مساعدتكم في كيفية المذاكرة [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : مساعدتكم في كيفية المذاكرة

سلطان الفهد

2013- 4- 7, 10:24 PM

السلام عليكم

يسعد ربي
صباحكم/مساكم
بكل فرح وسعادة

بحسب شغلي في ارامكو 12 ساعه
لمدة اسبوع كامل شفتات مره ليل ومره نهار

والبهذله اللي صارت معي قبل الاختبارات الترم الاول
وقبل اول اختبار طلعت بيوم وكانت النفسيه زفت
تعامل فاشل وغير مرن
وما ادري كيف تشجع ارامكو مواصلت الدراسة
وفيه عينات تصعب امورك حسد وخوف
انك تاخذ الشهادة وترجع وتصير احسن منه

المهم ما علينا
الترم الاول جبت معدل 2.6
وحاب ان شاء الله ارفعها
وقبول ارامكو الشهادة معدل 3.15

وابي رايكم في المذاكرة
وش المواد الاصعب
واذاكرها قبل الاختبارات
بالنسبه للمحاضرات صعبه اشوفها
عمل متعب ومجهد
وهل مذاكرة الاسئلة للاعوام السابقة مفيده
وياليت تفيدوني بالاسئلة السابقة

عارف كثرت عليكم الكلام
حبيت استشيركم واخذ برايكم
وشكرا لكل من مر من هنا

* آمل *

2013- 4- 7, 10:50 PM

الدكاتره تحلفو فينا هالترم الله يستر

لكن شد حيلك وكل امرك لربك وكثر صدقة

اما المواد عندك عقيدة وصحة وتقنية تقدر تستغني عن المحاضرات

اما الباقي الله يعينك يارب مالنا الاندعي لك تحتاج تتابع

سلطان الفهد

2013- 4- 7, 11:02 PM

وياك يارب
مشكووووره ع مرورك
بالنسبه لمشاهدة المحاضرات
صعبه اتابعها محاضرة محاضرة
والله يستر منهم
داخلين حرب يتحالفون علينا
الله يسهل الامور

* آمل *

2013- 4- 8, 12:07 AM

زي المحاسبة مظطر تتابعها علشان تفهم

طموووحه

2013- 4- 8, 02:09 AM

الله يسهل عليك .. وان شاء الله تجيب معدل عالي ..

‏M!$s JnoO

2013- 4- 8, 02:22 AM

3 مواد اذا هي معك لازم تحضر محاضراتها

محاسبه2_رياضيات2_اقتصاد كلي

من شان تفهم وش المطلوب بمحتوى المواد او ملخصاتهم أو انك تحط لك مدرس يشرح لك وتستغني عن متابعتهن..+لازم تشوف نماذج اختباراتهن حتى تعرف الطريقه الاسئله..

الباقي يعتمد ع الحفظ..

وإذا شغلك 12 ساعه لآزم يكون نومك 7 ساعات والخمس الساعات الباقيه للمذاكره

لاتستهين إذا تبي ترفع معدلك غمض عيونك ع هالشهر وربك يعينك ..

موفق :16: