.. welcome يــآ حلوين ..

[بصمة روح]

فوفا يس نسيبه عرفتني
إذا أنا إللي ببالها
تعالوا لي الصباح قبل محاضرة الانقلش
:cheese:

[fofa]

بصراحة انا موب فاهمة اش السالفة
يعني الحين محاضرة الانجليزي بدايتها مع مس زنيرا بعدين بريك بعدين نكملها مع مس ناديا
ولا اش السالفة
الي تعرف اني شي تخبرني
تراني طفشت من اولها

[flakenet]

بنات تعرفون وحده تبي تبدل بشعبه 4 ؟؟

دكتورة البحث العلمي وشيي ووش سالفتها ؟؟ زينه او لا

[بصمة روح]

يؤ كيف يعني مستين تدرسكمـ
غريبة أنظمة الجامعه

[بصمة روح]

فوفا حتى انا مليت
من بعد ماعلمت بموضوع المحازرة الزفت

[fofa]

ايه مس زنيرا الباكستانية ومس ناديا الامريكية :love080: <<< تموت في مس نااديا :119:

[fofa]

ايه سالفة المحاضرة الي راحت علينا سببت لي اكتئاب
مافي غير اننا ناخد الواجب من نونا "" نسيبة "" ولازم نحضر المحاضرة مع شعبة 4 والله يعين :011:

[بصمة روح]

بصيح بنات :bawling:
مش أدره أستوعب إنو القدول تغير :bawling:

[Nasibah]

اهم شي حللتوا الشخصيه انو استحي
في البدايه بس بعدين تخرب الاخلاق :cheese:

[بصمة روح]

بس كيف نحضرها معاهم
وأحنا مرره الجدول بتاعنا نضغوط :011:

[fofa]

حتى انا بعد احس اني ابصيح من قلب :Cry111:

[بصمة روح]

فوفا بكرى تعالي ساعديني على البكاء
بجد أحس بقهر
تصدقين رجعت ولا ارتحت
رحت اعمل لي قهوه احترقت يدي :011:

[fofa]

سلامت ايديك
انا رديت وكنت مبسوطة ورحت عالمكتبة وبس رجعت لقيت نسيبة تقول انه راحت علينا المحاضرة حسيت بقهر موب طبيعي

[بصمة روح]

يسلمكـِ ربي
قهر
بكرى بروح لهم
مش على كيفهم يحسبونا غياب

[fofa]

اي حتى انا بروح
تصدقون جالسة افكر وش بلبس بكرا << والله اني فاضية :hahahahahah::hahahahahah:

[fofa]

جالسة انطر المطعم يجي
ابا اتعشى و انام واصحى بعدين وشوف وش السواة

[بصمة روح]

فوفا مش فاضيه ولاشي
أنا فكرت وقررت من رجعتي
رحت اشوف ثيابي وقررت

[بصمة روح]

ضاق خلقي
مالي نفس احل الـ home work

[fofa]

شكلي بلبس اسود << مسوية عزا عالمحاضرة الي فاتتها :hahahahahah: :hahahahahah:

[بصمة روح]

البقاء براسكـِ
:hahahahahah: :hahahahahah: :hahahahahah:

[fofa]

home work ليه احنا عندنا home work ؟؟؟

[بصمة روح]

يس مستنا الانقلش عطتنا home work

[fofa]

مين تدرسكم ؟

[بصمة روح]

مس قطر الندى

[بصمة روح]

يلآآ أستأذن انا
بقوم احل الواجب
وأجهز ثيابي عشان اخمد سيأ تومورو
تصبحون على خير ياحلوين

[fofa]

الله يعنيك بس صحيح وش واجبكم << يا شين اللقافة :hahahahahah:

[fofa]

مع السلامة بصمة روح
احلام سعيدة
اشوفك بكرا :119:

[ورد الجوري ~]

ههههههههههههههههه

خلآآآص عرفتكم كليااتكم:mh001::mh001:>> مبسوطة الأخت


فوفاا وأناا ليش مااتجي تكلميني هآآه ؟؟:011::011:

بصمة روح جد أنوو الدنيااا صغيرة


بنوتآآت لا تحآآتون على المحااظرة

أكيد في حل

[fofa]

ورد الجوري انت بعد تستحين
خلاص ولا تزعلين باجي اكلمك :119:

[Nasibah]

صبااااحكم كرررف

اليووووم إلى السااعه 5:bawling:

[fofa]

يا الله يعني لازم كل ما ارد من الجامعه الاقي نفسي اول وحدة داشة هالملتقى الخايس


:000::000::000::000::000::000::000:



اهلين ورد الجوري تشرفنا بمعرفتك :119::119:


نسيبة طلعتي موب هادية طلعتي عفريته :mh35:

اي صح نسيت ما العب ملاكمة معك يا ورد الجوري <<< لسه فاكرة :hahahahahah::hahahahahah:

مش مشكلة بكرا لاحقين عليها :mh35:

[Nasibah]

مساااااء الخيرررر >> مروقه البنت طلعونا بدري

:cheese:

[fofa]

مساء النور :119:

[Nasibah]

اخباارج فوفاا >> ماعندها سالفه:cheese:

[fofa]

هههههههههههههههههههههه
انا تمام .. انت كيفك |... وش مسوية .. ها داومتي اليوم .. ولا لسه ما بدء الدوام :hahahahahah:

[Nasibah]

ايه الحمد الله رجعت البيت :cheese:

[بصمة روح]

مساء السوـوـوـوكر
أخباركن ـن
وهـ الحمدلله طلعنا من وقت اليوم :cheese:
فوفا عرفتيني ولا لسى؟؟

[بصمة روح]

بنـ ـآآتـ شعبه 3
بكرىآ الخروج الساعه كمـ؟؟

[بصمة روح]

نسيبة تشرفتـ بمعرفتكـِ :119: :119:
nice to meet you Nasebah>>مدري اسمكـِ صح لو خطأ :119:

[fofa]

للاسف ما عرفتك :011:

[fofa]

الخروج 3 و نص

[بصمة روح]

شفتي البنت إللي لابسه قميص بيج مخطط
إللي كانت معكـِ لما رحنا لـ أستاذه مهارات البحث العلمي
هذا أنا :119:

[fofa]

لو قلت لك ما اذكرها
بتبصمين بالعشر اني مصابة بالزهايمر
اصبر شوي خل اتذكرك و اردلك خبر >>>> ميتة ضحك :hahahahahah::hahahahahah::hahahahahah:
طب فين جلستي في محاضرة الحاسب ؟؟
طب كان قلتيلي انك بصمة ترا ذاكرتي ضعيفة

[بصمة روح]

استحيت اقول لكـِ
بعدين لما طلعنا كنت بقول لكـِ بس كانت معاكـِ بنت
كنت جالسه في السيد إللي جمب الباب بس مذكر المكان بالضبط
سلامتكـِ من الزهايمر

[بصمة روح]

إي صح كنت لابسه جاكيت مدري بلوزة
وحاطة القبعه على راسي :cheese:

[fofa]

احس اني عرفتك
بس ابسألك لايكون انت الي ابتسمتلك واحنا عند مس المهارات << مو اي احد تبتسمله علشان شدي تعرف الي ابتسمتلهم :hahahahahah::hahahahahah:
احس اني عرفتك
الاكييييييييييد اني عرفتك
بعدين وش سالفتكم كلكم تقولون نستحي والله حاله
خلاص بكرا او على قولت نسيبة باجر اكلمك :119:

[بصمة روح]

أمممممممممـ أعتقد إنكـِ إبتسمتي
هع تصدقين صرت استحي اطالع في نسيبة بعد ماعرفتني
أوكي باجر نلتقي :cheese:

[Nasibah]

بصمه تستحين مني والله اني بنت مو ولد :cheese:

فوفاااا باجر حقتييي :cheese:

[fofa]

ياييي لهالدرجة تستحين تطالعين بنسيبة :119:

[fofa]

بصمه تستحين مني والله اني بنت مو ولد :cheese:

فوفاااا باجر حقتييي :cheese:


لا يكون بس بدفعيني غرامه علشان اسخدمت حقتك باجر << تضحك من قلبها :hahahahahah::hahahahahah:


هذا جزاتي يوم اني اعطيت كلماتك الغريبة ويه :hahahahahah::hahahahahah:

[Nasibah]

امزح وربي فداااج باجر وعقب باجر بعد :cheese:

[fofa]

:119:
:love080:

[fofa]

صحيح صبااايااا وش بتسوون على سالفة الاكل ؟
اشرايكم في سالفة انه كل يوم وحدة تجيب الاكل << يعني بكل وضوح اقصد كل يوم العزيمة على وحدة :hahahahahah::hahahahahah:
عاد لا تصدقون ترا امزح << حس بالها احد صدقها
اوكي صبايااا انا مش عارفة اشلون اذا نبي من مطعم عادي يعني سواق اي وحدة فينا يوصله ولا ايش السالفة
ترا متت من الجوع ما صارت :000:

[flakenet]

اليوم شفت لسعة شقاوه وقلب انثى :cheese::cheese:

[ورد الجوري ~]

هلوووو صباااياا

وحشتووني :cheese::cheese:


فوفآآ تشرفناا >> مع أنك قلتي بتكلميني ولا جيتي وانا الي جيت

نلقاااكم على خير يآآحلوين


بس منوو لسعه شقآآوة ؟؟:mh19::mh19:

>> الي تمشي مع قلب أنثى ؟؟

[fofa]

هلوووو صباااياا

وحشتووني :cheese::cheese:


فوفآآ تشرفناا >> مع أنك قلتي بتكلميني ولا جيتي وانا الي جيت

نلقاااكم على خير يآآحلوين


بس منوو لسعه شقآآوة ؟؟:mh19::mh19:

>> الي تمشي مع قلب أنثى ؟؟

نعم حبيبتي .. ؟؟ !!

يعني انا شفتك ومشيت وطنشت .. لا ياعمري الي صار انه في نفس الدقيقة الثانية اللحظة الي

شفتك فيها لما كنت عند الجداول هذه اللحظة اهي الي جت ابكلمك بس انت بديتي كلمتيني :119:
وبعدين يعني انا بس التفت لقيتك وراي وانت على طول تكلمتي يعني اش اسوي لك مو اتفقنا انه

انا اكلمك :hahahahahah:

عموما حبيبتي .. ما فرقت <<< اش دراكي انت انها ما فرقت شكل البنات شالت في خاطرها :hahahahahah::hahahahahah:

[fofa]

وبعدين صحيح انا جيت متاخر اليوم يعني لو جيت بدري كان ممكن اشوفك واكلمك

بس تدرين دخلت الجامعة الساعة 56 .7 ّ !!!!


ّّّّ لا تزعلين يا ورد الجوري ّّّّّ
:119::119::119::119::119:

[!..قلب أنثى..!]

والله حولت وانا اقرأ !!


ههههههههه لا


لسعه شقاوة مو الي معي دايم :hahahahahah:


بس ياعمري عليها مرررة حبوووبة ..


خلاص كأني شفتكم كلكم


بنات شعبه 3

حتى احنا سجلونا غياب بهالمحاضرة الززززفت


وبياخذوا بريكنا يوم السبت :bawling:


فوفااا اليوم الف مرررة شفتك


كل مرة اقول اكلمها مااكلمها

وش اقول :hahahahahah:


اممم تقريبا اعتقد كلياتكن شفتكم


ما عدا بصمة و لازم تنورة


عاااد لازم تنورة جايتني حكة ابي اعرفها :hahahahahah:



فلانكت شو رايك فيني وانا اسأل بالمصعد اي طابق :hahahahahah:

[!..قلب أنثى..!]

فوفا في مطاعم توصل


عاااد خل وحدة منكم تتبرع وتطلب للكل وتطلع تستلم الطلب :cheese:

[fofa]

ليه ما كلمتنيش يا قلووبة << قلبت البنت مصري
:011::011::011::011:
اقولك باجر < حقت نسيبه > :hahahahahah: تعالي كلميني
انا لسه ماعرف جست جابان .. ولا عرف لازم تنورة ولا عرفت كوايت .. ولا عرفت لسعة

[fofa]

ايه عادي انا اطلبلكم بس عاد لازم نكون ربع << تتشرط البنت :hahahahahah:

[flakenet]

قلب
هههههههههههههههههههههههههههههههه
فضيعه فطسسسسسسست ضحك علييك :cheese::cheese:

مب على كييييييييفهم السبت بريكي لي :103::103:

[fofa]

ايه صح ولا عرفت flakenet
قلووبة مين قالك انها احسبونا غياب ؟
احنا رحنا تفاهمنا مع الادارة ومع المس تبع المادة وقالوا بيحسبونا حضور و بيعيدولنا المحاضرة

[!..قلب أنثى..!]

ههههههههههه شفتي البراءة كيف


والله من بنات شعبة 3 قالوا لي تركبون درج 4 طوابق :cheese:


قلت هذا المبنى شكله عمارة :hahahahahah:


ايه صح


بعد كوايتو ماشفتها



فوفا شفتك تطالعي


قلت كلمتيني كان بها


ماكلمتني خلاص بزعل عليها :hahahahahah:

[!..قلب أنثى..!]

ايه اول حسبونا غياب


الحين بسوون تعويض بهالمحاضرة


بروح بأكلي :hahahahahah:

[fofa]

قلووبة كنت اباكلمك بس اول ما طالعتك مشيتي وعلى فكرا ترا ما اخدت بالي مو انت كنت مع ورد الجوري ترا ما انتبهت لك الا لما وصلنا عند الجداول <<< شكلي مو بس مصابة بالزهايمر شكلي بطلت اشوف :hahahahahah:

[fofa]

وبعدين قلوووبة لا تزعلين ولاشي
بكرا اذا جيت بدري ادورك واكلمك << لايكون بس تشيلين في خاطرك زي ورد الجوري مبين شالت بخاطرها

[ورد الجوري ~]

قلووبة


بصمة روح أناا سااعات أشوفهااا معك > يااحبي للقافه

صح تذكرت

قلب أنثى أنك بنت حبابة ولطيفه



فوفااا يااقلبي امزح وياااك عاااادو ولوو

وانا هذارة ماخلي فرصة الى حد على طول لق لق


المهم على سالفه المطعم جيبي معك منيوو وأطلبي وقولي لهم يوصلووا
وأطلعي براا جيبي الطلبيه


>> خلاااص على حساابك فوفاا اتفقناا


:hahahahahah::hahahahahah:

[!..قلب أنثى..!]

مرة منهم كانت وياي ورد



ههههههههه اما ذي مشيت على طول


عند جوفريز كنت جالسه وانتي مندمجة تتكلمي بحماس


حتى شوي واموت من الفضول :hahahahahah:



خلاص بنات الي ماعرفناها للحين ترى صارت السالفة بايخه


تعرف عن نفسها بسرعه



فوفا شفتي بنتوتة الدمام؟ :cheese:

[!..قلب أنثى..!]

ورد


احلفي !!


ميييييييييييييييييييييييييييييييييييييييييين..؟


خلاص فضولي اشتغل توب الـ توب




فوفا لا زعلت ولا شي


امزح معك


بس اذا تبين تراضيني هاتي كندر سبرايز بكرة :hahahahahah:

[fofa]

اي تعرفت على بنوتة الدمام بصرااحة عسولة


ورد الجوري ولا يهمك تبوني اعزمكم من عنيا بس والله ما عندي غير منيو تبع كنتاكي :119:

[flakenet]

انا ما شششششششفت احد ابد الا لسعة شقاوه وقلوبه ونسيبه طبعا من اسمها

[!..قلب أنثى..!]

ورد ياعمري انتي الحبوبة :love080:


كل مرة اشوفك اقول بسولف معك


بس احسك تستحين بالمرة :cheese:

[fofa]

قلووبة انت من صجك تحبين كيندر سربرايز لهالدرجة
ترا بجيبلك بجد <<< دخلت البنت في مرحلة الجدية :191:

[!..قلب أنثى..!]

هههههههههههه


لا مو لهالدرجة


بس مادري ودي فيه من زمان

وكل مرة يجي ببالي واروح ابي اشتريه


يقولون لي مافي خلص


:hahahahahah:

[fofa]

ورد ياعمري انتي الحبوبة :love080:


كل مرة اشوفك اقول بسولف معك


بس احسك تستحين بالمرة :cheese:


ورد تستحي .. بصراحة معجزة :hahahahahah::hahahahahah:
ممكن اي حد فيكم الا ورد

[!..قلب أنثى..!]

انا شفت الاغلبية الغالبة :cheese:

[!..قلب أنثى..!]

ههههههههههههه تطالعني بنظرات بريئة وتبتسم


:hahahahahah:

[ورد الجوري ~]

‏flakenet...؟ مين أنتي يآآحلوهـ

فوفااا يااقلبي تسلم عينك

بس اناا عم امزح معك


قلووبة خووذي رااحتكـ ترى احب الهذرة :hahahahahah:


صح بنآآت أحد أستآجر صندوق ؟؟

[fofa]

ههههههههههههه تطالعني بنظرات بريئة وتبتسم


:hahahahahah:


مين اهي ؟؟ ورد ؟؟ :hahahahahah:

[fofa]

لا انا ما استأجرت حبيت شغلة اننا نشيل الشنط وين ما رحنا وين ما جينا :119:

[flakenet]

ورد

انا استأجرت :cheese:

انتِ مين ؟ باي شعبه ؟ كلاس الانجلش عند مين ؟

[ورد الجوري ~]

:cheese: بس الشنطة صآآرت ثقيله من حطيناا الكتب فيهاا


أنا بشعبة 3 عند مس قطر الندى


آند يو ؟

[fofa]

باي صبايااا انا رح اطلع من البيت رايحة المكتبة احد فيكم يبي شي :119:

[!..قلب أنثى..!]

اي ورد ام النظرات البريئة


بدنا سلامتك :cheese:


انا من سرقوا نظارتي الشمسية تعقدت :bawling:


توها جديدة :bawling:


اليوم رحت بنظارتي القديمة :011:


لا والي سرقت النظارة سرقت معاها الضمان :hahahahahah:



الله يسامحها .. هدية من عند البابا وسعرها مش هين :011:

[fofa]

اي صح ذكرتيني الكتب <<< :hahahahahah::hahahahahah::hahahahahah: ما ادري اش فيني نسيت
خلاص اروح باجر < حقت نسيبه > استأجر

[Nasibah]

ياذي الباجر حقت نسيبه
خلاص لازم كل ماحد يقووول باجر لازم يكمل الجمله ويقول حقت نسيبه :hahahahahah:

[!..قلب أنثى..!]

بس اللوكرات بعيدة كمان :bawling:

[fofa]

باجر < حقت نسيبة > والحقوق محفوظة لاصحابها :hahahahahah::hahahahahah::hahahahahah:

[!..قلب أنثى..!]

نسيبة انا شفتك لما نادوك بس

"يوم اختبار السبيكنق"

كل هالحوسة واخرتها كل المستويات نفس الكتاب :hahahahahah:


بس نسيت شكلك بعدها


انتي اي مستوى بالانجلش..؟

مين تدرسك..؟


مع اني مااظن انك معي :mh19:

[ورد الجوري ~]

قلب أنثى

:cheese::cheese: أنتي سرقوا نظارتك وإلا نسيتهاا

لانه يوم الاثنين لماا كنتي جالسه بمنى 65 تحت

تذكري لماا جيت وجلست قريب منكم وكنت مره طفشاانه

المهم لماا قمتي من على الكنب


كانه كان في علبه نظاارة



وقتهاا ما كنت اعرف اسمك ونااديتك قلب بس ماارديتي


وبعدهاا رحت كلاسي وكانت العلبه لسه محلهاا


عمومااا في وحده مذكر وش اسمهاا

هي المسؤوله عن المنبى روحي أسأليها

[fofa]

واش دعوة قلوبة وانت جايبة الضمان معها والله انك موب صاحية :hahahahahah:

[fofa]

على سالفة انه كل المستويات نفس الكتاب << صراحة مت ضحك

[!..قلب أنثى..!]

هههههههههه


لا انا كنت حاطتها فوووق ومشيت عنها


بس حطيتها ورحت :hahahahahah:


رجعت وهي مش هونيك


دورت مالقيت :bawling:


وسألت بوونية قالت شافت وحدة تحوس بأغراضي


او وحدة تحوس بشنطة نفس شنطتي


عاااد انا رحت سألت الي جالسين هناك


الي ينظفوا مادري شو مهنتهم


مافهمت لهم مادري مافهموا لي :hahahahahah:


اروح لمين اسأل..؟ :bawling:

[flakenet]

ورد انا عند قطر الندى :cheese::cheese:

وين تجلسين انتِ ؟

[!..قلب أنثى..!]

هههههههه من زمان موب صاحية


متمللة اشيله :cheese:


بس احنا ترى مايعطونا من الكتاب


كل شي خارجي :hahahahahah:


يمرون مرور الكرام عليه بس


وباقي الوقت اكسرسايز و رايتنق<---- يا ذا الرايتنق الي يذبح


:t1:

[ورد الجوري ~]

قوبة مدري بس فيه وحده سعوديه يقولوا انهاا مسؤوله عن المفقودات وذي الشغلآآت


____

أنتي وين تجلسين ؟

وبأي شعبه ؟

[!..قلب أنثى..!]

خلاص بكرة اسأل


ادعوا لي الاقيها :bawling:

[fofa]

ان شاء الله تلاقينها :119:
بس ها لا تكررين هالحركة
تسيبين اغراضك
عاد بناات الجامعة مالهم امااان :000:

[fofa]

يوه تاخر الوقت لازم اقوم اروح المكتبة نسيت روحي مع الفيس بوك

[!..قلب أنثى..!]

اول مرة ادخل والناس ساكته :hahahahahah:



مالقيتها ولا بلقاها :011:


شفت بصموو

طلعت وحدة مغبرة :hahahahahah:



باقي كوايت .. جوري .. لازم تنورة .. بنفسجية


:mh19:

[fofa]

استغفر الله العظيم


:011:

[بنفسجيّة]

اممم ..

في كافتيريا .. توني اكتشفها
يمكن توها اليوم تفتح او من زمان بس مو الكل يدري عنها
مادري ليه ما عليها زحمة كثيير ... وفيها قعدة ومسكرة
هي مو زي جوفريز .. بس اهم شيء فيها اكل ..
جوفريز دايم زحمة ومافي ماي .. او تكون الاشياء خلصت


هي مكانها .. وانتوا طالعين من مبنى 65 ..
في زي الحديقة اللي فيها الخيمة من جهة اليمين
عند مبنى العلوم الطبية او الطب
تمشين الى اخر شيء بيصير في مبنى
هو اللي فيه الكافتيريا

[fofa]

:011:
:bawling:
:Cry111:

[Nasibah]

Omg
الجدول تغيرررر وصار يوم الاحد نطلع 6 :017: والله مو صااحين الشركااات مايطلعونهم هالوقت


بنفسجيه ايه هالكفتيرياا مو توهم اليوم يفتحونهاا
موجوده من زماااااااااااااااااااااااااااااااان بس جيده مو شينه

[°o.O(جوري)O.o°]

هاااااااايو بنوتااااااات

ما شاء الله شكلكم تعرفتوا على بعض وانا ما عرفت حدا فيكم << احد قالك ما تسالين :hahahahahah:

بس بجد بنات شفتوا الحركه السخيفه

الساااعه 6 :sdfgdsf: بجد شي مو معقووول

كل اليوم بيرووح في الجامعه :017:

[!..قلب أنثى..!]

جوري مين انتي :cheese:



فوفاااا شو بكي..؟ :bawling:

[بنتوتة الدمام]

هااااااااي بنات

:119::119::119::119::119:

[بنتوتة الدمام]

اشلونكم يا حلوين...............؟

بالنسبة للوقت الساعة 6 ظلم حرام نروح من البيت الساعة 7 الصبح و نرجع الساعة 6ونص أو يمكن 7 لبعض البنات:011:

[Just Japan]

هللوو بناات

آخر صفحة شاركت فيها كانت 74 !!!
وتعايرت أقراهم كلهم

شوو الأخبار بناات؟؟

كوايت جيييرل
أين أنتِ؟؟؟

[!..قلب أنثى..!]

كوايتووو وين مختفية .؟!

:sdfgdsf:

[°o.O(جوري)O.o°]

قلوووب كيف يعني مين انا :hahahahahah:

وشو سالفة الكافتيريا الجديدة متى فتحت :o3:

انا رحت لها قبل كذا ما فيها شي :g2:

[!..قلب أنثى..!]

اقصد قولي شي يعرفنا بك :hahahahahah:

[fofa]

اهليييين صباااياااا :119::119:

اهلييين .. بنوتة الدمام .. قلب انثى .. نسيبه .. جوري .. جست جابان .. بنفسجية

بصراحة موب عارفة اشلون حاطين هالجدول الخايس :017:

خير ان شاء الله نطلع الساعة 6 !!

بصراحة زودوهاا معانا ..

اي صحيح صباايااا فين هذه الكافتيريا ... وكيف اهي زينه او

طب بنااات انتم مو ناوين اننا نتفق نطلب من مطعم ؟؟

لقيت حل حلو :119:

انا يوم السبت بجيب اكل و ببيعلكم .. بس هاه علبة البيبسي 4 ريال :hahahahahah::hahahahahah:

[fofa]

بناات بصراحة ضاق خلقي من الجدول :Cry111:


كل الناس تطلع من دواماتها الساعة 2 او بالكثير 3 واحنا نجلس ل 6

[fofa]

بصمة روح تشرفت بمعرفتك :119::119:


ورد الجوري لا يضيق خلقك من سالفة واجب البحث طنشي وان شاء الله نلاقي حل :119::119:


نسيبة واجب البحث .. لازم نشتري كتاب .. او بس نروح المكتبة ونقرأ ونجيبلها المعلومات الي تبيها ؟

[fofa]

اي صح في احد فيكم حجز صندوق ؟؟
بصراحة بعد ما شفت كتاب الرياضيات ... خلاص بستأجر صندوق ..
بس ما اعرف من فين ؟؟

[fofa]

نسيبة انت عند اي مس في الانجليزي ؟



احنا غيرولنا مس ناديه والله زعلت << تموت في الامريكان



جابولنا وحدة الله المستعان ... تتكلم مصري .. جالسة تحرف الكلمات تقول وزر بدل الوذر weather <<< :hahahahahah::hahahahahah:

[fofa]

اووف شايلة هم الدوام
حرااام عليهم من 30 .7 الى 3 !!!!
:sdfgdsf::sdfgdsf::sdfgdsf::sdfgdsf:

:hahahahahah: :hahahahahah: :hahahahahah: :hahahahahah:

من زود الطفش انه مافي احد داش الملتقى غيري
جلست اقرأ الردود القديمة

بصراحة متت ضحك على هالرد الي كتبته

انا شايله هم اننا نطلع 3 صرنا نطلع 6 <<:hahahahahah::hahahahahah:

[ورد الجوري ~]

صبآآآح الخيـــــــــر صبآآيآآ

شو عآآملين

من كثر مآكآن خلقي ضآآيق

رجعت ونمت

ومآآصحيت الإ اليووم


بس أن شاء الله تفرج



صح بنآآت

الي بشعبة 3 وعندهاا الجدول

ياليت تكتبه لانه جدولي ضآآآآع


و اليووم التسجيل على البآنر لا تنسووا

[!..قلب أنثى..!]

هههههههههههههه


الله المستعآن


بوصل بيتنا 7 او 7 وربع


حشى


رايحة رحلة وانا مادري :hahahahahah:




بنات لا تنسوا التسجيل في البانر


انا الحمد لله من ثواني خلصت تسجيلي وكووول شي تمام :cheese:

[fofa]

ورد الجوري تقصين جدول المواد <<< احلفي :hahahahahah::hahahahahah:
ولا تبين الجدول الارقام المرجعية مال التسجيل

[!..قلب أنثى..!]

فوفاااا



والله ذكرتك اول ماشفت نطلع خمس


وامس ذكرتك بعد على سالفة 6


اقوووول يا ريت من 7 ونص الى 3


كان ودي اشوف ردة فعلك امس :hahahahahah:



بروووب بناات :cheese:

[fofa]

قلب بعد ما ندش على نظام البانر وش نسوي <<< البنت مضيعة :hahahahahah::hahahahahah:

[fofa]

:bawling::bawling:
موب قادرة اسجل مادري وش السالفة

[fofa]

صباايااا ترا موب فاهمة وش اسوي اصلا من فين ندش والله موب عارفة

[ورد الجوري ~]

قلووبه

بعد ماااتحطي تنفيذ التغيرات


طلع لي الرياضيات غير متآح :bawling:


المهم

وش سويتي بعدهاا ؟؟


عشآآن أتأكد أن التسجيل تم

[ورد الجوري ~]

فوفآآ وش الي مو فآآهمته ؟؟

[fofa]

لا خلاص فهمت
بس وش سالفة غير متاح انا بعد طلعلي في الرياضيات

[ورد الجوري ~]

فوفاا

طيب بعد ماااطلع لك الجدول الي فيه رياضيات غير متاح وشو سويتي

[fofa]

يعني اش سويت :hahahahahah: :hahahahahah: :hahahahahah:
ما سويت شي
بعد صح قلب موب معنا في نفس الشعبة اتوقع يمكن ما طلع لها غير متاح لانه ارقامهم المرجعية غير

[n3gh3m]

هلااا بنوتااااااااااات

انا سجلت بالبانر وطلع لي مثلكم في الماث غير متااااح

ايش الغلط ..؟؟؟

[!..قلب أنثى..!]

غريبة !


انا سجلت وكول شي

وبعدين اخترت تأكيد

وطلع لي الحالة مؤكد


رحت على جدولي مشان اتأكد شفت كل المواد موجودة


نغم انتي اي شعبه؟

[fofa]

‏n3gh3m انت اني شعبة ؟؟

[n3gh3m]

هلا قلب انثى

بصراحه مدري كيف صار لي في الماث بس رح احاول التسجيل مره ثانيه

اناا في شعبه 3

:119:

[fofa]

اتوقع كل بنات شعبة 3 نفس الحالة

[!..قلب أنثى..!]

الظاهر كل بنات الشعبه 3 نفس الحالة !

[n3gh3m]

سوري ع تأخير الرد لانوو النت هالايام بطئ :cheese: >>>يعصب

[n3gh3m]

طيب كيف والتسجيل ينتهي السبت ع الساعه 10

والكلامس يبدأ من 8 الى 12 ..؟؟؟

[fofa]

الكلاس يبدأ من 10 يوم السبت !!!

[n3gh3m]

ايواا صح كلامك :hahahahahah::hahahahahah:

بس حيكون الجدول مره مزحووم خاصة لان ماده البحث حتعيدها الابله

من الساعه 12 الى 1.30 و الماث من 2 الى 5

حاسه بضغط كبييير :011:

[fofa]

والله ما ادري وش السالفة :000:
مافي غير نصبر شوي لين ما تصحى نسيبه من النوم :hahahahahah::hahahahahah::hahahahahah:
نشوف اذا هي نفس الحالة او لا
اذا اهي نفس الحالة خلاص اتوقع لين هني وكفايه 4 بنااات من نفس الشعبة عندهم نفس المشكلة

[!..قلب أنثى..!]

الله يعين !

[°o.O(جوري)O.o°]

انا الحمد لله سجلت وكووووول شي تماااااامات :cheese:

[ورد الجوري ~]

بنآآت أبس أسأل

بعد ما تسجلوا المقررات وش تسواا


عشان تتأكدوا أنكم سجتوا ؟

[fofa]

ورد بما انه في خطأ في التسجيل عشان الماث غير متاح
فنعتبر ما سجلنا لانه مافي تاكيد التسجيل الا اذا ماكان في خطأ :119:

[fofa]

°o.O(جوري)O.o°
انت اني شعبة ؟

[ورد الجوري ~]

:hahahahahah::hahahahahah:


صدق الي قآآل أناا شعبة المقاااريد


فوفاا أتوقع أن رقم CRN للمآث غلط

[fofa]

:hahahahahah::hahahahahah:


صدق الي قآآل أناا شعبة المقاااريد


فوفاا أتوقع أن رقم CRN للمآث غلط
:hahahahahah: :hahahahahah: :hahahahahah: :hahahahahah:

الاكيد انه غلط اشمعنى بنات الشعب التانية سجلوا احنا كلنا عندنا نفس المشكلة :000:

[بنتوتة الدمام]

هاااااااي بنات اشلونكم ؟؟؟؟؟

بنت انا سجلت بس اشلون اتاكد اني سجلت و بعدين لما اطلع الجدول الاسبوعي يطلع مثل الي عطونا اياه

بس يوم احط الجدول الدراسي يطلع شي ثااااني.........بنات شعبة 4:sdfgdsf:

[Nasibah]

انااااااااااااا بعد وصديقتي يطلع لنااا نفس الشيييي ويقول بعد المواد الثانيه الحاله متزااامن :000:

مااادري ليه بس على شعبتناااا اكيد منهم الغللط:017:

فوووفاااا ماكنت نايمه نسيت سالفة البنر وطلعت دقت علي صديقتي تذكرني :hahahahahah:

[fofa]

خلاص صرنا اربعة نفس الحالة
لا حد فيكم يحاتي :119::119:

[fofa]

ايه حتى انا كلهم متزامن والماث غير متاح

[Nasibah]

طيب والحل اللحين

[بنتوتة الدمام]

لا تخافون يمكن ارقامكم فيها مشكله :000:

[fofa]

مافي حل غير اننا نصبر الى يوم السبت :000:


كلنا نفس الحالة يعني في غلط

[fofa]

بصمة انت نفس المشكلة عندك ولا ؟؟

[Nasibah]

والمشكله هذيل اللي يشتغلون الجااامعه مالهم خلق ابد احسهم دايم معصبين

يعني يوم السبت بروح قبل 10 عشان اتفاهم معاهم >> ناويه هوشه:hahahahahah:

[fofa]

بنااات انسوا شوي سالفة البانر
خل نشوف حل للجدول :000::000:
موب معقول نجلس في الكوليج الى بعد المغرب :017::017:

[fofa]

ايه حتى انا بروح بدري عشان اشوف وش السالفة


هذه اهي حركاتهم الي يسونها دايما

[Nasibah]

فووووفاا رحنا تفاهمنا معااااااااااااااهم
يقولون انه هالمواد تحتاج لابات واللابات تصير طووول اليووووم مشغوله مافيه إلا هالوقت فاضيه :017:

يسوون لابات جديده مو نقعد للمغرب بس يقولون مافيه امل يغيروون

[fofa]

خير ان شاء على كيفهم يجلسونا


لا وبعد ما في اكل سنع


الظاهر يبونا نسوي مثل الي صار باليوم الوطني بالخبر <<< عصبت :017::017:

[fofa]

بصرااحة كرهت الجامعة مادري اشلون بصبر لسه تونا في ثالث اسبوع :011:

[!..قلب أنثى..!]

شو صار باليوم الوطني الي في الخبر :cheese:


<----- كانت مسافرة


بنات خذوا ارقام مطاعم واطلبوا لكم وفلوهاا


بنقعد الى 6 رضينا والا انرضينا <--- كلمات جديدة


نقعد واحنا مرتاحين نفسيا وكل شي


احسسسن من نقعد واحنا النفسية قافلة


و

الله كريم


:cheese:

[fofa]

ما تعرفين وش صاار بالخبر ؟؟؟


ما شفتي وش سوا الشباب


دشي على اليوتيوب او على جوجل وشوف الصور ومقاطع الفيديو
<<< الحمدلله والشكر موب صاحيين


من سالفة المطاعم براحتكم اذا تبونا نتفق نطلب


بس المشكلة اننا ما نتقابل في البريك

[بنتوتة الدمام]

قلب انثى بعد ما سوتي تاكيد تسجيل شنو طلع لج.................؟؟؟؟؟؟؟؟؟؟

[fofa]

اي صح نسيت اقولكم
سألت على كتاب الماث قالوا موب موجود لا بجرير الي بالدمام ولا بجرير الي بالخبر

[!..قلب أنثى..!]

على سالفة كتاب الرياضيات

انا رحت بنفس يوم الي عطتنا اسمه

تخيلوا


وصلت البيت ع ال5 و ربع

وطلعت بعد اذان المغرب



رجعت للدمام وقالوا لي مب موجود


وكلم فرع الظهران ونفس الشي


بعدها كلم الخبر قال باقي نسخه وحدة


وحجزها لي بشررط اروح بنفس اليوم


وطلعت من الدمام الى الخبر


الشوارع مسكرة والحالة حالة


بالموت وصلت للمكتبه .. وخذيته و وقفت انتظر عشان احاسب <---- مطااار مش مكتبة


واخرتها نمت بالسيارة في طريق الرجوع :cheese:


اسألوهم متى بجيبون نسخ ثانية



بنوتة سجلت الرقم بتاع المواد بعدين طلع لي جدول باسماء المواد

اخترت تأكيد تسجيل وتنفيذ الطلب


بعدين طلع لي الحالة مؤكد التسجيل في تاريخ ....... الخ


بعدها دخلت على جدول الطالب الدراسي


لقيت المواد موجودة .. :119:


ههههه خلاص بشوف في اليوتيوب


بس وش اكتب


اليوم الوطني؟ :hahahahahah:

[ورد الجوري ~]

ههههههههههههه

بنآآآآت أناا بطنش سالفة البآآنر

داام كل بنآآت الشعبة هيــــك


وعلى سالفه الجدوول الله يصبرناا


بنآآت صدقووني اذاا انبسطتنااا بهوون المووضوع


مو مثل يوم الربووع شووي وابكي

[!..قلب أنثى..!]

بنات

انا سويت شي متهور :hahahahahah:


طلعت كل الي بخاطري بمنتدى الجامعه


:hahahahahah:



http://kfuforums.kfu.edu.sa/showthread.php?p=237768#post237768



سجلوا وضموا صوتكم لصوتي


يمكن حد يسمعنا :bawling:

[بنتوتة الدمام]

قلب انثى فكرة حلوة :119:بعد شوي بسجل و بشارك وياج

فوفا ما لقتي كتاب الماث يعني من وين نجيبه......:011:

[fofa]

اووووف والله حالة
ابسألهم اليوم متى بيجيبونه

[fofa]

انا عندي فكرة يوم السبت نعطي مس الرياضيات الفلوس واهي تجيبلنا
:hahahahahah: :hahahahahah: :hahahahahah:

تخيلوا بس شكلها و اهي شايلتهم كل كتاب اش كبره < مصددقة نفسي انها بترضى ندفعلها وتجيب لنا
:hahahahahah: :hahahahahah: :hahahahahah:

[fofa]

انا سجلت في منتدى النقاش


شوي و اشارك في الموضوع :119:


علشان يعرفون اش كثر نعاني :011:

[fofa]

فينكم يا صبااياا ليه ما تتكلمون ترا خلقي ضايق ابي احد يتفاعل معي << حس بالي حصة كيمياء قال يتفاعل قال :hahahahahah: :hahahahahah:

[بنتوتة الدمام]

أقول بنات الرمز السري حق منتدى النقاش هو حق البانر الجديد ولا القديم؟

[بنتوتة الدمام]

حلوة نعطيها فلوس وهي تجيبهم :hahahahahah::hahahahahah::hahahahahah:

ما اتوقع تسويها

[fofa]

الرقم الجديد اصلا لو جربتي تسجلين بالقديم مايرضى يسجل

[°o.O(جوري)O.o°]

والله فكرة حلووة قلوووب

بس المشكلة مييين بيسمعنا

اتمنى انها تجييييييب نتااايج :praying:

وعلى فكرة انا شعبة 4 :119:

[بنتوتة الدمام]

:119:مشكورة فوفا بروح اسجل:119:

باااااااااااااي

[ورد الجوري ~]

هلوو :cheese:

فوفآآ + بنوتة


حتى منتدى النقآآش معلق معي مو رآضي يسجل

لا بالرمز الجديد ولا بالرمز القديم

>>> بموت من الضحك على الحظ الي عندي كل شيء قاافل


فوفاا لا يضيق خلقك ولا شيء


الحيـــــــآآه حلوه فليهاا :cheese::cheese:

[fofa]

اهلييين ورد الجوري منورة
انا بقوم لازم اليوم احفظ مصطلحات الرياضيات :011:

[°o.O(جوري)O.o°]

بالتوفيق فوفاا

ياليييت تشجعيني عشان اقوم واقلد :000: << احد ماسكك :hahahahahah:

[fofa]

جوري حبيبتي احنا لازم نحفظ المصطلحات


لانه لسه الاتي اعظم


عندنا كتاب الماث اش كبره وباقي الكتب الكومبيوتر و كلهم بالنجليزي يعني لازم نفهم ونحفظ


وغير كدا الاختبار مقالي ولازم نجيب معدل زين ولا بيطردونا من كليتنا بيودونا كلية ثانية

[°o.O(جوري)O.o°]

ايه بجد صااادقة بس ميين يخلي الكسل :cheese:

المشكلة ما عندنا الا خميس وجمعه نذاكر فيها :017:

لانه باقي الايام زي ما انتوا شايفييين بالمووت يمدينا على الهوموورك :bawling:

ما اقووول الا اللــــــــــــــــــه يعين ..

:sdfgdsf:

[quiet girl]

مسآآ الخير يا حلوين

من زمااااااان عنكم :bawling:

بس من جد على هالنظام الزفت صرت ما افضى ادخل ايام الاسبوع

اجي انام و اقوم اشوف اذا فيه هوم وورك هذا غير الإكتئاب اللي مو راضي يخلص

شوي الا صارت الساعة 1 بعدها خلاص لازم انام عشان ابدا يوم .... جديد

[quiet girl]

بعدين عندي بروبليم صغيرون ما ادري انتم مثلي و لا لا ؟؟؟؟

بصراحة المحاضرة الثانية اللي لحد الساعة 5 عذااااب ما احس اني اقدر استوعب على اخرها

يجيني النوم << متعودة على ايام المدارس من 2 و انا نااااااااايمة :bawling:

مدري شــ راح اسوي اذا بدت المحاضرات من جد :000:

[!..قلب أنثى..!]

والله كلنا هالحالة


مع الايام نتعود ان شاء الله


انا عن نفسي رياضيات السبت او بكرة بذاكره


احنا محاضرة بحث علمي السبت :119:


واما اليوم مخلص للهوم وورك


يا كثره


رايتنق عن الساينس



جوري ادري شعبه 4


بس عطيني تلميح


لان انتي وياي :119:

[!..قلب أنثى..!]

كوايتوووو


والله وحشتيني


للحين ولا شفتك بالكوليج !


وانتي اول بنت سولفت معها


من ايام ماكنا مع الاحسا :bawling:

[quiet girl]

انا و انتي من زماااااااااااان تبع الابيض و اسود :hahahahahah:

خلاص ان شا الله نتقابل السبت بس انتي حددي المكان اللي تبينه


:119:

[!..قلب أنثى..!]

ههههههه ايه


من ايام الابيض والاسود :cheese:


اممممم تعالي كلاسي وقولي مين قلب انثى :hahahahahah:

[fofa]

اووف راسي صدع من المذاكرة بقوم اكل شي و برد اذاكر :000:

[!..قلب أنثى..!]

فوفا


يقويك ربي يا حلوة :cheese:


<--------- تشاهد اميركا قوت تالند :hahahahahah:

[fofa]

فوفا


يقويك ربي يا حلوة :cheese:


<--------- تشاهد اميركا قوت تالند :hahahahahah:


تسلمين يا قلبي :119:

[quiet girl]

هههههههههههههههههههههههههههه

ارسلي لي عالخاص اسمك و انا اجيك السبت <<< تبي تنطق :cheese:

[fofa]

هههههههههههههههههههههههههههه

ارسلي لي عالخاص اسمك و انا اجيك السبت <<< تبي تنطق :cheese:



انا اعرف اسمها بس ما رح اقولك << عارفة داخلة عرض بس اش نسوي باللقافة :000:

[quiet girl]

هههههههههههههه

لقافه على اصوولها << تمزح :cheese:

[fofa]

صبااياا مين فيكم لقت كتاااب الماث غير قلووبة ؟؟؟

[ورد الجوري ~]

احلى يآآدوآآفير

من بداايتهاا جد الله يووفقكم يآآب :119:


فوفآآ يوم السبت وش هي المحااظرة الي عنندناا بعد الانجليزي والى الساعه كم >> جدولي ضآآع :cheese:

[!..قلب أنثى..!]

فوفا كيف عرفتي اسمي


يمممه ساحره :hahahahahah:


شكلي بس انا اخذت الكتاب


وردتنا الجورية


اتوقع عليكم مااث


دام الاخت فوفا تذاكره :hahahahahah:


واتوقع كمان من 10 الى 5



<-------- لقافة

[Nasibah]

انا بعد مالقيت كتااب الماث بالدماااااام لقيته بالراااشد :cheese:

[fofa]

فوفا كيف عرفتي اسمي


يمممه ساحره :hahahahahah:


شكلي بس انا اخذت الكتاب


وردتنا الجورية


اتوقع عليكم مااث


دام الاخت فوفا تذاكره :hahahahahah:


واتوقع كمان من 10 الى 5



<-------- لقافة



اش دعوه من 10 الى 5 :hahahahahah: :hahahahahah: اشلون تجي


ايه يا ورد الجوري علينا ماث من 2 الى 5 :119:


كيف عرفت اسمك يا قلوووبة .. ما رح اقولك

[fofa]

نسيبه في نسخ واجد ولا اخر نسخة مثل ما صار مع قلووبة


علشان ابي القي لي نسخة :011:

[ورد الجوري ~]

صبآآح الخير ..

الله يعين نروح الراشد وان شاء الله نلقااه

[fofa]

صبااح النوور
ورد الجوري :119:

[fofa]

صبااايااا يالي حضرتوا محاظرة البحث العلمي


فين عطتكم المحاظرة في اني مبنى ؟

[بصمة روح]

صباح/مساء الخير
من زمـ ـآآن عنكمـ وعن الملتقىآ
عاد انسدت نفسي من كل شي يتعلق بالجامعه
بعد التسجيل المقرف :bawling:
هع أنا ماراح أتعب نفسي وأخذ كتـ ـآآب :119:
متوفرـر في رسمـ الخدمه :cheese:
ورد الجوري بالنسبه للجدول من 10 إلى 12 إنقلش
ومن 12 إلى 1 ونص إعاده محاضره البحث العلمي مع شعبه 4
ومن 2 إلى 5 رياضيات
تبعه الجدول ماهيكـ:bawling:

[fofa]

اووووووووف يا رب ارحمني ترا مليت ما صارت :000:



يعني الحين نحفظ ال6 chapters الي في كتاب الحاسب :011:



تعبت والله حراام عليهم <<< شوي وتبكي :bawling:

[Nasibah]

شنو تحفظووون :mh19: ماتذكر احد قالنا حفظوا شي إلا الماااث

ورد الجوري قبل ماتروحين دقي عليهم تاكدي انه ماخلص

[بصمة روح]

تهئ تهئ
الحال من بعضو فتحته قرأت منه شوي
وأنسدت نفسي:bawling:

[fofa]

ياا نسيبه نذاكر الي خذينا في تطبيقات الحاسب 46 صفحة


تخيلوا بس لو ما ذاكرنا بيصير بعدين واجد علينا :011:

[بصمة روح]

آآآآهـ ياقلبي
مو تحسوا إنهمـ يعذبونـ ـآآآ
وبيونا نطلع من الكلية :bawling:

[Nasibah]

توني ادري انه قالت نحفظه >> مادري وين كان مخي في المحاضره :cheese:
وشلون احفظه :000:

[fofa]

والله اخاف يطردوني من الكلية بصراحة ما ادري وش بسوي


بيضيع تعب عمري وفي الاخر بيودونا كوليج ما ما نبيها :000:

[fofa]

نسيبه اهي ما قالت نحفظه


بس اكيييد رح تسأل فيه الكلاس الجاي


وحتى لو ما سألت باجر ( حقتك :hahahahahah: ) يجي الاختبار واشلون بنجاووب والاختبار


مقالي واحنا موب حافظين ولا فاهمين :011:

[Nasibah]

من جد شكرن على التنبيه

اذاكر كل الجباتر >>على قولتهااا
ولا بس chapter6

[Nasibah]

والله اني مفهيه بالكلاااس مادرس شنو خذنا ووين وصلنااا:000:

[بصمة روح]

نسيبة هي ماقالت
بس إنتي تدرسي كل شي بوقته اريح
لانو بعدين يصير ضغط وااااجد
إيه صدقتي فوفا بيضيع تعبنا وشقا سنينا :bawling:

[بصمة روح]

نسيبه ذاكري من جابتر ا إلى 6

[fofa]

chapter6 ضروري نفهم ونحفظهم واهي قالت الي ما تفهم اني براغراف تجي تسألني واني بشرحلها


اما اذا تبين تحضرين يعني عشان نجاوب مع لما تسأل في الكلاس فتقدرين تحضرين 3 chapter او اكثر على قد


ما تقدرين :000:

[fofa]

نسيبة في اني مبنى خديتوا محاضرة البحث ؟

[Nasibah]

الله يساعدنااااا

وربي خفت مادري ليه:000:

[Nasibah]

مبنى 65 اخذنااه في كلاس شعبه5
بس انتوا بتاخذونه مع شعبه 4

[fofa]

لا تخافين نسيبه .. حنا نقدر نذاكر اليوم 2 او 3 chapter ونحفظ مصطلحات الرياضيات


وبكرا نذاكر باقي chapter لان يوم السبت الماث اما تطبيقات الحاسب الاحد يعني يمدي نذاكر


كم chapter بالاضافة الى منهج الانجليزي

[Nasibah]

المشكله ماعندي الملزمه اللي عطتنا اللي فيها مصطلحات المااث

فتحت الكتاااب حق الحاسب بس ماعرفت كيف ادرسه واحفظه:no2:

[fofa]

نسيبة لا تحاتين ما حد فاهم شي .. اول شي بما انه ما عنك ملزمة الماث .. خلاص انت انطري الى يوم السبت


بالنسبة للحاسب .. اقرأي كل برغراف والكلمات الي ما تفهمين معناها ترجميها


عقب ما تخلصين وتفهمين البرغراف كامل .. يجي دور الحفظ :119:

[ورد الجوري ~]

:hahahahahah::hahahahahah:

لا بيطردونا من هالكوليج بالتأكيد


انا مثل نسيبة مااعندي ملزمة مآآث

بخلي بصموو تغششني :cheese:>> من أولها

والحااسب 6 شبااتر طوويل:bawling:


بنوتآآت كيف نظاام الكوليج بالاختباارات ؟

يعني اختبار شهري ونهائي والا كيف ؟؟

[fofa]

يا ورد هالسبت مس الماث ما رح تسألنا يعني ما يحتاج تغشي


لانها اهي تعرف انه نص البنااات ما عندهم ملازم


بس عالسبت الي عقبه لازم نكون حافظين لانها رح تبدء تعطينا دروس من الكتاب الي ما ادري فين الاقيه


نظام الكوليج والله ما عندي اني فكرة :011:

[عشقي خجول]

بنوتاات تبع شعبة 3

شو مذااكرتوووة؟؟شوو علينااا>>مفهية بعنف هههههه


وكيفكم مع هالنظاام والدوامااات اللي قالبة النظاام عندناا فوق تحت؟؟

[fofa]

عشقي خجول منو انتي ؟؟ <<< احلفي :hahahahahah: :hahahahahah:



لا بجد منو انت نفسي اعرفك انت و جست جابان ... يا ريت تعرفون بانفسكم :119:

[!..قلب أنثى..!]

ههههههه اما عاااد


اقصد الدوام كامل من 10 مادري متى الى 5 :bawling:


خوب الانجلش ثابت في كل مكان و زمان :cheese:


فوفاا بتقولي لي من وين لو اذبحك في البحث العلمي :hahahahahah:

[fofa]

بنات انا مشغولة شوي بقوم وان شاء الله من الساعة 4 الى 2 بكون خلصت المذاكرة :119:

[fofa]

ههههههه اما عاااد


اقصد الدوام كامل من 10 مادري متى الى 5 :bawling:


خوب الانجلش ثابت في كل مكان و زمان :cheese:


فوفاا بتقولي لي من وين لو اذبحك في البحث العلمي :hahahahahah:



كيفك ناوية مشاكل ترا ما عندي مانع << البنت مشكلجية :hahahahahah:


عاد ودي اسوي مشكلة واضيع محاضرة البحث العلمي <<:hahahahahah: :hahahahahah:

[!..قلب أنثى..!]

هههههههههههههه


قصدك من 2 الى 4 مو العكس


عاااادي نسوي اكشششششن بدل الملل


يلا مي تووو بررررب


واقول مافي منكم وحدة اوك غير نغم الي آزرتني :cheese:

[fofa]

مين قال اني اقصد من 2 الى 4 ....


اقصد من 4 الى 2 ... يعني من 4 العصر الى 2 في نص الليل <<< حس بالي ايام الثانوي :hahahahahah:



بعدين اش معنى نغم ... واحنا موب ماليين عينك ؟؟ :017::017: :017:



صحيح بنااات انا سألت على هالكتاب في جرير الي بالدمام .. الي بالخبر .. الي بالراشد وكلهم قالوا موب موجود .. وش الحل ؟؟؟؟
:017::017:

[!..قلب أنثى..!]

بس هي الي ردت على موضوعي في النقاش :t1:

والله كنها قالت بترسل نسخ الكترونية للي مالقوه :cheese:


او صوروه من وحدة شرته

[fofa]

نسخ الكترونية ههههههههههههههههه



صبري عليه شوي اروح ارد على موضوعك في النقاش



ترا انا سجلت بس علشان ارد على موضوعك <<<< احلفي :hahahahahah::hahahahahah:


بس والله قهر جيت ابسجل باسم fofa طلعت وحدة مسجلة به

[fofa]

بنااات شعبة 3
بكرا رح تيجوا امتين ؟؟
انا شكلي هاطلع من البيت الساعة 9

[لازم تنوره]

:d2:


كيفكم بنات :bgs15:



لو سمحتو ابي اي وحد بشعبه 4 تكتب الجدول حقنا بعد التعديل:066:
لان جدولي ضاع



:020:

[Nasibah]

رضى يسجل البانر اخيررررررررررررررررررررررررررن

[!..قلب أنثى..!]

لازم تنورة

اذا عرفتك بعطيك اياه :hahahahahah:




يا رب يا رب يغيروا دوامنا :bawling:

[fofa]

نسيبة :sdfgdsf:

[fofa]

نسيبة كيف نتاكد انه تسجل كل شي تمااام

[لازم تنوره]

اذا كتبتي الجدول يا قلب انثى بقوولك انا ميين



:33_asmilies-com:

[!..قلب أنثى..!]

ههههههههههه والله مااعرفه p:

بس بكرة انجلش ومهارات البحث العلمي

واعتقد المواد ماتغيرت


نفس ترتيبها

[fofa]

قلب اشلون تاكدتي ان كل شي تمام لما سجلتي :119:

[fofa]

بنات ابسألكم :

الحين طريقة التسجيل

نسجل دخولنا في مظام البانر --> خدمات الطالب و المكافاة المالية ---> التسجيل --> التسجيل \ الحذف والاضافة ---> الفصل الدراسي الاول 1430 --> بعدين نسجل الارقام المرجعية


طب اشلون نتاكد انه خلاص كل اشي تمام


صبااياا ردو لا تطنشون :011:

[ღلسع ـة شقاوهღ.]

هاااي بنات

كيفكم؟

ان شاء الله تمام:g8:

[Nasibah]

بعدين فيه شي اسمه تاكيد التسجيل اضغطي عليه وكل شي بيضبط

[ღلسع ـة شقاوهღ.]

اهلين فوفا

اول شي لما تسجلين الارقام

يطلع لك جدول فيه المواد

جنب كل ماده فيه مربع مكتوب فيه لايوجد

اضغطي عليه يطلع لك خيارات اختاري تأكيد التسجيل

بعدين ادخلي على السجل الاكاديمي او الجدول الدراسي

وتطلع لك المواد

وبث