل وحده باسسمها واخواني الي بعده كمان لانهم كانو بنفس الحياه (خخ)

واخويي الصغير طالع غيير # اذن انا أؤؤكد بوجهةة نظريي انو المجتمع الخارجي للاسسف


فِ احيان نقول انو التربيه بتكلم بالعموم يكون م فيه احترام بين الاخوات واخوانهم
يعني رجال يسمي زوجته البيت !! طيب شدعوه م تسميها ام فلان اقل شي
انا انقد حتى الحريم الي ابو فلان او طيب اكتبي زوجي ع الاقل ::!! وكمان الرجال نفس القصهه

او الاخوات والاخوان نفس القصه يعني اذا ابوك اخوك زوجك // امك اختك زوجتك م سميتهم اشياء جميلهه منو بتسموون :$





وجهةة نظريي الخاصه والعاممه فِ ما طرحت // ابدعت يَ محمد كعادتك المتميزه :16:



<~ ترا رديت قبل التنبيهه """)





دمتم بخير جمميعاً الله يسعدكم :16:


-

[بنت الجبيل~]

موضوع راائع

انا براي اقول المعاملة لها دوور في التسمية

ماراح ازعل لو شفت اسمي بجوال اخوي اسم ماحبه بس بواجهه ههههههههه

يسلمو اخوي ع الموضوع

بنتظار جديدك:16:

[مُترفه ..!]

اعتذر عن توضيح شغلهه //

اذن انا أؤؤكد بوجهةة نظريي انو المجتمع الخارجي للاسسف


اقصد فيها اذا الاحترام موجود بالبيت كحالتي ويجي احد يسويي هالتصرفات
فَ المؤثر عليهه هيّ البيئه الخارججيه #اتمنى وضحت الفككره

:2:

[NOW OR NEVER]

يعطيك العافية على الدعوة

بالنسبة للمسميات يفترض الواحد يكتب الاسم الحقيقي

او اسم محبب لصاحب الرقم او اسم خاص بينهم .

مثلا انا كنت مخزن اسم واحد من الشباب grgosha ( قرقوشة) :5:

وما غيرته الا يوم ربي رزقه بعيال :26:

لان هذا الاسم كان له قصة جميلة بيننا :42:

,,,,

عموما انا اخزن اسم يحبه صاحب الرقم او يحبني اناديه فيه او اسمه الحقيقي

بالنسبة لو انا لاحظت ان اسمي مخزن بإسم يضايقني مثلا ,, النشبة او المزعج

طبعا ما راح اناقش صاحب الجوال , لانها حرية شخصية ومن اهم الخصوصيات هاليومين الجوال.

ولكن راح افكر بالموضوع وسبب التسمية اذا لاحظت ان فعلا معاه حق في النسمية راح اخليه بذن الله يغير الاسم مع الوقت , وذلك بتغيير معاملتي له :34:

واذا كان الاسم هو حاطه كذا من راسه مثل تصرفات المراهقين عادي بسلامة ما تفرق معي

اهم شي يرد اذا دقيت عليه لا افقع وجهه :32:


,,,,

يعطيك العافية اخوي

مواضيعك دائما شيقة :16:

[NOW OR NEVER]

الذين يشاهدون محتوى الموضوع الآن : 5 ( الأعضاء 3 والزوار 2) ‏turning point (http://www.ckfu.org/vb/u96897.html)



سجل عندك فيه 2 نفر مطفي النور :42:

[{%{محمد}%}]

سجل عندك فيه 2 نفر مطفي النور :42:

هههههههه قرقوشه
عندنا وعندك خيييرا

[أسيــــره. ']

أنا عن نفسي اكتب أسامي دلع !!

أخواتي مسميتهم بااسماء عطورهم المفضلة :11: << طبعا أختي الصغيرة اللي جابت الفكره .. :25:



وإذا شفت احد مسميني اسم ما يعجبني << ياويله ... :32:. ما عندي تفاهم أنا ...

[شرقاويه كيوت]

اذا احد من اهلي او احد من معارفي مسجلني باسم " سيئ " بجواله ..

اكيد مابساله او اناقشه هو مجرد شخص منافق .. راح تكون علاقتنا رسميه ..

اولا واخيرا هو مجرد اسم بجواله ومابيزيد او ينقص مني شي :smile:

[أسيــــره. ']

اذا احد من اهلي او احد من معارفي مسجلني باسم " سيئ " بجواله ..

اكيد مابساله او اناقشه هو مجرد شخص منافق .. راح تكون علاقتنا رسميه ..

اولا واخيرا هو مجرد اسم بجواله ومابيزيد او ينقص مني شي :smile:




أقول وش اسمي بجوالك !!

:29:

[شرقاويه كيوت]

أقول وش اسمي بجوالك !!

:29:

تؤبشيني :verycute::004:


الاسم مع العايله :hahahahahah:

[أسيــــره. ']

تؤبشيني :verycute::004:


الاسم مع العايله :hahahahahah:



وأنا مدلعتك الحين أغيره ..

[شرقاويه كيوت]

وأنا مدلعتك الحين أغيره ..

مابتغيرينه :30:

[أسيــــره. ']

مابتغيرينه :30:




ابشري !!! يا عسل ... :11:

[Another day]

الحريم عموما من واقع تجربتي الاغلبيه اذا ما كتبت الاسم صريح تكتب اسامي دلع لخطيبها او زوجها هو من ناحيه
وانا متاكده من هذا الشي عشانها تحبه ولكن فيه هدف ثاني ههههههههه مخفي وهو تحب تكشخ لما يدق عليها وهي مع
صديقاتها او جاراتها ويطلع الاسم وتلاقيها ملقبته بروحي او عديل الروح الخ .... وهذي ترا مو جايبتها من عندي والله
شايفتها بعيني وطبعا غير الصوره اللي حاطتها خلفيه لجوالها ...
نجي للرجال طبعا انا اتكلم من واقع الناس المحيطين فيني اما يكتب ابو فلان لاحظ مو ام :28: او يحط حرف او يجيب اسمها
اذا ينفع طبعا بالمذكر وهذا له سبب !!!!يخاف يدق جواله وهو حاطه ع الطاوله اوبعيد عنه ويكون مع اصدقائه فيكون محطاط ان
اللي بيجيبه له مايشوف اسم محارمه ههههههههه...وطبعا هذا مو بسبب التربيه ولكن بسبب ثقافة متأصله في كل رجل مازال يعتبر
اي شي يخص المرأه عوره ومن ضمنها اسمها اما اذا تبي تعرف الطرق اللي نتخلص من هذي المسميات طبعا اللي انت ذاكره
مو اللي انا ذكرتها لانها صعبه تتغير المفاهيم عندنا الرجل من هو طفل وهو يشوف اللي اكبر منه يسوي كذا واعتبرها من مقومات
الرجوله بس الاسماء البذيئه صدقني هذي تنبع من البيئه اللي متربي فيها الشخص تكون بيئه تفتقر للاحترام وهو اهم شي ،،اني اتجرأ
واكتب اسم شخص مهما كانت قرابته لي باسم يقلل من قدره فهذا شي يعيب فيني قبله يعني كل شخص يبدأ بنفسه ويصلحها قبل
يطلب من غيره يتغير ،كل انسان بمقدوره فرض احترامه على غيره وبكذا اتحدى ان اسمك راح ينكتب بجوال شخص تعرفه بطريقه
تجرحك وسلامتكم تشكرات يا الحناني دايم مواضيعك رنانه جعل التوفيق فالك :21:

[المتلالئه]

موضوع جميل اخوي محمد


بالنسبه للمسميات انا افضل الالقاب للناس القريبين مني اما غيرهم احفظه باسم الشخص
واما اهم وش مسمين عادي يحطون اسمي والا اذا بيحطون لقب فافضل لقب حلو ....

الله يعطيك العافيه اخوي محمد والف شكر ع التنبيه
:2:

[Dr. nsroon]

لو اعز من خلق ربي علي مسميني اقبح اسم
مايهمني ابد بـ كيفه وبهواه

ابوي اول كان يستحي يحط اسامينا هههههههه
كان مسميني نصار < اسم العامل :4:

وبعد مده عادي صار يكتب اسامينا
وغير اسمي لـ نصرون :34:

ومع انه حالياً ما عندي جوال حذف الرقم وترك الاسم ههههههههه

بـ جوالي ماكنت اعترف بالاسماء ابد ولا بالالقاب العدله
اساساً لو صار شيء لي لاقدر الله ومسك أحد جوالي
بيفكرني جنيه من الاسماء الغبيه اللي كنت حاطتها :Looking_anim:

وما اشوف فيها شي لو شخص سماني بأسم غبي
اكيد اني استاهل ولا ما سماني كذا هههههههه

[wintr song]

عليكم السلام ورحمة الله وبركاته

يعطيك العافية اخوي محمد موضوع جميل


اممم بالنسبة لي عادي يسمي اللي يبي بس اهم شي مايكون اسم مهيييين يعني مثل اسم حيوان الله يكرمكم :42: فديت اخواني اللي حاط اسمي عنده الاميرة
واللي حاطه بنت .... اسم الوالد :27: والوالد فديتةه كاتب اسمي كامل :34:



هل السبب في ذالك

هي المعامله ، التربيه ، ام ماذا؟

لا تربية ولا معامله .....
انا اشوف غيرة عند البعض عشان زملائه مايعرفون اسم اختة او زوجته وبعدين يبتلش وياهم :8:
بعدين يقلون له ترى اعرف اسم اختك :41:

:16:

[Dr. nsroon]

نجي للرجال طبعا انا اتكلم من واقع الناس المحيطين فيني اما يكتب ابو فلان لاحظ مو ام :28: او يحط حرف او يجيب اسمها اذا ينفع طبعا بالمذكر

هههههههههههههههههههههههههه ابوي كان كذا بس تسنع هههههههه

اغلب الاسامي لقريباته كانت كذا ن.ع.ز .. و.ن.ز هههههههههههههههه
او تحريف بالاسم نصار عايد بسام هههههههههههههههه
امي مسميها المنزل وعمتي ابو سهام :hahahahahah::hahahahahah:

بس زين صار عنده عادي ولايهمه اللحين :35:
اخوي الكبر ماقد فتشت جواله وشفت اما المراهق
ابد سياحه ماعنده مشكله لو يحط صورنا :verycute: #تباً له

[زمن الذكريات]

يعطيك العافيه على هذا الطرح
الأسامي في جوال عادي اسميهم بأسامهماو اسامي عيالهم (ابو ؟؟؟ ام ؟؟)
ما يهمني احد أهم شي يعجبني انا الاسام
مثل كان معي واحد في المدرسه اسمة (الخال) لونة اسود ههههههههه
أما الاهل اساميه عادي ما يهمني احد لان جوال خاص محد يقرا وش مسميهم
لي عودة
:16:

الف الف شكر اختي المتلالئه على التنبيه :16:

[جنون الحياه]

بما انك طلبت بدون اصطناعيهه المتعارف بيني انا واخواني و بتكلم عن شخصي انا

عنديي اخويي الكبير فوق 26 كل وحده باسمها صريح بتلفونهه
بينما اخويي الي ب الابتدائي يقولي يَ ويلك اصحابي يشوفوك
راح اوضح شغله هنا الي هيَ البيئه او المجتمع مش التربيه ابداً و المعامله = برضو اكرر اتكلم عن بيتي انا

يعني اخويي الكبير دارس متعلم منذ صغره بمدرسه ذات مجتمع راقيّ والله
واخويي الصغير الحين بمدرسسهه كلها تفكيرات عادات وتققاليد درججه اولــىى فَ اذا اخويي الكبير الوضع عنده م فيه ايي مشكله انو كل وحده باسسمها واخواني الي بعده كمان لانهم كانو بنفس الحياه (خخ)

واخويي الصغير طالع غيير # اذن انا أؤؤكد بوجهةة نظريي انو المجتمع الخارجي للاسسف


فِ احيان نقول انو التربيه بتكلم بالعموم يكون م فيه احترام بين الاخوات واخوانهم
يعني رجال يسمي زوجته البيت !! طيب شدعوه م تسميها ام فلان اقل شي
انا انقد حتى الحريم الي ابو فلان او طيب اكتبي زوجي ع الاقل ::!! وكمان الرجال نفس القصهه

او الاخوات والاخوان نفس القصه يعني اذا ابوك اخوك زوجك // امك اختك زوجتك م سميتهم اشياء جميلهه منو بتسموون :$





وجهةة نظريي الخاصه والعاممه فِ ما طرحت // ابدعت يَ محمد كعادتك المتميزه :16:



<~ ترا رديت قبل التنبيهه """)





دمتم بخير جمميعاً الله يسعدكم :16:


-


يسلم يمينك ترف ,,:34::16::16:

أتفق معآآآك كليآآآ ,, , :21::16:

العآآدآت والتقآليد و المجتمع سبب ,, :13: :21:

عندي اثنين من أخوآآني ,,

وآحد مسجل اسمي عآآدي وأسمآء خوآآتي ,,

والثاني مسجلني بأسم الوآلدة 2 :5: وبآقي خوآآتي كل وحده بأسم زوجهآ ,, :13:

البيئه الي الوآحد عآآش فيهآ تأثر كثييير ,,

,,,,

وعلى إلي يسميني واشوف مسميني أسم مزعج برآحته ومآ رح أوآجهه ولآ شيء حريته الشخصية,,:16.jpg:


أمآ بالنسبة لي الي اعزهم اسآميهم بدلع أو لقب له معنى بينآ ,, و البقية تكون بأسآميهم ,,:16:


ويعطيك العآفيه أخ محمد ,, موضوع جميل,,

[l a v e n d e r]

:42:




اخزن الاسمـاء زي ما هي او بأسم مشهور فيه الشخص ..

وما عمري شفت جوالات الناس علشــان كذا صعب اجاوب على شي ما جربته ..

يسلمو عالموضوع والدعوة ..

:16:

[تيتشر ريماز]

بالنسبة لي احفظ الاسامي عندي باحلى الالقاب وادلع الالقاب ..وبالنسبة لاسمي عند الناس طبعا مااشوف

الا القراب مني وامون عليهم اشوف اسمي او لقبي بجوالاتهم حلو هذا حاليا الوقت هذا مع الجوالات الجديدة

لان كلها عليها باسوورد وخصوصية اكثر لكن قبل اذكر ايام الفيصلية والمملكة وبرج العرب :5: لان ماكان فيها باسوورد كانوا اخواني ذيك الحزة يسمونا ويلقبونا ع اساس انا رجال وكان حلو موسبه بس كنت اتضايق وكنت

اخاصمهم واقولهم ليه ليه طيب اقنعوني ليش انا ادلعكم باساميكم وانتو تحطون لقبي رجالي:25: كانوا يقولون

عشان زملائنا يقرون رسائلنا ويقلبون جوالاتنا وفرضا تدقين ويشوف اسمك تعرفووون الغيرة هههه اما باباالله يحفظه يالبيه :1:كان يسميني باسمي ولاهمه في احد.وصادقين اخواني !! اول
كانوا الناس >>ملقوفييييييييين يحبون يجمركون جوالات بعض :20: بس الحمدلله الحين فهموا ان فيه

خصوصيه :29: ..المهم الحين ومع الارقام السريةصار عادي يحطون

اسمي اولقب اهم شيء شيء حلوووو ويليق بي بس يكون رجالي او سبه لا ثم لا ثم لا

:20::41: معاد عندهم عذر زمان مافيه رمز حماية والحمدلله للحين ماشفت احد مخالف القوانين :42:ولان صار فيه وعي وخصوصية اكثر وش دخل صديقي يقلب جوالي خير ان شاء الله كل معه جهازه يقابله اصلا ي الله الحق اقراء مسجاتي عشان اشوف مسجات غيري,,

وعلى قولة ترف اذا الواحد مادلع امه وزوجته وخواته مين يدلع !!! ؟؟؟؟؟

اخوي محمد الله يعطيك العافية ع الموضوع النايس وشكرا ع التنبيه ...

[ميمي السنافيه]

الحريم عموما من واقع تجربتي الاغلبيه اذا ما كتبت الاسم صريح تكتب اسامي دلع لخطيبها او زوجها هو من ناحيه
وانا متاكده من هذا الشي عشانها تحبه ولكن فيه هدف ثاني ههههههههه مخفي وهو تحب تكشخ لما يدق عليها وهي مع
صديقاتها او جاراتها ويطلع الاسم وتلاقيها ملقبته بروحي او عديل الروح الخ .... وهذي ترا مو جايبتها من عندي والله
شايفتها بعيني وطبعا غير الصوره اللي حاطتها خلفيه لجوالها ...
نجي للرجال طبعا انا اتكلم من واقع الناس المحيطين فيني اما يكتب ابو فلان لاحظ مو ام :28: او يحط حرف او يجيب اسمها
اذا ينفع طبعا بالمذكر وهذا له سبب !!!!يخاف يدق جواله وهو حاطه ع الطاوله اوبعيد عنه ويكون مع اصدقائه فيكون محطاط ان
اللي بيجيبه له مايشوف اسم محارمه ههههههههه...وطبعا هذا مو بسبب التربيه ولكن بسبب ثقافة متأصله في كل رجل مازال يعتبر
اي شي يخص المرأه عوره ومن ضمنها اسمها اما اذا تبي تعرف الطرق اللي نتخلص من هذي المسميات طبعا اللي انت ذاكره
مو اللي انا ذكرتها لانها صعبه تتغير المفاهيم عندنا الرجل من هو طفل وهو يشوف اللي اكبر منه يسوي كذا واعتبرها من مقومات
الرجوله بس الاسماء البذيئه صدقني هذي تنبع من البيئه اللي متربي فيها الشخص تكون بيئه تفتقر للاحترام وهو اهم شي ،،اني اتجرأ
واكتب اسم شخص مهما كانت قرابته لي باسم يقلل من قدره فهذا شي يعيب فيني قبله يعني كل شخص يبدأ بنفسه ويصلحها قبل
يطلب من غيره يتغير ،كل انسان بمقدوره فرض احترامه على غيره وبكذا اتحدى ان اسمك راح ينكتب بجوال شخص تعرفه بطريقه
تجرحك وسلامتكم تشكرات يا الحناني دايم مواضيعك رنانه جعل التوفيق فالك :21:




:21::21:

انا عادي أخواني كاتبين اسمي باسمي او ام فلان

و زوجي من الطقه القديمه كان كاتب اسم رجل بس انا اخذته وعدلته كتبت حبي على كيفه ابو الشباب :41:

و بعده تفشل وخلاه ناس ما يمشون الا بالعين الحمراء:32:

كيفي بدلع عمري سلامات بو سروال وفانيله:20:

و سبب هالشي ليه يغير اسم الاهل و كذا مدري احس فكر قديم ماله معنى عل اساس ما حد يعرف اسمها و هذا اسمه جهل

الرسول عليه الصلاة والسلام يذكر اسماء زوجاته و بناته وامه ورويا انه ينادي زوجته عائشه رضي الله عنها عائش تدلعي لها بابي وامي اللهم صلي وسلم عليه

[المحترمه]

وعليكم السلام ورحمة الله وبركاته

الإعتراف بالحق فضيله يا سيدي وأعتقد هذا الجانب
يزيد حساسيه لدى الرجال أكثر من النساء ...


بالنسبة لي المسميات لا تقدم ولا تأخر ... أنا البعض
اسمّيه بإسمه والبعض بمسميات مثل الوالدين والصديقات

أما من يسمّيني في جوال بمسميات شاذه مثل ما تفضلت
ما يعيرني أي إهتمام كون أن الأمر خاص فيه وبالنهايه يمثل
شخصه أولاً ثم تربيته ثم مجتمعه ..

أما الطرق للتخلص أعتقد إعادة هيكلة ذات هذا الشخص
كفيله للتخلص منها جذرياً


متصفح يطول النقاش فيه ... شكرآ لك :16:

[مُلهمــــة]

بالنسبه لي انا احب اكتب القاب حلـــــوه للناس :1: يعنى كل اهلي والي vip في قلبي

وكان في السابق واحد من اخواني كاتب لقبي وكل خواتي في جواله ...........خليها مستوره :31:

لكن طنشته......وكتبت اسمه بلقب يحبه في جوالي ..........واكتشفت بعد ايام غيره للقب حلـووووو "دلع" حتى الان من اكثر من 6 سنه نفسه :1:


مشكووور اخ محمد ع الدعـــــوة ........وع الموضوع :21:

[البرنسيسية]

أنا بالنسبة لي اعتبر التربية والمعاملة لها دوور خصوصا اذا كان الشخص متعوود ومتطبع هالاشياء والمسميات من قبل :27::27::27:
لكن بالنسبة لي مستحيل والف المستحيلات احط مثل هالاسماء الي اذا كان شخص والله اموون عليه وعاادي الوضع عنده ممكن :11::11::11::11:
اما الناس الباقي مااقدر احكم عليهم لانو ماقد شفت الجوالات حقتهم :27::27::27::27:
اما أبوسروال وفلينة هذا عاادي شيء ثاني عندنا :13::13::13::13: انا بالنسبة لي ااسمي اخواني وعاادي هما قابلين الووضع :43::43::43:
تحياتي لصاحب الموضوع
جداا وربي مبددددع سعوودي صوح:21::21::21:
:17::17::17::17:

[F!x]

:29: موضوع وردود جميله.......
شخصيا أسجل الرقم مع الإسم ..

لاكن هناك أسمين من أخواني القريبين للقلب الأول سجلته بأسم (دلع)
والأخر بموقف طريف حصل بيننا ..
وهم يعلمون بأسمائهم المسجله ليس من خلف ظهورهم

[تاج راسي امي]

مسجلة الاسماء بجولي بالقاب عشان لا سمح الله ضاع الجوال ما حد يزعج البنت بالاتصالات (نهاية هذي اعرض ناس وعشان ما جيب مشاكل لخلق الله )

بالنسبة لي انه تربيه انا أتوقع انه من باب الميانة يعني في شباب يسمون اصدقاهم في جوالهم ابو راس

[Just have fun]

واحد من أخوياي اسم زوجته بجواله نظر العين و اسمه بجوالها نصفي الثاني و مشاكلهم ما تنتهي

بينما واحد ثاني

إسمه بجوالها البثر و إسمها بجواله زيتونة و حياتهم سعيدة و مبسوطين

[l a v e n d e r]

زيتونة :14:


جمااااالهم ..

:5:

[المحترمه]

^^^^

الردود فقط لـ

4 من الذكور
18 من الإناث


شتان بين متصفح ومتصفح الطبخ :42:

[حلم ملوك]

بالنسبه لي عادي جدا اهم شي مايكون اسم غير لائق مثل واحد من الشباب مسجل زوجته وايت الماء هههههههه
انا استغربت هالوايت يدق عليه كل حزه :8:

[(خالد)]

انا اشوف انها عادي يمكن من باب المزاح ولاتعني انه يكره الطرف الاخر .

بالنسبه لي احب احط القاب لان اغلب الاسماء تتشابهه فمن شان كذا احب اللقب الاشخاص

بس القاب حلوه مثل ميمي وتوتي وتيتا وبوني :37::11:

[شموع العسيري]

أنااا في جوالي كلها أساامي حلووووووه خااصه أخواني وخواتي وماما وبابا
ذكرتني بواحد من أخواني مسميني (شويه)لان كل مايقولي شغله أقوله(شويه):5::5:
بس الحين غيره أم سارا:35:
ومسمي أخواني وخواتي كل واحد على تخصص اللي درسه:5:
يعني /كيمياء وأحياء وفيزياء واللغه العربيه وعسكري:5:
عليه حركات ماادري من وين يجيبهااا:13:

الله يعطيك العااافيه:16:

[شموع العسيري]

ههههههههههههههههههههههههههههه:5::5:

:4:آماااااا وايت سلااامات والله لزعل

[{%{محمد}%}]

بالنسبه لي عادي جدا اهم شي مايكون اسم غير لائق مثل واحد من الشباب مسجل زوجته وايت الماء هههههههه
انا استغربت هالوايت يدق عليه كل حزه :8:

ههههههههههههههههه
:5::5::5:

[حلم ملوك]

ههههههههههههههههههههههههههههه:5::5:

:4:آماااااا وايت سلااامات والله لزعل

وايت الماء ابرك من غيره :4:

[شموع العسيري]

:5::5::5::5: لاوالله مو حلوووووو

[Just have fun]

انا اشوف انها عادي يمكن من باب المزاح ولاتعني انه يكره الطرف الاخر .

بالنسبه لي احب احط القاب لان اغلب الاسماء تتشابهه فمن شان كذا احب اللقب الاشخاص

بس القاب حلوه مثل ميمي وتوتي وتيتا وبوني :37::11:


http://im37.gulfup.com/AUjC5.gif (http://www.gulfup.com/?cn5Oop)

يا حيف

ميمي و بوني أجل

[شرقاويه كيوت]

http://im37.gulfup.com/AUjC5.gif (http://www.gulfup.com/?cn5Oop)

يا حيف

ميمي و بوني أجل

هههههههههههههههههههه

يمكن بنات طيب :hahahahahah:

[أسامه السامي]

** وعليكم السلام ورحمة الله وبركاته ,,,
** أهنئك أخووي محمد ع مواضيعك ذات النقاش المتميز ,,,
** بالنسبة للأسماء الموجودة عندي في الجوال جميعها بالاسم . أو الكنية . مثلاً ( أبو محمد , أم محمد ) .
** ماعدا أربعة أو خمسة فقط , وضعت لهم ألقاب طيّبة طبعاً ... لأنهم أقرب الناس لي ,,,
** تحياتي للجميع .. وشكراً أخووي . :2:

[roqa]

أستاذ محمد أشوفك تارك الدراسة وجاري ورى المواضيع الساخنة .. حسستني انه موسمك ..:29:

طبعا أرى أن التربية تلعب دور ..

وبنظري يلي يحمل اسماء بجواله أيا كان من الجنسين ..أسماء مخله بالأدب والذوق العام ..

ماهو الا شخص (غير محترم ) ..

أنا كل اسم عندي اياه على أصوله دون تغيير أو اضافات ..

لست من محبات الاستهزاء والتريقة بالأسامي ...

مرة مسكت جوال أخويا ولقيت العجب العجاب ..

بابا مسميه الحكومة ..

ماما = my love :11:

أخواته : فقط الحرف الأول حتى لو ضاع الجوال مانتسبب لمضايقات ...

أما أصحابه :9:مافهمت ولا اسم ..كلها تريقات :23: افتكر واحد مسميه (قاتلوني ) :31:

[آلمستشآر]

وعليكم آلسلآم
شوف يآلغآلي اغلب آلآسمآء في آلجوال تكون يآ آمآ بآ آسم آلشخص الحقيقي او اسم لقب نطلقه عليه
وما اشوف فيها اي مشكله لان مضمونها للضحك والوناسه وخصوصآ في عائلتي او الزملاء.. بس اذا كان في جوال شخص انا ما امون عليه ولا بيني وبينه صحبه هنا الموضوع يختلف
طبعا عن نفسي ما راح اتكلم معاها في هالموضوع لانها قناعه شخصيه هو شافها فيني.. بس بكون حضر في تصرفاتي معه

[{%{محمد}%}]

أستاذ محمد أشوفك تارك الدراسة وجاري ورى المواضيع الساخنة .. حسستني انه موسمك ..:29:

طبعا أرى أن التربية تلعب دور ..

وبنظري يلي يحمل اسماء بجواله أيا كان من الجنسين ..أسماء مخله بالأدب والذوق العام ..

ماهو الا شخص (غير محترم ) ..

أنا كل اسم عندي اياه على أصوله دون تغيير أو اضافات ..

لست من محبات الاستهزاء والتريقة بالأسامي ...

مرة مسكت جوال أخويا ولقيت العجب العجاب ..

بابا مسميه الحكومة ..

ماما = my love :11:

أخواته : فقط الحرف الأول حتى لو ضاع الجوال مانتسبب لمضايقات ...

أما أصحابه :9:مافهمت ولا اسم ..كلها تريقات :23: افتكر واحد مسميه (قاتلوني ) :31:
:5:
لاتخافي على أخوك دافور ماأحب اذاكر إلي قبل الاختبارات two week

[•¦[ٱبيڪَ قٌربيے]

ههههههههههه :5::5:

صرآحتن التعليقاات توووحفةةة


محمد اهنيكككك ع طرحك البططططل:21::34:



اممممممممممم

انا من ناحيتي كل البنات عارفين وش مسميتهم في جوالي مً يحتاج:42::8:

تقريباآً الكل اقول لةة << نويققققققةة:35::42:


او الدوبيةةة يعني اكثثثر شيء نستخدم الالقاب بينا :35:

وكذلكك خواتي بينا الققققاب لها مواقف قمييييييلةة قدن ومضحكةة:5:


امآ من ناحيةة تسسميةة الناس لي فأكيد هالشيء يعتمد ع تعاملي وتواضعي معاهم:34:

واكيد انهم راح يسسموني ب اللقب اللي معلقيني فيةة:42:


اما من ناحيةة سؤالكك هذآ؟!


هل السبب في ذالك

هي المعامله ، التربيه ، ام ماذا؟

انا اشووف ان المعاملةة لها دور اكبر من التربية

لان الشخص هو اللي يفرض احترامةة ع الكل
وممكن العادات كذلكك تسيطر ع تفكير الرجل من ناحيةة المسميات وهنا تكمن المشكلةة

وهذي وجههةة نظري:34:

واشكركك مرة اخرى ع اطروحاتكك الشيقةة:2:

[Another day]

http://im37.gulfup.com/aujc5.gif (http://www.gulfup.com/?cn5oop)

يا حيف

ميمي و بوني أجل

ههههههههه اموت واعرف اش كاتبين اسم خالد بالجوال ههههههههههه

[roqa]

ههههههههه اموت واعرف اش كاتبين اسم خالد بالجوال ههههههههههه

خلودييييييي

[ريومة الشرقية]

عليكم السلام والرحمة
المعاملة والتربية كلاهما معا
الطرق المثلى للتخلص الكلمة الطيبة
مامريت بأحد المواقف الحمدلله
عوافي ع الطرح :2:.

[(خالد)]

ههههههههه اموت واعرف اش كاتبين اسم خالد بالجوال ههههههههههه

لودي :29:

[UNO_0]

~


ناس اكرههم ومخزنهم بأسمائهم
هل يعقل اسجل ناس من دمي ولحمي او شريكة حياتي بأسم قبيح
اللي يسويها يستاهل يأخذون مخه ويرصونه على زفلت وبالنوعال هههه < يفضل نعال نجدية

ما الومك انك تطرح هذا الموضوع لانه فعلا في ناس يسونها

[oOm KeShaH]

ما هو السبب ؟
نوع العلاقة فيما بيننا و طريقة مسارها .
كيف العلاج ؟
في معنى قوله تعالى : {الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ }آل عمران134

[Hedo]

موضوع مميز وأكثر من رائع ... بوركت :16:

[NOW OR NEVER]

بالنسبه لي عادي جدا اهم شي مايكون اسم غير لائق مثل واحد من الشباب مسجل زوجته وايت الماء هههههههه
انا استغربت هالوايت يدق عليه كل حزه :8:

ههههههههههههههــ اما وايت الماء


الله يسعدك :16:

[المغتربه]

حتى انا عندي نفس السؤال
واحس السبب ان
الكل بيحسب نفسه المصطفى والمنزه عن العيوب:11:
وباقي البشر متطفلين يضايقوهم في حياتهم من كثر طلباتهم
:23::23::23:
استغفر الله بس يانه اشوف بشر عندهم عظمة الانا بشكل غير محدود

[غرآم]

يعطيك العافيه على الموضوع

وسلمت على الطرح الرائع

بصراحه في مره من المرات اخوى يبي يسجل رقمي طقني الفضول وقلت له شنو بتسجل اسمي قال اسمج رقم واحد (((1))) قلت افا ليش مالي اسم

قال بتسكتين والا بهفج بالجوال :9::6: طبعا قعدت ازن عليه ليش شنو السبب بهذي التسميه

طبعا كثر الدق يفك اللحام :42::8: قال يا ......... اخاف احط اسمج ويفتش واحد من هالمطفق وياخذه

صراحه سبب مقنع جدااا

اما اذا اي احد اخر غير اخواني سماني اسم حلو الف شكر له """" واللي بسمني اسم شين :41jg:امزح انا بالنسبه لي عادي

طولت عليكم يالله مع السلامه """""""""" دمتم بخيـــــــر

:16:

[آمير آلظلآم]

وعليكم السلام ورحمة الله وبركاته

يا هلابك اخوي محمد الحناني وصباحك عسل

** شف يالغلا / اكيد الجوال ومحتوياته هي اشياء خاصة و زي هيك عرفت
لكن توصل الامور على ان اختي او زوجتي اوخطيبتي او اي شخص كان مسميني عنده مسمى مايليق فيني او فيه شي مو زين والله ما ارضى .. ولو ما رضيتها على نفسي اكيد ما ارضاها على الغير ومراح اسوي هالشي

اتمنى تتقبل رأيي ، ولكم حرية الرأي يا شباب وصبايا :27:


** اشكرك على الطرح اخوي محمد
وافكار حلوه منك وننتظر جديدك

[{%{محمد}%}]

وعليكم السلام ورحمة الله وبركاته

يا هلابك اخوي محمد الحناني وصباحك عسل

** شف يالغلا / اكيد الجوال ومحتوياته هي اشياء خاصة و زي هيك عرفت
لكن توصل الامور على ان اختي او زوجتي اوخطيبتي او اي شخص كان مسميني عنده مسمى مايليق فيني او فيه شي مو زين والله ما ارضى .. ولو ما رضيتها على نفسي اكيد ما ارضاها على الغير ومراح اسوي هالشي

اتمنى تتقبل رأيي ، ولكم حرية الرأي يا شباب وصبايا :27:


** اشكرك على الطرح اخوي محمد
وافكار حلوه منك وننتظر جديدك

الف شكر على مرورك العطر :16:... الموضوع الجديد ( الممرضة السعودية) مأرايك فيها موجود الموضوع في العام

[ومضه]

طرح جميل
معروف عند الشباب مايكتبون اسماء محارمهم باسمائهم الصريحه
لازم يكتبون ام فلان او البيت او بيحط اسم مذكر لو اسمها سلمى بيكتب سالم
بصراحه مادري وش السبب يمكن يخافون جوالهم يطيح بيد غير يدهم
عموما هذا شي جميل وان دل يدل على الغيره اللي فيهم وخوفهم على محارمهم
عشان لو احد الشباب فتش جواله ماراح يلقى اسم بنات في جواله عشان مايقوم في اخذ الرقم ومضايقته
عموما مايهم وش الاسم اللي بينكتب
اهم شي مايكون مزعج او لقب قبيح
بالنسبه للبنات معروف ان خزنة رقم لازم تكتب اسم دلع صاحبة الرقم
وبالنسبه لشباب لما يخزن اسم رجل وكتب لقب مو اسم مثل مفهي او الخ
هذا شي عادي لان معروف الشباب جلوف وخشنين وشوي مزحهم ثقيل:42:
يعني عادي عندهم لو يكتبون اسماء تضحك او غبيه لان روحهم تتقبل
اما البنات صعبه نكتب هالاشياء لان بعضهم بيزعلون وكذا
وعموما لو انكتبت اسماء والقاب غريبه لازم تكون فيه ميانة

[{%{محمد}%}]

طرح جميل
معروف عند الشباب مايكتبون اسماء محارمهم باسمائهم الصريحه
لازم يكتبون ام فلان او البيت او بيحط اسم مذكر لو اسمها سلمى بيكتب سالم
بصراحه مادري وش السبب يمكن يخافون جوالهم يطيح بيد غير يدهم
عموما هذا شي جميل وان دل يدل على الغيره اللي فيهم وخوفهم على محارمهم
عشان لو احد الشباب فتش جواله ماراح يلقى اسم بنات في جواله عشان مايقوم في اخذ الرقم ومضايقته
عموما مايهم وش الاسم اللي بينكتب
اهم شي مايكون مزعج او لقب قبيح
بالنسبه للبنات معروف ان خزنة رقم لازم تكتب اسم دلع صاحبة الرقم
وبالنسبه لشباب لما يخزن اسم رجل وكتب لقب مو اسم مثل مفهي او الخ
هذا شي عادي لان معروف الشباب جلوف وخشنين وشوي مزحهم ثقيل:42:
يعني عادي عندهم لو يكتبون اسماء تضحك او غبيه لان روحهم تتقبل
اما البنات صعبه نكتب هالاشياء لان بعضهم بيزعلون وكذا
وعموما لو انكتبت اسماء والقاب غريبه لازم تكون فيه ميانة
تسلميين يأخت ومضه على وجهة نظرك ورأيك بالموضوع