الله يخليكم بنات خشوو ^^

[rock star]

هلااا بناات..
شخباركم ^^
المهم..انا توهم قابليني بكلية المجتمع بالاحساء
وربيييي بمووت ضايق خلقي حييل
كل مااذكر تجيني صييحه
كانت احلااامي بعييييد حيييل كاان نفسي انقبل بكلية الهندسه :t1: .. بس الله مااكتب
المهم انا الحيين اسمع كلام من هناا ومن هنااك عن هذي الكليه
يقولون لا شهاده فيها عدله ولا مكاافأه وزيهم ابيض واسود ومبنى زفت قاطينه بالمحااسنـ @.@
وقالو شي عن اقساامه انه مافي غيير قسم الحااسب .. معقوله مافي اللى حااسب :000:
كلللش عااد اللى الحااسب مابلعه @_@
وانا بعد بكوون وحيييده ماحد من البنات بكون معاي مما زااد الطين بله على نفسيتي :Cry111:
يعني استغفر الله احس مافيها شي عدل..
عاد مرت خاالي توها متكملة من كم يوم تقول انه خواتها بكلية المجتمع @.@
وانه نقلو مبناهم لجامعة فيصل
وصار فيها مكافأه وصارت الدراسه فيها اربع سنين يتخرج الواحد منها بشهادة بكالوريوسـ:cheese:
انا والله لما سمعت هالكلام طرت من الفرررحه ^^
وحسيت حييل ابي تبدأ الدراسه بسرعه من زود الحماس ^.^
بس الكللللل ناااكر هالشي:011:
جااني وسواااس :011:
كل واااحد يقولي شيي :011:
شذاا الحيين شساالفة هالكليية ؟؟؟
كلام مرت خالي صحيح وله لا يمكن مخبطه بين المجمتع وكلية ثاانيه ؟؟:Cry111:
الله يخليكم طمنوني ..:011:

.

.

[noni]

هههههههههه حالتك صعبه...

بس والله اناا ماعندي خلفيه بسؤالك..

بس دقي عليهم وتأكدي بنفسك منهم :hahahahahah: .....

[rock star]

هههههههههه حالتك صعبه...

بس والله اناا ماعندي خلفيه بسؤالك..

بس دقي عليهم وتأكدي بنفسك منهم :hahahahahah: .....

يوووو مابي ادق مااجرع:Cry111:
ابي نااس يدرسون بكلية المجتمع يعلمونيا :cheese:
منوره:011:

.

.

[( ايه احبك)]

ياعمري عاد انا مثلك انقبلت بكلية مااعرف عنها شي ولا عندي احد فيها:Cry111::Cry111:

[اميره بكلمتي]

اختي الكلام الي سمعتيه من مرت خالك كو صحيح

بس صدقيني صج مافيها مكافئه بس الدراسه روعه والاساتذه يجنووووون من 000

العميده الاستاذه صباح العرفج ورئيسة القسم الاستاذه هدى الغريب والاساتذه

يمكن في البدايه بتحسين بصعوبه في كل شي بس بعدها بتتعودين

انا نفسك بالاول قلت مراح اكمل فيها بس بعدها تأقلمت والله يوفقك

واذا على الحلم كل منا حلم وماحالفه الحظ بس وعسى أن تكرهوا شي وهو خير لكم

[أسيـل]

أنا نفس حالكم مامعي أحد وأنقبلت بكلية المجتمع
بس ربي يسهل

[النوري : ) ~]

هلا اختي rock star
انا ادرس بالكلية ودايم كلام اننا بننقل وانو نقدر نكمل بكالريوس
بس كله كلام بنات مااحد من المسؤلين قالوا لنا شي
ومن ناحية الدراسة ترى والله حلوة مرا والاستاذات يساعدونك وربي كثييير والدراسه كلها حلوه خصوصا اذا كنتي تحبين الحاسب
ومن ناحية اللبس بداية السنه كان ابيض وبيج ورمادي(البلايز) ..ع اخر شهور اسمحوا لنا بأن البلايز كل الالوان مسموحة والتنانير جنز واسود بس بشرط انو يكون ساتر والكم طويل ..عاد ماادري السنة الجاية راح يرجعون النظام القديم والا لا ..لان بآخر الايام قامو البنات ياخذون راحتهم ويلبسون كم قصير ..بس اتمنى من جد مايتغير اللبس
المهم بس حبيت افيدك وصدقيني انا دخلت الكلية وقسم بالله ماعرف ولا احد ولا احد تخيلي بس تعرفت ع بنات ..... ماقدر اوصفهم كيف صديقات روعه
يعني مستحيل تبقين بروحك ع طول بتلقين بناات كثير بعد مثلك مايعرفون احد وبتتعرفون ع بعض

يالله ان شاء الله نشوفك مع بداية السنه الجديد بالتوفيق للكل ان شاء الله

[miss zozo]

حتى أأناا وربي مو متشجعه حيل لها لا مكافئات ولا مبنى عدل ولا لبس على كيفنا :cheese:

بس كلامك نوني حمسسسني وقسسم بالله ..

وان شاء الله من اول اسبوع اتعرف على صقيقات حلوين <- هذا اللي احاتيه :cheese:

ويااااارب توفقنااا ونرتااح وننبسط بهالكليه ,,

[ربآإب حسين]

حبوووبه انا بقول لك شغله

لو تشوفي كلامي وردودي عقب منقبلت بالكليه(كلية المجتمع بالتحديد الي بمحاسن عن الخبطه يعني) يعني العام الماضي:119:بنفس هالوقت
بتشوفيني متشششائمه خصوصا ان مكان الدراسه غير عن مكان سكني تماما

واقول مافي مكافئه وغير كذا بعيد عن اهلي ودبلوم مدري ايش

بس بعدهااا لمن رحت للأحسساء ودرست والله ماتمنيت السنه الأولى تخلصص والحين انتظر متى متى ارجع للكليه وللأحسااء

لأن من جد الكليه ماقول لك حلووه بس أستاااذااتها محليييينها يعني مافي احلى منهم بالمعامله والأخلاق

يعني انتي جربي وماراح تندمي عقب لو ماعجبك أسحبي ملفك

وربي يوفق الجميع يااعسله:love080:

[فراشة الليل]

والله حتى آناا خاايفه مثلك حبيبتي
لأني بعد مااعرف أحد يدرس فيهاا
وآنا أحط هالآيه في بالي كل ماتذكرت خوفي:
عسى أن تكرهوا شيئاً وهو خيرا لكم

[rock star]

يصرااحه كلامك طمنيي
يعطيكم العافيه كللكم
حييل احس خففتو عني ^.^
بس معلييه بس بسأل سؤال..!:011:
الزي حقهم .. يقولون بالبدايه تنوره سوده وبلوزه بيضه
بس الحين صار على العاام الماضي على كيفنا الوان
أبي اعرف لأني نااويه اتقضى عقب العيد للكليه ^^
اييه وياليت وحده توضحلي عن الاقسام الموجوده :Cry111:

[اميره بكلمتي]

طبعا انتي اول شي اشتري اشياء خفيفه وبعدها شوفي النظام
وطبعا هي مافيها الا قسم واحد"حاسب الي"
والله يوفقك ونشوفك استاذة حاسب

اختك"أميره بكلمتي":love080:

[النوري : ) ~]

ههههههههههه وقسم ذكرتوني بحالتي في نفس وقتكم هذا في السنه اللي راحت بس الحمدلله هونتها وهانت وربي الحين بس انتظر الدوام يبدأ رااااح تحبوووونها من قلللللللب وقولو مس نوني ماقالت ههههههه

ومن ناحيه اللبس اشتري شي خفيف مثل ماقالت اميره بكلمتي وبعدين لما تداومين تتأكدي ايش المطلوب يعني احتمال يغيرون النظام باللبس والا شي محد يدري

يلااا الله يوفق الجميييييع يارب =)

[خوية الحاسب]

يالغالية مثل ما ذكرو خواتي بالبداية اشتري لك شي بسيط بعد ما تشوفي القوانين لان القوانين من المحتمل تتغير من زي وغيرة


وبالتوفيق لكم خواتي