سؤال مهم عن المذاكره ارجو الدخول من الجميع [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : سؤال مهم عن المذاكره ارجو الدخول من الجميع

mr.msm

2013- 4- 12, 05:28 PM

هلا اخواني

طبعا ما بقي على الاختبارات الا 27 يوم يعني الي ما بدا مذاكره لازم يبدا لان ما بقي شي

بنسبه لي انا قد بديت الحمدلله من فتره المذاكره

لاكن ما ادري احس اني مو فاهم مره يعني احس فيه شي خطا هل هو في مذاكرتي ولا في ايش ما ادري

الحين انا بقولكم طريقة مذاكرتي انا افتح المحاضره الي منزلها و ابدا اشوف الدكتور وهو يشرح و اكتب النقاط الي موجوده في المحاضره و ابد اذاكرها هذي هي طريقة مذاكرتي

طبعا ما شريت الكتاب ولا شي لان كثير او الاغلب يقولون مو لازم الكتاب ؟؟؟؟؟؟؟؟؟

و فيه بعض الناس يذاكرون من ملخصات ؟؟؟؟؟؟

انا مدري وش الوضع لكل شخص طريقته احترنا صراحه ؟؟؟

يعني ابي افهم قبل ضياع الوقت لان هذي اخر فرصه ممكن ان الواحد يبدا فيها

ابي احد يقولوي الحين وش الوضع هل نذاكر من كتاب ولا من المحاضره نفسها نلخصها بأنفسنا

ولا فيه ملخصات جاهزه و تباع ؟؟؟

اذا فيه هذي الملخصات و مضمونه 100% احد يقولي وينها فيه وين تنباع ؟؟ انا من الرياض ابي احد يدلني تكفون

لان الوضع فيه شوية حوسه

ابي الي يدخل يجاوبني على هذي النقاط ضروري علشان مو بس انا الي استفيد حتى الي ما بدو في المذاكره

النقاط هي

نذاكر من ايش ؟؟

- كتاب

- المحاضره نشوفها و نلخص الكلام و شرح الدكتور و نفهم منه

- ملخصات تنباع في السوق (( وهل هي مضمونه و وين تنباع في الرياض ))

========

استفسار اخر خارج الموضوع

انا من الناس الي اتابع :21:العضوه افنان:21: و اذا هي تقرا الموضوع الان اقولها : الان في مواضيعك ما شاء الله:21: منزله حلول الواجبات كامله و المناقشات 12 مع العلم ان المناقشات للحين ما نزلت الا 11 و الواجبات للحين 2 و انتي منزله 3 فبديت انا اشك بنفسي:42: ان جهازي خرف ولا نزل باقي الاشياء من محاضرات و غيرها اتمنى القي الرد

========

وشو الشي الي موجود مع كل محاضره اسمه (( محتوى المحاضره )) و وش فايدته ؟؟ لاني ما حملته هل هو شي مهو و نذاكر منه ولا كيف اتمنى احد يشرح اسألتي كلها بشكل واضح و كامل

========

بنسبه لجدول الاختبارات وش وضعه ممكن احد ينزل الجدول

========

في انتظار اجبتكم

♛افنان الشهري♛

2013- 4- 12, 05:42 PM

اخوووي مذآكرتك صصصح :21:

بس في محتويات مع كل محآآضره هذي زي الملخص الي احنا اشترينآآه :34::2:

اذآ تبي ملخصات من مكتبةة صدى الحروف في الريآآض :21:

بس افضضل انك تبقى ع المحتويات وانآآ بعد انآ خليت الملخصات ع ججنب وخذيت المحتويات :21::29:

واذآ تبي المحتويات نزلتها في موضوعي المثبت اسمه جميع المحاضرات من 1 الي 14 روح صفحةة 3 & 4 تلقى المحتويات هنآآآآآآك :21:

وذآآكر من الوآجبآت لانها مهممه :34:

اما عن سآلفةة موضوعي المناقشات والواجبات انا نزلتها كلهاا عششان بعدين اذا نززل واجب او مناقششه م تجلسوون تحوسون , ولآ جهآزك مو مخرف م فيه الا العافيه :14::21:

موفق :16:

♛افنان الشهري♛

2013- 4- 12, 05:45 PM

http://entsab.org/up/uploads/***********13583629921.png

هههذآ الجدول ترآ قآبل للتغير خلك متآبع الملتقى لان لو تغيير رح ننزله هنآ :21:

أم دانه 1

2013- 4- 12, 05:57 PM

دامك تفتح المحاضرات وتكتب مع الدكتور اتوقع خلاص كذا كفايه لأن المحتويات والملخصات هي عباره عن اللي يقوله الدكتور ويشرحه

فشي حلو ماشاء الله انك تكتب

الواجبات والمناقشات منزلتها افنان كلها لأنها هي نفسها حقت الاعوام السابقه فخلاص ريحتنا ونزلتها كلها فكل مانزل شي جديد تروح لموضوعها وتحل

ربي يوفقك ويوفق اخوانا المسلمين اجمعين

بدر الذيابي

2013- 4- 12, 06:06 PM

اخي العزيز :
يجب عليك متابعة كل محاضره وان يكون ملخص كل محاضره يجب ان يكون بين يديك وتتسمع للمحاضره وتكتب ملاحظاتك على الملخص اذا يوجد شيء غير واضح في الملخص او تشرح اللي غير واضح على حسب فهمك له.
الملخصات هي :
1- الاداره : ملخص طموح شايب

2-الاقتصاد الجزئي : ملخص ابو عمر

3-القانون : ملخص طموح شايب

4- المحاسبه : ملخص محمد ابو موزه

5- الرياضيات : ملخص عبود

مع العلم بانه يوجد بعض الاخطاء في الملخصات سوف تكتشفها انت بنفسك اثناء متابعة المحاضرات وتعدلها بنفسك على الملخص .

مع تمنياتي لي ولكم بالتوفيق

أشواااااق

2013- 4- 12, 09:15 PM

*محتوى المحاضره هي نفسها الملخصات اللي يسووها الأعضاء بس بشكل منسّق
واسئله الإختبار م بتطلع منها ( يعني كل الكلام إللي يقوله الدكتور بالمحاضره مكتوب فيها )
وأعتمد عليها بشكل كلي بالمذاكره

-

الملخصات خذ أساميها من الملتقى وراح تلاقيها بالمكتبات
مثلا الرياضيات ملخص عبود , الجزئي ملخص طموح , الإداره والقانون ملخص هتان , المحاسبه ملخص أبو موزهـ

وبالتوفيق لكم :17:

(TO0OMY)

2013- 4- 12, 10:31 PM

بصفحه 6 او 5 راح تلاقي موضوعين لي
1- جميع المناقشات لجميع المواد
2-جميع الواجبات
والمناقشات 14 مناقشه والواجبات 3 واجبات

وبخصوص المذاكره انا عن نفسي اتبعت طريقه اني اشوف المحاضره وبعدها اذاكر الملخص
واذاكر اسئله الكتاب واسئله الاعوام السابقه لانو الكثير يقول يجيبون منها

ومذاكره الواجبات والمناقشات مهمه
وتقريباً الواجبات كلها يجيبونها

mr.msm

2013- 4- 12, 10:55 PM

أشواااااق

2013- 4- 13, 12:15 AM

بخصوص المكتبه بالرياض , الأعلانات اعلى صفحه الملتقى بتفيدك
-
أما عن المحتوى .. لا تتعب حالك وتطبعه برايي أطبع الملخص وأرتاح ..
بدل م تطبع 1000 ورقه .. تطبع 100 ورقه .. لأن المحتوى بصيغه ملف باوربوينت ومو مرتب الكلام

-

وبخصوص متابعه المحاضرات
الرياضيات + الجزئي + المحاسبه = ضروري تتابع المسجله عشان تفهم مع الدكتور
أما
القانون + الإداره = أكتفي بالملخص مو لآزم تتابع المسجله

mr.msm

2013- 4- 13, 01:16 AM

اخت اشواق

أما عن المحتوى .. لا تتعب حالك وتطبعه برايي أطبع الملخص وأرتاح ..
بدل م تطبع 1000 ورقه .. تطبع 100 ورقه .. لأن المحتوى بصيغه ملف باوربوينت ومو مرتب الكلام

ما فهمت وش تقصدين وهل فيه ملخص معتمد ابي الجواب الاكيد و اعطيني اسم مكتبه في الرياض ومكانها

بخصوص المكتبه بالرياض , الأعلانات اعلى صفحه الملتقى بتفيدك

شفت الاعلانات لاكن الواضح انها اعلانات تجاريه يعني ملاخصات اي كلام انا ابي شي مضمون اخاف اذاكر من شي و اخر شي اتوهق و يطلع الكلام من جهه و الماده من جهه ثانيه

وكثير من الاخوان يقول اغلب الملخصات فيها نقص و اخطا كثيره

هل فيه شي مضمون

============

اي احد من الرياض يكتبلي اسم مكتبه و موقعها وين فيه وانا اروح اشتري اذا الشي مضمون 100%

============

أم دانه 1

2013- 4- 13, 01:47 AM

عندك مكتبة تميم في السويدي عندها جميع ملخصات المستوى الاول ادارة اعمال

انا شريت من عندهم ملخص بو موزه

mr.msm

2013- 4- 13, 02:19 AM

عندك مكتبة تميم في السويدي عندها جميع ملخصات المستوى الاول ادارة اعمال

انا شريت من عندهم ملخص بو موزه

لكن السؤال هل هذي الملخصات معتمده يعني هل هي مضمونه 100%

وبعدين وش اروح اقوله عطني ملخصات ابو موزه للمستوى الاول ؟؟

وهل هي ملخصات لجميع المواد بأسم ابو موزه

وبعدين ابو موزه اخاف انه ملخص مناهج قبل 3 سنين يعني ممكن التلخيص قديم

اهم شي هل هي مضمونه ولا وش وضعها سوا ابو موزه ولا غيره

أم دانه 1

2013- 4- 13, 02:30 AM

لا لا ماتقول ابو موزه

ملخص ابو موزه فقط للمحاسبه شااامل للمحتوى ولكل كلام الدكتور واجزاء من الكتاب

كل الملخصات صحيحه لأنها هي نفسها المحتوى حق الماده اللي نازل مع المحاضرات

تقول له ابغى ملخصات لمواد مستوى اول ادارة اعمال

اصلا هم خلاص عارفين عرضها علي لمن رحت شريت لكن انا قلت لا فضلت اطبع الملخصات الموجوده هنا

شريت بس ملخص محمد بو موزه للمحاسبه

وبعدين الملخصات مو قديمه ولا شي لأن المواد هي نفسها والمحتويات هي نفسها ماتغير شي

ومضمونه ولاعليها كلام

مُنيا

2013- 4- 13, 03:45 AM

اذا المحاظرات مسجله من كم سنةه , ف عادي لو الملخص قديم
انا كنت مثلك بس انا اكتب كل كلامهم حتى السواليف و الامثله البايخه
وبعدين اقراها من جديد و تخش مخي
طبعا و انا اقراها الخص النقاط و الامثله و المقارنات و الاسئله الي يسالوها وهم يشرحون
وملحص ابو موزه مضمون انا تابعت فيه لين المحاظره 7 في اخطاء طفيفه راح تلاحظها مع شرح الدكتور
موفق عزيزي:16:

♛افنان الشهري♛

2013- 4- 13, 04:36 AM

مشكورين جميعا

بنسبه للمكتبه وين موقعها اخت افنان بضبط في الرياض ؟؟

و بنسبه لمحتوى كل محاضره هذا اذا نزلته يغنيني عن اني اجلس اكتب المحاضره مع الدكتور يعني انزله و يصير هو الملخص حقي ؟؟

و اصير اذاكر من المحتوى و اذا مافهمت شي افتح المحاضره و اشوف شرح الدكتور ؟؟ هذا قصدك

و يعطيك الف الف عافيه

معليش م شفت ردك :35:
تفضل

مركز صدى الحروف
( خدمات طالب - خدمات تعليميه )
الرياض - شارع السويدي العام
غرب نفق السويدي
تلفون : 014267262

اي بسس في نقاط بعض الاحيآن يذكرهآ الاستاذ اكتبهآ معآه :21:

يعافيك ربي :2:

mr.msm

2013- 4- 13, 08:38 PM

يعطيك العافيه افنان

يعني مردي لمحاضرة الدكتور اجلس اشوف وين النقص و اكمله !!

الملخص يعني شي كامل مكمل مو شي ناقص

اتمنى فيه ملخص كامل هل فيه ملخص كامل

mr.msm

2013- 4- 14, 01:47 AM

اخت افنان

حملت المحتوى حق مادة الاداره من موضوعك الي مثبت

و تحمل معي اذا فتحته في الجهاز طبعا برنامج بور بوينت يطلع صفحات لاكن مو مكتوب شي وجربت حملت من موقع الجامعه نفس الشي

hmsalkon

2013- 4- 14, 02:10 AM

شوف اخوي الملخصات شامله وكامله لكل شي
انا درست الرياضيات من ملخص عبود جزاهـ ربي الجنه كااامل ووافي لكل شي
وملخص ابوموزه للمحاسبه كمان كامل وحتى اجزاء الكتاب الي طالبها الدكتور موجودهـ ضمن الملخص
يعني مافيه داعي انو تشتري الكتاب هو فيه كل شي ومحلوله فيه التمارين وكل شي
وملخص الاقتصاد الجزئي من طموح شايب كمان حلو

والقانون والادارهـ من هتان
توكل على الله واطبعهن وانت تذاكر تابع مع المحاضرهـ

لان اساسآ المحتوى من خلال مذاكرتي ينقصه اشياء خاصه المحاسبه
فا افضل شي من الملخص اطبعه وارتاح

http://www.ckfu.org/vb/t432336.html#post8355357
هنا بتحصل كل الملخصات انا طبعتها كلها من هنا

وبتوفيق لي ولكـ وللجميع :21:

أشواااااق

2013- 4- 14, 03:39 AM

ي إبني الملخصات ( مضمممممممممممممونه ) 100% والله
ذاكرناها وأعتمدنا عليها قبلك , وها وصلت مستوى سادس والحمد لله

الإداره والقانون : ملخص هتان
http://www.gulfup.com/?Tm077s
http://www.gulfup.com/?dx2d29

الجزئي : ملخص طموح
تم بحمد الله الانتهاء من ملخص مبادئ الاقتصاد (http://www.ckfu.org/vb/t397602.html)

الرياضيات : ملخص عبادي
ملخص مبادئ الرياضيات ( 1 ) جاهز للطباعة ! (http://www.ckfu.org/vb/t390488.html)

المحاسبه1 : ملخص أبو موزهـ
http://www.gulfup.com/x2cyguwxfw2v48

بخصوص طريقه المذاكره : القانون والإداره م يحتاج تتابع المحاضرات المسجله
أعتمد ع الملخصصات إللي ذكرتها لك ,
باقي المواد يبي لك تتابع المسجله ..

لا تنسسى الواجبات والمناقشات والتحميل (مسجله ومباشره) عليه درجات !

um3bdullah

2013- 4- 14, 05:13 AM

أخوي عندك المحتويات الي موجودة في النظام الافتراضي أو ملخصات الطلاب نفس المحتوى بعضها في أخطاء بسيطه تكتشفها مع متابعة محاضرات الدكتور

♛افنان الشهري♛

2013- 4- 14, 06:40 AM

اي كآآمممله الملخصآت :21:

♛افنان الشهري♛

2013- 4- 14, 06:41 AM

اخت افنان

حملت المحتوى حق مادة الاداره من موضوعك الي مثبت

و تحمل معي اذا فتحته في الجهاز طبعا برنامج بور بوينت يطلع صفحات لاكن مو مكتوب شي وجربت حملت من موقع الجامعه نفس الشي

غريييب انا فآتح معآي وكل شي تمآآم البلآلآ من جهآزك :18:

Marawiii

2013- 4- 14, 04:33 PM

انا بديت اخاف مدري وش اسوي :(:12::12::12::12: