اخبار الاختبارات والاستعدادات [الأرشيف] - ملتقى طلاب وطالبات جامعة الملك فيصل,جامعة الدمام

1stc1

2013- 5- 3, 11:42 PM

الاخوة والاخوات الاعزاء

اليوم السبت تبدأ اجازتي

وابشركم سددت المبلغ قبل شوي

توني اتفرغ لعزيزتي الدراسة ...

طبعا اليوم وغدا حل الواجبات وتحميل محاضرات الله يسهل الامور

وبعدها نبدأ بالمذاكرة

المهم الدوافير اللي خلصوا المواد ... نبي نصائحكم وماهي المواد الصعبة وافضل طريقة للمذاكرة

خلاص صرتم خبره ..

المشكلة توي جاي ما اعرف الا اسماء المواد .. وبإذن الله بنجح وبإمتياز اخطط على المكفاءة الترم الجاي .

وانتم تكرفون من بداية السنة وعساكم تنجحون >>
المهم نصائحكم لا تبخلون علينا ...

بحر العطا

2013- 5- 3, 11:46 PM

سطوووووووووول بس :13:

الله حيه والله فقدناك

وضحى*

2013- 5- 3, 11:49 PM

الله يوفقك يــآرب ويسر لك كل عسير يــآرب

1stc1

2013- 5- 3, 11:52 PM

الله يسلمكم

نبي طال عمركم افضل الملخصات ولا عليكم امر

سعيدان و عليان

2013- 5- 3, 11:54 PM

:13: ههههههههههههههههههههههههههههههههه

مو صاحي يابو حور دائم تفأجاني

1stc1

2013- 5- 3, 11:55 PM

سعيدانوه

عطني ملخصات زينه

عبدالعزيز123

2013- 5- 3, 11:55 PM

هلا بك

والله يسمح امرك وتخلص من الواجبات والتحميل والتنزيل :3:

كل يوم ندخل المنتدى وتوي مدبس الملخصات عند المكتبة .. بس ماحولك احد :71:

الله يامرني وابدا

دعم لوجستي لك

مهوب لحالك اللي مابدا :17:

وفالنا النجاح جميع

أبان

2013- 5- 4, 12:02 AM

حياك الله يا أبو حور

خابرك مغير جدولك ، وش عندك مواد هالترم ؟

كل شي مقدور عليه إلا إدارة التسويق .... سوالف و جح و وناسة و البساط أحمدي :14: .... تجرب تحل كويز .... يا ساتر :sm5:

على فكرة ... به خدمة جديدة بالمنتدى اسمها "كويزات" مصممه على شكل أسئلة الاختبارات ، لا تفوتك :21:

أبو نايـف 55

2013- 5- 4, 12:10 AM

تفاؤل + وامل

2013- 5- 4, 12:13 AM

سطول :30: ..........
لنرتقي باسلوبنا

أبو نايـف 55

2013- 5- 4, 12:16 AM

سطول :30: ..........
لنرتقي باسلوبنا

يا ويييييييييييلك ... هذا الحرش وما يسوي:42:

ترتيل

2013- 5- 4, 12:16 AM

سطوووووول مكانها قويه :4:

شركة الاتصال
طيب اعطينا موادك عشان يفيدنك السطول
حابه اسألك قدرت تحل المناقشات لانه من اليوم احاول ادخل ولافتراضي ما يدخلني لا علي تحميل المحاضرات ولا المناقشات

1stc1

2013- 5- 4, 12:18 AM

تفاؤل + أمل اسف لا يهمك احسن ناس انتن والسطول حنا لا يهمس شئ وانا اخوك خابرك وانا ازين جدولي
حاطه موضوع مذاكرة جماعي بشري كيف الامور عساه بخير ..

ابان
جدول
كل مواد المستوى الرابع ما عدا البحث والتفكير بداله ادارة العماليات

الباقين اص ما منكم فائدة :8:

1stc1

2013- 5- 4, 12:20 AM

ترتيل

موادي

موارد بشرية
تسويق
مالية 2
تحليل احصائي
اساليب كمية
ادارة العمليات

أبو نايـف 55

2013- 5- 4, 12:21 AM

تفاؤل + أمل اسف لا يهمك احسن ناس انتن والسطول حنا لا يهمس شئ وانا اخوك خابرك وانا ازين جدولي
حاطه موضوع مذاكرة جماعي بشري كيف الامور عساه بخير ..

الباقين اص ما منكم فائدة :8:

افا طلعت مهايطي .. مع اول رد .. جيت مجاوب هههههههههههههه

بعدين يا بو حور .. سوف تندم على اص ذي .. بتحتاجن وعندها سوف ازلبك :8:

1stc1

2013- 5- 4, 12:24 AM

ابو نايف

تفاؤل هذي تخوف
قسم بالله اول يوم نزلت فيه المواد حاطه موضوع مذاكرة جماعية

احس انها رسمية ولابسه نظرات وشعرها قرنين .. والله خرشتني وانا اخوك

والانسحاب طيب :38:

Dr Jekyll

2013- 5- 4, 12:29 AM

هلا والله ابو حور
ما شاء الله عليك
اطلق موضوع اليوم ههههههههههه

بالتوفيق يا غالي وشد حيلك :19:

1stc1

2013- 5- 4, 12:36 AM

هلا وغلا

كيفك يا ذيبان

بشرني عساك بتكمل وترى رسالتك وصلت اليوم اول ما دخلت النت .

أبان

2013- 5- 4, 12:36 AM

يالله حي ابو حور

شف يا مصطفى ... قولة انك توك تحمل وتحل الواجبات .. ترى مهب انت لحالك

لكن انك تخطط على المكافأة ماشاءالله .. مع نفسك حبيبي .. عسانا ننجح

بعدين انا مسدد هالشهر لحالة 800 ريال وطلعتولي فاتورة بـ 274 ريال .. ما عندكم غيري :32:

بعض الناس .. مسيك بالخير ولهن عليك بالحيل <=== مهب ابان

يا أبو نايف

وش هالغرور يا بيي .... تجي قبل الاخبارات بخمس ايام :8:

يا أخي اقل شي دار العين :31: وقل من أول الترم و أنا اتابعكم بس على الصامت :5:

و الله أني مشتاقن لك بالحيل يا بعد حيي :16:

Dr Jekyll

2013- 5- 4, 12:38 AM

هلا وغلا

كيفك يا ذيبان

بشرني عساك بتكمل وترى رسالتك وصلت اليوم اول ما دخلت النت .

لا الامور زانت ابشرك

المهم تابع الرسايل

وشد حيلك

تحياتي

1stc1

2013- 5- 4, 12:39 AM

هلا وغلا بالغالي ابان

تصدق انت من الناس اللي تساعدني على المعدل وبقوة

وفضلك كبير جدا على الجميع

اشتقت لك

1stc1

2013- 5- 4, 12:40 AM

لا الامور زانت ابشرك

المهم تابع الرسايل

وشد حيلك

تحياتي

تسلم موفق خير

هالترم على ضغط غير طبيعي بالعمل .. تخبر نعد فواتيركم :8:

أبان

2013- 5- 4, 12:40 AM

ترتيل

موادي

موارد بشرية
تسويق
مالية 2
تحليل احصائي
اساليب كمية
ادارة العمليات

أنا معك بـ :

التسويق <<< مرقة مرقوق ، تستانس و أنت تسمع سواليفه .... و إذا شفت الأسئلة طقك حولة :icon120:

مالية-2 <<< غثيث و طول قريح ، دكتور جيكل عنده تلميحات مفيدة عن طريقة حل الأسئلة تختصر عليك 50% من المنهج :21:

كمية <<< خفيف و ظريف للي يحبون الرياضيات

بشرية <<< أمس أسئل عن ملخص زين و قالو ملخص هتان

Dr Jekyll

2013- 5- 4, 12:50 AM

تعقيب على شيخنا ابان

كمية = جزء كبير ادارة عمليات

ركز على الموارد والتسويق

التسويق ان ما غير اسلوبه فهي نفس الرسالة اللي جاتك ان شاء الله

الموارد ليست من موادي

موفقين

رورو-A

2013- 5- 4, 12:55 AM

حياك الله اخوي

موارد بشرية .. للحين مامسكتها :13:

تسويق .. هذره طويله و اقرا في موضوع لبوسي ان الاسئله فيها لعب في المحاضره المباشره 2 قال ان في بعض الاسئله مكرره والخيارات متغير والعكس بعض الخيارات مكرره والسؤال متغير وقال في اي وقت مستعد ارد على استفساراتكم اذا ماكنت نايم او اصلي :13::21:

مالية 2 مادخلت مزاجي هالماده بس اتوقع مابغير طريقته نفس اسئله ماليه 1 تغيير بالارقام لان قال ركزو على الامثله وتدربو عليها طبعا اللي بالمحتوى

تحليل احصائي ينصحون بالـ150 سؤال واسئلة الاختبار

اساليب كمية ركز على المحاضره 9 قال مهمه وعلى الامثله اللي في المحاضره المباشره 3 تكلم عن شبكة بيرت الحسابات للامام حالها واللي تحله الحسابات بالرجوع للخلف انصحك تتابع المحاضرات وبملخص صقر مناحي

طولت هذره بس قلت اكتب اللي عندي والله يوفقك وييسر امرك :19:

Ameerh..~

2013- 5- 4, 01:08 AM

وانتم تكرفون من بداية السنة وعساكم تنجحون >> الكلام موجه للحريم خابرهن سطول مع الاعتذار .. يكرفن واذا تدخل الاختبار طقتهن ام الركب وضيعن .

المهم نصائحكم لا تبخلون علينا ...

خلاص بما اننا سطول بنظرك فاعتقد نصايحنا ماراح تفيدك بشي :31:
+ دكتووور جيكل علمنا بالطريقه حتى احنا ولا مالنا بالطيب نصيب :12:

1stc1

2013- 5- 4, 01:16 AM

رحيل

انا قررت اصير سطل
علشان استفيد من نصائحكم

يالله عطينا ما عنك

الا اخبار النظم معك

كبد فزيع

2013- 5- 4, 01:20 AM

سطول!...تدري الشرهه موب عليك الشرهه على البنات الي رادين عليك ويدعون لك

..واذا نهايتنا سطول فتراكم يالدرامات ماتعيشون بلايانا

عالي المزاج

2013- 5- 4, 01:20 AM

تعقيب على شيخنا ابان

كمية = جزء كبير ادارة عمليات

ركز على الموارد والتسويق

التسويق ان ما غير اسلوبه فهي نفس الرسالة اللي جاتك ان شاء الله

الموارد ليست من موادي

موفقين

دكتور جيكل ... اذا ما عليك امر ممكن تزودنا بنفس الرساله اللي ارسلتها :29:

ترانا متقروشين :9:

كبد فزيع

2013- 5- 4, 01:21 AM

دكتور جيكل ولا عليم امر اذا عندك مايساعدنا فلاتقصر ولك دعواتنا يستجيبها رب العباد:2:

سعيدان و عليان

2013- 5- 4, 01:23 AM

ههههههههههههههههههههههههههه أنا عارف الموضوع وين بيروح

:13::13::13::13::13::13::13::13::13::13::13::13::1 3:

آلى متى !!

2013- 5- 4, 01:25 AM

هههههههههههههههههه

مآشآء آلله تبآرك الرحمن

آلله يحرسك

آلآخوآن مآقصرو

بآلنسبه لي خذت

آلتحليل مو قآدره آمشي فيه يمين يسآر فوق تحت مو بآلعته والمشكله آنه اخر يوم يضيق الصدر

آلآدآره المآليه عآدي هو بس غثيييييييث لدرجة آنه يجيب آلنوم

آلآسآليب الكميه وآدآرة العمليآت / تقدر تقول آنهم مآده وحده بس وآحد يعطيك آيآهآ عمليه والثآني نظريه بالنسبه لي ينحبون وبسيطآت بأذن الله

التسويق سوآلفه يآزينه بس شسمه ودك وقت الاختبآر يجي يسولف مآيحط أسأله

آدآرة موآرد بشريه توني مخلصه المحآضره الخآمسه وكلهآ لقلقلقلقلق

هذ1 اللي آقدر آقولك عن الموآد

بالتوفيق للجميع يآرب وبمعدلآت عآليه

وش خطتك للممتآز

عطنآآ آيآهآ مآيصير آسوي آضرآب طبخ وتنظيف ولقلقلقلق ع الفآضي :39::39::20::17:

أبان

2013- 5- 4, 01:25 AM

ههههههههههههههههههههههههههه أنا عارف الموضوع وين بيروح

:13::13::13::13::13::13::13::13::13::13::13::13::1 3:

سلة المهملات مثلاً :(107):

rsnasser

2013- 5- 4, 01:26 AM

افضلك ركز في التوسق تراه يلغم الاسئله

ترتيل

2013- 5- 4, 01:28 AM

دكتور جيكل اعطنا المسج المشفر عشان ندعيلك
اس تي سي
الموارد التسويق مادتين تحتاج للحفظ ان كنت بتاع الحفظ بتمشي معها معلومات كثيره ماحبيتها اكره الحفظ
اساليب سهله خفيفه حبيتها
ماليه اصعب من ماليه ١

كبد فزيع

2013- 5- 4, 01:29 AM

أتمنى سله المهملات ولا اشوف له أثر ..تقليل القيمه ماله داعي عشان مانخسر زمالتنا

1stc1

2013- 5- 4, 01:30 AM

يازميل stc
بخوص الاجارزه كيف رفعتها حسب النظام الجديد كل يوم بيومه
كاني مليص

يا غالي

انا اللي اعطي الاجازات

لذلك من هالناحية لا يهمك ...

أبان

2013- 5- 4, 01:31 AM

أبو حور

والله أنك جمعت العالم بموضوعك و حطيت رجلك :42:

قد الكلمة :19: و إلا امسحها :8:

rsnasser

2013- 5- 4, 01:31 AM

على العموم افضل ملخص للاسياليب الكميه في الاداره هذا
حق عبدالله الحمادي

سعيدان و عليان

2013- 5- 4, 01:32 AM

هههههههههههههههههههههههههههه

صرفته لكم اكلمه جوال احاول اخليه يتراجع عن قراره :13:

أبو نايـف 55

2013- 5- 4, 01:32 AM

والله يا هالموضوع انه مجمع شيبان .... ريحت الفكس تعايط

أبان وسعيدان وجيكل وابو حور ..

انا وش جابن .. ان درت امي حرمتن من سبيس تون

سعيدان وجيكل .. مسيكم بالخيرات يا قرت تسبدي انت وياه :1:

rsnasser

2013- 5- 4, 01:33 AM

هات موادك

1stc1

2013- 5- 4, 01:33 AM

أتمنى سله المهملات ولا اشوف له أثر ..تقليل القيمه ماله داعي عشان مانخسر زمالتنا

كبد فزيع

اما انتي ما علي منك

انتي الكابتن حق السطول

ولونك اخضر يفتح بالضغط :20:

أبان

2013- 5- 4, 01:36 AM

والله يا هالموضوع انه مجمع شيبان .... ريحت الفكس تعايط

أبان وسعيدان وجيكل وابو حور ..

انا وش جابن .. ان درت امي حرمتن من سبيس تون

سعيدان وجيكل .. مسيكم بالخيرات يا قرت تسبدي انت وياه :1:

لا تخاف يا أبو نايف ... ما راح تدري ماما عنك :5:

خلك مع الشنبات لا تصير شباصه :8:

رورو-A

2013- 5- 4, 01:37 AM

ابو حور

احذف الكلمه وتعوذ من ابليس وخل الموضوع فيه فايده :24:

انا حذفتها ولااهتميت لها :31:

رورو-A

2013- 5- 4, 01:38 AM

ابان

كملتها بشباصه :18: طار الموضوع

1stc1

2013- 5- 4, 01:39 AM

اخواتي العزيزات على قلبي

اللي زعلت من كلمة سطول تعلمني

تحط على راسها حنا وتطلع القذلة من فوق البرقع وانا اعرف ...

علشان اغير اسمها من سطل الى طاسه :8:

sloof

2013- 5- 4, 01:39 AM

ولا إله الا الله

rsnasser

2013- 5- 4, 01:41 AM

موارد بشرية
طبعا ماده حشو حتسي بس انها بسيطه لانك موظف وواقعها تعيشه (34)
تسويق
حشو كلام يضيق الصدر لانه في الاخير بتنهبل من أسئلته مهوب واضح أبد
مالية 2
مثل مهوب معروف مدرس الماده يكرر أسئلته كل ترم ولكن حسب ماوصلني (الترم هذا كونو لجنه علشان ماتنعاد أسئلتهم محتواها بسيط)
تحليل احصائي
الماده عله /دكتورها صعب تفهم / حشو كثير/ مسائل كثيره / كلام كثير/ فائده قليله
اساليب كمية
الدكتور قدع مسهل الماده جدا وانصحك تبداء فيها قبل العمليات الدوليه لان فيها تشابه وحق العمليات
صعب شرحه شوي انصحك بملخص عبدالله الحمادي
ادارة العمليات
فيه تشابه مع الاساليب الكميه والماده مش بطاله

1stc1

2013- 5- 4, 01:41 AM

ولا إله الا الله

محمد رسول الله

تحسسيني انا مصارية ندور على البخور

والطبول شغاله

أبان

2013- 5- 4, 01:43 AM

اخواتي العزيزات على قلبي

اللي زعلت من كلمة سطول تعلمني

تحط على راسها حنا وتطلع القذلة من فوق البرقع وانا اعرف ...

علشان اغير اسمها من سطل الى طاسه :8:

شكلك تبي تمسك بنا خط الليلة :8:

أحل الواجبات و المشاركات من جهة ..... و أحدث صفحة موضوعك من جهتن ثانية

1stc1

2013- 5- 4, 01:43 AM

rsnasser

2013- 5- 4, 01:44 AM

اختيارك ممتاز لان مذاكرتهم حول بعض
عبدالله الحمادي اقرا ملخصه وازهلها تراه 160 صفحه بس ممتاز

أبو نايـف 55

2013- 5- 4, 01:45 AM

اخواتي العزيزات على قلبي

اللي زعلت من كلمة سطول تعلمني

تحط على راسها حنا وتطلع القذلة من فوق البرقع وانا اعرف ...

علشان اغير اسمها من سطل الى طاسه :8:

وما زال ابو حور يهاااااااااايط ...

من تقول انا لها ...

<<=== معقد الشوش

أبان

2013- 5- 4, 01:46 AM

ابان

كملتها بشباصه :18: طار الموضوع

هو وقع عشان يطير :8:

أبو حور مطيره من أول شي :42:

rsnasser

2013- 5- 4, 01:46 AM

بعض الملخصات انتبه منها لانه غير المحاظره رقم 9
علشان كذا انصحك بحق المشاري

1stc1

2013- 5- 4, 01:46 AM

رورو - a

انتي واثقة

شكلك ما تجيك ام الركب في الامتحان

اني من مناصري الاختلاط بالسعودية

بس علشان اشوف وجيه البنات بالاختبارات اول ما يوزعون الاسئلة

انواع التشحب

أبان

2013- 5- 4, 01:47 AM

وما زال ابو حور يهاااااااااايط ...

من تقول انا لها ...

<<=== معقد الشوش

أبو حور في المقدمة

و شقيران بالخلف

أبو حور
شقيران

أبو حور
أبو حور
أبو حور

1stc1

2013- 5- 4, 01:48 AM

هو وقع عشان يطير :8:

أبو حور مطيره من أول شي :42:

ابان لا يهمك

المشرفات كلهن بنات

واللي بتقفله بتثبت انها سطل اصلي :8:

1stc1

2013- 5- 4, 01:49 AM

بعض الملخصات انتبه منها لانه غير المحاظره رقم 9
علشان كذا انصحك بحق المشاري

وين القى ذا الملخص

لسعة شقآوهـ

2013- 5- 4, 01:50 AM

وما زال ابو حور يهاااااااااايط ...

فعلا انسان يحب يهآيط :30:

rsnasser

2013- 5- 4, 01:52 AM

وشلون ارفق ملك pdf

هارت

2013- 5- 4, 01:52 AM

اقول تعوذوا من ابليس وخلوا القلوب صافيه :18::18::18::18::18:

1stc1

2013- 5- 4, 01:53 AM

فعلا انسان يحب يهآيط :30:

لسعتيني يا لسعه >> نحلة الاخت :29:

ولا يهمك خلينا نهايط ونستانس وش ورانا

سومة الهزازي

2013- 5- 4, 01:53 AM

<<<<مآادري ليه احس الموضوع بدل ماينقلب فايده بينقلب هوآش:26:

1stc1

2013- 5- 4, 01:53 AM

وشلون ارفق ملك pdf

اسدح الرابط فيذا

لسعة شقآوهـ

2013- 5- 4, 01:54 AM

اقول تعوذوا من ابليس وخلوا القلوب صافيه :18::18::18::18::18:

القلوب صافيه الحمدلله بس ماهي اول مره يقلل من شان البنات مسوي فيها انا اللي دمي خفيف شوفوني

هارت

2013- 5- 4, 01:54 AM

ترا مالنا غنى عنهننننننن:7:

علللللقت:42:

rsnasser

2013- 5- 4, 01:56 AM

محمله على الجهاز بس ابي اعرف وشلون اجيبه هن
.
.
.
.
.
V

لسعة شقآوهـ

2013- 5- 4, 01:56 AM

لسعتيني يا لسعه >> نحلة الاخت :29:

ولا يهمك خلينا نهايط ونستانس وش ورانا

استناس وهايط من غير تقليل من شأن الاخرين يالدافور ياللي تفتح الكتاب وبنظره تختمه ماشاء الله انت قدراتك عاليه ليش معانا بالجامعه المفروض تكون تحضر دكتوراه الحين

1stc1

2013- 5- 4, 01:56 AM

<<<<مآادري ليه احس الموضوع بدل ماينقلب فايده بينقلب هوآش:26:

سومه اهم شئ اللثمه لا تطيح

انتي انسانه رقيقة مالك ومال الهواش اسمك سومه الهزازي

خليه الهواش لـ لسعه وكبد والعربجيات حقات مستوى رابع

انتي لايهمك منتي سطل انتي احسن وحدة فيهن ما تلخبطين اذا وزعوا الاسئلة :29:

رورو-A

2013- 5- 4, 01:57 AM

رورو - a

انتي واثقة

شكلك ما تجيك ام الركب في الامتحان

اني من مناصري الاختلاط بالسعودية

بس علشان اشوف وجيه البنات بالاختبارات اول ما يوزعون الاسئلة

انواع التشحب

الحمدلله واثقه وليه تجي ام الركب اختبار حلي واطلعي والله يوفقنا :1:

و انت انسان متعلم يعني ماله داعي تكتب كلمات وتدري ان الكل مايمشيها :31:

والبنات في الملتقى مايقصرون :1::16:

هارت

2013- 5- 4, 01:57 AM

ترا الشباب مزحهم مره خفييييي:5:ييييف

والدليل كل وحده تشوف اخوها اذا مزح معاها:4:

1stc1

2013- 5- 4, 01:59 AM

استناس وهايط من غير تقليل من شأن الاخرين يالدافور ياللي تفتح الكتاب وبنظره تختمه ماشاء الله انت قدراتك عاليه ليش معانا بالجامعه المفروض تكون تحضر دكتوراه الحين

تواضع ادرس معكن

ترى البنات

يا اختي زوجتي وخواتي وبناتي ( عندي ثلاث الله يخليهن لي ) بس ما فيهن لسعه :8:

بس ليه ما تعترفين انك تلخبطين اذا وزوعوا الاسئلة ونص كرفك تنسينه

rsnasser

2013- 5- 4, 02:00 AM

ياعالم فكونا من هالواش

وعلومني وشلون احمل pdf

وادعيله مقدما
جلعه الجنه وينجح كل ترم

اكتواريهـ

2013- 5- 4, 02:00 AM

:31:

أبو نايـف 55

2013- 5- 4, 02:01 AM

أبو حور في المقدمة

و شقيران بالخلف

أبو حور
شقيران

أبو حور
أبو حور
أبو حور

ههههههههههههههههههههههههههههههه

1stc1

2013- 5- 4, 02:02 AM

الحمدلله واثقه وليه تجي ام الركب اختبار حلي واطلعي والله يوفقنا :1:

و انت انسان متعلم يعني ماله داعي تكتب كلمات وتدري ان الكل مايمشيها :31:

والبنات في الملتقى مايقصرون :1::16:

الله يسعدك

الدعوى كلها مزح

خلينا نستانس ونوسع صدورنا

والا البنات ما ينكر اذا جاء الصدق مجهودهن الا جاحد

ونسوي اكشن في اول موضوع وندخل الجو بسرعة

وندخل في تحدي علشان نصر على المذاكرة :16::16::2::2::2::2:

رورو-A

2013- 5- 4, 02:03 AM

ياعالم فكونا من هالواش

وعلومني وشلون احمل pdf

وادعيله مقدما
جلعه الجنه وينجح كل ترم

ههههههههههههههههه

طيب على هالدعوه

روح على الانقال للوضع المتطور وفي ارفاق ملف اضغط واختار الملف ثمن حط رفع

هارت

2013- 5- 4, 02:04 AM

سهر تاااااااااا:16::16::16:ااااااااااايم

أبان

2013- 5- 4, 02:04 AM

الله يسعدك

الدعوى كلها مزح

خلينا نستانس ونوسع صدورنا

والا البنات ما ينكر اذا جاء الصدق مجهودهن الا جاحد

ونسوي اكشن في اول موضوع وندخل الجو بسرعة

وندخل في تحدي علشان نصر على المذاكرة :16::16::2::2::2::2:

شقيرااااااااااااااااااااااااااااااااااااااان

1stc1

2013- 5- 4, 02:04 AM

ياعالم فكونا من هالواش

وعلومني وشلون احمل pdf

وادعيله مقدما
جلعه الجنه وينجح كل ترم

شوف الصندوق حق الرد

ارفاق ملف في المشاركة

بيفتح لك وحمله من الجهاز

رورو-A

2013- 5- 4, 02:04 AM

اكيد الدعوى مزح بس في بنات مايتقبلون المزح الثقيل :42:

او يطنشون :34:

أبان

2013- 5- 4, 02:05 AM

سهر تاااااااااا:16::16::16:ااااااااااايم

صلاة الفجر بذمة أبو حور :8:

غصن الوقت

2013- 5- 4, 02:07 AM

اشك ان احد مسرب لك اساله يابو حور ولا بخلال 4 تحمل وتحل وتناقش وتبي مكافاة قل اعوذ برب الفاق هههههههههه مشالله عليك :29:

لسعة شقآوهـ

2013- 5- 4, 02:07 AM

تواضع ادرس معكن

ترى البنات

يا اختي زوجتي وخواتي وبناتي ( عندي ثلاث الله يخليهن لي ) بس ما فيهن لسعه :8:

بس ليه ما تعترفين انك تلخبطين اذا وزوعوا الاسئلة ونص كرفك تنسينه

اهاا قلت لي تواضع :30:
ليش اعترف ليش ماتجيك انت ام الركب بحكم سنك ماقدر اتجادل معاك اكثر من كذا لاني لو تعمقت راح اطلع عن المود المعتاد والاحترام مولك للناس اللي يتابعون الموضوع لذلك الحوار معاك عقيم يابودم خفيف

هارت

2013- 5- 4, 02:08 AM

الله يسعدكم

وتصبحون على خير:16::16::16:

والله لايفرق دفعتنا الناريه:17::17::17:

rsnasser

2013- 5- 4, 02:08 AM

ياسلام يارورو جعلك الجنه ووالدينك
على العموم stc
خذ افضل الملفات للاسالبيب الكميه

جهدي فقط على التجميع فقط
اما الباقيجزاء الله خير لكل من عمله كل الخير

سعيدان و عليان

2013- 5- 4, 02:09 AM

أنا من أول رد لي عارف الموضوع وين بيصير

أبو حور من هوامير الأسهم إلى ملتقى طلاب جامعة الملك فيصل

الوضع مختلف يابو حور :5::5:

أبان

2013- 5- 4, 02:10 AM

مسعر حرب

الذين يشاهدون محتوى الموضوع الآن : 34 ( الأعضاء 24 والزوار 10)

:42:

1stc1

2013- 5- 4, 02:10 AM

اهاا قلت لي تواضع :30:
ليش اعترف ليش ماتجيك انت ام الركب بحكم سنك ماقدر اتجادل معاك اكثر من كذا لاني لو تعمقت راح اطلع عن المود المعتاد والاحترام مولك للناس اللي يتابعون الموضوع لذلك الحوار معاك عقيم يابودم خفيف

يا لبيه يالمود:41:

والله شكلك ساكنه باسكان الحرس الوطني والمود عنكم مختلف :7:

عاد انا المود هاذا ما اعرفه ابد .. احسه كيكاو غالي اغلى من الجلكسي

ريما عن بعد

2013- 5- 4, 02:10 AM

انتبه جيت تستفز البنات بوقت مو وقتك الحين ضغوطات اختبارات ودنيا الشعب كله هجوم عليك:8:
انا هالترم برود على خوف ماادري المهم انه بجيب العيد:12:

rsnasser

2013- 5- 4, 02:13 AM

ياعالم فكونا من المشاكل الناس تدور التوفيق في الجامعه والدراسه وانتم فلان قالي فلانه قالتلي
هذا المنتدي للدراسه فقط الي عنده اي شي ثاني مهوب هنا يطرحه نبي نستغله للعلم
توتير مشاكل
المنتديات مشاكل
فيس بوك مشاكل
القنوات مشاكل
فن رن مشاكل :20:
الشوارع مشاكل
اعقلوا
اليوم عيد المسلمين وساعه مستجابه ادعو الله التوفيق

آلى متى !!

2013- 5- 4, 02:14 AM

خلآص تعوذو من آبليس وكلن يمسك ملزمته ويذآكر :20:

أبان

2013- 5- 4, 02:15 AM

Eman-888

2013- 5- 4, 02:16 AM

من جدكم تتهاوشون :31:
ترآ السالفه مزح الله يهديكم ماله داعي هالنرفزة كلها :1:
د. جيكل المسج اللي ارسلته لابو حور محتاجته ضروري :13:

ب التوفييييق للجميع ()

vip-1

2013- 5- 4, 02:16 AM

مقرر التحليل الاحصائي

بعض المحتوى توصل الى 87 صفحه تخيلوا :7::7::7:
وبعض المحتوى يكون على جزئين
وغير ان المادة حووووسه وارقام
لكن بما ان مدرس المادة الدكتور النجار بآذن الله راح يسهل الاختبار كما عودنا وخاصة في مادة المستوى السابق الي هي الاحصاء في الادارة

الله يسهل امورنا ان شاء الله

أبان

2013- 5- 4, 02:17 AM

عريف الفصل أبو نايف

أي واحد عنده مشكلة يكلمه على الخاص :5:

عبدالعزيز123

2013- 5- 4, 02:17 AM

أنا من أول رد لي عارف الموضوع وين بيصير

أبو حور من هوامير الأسهم إلى ملتقى طلاب جامعة الملك فيصل

الوضع مختلف يابو حور :5::5:

عسى مهوب متعلق في المعجل :32:

وش نكه هناك بس لايدري :8:

rsnasser

2013- 5- 4, 02:17 AM

يا أبو ناصر اليوم السبت :5:

حلوة "فن رن" .... أثرها مشهوره :42:

اذا عند يوزر هات نشبك اون لاين ونوسع صدورنا شويها
ياخي مايبرد كبدي فيه الا المنشار اذا طلع دماغ الثعلب

نــواف بن راشد

2013- 5- 4, 02:19 AM

قال الله تعالى:
( إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً)

1stc1

2013- 5- 4, 02:19 AM

موفقين خير

بالنسبة للتحميل باقي لي مادتين فقط والحمد لله

سعيدان هوامير البورصة العلاقة بزنس يا حبيبي ما فيها زعل دامك تكسب العالم فله

وبعدين مصدق احد بيزعل وحدة وطارت بالعجة ومودها خرب من الغبار لان الصبغة ماهي اصلية

كانت شقراء ومع الغبار صارت شهباء

والباقي خوات واعتذر منهن وحدة وحدة

ولا يهمكن كلكن على راسي وعزيزات وغاليات واولكن كبد فزيع اللي مسوية زعلانه

والا هالادمية لو تبي تزعل ما تعرف .

موفقين خير

أبان

2013- 5- 4, 02:20 AM

اذا عند يوزر هات نشبك اون لاين ونوسع صدورنا شويها
ياخي مايبرد كبدي فيه الا المنشار اذا طلع دماغ الثعلب

أهم شي أبعد عن المرحلة اللي لونها زهري

يضيق صدري لا طحت بالصمغ :42:

Eman-888

2013- 5- 4, 02:24 AM

بما انكم مجتمعين ياليت تجاوبوني لي فترة مادخلت المنتدى ووصلتني الاخبار انو الاسئلة بتصير ٥٠ سؤال ؟؟
وانو فيه لجنه ومدري وشو عشان اعادة الاسئلة !!
الزبده طمنوني

rsnasser

2013- 5- 4, 02:24 AM

بس الصمغ الاحمر يوسع الصدر
كنهم البزارين في نطيطه العيد
على فكره تراني ماصرت العبها الا بعد التحليل الاحصائي
ياخي لعب باسلاك المخ

1stc1

2013- 5- 4, 02:24 AM

عسى مهوب متعلق في المعجل :32:

وش نكه هناك بس لايدري :8:

النك مشهور يا غالي

بس ما احد يعرفه ولا اضن سعيدان جاب خبري الا اذا صار خطير

تخصصي تامين يا غالي

ادخل باتحاد الخليج ونم الوعد تدبيلة بعد شهرين

خلصوا من الدرع العربي وحلوا تجميع بالاتحاد من اربع شهور باقي شهرين للانطلاقة للدبل

الاشارة تجاوز 35

بس معلومة لا تكتب في منتديات الاقتصاد كامانة معك ومع من يقرأها هنا .

أبان

2013- 5- 4, 02:27 AM

بس الصمغ الاحمر يوسع الصدر
كنهم البزارين في نطيطه العيد
على فكره تراني ماصرت العبها الا بعد التحليل الاحصائي
ياخي لعب باسلاك المخ

معذور معذور :9:

و ستر الله اللي ما انحرفت مع الانحراف المعياري :17:

أبان

2013- 5- 4, 02:28 AM

بما انكم مجتمعين ياليت تجاوبوني لي فترة مادخلت المنتدى ووصلتني الاخبار انو الاسئلة بتصير ٥٠ سؤال ؟؟
وانو فيه لجنه ومدري وشو عشان اعادة الاسئلة !!
الزبده طمنوني

بسم الله الرحمن الرحيم :38:

يعيدون الأسئلة وهم توهم ما وزعوهن ؟

نعم الأسئلة تبي تصير 50 سؤال

سعيدان و عليان

2013- 5- 4, 02:29 AM

عريف الفصل أبو نايف

أي واحد عنده مشكلة يكلمه على الخاص :5:

خخخخخخخخخخخخخخخخخخخخخخخخخخخخخ

أبان تذكر يوم جبتك للسوالف بدفاية الزيت الحين أنت مبارز قوي .. :13::13::13:

أبان

2013- 5- 4, 02:30 AM

أبو ناصر
لا يفوتك السرعة .... خذه مرتين تصير فشقه :19:

ننووووووسة

2013- 5- 4, 02:31 AM

:9::9::9: stc :9::9: ماشا الله عليك ترى حنا نذاكر من قبل بشهر نذاكر

ولا طلعنا بنتيجه اشي طنشاناه واشي رفع ضغطنا وعدينا ه وحوسه خليها على الله ولا في محاضرات بالتحليل الاحصائي جزئين الجز احيانا ساعه ونص والجزا التاني ساعه ونص او اقل هههههههههه:6: باللهي تضحكي >> على الخيبه

شوفو لنا حل بالاحصاء جد انا مترعبه الترم اللي راح كوبي بست السنه هذي >>>:19: بيطلع علينا

Eman-888

2013- 5- 4, 02:33 AM

بسم الله الرحمن الرحيم :38:

يعيدون الأسئلة وهم توهم ما وزعوهن ؟

نعم الأسئلة تبي تصير 50 سؤال

أقصد تكرار اسئلة السنوات السابقه :42:

أبان

2013- 5- 4, 02:36 AM

خخخخخخخخخخخخخخخخخخخخخخخخخخخخخ

أبان تذكر يوم جبتك للسوالف بدفاية الزيت الحين أنت مبارز قوي .. :13::13::13:

ما نحن إلا تلاميذ مدرستكم سيدي

سعيدان و عليان

2013- 5- 4, 02:37 AM

ما نحن إلا تلاميذ مدرستكم سيدي

هههههههههههههههههههههههههههههههههههههههه

اااه يابطني الله يسعدك ياأبان دنيا وأخرهـ من يقول ومن يقرأ ومن هي موجه له .. :13:

أبان

2013- 5- 4, 02:37 AM

أقصد تكرار اسئلة السنوات السابقه :42:

يقولون

و الحذر واجب

SOSO M T

2013- 5- 4, 02:38 AM

:30:

عبدالعزيز123

2013- 5- 4, 02:39 AM

نقلبها توصيات :3:

الخليج اكثر من شهرين وهو بينطلق

جميعية بروج بعد بكره وعناية يبيلها عناية

فالك التدبيلة والنجاح

فتكوا بعفية

سعيدان و عليان

2013- 5- 4, 02:40 AM

أبو نايف 55 أعتذر لك الله يحيك ويبقيك ...

وش تبينا نسوي يابن الحلال ماغير أتدهن بالفكس ولأ حولي عرس

سعيدان و عليان

2013- 5- 4, 02:41 AM

نقلبها توصيات :3:

الخليج اكثر من شهرين وهو بينطلق

جميعية بروج بعد بكره وعناية يبيلها عناية

فالك التدبيلة والنجاح

فتكوا بعفية

أسأل عن سهمك وأجيبك الأنماء جابلي أغماء

مسكت معي مرهـ وعطيتهم توصيه حسبالي حظ يانصيب سنه كامله العضوية موقفه :42:

ههههههههههههههه

نور العمر

2013- 5- 4, 02:41 AM

ابغى استفيد مثل اللي استفادو من الأخ جيكل على الخاص ,,شلوون ؟؟

والله اللي بيفيد ماله الا الدعواة الطيبه بس فيدوني معكم ,,,,

1stc1

2013- 5- 4, 02:44 AM

تنسيم العالم تنسيم

أبان

2013- 5- 4, 02:47 AM

ابغى استفيد مثل اللي استفادو من الأخ جيكل على الخاص ,,شلوون ؟؟

والله اللي بيفيد ماله الا الدعواة الطيبه بس فيدوني معكم ,,,,

للأسف .... ما فيه حل

ممنوع الرسائل بين الجنسين :sm4:

أحس بنفس النشوة لا صرنا نعلب ملاحق و صار معنا واحدن سريع (دكتور جيكل) :19:

اداري طموح

2013- 5- 4, 02:48 AM

صبحكم الله بالخير جميعا احلى دفعة :16:
شدو حيلكم والله يوفق الجميع والسموحة هالسمستر مالي حس من ظغط هالمواد والدوام والله يعين بس

ننووووووسة

2013- 5- 4, 02:49 AM

:39::39:ابان شوعملت بتحليل هاه:19::19: انتصرت عليه ولا هو انتصر عليك

أبان

2013- 5- 4, 02:51 AM

:39::39:ابان شوعملت بتحليل هاه:19::19: انتصرت عليه ولا هو انتصر عليك

تعادل
خمسة صفر

سعيدان و عليان

2013- 5- 4, 02:53 AM

نور العمر

2013- 5- 4, 02:54 AM

يعني فيه امل ونستناه ان شالله

مشكورين ,,

عبدالعزيز123

2013- 5- 4, 02:55 AM

أسأل عن سهمك وأجيبك الأنماء جابلي أغماء

مسكت معي مرهـ وعطيتهم توصيه حسبالي حظ يانصيب سنه كامله العضوية موقفه :42:

ههههههههههههههه

ههههههههههههههههه

لو صابت على طول كاتب مميز :5:

الله يستر على العضوية هنا :3:

أبان

2013- 5- 4, 02:56 AM

بالنسبة للي يسأل عن رسالة الاخ جيـكل /

الرسالة فحواهـا في موضوعه الى نزله بداية الترم عن التسويق

أنه قال ليلة الاختبار أو قبله بينزل موضوع عن التسسـويق فلا أحد يستعجل

والله يجزاهـ خير وأكيد له نظره أن كل تأخيرهـ فيها خيـرهـ يارب .

الله يهديك يا أبو أسيل ... راحت الميزة التنافسية

وين اختلاف التركيز اللي اخذناه في نظم المعلومات :28:

شكلك تخزن المعلومات بالـ ram و ما يمديها توصل الهاردسك :8:

سعيدان و عليان

2013- 5- 4, 03:00 AM

الله يهديك يا أبو أسيل ... راحت الميزة التنافسية

وين اختلاف التركيز اللي اخذناه في نظم المعلومات :28:

شكلك تخزن المعلومات بالـ ram و ما يمديها توصل الهاردسك :8:

التنافس مر علينا بالنظم :31:

اذكره في التسعير خخخخخخخخخخخخخخخخخخ

أبان

2013- 5- 4, 03:02 AM

التنافس مر علينا بالنظم :31:

اذكره في التسعير خخخخخخخخخخخخخخخخخخ

العذر و السموحة

شكلي أنا المخطي طال عمرك :5:

1stc1

2013- 5- 4, 03:03 AM

ابان

يا اخي خربت المود حقي :37:

أسيــــره. '

2013- 5- 4, 03:04 AM

الا ع طارئ المذاكرة والملخصات ...

وش اخذتوا ملخص للموارد البشريه .. انا معاي ملخص الشمري

لأني ما أتابع محاضرته بس من الملخص ..

وبالتوفيق للجميع

أبان

2013- 5- 4, 03:05 AM

ابان

يا اخي خربت المود حقي :37:

طفه و شغله من جديد :8:

سعيدان و عليان

2013- 5- 4, 03:05 AM

العذر و السموحة

شكلي أنا المخطي طال عمرك :5:

لأ أبداً تحتاج لوصفه أم صالح :8:

وبإذن الله أمورك ترجع مع الكليجا أقوى من أول :8:

أبان

2013- 5- 4, 03:05 AM

الا ع طارئ المذاكرة والملخصات ...

وش اخذتوا ملخص للموارد البشريه .. انا معاي ملخص الشمري

لأني ما أتابع محاضرته بس من الملخص ..

وبالتوفيق للجميع

يمدحون ملخص هتان

1stc1

2013- 5- 4, 03:06 AM

انا والله حملت ملخص هتان

سعيدان و عليان

2013- 5- 4, 03:06 AM

طفه و شغله من جديد :8:

أوما لو يعلق :5::5:

1stc1

2013- 5- 4, 03:08 AM

سعيدان وش مودك انت

على وزن وش نوحك :5:

أبان

2013- 5- 4, 03:08 AM

أوما لو يعلق :5::5:

كلم عبداللطيف جميل ..... و إلا دق على أمن الطرق يطلقون عليك النار

أسيــــره. '

2013- 5- 4, 03:09 AM

طيب ملخص هتان نفس المحتوى !!

يلااا اليوم اخوي وأخيرا رحمني واشترى لي حبر للطابعه ..

شكرا. إبان.

ننووووووسة

2013- 5- 4, 03:10 AM

:12::12::12: احصاااء جاب لي المغص:39::39:

أبان

2013- 5- 4, 03:11 AM

أبشرك يا أبو حور

خطتك جابت نتيجة :21:

خلصت كل المناقشات
بس باقي القانون التجاري ما أدري وينه الله يقلعه :20:

أبان

2013- 5- 4, 03:11 AM

:12::12::12: احصاااء جاب لي المغص:39::39:

الاحصاء هو أحد مواد العقيدة العملي

تتعلم من خلاله على معنى التوكل على الله :21:

سعيدان و عليان

2013- 5- 4, 03:20 AM

سعيدان وش مودك انت

على وزن وش نوحك :5:

مانوحي شين يابعد حي :5:

أبان

2013- 5- 4, 03:26 AM

سبحانك اللهم و بحمدك
أشهد ألا إله إلا أنت
أستغفرك و أتوب إليك

العذر و السموحة من الجميع :16:

1stc1

2013- 5- 4, 03:33 AM

خلصنا الواجبات وتحميل المحاضرات

باقي المناقشات

بعد الصلاة ...

موفقين

ومسامحين .. ونطلب منكم السماح جميعا

نــواف بن راشد

2013- 5- 4, 03:36 AM

ابان وسعيدان انتهت ورديتكم

تستلم الفرقه الثانيه بعد الصلاه مباشره

الصلاه جزاكم الله خير

رورو-A

2013- 5- 4, 03:36 AM

بالتوفيق اس تي سي

والله يوفق الجميع ويسهل الاختبارات علينا :1:

عسله

2013- 5- 4, 03:40 AM

يالله يا كريم ان تطلع الاسئله سهله وميسره .. الله لا يضيع لنا تعب ... توكلنا على الله :44:

فجورة

2013- 5- 4, 03:56 AM

حيااااالله اخونا stc وين هالغيبة والله فقدناك

بالنسبة لي حالي حالك فاااالتها مع الشعب وقلت يابنت خلي لكل حادثا حديث وشوله العجلة :5:
واما بالنسبة للمزحة فانت جبت العيد :42::20:

اشغلت البنات الله يصلحك بس ماضنتي بتعيدها ياشنب :5:

ياااارب ياكريم انك تسهل علي وعلى خواني وخواتي وتمدنا بنصر من عندك :17: ,,,,, حسيت نفسي بحرب قسم

دمعه ملاك

2013- 5- 4, 04:27 AM

الله يوفق الجميع وييسر لنا اختباراتنا

اس تي سي انا مسجله جدولك والصراحه اشوفها ميزه وذكاء منك انك دخلت اداره العمليات مع الاساليب الكمية

يعطيك العااافيه وربي يوفقك:29:

بس قولي وشلون تذاكر

نفسي احل بثقه يعني اطلع من الاختبار وانا اقول a+ او a

والله اذاكر قبل بشهر لاكن فاشله وبشده بالحفظ :8: ونسايه درجة اولى والذاكره مضروبه:6:

1stc1

2013- 5- 4, 05:59 AM

ابشركم خلصت كل شئ

باقي المحاضرات المباشرة ما فتح معي البلاك بورد

ما مثل الافتراضي بس

فيه مشكلة او لا .

فجورة البنات : هم شقائق الرجال لا يهمك من سوالفنا .. والبنات هم البركة
وحنا بالرياجيل نكرف من صباح الله خير علشانكم .. الله يخليكم لنا مالنا غنا عنكم .

دمعة ملاك
انا والله شفت ادارة العمليات موقعها حلو بالجدول ورحت ادور معلومات عنها ولقيت انها مثلها تقريبا والحلو ان اختبار الاساليب يوم السبت وادارة العمليات الاثنين
وتوفيق الحمد لله قلت 2 *1 برت بلس هههههه

رغم ان هناك الكثير عارض بس الاهم التوفيق بالاختبارات .

l a v e n d e r

2013- 5- 4, 06:03 AM

ابو حور ..

اولا حياكـ الله ..

ثانيا ..
هل اكتفيت من الردود ووجدت ما تريدام لاء ..

1stc1

2013- 5- 4, 06:07 AM

هلا وغلا اختي بوسى

عاد تخبرين استغلينا فترة نومك جعله نوم هنئ ان شاء الله

وفليناها ... :8:

نعم اختي اكتفيت وما قصروا الاخوان والخوات ..

والموضوع تحت امرك وتصرفك

واي موضوع لي تحت تصرفك

وترى مخالفاتي كثيرة .. لذلك لا تشاوريني اجلد وانا تحت امرك .

موفقة خير
ودوم هالتواجد الطيب