نداء لجميع زملائي .. وزميلاتي [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : نداء لجميع زملائي .. وزميلاتي

طالبة متوهقه

2013- 4- 11, 03:26 AM

السلام عليكم ورحمة الله وبركاته ..

ابشركم انا بخير الحمد لله .. بس عندي شور وودي اخذ رايكم فيه

انا الى الان ماسويت شيء اش رايكم اسحب على الترم والا اش اسوي مع العلم ان موادي كتالي

قضايا ثقافيه

حضاره اسلاميه

ادب عصر النهضه

نظريه الترجمه

قواعد منظومه نحويه

أنشاء 2

نثر

ظهور الروايه

والله مو تحبيط لكم ولا لنفسي بس ماني عارفه اش اسوي ..

معاي انتظر ردودكم وخبراتكم الى بكره اليل وبعدها الله يوفق الجميع ويسهل لي .. واتخذ قراراي

Man in light

2013- 4- 11, 04:26 AM

وعليكم السلام والرحمه

حياك اختي
اذا اشغالك انتهت وعندك وقت تذاكرين من الحين انا اشوف انه معك وقت وزياده
وكثير اللي ما بدو مذاكره للحين

باقي تقريبا شهر عالاختبارات :21:

BIGM!$$!N

2013- 4- 11, 04:26 AM

حتى انا ودي انسحب من الترم بأكمله
مع العلم ذاكرت بعض المحاضرا ت وماده بأكملها وحملت وحليت الواجبات وخلصت المناقشات
لكن اشعر ببرووووود

وزيرة

2013- 4- 11, 02:06 PM

ليش كـذا بنـات لاعاد خرعتوني من صجكم !؟ :4:
أنـا شقول !؟ كنت حـاطه جدول للمـذاكرة وجـات الحفريـات وحـاسوا أم الجدول الكهربا كـل شوي تفصل ضيعوا علي أيـام بلووووشي !؟
لدرجـة كـل مــاطفت الكهربـا أقول لأبوي سجـل عندك مـادة للأنسحـاب وهو يقول شنسوي أمرنـا لله :biggrin::004:
بس مع ذلك الإنسحاب مستحيل أفكر فيه بحط خطة طوارئ وأمري لله !؟
مو من صجكم !؟
طالبة جدولـج معقول لافيه مقال ولا صوتيات !؟
فكري زين
أنـا مـا أقدر أقولـج لاتنسحبين ولا أنسحبي أنتي أبخص بنفسج بس أن كـانت هـذي أسبابج موب مقنعة للأنسحـاب !؟
ترا يمدي والله يمـدي شوية تكته وترتيب وقت ويمدي بإذن الواحد الأحد !؟ :21:

ﭴٱمـ؏ـيہ,فۑڝڵيہ

2013- 4- 11, 03:28 PM

من جدك انتي ؟؟ الاغلبيه توهم يستوعبون ويبتدون
انا ابتديت من الاسبوع اللي راح جديا
ومن بداية السمستر بس تحميل محاضرات واحل واجبات ومناقشات

واغلب موادك لمستوى رابع وانا مستوى رابع مابتديت الا قبل شهر حكم

والحمدلله عديتها سلام سلام

بس انتي رتبي امورك واستعدي , ويمديك ونص

طالبة متوهقه

2013- 4- 11, 03:45 PM

الله يوفقكم جميعا ويخليكم الانسحاب مافكرت فيه ولا بفكر فيه بس كنت ابغى شوية تشجيع منكم

وان شاء الله اكون قدها ان شاء الله بالفعل انتهت اشغالي وبحاول ارتب وقتي وانضم جدول لي بس الي عنده طريقه

او حلول لا يبخل علينا حفظكم الله جميعا احبتي ..

وزيرة

2013- 4- 11, 04:00 PM

الحضـارة والثقافة إذا يمديج خلصيهم في يوم أو ذاكري نصهم والنص الباقي خليه ليوم الأختبار هم مواد عربي يمديج فيهم بقية المواد لكـل مـادة متوسطـة خلي لهـا 3 أيام والمواد الصعيبـة 4 أيـام
إذا تلتزمين يمديج باالرااااااااحـة بإذن الله
طبعاً لو تحبين تجلسين الصباح 9 أو 8 وتنامين 11 أو 10 الليل !؟
أبداً ماأنصحج بنظام السهررر
تسمعين المحاضرات أول وعندج الملزمة وتخطيييط عقب تخلصين المحاضرات اللي محدده تخلصينهم لو قلنـا مثلاً 3 محاضرات في اليوم !؟ بقية اليوم تدهرييين في المذاكرة
الصج أن الكلام سهل بس الفعل صعب
بس أن شاء الله أنج قدهـا :27:

طالبة متوهقه

2013- 4- 12, 12:56 AM

الله يحفظش اختي ويبارك فيش انا بالفعل ماحب السهر واذاكر دائما من ست الصباح الى اذان الظهر وباقي

اليوم اجلس مع اخواني واهلي .. وانام متعوده الساعه عشره ..ان شاء الله ابدا من بكره الجمعه وابشرك بالنتيجه

انتي وجميع الزملاء والاهل .. من جد احبكم احبكم احبكم .. الله يحفظطك ويبارك فيكم جميعا ..

تخطيت السحاب

2013- 4- 12, 04:34 PM

الانسحاب مهرب الضعفاء
وانتي ليست ضعيفة
باقي شهر بالتمام
ذاكري وان شاء الله تجيبين درجة حلوة
خليك قوية يافتاه
be strong girl:19::19::19:

حلم قلب

2013- 4- 12, 04:47 PM

لالا كلنا تقريبا نفس الوضع بس الحين بدا الجد وبيمدينا ان شاء الله:19:

حلم قلب

2013- 4- 12, 04:48 PM

عاد نسيت اقول شي انا موادي هالترم كلللللها صعبة ودسممممممممممممه وغثيثة وتجيب المغص بس غصب تسهل ان شاء الله

طالبة متوهقه

2013- 4- 13, 01:07 AM

بارك الله فيكم كلكم زملائي الاعزاء الله يحفظكم

المكافح 77

2013- 4- 13, 01:44 PM

البرود كلنا حاسين به لكن يمكن مع الحر نبدا نذاكر هههههههههههههههههههههه
وان شاء الله نعدي كلنا ونخلص ونتخرج