جميع التخصصات استفتاء بخصوص اعظم مشكلة تواجه الطالبات في جامعة الدمام [الأرشيف] - ملتقى طلاب وطالبات جامعة الملك فيصل,جامعة الدمام

نودآ

2013- 4- 10, 03:13 PM

١- أقترح أن تكون هناك خاصيه تواصل بين الدكتور/ة و الطالبه
لإبلاغهم بـ الملاحظات او ان كانت المحاضرة ملغية و غيرها ..
٢- أماكن مخصصه ( للمذاكرة ) فقط < و اضع تحتها ألف خط أحمر (:
٣- القيام برحلات لأماكن تفيد الأقسام ( الطالبات خصوصاً ) ..
٤- تخصيص مُصلى في كلِ قسم ..
٥- التعامل مع شركات اطعمه صحية ، او السماح بدخول الأطعمه !
٦- مكتبة تصوير مجهزه كلياً تخدم الطالبه في طباعة ما تحتاجه ..

برتب اقتراحات أخرى / شكراً يا حبيبه :1:

خوووخة

2013- 4- 10, 04:12 PM

في مشكلة بس مو كبيرة يعني

اللي هي مفروض يحطون مكان مخصص للجزم اكرمكم الله عند المصلى
لانه منظر مو حلو كذا

Rana1991

2013- 4- 10, 04:34 PM

الي قالته نودا بالضبططط هو الي لازم يصير

والمفروض يحطون مكتبه للكتب خاصه لموادنا
مو حاله هذي ندور على بعض الكتب في المكتبات واحيانا مانلقى ننجبر نصور من بعض البنات الي هالكتب عندهم من كم سنه

المفروض اي دكتوره بتقرر هالكتاب تخبر المكتبه ينزلونه واذا مالقوه تغير الكتاب او تصور نسخ

ومشكله الجوالات الكاميرا اذا بيمنعونه علينا يالطالبات يمنعونه على الامن وموظفات الكافتيريا

وبالنسبه لنودا يوم تقول كل قسم له مصلى هذا اقل حق فينا مفروض من زمانن
واذا ماقدرو على الاقل كل قسمين في مصلئ

وفيه مشكلله اكبرر واكبرر عانيت منها هالسمستر
بالنسبه للدكاتره الرجال المفروض مايخلون اسئه الاختبار سوا فاينل او مد تيرم مقالي المفروض تكون موضوعي
اجل فيه دكتور يقول اذا زودتي على الكلام بنقصك 4 درجات !!!!!
المفروض موضوعي

شاكرره لك شيخه واتمنى اصواتنا توصلهم

نودآ

2013- 4- 10, 04:58 PM

^

أي دكتور يقول هالكلام ؟

شيخة البنات*

2013- 4- 10, 05:29 PM

أنا من رايي أشوف أكثر مشكلة تواجهني ومتعبتني ( المتطلباااااااااات ) :36:

ليآلي الانس

2013- 4- 10, 06:45 PM

وعليكم السلام ورحمة الله وبركاته ..

وأذا كتبنا كل مشاكلنا وحصرناها ... مع أنه للأسف لا حصر لها

هل بيتغير شيء ؟
هل بيوصل حتى صوتنا ؟

للأسف جامعتنا من أسوء الأنظمة ومن أكثر الجامعات ظلم
والطامة أن شهادتها :40:
صبراً جممميل ..

نودآ

2013- 4- 10, 07:19 PM

^

بيوصل ان شاء الله ، و أملنا كبير ان شاء الله
ومتفائلين جداً بالتغيرات اللي بتصير بإذن الواحد الأحد ()

u s e r

2013- 4- 10, 08:20 PM

^

ليش وش فيها شهادة جامعة الدمام ؟! :31:

علموني :39:

كاايري

2013- 4- 10, 08:25 PM

عدد الغيابات + الحرمااااان :33:

خوووخة

2013- 4- 10, 09:22 PM

ومشكلة الطرد لما تتأخر البنت عن المحاضرة

بعض الدكاترة ما يراعوون الظروف للأسف

she5ah

2013- 4- 11, 02:09 AM

Drop honey

2013- 4- 11, 08:06 AM

هناك بيروقراطية كبيرة مقيته
وظلم عياناً بياناً
لكن كلمة الحق هي الاعلى:3:

جوري2

2013- 4- 11, 09:50 AM

موضوع جد رائع استفدت منه كثير
كنت فاكره الجامعه نفس المدرسه بس الدرسه طلعت احلى من الجامعه
استفدت من الموضوع ان الجامعه تحط كل المسواليه على الطالبه
مرسي على الموضوع الرائع والماشاركات الاءوع

استغفرالله ق1

2013- 4- 11, 10:45 AM

انا قسم مكتبات اكثر شي مأزمني المحاضره 3 ساعات
ونص الوقت يروح والدكتور يضيع الوقت بكلام فاضي بس عشان يكمل 3 ساعات معنا
ويروح علي تسجيل المواد العامه بسبب هالمواد الطويله
يعني محاظرتي تبدأ 8 وتنتهي 10 ونص .. ما اقدر اسجل لي ماده عامه تبدأ 10 اضطر انتظر لين 12 عشان ادرس ماده ساعتين او ما سجل الماده بالاساس
ياليت يعني يقللون من وقت المحاظره 3 ساعات او يخلون مواد عامه تبدأ 11 مراعاة لطالبات قسمنا

خوووخة

2013- 4- 11, 12:07 PM

ترىبعض الاقسام يسوون رحلات
احنا جغرافيا وسووا لنا رحلة للعقير
وكمان سمعت بيسوون رحلة للربع الخالي والله ما امزح :6::42:
وكمان بالطيارة :3:
وعلم اجتماع كمان عندهم

she5ah

2013- 4- 11, 01:14 PM

عزيزآتي ..

مآهو رأيكم في نظام البيبول سوفت والبلاك بورد ؟؟

هل تؤيدين هذا النظام ؟

هل واجهتك مشكله في التعامل معه ؟

وكيف تمت معالجه المشكلة ؟

وماهي اقتراحاتك بالنسبة للموضوع ؟

فك وافك

2013- 4- 11, 01:31 PM

عزيزآتي ..

مآهو رأيكم في نظام البيبول سوفت والبلاك بورد ؟؟

هل تؤيدين هذا النظام ؟

هل واجهتك مشكله في التعامل معه ؟

وكيف تمت معالجه المشكلة ؟

وماهي اقتراحاتك بالنسبة للموضوع ؟

بصراحة هالانظمة مريحة بالذات البلاك بورد موفر علينا اشياء كثيرة يعني المحاضرات والواجبات والدرجات تنزل على الموقع مره مريح
وحتى البيبول سوفت لمن نسجل موادنا ونختار الي نبيه مره حلو ومريح
ولكن لكل شي حسناته ومساوئه يعني كثير بنات ماعندهم لاب توب ولا نت احس بيكونون مظلومين لان كثير دكاترة يختبرونا على البلاك وهذا ظلم لهم حتى احنا احيانا يعلق معنا ويروح علينا يعني اتمنى ما يكون اعتمادنا عليه يكون كلي
والبيبول سوفت نفس الشي
:16::16:

فك وافك

2013- 4- 11, 01:35 PM

مشكورين على تفاعلكم ..

وان شاء الله ..

جاري صياغة الموضوع ..

وأنا بصراحه ودي نركزز على موضوع معين ..

يعني أهم مشكلة أو شي يبونه البنات على الصعيد التعليمي والأكاديمي ..

أعجبتني فكره الرحلات لكن أعتبرها شي ترفيهي .. ومن باب أولى المطالبة بالضروريات ..

احنا بالنسبة لقسمنا يحتاج للرحلات لان يعطونا اشياء مانفهمها ابد وتحتاج تطبيق عملي حتى الدكاترة والدكتورات منزعجين من هالشي واحنا اللي ماكلينها

نرتقي بافكارنا

2013- 4- 11, 01:47 PM

البلاك بورد جدااا مريييح وموفر علينا كثيير من الوقت واحيانا حتى الكتب ممكن نستغني عنها والغالب تخلص الكتب الا متى ننتظر يوفرونها لنا يعني ممكن نستغني عنه حسب الظروف

ولاكن بعض الدكاتره ماينزلون عروض وانا اشوف ان بنات قسم التاريخ والدراسات تقريبا مدري عن العربي بس هذولا مره احس مو مستفيدين منه مع ان الدكاتره عندنا يقولون انه شي اجباري تفعيله من الجامعه والمواد العامه بعد وانا اشوف انه يساعد على االنجاح من بعد الله طبعا

يعني اذا هو شي اجباري خلاص المفروض يكون معتمد ع الجميييع

اما البيبول سوفت انا اشوف انه شي معقد مررره يعني المفروض لكل منطقه لها نظام خاص فيها الا متى نسجل مواد وتكون في مكان ثاني يعني احنا كيف نعرف يعني مو معقول نسجل الماده ونص الترم يقولون لنا ان الماده مو موجوده عندك طيب اللي انا مسجلتها وين راحت يعني انا اشوف انه معقد ولازم له حل:33:

ومشاكله كثيره يعني مو بس ذا الشي وبعد المفروض البنت يرفعون المستوى لها يعني اذا هي وصلت للمستوى السادس على اي اساس يخلونها الرابع يعني كيف تسجل موادها المفروض تسجل في نفس يوم مستواها بس ياجلونها ليومين او يوم وتتقفل عليها الشعب:32: ممررره صعبه وهي تكون تقريبا ناجحه بس هذا بعد لازم له حل

نودآ

2013- 4- 11, 02:00 PM

المشكله التي تواجهني و تواجه اغلب الطالبات هي " التعليق "
استغرب كثيراً أن يكون نظام ( البلاك بورد و البيبول سوفت ) جامعي يخدم الطالبات و غيرهن
أن تواجهه هذه المشاكل حيث أن المواقع الأخرى العاديه ، تتحمل عدد عالي جداً من الزوار و المسجلين
ولا يؤثر ذلك عليهم !

كذلك نحتاج الى دعم فني متفرغ للرد على المشاكل التي تواجهنا من تحديث و غيره ..

$ زازا $

2013- 4- 11, 02:43 PM

هناك بيروقراطية كبيرة مقيته
وظلم عياناً بياناً
لكن كلمة الحق هي الاعلى:3:

فعلا

she5ah

2013- 4- 11, 03:03 PM

البيروقراطية المقيته والنزعة المزاجية ..

أساسها المصالح الشخصية المرتبطة بالكادر التعليمي والإداري .. وهذا الشي سبق اني تكلمت فيه لما عانيته بين مكاتب كليتي العزيزة الا من رحم ربي !! ..

وهذا لن يتغير الا بإعادة تهيئة أماكن تلك الموظفات .. واحلال مكانهم ناس تستحق الوظيفة وتراعي سبب رزقها ..

لكن من خلال موضوعي هذا أنا أبي أستشف أرائكم كي أطرحها في موضوع لمجلة الجامعة ..

وحابه اني استغل الفرصة اللي أتيحت لي لصالح كل طالبات كليتي بالمقام الأول و لفت نظر المسؤليين بالمقام الثاني ..

:16:

غرور عزوز

2013- 4- 11, 05:36 PM

أحسنتي بطرح الموضوع

أولا : الكثير منا لديه مشاكل وخاصه أيام تسجيل مواد الترم الآول او الثاني (وهي موافقه مشرف + سالفه متطلب + المستوى الآكاديمي )

ثانيا : سياسه التسجيل بمعنى ( لمن يكون يوم السبت هو تسجيل لبنات المستوى الآعلى و على الفرضيه مستوى 7 - أجي أنا أو غيري ممن لا يسمح لها بـ التسجيل في هذا الوقت و أرتب جدولي و أحجز المواد بعربه التسوق بحيث لمن يصير وقت تسجيلي أسوي تأكيد و أنتهى )
^^ اللي أقصده هو وضع حد لمثل هذه التصرفات المعيقه .

ثالثا : المتطلبات فقد يكون لمادة 4 متطلبات * فـ اذا حملت 1 حُرمت من (2 و 3 و 4) المعنى من ذلك هو زيادة عدد سنوات الدراسه للطالبه :12::23:
^^ ياليييت يغيرون هالسياسه المتبعه :9:

رابعا : الآمن و مزاجها في مسك الطالبه أو غض النظر عنها + تفتيش الشنط الكبيرة مادري ليش :31:

خامسا : ياليت يتم وضع صرآفه بنك | لآن في بنات يعانون من سالفه نسيت مصروفي اليوم

سادسا : أستغلال فتره النشاط ليوم الاثنين بوضع الامتحان بحيث ان جميع الدكتورات تُأجل يوم أمتحان مادتها لهذا اليوم وبكذا نوصل لأيام المراجعه و احنا نختبر اختبار شهري :32:
^^ الحل وضع جدول من قبل رئيسات الاقسام .

نودآ

2013- 4- 11, 05:44 PM

^

بالنسبة للاقتراح الأخير تم تطبيقه في قسم تاريخ + علم اجتماع
و اتوقع بعض الاقسام الأخرى

خوووخة

2013- 4- 11, 06:14 PM

خامسا : ياليت يتم وضع صرآفه بنك | لآن في بنات يعانون من سالفه نسيت مصروفي اليوم

حلو هالاقتراح :21:

نس كآفيه

2013- 4- 11, 07:26 PM

وعليكم السلام ورحمة الله
موضوع جدآ مهم
1/ اجتماع يكون بين الطالبات ورئيسة القسم لطرح المشاكل, تسمع ارآئهم, أتوقع ماراح يأخذ وقت إذا كان وقت النشاط, ويكون الاجتماع في يوم مع احدى المستويات والأسبوع اللي بعده يكون للمستوى الآخر...إلخ
2/ مكتبة تابعه لكلية الاداب و "داخل المبنى"

لي عودة:16:

she5ah

2013- 4- 12, 02:13 AM

كل الأراء المقترحه جدا مهمه واحترم كل طلب ..

لكن الذي اشغل تفكيري فئة من الطالبات اللواتي يتركن دراستهن بمجرد انها صارت أم ..!!

من هذا المنطلق رآح أكتب موضوعي عن هذه المشكلة ..

الحضانه شي ضروري ولتكن بادرة جميلة من جامعتنا بإنشاء حضانه تتيح لطالباتها الدراسة براحه بال !!

تهمني أرائكم لاهنتم ..

هل ترين الموضوع يستحق المبادرة بطلبه ؟
وهل تعرفين أحد يواجه مشكلة من هذا النوع ؟
اذا لم تكوني مع الموضوع أذكري السبب ؟

:16:

she5ah

2013- 4- 12, 02:20 AM

والصرافة ..

جاي وقتها ..

مآحنا مخلين موضوع يعتب علينا بس بالأول نحدد اللي له أولوية أهم ..

حتى فكره النادي الرياضي ناقشوها قبل ونبي نعيد النقاش فيها ..

وأفكار كثيرة لاحصر لها .. لكن التغيير لا يأتي بين ليلة وضحاها !!

ونتمنى أن تتحول حال جامعتنا وتصير مضرب للمثل .. بخدمة الطالب اللتي لهذا الهدف وجدت ..

miss rawan

2013- 4- 12, 06:32 AM

بالنسبه لموضوع الصرافه العميده قالت بأخر لقاء معها انو راح يحطون لنا صرافه

Drop honey

2013- 4- 16, 06:51 PM

ترىبعض الاقسام يسوون رحلات
احنا جغرافيا وسووا لنا رحلة للعقير
وكمان سمعت بيسوون رحلة للربع الخالي والله ما امزح :6::42:
وكمان بالطيارة :3:
وعلم اجتماع كمان عندهم

حبيبتي نحن نذهب للتدريب وليس للترفية
التدريب مقرر يدرس مره كل عام حتى التخرج
وبه 100 درجة
للتوضيح ليس اكثر :16:

mareoma

2013- 4- 17, 08:00 PM

أكبر مشكلة بنسبة لنا أحنا بنات المكتبات
هي عدم توفر قاعات للمحاضرات لان القسم ماله مبنى خاص فيه فأدارة القسم تشحذ قاعات من الجغرافيا والعربي وحتى اختباراتنا تكون على حسب وجود القاعات
وفي محاضرات ناخذها في قاعة المناقشات لان مافي قاعات فاضية وقت المحاضرة

وبعدين ليه مافتحوا مكتبة التصوير بالاداب يعني اذا الوحده تبي شيء ضروري وتبي تصورة لازم تروح تطق مشوار للعلوم:36::38:
وفي مشاكل كثير لو بكتبها ماراح اخلص :24:

de11

2013- 4- 18, 01:29 PM

المشاكل كثير بالجامعة ومانشوف اي تغيير او حل للمشاكل

١- مشكلة تسجيل المواد واكتفاء الشعب لان بالاول يحطون اعداد قليلة وتجلسي تلحقي
وراهم من بداية التسجيل لمدة شهر
٢- الكفتيريا والاكل الوسخ ماهو نظيف اللي يجيب لنا نزلات معوية و المسئول عن الكلية
اللي رافض رفض تام ان الاكل يدخل الكلية بحجة كل شي متوفر للطالبة ( صراحة احسه استغلال يعني غصب نشتري من عندكم
الاكل اللي مو نظيف ونمرض عشان بس انتو تربحون وتستفيدون )
٣- اللواكر ليش مانعين اكثر من طالبة في لوكر وش لهم بالسالفة انا استأجرته ولي الحرية في التصرف فيه
يمكن صديقتي عندها ظروف مادية وماتقدر تستأجر لها واحد احنا مو مضايقين احد ولا ماخذين حق احد
٤- وقت النشاط اللي يخرب الجدول ولا له داعي لان البنات الاكثرية بس جالسه ملانه ولا يتمشون
والدكاترة كلهم يستغلون هذا الوقت في المحاضرات الزيادة وعليها حضور وغياب وفي الامتحانات
يعني كل ترم نخسر تسجيل مادة عشان ولا شي بس زيادة تعب علينا
٥- المناهج يحطون كمية كبيرة جدا ويضغطون علينا و غير الواجبات والكوزات والعروض و بالنهاية ياخذون حتى اسبوع اللي المفروض نذاكر فيه قبل الامتحانات النهائية ولا يرضون يخففون المنهج احنا بشر مو كمبيوترات عقولنا تستوعب كل هالمعلومات من كل المواد
وبالنهاية يصفونا بالاهمال ( اتكلم بالنسبة لقسمي مادري عن الباقي )
٦- تفضيل طالبات على طالبات و لعب بالدرجات وعدم انصاف الدكاتره و الشرح اللي لك الله فيه
والاسئلة التعقيديه وتوزيع الدرجات السيء وعدم قدرة بعض الدكاترة في التدريس يعني تجي لك دكتورة تدرس تخصص صعب
وتحسي مستواها تدرس ثانوي ولا تحضيري وبالنهاية تحملين المادة عندها
٧- اخذ وقت المحاضرة بالكامل مع الربع ساعه اللي لنا اللي تخلينا يادوب نروح المحاضرة الثانية وبعدها ننطرد من المحاضرة
يعني التزمي بوقتك لا تضيقين علينا
٨- المتطلباااااات اللي تأخرنا عن الدراسة ومايسمحون لنا بالتسجيلهم وبعدين يحددون سنوات الدراسة فقط ٦ سنوات وبعدين تنطردي
ليش يعني هذا الظلم
٩- المكافأت القليلة واللي تنقطع بعد ٤ سنوات و الكتب الجامعة اللي تكلف كثير خاصة كتبنا الانجليزي غاااالية بالمره
يعني ١٠٠ وطالع الكتاب الواحد وغير الملازم اللي نشتريهم من الكوبي سنتر هالترن عندي مادة الدكتور طالب كتابين
والواحد على ٢٠٠ وشوي وثنيهم وصلوا ٥٠٠ مو معقولة صراحة عندنا تكايف ثانية غير الكتب طيب

هذا قطرة من بحر ولو كملت ماراح اخلص
ولا راح استفيد شي *

sigh

2013- 4- 18, 09:14 PM

اول مشكلة اواجهها هي عدم وجود حضانة احط فيها ولدي
الحين انا بنقل من بيتي و الترم الثاني مدري وين بحطه لاني الحين احطه عند جارتي

و مشكلة المكافات اللي تتاخر واللي تنقطع بعد 4 سنوات
في ناس كثير يحتاجوا المكافاة والله اعلم بيصروفوا منها على بيوتهم واهاليهم
و طبعا كتب الجامعه معروف انها غالية فالطالبة تحتاج المكافاة حتى لو يعطونا نص المبلغ على الاقل نشتري فيها الكتب

ومشكلة المتطلبات والتسجيل اللي نتبهدل فيه كل ترم
ونتاخر بسبب التسجيل والمتطلبات واخر شئ يقيدونا ب 6 سنوات حسبي الله ونعم الوكيل

ومشكلة التصوير والطباعه

خوووخة

2013- 4- 18, 11:55 PM

مشكلة أسعار الكافتيريا المتزايدة

mannamy

2013- 4- 19, 03:41 PM

ما فيه نظام!
أكبر شيء ينرفزني ومسبب لي مشاكل لما أسجّل المادة عند دكتورة معينة وفجأة على كيفهم ألقاهم مغيرين شعبتنا ويرمونا عند دكتورة ثانية!
على أي أساس مختارة شعبتي يعني؟! :/
+
مشاكل البيبول سوفت اللي ما تنتهي!

متى أتخرج وأفتك من هالكلية بس~

sσќɑ̝ян

2013- 4- 19, 04:09 PM

بنآت يعني لو احنآ تكلمنآ وتكلمنا بيتغير شى ؟

آنآ مو قصدي آحطمكم .. بس هل فيه احد رآح يقرآ كلآمنآ ويعبرنآ ؟

ولا هالموضوع زي اي موضوع ثآني .. نتنآقش فيه وخلآص ويتسكر الموضوع

ي ليت بسس كل هالكلام اللي بهالموضوع يوصل للعميدهه ..

اتمنى كل كلمه كتبتوهآ م تروح عبث

اتمنى ـآآ .. :16:

tooma9

2013- 4- 19, 07:46 PM

1- المتطلبات (البحووووث) يطلبون بحث تعجيزي يعنني مستحيل ياطالبة تاخذين الدرجه كامله بالبحث طيب استبدلوه بشي ثاني اخف يكفي الاختبارات اللي ماتخلص
2- الاكل الكافتيرياااا مرره خاايس وموصحيه ابد مفروض يسمحون لنا ندخل الاكل اذ مايبون يتعاملون مع مطاعم اكلها صحي
3- المصلى مفروض يخصصون مبنى للمصلى ويكون بالدور الارضي وكبييير و يشمل مغاسل ومصلى انا اشوف فيه مساحات كبيره بسس يكون قريب مو مثل اللواكر حاطينها بقلعة وادرين :25:

حصةناصر

2013- 4- 19, 07:48 PM

1- أقترح أن تكون هناك خاصيه تواصل بين الدكتور/ة و الطالبه
لإبلاغهم بـ الملاحظات او ان كانت المحاضرة ملغية و غيرها ..
2- أماكن مخصصه ( للمذاكرة ) فقط < و اضع تحتها ألف خط أحمر (:
3- القيام برحلات لأماكن تفيد الأقسام ( الطالبات خصوصاً ) ..
4- تخصيص مُصلى في كلِ قسم ..
5- التعامل مع شركات اطعمه صحية ، او السماح بدخول الأطعمه !
6- مكتبة تصوير مجهزه كلياً تخدم الطالبه في طباعة ما تحتاجه ..

برتب اقتراحات أخرى / شكراً يا حبيبه :1:

:21::21::21::21::21::21::21::21::21::21::21::21::2 1::21::21:

حصةناصر

2013- 4- 19, 08:19 PM

اكثر شي زاعجنننني
سالفة المتطلبااااااااااااااااات :12::12:

تجيك كل مادة متطلب لغيرها ثلاث او اربع مواد ويالله خذيلك من هالسنوات بالجامعه

واقترح عليهم مثل اغلب الجامعات ينزلون كل المواد بالسمستر الواحد ( طبعا بعد ماينقصون عدد المواد )
والطالبة تختار اللي يناسب جدولها
مو معقولة يعني اخر سنة راح انزل مادتين بالسمستر الاول ومادتين بالسمستر الثاني

وما يرفع ضغطي الا هالموظقات تسالهم عن حاجه يردون عليك من طرف خشمهم
ليه طيب ؟؟؟!!!!!وطبعا جوابهم (مادري ) اذا انتم ماتدرون مين اللي يدري اجل
وشوف عاد مين بيخلص لك شغلك
كل مكتب يقولون احنا مومسؤولين !!

وياحبذا لو كانت فيه حضانة بترررريح كثير من الطالبات بحكم ان الاغلبية متزوجين ما شاء الله

بيشو دحوم

2013- 4- 19, 10:04 PM

اقتراحاتكم موفقه بنات
شيخة نبراس وقدوة للهمة والايجابيه
دعواتي لك ولكل مبادرة اتبعت نهجك:1::16::43:

تعليقي على نقطتين خارجية قليلا

1- للبنات اللي اقترحوا ومتفائلين ومتوكلين على الله ربي يحقق املكم يارب تاكدوا مستحيل تروح مطالبكم طالما عندكم هدف واضح وهو التغير والاصلاح :21:

2- البنات اللي متشائمين صراحة بديت انزعج كثير من كلامكم اللي بكل مكان اسمعه
بنات بقولكم شي لما يفتح موضوع وتطرح مبادرة كونوا اصحاب همه وبادروا
على الاقل ان لم ننال مطالبنا فليكن لنا شرف المحاولة
انتم شووفوا التغير والتقدم اللي قاعد يصير خلال هالخمس سنين الاخيره التغيرات كبيرة وملحوظه
لم نصل للمستوى المرجو والمطلوب ومازلنا نحتاج لكثير من العمل ولكن تقدمنا خطوة وهاالخطوة هي
ان صوتنا بدا يسمع والحين فرصتنا نوصل مطالبنا

طولت بكلامي بس جد ودي نحدث تغيير يذكر بدال التذمر :40:

Girl aware

2013- 4- 20, 01:39 AM

بنات الجامعة جزء لايتجزأ من نسيج الوطن وهم الدعامة الأساسية للمستقبل و أصـبح لهـم دور إيجابى فى التغيير والمطالبة دون خوف بحقوقهم فى الحصول على تعليم أفضل ... وفى جامعة ان شاء الله سـ نتنفس عبير الحرية ..

نعم للتغييــر ,,.

sσќɑ̝ян

2013- 4- 20, 08:51 PM

عالمي حلو

2013- 4- 20, 09:00 PM

السلام عليكم ورحمة الله
جزاك الله خير يا شيخة
التغيير ما رح يصير الا اذا تحركنا ونادينا عن حقوقنا
الجامعة لها ميزانية من الدولة في وصول بلجامعة الى الافضل وبذالك تصل اعتماد ,
مكتب الجودة له قدرة كبير في حل المشاكلنا لو استغلتة .

غرور عزوز

2013- 4- 20, 09:39 PM

يسعد مساكم
وهذا ثاني رد لي بهالموضوع - عندي أمل بتنفيذ ما قيل و ما سيُقال :42:

أبداء بالحمد والصلآه والسلآم عَ رسول الله .

1- سالفة ( بحث + واجب + ورقة عمل + مشاركه داخل المحاضرة وتكون بسوال عَ البلاك بورد ) ترا كل هذا بمادة وحدة * حابة أفهم هل هي مفكرة أن بس مادتها مسجله :30:

2- دكاترة الشبكه و خاصه الدكتور ...........* كنت حابه أذكر أسمه لكن الشكوى لله
أول شي صار مقارنه أجابه الطالبات لنموذج من الآجابه النموذجيه .
ثانيا وصلت معاه المرحلة من عدم الآحساس بـ إن يتم وضع 1ونص من 30 وهذا ما حصل
ثالثاً رفضَ بـ إن يعمل إمتحان مساعد لمن حصلت على نص الدرجه وماتحت
رابعاً أحباط البنات بعد الدرجات حتى قالت أحدهن أنا لن أنجح :36:

3- الصيفي من حيث مواعيد الامتحانات بأنها تكون تكون في العشر الآواخر << مرفوض :25:

4- نطالب بساعات إضافيه لآتقل عن 4 ساعات للطالبة الخريجه

5- وضع مصلى + مغاسل و تكون بالساحه التي أمام الطبيبة - والله أشوف بنات يصلون فيها لآن محد يجي هالمكان الآ القليل - يُستغل بذلك أحسن وبالنسبة للمغاسل تكون بالساحه التي أمام البوابه لهذا المكان

6- سالفه أسجل عند دكتورة وبعد أسبوعين يقولون لآ أنتم مع شعبه الدكتور :20: أي دكتور يَ ماما و أنا مسجله عندك :32::32:

7- النظافة وخاصة في بعض الاقسام هناك الروائح الكريهه :4::4: - وينهم عنها مادري

8- المطالبة بجدول من القسم للأختبارات الشهرية - للحد من التسيب الواضح لدرجه أن الامتحانات ماراح تخلص الا لحد مايكون باقي ع النهائيه أسبوعيييين :32::32::32::32::32::32::32::32:

أخر شي و أختم بعد

9- الكفتيريا - قسم بالله كبودنا حامت من هالأكل كل يوم نفس الشي % ياخي غيرو هالمطاعم :20::20:
التنويع حلووو - مثلا هاتو مطعم هرفي و بسمتي و تاكو هات و غيروا من المعجنات الي نصها عجين هاتووو مثلا بابا خباز والأ درة الآرياف و الأ سنابل الشرقية
و بالنسبة لدربي كافية غيروو وهاتو ستار بوكس والله ألذ و أطعم منه :17:
وبالنسبة للي جنبه مدري شتحس فية - من الزحمه إحيانا الذرة قاسية و غير كذا الكوب غالبيته موية :41::41::41:

خوووخة

2013- 4- 20, 10:01 PM

في مشكلة بس مو كبيرة يعني

اللي هي مفروض يحطون مكان مخصص للجزم اكرمكم الله عند المصلى
لانه منظر مو حلو كذا

انحلت المشكلة :)
اليوم شفتهم حاطين

توتو2010

2013- 4- 22, 09:54 PM

من المشاكل اللي يعانونها اكثر البنات وانا اولهم مشكلة ساعات المعدل و تسجيل المواد نبغى ترجع زي قبل اننا نسجل مواد الترم كامل من غير تدخل اللمعدل لان هذا ياثر على تخرجنا اولا وعلى طول المدة الدراسية بالجامعه يعني ماينفع اذا جيت اتخرج ادرس ترم كامل زيادة عشان 3مواد او مادتين وغير كذا ممكن تزيد سنوات الدراسة وتخلص وهم ماتخرجو عشان المعدل :26:؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

ثاني شي المكافات لازم تمشي الى ان نتخرج وماتوقف عشان المعدل دام فيه فصل من الجامعه عشان المعدل خلاص يمشونها وحتى مضي الاربع سنوات يعني بعدها بنشتري الكتب والمتطلبات ببلاش مثلا اذا انا عندي الحمدلله غيري ماعندهم الواحد ماينظر لنفسه وبس لازم يشوف غيره ويحس فيهم
؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!

ثالثا الصيفي لازم ينزلون 3مواد لكل قسم اجباري ينزلون مو بس تحضيري :36:عشان تخف علينا المواد :40:الجامعات بالكثير 6مواد لكل ترم وجامعتنا 10:5aga: والاختبار يخلون باول اسبوع من رمضان :oao:

لي رجعه :28:

Ms.joOle

2013- 4- 23, 06:14 AM

الظلللللللللللللللللللللللللم ابد مافيه عدل

victory ..

2013- 4- 23, 08:36 PM

الاجهزة والمعامل يبيلها تغيير جذري
وبما ان احنا جغرافيا ونظم المعلومات عندنا مشكلة الاجهزة وتوفير برنامج جي اي اس الي نشتغل عليها !
نبغى اجهزة متطورة وياليت ماتكون اجهزة مكتبية
ونبغى برنامج الجي اي اس توفره الكلية لكل طالبات الجغرافيا ونظم المعلومات الجغرافية لأن سعره غالي ..

وفيه شي يضايقني كثير الي هو " الغبــــار " وخصوصا في المعامل ..

اقترح يرجعون الكراسي القديمة الي في الصالة لأن م عاد فيه مكان نجلس فيه وقت البريك اذا الكلاسات الامن يطلعونا منها !

واقترح تكون لنا مكتبة لتصوير والطباعة ...الخ خاصة فقط في جامعة الدمام مو كل م صارت مشكلة بين الشركة وبين الجامعة سكروها واحنا الضحية ..

اقترح وضع دورات اجبارية لاعضاء هيئة التدريس تدريبية للبلاك بورد لأن فيه منهم كبار ب السن ومايعرفون له كثير

أقتررررح تخصيص المهام الإدارية مو كل شي نبيه نروح لشؤون !
مثلا : لازم يكون فيه اخصائيات في برنامج البلاك بورد ..
ولازم يكون فيه اخصائيات لبرنامج البيبول سوفت ..
لأن اكثر مشاكل الطالبات تكون بفترة التسجيل مع البيبول سوفت
او وقت الدراسة مع البلاك بورد..

أقترح وضع مكتبة في مكان معزول بعيد عن الازعاج مثل مكان الكافتيريا تعبنا واحنا نروح للعلوم ..

أقترح الغاء نظام الاسئلة الموحدة لأن للاسف طريقة التدريس تحتلف من دكتور لدكتور أو اجبار الدكاترة على توحيد طريقة التدريس م تكفي الخطة الدراسية لابد من الشرح من عروض بوربوينت موحدة على جميع الدكاترة يعني رئيسة القسم تاخذ الخطة الدراسية وتوزعها بين الدكاترة وكل دكتور يسوي المحاضرات الفلانية عرض بوربوينت وجميع الدكاترة يشرحون من هذه العروض ويضعون الاسئلة من هذه العروض وبكيذا حلينا المشكلة ..

أقترح تسوون لنا قاعة زي قاعة الأميرة جواهر في الأداب ..

أقترح عدم إيقاف المكافأة لطالبة التي لم تتخرج بعد اربع سنوات , وبرضو يزيدون لنا المكافأة مع غلاء الاسعار المفروض يراعون هذا الشي ..

أخر اقتراح .. عدم حساب المعدل من السنة التحضيرية مثل باقي الجامعات ..

وأن شا الله أتممممممنى تنفذ هذي الاقتراحات للارتقاء وتدارك المشكلات وشاكره للي مهتم في هذا الموضوع

جامعة الاداب

2013- 4- 26, 11:22 AM

سلام عليكم بنات بصراحه الموضوع مره مهم واشكر شيخه على هالموضوع المهم
انا راح اتكلم عن مشاكلي عن نفسي يمكن هالمشاكل تعتبر صغيره بنظر غيري ولاكنها بنسبالي كبيره
اولا عندي مشكلة المعدل ليش لازم الطالبه تاخذ معدل فوق 2 عشان اتكمل مسيرتها التعليميه وتاخذ المكافاه طيب عادي حتى لو ماجابت معدل 2 يمكن هذي قدراتها وهذا عقلها وربي ماخلقنا كلنا سواسيه في الحفظ والمذاكره وهذي الاشياء
ثانيا حرام يقطعون المكافاه على وحده اذا جابت معدل اقل من 2 لان في بنات محتاجينها على الاقل يعطونها نص المبلغ او ربع المبلغ كل شهر وهذا شي اكيد ماراح يضرهم
ثالثا الانذارات وش الهدف منها وانا زي ماقلتلكم من قبل هذا الشي يتعلق بالطالبه وقدراتها
رابعا البخل في الدر جات ذلحين الطالبه اتسلم كل واجباتها اول باول وبحوثها اول باول بس اللهم قدراتها في الحفظ والمذاكره ماهي عاليه ليش ترسب في الماده عشان اختبار ليش مايكون في عدل على الاقل اتقدر ان هذي الطالبه طول السمستر حاضره ولا مره غابت الا لسبب ضروري وواجباتها وبحوثها ماشاءالله كامله باحسن اداء ليش مايناخذ بعين الاعتبار وتنجح الطالبه وربي ان في بنات اعرفهم حظورهم عدم وياخذون انذار وواجباتهم وبحوثهم ما اتسويها الا نهاية موعد التسليم ومع كل هذا ناجحه يعني في فرق في المذاكره وقدره العقل
خامسا كثره المتطلبات وكثره الحفظ ودسامة الماده وغير كذا نشتري كتاب ولانفهم منه شي لانه دش ومافي اشياء واضحه ليش ماينزلون اساله مهمه في البلاك بورد ويسوون مراجعه مهمه تتضمن اساله واشياء تفيد الطالبه وقت الاختبار
سادسا الغاء المحاضره بوقت مفاجئ يعني مثلا تكون الطالبه ماعندها الا ذي المحاضره واتداوم وبالاخير ملغيه حرام كذا خاصه ان البعض يكونون من الجبيل او غيرها
سابعا ضغط الاختبارات في اعمال السنه والاختبارات النهائيه ياليت يكون بين كل ماده وماده يومين او ثلاث خاصه ان بعض المواد لها كتابين فهذا يبغالها اكثر جهد ووقت للمذاكره خاصه مواد الدين العامه او التخصص او على الاقل يكون جزئية اختبار اعمال السنه ملغيه في النهائيه او مثلا اتكون موضوعيه كذا بيكون اسهل للمذاكره
وبس اتمنى للكليه دوام التغير والنجاح :1::1: