هنا تجمع طلاب مستوى ثالث( تعالو هنا خلونا نشوف كم عددنا واللي عنده مواد من هالمستوى يشاركنا )

[إنكسآر]

السلام عليكم*


هنا راح يكون خاص لتجمعنا واللي عنده مواد من هالمستوى يشاركنا ( فيه استفسارات + مساعدات + طلبات )*
رجاءً مانبي مواضيع تشتتنا لأي استفسار او مساعده او طلب بخصوص المواد بهالقسم*
يكفي هذا الموضوع راح يكون حلقة وصل بيننا*

اللي يبغا شي يجي هنا وان شاءالله نساعده*
واللي عنده شي حاب يفيدنا به يحطه هنا من روابط مهمه ... اخبار... اسئله ... ملخصات وغيره*



والان ... اللي يدخل يكتب وش المواد اللي عنده*

مثلا انا عندي ست مواد من مستوى ثالث*

راح اكتب كذا 👇

[ تطبيقات الحاسب + مهارات التعليم والتفكير+ علم النفس التربوي+ مقدمه لذوي الاحتياجات الخاصه+ مدخل الي الاعاقه العقليه+ الصحه النفسيه]



واللي عنده شي يرفقه مع الرد*
يلا انتظركم😊😊

[نصف القمر]

انا عندي (الصحة النفسية )

[إنكسآر]

حياك الله نصف القمر ..
كيف المادة ؟ ذاكرتيها؟ كيف انطباعك عنها؟

[إنكسآر]

هنا بهالموضوع فيه اسئله وكلش لمادة مهارات العليم والتفكير وعلم النفس التربوي

http://www.ckfu.org/vb/t450976.html

[شخصيتي تميزني]

وعليكم السلام


طبعاً سمعتوا بالقرار الجديد اللي هو الاختبارات المقاليه للماده اللي طلابها اقل من 100 :4:

وانا عندي مواد من مستوى ثالث اللي هم

تطبيقات الحاسب في التعليم
الصحه النفسيه لذوي الاحتياجات الخاصه
الاخلاق الاسلاميه واداب المهنه
التربيه الخاصه بالمملكه

^ وياليت اللي يعرف اذا هم اختباراتهم مقاليه او موضوعيه :22:

[إنكسآر]

اهلا شخصيتي تميزني

إيه سمعته وبغيت انجلط:7:

وشلون نعرف عاد يبيلنا نسال الدكاتره لكل ماده كم طالب فيها خخخخخخ
مافيه غير هالحل:42:

[شخصيتي تميزني]

يقولون الدكاتره قايلين في المحاضرات المباشره
وانا فتحت اخر محاضره بس ماني فاهمه لدكاتره هالمصاروه يقرقون وكلامهم صدى ماينفهم ومو واضح :44::38:

[هبووش1405]

سمعت اكثر من دكتور موضوعيه

ماسمعت ولادكتور قال كذا

[شخصيتي تميزني]

هبووش الله يعيين

وش المواد اللي سمعتيهم موضوعيه ؟

انا سمعت كم ماده قالوا موضوعيه واللي هي

مدخل الى الاعاقه السمعيه
التربيه الخاصه بالمملكه
مهارات التواصل لذوي الاحتياجات الخاصه

الباقي مافهمت الصوت مو واضح

بس المواد يقولون 50 سؤال عليهم 70 درجه وشلون كذا :36::12:

[شخصيتي تميزني]

بليز اللي يعرف وش نوع الاختبارات بالمواد الباقي يخبرنا الله يجزاه الجنه

له اجري واجر الناس اللي بتدخل وتشوف وش نوع اختبارها بهالمواد :16:

[TODII]

انا عندي 7 مواد :37: تطبيقات الحاسب + مهارات التعليم والتفكير+الاخلاق الاسلاميه واداب المهنه+ مقدمه لذوي الاحتياجات الخاصه+ مدخل الي الاعاقه العقليه+ الصحه النفسيه +مدخل الى تربية الموهوبين
وانشاءالله كلها موضوعيه :36: :sm5:

[شخصيتي تميزني]

تطبيقات الحاسب الالي في التعليم اختبارها 50 سؤال عليها 70 درجه والاختبار موضوعي اختيار من متعدد

[نصف القمر]

والله يا قلبي يا انكسار ما فتحته لاني مضغوطه حيل هالترم

[إنكسآر]

طيب اللي يعرف كيف يراسل مع الدكاتره يرسل لهم ويستفسر عن امر وضع الاسئله هي مقاليه والا لا ..


بنات اتوقع اغلبنا معهم تطبيقات الحاسب في التعليم واختبارها الاربعا

من مستعد يبدا فيها المذاكره اليوم معنا .. ونتناقش فيها .. ؟؟؟

[TODII]

مرا دي الماده شايله همها تطبيقات الحاسب :9::30::19:
احسها دسمه :12:

[المتفائله1]

هلا وغلا بالحلوين :2:
انا عندي 7 مواد من مستوى ثالث

تطبيقات الحاسب +
مهارات التعليم والتفكير+
التربيه الخاصه في المملكه +
مقدمه لذوي الاحتياجات الخاصه+
علم نفس النمو + الصحه النفسيه +مدخل الى تربية الموهوبين ..

وكلها اسئله موضوعيه لهالمواد سمعتها بالمحاضرات المباشره ..

وبالنسبه لتطبيقات الحاسب مو صعبه بس يبي لها تركيز وربط معلومات ببعض
وش رايكم نذاكرها مع بعض ونتوقع طريقه الاسئله كيف بتكون

:16:

[إنكسآر]

نصف القمر ماعليه نذاكرها ان شااءالله مع بعض ...

توداي خوفتيني ::44:

المتفائله . يلا .. الان بطبعها .. بس ابي اتاكد هي الملزمه اللي نذاكر منها هي اللي انتي منزلتها بالموضوع المثبت فوق صح؟ ..

[المتفائله1]

ايه هي نفسها بالضبط

في جزء عملي كتبته بموضوع غرور
كتبت كل المهم بالجزء العملي
يلا اطبعي عشان نبدأ ...........:3:

[الأبهاوي]

انا عندي مادة الاخلاق الاسلاميه واداب المهنة
بصراحه فيها تعقيد مدري من الدكتور او المادة
المهم بخصوص المادة الي طلابها اقل من 100 طالب يكون اختبارهم
في مقر الجامعة في الاحساء والاسئلة موضوعية ..
والله يجعل التوفيق دربي ودربكم ...

[إنكسآر]

هنا الجزء العملي لخصته لكم المتفائله
تبع تطبيقات الحاسب

http://www.ckfu.org/vb/t444961.html



الله يجزاك خير المتفائله:16:

[المتفائله1]

ويجزاك خير

وين وصلتوا بالمذاكره ظ

[المتفائله1]

بفتح موضوع جديد لمذاكره تطبيقات الحاسب :27::16:

[إنكسآر]

مرحبااااااااااا ي مُزززززات .. :p

السلام عليكم ..

صباح الخير

وش اخباركم مع المذاكره .. وكيف انطباعكم عن الماده ان شااءالله كويسه .؟؟؟

ممم مفكره افتح موضوع جديد نخمن فيه مع بعض اسئله مراجعه .. لمادة تطبيقات الحاسب نبدا فيها فصل فصل لين ننهيه .. من الساعه 12 الظهر .. وبعد ماننتهي نكلم المشرفين يدمجونه مع موضوع المتفائله ..






اذا شفت مؤيدين ومتفاعلين ان شاء الله .. راح افتحه واستمر والله .. واذا لا .. فعذراً وسلاماً :)




هااااه وش قلتم ؟؟؟

[إنكسآر]

:42::42::42: مرحبااااااااا فيه احد