بنات الدمام الي أنقبلو بالأحساء ضروري

[فطومه الحلوه]

السلام عليكم ورحمه الله وبركاته
أولا : كل عام وانتم بخير
ثانيا:أنا مررره حزينه أنقبلت بالعلوم بالأحساء وأنا بالدمام :Cry111: المهم المشكله ماعرف احد هناك والسكن صعبه مابغى اسكن لان السكن بيكون سوالف وضحك راح يكون زحمه المهم أنا أغى اروح بالقطار بس ماعرف شي عن القطار كيف يجي وين يوقف وهل يوصلنا للكليه ياليت الي تعرف تجاوبني لاني مره محتاره أو الي تعرف باص خاص يوصل للأحساء يوميا ترسلي رقمه على الخاص
والي نفس حالتي تبي تروح بالقطار تراسلني على الخاص
وشوكرااااااا:119:

[احلـى]

شدعوه !!!

انا نفسج ...خاايفه ... بس مو لذيك الدرجه :000:

انا اتخيل راح تتعبين من الروحه والرده خصووووصا اذا عندج اختبار

[تراتيل الروح]

شوفي ياقلبي أنا طالبة من الأحساء
أنصحك تسكنين في سكن بالأحساء
وكل أربعاء تنزلي الدمام وترجعين الأحساء الجمعه
تشوفي أهلكـــ وهذا أفضل حل

أما إذا ودك كل يوم تروحي وتجين عن طريق القطار
فخلاص كل يوم روحي للقطاربالدمام بكير عشان توصلي للأحساء
وحجزي لك باص يوصلك من سكك الحديدية من الأحساء
للكلية <<<< وهذا ما نصحك فيه لأن راح تتعبي

وبعدين أصبري كلها بس سنة تدرسيها بالأحساء
وبعدها طلبي تحويل للدمام
بس المهم تجيبين معدل حلو من سنة أولى

و أتمنى أني قدمت لك مساعده

[صفحة أمل]

هلا خيتوووة كلنا متخووفين من التجربة
بس صعبة عليكـ كذا يضيع عليكـ الوقت في الطريق

[مملوحة الوصايف]

فطوووووووووووومه انا زيك انقبلت بالعلوم وانا بالدمام وودي اروح بالقطار ولا السكن بس تكون البنت الي معي زينه وضامنتها ياليت نتعرف على بعض قبل الدوام

تبين تتعرفين رسلي لي على الخاص:g4:

[بـــو أحــمــد]

و عليكم السلام و رحمة الله و بركاته

فطومه الحلوه
إذا تبغين نصيحتي ..
أنصحك تجربين السكن في الحسا ،، ممكن يكون العكس
تشوفين لك زميلات و صديقات متفوقات
و يشجعونك على الدراسة و التفوق

يمكن انتي سامعة كلام ..
بس هذا مش موجود دائماً

لو ما عجبك الوضع ..
اعملي الإقتراح الثاني عن طريق القطار

[القلب النابض]

فطووومه
>>>:119:
كثير بنات نفس حالتك كذا كانوا متخووفين
بس بعدها تاقلموا مع البنات
وصاروا صحبه والوضع عاادي
بس بدايه كل مرحله لازم يصير تخوويف وبعدها
اموورك تصير تمام
فيه بنات ماخذين سكن خااص ومرتاحين فيه
وفيه بنات يرحوون القطار ويجوون فيه كل يووم ومرتاحين
يعني انتي مخيره اللي اريح لك اعمليه

[مهجة القلب]

وانا رايي تسكينين هنا بالاحساء
افضل لك
واريح
والله يوفقك

[مملوحة الوصايف]

فطومه رسلي لي اميلك على الخاص لان انا توني مسجله بالمنتدى ومش راضي يرسل رسايل لازم تكون عندي اكثر من 50 مشاركه وانا امس مسجله رسلي لي وانا بحل المشكله معك



انتظر رسالتك:064:

[مناكير]

انا افضل

انك تسكنين انا مثلك بس اسكن ........

[تاك تاك]

هلا فطومه ..

شلونج شخبارج ؟! وييينج من زمـآآن ماشفنـآآج !!


عيدج مبارك مؤخرآ :cheese: وأيامج سعيدهـ ,


عرفتيني ؟؟ ولا انا ماعرفتج :hahahahahah:


انا بعد مثلج من الدمام وانقبلت بالعلوم والاحساء بس بالعكس استانست :g8: لأنه اللي اعرفه أن شهادة هناك أحسن


من هني ولو أني أفكر بالتحويل وتغيير القسم .. بس متحمسـة للروحة هناك ومانكر أن فيه شوي تخوف من الوضع الجديد


وبعد خوش شي لأني عادةً بالبيت مادرس زين كله لعب :no2:


المهم نصيحتي لج مثل أغلب البنات , تسجلين بسكن خاص و حياج معاي


" مع أني للحين ما أكدت التسجيل بالحمادي " :t1: يعني تقعدين طول الاسبوع احسن من روحة وردة كل يوم


خصوصـاً أن بيكون أحياناً محاضرة وحدة باليوم !! وفي منها الصبح وغيرها الظهر ..


يعني " It's a big problem " :000: ممكن يوم ما تلاقين حجز .. يوم يتـأخر القطـار ,


و يوم يتعطل القطار ~> ماخوفج بس تصير :s12: فيُفضل و يُستحسن التسجيل بسكن خاص


ومنها تتعرفين على رفيجات جدد و تتساعدون :119: وانتي شوفي اللي يريحج و بكيفج


بس قدمنـا لج النصيحة وبالتووووفيق حبوبــه :love080:

[فطومه الحلوه]

هلا فيكم جميعا ومشكوررررين على المرور والنصائح والله يقدم الي فيه الخير
ربي يعافيكم جميعا

[فطومه الحلوه]

مملوحة الوصايف
هلابك قلبي وربي أستانست على الاقل تكوني معي أو نسكن مع بعض بس أنا نفسك احاول ارسل على الخاص مايرسل لازم 50 مشاركه وأنا توني مسجله
شوفي أنا بداوم هذا الأسبوع الأحساء مدري اذا بتداومين معي ونتقابل ونتعرف أكثر على الأقل اشوف الكليه اشوف وش السالفه ..
بصراحه أبغى اعطيك إيميلي بس كيف:no2:

[تاك تاك]

~ فطومة الحلوة : وين بتسكنين ؟!

انا الحين غيرت رايي مابروح الحمادي لأن الخلف أحسن عنه ,,

واحتمال اذا فيه مكان بـالأمل بسجل فيه :mh19:

~:praying: الله يوفقنـــآآ يــــــارب

[ضايعه مع الدنيا]

تعب عليك يافطومه

القطار احسها صعبه

لان اوقات روحت القطار وردته شوي بكير وبعضها مره متأخر

يعني مثلااً ليلة السبت البنات يحجزوا اما من الساعه سبع يجزون

او الساعه اربع الفجر

وهي ساعتين بالضبط يعني اذا تاخر مشي القطار 10 دقايق توصلي بعد عشر دقايق بالضبط

والنهار في قطار الظاهر انه تسع وتوصلي احدعش والثاني عشر توصلي اثنعش

وفي قطار الظاهر ثنتين وفي اربع بعد

هاذي المواعيد واذا تبي تتاكدي دخلي

بس ما انصحك الروحه والجيه لعوزه

خصوصاً اذا ما كنت في كلية منفصله عن الجامعه

لان دوامات الجامعه توصل الى خمس العصر ويمكن السنه يزدوا وقت الى سبع المغرب وترى هاذي مشكله

على ما تروحي الى السكه وعلى ما يمشي القطار

انصحك بالسكن بعد الدوم تروحي وتحطي راسك

واذا عندك دوام صباح و عصر يمدك تتغدي وتردي الجامعه لا وماخذه غفوه بعد

تحياتي امتى اني افتدك

انصحك تجربي وتشوفي السكن

واذا خايفه من السكن وسوالف الي تصير وتسمعيها

انتي الوحيده الا تقدر تقرر اذا تبغى تصيري تبع دي السوالف اولا

:g8:

[فطومه الحلوه]

مشكورين على الردود الحلوه والله يعين
بس الحل بكره إن شاء الله بروح الأحساء واشوف وش السالفه :mh19:
بالتوفيق جميعا

[فطومه الحلوه]

تاك تاك
أذا بسكن باخذ سكن الجامعه بس واللهـ محتاره :011:
دمتيـ لي بود

[مملوحة الوصايف]

فطومه انتي مسجله بمنتدى ثاني عشان ترسلين لي اميلك

ولا كانك تعرفين احد بهذا المنتدى او زميله قولي لها ترسل لي اميلك وانا اضيفك عندي:g20:

[حلا قلبي]

انا من الدماام وقبلووني بالعلووم بالحسااء وماعرف احد هنااك

ياليت الي تعرف سيااره خاصه تعطيني رقم صاحبها

مرره محتااره ومدري وش اسووي

[مملوحة الوصايف]

حلا قلبي اذا لقيتي عطيني الرقم لاني ابي سواق يوديني القطار ويجيبني ولا يمكن اجلس كم اسبوع بيت اهلي

ومش لازم سياره حتى لو باص صغير عادي:Cry111::Cry111::Cry111:

[تاك تاك]

بنات الاحسن لكم انكم تاخذون سكن خــآآص ,,


والقرار اولا واخيرا لكم طبعآآ


واللي ابي اقوله للي بيختارون سكن الجامعة ياحبذا لو تتصلون فيهم من الحين لانكم جدا جدا تأخرتوا ,


وعادةً الضغط يكون شديد على السكن الجامعي .. فـلحقوا أعمـاركم ياقلبـي :119:


وبالتوووووفيق :praying:

[دودة]

انا صارلي سنتين اروح واجي قطار
الكلية العلمية
0507100940
هدا رقم سواقي الرجال مؤدب الكل يشهد اليه واني صارلي معاه سنة ونص ماشفت منه الاكل خير لدرجة ان هو يشتري لينا الكتب الي مانحصلها في الدمام والظهر ادا طالعين تاخير نطلب من المطاعم واجيبه لينا
اي استفسار انا جاهزة

[أخصائية قلب]

السلااام

انا ابوي قال اذا جدولي حلو بيخليني اروح وارجع بالقطار يومياً لأنهم متخوفين من قصة السكن
بس والله توني قريت اشياااء تخوف :s12:في منتدى النقاش لجامعة الملك فيصل عن القطار
والحين هنا برضو خوفتوني من القطار

وشكلي بنوي على السكن بس ليه تأخرت يعني ما يمديني اقدم طلب السبت الجاي على سكن الجامعه :g2:

ردو لي بلييييييييييييييييييييييييييييييييييييييز
:praying:

[فاطمه 210]

مرحبا بنات انا حابه اعرف ليش بنات الدمام قبلوهم في الاحساء 2صديقتي قبلوها في الاحساء قسم انجليزي وهي ماطلبت الاحساء ولا طلبت تخصص انجليزي افيدوني الله يجزاكم خير :o3: