[مسآعده ] ضيعت جوالي كآميرا ( إكسبيريا)..(تم تعديل آلعنوآن )

[ريماس حمد]

السلام عليكم ورحمة الله وبركاتة ..

بنات الله يعافيكم أنا ضيعت جوالي كيمرا ( إكسبيريا) في اللواكر أو باص الحكومة مو متذكرة وين بالضبط ومدري وش أسوي

والله حاسه أني بموت ..فية كل شيء الجوال

أخاف أسأل الأمن يسون لي سالفة عشانه كيمرا ..والله راح النوم من جفوني

خايفة إذا نسيتة في الباص ينسرق من السواق

باص 21 ..فيه وحده شافته أو شيء ..قبل ضيعت جوال سامسونق وفاعلة خير دقت على أمي وحطته عند السواق ..والحين تغير السواق ..ما أدري شسوي .. والله أنه ثمين علي:12:

ما أدري شسوي:4::4:

[ريماس حمد]

:44:

[مها العبداللطيف]

مابئ. اخوفك يس ساعتي انسرقت مافي إلا القليل إلي فيهم الخير الله يعينا :12:

[نس كآفيه]

الله يعينكم..
بصراحه صارت السرقة موضة بجامعتنا وش هالتربية وش هالضمير اللي عند البنات؟؟ كل يوم اسمع بسالفة سرقة بنت تصلي وتنسرق شنطتها!! حتى وصلت للأكل يسرقون المره جايه تترزق الله من هالأكل وباردة مبردة تسرقين؟!! عجيب أمرهم,, والله شي يحز بالخاطر هذي سمعة والجامعة ماهي ناقصة مايكفي الاشاعات والكلام الفاضي عليها.. ماأدري وش الحل؟ "حسبنا الله ونعم الوكيل"

[ياربي وفقني]

طيب اسالي الرجال 2 الي دايم واقفين اظن انهم مسؤلين الباصات :34:
ان شاء الله تحصلينة عندهم يمكن الهندي معطية

[ليآلي الانس]

الله يعوضك خير يَ قلبي ..

انا انسرقت شنطتي بالكامل
بوكي وفيها فلوسي وصرافتين
جوالي جالكسي اس 3 :44: والحمدلله ان البيبي كان بالبيت ولا كان راح مع الجالكسي

وفي كتاب كان بالشنطة وراح معها

السرقة زادت وماعاد في خوف والله المستعان

[خريجة الثانويه]

اما عاد شنطه بالكامل
حسبي الله
يارب تلقو اغراضكم