ياليت الكل يدخلو

[مزن لعوب]

سمر ابو عبدالله

وكثير من هم زيهاا ممن تعصف بهم الاشاعات وتلعب بعقولهم اي كلمه


اختنا اللي فوق الله يهديهاا صرحة تقول اذا صحيح مو معينين الدبلومات بترك الدراسه

الله حرام كذا اشاعات وكذا مره اكتب نفس الموضوع مدري كم اللي صدقو الاشاعات وتركو الدراسه

شوفو انا طالبه ثاني تمريض وسويت بحث ميداني << مو ميداني اللي تعرفون هههه

يعني سالت وتقحصت عن كل شي

والحين اقدر اعلن التحدي اتحدى اي متخرجه بدبلوم تمريض ماتعينت انا بمعهدي

تعين ثلاث دفعات بثلاث سنوات


صدقوني مافيه وحده معاها دبلوم تمريض ماتعينت الا المتشرطات مدري

اللي تبي مستوصف وبشرط يكون بحوشهم ماظمن انهم تعينو ماشملهم المسح

وحده كلمتها تقول تخرجت جلشت 9 شهور اتشرط عليهم حتى وافقو على اللي ابيه لان تقديره ممتاز

وحطوها بجنب بيتهم



انا بقول للي يروجون الاشاعات دعو الخلق للخالق


واتقو الله حرام كذا


اختكم


مزن لعوب

[نـورهـ]

يعطيك العافيه مزن لعوب00اسااسا الرزق على الله

انا شخصيا ماتاثر فيني الاشااعات هذه ابدا 00

جزاك الله خير خيتــي00

الله كريم00
:g8:

[ام رسيل]

مشكوره اختي مزن وجزاك الله كل خير

ايوالله الاشاعات تضيع مستقبل ناس كثير

وياليت الكل يفكر بمستقبله ولا يعطي الاشاعات اي مجال لعرقلة مشواره الدراسي والوظيفي ..


:love080:

[دكتورهـ مرجوجه]

واللهي اللي بيسمع كلآم الغير بيضيع تبين تتأكدين روحي أسئلي
مكآن التوظيف بنفسك ولا المعهد اللي درستي به

وبعدين من قآل مافي حد ماتوضف بالتمريض انا لي قرآيب توضفو

شدي الهمه وماعليك وتقدرين تكملين بعدين بكالوريوس آظن

شكرآ:love080:

[سجود الروح]

اللي قسمها تمريض مؤكد بيكون في لها حق في التوظيف أكثر وأكثر


أحنا مانتكلم عن التمريض فقط وانما نتكلم عن باقي التخصصات المظلوم حقها



فهدا لايعني انه لايوجد وظائف وانما للتخصص ذاته


فقط هذي كل السالفة


تحياتي

[mallak alroo7]

مزن لعوب
..
يعطيك العافيه ع الطرح
صحيح في ناس تبي تخرب
وتسوي اشاعات وتحط من كيفها
بس الواحد مايصدق الا اذا شاف بعينه هل الشي
انتي وضميرك..
تقبلي مروي
mallak alroo7

[سجود الروح]

أتمنى من أخت مزن لعوب تكون فاهمتني


تحياتي

[الفيصـــــل]

الاخت مزن لعوب




اهلا بك




ســ أكون منطقي كثيراً




في تصريح صدر من الهيئة الصحيه للتخصصات الطبية تفيد عن مدى توفر الفرص الوظيفية لكل تخصص وجنسي سواء ذكر او انثى






وسبق وان تم طرح هذا البيان وهو من جهه رسميه موثوقة تعتبر الخط االاول للاشرف على القطاعالصحي الخاص والعام على حداً سواء






ثانياً




تصريح معالي الوزير حفظه الله





اذا تم اللدخول بعام 2013 ميلادي لن يتم تظيف اي دبلوم والقرار واضح وصريح امام الجميــــــع وماحد ينكر هالشيء لان قرار وزاري واتحداكم جميعاً تنكرونه






اخواني نحن الان في اواخر 2009 م واللى بيبداء الان خاصة مع الترم الانجليزي ماراح يتخرج الا بعد 3 سنوات




والعقارب تشير الى قرب عام 2013 م





والله ثم والله ثم والله




مابغى احطم احد ومابغى تتحطموا





بس نبي نشمي بعقولنا وش فيادة اهلكم يصرفون عليكم مبالغ والله عاليه وبالاخير نروح ضحيه قررات خاطئة



اذاً من الاساس لانفتح لهم مجال حتى لانكون نحن شماعه الخطأ




لان الحجة لهم بتبلغيهم لنا انهــ لن يتم قبوووول




اما المتخرج الان او اللى في السمستر الاخير او قبل الاخير التوظيف قدامه




وخاصة بنات تمريض




لان باقي على القرار الظالم وقت






اذاً من الان حاوالوا انكم تدرسون بكالريووووس وتهجرون الدبلوم



او توكلوا وحطوا هالقرارات قدام عيونكم





وعسا الله يوفق الجميع




اتمنى ماحد يزعل مني




بس هذي حقيقة ولزم اقولها لكم

[طب تأهيلي]

الفرص بنات بنين م
فرص
وظيفية
جيدة
التمريض فني أجهزة طبية 1
مساعد طبيب أسنان سكرتارية طبية 2
العلاج الطبيعي علاج تنفسي 3
التأمين الصحي عمليات جراحية 4
عمليات جراحية فني تخدير 5
المختبرات فني أسنان 6
علاج تنفسي فني بصريات 7
فرص
وظيفية
متوسطة
سكرتارية طبية التأمين الصحي 8
الأشعة صحة فم وأسنان 9
فني بصريات دبلوم نظم المعلومات الصحية 10
فني تخدير دبلوم الصحة والسلامة 11
صحة فم وأسنان مساعد طبيب أسنان 12
دبلوم الصحة والسلامة 13
فرص
وظيفية
ضئيلة
فني أسنان مراقبة صحية 14
فني أجهزة طبية السجلات الطبية 15
دبلوم نظم المعلومات الصحية المختبرات 16
الصيدلة الأشعة 17
فني طب الطوارئ الصيدلة 18
إدارة صحية إدارة صحية 19
مراقبة صحية التمريض 20
السجلات الطبية العلاج الطبيعي 21
فني طب الطوارئ 22

[الفيصـــــل]

^^ الله يبيض وجهك يالغالي ^^



هذا هو بينا الهيئة طرحه اخونا طب تأهيلي

[مزن لعوب]

سجود الروح:: حبيبتي

صدقيني انا مانزلت الموضوع وكتب هالشي من فراغ صدقيني مافيه اي تخصص للبنات خاصه مافيه توظيف

بس بشرط بدون تشرط مو تجي وحده معاها دبلوم صيدله وتبي مستوصف وبجنب البيت انا بمنطقه

واعرف انا فيه مناطق المعاهد الصحيه الاقبال عليه قليل بس انا بمنطقه 90% من البنات صحيات بس

يوم تلقين وحده ماتعينت تقول اتشرط عليهم مابي الا مستوصف مابي هالمستشفى ابي ذاك مابي

قرى مابي هجر

اخوي \الفيصل

مع الاسف اخوي العزيز ماتكلمت بالمنطق وانا اسفه لاني قلت كذا

انا لو اقدر حذفت ردك لانه اكثر تشائم

اخوي صدقني قبل مايستغنون عن الدبلوم بسنه ع الاقل ماراح تلقى اي معهد مصرح له بالمملكه

لان المعاهد اللي موجوده الان راح تغير من دبلوم الى باكاريوس ع طول يعني ماراح المعاهد تخرج احد دبلوم الا بامر من الوزاره وتتكفل بتوظيفه وخاصه للبنات

بعدين اخوي انت تقول انه امر وزاري من وزير الصحه

تذكر المانع يوم قال مافيه استغناء عن حملة الدبلوم الى 20 سنه ولا ذاك ماكان وزير كان ؟؟؟؟

اخوي تعرف كم كليه تعطي الباكاريوس بالمملكه ماتدري للبنات 5 كليات

بالله هل هي كافيه لتغطيت النقص اكيد لا


تذكر من وقت قريب يوم الغو التاهيلي متى اعلنو عنه قبلها بسنه ونصف

وصدقني لو سجلت بنت الحين بمعهد والمعهد يدري ان قرار الوزير راح يكون تاريخ تنفيذه قبل تخرجها ماراح يقبلونها

ياليت اخوي تصصح معلوماتك لا تحمل وزر ناس مساكين يادوب يفكون الخط يدخلون هنا يقرون

ردك وينهون تعليمهم لجل ردك وقرار وزيرك الموقر

[الفيصـــــل]

تبقى وجهات نظر قابله للنقاش




وبالاخير يحق للجميـــــع اختيار مايروانهــ ويناسب عقولهم





تذكر من وقت قريب يوم الغو التاهيلي متى اعلنو عنه قبلها بسنه ونصف






هذا انتي قلتيها بــ عظمة لسانك سنه ونص والغوهـ وهذا الان على ارض الواقــــع تم الالغاء





سيدتي الان عطوكــ مهله تقدر بــ اربع سنوات تقريباً




وسيتم التطبيق




بعدين الحين الاهم كلامي ول كلام هيئة التخصصات الصحيه





اختي بلاش نكذب على بــعض





المعاهد همها مادي وبس




تبغيني اخذك بجولة على خريجي المعاهد الخاصة دبلوم الاسنان بمنطقة الغربية





ول تخونك ذكرتك بقضيتهم





اذا انت يالطالب ماهتميت بنفسك لاتتظر من مؤسسات مادية بتهتم فيك







المعاهد راح تتحول الى بكالريـــــــــــوس وماحد ينكر ذا



بس متى






ليش الواحد يدخل نفسة بمتاهات من البداية دام الامر بيدهـ





انا ماراح اهرج بالموضـــــــــــــوع ول راح اقولك انتي تذكري تاريخ هالسنه







لاني سبق وقلت اللى بالسمستر الاخير ماعليه خطر او اللى قبله




انتي مستوى ثاني يعني باقي لك سنه فقط




وتتخرجي




ويصير باقي عن الموعد المحدد سنه ونص وانا اقول انه وقت كافي لتوظيف فتاهـ خريجه تمريض




لكن المعنين بكلامي طلاب الان




اللى راح يدرسوا





3 سنوات باللغه الانجليزية




يعني مع الاجراءت واختبار الهيئة راح يكون الموعد المنتظر






الى هناك




نتقابل







انا بلغت اللهم اشهد

[ام رسيل]

اخوي الفيصل ممكن تعطيني رابط لتصريح الوزير بقرار الغاء دبلوم بعام 2013

[مزن لعوب]

واضح من كلامك اخوي انك زعلت من وجهة نظري

انا اسفه كثير اخوي

الغو التاهيلي لانهم من سمحو فيه عام 1425 كانو سمحو فيه بس 5 سنوات كتجربه وفشل

وهذا اللي صرح فيه الهدياني مدير المعاهد الصحيه

يعني من يوم سمحو فيه حددوه بمده زمنيه

بالنسبه لكلامك عن المعاهد

لا تعم فقط خص بالاسم


انا بمعهد بدون ذكر اسمه زميلاتي بعد شهرين يطبقون باقي مادفعو

75% من رسوم الدراسه ومقدرين الى ابعد حد ضروف الناس لا وفيه متابعه للتوظيف يعني التقديم عليهم

ويضمنون التوضيف بس ممكن مايضمنون الوقت خاصه للنسب الضعيفه

الشي الثاني كنك تقول بكلامك طالبات وطلاب الباكاريوس نوابغ 60% نسب ضعيفه

بالنسبه للطلاب مادري الرزق بيد الله بس مستقبلهم الصحي مظلم لسببين اولا لكثرت مشاكلهم

بالمستشفيات وثانيا لكثرت اعدادهم مقارنه بالبنات تدري اخوي سنويا حاجة وزارة الصحه طالبات الدبلوم 1800 واكثر من 500 مستوصف سنويا يستحدث ام في مدن وقرى المملكه

شوف القبول بالكليات الصحيه 200 فقط تتوقع يغطون

اما كلامك عن طلاب هالسنه وثلاث سنوات ممكن يتوهقون ومايتعينون اذا فتحت الوزاره 10 كليات

صحيه ورفعت القبول فيهاا وهذا مستحيل حيل بهالفتره لاسباب كثيرهـ اهمها البناء

انا معاك اذا تقدم على الوزاره 50 طالبه بكاريوس مقابل 50 دبلوم اكيد الافضليه للبكاريوس بس راح يتعينن

الدبلوم مع تخير وقت لانه متقدمات البكاريوس اعدادهم قليله جدا

[سجود الروح]

حبيبتي مزن لعوب ياقلبي


أنا ماتشرطت ولا بتشرط لو يحصل بس والله



هو حصل مستوصف وقلت لا؟

حتى هدا ماحصل لي ؟


عشان كذا أنا أقول تجربتي من الواقع مو من الاشاعات !!!!!!!!!!!!!!


قدمت ومافيه أي رد من أي جهة


تحياتي

[مزن لعوب]

سجود ممكن توضحين لي وللباقين كم نسبتك ,,,, منطقتك,,,اسم معهدك اللي تخرجتي منه

تخصصك ,,,, اذا صيدله او اشعه لاتذكرين شي من اللي فوق لان وزارة الصحه مكتفيه من تخصصك

انا كلامي على التمريض واذا تخصصك مو تمريض وتتكلمين باسم كل التخصصات هذي مشكلتك

كان الافضل توضحين تخصصك وانك ماتعينيت مو تقولي دبلوم وماتعين

[الفيصـــــل]

انا مادري وش الاسباب اللى تخليني ازعل على قولتك



اختي حنا هنا نتناقش وناقشنا لصالح اخواننا


فــ اعتقد الزعل مرفوض جملة وتفصيلاً





انا لاريد







الجميع قد وضع مالدية ومابجعبتهــ






والان الامر بيديهم جميعاً عرف المساؤئ والايجابيات




بالمناسبة انا لم اتطرق لمستوى البكالريوس ومدى كفائتهم والتقليل من حمله الدبلوم





ثقى كان لي شرف هنا بمحاورة قلمك




شكراً

[سجود الروح]

ثاااااااااااااااااااانكس على التهزيئة :g20:



أولا أنا مختبرات الاكاديمية



وبعدين الصيدلة بعد والاشعة يعني التخصصات غير التمريض تقريبا وظائفهم قليلة وهدا شي معروف


موجديد

[سجود الروح]

اخوي الفيصل شكرا على تفهمك للموضوع من جميع النواحي واحترامك وجهات النظر


أتمنى من الكل الاحترااااام

[ام رسيل]

تمنيت والله اقرا القرار لان احتمال يكون تخرجي بعد 3 سنوات وحابه اتاكد :bawling:

بحثت ولا حصلت شي ..

[مــــــلاك]

تمنيت والله اقرا القرار لان احتمال يكون تخرجي بعد 3 سنوات وحابه اتاكد

بحثت ولا حصلت شي .. <<<<<<<وأنا بعد ..أبي أتأكد لان توني مخلصه التأهيلي يعني باقي لي مشوار :Cry111:

[مزن لعوب]

سجوده انا اسفه

واذا مختبرات ابشرك راح تتعينين هالسنه وقولي مزن ماقلت الصدق


اخوي الفيصل انا اسعد اني تحاورت معاك وانا عن جد اسفه


وعلى فكره اللي تعينو قبل خمس سنوات تعرضو لنفس الاشاعات وفيه منهم من كان يدرس صدقو وتركو الدراسه

ارجوكم لا تصدقون البنات لو بغت تطوع براتب قبلوها كيف وهي دارسه بس بشرط ترى بالنصيب

والرزق وتجيب نسبه عاليه لجل تتشرط عليهم

مو مقبول وتقول ليش ماتعينت

[سجود الروح]

أنا خلاص بالنسبة لي راح أكمل دراستي انشاالله أصعد القمر وأروح وين ما أروح

رااااح أكمل و أحقق الطموح الي أنا أبيه


وماارااح أنتظر الوظيفة تجيني لاني مو بحاجتها


بالتوفيق للجميع يااااااااااارب

[ممرضه 2008]

مرحبااا اخواني وخواتي
كيفكم
اخباركم
انا صحيح مو من الاكاديميه انا من معهد ثاني
انتو ليش مسوين سالفه
طيب يااخواني واخواتي الي مقتنع انه اذ تخرج مابيتوظف ليش من الاساس يدرس


والي بيتكلم يقول عدله ولا يسكت لان انتو كذا تخربو على باقي الطلاب والطالبات
واتمنى تقبلو مروري

[سمر ام عبدالله]

انتو مدري ليش فاهمين ان حنا نبي نخرب على الي يدرسون الحين ياناس
يقولو لكم القرار مصرح فيه من قبل وزارة الصحة وانتو تقولون اشاعة
وحدة من زيميلاتي تقول سمعت هالقرار في قناة الاخبارية
عشااان كذا تخوفت اسجل وبعدها اجلس في البيت يكفيني حرة الجامعة الا درست فيها اربع سنين وفي غربة وبعدها جلست في البيت
نبي نتأأأكد وادرس الموضوع قبل لا اسجل وتروح فلوسي بلاش 852

[طب تأهيلي]

الرزق على الله وترى المجال الطبي فيه نقص شديد في بعض التخصصات...
واللي كاتبه ربي بيصير... وأنشالله مايصير الا كل خير..
وعلى ماقال المثل العلم بحر لا قرار له.. وقل رب العالمين ((ما أتيتم من العلم إلا قليلاً))
فلماذا نتوقف عند الدبلوم مافيه مانع نكمل ونطمح للمزيد والتطور..

وفق الله الجميع

[ممرضه 2008]

بس مالا داعي للتحطيم


اكتفو بتحطيم انفسكم

[الفيصـــــل]

http://www.al-madina.com/node/148519




ادخل الرابط اللى فوق واقراء خاصة اخر سطرين




وهذا لايغني سأجيب الامر الثاني





همسة لجميع من نثر بريق حرفة






اذا كنت تتبع قواعد المناقشات وجماليات الكلام ثق ان لــ حرفك مستقراً بالقلب







واذا كان مروركــ باهت لالون لهــ ولاطعم مجرد الرشق بالكلام تارة يمين وتارة يسار




ثق انا وجميع المتحاورين في غنى عن هذا الكلام





قد استطيع انا وسجود ومزن مانتكلم




ولا راح ينقصنا شيء






ولكن الاخت مزن فتحت موضوع وكل واحد ادلى بدلوهـ وان كان اختلفنا ولكن هذهـ الاختلاف في مصلحه الطلاب





ونحن لم نكتب هنا الا من مصلحه جميعاً قراء الاحداث من طرف



انا وسجود قرائنها من طرف واحد والاخت مزن من طرف اخرى وتعددت الاراء وهي في مصلحه القارئ









اتمنى ان كلامي مايزعل احد وهي مجرد اراء شخص ليس من الضروري ان تأخذ بها ولكن ضعها امام عينك عند اتخاذك اي قرار






سجود الروح




شكراً لاطرئاكـــ ومالدينا هو نقطة من بحور جمال حواركـــ اسعدكــ الرب









مزن



لاداعي للاسف جميعاً اخوة تحت هذهـ الصرح




ثقي لحرفك نكههــ بالحضـــــــور يغري الجميع لمناقشتهـــ



دمتي في رقي

[الفيصـــــل]

http://www.alyaum.com/issue/page.php?IN=13106&P=1


ايضاً هنا الخبر الثالث من الاخير

[مزن لعوب]

كلامي اخوي الفيصل صحيح

بس احس اني اتكلم بموضوع وانتم بموضوع ثاني

لانه اذا طبق القرار راح تسحب جميع تصاريح المعاهد لدبلوم

غلاتي سمر ابو عبدالله اذا حابه المجال الصحي سجلي وتوكلي على الله

القرار ينص على مطالبة اصحاب المعاهد بتحولها الى كليات ولم يلزمهم

والوزاره غير قادره على انشاء كليات تستوعب حاجة سوق العمل من حملة بكاريوس التمريض

واحب ازيد نسب تسجيل الطالبات بمهنة التمريض جدا قليل بسبب نظرة المجتمع الجائره لهذه المهنه الشريفه

المعاهد الحكوميه للتمريض قبولها بالسنه اقصى حد 60 طالبه للمستوى الاول

قليل الاقبال عليهم

واستحداث المستشفيات والمستوصفات بزدياد كبير

[سمر ام عبدالله]

بس انا ابي صيدلة مابي تمريض
بسوي بحث بعد عن الصيدلة وفرص التوظيف
ادري التمريض مجاله اوسع بس انا حابة صيدلة

[طب تأهيلي]

الله يوفقك ............... أمين

[ام رسيل]

مشكور اخوي الفيصل على الرابط

[الفيصـــــل]

:011:مشكور اخوي الفيصل على الرابط





العفو يأخــــــــــــــت فيصل

[نـورهـ]

لاحول ولاقوة الا بالله00000:s11:

الا شكله القرااار بيطبق وبقوووه بعد00

طلاب وطالبات المانع بعد مخلصوو سنه E على امل ان المواارد بتدعمهم في

التخصص 00بالاخير وبعد مادااخو وهم بنتظروون ورااحت عليهم العطله بالمحاتاة 000قالو لهم الموااارد ماراح

ندعم الدبلووم بس البكاالوريوس 00قهــــــــر :017: :017: