دائن ومدين في المكافاه

[Rajaha]

كنت منزله موضوع والموضوع كالتالي

سلام الله عليكم

صباحكم مساكم ورد وجوري

انا طالبة سنه تحضيريه السمستر الثاني سجلت جدول بعدها رحت وسويت وقف قيد صار اعتذار عن الدراسه

نزلت لي مكافاه شهرين تقريبا بعدها دخلت وناضرت جدولي محذوف وبعدها مانزلت مكافاه

ونوي سجلت مواد وراح ارجع السنه الجايه للفصل الاول

ويوم السبت بروح اشيل الوقف قيد عشان سجلت جدول وبداوم السنه الجايه

عندي استفسار بما اني سجلت الجدول وبروح اشيل وقف قيد راح تمشي لي مكافاه ولا

ومتى راح تنزل المكافاه هل بعد تاكيد التسجيل ولا من الحين راح تنزل مكافاه

ودي


اجاني رد من عضوتين ب المنتدى

الرد الاول

^
وعليكم السلام

خلاص دامك راح تشيليين الوقف ، راح تنزل لك

كل 25 من الشهر و مرات تتقدم أو تتأخر


وانا رديت عليها .

بس اللي اعرفه اذا مافي جدول ماتنزل مكافاه

وانا توي سجلت الجدول والتاكيد للجدول شهر 10/10

الجدول مايصير ثابت ألا لما اسوي تاكيد يعني المكافاه بتنزل بعد التاكيد ؟؟


وهدا رد للعضوه الثانيه

دام التسجيل فتح لك
راح تنزل لك قبل التأكيد عادي
... كنت ماخذه وقف سابقآ واول مافتح التسجيل وسجلت مبدائيآ نزلت لي المكافأه



قلت اروح اشيك دامي سجلت الجدول يمكن نزلت مكافاه

والمكافاه مانزلت

وطلع لي كذا

https://fbcdn-sphotos-e-****************/hphotos-ak-snc6/p480x480/179455_442424842514335_333991923_n.jpg


اتمنى اعرف وش السالفه وش معناة دائن ومدين

[MeMe1]

:5: مدري ليييش ضحكت على دائن ومدين

عموما انا كنت موقفة الفصل الأول ومثلك فتح التسجيل للفصل الثاني وسجلت موادي

بس اذكر المكافاءة نزلت لي نفس الشهر الي داومت فيها :27:

روحي مكتب الصرافة 101 فوق وان شاء الله بيفدونك أكثرر :16:

[Rajaha]

السالفه خبصه :36:

الله يعين

[j_otaibi]

^
لا عادي أنا لا سحبت حقتي تطلع لي كذا و ما اهتم لها

بس أنتي دامها ما نزلت لك ي مجمده ولسى عندهم ب النظام إنك موقفه أو فيه شيء ثاني

ف زي ما قالت إللي قبلي روحي استفسري ، ما اظن تلقين جواب شافي لك هنا :$

[Rajaha]

تيب . مشكوره خيتو

:2::2:

[.،؛مجرد أنثى؛،.]

دائن : المكافأة اللي نزلتها الجامعة ، حتى شوفيها دااائمًا (دائن) جنبها 840 ثابتة
مدين : هذا المبلغ اللي سحبتيه منها

وواضح ان آخر مكافأة نزلت لك 6 / 3 ميلادي ،
بس والله ما أعرف النظام بالضبط ومتى ترجع لك
روحي مكتب المكافآت ، أظنه في مبنى 103
والله ييسر لك

[Rajaha]

تيب ف الصوره اخر مكافاه مدين 800 يعني انا سحبتها ؟

ماسحبت شي لي كذا شهر

يبقى لي اروح الكليه واشوف