المساعد الشخصي الرقمي

مشاهدة النسخة كاملة : معقولة الرياضيات مايحسبوها ضمن النسبة الخاصة؟؟!!

lyoool
2007- 7- 12, 02:40 AM
السلام عليكم

أبي أسأل سؤال .....ممكن إيه ممكن عجل وشو له كاتب موضوع:cheese:

أنا الله يسلمكم لما رحت أسجل في الفيصل

أخذوا الأحياء والكيمياء والفيزياء للنسبة الخاصة

وصديقتي كمان

لكن المشكله إن فيه بنات طلعوا لهم النسبة الخاصة وأخذوا زياده على الكيمياء والفيزياء والأحياء .......الرياضيات


طبعا لما ياخذوا الرياضيات النسبة الخاصة بترتفع كثير

ياترى هل فيه أحد يقدر يقول لي هل الرياضيات يحسبوه ضمن النسبة الخاصة ولا لعبوا علي؟؟

وشكرا
¤§©¤ ريم ¤©§¤
2007- 7- 12, 06:58 AM
آآآه لا تعورين قلبي

السالفة صارت سالفة مادري شقوول

يعني كلنا ماحسبوا لنا الرياضيات

ولما سألت قالوا هاذي طريقة حساب النسبة الخاصة

ولا دخلوني علوم طبية

حسبي الله على الظالمين :017:
★ NiGhT AnGeL ★
2007- 7- 12, 11:33 AM
يمكن حاطين في أعتبارهم أن كثيرين من طلاب و طالبات ثالث ثانوي ..
أشتكوا من صعوبة أسئلة الرياضيات
و بكذااا .. ألغوا دخول درجة الرياضيات في النسبة الخاصة

و هذا أعتقاد مني .. ممكن صائب و ممكن خاطئ :mh19:
¤§©¤ ريم ¤©§¤
2007- 7- 12, 11:38 AM
ما اتوقع لأنه على ذي وذي الرياضات مهما

كنا جايبيين فيه بس لو حسبوه بتنرفع النسبة الخاصة

ولاحظ انا بدون الرياضيات جايبة نسبة خاصة 88

شلون لو الرياضيات وياه وانا في الرياضيات جبت في التسعينات

يعني احتمال كبير اوصل للتسعين بس شتقول :017:

بس الي يقهر اكثر

اخوانا في الله مو حاسبين الرياضيات ضمن النسبة الخاصة

وفوق هذا قاعدين نمتحن الأمتحان التحصيلي

وفيه رييااااضياات :Cry111:

طيب دامكم مو حاسبينه ليش حاطيينه

والله ما عندهم سالفة
lyoool
2007- 7- 12, 02:49 PM
لو كذا رضيت لكن المشكلة فيييييييييييه بنات حسبوا لهم الرياضيات والله أعرف بنات كذا
يعني كيف يفرقون مع انهم طلبوا قسم الطب وأنا كمان طلبت يعني لو قلنا انهم طالبين هندسة معمارية ماقلت شي كان الرياضيات يحسبوه شي مهم
¤§©¤ ريم ¤©§¤
2007- 7- 12, 03:57 PM
والله الظاهر واسطة

ولا شسالفتهم

لأني شفت لوحة معلقة طريقة حساب النسبة الخاصة

وفيها حساب بدون الرياضيات

واحس موتوني قهر

بس حسابهم عند ربهم
طموحة
2007- 7- 12, 04:55 PM
ليش ما يحسبون درجة الرياضيات :tj4:
معن الإختبار التحصيلي ثلاثة أرباعة رياضيات :000:

بعدين هذي السنة أغلبية البنات مسوين زين بالرياضيات
بس زفتوا بالكيمياء وبعضهم بالفيزياء:011:
يعني حسافة ما يحسبون درجة الرياضيت :mh3535:
لأني أخذت فيه 98 من 100 درجة

قهر بصراحة :017:


وبالتوفيق للجميـــــــــــــــــــــــــــــــــــــــــــــ ـــع :d5:
★ NiGhT AnGeL ★
2007- 7- 12, 06:00 PM
بنت ثنوي - طموحة و البقية

لازم تفرقون بين الأثنين .. حساب النسبة الخاصة هذا من شروط الجامعة و هي بنفسها حطته و خططت له ..

أما الإختبار التحصيلي .. فهذا شي ثاني
مو الجامعة ألي حطته و حطت أسئلته:s17: ...

هذا مسؤول عنه المركز الوطني للقياس و التقويم
و الجامعة ما لها دخل بالأسئلة ألي فيه


حتى آنا أستغرب كيف ما حسبوا الرياضيات في النسبة الخاصة
و المشكلة ما نشوف جواب من الجامعة بهذا الخصوص :011:
¤§©¤ ريم ¤©§¤
2007- 7- 12, 07:07 PM
بعد شنقول

والله قدر ومكتوب حسبي الله عليهم

الا بسوون لنا سالفة ودندرة <<< ايووا يا الحسااوية دندرة مرة وحدة:lllolll:

ومالنا الا الصبر والله كريم:Cry111:
# أنغـــ الوجدان ــام #
2007- 7- 13, 01:16 PM
حسبي الله عليهم
حتى أنا سجلت في الطب ويوم رحت أقدم أوراقي ما حسبو الرياضيات في النسبة علشان كذا ماقبلوني الله يجازيهم
والله لو حسبو الرياضيات كان قبلوني لان مانقصني ألا نص عشان أوصل ل90 لان نسبتي الخاصة 89.5 بس ماقول إلا حسبي الله عليهم
يعني حرام حرام مايحسبو الرياضيا ت هذي المادة أ؟كثر شئ انحاتيها في الاختبار واكثر ايام مذاكرة والله اني خصصت اسبوع اذاكرها
لا والقهر كل يوم ندرسها غير الحصص الاضافية :017:
وبعدين ويش تجيبين درجة حلوة في المادة ولا يحسبونها في النسبة الخاصة و يروح تعبك هباء منثورا :bawling:
والله حررررام:Cry111:
اورجوان
2007- 7- 13, 01:51 PM
أنس روحي .. من الممكن ان يكون هناك دفعة ثانية لبنات الطب

السنة الي راحت تقريبا قبلوا دفعتين او ثلاث بحيث انهم خذوا الدفعة الاولى و رفضوا الباقي بعدين خذوا الثانية و ذلك حسب الأعلى معدل و من ثم الأقل .

و الدفعة الثانية ما تنقص عن الأولى بأكثر من نسبة واحده أو ربما أكثر بقليل او أقل بقليل !!

يعني كونك تقولين مانقصتي الا نص فلا تيأسين ان شاء الله بياخذونهم .. السنة الي راحت على آخر العطلة اخذوا بنات دون ما يراجعونهم البنات او يغيرون طلبهم !!
طموحة
2007- 7- 13, 03:43 PM
اورجوان >>> إذا ما قبلوني الحين بالطب يعني ممكن يقبلوني على الترم الثاني مثلاً :000:
او على السنة الجاية :s12:

وشكراً :119:
# أنغـــ الوجدان ــام #
2007- 7- 13, 04:05 PM
مشكووووووورة أخت أورجوان
تبي تعطيني أمل ..........
بس خلاص مافي أمل
لأني يوم راجعتهم وقالوا لي النسبة الخاصة ماوصلت 90
رجعت البيت وألقيت الطلب وسجلت في كلية التربية
أحسن من إني أجلس أستنى مجرد أمل أو بالأصح حلم
:011: ....خلاص ألحين راحت علينا.... :011:
على العموم أشكرك من كل قلبي
نرضى باللي الله كاتبة
ذكية
2007- 7- 13, 04:57 PM
من قال مايحسبون الرياضيات.................
يحسبون الرياضيات والكمياء والاحياء و الانجليزي وفيزياء
وسلامتكم
¤§©¤ ريم ¤©§¤
2007- 7- 13, 05:48 PM
العقبرية مايحسبون الرياضيات

انا كنت يوم الثلاثا الي راح في الجامعة

وقدام عيني شفت الورقة المعلقة مكتوب فيها

طريقة حساب النسبة الخاصة للكليات الصحية

وكاتبين تجمع الدرجات الموزونة

للفيزيا والكيميا والأحياء والأنجليزي وتقسم على 15

بسسسسسسس

وقدام عيني جات بنت تتشكى عندهم

تقول لهم ليش ما تحسبون الرياضيات

لأنه الأغلبية نسبتهم الخاصة انزلت والسبة الرياضيات

لأنه ما انحسب

حسبي الله عليهم
# أنغـــ الوجدان ــام #
2007- 7- 13, 11:25 PM
العبقرية مايحسبون الرياضيات
لاني يوم رحت لهم قالو الي انهم مايحسبون الريااضيات:011:
★ NiGhT AnGeL ★
2007- 7- 14, 06:26 PM
أنس روحي
في جامعتنا ما فيه قبول للفصل الدراسي الثاني
إلا بس في كلية الدراسات التطبيقية و خدمة المجتمع

و هاذي كلية أهلية .. يعني بفلوس
Fairy
2007- 7- 14, 10:52 PM
يووه وش ذا حرام :017:

اللعام كان اولى انهم مايحسبونها لان اسئله الرياضيات للبنات كانت اصعب بكثير من السنه .. اصلا الشكاوي السنه ماصارت مثل اللعام .. ياحسافه دموعنا بس :bawling:

مالهم حق .. عن جد انتوا السنه مرره مظلومين !!