تناقض غريب بين دكتور مهارات البحث و المنهج !!

[ابومشاعل]

السلام عليكم ..

الاحظ وجود تناقض كبير بين ما يشرحه لنا الدكتور بلالي في مادة مهارات البحث و بين طريقته في الاسئلة ، حيث انه و كما هو مذكور في المنهج : بأن الطالب الجامعي يجب عليه أن يفهم و يعي المعلومات التي يتحصل عليها ، بينما اسلوبة في الاختبارات يتطلب بأن يكون الطالب الجامعي كالطالب في المراحل الدراسية الثانوية مثلا يقوم بالحفظ اكثر من الفهم ، و السبب اسئلته الغريبة ، حيث ان المادة بأكملها عباره عن نقاط و المفروض عليك كطالب جامعي تدرس هذه الماده ان تنتقل من العقل الجامعي للعقل الثانوي او حتى المتوسط او الابتدائي لكي تحفظ جميع هذه النقاط و بالترتيب التي يريده الدكتور ..

سبق و ان تقدمنا بشكوى لادارة الجامعة لأسلوب هذا الدكتور في مادة مهارات الاتصال ولكن ، لا حياة لمن تنادي ..

اتمنى لي ولكم التوفيق و النجاح

[Half Smile]

سجل عندك واحد بيجيب العيد بعد شوي :)ء

[عسله]

الله يستر ... تفاءلوا خير يمكن يجيب اسئله مباشره اليوم :44:

[غربة نفس]

انا اليوم عندي مهارات بحث


وأبشركم أختبرت أدارة دولية :44:
الله يسامح الدكتور والله أن الاسئلة ملغمه ملغمه ملغمه والاجابات من تفاصيل تفاصيل الكلمه والاخطاء عند الدكتور جايب سؤال خيارات نفسها
وأنا مذاكره أقرأ السؤال اعرف الجواب بديهي يوم أقرأ الخيارات تخنقني العبره مدري هو وش يبي ..

أسلوبه مبهم

مبهم


مبهم

أطالب الجامعه بأعادة النظر بالدكتور
ومحاضراته مجرد يقرأ المحتوى ما أستفدنا شيء ..

أغلب مستوى خامس كان يتوقعون بالماده أمتياز لكن الحين يبغون نسبة النجاح ..

أسأل الله العلي القدير أنه ينصرنا على كل ظالم

[عسله]

^
^
:4:

[el7lm]

انا اليوم عندي مهارات بحث


وأبشركم أختبرت أدارة دولية :44:
الله يسامح الدكتور والله أن الاسئلة ملغمه ملغمه ملغمه والاجابات من تفاصيل تفاصيل الكلمه والاخطاء عند الدكتور جايب سؤال خيارات نفسها
وأنا مذاكره أقرأ السؤال اعرف الجواب بديهي يوم أقرأ الخيارات تخنقني العبره مدري هو وش يبي ..

أسلوبه مبهم

مبهم


مبهم

أطالب الجامعه بأعادة النظر بالدكتور
ومحاضراته مجرد يقرأ المحتوى ما أستفدنا شيء ..

أغلب مستوى خامس كان يتوقعون بالماده أمتياز لكن الحين يبغون نسبة النجاح ..

أسأل الله العلي القدير أنه ينصرنا على كل ظالم


^
^
^
هآآآه :38:
والله خفت:7:
( اللهم لا سهلا الا ماجعله سهلا ):44::18:

[مجروحه بصمت]

ياليت يشحوتونه ويجيبون لنا سعودي يفهمنا ونفهمه :8::42:

[ابومشاعل]

المشكلة تقدمنا بالعديد من الشكاوى انا و العديد من الزملاء بعد اختبار مهارات الاتصال في المستوى الثالث ، ولكن الجامعة للحين ما اتخذت الاجراء المناسب ..

اسال الله ان يفرج عنا و عنكم و نعدي كل المواد بنجاح و امتياز ..

الا بالمناسبة ، هل فيه مواد اضافيه بيدرسنا اياها الاترام الجاية ؟ عشان نجلس نذاكر فيها و نحفظها من اول التيرم

[غربة نفس]

بالعكس انا ما اخوفكم ربي بلانا بالدكتور هذا وواقع نعيشه وانا بصراحه متأزمه منه
من ناحية اللي يقولون ان الدكتور بيجيب اسئلة الترم الماضي

أبشركم ومن الحين مستحيل مستحيل ..فهمت أجزاء عقله المبطن المبهم

طريقته وجربناها وانا ذاكرت محتوى مهارات البحث لكن يوم جيت احل الاختبار انصدمت للمره الثالثه !! (بس تهون جنب إدارة الاعمال الدولية)

اول ماده مهارات اتصال كانت نوعا ما متوسطه برغم سهولة المادة
بعدها ادارة دولية مادة متوسطة الصعوبه ومع اسئلة الدكتور اصبحت تعجيزية

والان مهارات بحث ..الله يسهل علينا

الماده ممتعه لكن اسلوبه التعجيزي يحطم ..

[ترف آلسعد]

حرآآآآآآآآآآم عليكم :38:
والله العظيم بس قراءة الممماده و لا حفظت شيء
لأن مافي شيء ينحفظ !

تجووون انتم تخوفون و تقلقون الوآآآآحد :12:

يارب سهل أختبااار اليوووم يارب :18:

[ابومشاعل]

اختي ترف ,, احنا ما نخوف

احنا عارفين اسلوب هالدكتور ، و سئمنا منه صراحة

كاتبنا الجامعه ولا فيه تجاوب

عشان كذا ودنا نشوف وش الحل المناسب معاه لأنه بصراحة اختباراته تجيب القلق اكثر من الاحصاء التحليلي و المالية ٢ ..

ومضة .. الله يذكر د. ملفي بالخير و يجزاه خير الجزاء

[ننو الدوسري]

تفائلو بالخير تجدونه

وعلى الي دسناه بالمهارات لازم الواحد قبل الاختبار يستعد نفسيا ولا ي توتر

استرخااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااء

وباذن الله موفقين :17:

[أبان]

أبو مشعل

سمعت بالمبدأ الاقتصادي لآدم سميث اللي يقول : "دعه يعمل دعه يمر" ؟

اكتشفت أنه ينطبق على منتجات د. البلالي


أجل ... يالله حسن الخاتمة .. ناس معيّله و بزارين ... و تدرسهم أن الحياة الجامعية غير الثانوية ؟ :hhheeeart4:


و النكته تدرسهم يوم صاروا بمستوى رابع :42: كان صبرتو شوي و خليتوها مشروع تخرج :5:


أقول الله يخلف بس ..... :20:

[Ahmad Yousef]

يا جمااعة :

يقول الرسول صلى الله عليه وسلم :(( تفاؤلوا بالخير تجدوه )) صدق هو ابي وامي الله صلي وسلم عليه وع اله وصحبه اجميعن


بأذن الله سننجح

.....

:16:

[البدر القحطاني]

حسبنا الله ونعم الوكيل

[w3oodi]

الله يعينكم بس انا اخذتها الترم اللي فات والحمدلله عديتها بصعوبه
باقي لي مادتين مهارات والاعمال الدوليه :30:

[Daniah..~]

..



آعقلها وَ توكل :53:

هي وقفت على بلالي !!
والله مآيزلزلهم إلا الحملات التويترية ، مير مابأرضك أحد

أنت شف المحآضرة السابعة ، بإختيار المتعدد
كنه يقول قصوا هالشنب http://www.smooal-7oob.com/vb/images/smilies/65[1].gif إن فلحتوا معي

مير الله معنا

[الطرقــي]

انا قريت الماده حسيتها عاديه

مو صعبه لهذيك الدرجه لكن

اللي فهمته ان الدكتور يحط أسأله

من بين السطور مايحط أسأله واضحه

وجاهزه هو ينتقيها ويكونها والله يستر

تفاءلوا بالخير تجدوه .... بالتوفيق للكــل

[ابومشاعل]

فالنا البيرق ان شاء الله

عموما ..

تنفسوا بعمق حتى تتشبع عضلات المخ و الجسم بالاكسجين ، و اكثروا من الدعاء

و الله يكتب لنا و لكم الخير

[ترف آلسعد]

طييب ي أخوان و أخوات
اللي عدى بالمادة ونجح , كيف كانت طريقتكم ؟

انا قرأت الماده ثلاث مراات و مريت ع الأسئلة للاختبارات السابقه
و كذلك الوااجب , طبعا قليل اللي حفظته

لأن أغلبه ينقرأ ما ينحفظ :39:

هااه وضعي بـ السسليم :40:

باقي ع الأختباار 3 ساعات و نص يمدين أسووي شي به
أركز ع شيء , أحفظ شي ؟؟

بس ما أحمممل الماده :12:

[Ahmad Yousef]

شوفوا يا جماعة اللي عنده والدينه موجودين ولا جدهـ او جدتيروح يسلم عليهم ويقولهم يدعون له

ترا دعا الوالدين مستجاب

كلمت الله يوفقك يا وليدي ولا يا بنتي تخليك ترتاح نفسيا :43::11:

ولا يمهك الدكتور سواء صععب الاسئله او سهلها

اسئل مجرب انا اروح للوالد والوالده الله يطول في اعمارهم واعمار والديكم جميعا

:16:

الحين بطفي لابتوب واكلم الوالدة تدعي لي

وبروح الاختبار

مععع
الف سلامة يا حبايب
:21::16::2:

[Daniah..~]

..


ترف ياميمتي ، لاتتأثرين بشيء
خليتس وآثقة من نفستس تكفين ، لاتخآفين من شيء

خلاص أنتي آفهمي وش أنتي علي وَ وكلي أمرتس لربتس
الناس قدرات ، يمكن أنتي تجيبين a+ بينما العآم قليل اللي جآبوه

:17::27:

[New LiFe]

نصيحة شباب هالدكتور مايرسيها على بر ابداً ,, حتى لو متأكد من اجابتك اقرى السؤال مرتين ثلاث اربع
خمس عشر وبعدين اختر الاجابة ,, انا خذيت عنده مادتين وملاحظ ان السؤال لما تقراه اول مره تعرف اجابة
بس لما تقراه ثلاث اربع خمس مرات تعرف وش يقصد ,, فلا تستعجلون لا تنسون عندكم ساعتين تكفي
ان شاء الله ,, فصفص الخيارات وابعد الخاطيء فيها ثم شف ( أقرب ) الاحتمالات صحة ,, لاني اخبر هالدكتور
مستحيل يجيب لك اجابة صحيحة واضحة من بين الخيارات ,,

[New LiFe]

لحظة لحظة ,, وش قصة ذا اللي يقولون شوي ثم اروح الاختبار؟
عسى بس االاختبار العصر؟ اخبره العشا ,, شككتوني

[غربة نفس]

لحظة لحظة ,, وش قصة ذا اللي يقولون شوي ثم اروح الاختبار؟
عسى بس االاختبار العصر؟ اخبره العشا ,, شككتوني


:13:

الاختبار من 7-9

حتى انا شكيت بنفسي :36:

[أبان]

طييب ي أخوان و أخوات
اللي عدى بالمادة ونجح , كيف كانت طريقتكم ؟

انا قرأت الماده ثلاث مراات و مريت ع الأسئلة للاختبارات السابقه
و كذلك الوااجب , طبعا قليل اللي حفظته

لأن أغلبه ينقرأ ما ينحفظ :39:

هااه وضعي بـ السسليم :40:

باقي ع الأختباار 3 ساعات و نص يمدين أسووي شي به
أركز ع شيء , أحفظ شي ؟؟

بس ما أحمممل الماده :12:


النجاح بإذن الله فال الجميع ...

و الخوف أن المعدل يتأثر على شي ما يسوى :20:

[flower2]

الله يسهل يارب
:29:

[damkm3y]

ياجماعة الربع لا تشككونا في الاختبار وتحبطونا اكثر من كذا احباط من الاسئله اللي راحت
تفائلو بالخير تجدوه:4:
الاختبار الفترة الثانيه
:16:
تحياتي

[saif88]

عدم الافراط في المذاكرة واجعلها ليلة سعيدة بالعيد حقه

[ابومشاعل]

والله الماده تافهه ، ولا تستحق اكثر من ٤ ساعات قراءة مع فهم

لكن بسبب اسلوب هالدكتور ، تحس انها مادة تعتمد على نظريات رياضية و فيزيائية و كيميائية ..

انا عن نفسي ، اكتفي بهذا القدر و بشوف لي شي ثاني

اسال الله لي و لكم التوفيق

[ahlam-aam]

ههههههههههههه شر االبلية مايضحك ماضحكني الا تعليق ابان :5:

من جد وش يحسون فيه وهم يدرسون المنهج في مستوى رابع

الله يسهل الامور يارب :22:

[moshal]

:16:قال الرسول صلى الله عليه وسلم :<< تفائلو ا خيرا تجدوه >> اللهم صلي وسلم ع الحبيب المطفى


اللهم لا صعب الا جعلته سهلاا

[همة نحو القمه]

:7: الله يستر

[اداري طموح]

مدري ليه احس البلالي والدوغان ساكنين في عمارة وحدة وكل يوم يتحدون بعض في الاسئلة واحس انهم لابسين القبعة السوداء <== متأثر من مهارات البحث:13:

[baderhrb]

:10::10::10:
من جد زهقت وانا اقرا في ذي الماده ومليت لدرجة اني تمنيت ان الاختبار الفتره الاولى

ماده مدري وش تبي ومن ناحية الحفظ انا شايل الفكره من راسي ومن ناحية الفهم للاسف الدماغ عندي مايشتغل فيه الا النصف الايمن :42::42::42:

[saif al enazi]

من توكل على الله فهو حسبه
متوكلين على الله والله يستر من هالدكتووووور

[أبان]

تعديل :42:

[اكتواريهـ]

اختباره بمهارات الاتصاال روووعه كان السبت واسئلته مبااشره من اسئلةالاختباررات السابقه

بس الفصل الاول اخذت هذي الماده ونجحت بس مادري شلون:39:

يمكن يجيب لكم مثل مهارات الاتصال اسئله سهله الله يوفقكم :16::16:

[ابومشاعل]

غريبة ..

هل فعلا بلالي هو اللي حط اسئلة الاختبار اليوم ؟؟

ما اتوقع !!!!

اكيد 100% ماهو بلالي ، بلالي اسألته نعرفها

يا رب لك الحمد ولك الشكر

بلالي انت :21:

[ترف آلسعد]

غريبة ..

هل فعلا بلالي هو اللي حط اسئلة الاختبار اليوم ؟؟

ما اتوقع !!!!

اكيد 100% ماهو بلالي ، بلالي اسألته نعرفها

يا رب لك الحمد ولك الشكر

بلالي انت :21:



والله يووم شفت الاسئلة قلت معقوله هذا بلالي اللي يقولون اسئلته صعبه و مدرري وشوو !!

يلا الحمد لله انه جت ع كذا

[ابومشاعل]

والله يووم شفت الاسئلة قلت معقوله هذا بلالي اللي يقولون اسئلته صعبه و مدرري وشوو !!

يلا الحمد لله انه جت ع كذا

الله يبشرك بالخير

والله شلت همك اول ما شفت ردك في هالموضوع :26:

يالله عقبال باقي الشباب و الشابات و باقي الاختبارات بعد :2: