اتمنى منكم تساعدوني في مشكلتي :44:

[zahra..]

السلام عليكم
كيفكم ؟!

ان شاء الله كانت الاسئله سهله عليكم
انا عندي مشكه راح علي الاختبار من الحوسه والتشويش لما جيت اتأكد من وقت الاختبار شفت حق يوم الاثنين وراح علي اليوم

ي ليت احد يفيدني بشي يساعدني :44::12: :18:

حالتي لايرثى لها الحين ولاعندي طاقه اني افكر بشي
وجزاكم الله الف خير مقدما :24::44:

[الوردة الخجولة]

روحي اقرب مستشفى وتقرير طبي مقنع

وان شاء الله يعيدو الاختبار لكي:34::34:

[نادر الروقي]

على قولة اختنا
دوري لي لك مستوصف منا ولا منا .. او دوري احد في مستشفى حكومي يدبرها لك
وخلاص

[zahra..]

عذر مقنع مثل ايش ؟؟:44:

[* آمل *]

كنت مريضة زايدة الله يكفينا الشر

عملية
أي شي

[بنت رجل اخت رجل]

يا قلبي لا تخافي سهلا ت الأفضل تدورين احد بمستشفى حكومي تؤاخذني ورقه من عنده عذر طبي وترفعيه للجامعة وب يقبلونه وينعاد لك الاختبار

[صهيل الاصيلة]

الله يعوضك في الايام القادمه بس انتبهي وركزي على الجدول

بعدين انصح انك تراسلي المسئولين بالجامعة وتقولين لهم الحقيقة انا ما احب الكذب في المرض عسى ربي ما يبلاك فيه

قولي لهم الصدق والصدق منجاه اخيتي ربي يهون امرك وريحي بالك حتى لو حملتي الماده مافي مشكله ان شاء الله تعوضينها

وهدي نفسك وقولي قدر الله وما شاء فعل

الله يوفقك ويسهل امرك

[zahra..]

مشكورين الله يجزاكم خيرر والله يوفقكم ويسهل عليكم وينور دربكم دنيا واخره :1::1:


صهيل الاصيله شكرا ع النصيحه كلامك صحيح وعين العقل ربي يوفقك :21:

[اوكسجين الشرق]

الله يعوضك في الايام القادمه بس انتبهي وركزي على الجدول

بعدين انصح انك تراسلي المسئولين بالجامعة وتقولين لهم الحقيقة انا ما احب الكذب في المرض عسى ربي ما يبلاك فيه

قولي لهم الصدق والصدق منجاه اخيتي ربي يهون امرك وريحي بالك حتى لو حملتي الماده مافي مشكله ان شاء الله تعوضينها

وهدي نفسك وقولي قدر الله وما شاء فعل

الله يوفقك ويسهل امرك

يا بنت الحلال كذووبه بيضاء محد راح يتضرر منها


بالنسبه للسيك ليف كل منطقه فيها مستوصفات حبيبه تجهز الاجازه حسب الطلب بالتلفون ومع التوصيل بعد :14: مايحتاج فحص

راس مالها 50 ريال وكلش تمام
او شوفي احد بمستشفى او مستوصف حكومي
واستعجلي غيها لان الاجازه كل ما تاخر وفتها عن اليوم المطلوب كل ما تعقدت اكثر

[صهيل الاصيلة]

يا بنت الحلال كذووبه بيضاء محد راح يتضرر منها


بالنسبه للسيك ليف كل منطقه فيها مستوصفات حبيبه تجهز الاجازه حسب الطلب بالتلفون ومع التوصيل بعد :14: مايحتاج فحص

راح مالها 50 ريال وكلش تمام
او شوفي احد بمستشفى او مستوصف حكومي
واستعجلي غيها لان الاجازه كل ما تاخر وفتها عن اليوم المطلوب كل ما تعقدت اكثر


الكذب كذب مافيه ابيض واسود ليش اكذب عشان ما احمل مادة لا والله احملها ولا ادعي المرض والعافية تسوى شهادة الدنيا كلها والصدق زي ما قلت منجاة وان شاء الله ربي يسهل امرها بدون كذب ودعاء للمرض نسال الله العافية

[zahra..]

اجل كذبه بيضاء ههههههههههههه الله يهديك :5:

استعجل فيها شلون مافهمتك؟؟؟
اعذرني قفل مخي بعد الموقف :20:

[ifofah]

أنا مع الأخت صهيل ما راح أقولك إكذبي :29:
و الجامعة وفرت لنا جدول بالخدمات الطلابية يعني لو كنتي صادقة معهم ما راح يعذرونك لهالسبب


بجميع الأحوال
الجامعة لا تعيد الإختبار لك حتى و إن جبتي لهم عذر إلى في إختبارات الترم الجاي
يعني ما راح تعيدينها حاليا

نظام الجامعة إذا جبتي لهم عذر يلغي عليك رسوم المادة
يعني يدرجون لك المادة في الترم الجاي بدون ما تدفعين عالمادة رسوم مرة أخرى

بينما لو ما أعطيتهم عذر و كنتي صادقة ما بيعذرونك طبعا
و إذا كنتي تبغين تدرجينها راح يحسب لك رسوم


يعني كل السالفة
3 ساعات × 165 ريال = 495 ريال

بعذر = تدرج لك بدون رسوم
بدون عذر = تدفعين قيمتها مره ثانية

إعادة = الترم الجاي بداية الفصل الدراسي الجديد في حالة قدمتي عذر


فكري فيها :29:

[أبووسن]

انا مع الاخت صهيل امشي على كلامها وربي يعوضك خير ان شاءالله .

[zahra..]

Ifofah مرررره مرررره شكرا افدتيني كثييير ربي يسعدك ان شاء الله :29::16:


طيب ايش بخصوص المعدل محد جاب لي طاريه :40::18:

[اوكسجين الشرق]

مو مهم الرسوم اللي راح يلغونها عليها

المهم المعدل والماده اللي تعتبر فيها منسحبه يعني راسبه

[ماجد الشاعر]

صحيح المشكلة مو مشكلة رسوم بس .. اذا ما قدمتي عذر راح تعتبر راسبة يعني المعدل بيندمر

لذلك توكلي على الله وقدمي لهم عذر مافيها شي .. انتي معذورة فعلاً

لأنه لو قدمتي عذر راح تكوني متغيبة بـ عذر يعني كانك ما نزلتي المادة وما تاثر فالمعدل ..

بالتوفيـقَ

[zahra..]

يعني المعدل بدون عذر بينخسف وبروح فيهاااا :4:
اي احد يعرف اي معلومه بخصوص هالموضوع والمعدل لا يبخل علي الله يخليكم :24:
الله يستر بس ويفرجها ان شاء الله :24::44:

شكرا لمروركم ولكل من قدم مساعدته لي الله يسعدكم ويسهل اموركم :16:

دعواتي لكم بالتوفيق :2:

[ifofah]

صديقتي قدمت عذر و قبلوا عذرها
و مع ذلك أدرجت المادة في السجل على أساس أنها راسبة
و خسف معدلها
في جميع الأحوال راح تخسف المعدل

و أنا عارفة إنه مو مهم الرسوم
أنا ذكرت سالفة الرسوم على أساس إنه هو محور الموضوع
يعني إذا بتكذب فـ هو بس عشان قرشين توفرهم


و لا الإختبار إعادة + المعدل

كلهم سوا بـ عذر و لا بدون عذر

إعادة إختبار = الترم الجاي إذا بعذر و أي وقت تبغى تنزله إذا بدون عذر

المعدل = راح تظهر المادة في كل الحالتيبن بعذر و لا بدون عذر في السجل بـ علامة f
و راح تظهر درجات المشاركة لها في كل الحالات


الشيء الوحيد إللي راح يفرق في الموضوع = الرسوم

فـ إذا هي مستاهلة الشغلة أقدم عذر موب صدق
و إذا مو مستتاهلة :35::35:

و ع العموم الأخت زهراء لها حرية التفكير في الموضوع :29:

[نادر الروقي]

اختي
خذي الكلام الاكيد

جيبي عذر وقدميه لهم .. وعادة راح تفتح الايقونة حقت الاعتذارات بعد الاختبارات مباشرة ولمدة اسبوع واحد فقط.
بعد ما تقدميه بفترة ويقبل لاحقا, يرسلون عليك رسالة ويخبرونك بقبول عذرك.

المادة راح تنزل لك (f) يعني رسوب (مؤقت) الترم القادم وايضا (مؤقتا) راح تؤثر على معدلك.
بعد ما تختبري الترم القادم, سوف يتم التعديل ويرجع معدلك زي ما كان بحسب نتيجتك في المادة.

من الآخر , وجود عذر مقبول يؤثر في المعدل بشكل ايجابي ويحمي معدلك من الهبوط
حبيت انبهك لهذا الشيء, لان الاخوات فاهمين غلط وبيؤثرون على قرارك.

وانا ترا صار لي نفس الشيء, فاتني الاختبار, نمت عنه, وبجيب عذر وبقدمه لهم حماية لمعدلي
كذبة بيضا, كذبة سوداء .. كذبة برتقالية ... ما يمهني, اهم شي المعدل
بكرا لا جيت بقدم ماجستير وشافوا المعدل نازل, بيؤثر

واذا جينا نتكلم من ناحية اخلاقية
اللي غاب متعمد, ذنبه على جنبه
بس اللي غاب بعذر, حرام الجامعة تؤثر على معدله وهو مو متعمد

تحياتي

[اوكسجين الشرق]

للاسف اللي تقول لك لا تقدمين عذر لان خويتها قدمت وقبلوا عذرها بس خسفوا معدلها

مع احترامي لها ما عندها سالفه
هذي انظمة جامعه معروفه من تأسيس الجامعات . الا اذا بدأ نظام جديد و خاص مع خويتك هذا شئ ثاني
هو اساسا راح ينزل معدلك ع اساس انك راسبه هالترم حتى اذا قبلوه .. لكن على الترم الجاي يسوون لك تعديل
عقبها ترجعين كأنك ما اخذتي الماده وما نزلتيها بالترم اللي مضى

دوري لك مستوصف او مستشفى يا كثرها اللي تسوي الاعذار و لاتتاخرين
و خلي منك من يدعي المثاليه في امور لاتعني

[ifofah]

للاسف اللي تقول لك لا تقدمين عذر لان خويتها قدمت وقبلوا عذرها بس خسفوا معدلها

مع احترامي لها ما عندها سالفه
هذي انظمة جامعه معروفه من تأسيس الجامعات . الا اذا بدأ نظام جديد و خاص مع خويتك هذا شئ ثاني
هو اساسا راح ينزل معدلك ع اساس انك راسبه هالترم حتى اذا قبلوه .. لكن على الترم الجاي يسوون لك تعديل
عقبها ترجعين كأنك ما اخذتي الماده وما نزلتيها بالترم اللي مضى

دوري لك مستوصف او مستشفى يا كثرها اللي تسوي الاعذار و لاتتاخرين
و خلي منك من يدعي المثاليه في امور لاتعني


أنا ما إدعيت المثالية
و لا فيه أي شيء بردودي يبين إني أنا مثالية
أنا وضحت لكم جميعا وجهة نظري
وضحوا وجهة نظركم بعد

يعني الأخ نادر وضح كلامه و بأسلوب << تحتها خط أحمر
من واقع خبرة مو من واقع خبره << هذا إللي ما يعنيني و يعني الأخت إللي نزلت الموضوع
بس تجي إنت و تقولي أمور لا تعنيني إني أساعدها بإللي أعرف !!!
<< طيب مو شغلك
و لا تحشر نفسك معي
رد عن نفسك لا ترد عني و عن كلامي

عجيب

[zahra..]

السلام عليكم :2:

معليش اخواني سوء تفاهم وكل واحد ابدى رايه واشكر لكم تعاونكم ومحاولتكم لمساعدتي
كونوا ضد او مع اعزائي لا اكثر او اعطوني مايفيدني في الموضوع :21:
لا اريد ان يحدث اي خلاف بين اي احد من اعضاء هذا المنتدى اريد ان يبقى المنتدى مترابطا ومتلاحما كما عهدته :27::16:

وفي الاخير اشكر كل من مر على هذا الموضوع وابدى برأيه وحاول المساعده بما يرى انه في صالحي :1::1::1:


واتمنى لكم التوفيق والنجاح في الدنيا والاخره :11::1: