ماحدث في اختبار الأحصاء من النجار (تحذير)

[رشيد البغيق]

بسم الله الرحمن الرحيم







في المستوى السابع شفت عنوان عن اختبار الأحصاء

والدكتور النجار

لقيت اغلب الطلاب يدعون عليه

لأنه ماجاب ولا فقرة من الواجبات

ولافقرة من اسئلة المراجعه

وسؤال واحد من اسئلة الأعوام السابقة

غرضي من الموضوع هو الأنتباه لمثل هؤلاء الدكاتره

ومن يستطيع الحفظ اكثر فليفعل

طبعاً انا وضعته لأن مثل حالتي تركيزواجبات واسئلة العوام السابقة فقط

بالتوفيق ياشباب ويابنات

[ضحى]

لاحول

عاد التحليل الاحصائي انا مو فاهمة منه ولا شي

وقلت باعتمد ع اسئلة الاعوام السابقة

:(

:

[أسنات]

وين هذا الموضوع؟؟!

[ميمي:$]

اءءءءءءءء بصييييييييح وش ذا كل شي صعب صعب ..

[noofi]

ايوا كملت:9:

[ريما عن بعد]

ترى كل هذا عشان المكأفاه الله لا يردها بس لا يكرهونا الجامعه
انا مااقول يعطونا الاسئلهى بس يسهلون علينا

[رشيد البغيق]

http://www.ckfu.org/vb/t455459.html

هنا

[TALIN]

تبغون الحق ذنب الملاقيف ( الحساد ) عيدوا الاختبار الاحصاء بالاداره عشانه جا نسخ لصق وليش هم من اول الترم يذاكرون واحنا بس ذاكرنا اسئلته الترم الي فات وجاوبنا

[ebrahim]

عزيزي اليوم مافي اختبار احصاء

المستوى السابع عندهم الادارة الاستراتيجيه

[لولوجده]

حسبي الله ونعم الوكيل

[ابولجين 1]

السلام عليكم ورحمة الله وبركاته

اعتقد هذا كان متوقع وطبيعي ان تكون الاسئلة مختلفه عن الاعوام السابقة والسبب يعود لشكوى بعض الطلاب للدكتور النجار وذلك بسبب تكرار اسئلة العام الماضي لمادة الاحصاء حيث كانت الشكوى عليه من الطلاب الذين ذاكرو المادة واعترضوا بالظلم لهم بمن لم يذاكر وسيكون هذا هو ديدن جميع الاختبارات لجميع المواد والله اعلم فالمشكلة اصحابها زملائنا للأسف

[جي سوفت]

حسبي الله و نعم الوكيل فلي كان السبب
يعني فوق ما هو صعب بيصعبونه زيادة انا و الله ما فتحت و لا كتاب و كل اعتمادي على الواجبات و اسئلة الترم الماضي بسبب الضغوط و ما عندي وقت اذاكر ...
يعني ليه الملعنة بالترم الثالث اسئلة الاحصاء كانت نسخ لصق من اسئلة العام
ليه يعني هالفصل بيطلعون باشكال الوان فينا
كل هذا علشان هالالف ريال ياخي ما نبيها بس سهلو علينا الله يسهل عليكم

[AL RABIE]

السلام عليكم ورحمة الله وبركاته

اعتقد هذا كان متوقع وطبيعي ان تكون الاسئلة مختلفه عن الاعوام السابقة والسبب يعود لشكوى بعض الطلاب للدكتور النجار وذلك بسبب تكرار اسئلة العام الماضي لمادة الاحصاء حيث كانت الشكوى عليه من الطلاب الذين ذاكرو المادة واعترضوا بالظلم لهم بمن لم يذاكر وسيكون هذا هو ديدن جميع الاختبارات لجميع المواد والله اعلم فالمشكلة اصحابها زملائنا للأسف
ابو لجين .. صح لسانك .. جبت المفيد .. المهم ياجماعه اعتمدوا على ذاتكم بالمذاكرة .. واوصيكم بالتدريب على كيفية حل وفهم الاسئله وانشا الله الامور بتزين .. غير النظري بيساعدنا كثير بتحصيل الدرجات ..

[رشيد البغيق]

الأسئلة واكيد انها وضعت

لكن تستغرب من بعض الدكاتره

يحاول يلف ويدور بالسؤال بطريقة حتى المنتظم والي يدرس عند نفس الدكتور مايقدر يحلها

فيه بعض الدكاتره يكوم ويخلي الأختيارات متشابهه جداً يصعب عليك تحديد الحل الصحيح

نسأل الله ان يلين قلوبهم علينا

واتكلم عن زملائي اهل حائل

والله امطار الخير ماخلتنا نجلس من شعيب لشعيب

(تذكرت حلقة داوود الشريان يوم قال انتم يأهل حايل وراكم تطامرون من شعيب لشعيب

معطينكم اجازه تقعدون في بيوتكم ابلشتو الدفاع المدني )ههههه

اقول للجميع اجعلو اتكالكم على الله

مايمنع الواحد يحفظ اسئلة الأترام السابقه مع الواجبات

وبعدها يشيك تشييك على المحاظرات

واعتقد الي يحفظ الأسئلة مع فهما اكيد راح يحل الأسئلة الي توصله للنجاح

قبلة حاره لكل عضو همه مساعدة زملائة بدون مقابل

[ابو رياض]

الله المستعان

شكرأ اخي الغالي للتذكير بارك الله فيك وفي جميع الزملاء من الجنسين

ودعواتي لنا جميعاً بالتوفيق والنجاح :16:

[تركي العزيزي]

ي أخي عجبني رد ريما عن بعد ....<< تقصد تعلوم بيعد عنا

ما علينا .. شفت هل الاسئله الصعبة يبغووون نحن " نتمني النجاح .. وليس المكافاه"

[بنت السعوديةksa]

هم نفس منهجنا ولا شلون أبدا مؤ وقتهم فوق ما الماده كأنها من المريخ يصعب الاسئله

[رشيد البغيق]

هم نفس منهجنا ولا شلون أبدا مؤ وقتهم فوق ما الماده كأنها من المريخ يصعب الاسئله

لا لا الفكرة مو انهم نفس منهجنا

لكن القصد لابد للطالب انه مايعتمد 100% على اسئلة الأعوام السابقة

يحفظها ولازم يمر على المنهج

بالتوفيق

[هارت]

مشكووورين ع التنبيه

[مذوبه الورد]

الله يستر هاااذي ظربه استبااقيه لنااا من النجار

وربي خاااااااااايفه وبعدين عل طاري المكافأت هي كذا ولا كذاا بترجع لهم بتسديد الرسوم هم تفكيرهم كذاا
ليش التعقييييد بالاسئله نتوكل عل الله ونشوف وش راح يصير فينااا

[وادي زاعم]

خبر ما في كويس ....مشكل كثييييييييييييير والله .....بس ان شاءالله انت في تفائل فيه كل خير اجي

[حلمي سرآب]

السنه اللي راحت في التحليل الاحصائي جاب نفس اسئلة الترم اللي قبله بالضبط بس ترى تعبنا في المذاكره عشان السنه اللي قبلها كان عندنا احصاء وكان مره صعب نجحت عالحفه نصيحه لاتعتمدون على اسئلة الاختبار وبس ذاكرو مستحيل حتى هالمستوى يكرر الاسئله العلم عند الله

[وردة ناعمة]

انقضئ العمر وقسسسسم

[shahran]

اللهم من ولي من أمر أمتي شيئاً فرفق بهم فارفق به، ومن ولي من أمر أمتي شيئاً فشق عليهم فاشقق عليه

[AL RABIE]

اللهم من ولي من أمر أمتي شيئاً فرفق بهم فارفق به، ومن ولي من أمر أمتي شيئاً فشق عليهم فاشقق عليه

تعرف ايش المشكله اخوي سهران : ان بعض الناس من زملائنا فضحوا بالدكتور الترم اللي راح والوضع انه مايلام صراحة لو غير هذا الترم بالاسئله .. لكن نسأل الله ان الامور تتيسر والكل يعدي ..

[الرايق2008]

للمعلوميه

النجار هذا الترم مع الاحصاء الاجتماعي ما جاء في المحاضرات المباشره ونزلو تسجيل محاضره المباشره حقت الترم اللي فات

هذا يدل انه هو ما وضع الاسأله لانه ما حضر من الاساس


لكن السؤال المهم هل هو فعلا ما حضر معكم في المحاضره المباشره في ماده التحليل الاحصائي

[shahran]

أقول له ولكل دكتور يتعمد إيذائنا وفرد عضلاته علينا

اللهم اكفنيهم بما شئت وكيف شئت انك على كل شئ قدير

[**RAYAN**]

هذي عادات النجار
الترم الي راح لعب فينا في إدارة الأعمال الإلكترونية
و الله ياكان في الإختبار أخطاء في الأسئلة و في الخيارات
الله يعيننا عليه في الإحصاء
و للأسف تراه هو المسؤول عنا في الجامعة

[أبو جنى 666]

بكل بساطة اختبار الترم الماضي جاب نفس الأسئله الماضيه في مادة الأحصاء ..والتحليل الأحصائي ، وكان في ناس زعلانيين واشتكوا قالو حنا نذاكر وغيرنا يحفظ الأسئله ويجيب أفضل منا حسدددددددد الله يكفينا شرهم


بالمنطق رايح يغير الأسئلة الترم الحالي

[نــواف بن راشد]

اللهم أكفنا شر من اراد بنا شر

[صقر مناحي]

الله يهدية بس . عاد لو ان شرحة زين قلنا مايخالف . بس المشكله المنهج طويل والوقت ضيق والشرح الكم عليه . والاخطاء اللي عنده في المحاظرات المسجله شل بالزبيل

الله ىعين بس . توكلو على الله ولا يصيبكم احباط .. وكل شي مكتوب لك ياانسان أد اللي عليك وتوكل على الله

:16: وردتين الكم تشجيعية :16::12:

[وادي زاعم]

شباب ...........خلاص ركزو بالموارد وبعدها الماليه و و , وعند الاحصاء ربنا يفرجها و قفلو عاى ها الموضوع

[نبض الاحساس]

اويلي ويلآهه :7:


مووقتهه هالموضوع قسم ب الله من بدايه الترم وانا شايله هم هالماده

قلت بتتسهل وشكله بيجيب نفس صياغه الاسئله

لكن شكل اختبار الاحصاء مايبشر ب الخير

:12::12::12::12::12::12:

[l a v e n d e r]

:18::23:

[l a v e n d e r]

شكــرا لكـ جزيل الشكر عالتنبيه ..

وربي يكتب الي فيه الخير ..

يغلق بعد اذنكـ ..


:16: