الله يخليكم ساعدوني بترتيب جدولي ’ نخيتكم

[almassh]

السلام عليكم ورحمة الله وبركاته ..

ابغى مساعدتكم لي بصراحه ..


ابغى اعرف في المستوى الثاني وش المواد الفهم ؟؟؟ ووش المواد الحفظ ودسمه بنفس الوقت ؟؟


لااني ابغى ابدا اذاكر بس ابغى ارتب نفسي وجدولي .. وفيه مواد مافتحتها ولا ادري وش هوى دارها


انا الى الان ذاكرت النحو 2 وسمعت محاظراته وحليت مناقشاته والواجبين كلهم ..


وذاكرت الانقليزي كتابه بس 4 محاظرات وحليت الـ4 مناقشات والواجب الاول ..



وفيه مادتين انا ما اخذتهم اللي هي ( الاحصاء كنسلته و التذوق الادبي كنسلته بعد )


الحين المواد الباقيه كلها حفظ ؟؟؟؟ والا فيه فهم بعد ؟؟؟



الصراحه مره خايفه مابقى الا شهر ويالله يمدينا



ابي اعرف من وجهة نظركم وش اسهل المواد ووش اصعبها تنصحوني ابدا فيه


كيف مادة الانقليزي قرائه هل هي حفظ والا فهم ؟؟؟


بالنسبه لي في جدول الامتحان عندي مادة النحو فيه قبلها 3 ايام يمديني اذاكر فيها لااني حاذفه بالنص ماده ...



وماده اعلم الاجتماع فيه قبله 4 ايام بريك يمديني اذاكره فيها لااني حاذفه قبله ماده بعد...



البلاء في الايام اللي تحت بعض ذي مادري وش ابدا فيه ووش اخلي


تكفون ابي مساعدتكم ...


الترم هذا مره مقصصصره انا بصراحه لانه طار بسرعه بدون لا نحس والله انصدمت ان الامتحانات الشهر الجاي احسبها بشهر 7 تبدا



من التناحه الزايده .. والله كرهت نظام التعليم عن بعد لاانك تحس انك غريب


مو مثل الانتظام تعرف كل شي اول بأول


والله تمر اسابيع ولا ادري كم محاظره نزلت وولا وش اخذو الناس ووين وصلو ..



نظام سيء بصراحه انا احب المشاركه بكل شي .. بس نضام الدراسه النايم ذا ما احبه



عموما الغلط مني اولا واخيرا .. لكن فضفضه في قلبي اردت اخراجها ...


السؤال / وش المواد الحفظ ووش المواد الفهم ؟؟
سؤال / وش اصعب مواد الحفظ ووش اصعب مواد الفهم ؟؟
سؤال /وش المواد اللي مجبورين نشتري لها كتب ؟؟
وش المواد اللي نذاكر لها ملخص افضل من المحتوى ؟


يلا لااني رسمتخ جدول خطتي وباقي بس احط النقط ع الحروف ومن بكره ابدا


بس ببدا بالفهم اولا ثم الحفظ .. عشان كذا ابي مساعدتكم


ثم ببدا بالحفظ الاصعب الى الاسسهل

[اجمل طموح]

كلها سهله اصعب شي حذفتيه الاحصاء ومافيه كتب يحتاج تشتريها اللي يبغاله تركيز انجليزي قراءه ومبادء علم الاجتماع التجويد مو صعب هو يبغاله فهم بس الماده مودسمه الباقي سهل انجليزي كتابه كلها قواعد اخذناها الترم اللي راح
:16:بالتوفيق

[almassh]

وش المواد اللي اقدر اكتفي بالملخص او المحتوى دون الرجوووع للمحاظرات ؟؟؟؟


وشكرا على ردك الله يجزاك الفردوس الاعلى

[almassh]

وكيف مادة القرائه والمحادثه هل يحتاج مني متابعة المحاظرات للفهم والا الماده حفظ ؟؟ ف اكتفي بالمحتوى والملخص ؟؟؟ ماعندي اي فكره عن ذي الماده ...

[ميآآسين]

هلا بك خيتي
مافي حاجه صعبه والوقت باقي عليه خيتي ريحي بالك
بقولك جدولي يمكن تضحكين علي ههههه لكن هالخطوات اساسيه لجل تخليك تتلذذي بالمذاكره وتشتاقي لها
انا مخصصه لكل ماد 5 او اربع ايام (كل يوم 4 او 3 محاضرات واكتفي وان حسيتي مخك قادر يستوعب عطيه الخامسه
واستخدم هذه الطريقه للمذاكره
وافادتني بشكل ماكنت اتوقعه:

* اهم حاجه تروشي بمويه بارده واستخدمي جونسون للأستحمام ريحته تروق.
* حاولي تذاكري بنهار وان قدرتي صباح اروع واحلى.
* اجلسي بمكان نوافذه مفتوحه بس اذا عندك غبار زينا هههههه افتحي الستاير
* خلك ريلاكس ومبتسمه.
* المكان يكون مشغل فيه تكيف قبل بوقت عساس يكون بارد بس س مو مرره عشان ماتنامين هههههه,
* مههههههههههههههم جدا الأناره تكون بيضا.
*لوحدك بمكان هادي.
*بخري بـ عود (يريح ويهدي الأعصاب)او عطر يروق لك بس هادي زي ريحة الاطفال.
افتحي ملزمتك اكتبي فيها دعاء:
* اللهم اني اسألك فهم النبين وحفظ المرسلين والملائكة المقربين اللهم اجعل السنتنا عامره بذكرك وقلوبنا بخشيتك واسرارنا بطاعتك انك على كل شي قدير وحسبنا الله ونعم الوكيل)
و اللهم لاسهل الا ماجعلته سهلا وانت تجعل الصعب اذا شئت سهلا)
*كثري استغفار تسبيح تهليل بنية ربي يعينك ويساعدك
*اتكلي ع الله وافتحي لابك ع لمحاضره وحطي سماعات باذنك وابدأي استمعي وانتي بتبدين المرحله الأولى الي هي :
المرحلة الأولى :اسمها المسح الشامل وهي قرءة المحاضره بالكامل قراءه سريعه بدون تركيز او محاولة الحفظ (طبعا الغرض من هذه الطريقه هي احداث الفه بينك وبين الأوراق وهذا الشي في غاية الأهميه من الناحيه النفسيه)

المرحلة الثانية : مرحلة التلوين : تبدي تضعين خط ع العناوين الرئيسيه والفرعيه بلون هادئ يشرح الصدر والفقرات المهمه (طبعا هذه المرحلة تعرف بالأطار العام للمحاضره وتعطيه شيء من السيطره على معلومات المحاضره)

المرحلة الثالثه:مرحلة الأستيعاب البطيئ (تبدين تقرأين المحاضره ببطء وتروي وحبه حبه وتفهمين الكلام ولاتستعجلين ضروري تكون بطيئه بالقراءه في هذه المرحله)

المرحله الرابعه : ترجعين تسوين المرحلة الأولى الي هي المسح الشامل (الي تقرأين قراءه سريعه)
وتحاولين تكرررررين هالمراحل لين ماتحسي ان مخك ارتوى بالمعلومات بس بطريقه حلوه

بعطيك ملاحظه : مهمه
يقولك يا خيتي (مدمنين الطريقه الكلاسيكيه في الثانويه العامهوهي طريقة الحفظ التام والموت الزؤام) ومذاكرة الصفحه بالساعات وعدم الانتقال من الصفحه الا حفظها صم , لا يقتنعون بطريقة المسح الشامل .
لكن يقول علماء النفس ان المعلومات التي يحصلها الانسان ينساها خلال 10 ايام تقريبا حسب منحنى النسيان , وهذا طبيعي عند كل البشر مهما كن مستوى الحفظ لهذه المحاضره.
لكن طريقة المسح الشامل (تتميز بتوفير القليل من الوقت المجهود والاحتفاظ بالمعلومات لوقت طويل جدا وتجديدها)
وقد اثبتت الاحصائيات ان الذين يستعملون هذه الطريقه لا يقلون عن تقدير ممتاز خصوصا مع الكم الهائل الموجود في المحاضرات.
وحتى تفير طريقتك في المذاكره عليك بالصبر على التعوووووووووود والممارسه حتى تتتعود وتصير اسلوبك المفضل في مذاكرتك لجميع المواد بأذن الله.
معليش اطلت عليك
لكن كل هالكلام اساسي ومهم جدا
وماراح تجسي بأهميته الا اذا جربتيه
وخبريني كيف بتكون معك ..
اتمنى لك توفيق ويوم جميل مع هذا النظام اللطيف

في امان الله

موفقه يارب:29:

[الامل سر الحياء]

يقولك يا خيتي (مدمنين الطريقه الكلاسيكيه في الثانويه العامهوهي طريقة الحفظ التام والموت الزؤام) ومذاكرة الصفحه بالساعات وعدم الانتقال من الصفحه الا حفظها صم , لا يقتنعون بطريقة المسح الشامل .انا من هؤلاء :41:بس الجدول اول شى بدءت بي علم الاجتماع والفقه والنحو والاحصاء اصعب شى عندي علم الاجتماع والحين نسيت كل الا فيها بس الله المستعان:44:

[ميآآسين]

:29:ابدأي المواد الجايه بهذه الطريقه الرائعه

ودربك سهالات بأذن الله :21:

[ميآآسين]

بالنسبه للقراءه والمحادثه لسى مافتحته لكن اكيد يعتمد ع الفهم
ويحتاج منك متابعة الدكتور نفس ماقلت لك بالرد الي قبل ومهم جدا
والملخصات خذي من موضوع حقيبة فجر)بي يرفع قدرها وقدر من عاونها( الي بالمواضيع المثبته .
واكتفي فيه واتكلي ع الله ..

[الامل سر الحياء]

جزاك الله خير اختي ان شاء الله :16:

[almassh]

اللي استنتجته من كلامكم ان مواد الفهم هي ( النحو , والانقليزي قراءه , والانقليزي كتابه ) والباقي حفظ !!



وبخصوص طريقه المسح الشامل هذي افضل طريقه استخدمتها في مذاكرتي الترم الاول والله جبت اي بلس في اكثر من ماده فقط من هذه الطريقه الجميله

[ميآآسين]

بالاضافه ل التذوق الادبي احس يغلب عليه الفهم اكثر

:21::21:

[مريم الاسمري]

نتوكل ع الله انا من الرواقه اذاكر بالمطبخ لزوم التركيز ععععهههه

[almassh]

الان انا بدات بالتجويد لي يومين وهذا الثالث حليت كل المناقشات والواجبات حقته ..وسمعت المحاظرات من واحد الى 6 والان بديت ب 7 .. والماده مرررره سهله لولا ان الدكتور مثقلها وكلامه كثير يملل ويجيب النوم .

انا احب اخذ الزبده بدون كثرة حكي.. بس المحاظره مهمه لانها مليااانه امثله وعشان اعرف طريقة اسألته بالامتحان

[のя•Fάĵr]

^
اسئله الترم الماضي كلها احكام تجويديه من المحتوى وخارجه ، ضروري تفهميها ياعسل
وربي يوفقكم كلكم
~♡