محبط احباط والوقت يمضي ..

[اليـــتـــيم]

السلام عليكم ورحمة الله وبركاته ..

كيفكم ان شاء الله طيبين ..

ابي احذف الترم احس اني محبط بسبب الوقت وقرب الاختبارات

باقي على اول امتحان 17 يوم والمادة الوحيده اللي استمتعت للمحاضراتها هي الاداراة الماليه
بس باقي لي حفظ المادة ..

بالنسبة للمواد الخمس الباقي لهالترم (موارد بشرية / اساليب كمية / مهارات / اداراة تسويق / تحليل الاحصائي /

هذه المواد ما ادري وش تحتوي . هل هي تحتاج استماع للمحاضرات او لا

ياليت تحيطوني بالمواد اللي تحتاج استماع للمحاضرات والمواد اللي تحتاج وقت مذاكرة اطول


وابشركم بعد باقي ما شاركت الـ 14 مشاركة ولا حليت ولا واجب


انا مدري كيف معدلي جاء عالي جدا .. وودي احافظ عليه

اكيد فهمتوا وش ابي منكم توضحونه لي

الله لايهيئنكم

[العقيل]

حل الواجبات والمناقشات وتحميل المحاضرات شي مهم جدا وخلها اول خطوة تقوم فيها



كل الي معك سهل اذا عندك قدرة تغييب

انصحك تبتدي با التحليل الاحصائي محاضراتة طوية ومن جزائين ومشكلتة في طول المحاضرات بس صعوبة ما فية ولكن بياخذ منك جهد ثلاث مواد علشان تخلصة

سمع المحاصرات مهم في كل الاحوال لنفس الدكتور اذا كنت تبي معدل ممتاز

اذا تخلصت من الاحصاء التحليلي الباقي قليل وسهل مقارنة فية


ومالة داعي الاحباط الكثير من الطلبة لسا ما بدو فية وقت بس هم

[غزاله الدوسري]

وعليكم السلام ورحمة الله وبركاته

حالتك لا تقل عن الأغلبية هنا .. فمهما كان وضعك النفسي وضغوطاتك الإلتزاميه

لابد ان تأخذ لنفسك نقطة بداية .. وكي تكسب وقت للمذاكرة لابد من ان تخسسسر وقت راحتك عالأقل في هذه الثلاثة اسابيع المقبله

لا شيئ صعب مع وجود العزيمة والطموح

اقرأ هذا الموضوع اتوقع انه راح يفيدك

http://www.ckfu.org/vb/t445653.html

وما توفيقك إلا على الله

:2:

[كاتمة الضيم]

والله اعتبر نصيحة الاخوان والاخوات لك نصيحة لي بعد لان للحين ماذاكرت اعيد وازيد

بالخمس محاضرات لتحليل الاحصائي ومن دكتور لدكتور ولا فهمت واحس انه سهل بس يبي له من

يوصل المعلومة صح بس مدري العيب في شرحهم ولا فيني ماقدرت استوعب بطريقتهم،،

[نسيم الصبا]

وعليكم السلام ورحمة الله

أول شي وكل أمرك لله...
اعزم تبدأ بجد، ولاتضيع دقيقه من وقتك...
تذكر أن ضيق الوقت يبرز الطاقه الكامنه للذاكره....
أبدأ بالتحليل الأحصائي ***
حاول تخلص محاضراته في خمس أيام بالكثير..
سمعت في دكتور من جامعة الإمام يشرح معظم المنهج بس محاضراته مختصره وشرحه أفضل من النجار..
ماعندي الرابط لأني ماسجلت الماده..
بس بأرسل تنبيه للي عندهم..
بعد كل محاضره تسمعها اقرا المحاضره قراءه سريعه عشان تثبت فهمك وحفظك للماده..
خلص التحليل وأبدأ بالأساليب الكميه***
حاول تخلصها في 4 أيام ولاتزيد..
هي سهله وشرح الدكتور واااضح ..
ونفس الطريقه كل محاضره تخلص سماعها ارجع اقراها عالسريع...

موارد بشريه&مهارات&تسويق***
مواد نظريه،، مو لازم تسمع المحاضرات لأن وقتك ضيق...
التسويق ملخصها44 صفحه حاول تخلصها في يومين..
كل يوم 22 صفحه..
مهارات البحث ملخصها تقريباً 50 صفحه حاول تخلصها في يومين...
كل يوم 25 صفحه..

آخر ماده خلها للموارد البشريه لأنها أول يوم أختبار ...
ملخصها تقريباً 73 صفحه
يبقى لها تقريباً 3 أيام
+
كل ماده تذاكرها اطبع اسئلتها، اذا امداك تشوفها او عالأقل تكون جاهزه لقبل الأختبار ..

والله يوفق الجميع...

[مـ ع ـاند جروحه]

.. كل يوم أقول ببدأ بكرا .. في أحد مثلي ولا بس أنا كذا

لحد الحين ما ذاكرت شئ .. ولا شئ ..

بكرا ببدأ ان شاء الله *_*

[حيث الهدوء]

اخوي اليتيم

انت تشتكي من عدم قدرتك على استيعابك وبالاخص الاحصاء تدري ليش ؟
لانك متوتر .. وخايف مافي وقت.. وخايف معدلك ينزل .. وخايف ترسب

هذي الاحتمالات هي اللي تخليك تفكر بالانسحاب ..وكتابتك لهذا الموضوع اكبر دليل انك شخص مهتم وتحب النجاح وفي داخلك نور يحب يظهر .لكن محتاج المساعده والنصح .

انا مثلك فكرت انسحب مرات والحمدالله اني غيرت رائيي ولاكان ندمت اشد الندم والوقت لايعوض والندم مرض ليس له علاج .

ابي اذكرك بشغله . انت الان في المستوى الرابع تعديت شوط كبير وجهد لايستهان فيه
مريت بااصعب المواد واخر شي تقول ااجل الترم..

تذكر انك رايح لمستوى خامس ومابقي الا هالعقبه تجتازها . وبعدها سنه ونصف على التخرج ..
ولاتنسى الترم الصيفي اللي راح يساعدنا كثير


اما بالنسبه للمذاكره فيه وقت ونص بعد

(مهارات الاتصال+ موارد بشريه+ادارة تسويق )سخيفه ذاكرها قبل الاختبار بيومين كافي (حفظ)

الاساليب الكميه :(20-4-2013)الى (24-4-2013)
كنت اخاف منها ومو فاهمتها لاكن عرفت انها اتفه منها مافي كلام اطفال
وشويه لايغرك 14 محاظره لو تجمعها كلها 3 محاظرت

اداره ماليه :(25-4-2013)(30-4-2013) ماده صعبه شويات بس اسهل من اداره ماليه 1 بكثير ومسائلها الرياضيه ماتتعدى 6 مسائل والباقي حفظ

اما بالنسبه للاحصاء :(1-5-2013)(5-5-2013) الماده ماعرف عنها شي لاني كنت حامله ماده من مستوى ثالث محاسبة تكاليف


ف اليتيم مومسموح لك الانسحاب والتاجيل مومسموح لك الاستسلام للخوف
انت قطعت شوط كبير والقلق هذا دليل على حبك لنجاح وواصل ونشوفك في المستوى الخامس باذن الله


واصل
واصل
واصل

وغير اسلوبك في المذاكره .. ذاكر ليل نهار .. نهار ليل .. وراح تحس بسعاده وراحة بال ..

قسم وقتك وابعد عن اصحابك ولخص المواد .. كل محاظره اجمعها بصفحه وحده وراح تلاحظ ان معاك 14 ورقه ويصير الموضوع اسهل واذا جاء الامتحان تذاكر الاوراق بس ولاتضيع وقتك بفتح المحاظران
الان لخص كل شي بورقه ..

وننتظرك في المستوى الخامس اوكيه:32:

[بنت السعوديةksa]

المواد باذن الله سهله ان شاء الله

حاول تبدأ ب الادارة الماليه والتحليل الااحصائي و التسويق و الاساليب

لان الجدول هالسنه حلو باول اسبوع فيه يومين قبل كل ماده الضغط الاسبوع الثاني

ما في الا يوم تفرغ وخصوصا المواد الاولى اللي قلت عنها بالبدية

والاساليب فيه ملخص للاخ صقر مناحي مره حلو كاتب شرح الدكتور كامل بس لازم على الاقل

تشوف محاضرات المسائل من محاضره 3 الى 6 انا واصله للان 10 بس والماده مره حلوه

يعني( 4-5 ) تتكلم عن موضوع طريقة الرسم البياني وهي امثله .. ومن 6-8 تتكلم عن طريقة سمبلكس

9 محاضره مستقله وحلو وتقريبا على الاستطلاع السريع ان من 10 - 13 المواضيع تابعه لبعض

واسئل الله لك التوفيق والسداد وللجميع ان شاء الله

[المحترمه]

وعليكم السلام ورحمة الله وبركاته


ياخوي تعوذ من إبليس وتوكل على ربك .... والله يصلح لنا ولك الحال
وييسر الأمور ويخلف على تعبنا كل خير ... وانسى حذف سمستر
لأجل أمر ممكن تتداركه


حاليا تبدأ لعبتك في مسألة المذاكره عليك تقسيم وقتك باقي 17 يوم

بإذن الله ونبدأ حسم نتاجنا ...

بما أنك أنجزت الماليه هنا طاح ربع الهم ...

عندك الموارد البشريه ما يحتاج تتابع مع الدكتور أنا ملخصي للأخ هتآآن

ومتابعه مع الدكتور وممتاز مافي أي نقص حتى ميزة الملخص أنه كتب

كل إضافه من الدكتور ... وكمان هذي أول يوم فـ اتركها شوي قدام يبيلها حفظ

عندك التسويق قليله لكن تحتاج تركز لا أكثر ..

عندك الأساليب وياليت الدنيا كلها أساليب ... بسيطه جدا عليك أنك تتابعها مع

الدكتور وراح تنجزها خلال ثلاث أيام بالكثير في حال أنك تابعت بتركيز ومستمر

المهارات ما أخذتها ولكن كما أسمع أنها تحتاج حفظ وتركيز ...

يبقى التحليل الإحصائي ... هو مو صعب بالعكس أسهل من الإحصاء ولكن العيب

فيه طويل وتحس بملل لكن اختصرها وادخل على محاضرات سلطان عبر هذا الرابط

http://www.youtube.com/playlist?list=PLFF4A501650227843&feature=plcp

فيها 30 محاضره راح تغطي لك 90% من مقررنا بإذن الله ... الفارق أنه القوانين بين

الدكتورين واحد بالإنجلش وواحد بالعربي وأنت عليك تبرمج نفسك من هالناحيه

وهذا اللي يحتاج منك بكل بساطه ... اعزم واعقلها واتكل وربك ما يخيب تعب بإذن الله


بالتوفيق للجميع .. وشكرآ نسيم على التنبيه :16:

[MESFER]

اخي العزيز الاخوان الي سبقوني بالرد عليك ما قصرو قالوا كل شي كنت ابي اقوله وازيد عليه ان تستعين بالله في كل امورك ولا تستلم لاي شي او تحبط من عزيمتك كل شي بوجود العزيمة يسهل ولاحد يقدر يساعدك دام انك خذيت فكرة انك محبط اذكر الله وتعوذ من ابليس واتمنا لك ولجميع اخواني واخواتي التوفيق والسداد في جميع امورهم و الله يوفقهم لما يرضاه

[zerooo]

الله المستعان

[مذوبه الورد]

وربي حمستووووووني اكل الاوراق اكل وانا مالي دخل :biggrin: اشتقت له هالفيس احبه من زمااان::biggrin::16.jpg:

[اليـــتـــيم]

اشكركم من الاعماق على التفاعل :004:

الكلام بداخلي كثير .. :139:


انا قادر على الاستمرار في هالترم والنجاح بس المشكلة في حجم معدلي وما ابيه ينزل معدلي جدا رائع والحمد لله

لذا قررت ان ادعوا لكم بالتوفيق والنجاح في هالترم:rose::004: واما انا :sm18:بقدم اعتذاري والكلام مثل ماقلت كثير لا يسعني شرحه:sm4:

الله يوفقكم ويرزقكم على قد نواياكم

الترم الجاي اخذ هالترم والمبلغ اللي دفعته على الله العوض

بالتوفيق ياغالين :004:

عظيم احترامي:rose:

[* أبو ريوف *]

صباحك خير وسعادة
اخي انا قبل عشر ايام نزلت موضوع عن كيفية الاعتذار عن هذا المستوى
لانها تكالبت علي الظروف من كل حدب وصوب ينسلون
ولكن ان شاء الله اني اكمل رغم حجم الظروف التي امر بها
وانت قادر ع التغلب ع كل شي فلا تضيع ترم بسبب خوفك من نزول معدل ان شاء الله انه ماينزل وعندي امل بالله ثم فيك ان معدلك راح يكون افضل بكثير مما كان عليه
فنهض بكل قوه وعزم واصرار واكمل المسيره مع القافله ولا تتأخر عن الركب ياصاحبي :rose:

[AL RABIE]

السلام عليكم ,,,

اخوي اليتيم ؟؟ بعد كل اللي كتبوه الاخوان والاخوات لك مااعتقد ان في مجال تنسحب لانك بوجود هالناس اللي كتبت لك كل هذا الكلام اللي يعبر عن اهتمامهم الاخوي والانساني لك وللجميع ,, هل ياترى لو أنسحبت بتلاقي بالترم الجاي هاذي الروح العاليه فيهم ؟؟؟ وكيف حاسين فيك وفي الجميع في هذا الترم ( الترم الرابع ) .. أبدأ من من الان واتوكل على الله ,, وانشا الله انك بتتوفق ونتلاقى بمستوى خامس والكل معدي وناجح ..

[مـ ع ـاند جروحه]

.. كل يوم أقول ببدأ بكرا .. في أحد مثلي ولا بس أنا كذا

لحد الحين ما ذاكرت شئ .. ولا شئ ..

بكرا ببدأ ان شاء الله *_*



أعوذ بالله من الشيطان الرجيم .. ...

ببدأ الحين :12::32: