نداء لطالبات الرياض مركز اختبارات طالبات 2

[اروى ناصر]

يسعد صباحكم

اتنمى لكم اختبار موفق اليوم يارب

اخص بكلامي لطالبات مركز الرياض2

يوم الثلثاء الي راح يعني اول يوم اختبارات ضاعت علي بطاقة الاحوال حقتي :12::12: واظاهر طاحت بالمركز لان مالها اي اثر سالت الاداره والعاملات بس قالو مافيه احد جابلنا شي وهذا يوم الخميس

قلت يمكن وحده منكم لقتها ولا شي :44:

رجاء خاص الي تحصلها ترسلي هنا خاص او تعلن بالمدرسه وانا اجيها طيااااره :42:

او تحطها عند الاداره او الحارس او اي شي :12::12:وتطلب من الاداره يحطون اعلان جنب الاسامي باللوحه الي تتعلق


اللهم رب الضاله رد لي ضالتي :12:


وشكرا :18:

[دنيااليمه]

هلاوغلا

"
"

سمعت وحده تذكر انها حصلت بطاقه ضايعه وتسأل عن صاحبتها ، وقلنا لها تتوجه بها للاداره ، مري عليهم احتمال تكون بطاقتك ، كنت تمنى اكون اعرف البيت شخصيا لكن للاسف هي كانت موجهه كلامها للكل بصوت عالي والله يوفقك:16:

[اروى ناصر]

رحت الخميس للاداره قالو ماجاهم شي

متى هالكلام ؟؟ بالضبط:12:

[دنيااليمه]

يوم الثلاثاء ياقلبي

[nhoo]

اللهم ياجامع الناس ليوم لاريب فيه اجمع صديقتي اروى ببطاقتها اليوم

ياااارب تلاقينها اليوم .. لانها اشغلتك كثيرررر:22:

وراح ابحث انا بالادراج ان شاءالله اليوم:21:

[ريم الميموني .]

اذا تقصدين مدارس الرواد

يوم الخميس المراقبه حصلت بطاقة احوال وسئلت لمين قلنا اتركيها عند الاداره اليوم مري على الاداره وان شاء الله بتحصلينها :16:

[جامعيه قادمه]

ان شاءالله تحصلينها اليوم:42:

[اروى ناصر]

لا والله مو الرواد بالثانيه ٢٠٥ اسمها اظاهر

ابقدم علي بدل ضايع مالي الا كذا بس مايسلمونها الا بعد ١٤ يوم :30:

اخاف يوم يمسكوني الجوازات يحسبوني وحده هاربه:5: لا اثبات ولا يحزنون :5::5:

الف شكر لكم

[*امال*]

الي اعرفه انو لازم قبل تسوين بلاغ في الشرطه انها ضاعت منك
عشان يطلعون لك بدل فاقد

[اروى ناصر]

سالت قالولي اذا مسروقه تبلغين بالشرطه واذا ضايعه مايحتاج اللشرطه بس بالاحوال تقدمين بلاغ عندهم وتقدمين طلب