اذا كنت ما بديت في المذاكرة الموضوع بيفدك ان شاء الله

[Dr Jekyll]

السلام عليكم



هذه نتيجة الاستطلاع قبل بدء الاختبارات النهائية :

http://im35.gulfup.com/V81Av.jpg
يمكنكم زيارة الموضوع من الرابط التالي :

http://www.ckfu.org/vb/t448859.html

وكما نلاحظ ان تخوف الأغلبية تركز على مادة الإدارة المالية 2 ويليها مباشرة مادة الأساليب الكمية بغض النظر عن حجم العينة .


اما الصورة التالية فهي توضح نتائج استطلاع اجري قبل عام عن انطباعات طلبة المستوى الرابع بعد موسم الاختبارات النهائية :

http://im35.gulfup.com/htR8f.jpg


يمكنكم زيارة الموضوع من الرابط التالي :

http://www.ckfu.org/vb/t335977.html

كما هو واضح كان محور الاستطلاع عن اصعب اختبار واجهه الطلاب على نفس المواد التي ذكرنها في استطلاعنا ( تم إزالة التحليل الاحصائي و كذلك مهارات البحث لتسهل المقارنة التحليل الاحصائي لا يختلف اثنان فيها ) ، وكانت النتيجة واضحه ان إدارة التسويق احتلت المركز الأول في صعوبة الاختبار مقارنة بالاربع مواد التي شملها استطلاعنا ويليها إدارة الموارد البشرية اما إدارة مالية 2 فكانت في ذيل القائمة .

ويتضح لنا ان نتائج استطلاع مخاوف الطلاب قبل الاختبارات جاء عكسيا 100 % لاستطلاع انطباع الطلبة بعد موسم الاختبارات .

بالطبع لانعرف الظروف التي أحاطت بالطلاب السابقين اثناء أدائهم الاختبارات اوقدراتهم العلمية ، ولكن هذا لا يمنع من ان مثل هذه الاستطلاعات تساعد في لفت انتباه الطالب الى أمور قد يغفل عنها . وتختصر عليه الوقت ويقدر يعرف الى اين يوجه قدراته وطاقته في الفترة الحالية .

اترك لكل فرد منكم التفكير بهذه النتيجة .


الشيء الثاني بالنسبة للموضوع اللي ذكرته لكم اليوم سوف يتم تأجيله الى ان نلاقي حل في الملاقيف :40:

تحياتي واشكر لكم اهتمامكم بالموضوع السابق
وبإذن الله بيكون النجاح والتوفيق حليفنا ورفيقنا في الايام القادمة :14:

[l a v e n d e r]

الله يكون بالعون خيو ..

كل الشكر لكـ

:16:

[كولبهـــــآر]

^^
سبقتيني
:29:

لي عودهه آستوعب آل مكتوب

[ام النوني]

و الله عاد ماتوقعت ان بتكون صعبه مرتاحه منه يسولف في المحاضره و يشجع قلت بس هذا إلى بيسهلها علينا. بس ان شاء الله مايخيب ظني فيه و يصير اجودي ابن حلال :9::20:

[زياد بن راشد]

وصلت المعلومة
انت بصراحه كذا :21:

يا حسافة على اسبوعين ضاعو في المالية

[نــواف بن راشد]

اهلاً يا دكتور

الموضوع ما أخذ الوقت الكافي للتصويت اولاً


ثانياً
هناك بعض الاعضاء يحب المواد الحفظ ويسهل عليه(التسويق او غيره )

ويكرهه مواد الفهم والشرح ودوخه الراس
والعكس صحيح

وهنا (مربط الفرس )



الله يوفقنا ونعدي هالترم على خير

thanks & best regards

[همس الريم]

حياك الله دكتورنا .. وصلت الفكره لكن احب ان تاخذ بعين الاعتبار شغلتين لا اعتقد انهم طافو عليك

الاولى / الاستطلاع بعد الاختبار واساله الاختبار كانت قريبه للاعوام السابقه الا حد كبير

الثانيه / التعميم اللي احيطوا فيه الدكاتره بتغير الاساله والخ

فهنا راح تختلف الامور الا حد ما .. عني انا ماراح تختلف عندي بشئ للحين ما ذاكرت شئ

وراح اعتمد اعتماد كبيرر ع اساله الاترام السابقه

مع الاطلع ع المحاظرات المباشره ومرور سريع ع المحتوى او الملخص فقط لا غير

وكان الله غفورا رحيم ..

[جنون الحياه]

يعطيك العآآآفيه ,,

مآلنآ نصيب بموضوعك الثآني ,, :16.jpg:

الله يسهل ويعين ,, :40:


بآلتوووووفيق دفعتي الجميلة ,,:16::16:

[أبان]

شكراً دكتور

و التوازن مطلوب

[موت وميلاد]

أصلا انا اكثر مادتين خايفة منها الموارد البشرية وادارة التسويق ..
لكن الله يسهلها عليينا ويسرلنا اختباراتنا ..
وبالتوفيق لنا جميعا ..😊😊

[مسكره]

..

انا وحده توني مابديت اذاكر مدري شفيه مخي
من اقول بذاكر يسكر بيبانه :10:
وجد انصدمت انا توقعت التسويق اسهل شي
بس من الاحصائيه طلعت اصعب اختبار مر ع العالم :31:

الله يسسهل علينا ويوفقنا ويكون بعونا :16::29:
ويفتح لي مخي واذاكر " :16:
( دعواتكم )

[نسيم الصبا]

مثل ماتوقعت:39:

موارد بشريه&تسوبق...

الملاقيف ودي واحد يجمعهم وينفيهم للمريخ,عشان تنزل الموضوع ونستريح:42:

[Ali s]

عجبتني طريقة تفكير ماشاءالله عليك

الله يوفقك ويكتب لك النجاح والتوفيق انت وجميع الزملاء والزميلات الأعزاء

[وردة الحجاز]

في الحقيقة انا اخترت موادي بناءا على احصائية ماقبلنا ..
لذلك ماعندي لا تسويق ولا تحليل ..

وماخذتهم لاني متوقعه انشغل هالترم ..

الله يسهل للجميع وان شاء الله تجي الاسئلة كما نحب واكثر ..:16:

[روحي بحائل]

الصراحه مثل مايقول المثل اللي تخاف منه مايجيك احسن منه
بعدين يمكن اللي قبلنا خافوا من المواد العلميه وحطو حيلهم به وتركو المواد اللي تبي حفظ نوع ما وسهله
لان الشئ هذا صار لي من قبل للاسف :44:

[يارب تصيب]

وانا حاطه التسويق مع السهل :12:

الملاقيف رجاء خلونا بحالنا اللي فينا مكفينا :18:

[عسله]

هههههههههههههههههههههههههههه .... الملاقيف ارقدوا :20::5:

[كاتمة الضيم]

ماشاء الله عليك تلتفت لاشياء ماتخطر ع البال عجبتني المقارنة ،،

عموما الموضوع جاز لي وانت مابعد نزلته ولا بعد عرفته بس لقيت

حل للملاقيف ولا مالقيت علمنا فيه قبل وقته بثلاث ساعات ع اقل تقدير،،

[شيهانه...]

مثل ماتوقعت تسويق هالماده انا خايفه منهاوكثير كمان :40:

الله يعين ويعديها بخير وبانتظار موضوعك خيوووو ولاتتاخر علينا
وبالتوفيق للجميع ♥:16:

[@الصبر@]

يعطيك العافية

طبعاً أختلفت الصورة تماماً

وأصبحت كأنها مقلوبة

يعني اللي تقول عنه سهل يصير صعب واللي تقول عنه صعب يصير سهل

بالنهاية لازم نجد على نفسنا ونكثف المذاكرة هالفترة

وبارك الله فيك

[محمد الشمريـ]

أصلا انا اكثر مادتين خايفة منها الموارد البشرية وادارة التسويق ..
لكن الله يسهلها عليينا ويسرلنا اختباراتنا ..
وبالتوفيق لنا جميعا ..😊😊

تطمني انشاء الله انهن سهلات الماده الي اخذه كل تفكيري الي هي التحليل الاحصائي ياربناااا سترك بس ؟’’’’

[معطـــــاب]

الله يعطيك العافية ويجزاك عنا خير


تحياتي

[تشرين]

ياساتر هجمة مرتدة :biggrin:

تتسهل ان شاء الله

امممم لازم تساعدنا شوفلنا طريقه من هنا او هناك زي موضوع المراجعة ويكون ابو ٦٠ صفحه تحطلك رد مساعد لنا وطبعًا الملاقيف مايضيعو وقت في هذه المواضيع اللي هم اكبر واشطر منها خخخ:biggrin:

بسألك التحليل الاحصائي تتوقع يكفي ملخص دوحة غناء مع اسئلة الاختبار
لان ماتوقع الدكتور يخترع اسئلة جديده ممكن يغير حاجات نظريه ارقام بس الاسئله كلها ماتوقع
لان يهمني بس كل جزء كيف طريقة حله فقط :10:

[أسيــــره. ']

أتمنى التوفيق للجميع !!


وأتمنى هالمستوى يخففوا علينا الأساتذة من الأسئلة التعجزيه ..

[الدآآآنه]

لم تكن ادارة الموارد البشريه واداره تسويق من المواد الصعبه
بل اسئله الدكاتره المبهمه والمشقلبه هي اللي كانت اصعب لو كانت اسئلتهم مثل اللي موجود بالمحتوى لكانت نسبة صعوبه هذي المواد اقل
وفي نسبه الاداره الماليه والاساليب الكميه هذا يدل على ان اسئله الاختبار كانت واضحه ومكرره


ويااارب انك تسهل علينا الاختبارات وتكون اسئلتهم واضحه وصريحه :24:

[ابو ثامر]

يعطيك العافيه اخوي

[سعيدان و عليان]

موضوعك قوي ... ولكن بالنسبة لي سبب أرتياحي للتسويق هو موضوعك ... الأول في بداية الترم موضوع متكامل حتى لدرجة أعطيتني نفس أتابع المحاضرات للأخير . . .

وبالنسبة للموارد البشرية عن تصفحي لها وجدتها تقريباً من الحياة العمليـة .,,,


ولكن في موضوعك هذا أنقلبت رأساً على عقب ...


مادري وش أقول

دائماً ماتبهرني الله يوفقك ياجيكل

[Dr Jekyll]

السلام عليكم وتحياتي لكل دوافير دفعتنا ^.^

اشكركم جميعا على المشاركة وللاخوان نواف بن راشد وهمس الريم
كلامكم صحيح 100 % ولكن هذا انا ذكرته في سياق كلامي بعبارة " بالطبع لانعرف الظروف التي أحاطت بالطلاب السابقين اثناء أدائهم الاختبارات اوقدراتهم العلمية "

خلاصة ما اقصده من الموضوع فسره شيخنا ابان بكلمتين
التوازن مطلوب :3::3::3::3:

المقصد انك ما تركز على مواد معينه
وتستسهل مواد لان ملخصها مثلا 40 صفحة ودكتورها ينكت :)

وزع جهدك

خل المواد النظريه لرفع المعدل لا تفوتها و ركز عليها

المواد العلمية حاول تركز على المحاضرات البسيطة من اجل الوصول الى درجة النجاح في حال داهمك الوقت وركز على المحاضرات اللي كان لها نصيب الاسد من اسئلة الاختبار



نقطه مهمه يا اخواني واخواتي

50 او 70 او 100 سؤال مادام دكتور المادة هو نفسه من سوف يضع اسئلة الاختبار

قد يغير نمط الاسئلة
وقد يغير الاجابات
ولكنه لن يغير اسلوبه الذي انتهجه طوال تدريسه لهذه المادة
ولن يغير قناعاته بان المحاضرة رقم 4 مهمه اكثر من المحاضرة رقم 10 ولهذا اركز في اختباراتي على المحاضرة رقم 4
ان شاء الله وصلت الصورة :13:


ابو اسيل المادة سهله ان شاء الله شد حيلك الاختبارات قربت ورينا ابداعاتك :19:

تحياتي لكم وبالتوفيق ان شاء الله

[سعيدان و عليان]

السلام عليكم وتحياتي لكل دوافير دفعتنا ^.^

اشكركم جميعا على المشاركة وللاخوان نواف بن راشد وهمس الريم
كلامكم صحيح 100 % ولكن هذا انا ذكرته في سياق كلامي بعبارة " بالطبع لانعرف الظروف التي أحاطت بالطلاب السابقين اثناء أدائهم الاختبارات اوقدراتهم العلمية "

خلاصة ما اقصده من الموضوع فسره شيخنا ابان بكلمتين
التوازن مطلوب :3::3::3::3:

المقصد انك ما تركز على مواد معينه
وتستسهل مواد لان ملخصها مثلا 40 صفحة ودكتورها ينكت :)

وزع جهدك

خل المواد النظريه لرفع المعدل لا تفوتها و ركز عليها

المواد العلمية حاول تركز على المحاضرات البسيطة من اجل الوصول الى درجة النجاح في حال داهمك الوقت وركز على المحاضرات اللي كان لها نصيب الاسد من اسئلة الاختبار



نقطه مهمه يا اخواني واخواتي

50 او 70 او 100 سؤال مادام دكتور المادة هو نفسه من سوف يضع اسئلة الاختبار

قد يغير نمط الاسئلة
وقد يغير الاجابات
ولكنه لن يغير اسلوبه الذي انتهجه طوال تدريسه لهذه المادة
ولن يغير قناعاته بان المحاضرة رقم 4 مهمه اكثر من المحاضرة رقم 10 ولهذا اركز في اختباراتي على المحاضرة رقم 4
ان شاء الله وصلت الصورة :13:


ابو اسيل المادة سهله ان شاء الله شد حيلك الاختبارات قربت ورينا ابداعاتك :19:

تحياتي لكم وبالتوفيق ان شاء الله


الترم هذا الله يكون في العون بس ,,,


دوامي أصبح سىء للغاية مكلف بعملين وللأمانه ماقدر أسوي أي شىء

فالبركه فيك أنت ومن معك الله يقويكم


ولأ أنا ... عيني تشـوف وقاصرات أيديني

[همس الريم]

كلامك سليم دكتورنا .. انا شخصيا ابتديت اذاكر البشريه قبل يومين والليله بدخل التسويق

اما الباقي لكل ماده يوومين واعتمادي الاكبر ع الاسأله وعسى الله يخارجنا :30:

[أستاذ حلمي]

الله يكتب اللي فيه خير

كل الشكر والتقدير لك :2:

[حلم الطفولهـ]

الله يعدي هالترم على خير :44:

[قديمة جديده]

وش سالفت محاضره 4 ممكن تفسر الله يسعدك؟؟؟؟:31:

[رورو-A]

يعطيك العافيه ماتقصر

بالنسبه للموضوع الثاني ارسله خاص للاعضاء الطيبين الملاقيف خلهم يولون او يعملون لهم حجب :13::17:

انا خايفه من التسويق بس ان شاء الله يعدي على خير :20:

الدكتور اللي يتكلم كثير اسئلته تجي فيها لف ودوران :41:

الله يوفقنا ونعدي المستوى بدرجات عاليه :16::21:

[طالبة اداره1]

الله يسعدك ويوفقنا جميعا يارب لسه ماذاكرت وملخبطة مدري وش ابدا فيه :36:
انتظر موضوعك الثاني

وللملاقيف الله يشغلكم باعماركم ويعميكم عننا :20:
<<<<<<< حايمة كبدها لأقصى حد:25:

[عبدالعزيز123]

الله يعطيك العافية

الراس منقلب يادكتور .. ولايحتاج زود

عطنا اللي عندك الله يرضى عليك

[يارب تصيب]

كلامك عن المحاضره الرابعه مثال عام ولا خاص لماده معينه ليت تفيدنا لاننا محتاسين :18:

[نسيم الصبا]

بتخلون الواحد يوسوس:42:

الدكاتره يوزعوا أسئلتهم على كل المحاضرات...
ولو فرضاً محاضره من المنهج أهم من غيرها ..
مااتوقع دكتور يجيب حتى لو ربع الأسئله من محاضره وحده!!
أتوقع قصده
نفس الكلام اللي يقوله د.خالد خليل دائماً..
ركزوا على الجزئيات المهمه اللي دارت حولها الأختبارات السابقه..
يعني هالموضوعات هي زبدة كل محاضره..
ومايمنع ان في محاضرات فعلاً أهم من غيرها..
مثلاً التسويق
الدكتور في كل محاضره يردد عناصر المزيج التسويقي(السلعه أوالخدمه،الترويج،التوزيع،التسعير)..
وكل عنصر منهم أفرد له محاضره ،يعني هالمحاضرات هي صلب المنهج فطبيعي تكون الأسئله عليها أكثر..
لكن مو معناته المحاضرات الثانيه ماجاب منها..

الشاهد من كلام د.جيكل

وركز على المحاضرات اللي كان لها نصيب الاسد من اسئلة الاختبار

المعذره د.جيكل عالتطفل..
بس كان ودي أطمنهم لحد مايجي ردك..

[م ـلآكـ آلـ ح ــزن]

الله يعطيك الف عافيه
:16:

[مساهر]

تسلم يادكتورنا الغالي :21:


بصراحه بدا التسويق يقلقنييي :38:


واثاري فيه علووووم ورى السوالف طول 14 محاضره !!

[N E X T]

الله يكتب اللى فيه الخير انشاء الله


مع التحيه

[Dr Jekyll]

الترم هذا الله يكون في العون بس ,,,


دوامي أصبح سىء للغاية مكلف بعملين وللأمانه ماقدر أسوي أي شىء

فالبركه فيك أنت ومن معك الله يقويكم


ولأ أنا ... عيني تشـوف وقاصرات أيديني

الله يكون في عونك ان شاء الله يا ابو اسيل

لا تشيل هم الوضع سهل بإذن الله

في شغله بارسلها لك بالخاص بس خلها تنتبطخ :21:

و مره ثانيه لا تشارك في الجنادرية :20:

تحياتي

[Dr Jekyll]

بتخلون الواحد يوسوس:42:

الدكاتره يوزعوا أسئلتهم على كل المحاضرات...
ولو فرضاً محاضره من المنهج أهم من غيرها ..
مااتوقع دكتور يجيب حتى لو ربع الأسئله من محاضره وحده!!
أتوقع قصده
نفس الكلام اللي يقوله د.خالد خليل دائماً..
ركزوا على الجزئيات المهمه اللي دارت حولها الأختبارات السابقه..
يعني هالموضوعات هي زبدة كل محاضره..
ومايمنع ان في محاضرات فعلاً أهم من غيرها..
مثلاً التسويق
الدكتور في كل محاضره يردد عناصر المزيج التسويقي(السلعه أوالخدمه،الترويج،التوزيع،التسعير)..
وكل عنصر منهم أفرد له محاضره ،يعني هالمحاضرات هي صلب المنهج فطبيعي تكون الأسئله عليها أكثر..
لكن مو معناته المحاضرات الثانيه ماجاب منها..

الشاهد من كلام د.جيكل



المعذره د.جيكل عالتطفل..
بس كان ودي أطمنهم لحد مايجي ردك..


ما قصرتي واحب اضيف نقطه بسيطه ومثال

النقطة : الدكتور مطالب بوضع اسئلة عن كل محاضرة وهذا شيء مسلم به
لكن <------ باللهجه السودانية
كم سؤال على كل محاضرة ؟ هنا نفسية الدكتور وقناعاته تلعب دور

مثال :
الدكتور البـــلالـــي الله يبارك فيه
في اختبارات مهارات البحث طبعا كان عندي ظرف في العمل منعني من الاختبار في الشرقية ولكن قلت خلني اسوي تحليل سريع على اختباراته واذا لقيت الوضع مايبغى له مجهود ابحث عن اقرب مركز اختبارات قريب من مكان العمل واروح اختبر بسرعه وارجع الى العمل


بالفعل حللت اسئلته ولقيت اسئلته عن كل المحاضرات الـ 14
ولكنه ركز على محاضرة الوقت
والتخطيط والدافعية
والقراء
والمحاضرة 13 تقريبا
ومحاضرة التذكر او المذاكرة

طبعا هذا ما اذكره
بمعنى ان المنطق يقول أن 70 سؤال ÷ 14 محاضرة = 5 اسئلة نصيب كل محاضرة في الاختبار

ولكن المحاضرات اللي ذكرتها اعلاه تفاوت التركيز فيها لان الدكتور يراها مهمها
فطرح عليها اغلب الاسئلة
مثلا القراءة طرح عليها 7 - 10 سؤال تقريبا

ونجد مثلا المحاضرة 14 طرح عليها 1-2 اسئلة فقط


هذا ما قصدته شوف الدكتور وين يركز وركز معاه

لان تركيزه على هذه المحاضرات يعتمد على قناعاته بانها اهم من غيرها

وهذه القناعة لن تتغير مع الزمن سواء كان الاختبار من 50 او 70 او 100 سؤال
احتمال ما يكرر لك نفس الاسئلة بالحرف
ولكنه بيكرر نفس المحاضرات اللي يجيب منها الاسئلة

نقطه اضافية في تحليل اسلوب الدكتور البــلالـــي في الاختبارات يمكن تفيدكم

اي رسم توضيحي ركز عليه لانه بيذكر سؤال عنه والسبب لانه يتعب في رسمه فلا بد له ان يتأكد انك حافظ محتوى هالرسم التوضيحي


جنون الحياة
اشكر لك مشاركتك
ان شاء الله فيه معلومة طيبه قبل اختبار من اختبارات مواد مستوى ثالث باعطيكم اياها ان شاء الله واتمنى انها تفيدكم


بالتوفيق يا اخواني الدوافير

واشكركم على المشاركة

[%كل الغلا%]

:4:وانا اللي كنت بذاكر التسويق والموارد ب 3 ايام آآآهن على وقت مضى :24_asmilies-com:

[sro0orah]

انا مشكلتي احس ساعات مواد النظري اقرا وممكن احفظ وتسذا اهون بشوي من مواد فهم وحسابات وقلة ادب
يعني من الاخر بديت باساليب وفر مخي فر وانا توني مادخلت محاضره 6 واللي عقبها انقلب راسي حوسه صراحه كل ماقول بديت افهم وكذا اطلع من جنبها وينحاس كل شي براسي كل ماقلت سهل مدري وش يصير يارب انك تعين بس وتلهمنا الصبر يعني فوق انا نحاول نضغط على انفسنا وندرس مواد كلها فهم ومخختنا مقفله والجامعه ماشاء الله مررررررره متعاونين صراحه تتفاجأ باخبار وحركات واغلاط ولافي وسائل اتصال بينا وبينهم ويعلقون بالجوال على رساله سبق وارسلوها مشكله انهم مايرسلون كلش عالجوال يقهرونك . والبلا تطق مرارتك خاصه للناس اللي بمدن ثانيه يعني فوق رفعة ضغط وحوسه ووظيفه ممم مدري شقول عن نفسي احس باحساس متعب والقهر محد فاهم ومقدر كلن همه الظاهر وبس لاتكلمت تحسفت يقولون وين الصعوبه لاتداومين بالجامعه كل يوم و30 درجه ضامنتها بجيبك بس لاجا وقت اختبارات تذاكرين شي بسيط وترجعين لاسئله مكرره يعني من الاخر انتي محظوظه على ايش الله يخلف محظوظه مايدرون الناس بكل شي :18:
الواحد يتعب ويتححمل ويضغط عشان يحقق ذاته ويضمن شهاده تتطور وضعه بشغله وحياته والبيئه اللي عايش فيها الناس لاشافت هالنوعيه مفروض تساعدها مو تحطمها وتصعب عليها الامور لكن طبع البشر مدري وش يبي .. ادري اني خثرقت واجد بالحتسي بس مغبووونه قسم كل ماجيت اذاكر ماده انحاس كلش بمخي ..

ماااقول غير ياااااارب رحمتك وعفوك انه يسهل امررنا ويكفينا شر من اراد فينا شر سواء استقعاد صعوبه اي شي
الله يعدي هالكم سنه على خير .. :38:

[sro0orah]

لا وزاد الطينه بله ازيد من كلامي اني مدري وش اركز عليه بالمذاكره صراحه بديت اول شي بالموارد لانها مادة اول يوم قلت اخلصها والتفت عقب لمواد ثانيه حقة الفهم وكذا بديت باساليب بس وصلت خامس محاضره وتنحت . وافكر اخذ من كل ماده نص نص نص ولا خلصهم قبل بس الوقت زنقه ياناس الله يعين بس واعذروني عالهرج ترى اللي بالخافي اعظم ولوما الحيا من صديقات الدوام كان بتسيت :12:

[sro0orah]

اقوول وش قصة الملقف :31:
ي لومرره لاحظتو كثرة اللقافه واللقافه قرافه ياملقف طسو شوي ماتخلون الواحد يتنفس عيب والله عيب
لومرره ضاقت بك يادكتور واللقافه زادت يمدحون شسمه اقتراح بقوله لك

[نسيم الصبا]

الله يكون في عونك ان شاء الله يا ابو اسيل

لا تشيل هم الوضع سهل بإذن الله

في شغله بارسلها لك بالخاص بس خلها تنتبطخ :21:

و مره ثانيه لا تشارك في الجنادرية :20:

تحياتي


واحنا مالنا نصيب من الطبخه
انتو تاكلون واحنا نتفرج:42:

:2::2::2::2::2::2:
الله يسعدك ياسروره ويسهلها عالجميع..
احس كلامك طلع من قلـ:18:ـب..
انتي ذكراي اللي تقدري عليه ،وشي مكتوب ماحد يقدر يرده..
والتوفيق اولاً وأخيراً من رب العالمين..
لو ذاكرنا كل المواد وفهمنا وحفظنا كل حرف، وربي مو كاتب التوفيق ماراح نتوفق..
:16::16::16:

[عمر الحنين]

ماشاء الله عليك اللهم بارك ..

مقارنتك ريحتنا كثير ... وفعلاا اكثر ماده حابتها وحاطة فبالي انها الأسهل هي التسويق :(

الله يسهل يارب وفــ انتظار موضووووووووعك :11::11::11:

الله يوفق الجميع يارب والله يجعل باكر بداية جميلة ودفعه معنوية قويه لباقي الاختبارات ..

متفائلة جداا رغم التقصير مني :42:

[Manal Abdullah]

الله يسعدك و يوفقك ننتظر ابداعك في التحليل الاحصائي

[Manal Abdullah]

طيب من استطلاعك يا دكتورنا وش المحاضرات اللي ركز عليها دكتور الموارد ؟

[الطرقــي]

الله يكون بالعون

ويسهل كل صعب باذن الله :29:

وبالتوفيق للجميــع