اليوم الاول ..

[AbOHeLaL]

السلام عليكم ورحمة الله وبركاته

وكل عام وانتم بخير .. اسال الله ان يعيد علينا هذا الشهر الفضيل بالخير والبركات ودوام الصحة والعافية


_____________


انا طالب انقبلت في كلية طب الاسنان بالدمام ..

انا سؤالي واضح وابغى تفصيل من الاخوة اللي عنهم خبرة في الجامعة الدفعات السابقة او من عنده علم ..

وش اسوي اول يوم .؟ وين اداوم .؟ متى اداوم ؟ هل يوجد برنامج تعريفي قبل الدوام الفعلي ؟ تفاصيل اول يوم واحداثه .؟ متى تبدا الدراسة الفعلية .. محاضرات دروس و و .. ؟ ترتيب الجدول ومن ينظمه ؟

ياريت نحط اكبر قدر من التفاصيل والاجابات بحيث تتسهل لنا الامور .. ستكون خدمة كبيرة جدا للمستجدين امثالنا

ان شاء الله ماتقصرون في انتظار الردود ..

شكرا

[سنتين وتعدي]

وعليكم السلام ورحمة الله وبركاته
وكل عام وانت بخير وصحه وسلامه اخوي
والف مبروك قبولك في الكليه ..

وش اسوي اول يوم .؟ وين اداوم .؟ متى اداوم ؟ هل يوجد برنامج تعريفي قبل الدوام الفعلي ؟ تفاصيل اول يوم واحداثه .؟ متى تبدا الدراسة الفعلية .. محاضرات دروس و و .. ؟ ترتيب الجدول ومن ينظمه ؟


اخوي الله يرضى عليك لاتقلق ولا تتوتر الامور سهالات ان شاء الله.. بالنسبه لأول ثلاث ايام من الاسبوع الاول راح يكون هناك لقاء تعريفي وبرنامج كامل عن الكليه وسوف يكون هناك لقاء مع عميد الكليه الدكتور/ رائد بخاري وخلال هذه الثلاث ايام راح تعرف كل شي وراح يكون لك مجال تسال عن اي شي في خاطرك وان شاء الله تلقى الجواب الشافي

وغالبا ان هذا البرنامج يقام في مبنى الحاسب الالي في الجامعه

[AbOHeLaL]

..

يعني بالعربي اداوم اول يوم بكلية طب الاسنان .. وهم يدبرون امورنا .!

[رحآل]

وعليكم السلام ورحمة الله وبركاته

الف مبروووك على القبول

اول يومين تداوم بالجامعه في مبنا الحاسب الالي مثل ماقال اخوي وليس كلية طب الاسنان

ثالث يوم تداوم في كليتك وتاخذ فيها جوله تعريفيه المعامل والغرف وكل شي مع عميد الكليه فهد الحربي

ولا تشيل هم كل شي بيكون واضح

تحياتي ...

[شمرور]

احسن لك نااااااااااااام ترى الايام التعريفية مضيعة وقت
وخراااااااااااط فاضي

[المتفائلة جدا]

الله يوفقكم

[طيررر]

متأكدين اول يوم نداوم في مبنى الحاسب ؟


ياشباب مو ناقصين حوسة من اول يوم تكفون تأكدو

[رحآل]

اكيييييييد

[طيررر]

طيب اخوي الساعه كم الدوام للمستجدين

[AbOHeLaL]

..

ترى الدوام بكره ياجماعة الخير .!!!

[dr.musha]

طيب متى الدواااااااااااااااااااااااااااااااااااااااام بكراااااااا ياجماعه الخير ياليت تعطوووووني خبر :000:

[طيررر]

على حسب مافهمت من الاخوة الدوام للمستجدين الساعه 9 في مبنى الحاسب يعني احنا نجي 8 ونص او 8

لان المحاظرة التعريفية تبدا 9

[AbOHeLaL]

..

والله لو كتبت ادارة الجامعة او المسؤولين عن المستجدين .. كل شي يتعلق باليوم الاول والمستجدين كان ارتاحوا من زمااان .. لكن لاحياة في من تنادي .!

كل شي مبهم ! لاهم كاتبين متى نداوم ولا انشطة اول يوم ولاشي .. حتى الموقع الاساسي ماعنده ماعند جدتي خالي من المعلومات !!

انت وحظك ع البركة تتكتشف وبفضل الاخوان طبعا اللي ردوا واجتهدوا وهي ماهي مسؤوليتهم حتى الله يجزاهم خير ..

والله كذا بداية سيئة ..هذا واحنا باقي ماداومنا !!

شكرا للجميع الله يعطيكم العافية