سؤال للموظفين او لمن عنده خبره بالانظمه بالنسبه لاجازة الاختبار

[منطقي]

بسم الله الرحمن الرحيم

اتمنى من يملك الاجابه لا يبخل علينا سواء بالاجابه او يدلنا على من يفيدنا
السؤال : انا لم اخذ موافقه من عملي الحكومي على الدراسه بالجامعه لكن بأول ثلاث اترام
عطوني عملي اجازه بفترة الاختبار لكن للاسف بالترم الرابع والخامس طلع قرار من ادارة العمل بان اللي ما اخذ موافقه من العمل على الدراسه ما يحق له ياخذ اجازة اختبارات ..!!!
السؤال الان موافقتهم لي على اجازة الاختبار بالثلاث اترام اللي مضت الا تعتبر موافقه ضمنيه من العمل بالدراسه؟
ووش الحل برايكم لان الترم اللي فات وهالترم اضطريت اني اخذها من رصيد اجازتي الاعتياديه فطفررررت من الاجازات :10:

نظام الدوله وش يقووووول !!


فافزعوا لي يالربع والربعات:42:

[ملامح يوسفيهـ]

انا ماعطوني والا جازه قطاع خاص :12::12::12::12:
ولا مرررررررررررررررررررررررررا
الله المستعان

[منطقي]

الله يعينك عاااد دايم القطاع الخاص علل هههههههههه
لكن مشكله لما الحكومي يستقعد لك:22:

[محمد الشمريـ]

الزبده على حسب مديرك طال عمرك اذا وافق لك من اول يوم لاخر يوم ’’’
اذا استقعدلك اليوم الي يكون عليك اختبار بإجازه ’’’
اتمنى اني وضحت والله يكون بعونك يالغالي

[Reoira]

لازم موافقة العمل للدراسة

مو بس عشان الاجازة اذا كنت تبي تدرس لتحسين وضعك الوظيفي ماراح تنحسب لك اذا ما كان فيه موافقة عليها من جهة عملك :23:

[ابو سعـود]

في نظام الدوله و وزارة الخدمه المدنيه


يحق للموظف اجازة امتحان دراسي ويتوجب على الموظف ( اللي هو الطالب) تقديم ما يثبت ذلك ( مثل الجدول او شهادة تعريف بالاختبار )

يعني مافيه اي اداره او اي مدير يقولك ماتقدر تاخذ اجازه. الا انو مدير مايعرف بالنظام مع احترامي له .

وسبق ان صار بيني وبين مديري خلاف على اجازة الامتحانات ورفض وغيبني مدة الاختبار . ورحت لوزارة الخدمة المدنيه واخذت نسخه من القرار الوزاري اللي فيه بند الامتحانات وقدمته لجهة عملي .. ورجعوا ايام غيابي الي اجازه ..
هالمدراء ياعزيزي شيبان يحسب انه قعد بالوزاره 20 سنه يعني صار هو الوزير ..
يبغون لهم واحد يتكلم بحسب ( قرار وزاري بند كذا رقم كذا تاريخ كذا ) بهالطريقه تحشره فزاويه وحقك تاخذه ماهوب بطيب منه






وسلامتك

[أبو عُمر]

على حسب الوزارة اللي أنت تابع لها

كل وزارة لها طريقة

وأكثرهن تعقيداً وزارة الصحة

[دارس]

عزيزي
تعتبر موافقتهم الماضية على الاجازات التي سبق واخذته موافقة مبدئية وخاصة إذا كانت براتب لا تنسى براتب
لأنهم مجرد موافقتهم على الاجازة فهذا يعتبر قبول منهم بمواصلة تعليمك وهذا يعتبر 80% باقبول
أما إذا كان قرار (لابد من موافقة العمل)) جاء جديد فتعامل انت ومن هم مثلك بالقبول وشمولكم القرار بالموافقة لأنكم أخذتو الاجازة قبل إصدار القرار وتعاملون معامله خاصة وذلك لأن مصدر القرار لابد وانه أخذ في الحسبان ان هناك ناس الان تدرس ....
وإذاكان القرار موجود مسبقآ واحد الاشخاص يريد ان يعقد الموضوع او ان يفرض سلطته عليكم وقام بالتنبيش عليه فهذا حسبكم الله فيه
ولكن لتنبيه
للموظف في القطاع الخاص اتكلم عن القطاع الخاص
له 14 يوم اختبار فقط مدفوع الاجر لا غير ما زاد يحسب عليه
يعني يكون عنده 14 مادة كل يوم مادة
طريقة حسبتها
من وجهة النظام
تعطى يوم الاختبار نفسه فقط إجازة وتحسب ضمن 14 يوم إجازة الاختبار
من وجهة بعض الشركات المحترمة
تعطيك 14 يوم كلها إجازة بشرط ما تعدي 14 يوم
من وجهة بعض الشركات نص ونص
تعطيك يوم الاختبار ويوم قبلها فقط وتحسب ضمن 14 يوم
من جهة الشركات السيئة
ماتعطيك ولا يوم وتخرج بإشتراطات كاذبة ولكن يحقك لك اخذ الاجازة النظامية غصبآ عنهم يوم الاختبار فقط



كل هذا من خبرتي في الشركات
والله يوفق الجميع

[علي عطيف]

اولا تختلف الانظمه حسب جهة العمل وطبيعته لكن يسمح بالدراسه وبمنح إجازه دراسيه لكل موظف كل ماعليك هو تقديم معروض بطلب الموافقه على الدراسه دون النظر لما سبق فقط من بداية الفصل الدراسي اوقبل البدايه وبتجيك الموافقه ان شاء الله بكل سهوله طبعا بعض الموظفين يسوون فيها فاهمين اطلب رفع المعروض دون الالتفات لاحد في حالة عدم الوافقه مثلا مباشرة اتجه للمدير العام مع اخذ نسخه من المعروض

[أبو حور]

القوانين وحده في كل القطاعات

ومسألة الاجازات اي اجازة تخضع للنسبة المسموح بها للتمتع بالاجازة بحسب عدد الموظفين

لدولة اعطت المدير العام للقطاع صلاحية تحديد النسبة اللي يشوفها مناسبة لتمتع الموظفين بالاجازات وهنا جاءت الاختلافات

في مدراء وضعوا نسب بدون دراسة او فهم لحاجة الموظفين وحاجة العمل وحدد نسبة 5% من اجمالي عدد الموظفين في القطاع يحق لهم التمتع بالاجازة وهذي النسبة تعتبر قليلة جدا خاصة اذا عرفنا ان وقت الاختبارات قليل اللي يقدم فيها اجازة لغرض غير الاختبار

الموضوع هذا بالذات يحتاج مطالبة ورفع للسلطات العليا لاعادة تنظيمه لان فيه كثير من الاشكالات والفوضى انا اكلمكم الان وانا في مكتبي في العمل امس عندي اختبار وبعد بكرة عندي اختبار و الفرص ماهي متكافئة بين الجميع

الله يعيننا واياكم

[Abtehal]

يحق لك اجازه للأختبارات براتب
بس مثل ما قالو على حسب مديرك
انا ولا اجازه للأختبارات اخذتها براتب كله خصم بس اطلع اجازه غصبن على خشومهم:25:

الله يفكنا من القطاع الخاص

[لمُت نفِسٌيَ]

بالنسبة ل إي أجازة لابد من موافقة جهة العمل ..
وسواءً خاص أو حكومي يكون راتبك ماشي ( اذا تمت الموافقة ) ،

لانها تعتبر اجازة اكمال دراسة .. مب أجازة من غير راتب ..

القطاع الخاص
اللي يفرق بس هو أحتساب ايام الأختبار ..
في شركات ماتعطيك أصلاً وتحسبها لك ك أجازتك السنوية ..
وفيه شركات تحسب لك يوم الأختبار بس أجازة دراسية ..
وفيه شركات لا من اول يوم ل آخر يوم أختبار ..
لكن على حسب موافقتهم ..

عموماً اذا حكومي ..
أطبع تعريف الاختبار + جدول الأختبار ( اللي بالخدمات الطلابية ) ،
وأطلب منهم أجازة دراسية على حسب الجدول .. ( وراح يوافقوا غصب! ) الا اذا ذكروا مبرر ،

والخاص ..
أطبع تعريف الاختبار + جدول الأختبار ( اللي بالخدمات الطلابية ) ،
طلب منهم أجازة دراسية على حسب الجدول ( والموافقة على حسب ترتيبهم وعدد الموظفين اللي يدرسون بالسنه )
وطبعاً رضا الاداره عنك وتضبيطك ^^
وراح يعطونك اجازة مالها شغل ب عدد ايام اجازتك السنوية ..

واذا ما وافقوا خذها ك أجازة سنوية وروح أختبر :)

[منطقي]

بارك الله فيكم جميعا
وارائكم جميله حفظكم الله
لكن لاتزال الاراء متضاربه
ولا يوجد قول فصل.

شكرا من القلب

[فهد العتيبي]

ابو سعـود ممكن تضع صورة من القرار

[منطقي]

بانتظار ابو سعود
اذا عندك صوره تفيدنا