المعلومات الذهبية في مبادئ المحاسبية الجزء الأول ^_^

[GaZoRa]

السلام عليكم ورحمة الله وبركاته ،،،
منقول من الاخت كبد فزيع
الله يوفقهاا ويوفقكم

_________________________________

سلام او شي الي مايفهم كلامي لاياخذه علشان مايجيب العيد ويدعي علي ..

انا اتكلم عن الناس الي بتذاكر

( الي مذاكرين المحاسبه )

انا كتبت رد بموضوع والحمدلله اغلبكم فهم علي

والا انا كنت متخوفه اكتبه ومااحد يفهم عشان مايدعون علي لكن الحمدلله طلعتو اذكياء:17:

فا قلت بسويه موضوع علشان الكل يستفيد
غير كيذا الي يفهم ابي منه دعوه خالصه لرب العالمين بالستر وتفريج الهم بس
________________________________


الحين نبداء

في محاضره 5

* لما تشوف نهايه بالسؤال كلمه قيد اقفال << يكون الجواب بدايته كلمة ملخص دخل ونهايته يكون بداية السؤال

* و أما اذا كان فيه قيد اقفال وبعدها انتهي السوال بجمله
يكون الجواب البدايه الجمله والنهايه بالجواب ملخص دخل

* واذا كان قيد تسويه بالسوال<< يعني مايكون ملخص دخل مستحيل بالجواب...ويكون بدايه الجواب اخر جمله بالسوال

( وبكذا إنت حليت المحاضرة الخامسة )

______________________

في محاضره 6

اذا جاك بالسؤال مضاعف معدل الاستهلاك او رصيد متناقص
يكون الحل / تقسم 2 على سنوات الاصل<< اقصد السياره او ..<<ولاتفكر بباقي الارقام بالسؤال


لكن اذا قالك بالسؤال كلمه معدل الاستهلاك السنوي بس تقسم على 1 بدل 2

واذا ما ذكر لك بالسؤال كلمة معدل تحط القانون الطبيعي الي هو تطرح القيمه الاصليه حقت الاصل الثابت من قيمه الخرده وتقسمها على عدد السنين ويطلع الجواب

( وبكذا خلصت ثلاث ارباع محاضره 6 )

___________________________________

في محاضره 7

* اذا لقيت بالسؤال كلمه قيد اقفال يعني بداية الجواب مخلص دخل ونهاية الجواب الجمله الموجود ب نهاية السؤال .

* واذا لقيت كلمه قيد تسويه يكون بداية الجواب نهاية السؤال وما يكون بالجواب كلمة ملخص دخل<< مو قلت لك مستحيل

( وبكذا ذاكرت نص محاضره 7 )
مايبقا لك غير قانون تحفظه وتطبقه على المسائل الحسابيه والحفظ في المحاضره بس

_________________________________

محاضره 8

لانه يتكلم عن المخزون يعني الجواب بيجي فيه ملخص دخل
فا بيكون كلمه قيد التسويه بالسؤال بدايه الجواب نهاية السؤال ونهايه الجواب يكون ملخص دخل .

*** ليه ملخص دخل يجي مع قيد التسويه وانا قلت ماتجي ...اعلمكم ليش؟؟

لانه ذكر بالسوال مخزون واذا ذكر مخزون بس هذي الحاله الوحيده الي تجي قيد تسويه مع مخلص دخل

( وبكذا ذاكرت نص محاضره 8
والباقي قانون تطبقه وحفظ بس )

_________________________________

بمحاضره 9

اذا قال بالسؤال قيد تسويه .....وكلمة ( اسباب زياده) هنا يكون مستحيل الجواب كلمه ملخص دخل < غلط .....على طول..الجواب يكون نهايته هذي الجمله(العجز والزياده.....) ومايكون بالجواب ملخص دخل < **ركزو

شوفو مثال 2 في اختبر نفسك وبتعرفون وش اقصد

قالك بالسؤال <<<كلمة<< قيد اقفال ....واسباب زياده
وانت مغمض يكون (عجز او زياد....) والنهايه ملخص دخل
مثال 3في اختبر نفسك

* لكن اذا قالك
بالسؤال قيد تسويه....(واثبات عجز)
مستحيل مثل ماقلت , يكون ملخص دخل غلط غلط غلط
هنا يكون اول الجواب العجز والزياده بالصندوق واخره يكون كلمه الصندوق

** طبعا إحفظوا انه البنك دائما في الاصول المتداوله

واذا قال بالسؤال كلمة تسديد في المسائل <<هنا طرح<<مثل مثال 10 في اختبر نفسك
واذا قال بالسوال تحصيل <<هنا جمع<<مثل مثال 11 في اختبر نفسك

( وبكذا خلصتو ثلاث ارباع التاسعه وفيه قانون إحفظوه
واشياء ثانيه حفظ )
____________________________________

انتو هنا اذا خلصتو هالمحاضرات تاكدوا الباقي كله بكون مثل المويه عليكم
وراح أنزل لكم الجزء الثاني غداً

واسال الله لي ولكم النجاح:15::2:

تحياتي لكم ..~ :16:

[روابي888]

الله يعطيك ألف عافيه:17::17:

[الخشعان]

الله يسعدك ويوفقك

[F-fatimah]

اذكر شفته وانا لسه مخلصه نص المنهج ولحس مخي مافهمت

لكن الحين غير ماقصرت يعطيك العافيه



الحين في شئ من بد الشرح كله شدني مادري ليه


والا انا كنت متخوفه اكتبه ومااحد يفهم عشان مايدعون علي لكن الحمدلله طلعتو اذكياء


كلمه ( متخوفه ) رجعت فووق اراجع بطاقه الاحوال تبعك ذكر ولا انثى <<نااس فاضيه مالقت شئ تشغل نفسها فيه



تسلم يمينك


....

[Veronica]

ما تقصصصر يعطيك العافيه :16:

[بنت مطير *]

يعطيك العافيه والله يوفقك <<فطوم الرجال يقولتس الموضوع منقول :20:

[Bnt al faisal]

:20: يعطـــيك العافيه الف شكــر صراحــه , لمااسمع المحاضرات يجيني اكتئــاب ولما اشوف الملخصات استنتج ان الماده سهله بس الشرح يظلم اللع يجزاك بالخــــير وبالتوفيق ,,:29:

[تهاني 2013]

يسلمووووووووووووو

[ترف آلسعد]

جزاك الله خير اخووي ع النقل ~
و بـ أنتظاار الجزء الثاني :10:
-

فطوووم والله فضاوتس نفس فضاوتي :42::17:

[omjehaad]

اذكر شفته وانا لسه مخلصه نص المنهج ولحس مخي مافهمت

لكن الحين غير ماقصرت يعطيك العافيه



الحين في شئ من بد الشرح كله شدني مادري ليه





كلمه ( متخوفه ) رجعت فووق اراجع بطاقه الاحوال تبعك ذكر ولا انثى <<نااس فاضيه مالقت شئ تشغل نفسها فيه



تسلم يمينك


....


ههههه الفاضي يعمل قاضي :42:

بعدين الأخ ذكر إنه منقول فين التركيز فطوم ورانا محاسبة يوم السبت والتركيز مطلوب :27:
الله يوفقكم جميعا ويجزاك خير أخوي على النقل وإن شاء الله ناس تستفيد منه :16:

[F-fatimah]

فين التركيز


بح تركيز شكلي كذا اباخذ لي اجازه قصيره كم ساعه وبعدها اكمل


عارفه انو منقول لكن استغربت !!!


.....

[البندري m]

ياررررررررررررررب توفقني وتوفق الجميع :16::16::16:

[GaZoRa]

الله يعطيك ألف عافيه:17::17:

الله يعافيتس إختي .. ^_^

كل التوفيق .. :2:

[GaZoRa]

الله يوفقكم يا إخوان .. ويجعل الشهادة من نصيبكم :1:

دمتم بحفظ الله ..~ :2:

[احساس ذابل]

يعطيك العافيه

[GaZoRa]

الله يعافيتس إختي .. ^_^

كل التوفيق .. :16:

[zahra..]

يعطيك الف عافيه انت ومن ساهم على هذا التبسيط وربي فرجتوا علي هم كنت متخوفه من وين ابدا
الله يوفقكم ويسعدكم دنيا واخره :11:
يخليلي اياكم ربي يا احلى دفعه :43::1:

[شموع العسيري]

والله العظيم ابدعت:34:

[زمآن الصمت]

الله يعطيك العافيه


التبسيط هذا من مخلص وشرح الاخت ( آسسوم ) .؟؟

[البحار الصغير]

السلام عيكم ورحمة الله وبركاته

شكراً على طرحك لهذا الشرح المفيد لكن بالامثلة تكون الصورة

أوضح بكثير للجميع وفاكم a+ قولوا بس آمين

وأيضاً اتقدم بالشكر الجزيل إلى كل من ساهم

في تبسيط الشرح في النماذج المرفقة لكم

مع تحياتي لكم جميعاً .. البحار الصغير

[GaZoRa]

الله يعافيكم جميع ..

صحيح الشرح منقول وعجبني وحبيت إنكم تستفيدون بما إنكم أخواني وعزيزين علي .. ^_^

وأشكر الأخ الفاضل البحار الصغير في إرفاق الملفات لتسهيل الشرح .. بارك الله فيك .. :2:

لا خلا ولا عدم .. وفالكم الفل مارك بإذن الله .. ^_^:1: