انطباعـــــكم عن اختبار علم الاجتماع الاحصائي [الأرشيف] - ملتقى طلاب وطالبات جامعة الملك فيصل,جامعة الدمام

تسجيل الدخول

مشاهدة النسخة كاملة : انطباعـــــكم عن اختبار علم الاجتماع الاحصائي

ابو حلا

2013- 5- 7, 05:56 PM

الموضوع واضح من عنوانه

عملها النجار وخلاص

ولي عودة

gangak

2013- 5- 7, 06:03 PM

ما عرفت ولا سؤال ،

واضطريت لوضع الأجابات كلها "أ" و "د"

والحمدلله على كل حال

Turning point

2013- 5- 7, 06:05 PM

اين انتي .. ياعصى .. موسى ...
لن ننجو .. الا بسحر ....
حسبي الله ..وكفى ...

*Mo_14_oN*

2013- 5- 7, 06:10 PM

غير الاسئلة ولا نفس الترم الماضي؟

[ قايدة الريم ]

2013- 5- 7, 06:13 PM

غير الاسئلة ولا نفس الترم الماضي؟

غيرها كلياً ,

الإختبار كان صعب

*Mo_14_oN*

2013- 5- 7, 06:15 PM

يارب تنجحون فيها جميعا

نو1111ف

2013- 5- 7, 06:17 PM

اسئلة المراجعه اكيد جابها كلهاااااااااااااا

ابـو خلي

2013- 5- 7, 06:19 PM

رحنا في خرايطها كلها شختك بختك وعلى الله والله ييسر الامور

اكثر اجاباتي ج و د

انا شهيد الجامعة مت مقهور 0000 وياليتهم يوم اذبحوني دروبي

**الباحثة**

2013- 5- 7, 06:20 PM

تياسير من الله هو الموفق والنجاح بيده ليس بيد احد :35:

واسئله سبحانه ان يوفقكم جميعن وتحصلوا على درجات عاليه في الماده وتنجحون وتعدونها جميعا ......امين

وصل الله على محمدا وآله وصحبه اجمعين

abo0000nawaf

2013- 5- 7, 06:26 PM

الاسئلة سهله مرررررررررررررررررررررررره حليتها كلها

امزح والله انها صعبه ولخبطت مخي واجد :12:

abo0000nawaf

2013- 5- 7, 06:28 PM

لازم تتغير الاسئلة ويصعبونها من يوم حطو هالمكافا ة

مانجو بالحليب

2013- 5- 7, 06:29 PM

اللي متأكده منهم 11 سؤال صح والباقي حظ ونصيييب

داديّ

2013- 5- 7, 06:30 PM

عسّر علينا مع إن كان عنده فرصه يحط لنا من المراجعه والسنه اللي فاتت آقلها نضمن درجة النجاح ..وش بيخسر ؟ الله لا يسامحه .. واستودعت الله إجاباتي وحلي ..

عادل الحربي

2013- 5- 7, 06:31 PM

خخخخخخ
هههههههه

:5::5::5:

حاملها الترم الماضي وشكلي بشيلها ذا الترم بعد .

يااااااااارب ،،،، توفيقك ،،،،

:2::2::2:

سعودالقحطاني

2013- 5- 7, 06:33 PM

يقول الرسول صَلَّى اللَّهُ عَلَيْهِ وَسَلَّمَ ، يَقُولُ : " اللَّهُمَّ مَنْ وَلِيَ مِنْ أَمْرِ أُمَّتِي شَيْئًا فَرَفَقَ بِهِمْ ، فَارْفُقْ بِهِ ، وَمَنْ شَقَّ عَلَيْهِمْ فَاشْقُقْ عَلَيْهِ " .

مانقول الا حسبنا الله ونعم الوكيل

ابـو خلي

2013- 5- 7, 06:35 PM

الله يوفق الجميع

كم لازم اجاوب من سوال عشان انجح اذا افترضنا ان اعمال السنه 30

لاهنتو

رنو

2013- 5- 7, 06:36 PM

فيني البتسوه ..

مركز إختبار جدا سيء

اختبار جدا صعب

<وهي تبتسي صز :39:

!! فرح !!

2013- 5- 7, 06:36 PM

لا اله الا الله

الاسأله صعبه جدا :24:

ليش كذا ..ولا شي من الواجبات المراجعه ولا اسأله الترم الي فات :24:

متأكده من 21 سؤال فقط

والباقي ,,,,

الحمدلله على كل حال

صار أملي بالتخرج ضعيف :44:

أبو عبدالله13

2013- 5- 7, 06:37 PM

صعبه جدا جدا جدا

وهل تتوقعون من وضع الاسئله هو النجار

اسلوبه اختلف تماما في وضع الاسئله

ولكن يمكن مع شختك بختك تمشي

ما فاتنا هالترم ندركه الترم القادم أن شاء الله

المراكب

2013- 5- 7, 06:39 PM

مدري وش يحس فيه النجار بالأسئلة هاذي
والله قهر راح التعب ببلاش
لأكن الواحد يقول حسبي الله ونعم الوكيل
اول ماده أحس أني بحملها من دخلت الجامعه

أبو عبدالله13

2013- 5- 7, 06:40 PM

الله يوفق الجميع

كم لازم اجاوب من سوال عشان انجح اذا افترضنا ان اعمال السنه 30

لاهنتو

22 سؤال اكيد

واتوقع حتى 21 سؤال بعدجبر الكسر لصالح الطالب

مانجو بالحليب

2013- 5- 7, 06:40 PM

الله يوفق الجميع

كم لازم اجاوب من سوال عشان انجح اذا افترضنا ان اعمال السنه 30

لاهنتو

22 سؤال بالضبط

!! فرح !!

2013- 5- 7, 06:40 PM

الله يوفق الجميع

كم لازم اجاوب من سوال عشان انجح اذا افترضنا ان اعمال السنه 30

لاهنتو

تقريبا

22 سؤال

22×1.4 = 30.8

داديّ

2013- 5- 7, 06:42 PM

سعودالقحطاني

2013- 5- 7, 06:48 PM

القهر اني خلصت موادي كلها على امل اتخرج هالترم ..

ومن بعد الإحصاء مالي آمل .. يعني ادرس ترم كامل علشان ماده ؟ آقسم بالله ظلم .. الله لا يسامحك يالنجار ولا يسهل لك آمورك .. ماده مالها فايده آبدا فوق كذا تصعبها ليه ؟

اللهم امين الله لا يوفقه
ومانقول الا دعاء الرسول صَلَّى اللَّهُ عَلَيْهِ وَسَلَّمَ ، اللهم اشقق عليه

Turning point

2013- 5- 7, 06:48 PM

لا ظنه من وضع الاسئله .. الاسلوب مختلف ...
اساسا لم يأتي للمباشره ..وضعوا لنا مباشرة طلاب قبلنا ..مسجله ..
اسئله لا تليق بشرحه .واهتمامه بنا..
اللي ماعبر احد طول الفصل ..
كان رحمتنا ... .. والله مخنوقه ....
. لازلت في مركز اختباري ولا ادري كيف سامتحن انجلش كتابه ...
وكمان وليد عثمان ماهو هين ...

ihsaaas

2013- 5- 7, 06:52 PM

اااااااخ بس

اخيس واصعب امتحان مر علي كلة بدراستي الجامعية

ليه كذا طيب التصعيب

ما ابي احمبها

يارب ما احملها من زينها عاد :12:

خلاص احس مخي فصل من بعد هالتعب يصير الامتحان بهالشكل

alhelwa

2013- 5- 7, 06:53 PM

:12::12::12::12:بس 3اشك انها صح

*فواز الشمري

2013- 5- 7, 06:53 PM

حسبي الله ونعم الوكيل

فعلا اسأله تعجيزيه وقسم بالله جاني احباط شديد هذا واحنا اول امتحان

اتمنى من الجميع نضع الاسأله ونتأكد من الاجوبه عالاقل لونضمن درجة النجااح

والي متأكد من اجوبته يضع لنا الاسأله حتى لو متفرقه

اتمنى لنا التوفيق وضماااااان درجة النجاااح

وحسبي الله عليك ياالنجاار:22:

رنو

2013- 5- 7, 06:55 PM

استهدوا بالله وانسوا الشي اللي صار حتى مايأثر على نفسيتكم بمذاكرة المادة القادمه ....

يلا مع بعض نطوي صفحة الإحصاء ونقمز للي بعده ....

عسى ربي يرزقنا جميعا بأعلى الدرجات ....

هـ الخالدي

2013- 5- 7, 06:57 PM

حسبي الله عليك ياالنجاار
حسبي الله عليك ياالنجاار
حسبي الله عليك ياالنجاار

alhelwa

2013- 5- 7, 06:57 PM

:21:استهدوا بالله وانسوا الشي اللي صار حتى مايأثر على نفسيتكم بمذاكرة المادة القادمه ....

يلا مع بعض نطوي صفحة الإحصاء ونقمز للي بعده ....

عسى رب يرزقنا جميعا بأعلى الدرجات ....

:21::21::3::3:
اللهم امين

مبتسمة

2013- 5- 7, 06:58 PM

:38::38::38::38::38::12: تفائلوا اتوقع النظري صح والابقي حقرة يقرة ونتوكل والله يعين :10:

العمر لحظات

2013- 5- 7, 06:58 PM

دانتيلا

2013- 5- 7, 06:59 PM

يههههب ي وجهه

الهدوء الدائم

2013- 5- 7, 07:10 PM

حسبي الله ونعم الوكيل والمشكلة ما عدا النظري كل سؤال محتاج وقت طويل للتعويض واستخراج الملحقات التابعه للقانون وساعة بكبن تقول باقي لكم من الوقت :5:١٠ دقائق وعلى هذا الحال:12::12::44:*

المسا77فر

2013- 5- 7, 07:10 PM

الامتحان :23: والنجار :23:
ماااااااااااااا ااااااااقووووووووول غير حسبي الله ونعم الوكيل تكفيه مني دعوة من قلب
اسوء امتحان مر علي مدري وش يبي ذا الدكتور المتفلسف . على باله حنا عباقرة ولا مثله ماعنده لا حلم ولابساطه ولا مراعاة ولا تقدير ضروف الناس .

alhages

2013- 5- 7, 07:10 PM

سجلو معاكم واحد شختك بختك ,,, مثل مبادىء الاحصاء ماعديتهم الا توفيق من رب العالمين
ويالله ان نعديها بسلاااااااام ياااااارب

وما اقول غير حسبي الله ونعم الوكيل يالنجار :20:,,

كاني ماشفت احد من ثلاث سنوات يثني عليك ولك مني دعوه مايعلم فيها الا الله
كانك هديت عزومنا وحماسنا مع اول يوم من الاختبارات :25:

والله الله في تقييم الماده اعترضو كلكم وخلو صوتنا واحد
ويرجعون لنا سيف ابرك منه عالاقل هذاك اخوي بالروضه يفهم عليه مو واحد جالس لي يقرا محتوى الله ياخذه

الله يسهل علينا بالباقي ان شاء الله ,, ويوفقنا جميع وينولنا تعبنا بما يرضينا يارب:1:

مرووومه

2013- 5- 7, 07:23 PM

ما أقول إلا حسبي الله ونعم الوكيل فيك يالنجار وربي رحت البيت مصدعه ،تعبت نفسيا ما أمداني أحل المسائل طويله والقوانين يبغالها تعويض طويل انتهى الوقت وانا باقي عليه ١٥سؤال او اكثر والمراقبه تقول يله الوقت خلص ،يله استودعي الله وحلي اي شي، والله حليت كذا اللي تجي عيني عليه اختاره،،ولا طبقت قانون ولا شي الله يستر بس ،سد نفوسنا من اول يوم حسبي الله عليه

رنجه

2013- 5- 7, 07:24 PM

:7:

منى قلبي

2013- 5- 7, 07:28 PM

ههههه حسبي الله عليهم ...المهم اذا حملناها انصحكم تاخذونها ترم صيفي اذا اعتمدوو الترم..بجد وربي مشروع تخرجي بيروح فيها...

M.e.M

2013- 5- 7, 07:35 PM

حسبي آلله ونعم آلوكيييل

ولهـ من آلدعآء مآ يستحق << :31:

آلآختبآر كآن صعببب صعببب صعببب :32::20:

ولآول مرهـ آدخل آختبآر وآحسهـ مو نفس آللي مذآكرتهـ حسيتهـ شي غييير

حلي كآن كلهـ تخمييين :12:

آلله يستر بس ونعديهآ لو ع آلحفهـ مآبي آختبرهآ مرهـ ثآنيهـ :12:

مبتسمة

2013- 5- 7, 07:36 PM

تفائاوا خير انش اءلله نعدي لو عالحفة :42::42::42:

إشراقة أمل

2013- 5- 7, 07:43 PM

والله حليت شختك بختك وانا ليا اسبوع ادرس
حسبي الله عليه وبعد شريت الكتاب الي طالبه منا
حظرته يالف كتب ويقلنا اشتروها وليته جاب اسئله زي الناس والعالم

ناصر العنزي

2013- 5- 7, 07:46 PM

حسبي الله على من وضع الاسئله بهذه الطريقه الوحشيه

يارب درجة النجاح فيها .. :22:

إشراقة أمل

2013- 5- 7, 07:54 PM

وقت الماده غير كافي

والمسائل حلها يحتاج وقت وورق

وعدنا يجيب جداول نتايج الاختبارات ونطلع منها النتايج

ماشفنا شي

الاسئله الحسابية اثر من اللازم

المتوسطات ماكانت مجال دراستنا ليش مركز عليها بالاسئله واعطاها اثر من خمس اسئله

حسيت المعطيات بالمسائل ناقصه مسئله وحده الي معطياتها كامله الباقي حسبتها ناقصة

وفي قيم تي الجدولية باحد الاسئله حسيتها غلط من السؤال لاني شاربه الاستخراج من الجداول شرب

حرام عليه تركت كل المواد وجلست اذاكر في مادته من اولها رسوب وهذي اول مره بتصير لي وبيطيح المعدل

HLOOOMA

2013- 5- 7, 07:55 PM

اسوء اختبار مر علي من يوم دخلت الجامعة
استغفر الله
مدري ايش بيستفيد اذا كل الناس دعت عليه والله ياسمعت دعوات عليه اليوم مو طبيعيه
اول مره اسمعها , الله يعينه على نفسه ويعيننا عليه وعلى مادته السخيفه

سلطان //

2013- 5- 7, 07:58 PM

الله لايوفقك يالنجار فاشل فاشل فاشل في شرحه وتعطينا اسئله صعبه النجاح ان شاء الله بس حطمتني في المعدل
وبعدين اسئله التحليل الاحصاء جاب كثير منها وجاب الاسئله الي حذفتوها شكله يراقبنا هنا

فاشل يالنجار :8:

طفله مطفوقه

2013- 5- 7, 08:02 PM

:31:
كله كومممممم ولا الاربع الاوراق الاخيرات كوممم ثاني وش سالفتهن ذلي بعد
الله يشغل بعض الناسس بنفسسه :24:
طيب منو قايلكك اننا دوافير بل معادلاات ؟؟
قسمم بالله جالسه اقلب الارقامم بمخي يمين ويسارر ماش ماش:33:
والورقه ياما طاحت ع الارض وتجيبها المراقبه ياما تولجت به وحاطتها بحظني <<خزبقتنا حسبي الله ع بليس واعوانه :24:

ابو حلا

2013- 5- 7, 08:03 PM

Pharmacist-hail

2013- 5- 7, 08:04 PM

شرح سيئ و محتوى ناقص و اختبار معقد
..
لا أعلم لماذا هذا التباين بين اعضاء هيئة التدريس!!!
و لماذا هذا الشذوذ في مستوى الامتحان و صعوبته الشديدة في هذه المادة تحديداً ؟؟؟
هل هي محاولة لتعطيلنا عن التخرج او التأثير على مستوانا الدراسي ؟؟؟

ارجو من الجميع تسجيل اعتراض لدى عمادة الجامعة و تحديداً (( معالي مدير الجامعة )) لصعوبة الاختبار مقارنة بدراستنا و نظام الدراسه ؟؟؟

(( فلنكن يداً واحدة ضد هذا التعسف ))

hanz

2013- 5- 7, 08:07 PM

انا مازلت عند رأئي ان النجار مهو اللي وضع الأسئله

حسبي الله عليه وكفى

سلطان //

2013- 5- 7, 08:09 PM

كنت انتظر ردك

:12:

السؤال :

تتوقعون لو نرفع تظلم تعيد الجامعة لنا الاختبار ؟؟

ابو حلا لو يعيد الاختبار تتوقع بننجح حنا مو من مواليد الصين عشان نجاوب نبغاه يعطي كل طالب 20 درجه والبنات 10 درجات والباقي علينا :37:

M1H1

2013- 5- 7, 08:11 PM

ماأقول إلى حسبي الله ونعم الوكيل
هذي اسئله
يعني علشانه ماشي يبي يخربها معنا حسبي الله ونعم الوكيل
ياجماعة في ايقونه في الخدمات الطلابيه اسمها تلقي ملاحظات الطلبه حول الاختبار بس ماهي مفعله اول ماتفتح خلونا نرفع الشكاوي فيها
يعني اقول لو اني ماني مذاكر اقول استاهل بس صارلي سبوعين وانا اذاكرها واخر شئ كذا

M.e.M

2013- 5- 7, 08:12 PM

مآفي آمل يآ آبو حلآ

آنسى آلموضوع :44:

آلله لآيسآمحهـ ولآ يذوقهـ حلو آلنووم شهر كآمل مثل مآ تعبنآ وسهرنآ وجننآ ووهقنآ بآلآخير

آحس بقهر مو طبيعي ودي آشووفهـ قدآمي لو دقيقهـ عشآن آطلع شوي من آلحرهـ آللي بدآخلي

وداع الروح

2013- 5- 7, 08:13 PM

الاختبار صعب مرررررره
ويحتاج ساعات ٣ ونص

ولله عقدها واعتقد انها محاوله لانزال المعدلات قبل التخرج

طفله مطفوقه

2013- 5- 7, 08:15 PM

خلاص استودعو ها الله هل ماده
الي بعده :24::10:

M1H1

2013- 5- 7, 08:17 PM

انا اتفق معك ياوداع الروح
بس عليكم بدعاء عليه

M1H1

2013- 5- 7, 08:22 PM

اللة لايسامحك يانجار لاشرح مثل إالعالم ولا محتوى مثل الدكاترة
الاسئلة لازم توضع متناسب مع الوقت كل الاسئلة اعرفها بديت احل حتى وصلت السؤال 17 الوقت مامدي بعد السؤال 17 صار الاختيارات عشوائية طيب فقرة وحدة علشان تحلها تحتاج نص ساعة شلون خمسين سؤال

كلام صحيح
انا وصلت السؤال 20 والمراقب قال باقي 10 دقايق وش بحل ب10 دقايق وكلها جداول وقوانين
حسبي الله عليك ياالنجار

نوف بنت سعد

2013- 5- 7, 08:22 PM

حسبي الله ونعم الوكيل طيب الحين ليه ماجاب لنا تعاريف يعني صفحه تعاريف وصفحه اسئله سهله

وصفحه اسئله الواجب وشوي من اسئله المراجعه ليه كذا حاسنا حرام عليه والله والله اني حفظت كل شي زي اسمي وبنهايه كذا :32::32::32:

м!ss ριŋк ™

2013- 5- 7, 08:28 PM

الأختبار جداً جداً جداً صعب يعني الواحد ما يتوقع يجي بباله هالأسئلة أبداً وركز ع الكاي إللي حذفتها وربي مره صعب .,, الحين ليه الواحد ما يسهل ع المسلمين يسهل الله عليه , لا يقعد يأخذنا بقدراته إحنا باقي طلاب وفرضاً لو فينا أحد ممتاز بس مو لهدرجه صراحه ..

الوقت ضيق والحل ..... يأخذ كل الوقت ..!! والله مقهووووره ..
ياليت أحد صوّر لنا الأسئلة ..

الماده واختبرناها وراحت خلنّا نتساعد ع المواد الأخرى ..

أتمنى إننا نعترض ع الماده بالأساس وأسئلتها , وإذا ما فيه أمل ع الأقل تعويض درجات مع الإختيار العشوائي ياكود ترتفع ونجيب 60 ..:36:

يا أخواني واخواتي لا تدعون الدعوه ترجع لنا , انا مثلكم وربي فيني دعوات عليه بس لمّا أتذكر نقول الله يعوضنا إن شاء الله ( خلونا نتفائل ) ..
وقولوا حسبي الله ونعم الوكيل ..

أم زيد

2013- 5- 7, 08:30 PM

حراااااااااااام والله حرام اللي قاعد يصير ....أنا ذاكرت مذاكره حلوه وفي الاخير تعبي في مهب الريح ....ليه يادكتور عبد الله ارحموا من في الارض يرحمكم من في السماء ....يمكن اللي تخصصهم رياضيات أسئلتهم أسهل من أسئلتنا ...وش ذنبنا قاعدين طول الترم نذاكر الماده أول بأول وحريصين عليها ....أنا كنت أفكر بجيب 80على مذاكرتي لكن الله يعوضنا خير ...تعبنا والماده بنحملها حراااااااااااام ...وبعدين أسئله المراجعه ليه تنزلونها تخدعون الطلاب ....أعيد وأقول (إرحموا من في الارض يرحمكم من في السماء )

مسحوووووور

2013- 5- 7, 08:33 PM

الله لا يوفق من حط هالاسئلة

Angel human

2013- 5- 7, 08:34 PM

بدآيةة خير آن شآء الله :31: < :5:

آلله يعوض عليكم ’

آنسو آلمآده وفكرو في بكره لاتحطم مجآديفكم من البدآيه :16::16:

good luck :2:

شعيفان

2013- 5- 7, 08:39 PM

حسبي الله ونعم الوكيل فيك يالنجار كل هذا انتقام علشان شلوك من العمادة

عادل العوفي

2013- 5- 7, 08:42 PM

من صور الاسئلة اويتذكر شي من الاسئلة اتنمى يكتبه تكفون نبي نشوف حلنا ٠ حسبي الله ونعم الوكيل

شعيفان

2013- 5- 7, 08:43 PM

بالحسبه البسيطة كل مسألة يبغى لها عشر دقايق في عشر مسئال راحت ميه دقيقة وعشرين دقيقة تعبي البيانات يعني اذن قم صل ... الله لايوفقك الله يوفقك

الماس بين الناس

2013- 5- 7, 08:44 PM

اللي يسمح به الخاطر

اني امس ماخليت مدرس مصري بالرياض الا ومريت عليه ويشرح لي نصف ساعة ويضرب مخه ويكرشني ومادتي .

وأبيت النية من البارح اني ماني برايح أصلاً

وتمسكني حمى وحرارة والحمدلله على كل حال وجعل (السك لييف) يسلللللللللللللللللم

مبتسمة

2013- 5- 7, 08:45 PM

يا طلاب وطالبات لا تدعون عليه لان ما ندريالاساس من حط يمكن هم مجموعة اللي حطو محد يدري وانتبهو الدعوة تقدري ترد فقوالوا اللي حط الاسئلة لا تخصصونة هو لان ما ندري وانسوا وان شاءالله ننجح :42: تفائلوا استغفروا وابدوا اللي بعدة :24: تصدقون كانت فيه اسالة مقالية للاقسام الثانية بغيت انجلط بس حمدالله ارتحت والله يعديهم ان شاءالله

شعيفان

2013- 5- 7, 08:56 PM

احنا بعد حاستنا اسئلة الاحصاء التحليلي الي نزلوها الشباب وضغطتنا نفسيا ولا شفنا منها ولا سؤال

حلمي آتنفسكـ

2013- 5- 7, 09:38 PM

مَ آحب آدعي لكن هو حسسسبي الله عليه

يآرب تعديهآ على خير بس

الكاظمية

2013- 5- 7, 09:39 PM

حسبي الله عليه

ابو نواف55

2013- 5- 7, 09:42 PM

من يوم دخلت الجامعة اول مره يستغرق الوقت ساعتين كامله وهي من 70 سؤال اليوم ساعين كامله ومن 50 سؤال وفي الاخير الله يعين بس حسبنا الله ونعم الوكيل

متعب العتيبي

2013- 5- 7, 09:42 PM

الله يعديها على خير
بس تدرون اهم شي عندي اني ما ذاكرة حسيت ان المادة تجيب المرض

متعب العتيبي

2013- 5- 7, 09:45 PM

ما ذاكرت ولا اخذت من الوقت الا تعبئة ورقة الاجابة

الله يوفقنا ونعديها بالحظ هههههههههه

عادل العوفي

2013- 5- 7, 09:47 PM

نبي الاسئلة من صورها او يتذكر شي منها

as81

2013- 5- 7, 09:49 PM

ًحسبي الله غير بالاسئله ماحليت زين ليه بس يالنجار ليه الترم الي راح مدحناك ودعينالك 😭😭😭😭😭😭😭😭😭😭👎 للاسف اول ماده راح احملها

as81

2013- 5- 7, 09:52 PM

:9��

as81

2013- 5- 7, 09:54 PM

:9😭😭😭😭😭😭😭😭😭😭😭😭😰

طالبة اجتماع

2013- 5- 7, 09:59 PM

الله لايوفقه النجار لادنيا ولااخره

20 سوال متاكده منها والباقي شي مامر علي ابدا

له في كل نموذج دعوه

nawaf.alamir

2013- 5- 7, 10:01 PM

مابقيت دعوه الا قلتها .. يااااااااااااااااااااااااااااااااااااااااااااااااا اارب

.:نونا:.

2013- 5- 7, 10:11 PM

15 سؤال اقول انها صح :38: الله يسهل ال10 الباقيه

ما ابي اطمح بالكثير ابي الحفه

حسبي الله ونعم الوكيل

Fretty Girl

2013- 5- 7, 10:12 PM

مرحبا جميعاً
الأسئلة كانت صعبة لدرجة غير معقولة وتحتاج من الوقت أكثر من 6 ساعات لحلها فيما لو كان الشخص قادر على حلها
ما جاب من النظري إلا الشيء القليل بالرغم من أن أغلب المنهج نظري وكأننا نختبر بالحساب والرياضيات والإحصاء
لم يُراعى أننا طلاب انتساب وأن البعض منا تخصصهم أدبي
خلونا جميعاً نشتكي بأيقونة "تلقي ملاحظات الطلبة حول الاختبار" لعلّ وعسى أن يُوجد حل لهذه المهزلة
لا حول ولا قوة إلا بالله وحسبنا الله ونعم الوكيل

فيصل الصقري

2013- 5- 7, 10:18 PM

حسبي الله علي من حطم عزومنا والمصيبة ماجاب من المراجعة إللي بالموقع ولا حتي من الواجبات ونبي نوصل صوتنا لصاحب القرار يزيل هالمشكلة يا يعوضونا بدرجات او يشيلها من المعدل ويعيدونها من جديد والله حسيبه ماقدر اعمالنا ومدة إنقطاعنا من الدراسة اخ يس علي التعب إللي صار في هالمادة:39::39::39:

مبتسمة

2013- 5- 7, 10:20 PM

حمدالله مطرنا بفضل اللهم وفقنا ونعد:)ي كلنا المادة استغفرووا من بالحفر عندة ملزمة تخطيط

الكاظمية

2013- 5- 7, 10:34 PM

الله لايوفقه النجار لادنيا ولااخره

20 سوال متاكده منها والباقي شي مامر علي ابدا

له في كل نموذج دعوه

اذا 20 زين
باقي لك سؤالين على النجاح
ومن العشوائية يطلع منهم صح

احسن من الي ضامن 8 اسئلة بس

الكاظمية

2013- 5- 7, 10:50 PM

سعود القحطآني

2013- 5- 7, 11:04 PM

أنا وش أسوي يَ اهل العرف ب النجآر
عسى الله يجازي كل واحد على افعــــــاله

مسسسآءً الخيرً يً جمآإعةة الربع ..~

أنآ اشهد أني مآحليت شي ..
كنت ندمآإن اني مآذآكرت بس يوم شفت ردة فعل اللي مذآكرين هآنت علي ..
أن شاء الله ماتكون أول مآدة آحملهآإ ..

الله يفرجها من عنده ولا النجآر فعل فعلته ولآإعآد ينفع الكلآإم ..$

حسبنآإ الله ونعم الوكيل .."

ابراهيم الخالدي

2013- 5- 7, 11:05 PM

حسبي الله عليك يادكتور هو تحدي وليس أختبار
لاكن فوضنا أمرنا إلى الله وبأذن الله نعديها مع أنو مافيه أجابة متأكد منها كلها تأليف
ربي حسيب من ظلمنا

do0odi

2013- 5- 7, 11:12 PM

حسبي الله ونعم الوكيييل

أسنات

2013- 5- 7, 11:29 PM

سؤالي / الاسئلة خرجت عن المحتوى او كانت كلها من المحتوى؟؟

**الباحثة**

2013- 5- 7, 11:35 PM

ياأخوان ويا أخوات رجاء خاص الله يوفقكم ويغفر لكم ولوالديكم وينجحكم بالماده هذي وجميع المواد

انكم ما تدعون على الدكتور اقل شيء له عيال واهل يرجونه ولعل عنده عذر في وضع هذي الاسئله

اكيد ما ترضون احد يدعي عليكم حتى لو مظلومين او ظالمين

ملاك1401

2013- 5- 7, 11:37 PM

هل جاب اسئله من المراجعه المحطوطه بالخدمات الطﻻبيه ام ﻻ

مبتسمة

2013- 5- 7, 11:43 PM

جاب بس المدى والعنف لااسري 71
ونظري جاب من اسئلة العام تقريبا بس اخطيت فيهم وعلى الله يارب ننجح لو عالحف خايفة

حلمي آتنفسكـ

2013- 5- 7, 11:48 PM

اتححححححدآ اذا هو كآتبهآ !

مانجو بالحليب

2013- 5- 7, 11:50 PM

حمدالله مطرنا بفضل اللهم وفقنا ونعد:)ي كلنا المادة استغفرووا من بالحفر عندة ملزمة تخطيط

شكلك معي بالقاعه اليوم :(

مانجو بالحليب

2013- 5- 7, 11:55 PM

سؤالي / الاسئلة خرجت عن المحتوى او كانت كلها من المحتوى؟؟

سؤالين تقريبا من المحتوى .. الباقي خااارج المحتوى

مبتسمة

2013- 5- 7, 11:57 PM

هههههههههههه لالا كنت بس مو معك

العمر لحظات

2013- 5- 8, 12:03 AM

فية سؤال التمثيل البياني هذا مو معانا في المحتوى من الاحصاء حق مستوى ثالث وعلية مجموعة اسئلة

نور الدنياا

2013- 5- 8, 12:05 AM

الماده تقولو انها صعبه
كمان جابلكم امتحان صعب
الله يعيييينكم
عاد افكر اخذها الترم الجاي
شكلي ببطل

تركي العزيزي

2013- 5- 8, 12:06 AM

يالربع السالفه ... بس هالمكافاه << يبغون يطفشونكم فيها >> لاعادالله من مكافاه

.:نونا:.

2013- 5- 8, 12:10 AM

انا اقول الله يعين اللي خريج هالترم يارب تسلك معاهم هالماده

ولا تاخر تخرجهم

:44: انا الترم الجاي تخرج يارب اعديها ما ابيها تجلس بحلقي

شموع ورديه

2013- 5- 8, 12:11 AM

رنو

2013- 5- 8, 12:14 AM

يلا يابعدي انتي وياه

ذاكروا المادة اللي بعدها (ماابيكم تتوترون زياده وقفلت الموضوع )

خايفه عليكم من القيلون ( :

سلطان //

2013- 5- 8, 06:52 PM

humaxy

2013- 5- 8, 06:56 PM

بسم الله الرحمن الرحيم

الدخول عل الخدمات الطلابية

تلقى ملاحظات الطلبة حول الأختبار (http://del.kfu.edu.sa/entisab_app/exam_notes/id_ad_entsab.asp?crn=46935)

:29:

رنو

2013- 5- 8, 06:57 PM

تم فتح الموضوع ..

حبايبي طالبتكم بدون سب وادعيه لاننا كذا نخالف قوانين الملتقى وشي اخر لن نستفيد شي مادامنا لم نفكر مع بعض ..

اجتمعنا لنصل للفائده ..

كل الحب والتقدير لقلوبكم النقيه ...

humaxy

2013- 5- 8, 07:00 PM

ابو حلا

2013- 5- 8, 07:16 PM

الصراحه الاسئله سهله بس العيب فينا
حتى القوانين جايبها لنا علشان تساعدنا بالاجابه
بس للاسف اعتمدنا على اسئلة الاختبارات والمراجعه ولا جاب ولا شي منها
الا يمكن سؤالين ... الله يوفق الجميع :14::13:

رجاءً تحدثي عن نفسك ولا تتحدثي بلسان الجميع

يعني انتي كلامك صح والباقي غلط؟؟
انا من الناس اللي سمع 14 محاضرة وانا اكثر واحد متضرر من الاسئلة

ثانياً الاسئلة اللي تتكلمي عنها تعتبر مراجعة للمادة..!

شكر خاص للقائمين على الملتقى لاعادة فتح الموضوع مرة اخرى

judy-abbott

2013- 5- 8, 07:29 PM

ابو حلا انا حابه انقل مشاركتي لموضوعك
أولا"....
الدكتور ما يعرف حديث الرسول صلى الله عليه وسلم الشريف الي يقول (كلكم راع وكلكم مسئول عن رعيته)
والنجار ولا همه لاطلاب ولا رعيه ...من بدايه الترم وهو مستهتر في الماده وفينا لامحاضرات مباشرة حضر ولا رسانا على بر وجاوب على أسألتنا ....أما المنهج فحدث ولا حرج ولا اخفي عليكم غير عن المحتوى الي مطالبين به والمحاضرات ال14 والمحاضرات المباشرة المكررة للسنين الماضيه <<<< لم يقم بعمل محاضرات مباشره لنا لهذا الترم
طلب منا كتابين اخرى مافيه دكتور عنده ضمير ويعامل طلابه كأولاده يسوي شي زي كذا ...
يتعمد تصعيب الأمتحان لطلابه ....
ياخي اعتبرنا اولادك ترضى يصير فيهم كذا
مع ان المفروض انك تتعامل معنا زي ما تتعامل مع اولادك والله ماترضى يصير فيهم كذا وينخسف معدلهم
في ناس تخرجهم السنه هاذي يرضيك انهم مايتخرجون ويجلسون ترم ثاني بسبب استهتارك ...
أنا اخذت الماده لأني كنت متأمله في شرحك وسهوله اسئلتك عشان كذا استعجلت واخذتها هالترم قبل الوقت المحدد لها قلت مافيه احسن من النجار ....شلون يهون عليك رسوبنا في الماده شلون بيرتاح ضميرك وفيه طلاب طول الأختبار يتدعون عليك ....
انا عن نفسي إذا رسبت في الماده فالله لايسامحك دنيا ولا اخرة معدلنا راح ينزل و كله بسبب استهتارك بمسئوليتك ...
انا كان عندي اختبارين إحصاء و إنجليزي كتابه كنت متوقعه النجاح في الإحصاء والانجليزي العكس
بس طلعت من الإحصاء وانا منهاره :1 2:
:1 2:
اما الأنجليزي كان عكس توقعاتي الله يجزاه الجنه الأستاذ ولـيـد فـايـز عـثـمـان ويسهل له كل عسير ويفتح له كل الأبواب في وجهه وين ما راح على كرم اخلاقه معنا واسئلته الي اكثر من رائعه
الله يكتب له بكل سؤال كتبه لنا 1000 حسنه على طيبه وكرم اخلاقه وحسن نياته وتحمله لمسئوليته تجاه طلابه.
ثانيا"....
احب اوجه كلمه للجامعه ياليت إذا فيه احد يقدر يوصلها لهم بأن مايبخل
اتمنى من الجامعه تعيد النظر في الخطه الدراسيه لتخصص علم الاجتماع وتعيد النظر في اهميه ماده الأحصاء الأجتماعي إلي ارجو من الجامعه ان يقومو بحذفها لعدم اهميتها في هذا التخصص و الإكتفا بماده مباديء الأحصا في السنه الأولى فأنا من وجهة نظري وكوني فتاة تخصصها علم اجتماع لا أرى اي حكمه او هدف من دراسه هذه الماده
ما الهدف من اني ادرس معامل ارتباط بيرسون ولا معامل الأرتباط ولا معامل الأنحدار ...
وانا تخصصي ادبي لا افقه شي في العلمي وهذا سبب من الأسباب التي جعلتني اختار هذا التخصص
انا تخصصي علم اجتماع وليس علوم الأحصاء الصعبه ثقيله الطينه
فأرجو من الجامعه حذف هذه الماده التي ليست سوى عقبه في وجهه الطلبه الذين هم على ابواب التخرج
وكأن الجامعه تتعمد رسوبهم
لاتنسوا ان هناك رقيب عليم سيحاسب كل ظالم على ظلمه
وبس

العمر لحظات

2013- 5- 8, 07:45 PM

شموع وردية لو كنتي فاهمة زين ماتكلمتي كذا وش نسوي بالقوانين حاط جدول ناقص ماتوصل للقانون ولا تستفيد منة الا اذا انشأت جدول فية قيمة الاكس تربيع والواي تربيع وقيمة ضرب الاكس في الواي وتجمع بس الجدول يأخذ من وقتك ربع ساعة والله القوانين ماأحتاجها حافظها كلها ولا قدرت استخدمها الجامعة الي تحترم نفسها تحترم الوقت وتحط اسألة بمقدار الوقت المخصص

مانجو بالحليب

2013- 5- 8, 08:09 PM

مراسلة الجامعه والداكترة والاتصالات ماتفيد سبق اعترضنا بنفس الطريقه وكتبتنا مواضيع على احد المواد ولاشفنا نتيجه

a7la sara

2013- 5- 8, 08:22 PM

كله شختك بختك :29:

الأخت نويل

2013- 5- 8, 08:34 PM

خواتي وخواني الله يعوض عليكم خيرا منه ،،،
بسالكم الحين الاسسئله مؤ من المحتوى يعني خارجيه
وهل أعطوكم ورقه مرافقه بالقوانين
:12::12: امتحاني السبت إيش تنصحوني :39: :12:

مانجو بالحليب

2013- 5- 8, 08:35 PM

انقلوا هالمواضيع للقسم العاااام هنا محد يقراها الا حنااا المتضررين

ihsaaas

2013- 5- 8, 08:47 PM

الصراحه الاسئله سهله بس العيب فينا
حتى القوانين جايبها لنا علشان تساعدنا بالاجابه
بس للاسف اعتمدنا على اسئلة الاختبارات والمراجعه ولا جاب ولا شي منها
الا يمكن سؤالين ... الله يوفق الجميع :14::13:

يعني كلنا ماذاكرنا الى انتي
ماشاء الله بس من بين الكل تطلعين انتي وتعيبين

ردود تجيب المغص
مذاكرين حبيبتي ومايحتاج نشرح لك قد ايش تعبنا
ولاتعممين هاة مو ناقصينك احنا :32:

الأخت نويل

2013- 5- 8, 09:02 PM

ممكن أجابه شافيه:9::22:

مسحوووووور

2013- 5- 8, 09:37 PM

اخصائية

2013- 5- 8, 09:55 PM

الله يهديك ياشموع اذا انتي كذا غيرك جاب مدرسين خصوصيين وعذب نفسه من أول الترم لاتعممين!!!!
الأسئلة مو بذاك السهولة اللي تخلينا نشوف القانون ونطبق في خمس دقايق!!! اعتقد شفتي صيغة الأسئلة حتى النظري مافكر يساعدنافيه ويجيب اسئلة منه الله يسامحه مقهووووورة وش مصلحته يحرق قلوبنا بعد الجهد اللي بذلناه حسبي الله ونعم الوكيل لأول مرة ماقدر اذاكر المادة اللي بعده خلاها فاتحة..... :18:الله يجعلها خير بقدرته وعظمته سبحانه:12:

الأخت نويل

2013- 5- 8, 11:11 PM

:24:

منتسب متوهق

2013- 5- 8, 11:27 PM

اختباااااااااااااااااار تعجيزي بمعنى الكلمه
والله والله والله خرجت تقريبا قبل نصف الوقت لاني اعتمدت علي الحظظظظظظظظ فقط

حسبنا الله ونعم الوكيل

يالربع روحوا للخدمات الطلابيه واكتبوا هناك
نبي درجه النحاج فققققققققققققققققققققققققققققققط

totoيارب اتوفق

2013- 5- 9, 12:55 AM

الله يعوضكم خيير يارب وياليتني ماتلقفت وحذفت مبادى الاحصاء السمستر اللي فات ع كثر مامدحووها اللي اخذوهاا
وياويييلي والله يسستر هالترم عسى الله يييسر ولا يعسرر ويسهلها علينا السبت :42:

ضامي الغيث

2013- 5- 9, 12:56 AM

الصراحه الاسئله سهله بس العيب فينا
حتى القوانين جايبها لنا علشان تساعدنا بالاجابه
بس للاسف اعتمدنا على اسئلة الاختبارات والمراجعه ولا جاب ولا شي منها
الا يمكن سؤالين ... الله يوفق الجميع :14::13:

شموخ عيدي يخرب بيت شيطانك ... عيدي .... :5::5::5:

وين سهله حسبي الله ونعم الوكيل بس ..

هي وحده من الثنتين يا أنك تقولين سهله وهي فعلاً سهله عندك الله يوفقنا وياك
أو أنك بس داخله تتريقين على خلك الله ..

متعب العتيبي

2013- 5- 9, 01:05 AM

:8:احس اني ارتحت من بعد ما قريت انطباع الاخوان لاني كنت شايل هم المادة وتقديمي
فيها بس الحين انا :21:

المراكب

2013- 5- 9, 01:37 AM

المشكله ماحولكم احد انسوها خلاص فكرو في الجاي

الأخت نويل

2013- 5- 9, 02:26 AM

:9::12::44:

القلب الصافي s

2013- 5- 9, 02:41 AM

اخواني اخواتي قسم بالله انها مصيبه كبيره انا ماحليت شيئ كلها تخمين الاختبار ارعبني بالمره لا وزياده فكر ان القوانين والجداول اللي حاطها تفيدنا الاخوفتنا بزياده المفروض مانسكت ارجوكم خلونا يد وحده نطالب بدرجة النجاح في الماده

خيال الامس

2013- 5- 9, 03:04 AM

افا ياشين علمكم
زين عرفنا ان الماده صعبه عشان ناخذها بدري وماتخرب المعدل في السنه الاخيره :24:

أنفاسي انين

2013- 5- 9, 03:45 AM

طيب احد يحاول ينزل لنا الاسئله يمكن يجيب منها في اختبار الاحصاء السبت ؛(

الوقت الضائع

2013- 5- 9, 04:07 AM

حسبي الله ونعم الوكيل

يزيد الدوسري

2013- 5- 9, 04:50 AM

طيب احد يحاول ينزل لنا الاسئله يمكن يجيب منها في اختبار الاحصاء السبت ؛(

نزلت في هذا الموضوع للاخ عليط

http://www.ckfu.org/vb/t455631.html

مرووومه

2013- 5- 9, 05:25 AM

نسخت رابط هذا الموضوع وأرسلته للدكتور الفريدان في حسابه على تويتر، لكن شكل ماحولك احدبس لاتسكتون ولاتوقفون نهائيا خلونا نطالب بكل الوسائل ،ارسلو ايميلات وارسلو بكل الطرق اللي تقدرون عليها،
اللي نريده إعطاء كل الطلبه درجة النجاح،،

do0odi

2013- 5- 9, 06:38 AM

:12::12::12::18:

مسحوووووور

2013- 5- 9, 12:00 PM

المراكب

2013- 5- 9, 12:46 PM

حسبي الله ونعم الوكيل فيك يالنجار

احمد الشمراني

2013- 5- 9, 06:46 PM

http://im34.gulfup.com/W2fs9.jpg

مسحوووووور

2013- 5- 9, 08:39 PM

يا اخوان بكرة جمعة فيها ساعة استجابة

ادعو على من ظلمكم

ارجو من الاخوان والاخوات الي يتواصلين مع النجار او ادارة الجامعة سواء هاتفياً او شخصياً يحاولون توثيق المكالمة بالتسجيل او المقابلة بالفيديو والتصوير .