مشاهدة المحاظرات ( رأيكم ) [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : مشاهدة المحاظرات ( رأيكم )

أبو زيــــاد

2013- 4- 14, 01:14 PM

السلام عليكم

كالعاده اذا بقى عالاختبار اسبوع بدينا نراكض وندور اقصر الملخصات واقل الصفحات عشان الوقت مايمدي :13: طبعا نص اللي نقراه نختصره بعد يعني بالاخير نذاكر 20% من المقرر والحمدلله ماشيه امورنا للحين 6 مستويات

زبدة الموضوع انا عندي 7 مواد هالمستوى ومثل ماهو موجود بالتوقيع >>> سوداني :31:

ياريت اللي شاف المحاظرات و اخذ فكره عنها يعلمنا وش اللي يحتاج مشاهده محاظرات وفيه فائده او نسحب عليه ومايحتاج نضيع وقت في المشاهده :41:

((( اللي شاف فقط رجاءً يعلمنا اما سالفة الافتاء مايحتاج حاليا لاحقين عليها :42: )))

صَمْتّ مُؤْلِمْ

2013- 4- 14, 03:06 PM

http://im40.gulfup.com/cM4h4.jpg

tµ£!p

2013- 4- 14, 03:17 PM

وعليكم السلام ورحمه الله وبركاته

باللنسبه للمواد الي تحتاج مشاهدة إدارة التغيير الافضل مشاهدة محاضراتها عشان يكون الاستيعاب اكبر

وانا عندي سؤال بخصوص إلادارة الاستراتيجيه .. هل ضروري مشاهدة المحاضرات او لا ؟

نظريه المنظمات شرح الدكتور جداً جميل ويسهل موضوع المذاكرة كثير ومدة اول محاضرتين بـ 30 دقيقه وسهلين
اما باقي المحاضرات الى الان ماعندي علم عن مستوى صعوبتها

انا عن نفسي تابعت اداره التغيير والحمدلله خلصتها

ومع متابعتي للمحاضرات فهمت نقاط كثيره فالافضل تتابعونها ولاتنسون هالدكتور اسئلتة جداً دقيقه

وانا جربته بمادة السلوك التنظيمي السمستر اللي راح

وراح ابدأ بنظرية المنظمات ابتابع المحاضرات وبعدها ابمسك الكتاب ..

وانا افضل تبدون مذاكره بالمواد اللي بااخر يوم

1- ادارة التغير _ 3 ايام
2- نظرية المنظمات _ 3 ايام
3- محاسبه اداريه _ افضل ناخذون فيها 5 ايام
4- بحوث الاعمال _ 3 ايام ..

والراي لكم ..:16:

أنا شفت أغلب المحاضرات مو كلها لكن ماذاكرت مذاكرة جدية إلا إدارة الأعمال الصغيرة

و أحس المواد اللي تحتاج مشاهدة بالترتيب

المحاسبة الإدارية
بحوث الأعمال لأنه ممكن يجيب من الأشياء اللي يقولها بالمحاضرة
إدارة التغيير مو مرة ضروري لكن شرح الدكتور ممتع ويساعد على الفهم و قايل إن الأسئلة مرة دقيقة
إدارة الأعمال الصغيرة كذلك شرح الدكتور ممتع و يساعد على الفهم لكن مو ضروري مشاهدة المحاضرات للي يفهم من مذاكرة المحتوى
نظرية المنظمات اللي ماشفاها للحين ما أحس في داعي يشوفها
التعاقد و التفاوض يقرأ من المحتوى قراءة فقط دون أي إضافات

موفقين جميعا

بالنسبه للمواد المستوى السابع

اداره الأعمال الصغيره .... ماده سهله وممتعه والدكتور قال يكفي الدراسه من محتوى للحصول على فل مارك

اداره التغيير ....... الماده تحتاج الى مشاهده المحاضرات لكي ثبت المعلومه والدكتور يشرح نقاط موجوده بمالحتوى ويفصلها

بحوث الأعمال .... تحتاج مشاهده المحاضرات ومحاضراتها لاتتعدى نصف ساعه

محاسبه اداريه ..... ماده تحتاج مشاهده المحاضرات مع التركيز طبعا لانه مسائل وجداول و..الخ

اناأخذت ماده مستوى ثامن تعاقد وتفاوض ... الدكتور بس يقرأ من المحتوى بس يشرح شرح بسيط بعض النقاط وطبعا هالماده راح يكون اختبارها مقالي

وبالتوفــيقــــــــ للجميع :34:

:16:

أبو زيــــاد

2013- 4- 14, 03:21 PM

شووووووووكرن ليكي يا توليب :21: اختصرتي علي مشوار البحث لاني زووول شديد الكسل :22:

صمت اشكر لك وضع الجدول لانها خطوه تحتاج مني جهد كبير وانا مافيي الحقيقه :29:

دلـــو

2013- 4- 14, 04:40 PM

المؤسسات اول محاضره تسد النفس لانها تقريبا ساعتين

ويقولون لازم نشوف محاضراتها

وترا التعاقد والتفاوض سمعت ان اسئلته بتكون مقاليه

موفقين

شــامخة الآفـق

2013- 4- 14, 05:45 PM

وعليكم السلام
باللنسبه لنظريه المنظمات مايحتاج تتابع محاضراتها :17:
اهم شيء بحوث الاعمال و المحاسبه وادارة التغيير

غدوو}

2013- 4- 14, 05:59 PM

و عليكم السلام

موادك مثل موادي بس عندك المؤسسات زيادة

المؤسسات من قال لازم تشوفون المحاضرات ولا تشوفها ولا شيء دامك ماشفتها للحين
الدكتور يقرأ بسرعة مير ماتفهم كلامه :30:

المادة ماهي سهلة ذاكرها زين .. بس حنا كنا متخرعين و خرعنا الدكتور وجاب أسئلة حلوة :26:
بس و باقي المواد ماقصرت توليب حطت ردي عليهم

دلـــو

2013- 4- 14, 06:48 PM

ياعمري ياغدو

الله يفرج عليك والله كنك صبيتي علي ماي بارد

شفت اول ربع ساعه وقفلتهم ماقدرت اكمل :42:

بشروك بالجنه يارب :43:

طيب والتوريد ؟! مهم ؟!

غدوو}

2013- 4- 14, 07:18 PM

ياعمري ياغدو

الله يفرج عليك والله كنك صبيتي علي ماي بارد

شفت اول ربع ساعه وقفلتهم ماقدرت اكمل :42:

بشروك بالجنه يارب :43:

طيب والتوريد ؟! مهم ؟!

اللهم آمين و إياك يارب ..

التوريد إي لازم تشوفينها مرة شرح الدكتور حلو و بعدين يوضح لك كل شيء إيش يبغى و إيش ما يبغى و إيش اللي حفظ و إيش اللي بس قراءة
و غير كذا فيها شوية مسائل

flower03h

2013- 4- 15, 12:01 AM

والاستراتيجيه ؟؟ شرايكم فيها ؟؟:31:

شــامخة الآفـق

2013- 4- 15, 12:32 AM

والاستراتيجيه ؟؟ شرايكم فيها ؟؟:31:

يقولون موضروري متابعتها :17:
لكن انتبهي امتحانهم كان جداااااااا دقيق يعني يجيب الاشياء الي تحسينها تافهه وماهي مهمه
هي باللنسبه للدكتور جداااا مهمه يعني ذاكري بتركيز :31:
انا عن نفسي ماراح اتابعها لكن اذا استصعب علي فهم فقرة اكيد راح اتابع شرحه :36:

مريم خالد

2013- 4- 15, 01:08 AM

شامخه
تابعتي بحوث الاعمال :39:

ضروري اتابعها !! يضيف شي الدكتور !

مابي اضيع وقتي ودي التفت على المحاسبه :44:

شــامخة الآفـق

2013- 4- 15, 01:26 AM

شامخه
تابعتي بحوث الاعمال :39:

ضروري اتابعها !! يضيف شي الدكتور !

مابي اضيع وقتي ودي التفت على المحاسبه :44:

لاوالله الى الان ماتابعتها واكيد راح اتابعها :9:
لان هو نفس الدكتور الي عطانا التسويق وشفتي وش سوى فينا بالاختبار :22:
لما تابعين محاضراته اكتبي شرحه بعد :42:
وبخصوص المحاسبه ابدئي فيها وخصصي لها اربع ايام بعدين ذاكري بحوث
والمحاسبه شرح الدكتور ممتاااااااز تفهمين المسائل بسرعه معه
بس انت نسقي وقتك صح :17:

flower03h

2013- 4- 15, 07:55 AM

يقولون موضروري متابعتها :17:
لكن انتبهي امتحانهم كان جداااااااا دقيق يعني يجيب الاشياء الي تحسينها تافهه وماهي مهمه
هي باللنسبه للدكتور جداااا مهمه يعني ذاكري بتركيز :31:
انا عن نفسي ماراح اتابعها لكن اذا استصعب علي فهم فقرة اكيد راح اتابع شرحه :36:

الف شكر خيتي

بدات مذاكرتها وحاليا سهالات :21:

أبو زيــــاد

2013- 4- 15, 08:24 AM

ماشالله عليكم دوافير كلكم طلعتو مخلصين المواد وخاتمين المحاظرات وانا للحين ادربي راسي :40:

الله يسهل علينا وعليكم يارب :3: