بشرى للي مافتحت معهم المحاضره المباشره الدكتور بينزل المسائل بكره

[كاتمة الضيم]

زين ماشفتو كتب قبل شوي بتويتر انه بينزل المسائل مساء يوم الجمعه لاهميتها

واحد عنده حساب يشد حيله بكره وينزلها لنا بليززز

[مـاعندي سـالفة]

من هو اللي بينزل االمسائل الدختور حقنا

تكفون نبي احد يتوصى

انا ابي بس انجح

[orginal]

ايه الدكتور بينزلها بكرا ان شاء الله

[كاتمة الضيم]

اي الدكتور نفسه الله يسعده الحين احس براحه نفسيه من اسئلته وماحرص ع انه ينزلها

الا لاهميتها كما ذكر ،،

[أجمل انسانة]

دكتووور اى ماده؟ ؟

[وادي زاعم]

دكتووور اى ماده؟ ؟


صباح الخييييييييييييييييييييييييييييييييييييييييييييير

[كاتمة الضيم]

الاساليب الكميه عيني

[الخمري]

:21::21::21::21::21::21:

[امونه 22]

اوكي حلو الدكتور بيسوي فينا معروف وينزل المسائل
معناته لا اشوف همج يروحون يشتكون ليش ينزلها
ولا يروحون ويسألونه بتجي بالاختبار ولا لا
ذاكروا وانتوا سسسسسساكتين
كلامكم احتفظوا فيه لأنفسكم
مشكوره اخت كاتمة على هالخبر
:16: < تفضلي

[نــواف بن راشد]

اختي

مو معناه انه راح يجيب المسائل كلها جمله وتفصيلا

قد يغير بالارقام

المهم الفهم وليس الحفظ

وضع وصياغه المسائل هذه السنه يختلف عن كل سنه:31:


والله يستر والله يوفقك الجميع

[abdullah232]

ابشرو ولايهمكم

انا بتابعه واول ماينزلها الدكتور بجيبها لكم هنا

[كاتمة الضيم]

والله تسوي خير فينا

[ثلوجه الخجوله]

يعطيكم العافيهـ يارب
ماتقصرونـ
إن شاااءالله نعديها بكل سهوله

[ra75ly]

بأعطيكم نصيحة لوجه الله اذا كان هو الدكتور ملفي فأحذركم منه نفس الحركة الترم الي راح سواها فينا ونزل اسئله على التويتر قبل الاختبار واكثرالشباب رسبو وانا نجحت على الحفة يعني ثلاث درجات على الرسوب لا تتفائلون تجي في الاختبار ممكن سؤالين او ثلاث والباقي تلميح بس لا تركزون عليها واجد هذا من تجربة مريت فيها واسألو حقين الترم الي راح هو يحب اللف والدوران على الاسئلة

[أم شهد العسل]

الله يستر:39:

[تلاوين الروح]

بنتاظركم

تسلمين

[shatha m]

اختي

مو معناه انه راح يجيب المسائل كلها جمله وتفصيلا

قد يغير بالارقام

المهم الفهم وليس الحفظ

وضع وصياغه المسائل هذه السنه يختلف عن كل سنه:31:


والله يستر والله يوفقك الجميع

شاكره لك اخوي على الرد الواضحححح علشان بس الملاقيف يفهمون وما ينقزون

[pop400]

بسم الله

كيفكم يا طيبين ......... لا أعتقد أنه سينزل المسائل بعينها فعلاً ولكن لا أريد أن نتعلق كذلك بتصور يبقى في علم الغيب ونسبة المصداقية مساوية لنسبة عدمها.. هل قال سوف أعطيكم الأسئلة طبعا لا ...... ونصيحتي لكم لا تتكلون عليه أتكلوا على الله ثم محصلتكم الله يوفقني وأياكم.

عن أبي العباس عبدالله بن عباس رضي الله عنهما قال كنت خلف النبي يوما فقال لي يا غلام إني أعلمك كلمات :-
1.احفظ الله يحفظك
2.احفظ الله تجده تُجَاهك
3.إذا سألت فاسأل الله
4.وإذا استعنت فاستعن بالله
5.واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك
6.وإن اجتمعوا على أن يضروك بشيء لم يضروك إلا بشيء قد كتبه الله عليك
7.رفعت الأقلام وجفت الصحف
رواه الترمذي وقال حديث حسن صحيح.

المطلوب أننا ندرس ونجتهد ونحمد الله على كل حال. وووووووووووووووووو سامحونا.:16:

[ALhanin]

اذا دكتور ملفي الرشيدي ترم الي فات نكبنا بتغريداته....

[العمر رحلة]

الاسئلة نزلت ولا باقي

[ننو الدوسري]

لسه م نزلت ننتظرة :31:

[مساهر]

ينزلها على التويتر ؟؟

[mpsooot]

لا حوووووول فكونا من الدلاخة شوى

من الدكتور الى بينزل المسالة ؟؟؟؟
قلنا اسمة تبع اى مادة ؟؟؟؟؟
بالله هذى اسالة
احفظ وانت ساكت وريح الناس
ومتاكد بيجونك مطفين النور تصيح علية هيه ياولد ماعندة مدرعم :32:

[Tmoo7_12]

:5:


الوقت من ذهب :19:

[ديبو الشمري]

أول شي السلام عليكم ورحمة الله وبركاته
والله يوفق الجميع ويعدي الماده على خير
:3::3::3::3::3::3::3::3::3::3::3::3::3::3:

ثاني شي
الي أعرفه عن الدكتور ملفي الرشيدي من زملاء لي كانو معاه من الترم الماضي
أن أنسان راعي توهيقات
يعني تغريد وكلام فاضي والي يقولك عليه الدكتور ملفي ركز عليه ههههههج :007::007: عنه ولاتجيه :31:
ولا تقرب عليه :sm5::sm5:
وأعتمد على الله ثم فهمك للماده
نصيحييييييه ولكم حق التقيد به ولا تطنيشه

[Adel F]

أنتبهوا من الدكتور ، كانت عندي المادة المستوى الماضي وكان شاد حيله بتويتر ..
لكن في النهاية خبصنا خبصة .. افهموا المنهج بعيد عن الحفظ ..
في النهاية المنهج ماهو طويل ، تقدرون عليه ..

موفقين ..*

[عبير226]

معلش ودي أفهم وش هي المسائل اللي يبغى ينزلها

ماعليش لا تواخذوني

هل هي المسائل اللي في المحاضره المباشره الثالثه ولا لا ؟؟
:42::42:


أحد يجاوبني الله يجزاكم خيير

[pop400]

كل شي بينزله

نسيت أنك معزوم على عرس

يالحبيب عرس وضيافة وآآآآآآآآآآآخر كرم


يالله التوفيق

[كاتمة الضيم]

ياجماعة الخير هو قال في احدى تغريداته يبي ينزل مسائل المحاضره الثالثه المباشره لانها مانزلت

عندنا وبس ،،

لاكن نصيحتي لكم من تطلعاتي اكتشفت ان أغلب الي ينصحونا يبونا نفهم انه يستخدم دس السم

بالعسل فلا يغركم المهم والاهم

افهمو طريقة الحل اذا تغيرت الاسئله ماتتوهقون ،شكلي انا الي بتوهق ع هالتشبيه البليغ

[ننو الدوسري]

احنا ننتظر ينزل المسائل م راح نقول بتجي بالاختبار 100 %

مجرد نراجعها ونقوي معلومات اكثر :14:

يعني مراجعه لا اكثر :33:

[مساهر]

تعوذوا من ابليس

ولا نحكم على شي ما بعد عرفناه


السوال الاهم .. الدكتور بينزل المسائل على تويتر والا على البلاك بورد ؟

[ra75ly]

ارفق لكم موضوع الدكتور ملفي الترم الي راح طبعا نزل الموضوع بعد الامتحان وحل نموذج a


واتمنى لكم التوفيق

http://www.ckfu.org/vb/t408081.html (http://www.ckfu.org/vb/t408081.html)

[كاتمة الضيم]

ع كلامه الي فهمته بتويتر ،،

مدري وش نكك الي نزلت الرابط تحطمت من ارتفاع نسبة صعوبة الاسئلة وفرحت انك نبهت لنا من بدري مشكور الله يحفظك