ابي احذف ماده وابي آخذها في ترم اضافي بعد المستوى الثااامن

[J O J O]

السلام عليكم
انا سجلت مادة الادب الانجليزي عصر النهضه وابي احذفها هالترم وآخذها في ترم اضافي بعد المستوى الثامن ....

هل الجامعه تسمح بأخذ ترم اضافي بعد المستوى الثامن ولا لازم اخلص كل المواد في 8 مستوياات؟؟

وهل هناك شروط معينه عشان يسمحون لي بأخذ بالترم الاضافي ..مثل عدد المواد اللي بسجلها لازم تكون 4 او 5 كحد ادني ؟؟

ارجو الرد بصدق لان الموضوع مهم جدا وابي كلام اكيييييد مو توقعات ...وشكرا

[دوَدي]

-


عليكم السلام ورحمة الله

ابد مافيه شروط ولا يقود .. تقدرين تاخذين حتى ترم 12 مو بس 9
شوفي عندتس انا مثلاً .. اخر ترم واجلت لي ثلاث مواد باخذها بترم اضافي , وجداً عادي
بس وراه تحذفين الادب ؟ خليتس معي توي ماخذتها هالترم =p

[my Dreams]

المادة العشرون:
يفصل الطالب من الجامعة في الحالات الآتية:
أ- إذا حصل على ثلاثة إنذارات متتالية على الأكثر لانخفاض معدله التراكمي عن (2.0 من 5 ، أو 1.0 من 4) ولمجلس الجامعة بناءً على توصية مجلس الكلية إعطاء فرصة رابعة لمن يُمكنه رفع معدله التراكمي بدراسته للمقررات المتاحة.
ب- إذا لم ينه متطلبات التخرج خلال مدة أقصاها نصف المدة المقررة لتخرجه علاوة على مدة البرنامج، ولمجلس الجامعة إعطاء فرصة استثنائية للطالب لإنهاء متطلبات التخرج بحد أقصى لا يتجاوز ضعف المدة الأصلية المحددة للتخرج.

يعني ان الحد الاعلى هو ست سنوات بمعنى 12 ترم وللجامعة الحق في منح استثناء يصل الى 8 سنوات وكثير من الطلاب وانا احدهم سنأخذ ترم تاسع ان شاء الله

[J O J O]

:3: اللهم لك الحمممممممممممممد...الله يعطيك العااااافيه ماقصرت
الف شكر عالرد اللي يريح:16:

[J O J O]

دودي؟؟؟؟؟

يختي شي لايحتمللللللل ... كرهت الانجليزي ومابعد بديت به

[دوَدي]

دودي؟؟؟؟؟

يختي شي لايحتمللللللل ... كرهت الانجليزي ومابعد بديت به

انا وش مخليني أأجلها من مستوى رابع ؟
بس يختي دامتس سجلتيها خلاص خلتس معي خن ندرسها ونخلص من همها ..
ولا شرايتس ؟

[حمني الشرقية]

السلام اخواني والله متوهق تخصصت انجليزي اول ترم :31:عطوني رايكم كيف استمر وابدع