الله انه لايوفقك يانوف مدري يام نوف

[بحر العطا]

الله انه لايوفقك يانوف مدري يام نوف000الـهوى غلاب والبنت طرقا وطـخما


خيشتــني قالت ادخل ولايــطريك خـوف0000غـير انا وامي بالبيت تـقول غرما


مات ابوي ولالي اخوان وامي ماتـشوف000قـلت ياربي عساها حقيقي ربما


قالت بس معها سمع لايمكن لهرجـه طوف000وانت وحضك ياتسمعـك ولاتسلاما


قلت اهرجي يابنت قلـبي علـى هرجك لفوف000يازينها من فمك لعل فمك يسلاما


قالت انت خبل مرجوج مافيـك معروف000حسب تفكيري وعـرفي وربك يعلاما


قلت في رجه مـاهو مـرض رجة ظروف000وادري الناس بعقولها ماهي سوا


قالت لعجوز لكيف قلت لـعجوز بـذلوف000العجايز للمحبين سلطه من سما


ومثل ماقال المثل ياتعب منت مخلوف000جـت عـلى الاصوات ماكنها فيها عما


جت تخبط راسها ابيـض مثل راس الخروف000وجها يخرع مثل وجه مصاص الدما


وسنـــون ثنين كنــك تـفكر في بـلوف000واحـداً بـسفــل حـنكها واحـد بالــجما


قالت من يطقـطـق هنيـا قــلـت نـوف000اثـر قـاصـر شــوفها ومـافـيهـا عــما


الله انه لايــوفـقك يانــوف مـدري يـام نـوف000الهـوى غلاب والبنـت طـرقـا وطـخما




صح لسان شاعرها

[جودي_93]

:42::42::42::42::42:
مالي بالشعر
ممكن تفهموني:6:

[المســافر]

هلااااااااااا وغلاااااااااااا فيك اخي الكريمة


قصيده ولا اروع


ومثل ماقال المثل ياتعب منت مخلوف000جـت عـلى الاصوات ماكنها فيها عما

سبحان الله احيانا ياخذ الله من الشخص بعض الشيء ويعوضه باشياء اخرى

كما هو حال هذه العجوز فيها عمى ومثله الشاعر بانها اتت كأنها شخص يرى

الف شكر على هذه القصيده وهذا التنبيه

وفي انتضار جديدك

[عاشق حرف m]

يالبي قلبك يابحر
صح السان قائلها وناقلها الله يعطيك العافية ومشكور على الدعوة
لكن بطلبك طلب ادرى انى زودتها شوى :42: لكن ابيك تكتب قصيدة بقلمك الخاص :33: واذا ماتبى تكتبها ارسلها على الخاص :42:محد قالك تعلمنى انك شاعر
ماشاء الله ولاحولا ولاقوة الابالله :16:

[قلبي مجنوونك]

_




آبداعَ آبداعَ آبداعَ
صح الله يمينكَ يَ استاذي الكريمَ
لاهنـتَ وبـَ آنتظار قصيده من ابداع قلمكَ :sm5::cheese:

[بحر العطا]

:42::42::42::42::42:
مالي بالشعر
ممكن تفهموني:6:


الشعر مافيه خير اصلن والنصيحه لك من قلب اخ صادق الابتعاد عنه قدر الامكان

[بحر العطا]

هلااااااااااا وغلاااااااااااا فيك اخي الكريمة



قصيده ولا اروع


ومثل ماقال المثل ياتعب منت مخلوف000جـت عـلى الاصوات ماكنها فيها عما

سبحان الله احيانا ياخذ الله من الشخص بعض الشيء ويعوضه باشياء اخرى

كما هو حال هذه العجوز فيها عمى ومثله الشاعر بانها اتت كأنها شخص يرى

الف شكر على هذه القصيده وهذا التنبيه


وفي انتضار جديدك




الابداع هو مرورك الجميل الذي شرفتنا به

[بحر العطا]

يالبي قلبك يابحر
صح السان قائلها وناقلها الله يعطيك العافية ومشكور على الدعوة
لكن بطلبك طلب ادرى انى زودتها شوى :42: لكن ابيك تكتب قصيدة بقلمك الخاص :33: واذا ماتبى تكتبها ارسلها على الخاص :42:محد قالك تعلمنى انك شاعر
ماشاء الله ولاحولا ولاقوة الابالله :16:


وقلبك ،،، الله يعافيك


صح بدنك



لا افا عليك بس انت تامر امر طال عمرك



محد قالك تعلمني انك شاعر ههههههههههههه




ابشر بالخير بس الوقت الضيق وانت عارف باقي 7 ايام عن الاختبارات :13::13::13:




والشعر على حسب المزاج والله ،،،



بس الله يقدرني على طلبك ياعاشق

[عاشق حرف m]

الله يسلمك

معذور
:no: لالا لاماقصد الحين بعد الاختبارات طال عمرك

مو لازم تكون جديدة دور فى الارشيف عندك :42: ياليت تكون غزلية طرار ويتشرط

تقبل ودى واحترامى :2:

[بحر العطا]

الله يسلمك

معذور
:no: لالا لاماقصد الحين بعد الاختبارات طال عمرك

مو لازم تكون جديدة دور فى الارشيف عندك :42: ياليت تكون غزلية طرار ويتشرط

تقبل ودى واحترامى :2:



ههههههههههههههههههههه هههههههههه ههههههههههههههههههه


يخوي انت قلبك خضر ؟


بعدين تعال تعال للحين الشعر الغزل والله مافيه غير ذنوووووب




ودك تسمع الشعر اسمع الشاعر محمد القاضي الله يرحمه مايكتب الا غزل جميع قصايده


وتحدوه ربعه انه يكتب وهم في مجلس وكتب في القهوه ومرن مجموعه من البنات وفيهن بنت


مزيونه وفيها جمال غير طبيعي وغير مسار القصيده من القهوه الى الغزل .




يـامــل قـلــب كــــل مــــل ألــتــم الـشـفــاق
مــن الـعـام الأول بــه دواكـيـك وخـفــوق
كــنــه مــــع الــــدلال يـجـلــب بــالأســـواق
وعاميـن عـنـد امـعـزل الـوسـط مـاسـوق

[الــغـــدراء]

،،،

ابيات جميلة ،،،

لاهنت اخي ...

صح لسان شاعرها ،،،

.... :16:

[الشاااامخ]

مبدع يابحر

قصيده فكاهيه وظريفه

تسلم يمينك

معاني اشك انك كاتبها

[نبض الوجود]

الله الله بالفعل جميله وظريفه
صح لسان شآعرهآ وسلمت يمين نآقلهآآ :2::2:
+1 نفس احسآس الشآمخ :21::27:

أمآآآ عاشق يبي غزليه المنحرف :13:

[بحر العطا]

دار الغـرام ولـف بالقلـب لافـوف
لاع الولع قلبـي وروحـي صرمهـا

ياخشم ريم من عنا العيـن مشفـوف
سيف الهوى بالحـال يلحـى لحمهـا

القلب رفرف وانغرف غر بصـدوف
والروح فوح الجـوح يلفـح فحمهـا

جسر الغرام ابرا معـي زل بزلـوف
نزع الزغـازغ زلـةٍ عـن قدمهـا

مانيب كف الـذل عنـي بمعـروف
لا تبحـثـه بالله يقـبـس لغمـهـا

الله خلق بالنـاس نـاسٍ لهـا نـوف
والشمس ما تخفى العرب مع عجمهـا

كاس الهوى بالباب الأسباب مـذروف
من ذاق رشف شفاه يفـرق طعمهـا

لولا الهوى مارشرش الريم بخشـوف
والناس نسناس الهـوى هـو نسمهـا

خشف عفر فارع ظفر عشر مكشوف
تـل القلـوب وسلـهـا واستلمـهـا

رعبوب راعب كاعب طرب غطروف
عمهوج داعـج لاعـج عـاج فمهـا

تمشي تهز الخصر تنعـاج بعطـوف
مال الهوى به مـال عـوذا كصمهـا

بعيونها رايـات وايـات وحـروف
يرمي هل هل الغايـات سـم سهمهـا

مـادار دور نهدهـا نـز بـوقـوف
نشو نشى مانيـش مشمـش حرمهـا

واكثل كثيـلٍ لـه كثاثيـل وزلـوف
يلعب على هاضم ضميـره هضمهـا

عفرا برا طرز الطرا صدر واردوف
اطخم طخم طخم الطراخـم طخمهـا

شربت شذى شذر الهوى كمع وكفوف
من طاح بتفاحه حرق مـن وحمهـا

يانـاس خلونـي احوفـه واباشـوف
لا موت فوت وناضري مـا فهمهـا

يا سلب قلب المبتلـي فيـك مكلـوف
ارفق تـرى نفسـي تقطـع وذمهـا

امنع طريح طـاح بيديـك مكتـوف
سلم العرب من سالمـه فـي لزمهـا



ابدعت ولاهنت

[بحر العطا]

الشامخ ونبض يبيلكم محاكمه في التهمه عليه :13:



يانبض ولايهون من يقرا الزمن هذا كل العالم منحرفه ههههههههه




وكم عندي عاشق ؟ مانقدر نرد عاشق ،،، بس عسا الله يقدرني على طلبه

[بحر العطا]

الغدراء الاجمل مرورك

[نبض الوجود]

:13: حاكمنا تمووون يً بحر بس أول الشآمخ :27:

وعاشق اكيد .. كم عاشق خلّه يتدلل وانت قدّهآآ أكيد مآبدهآش :21::29:

[بحر العطا]

:13: حاكمنا تمووون يً بحر بس أول الشآمخ :27:

وعاشق اكيد .. كم عاشق خلّه يتدلل وانت قدّهآآ أكيد مآبدهآش :21::29:



الله يرحم والديك



بس مثل ماقال الجارح او واحد الثاني عندما طلبتي منه مجاراه المخ صاير كلها الربيع الادنى والربيع الاعلى وهو صادق لانجيب الربيع العربي :13:



وعاشق يستاهل .

[اكتواريهـ]

صح لساانك :29:
مع انو في كلمات مافهمتها يمكن لو بالنطق افهمها بس كتابه مافهمتها:42: