إلى كل الزملاء بخصوص مستوى ثالث مشرفين وأعضاء

[أبو نوال]

السلام عليكم ورحمة الله ...

كل محادثتي ستكون بخصوص هذا المستوى

أنا أعرف أن رسالتي في النهاية ستغلق حالها كحال كل نشاطات ورسائل الطلاب التي تتحدث عن مواد هذا الفصل . لذلك هو تعبير مني ... فتحملوني قليلاً

وخذوا رسالتي بنصيحة وحب ... لا أكثر ولا أقل

أولا ً : أنا لم أرى مشاكل إغلاق مشاركات الطلاب بهذه السرعة وبهذه الطريقة إلا في مستوى ثالث لطلاب أنجليزي

ثانياً : عدم أعطاء الفرصة للزملاء لعرض اراءهم وافكارهم بعد الاختبار فهذا سيتسبب في

1- تكرارا الاخطاء للطلاب في الاختبارات
2- عدم اعطاء فكرة عن المواد واسلوب المدرسين للطلاب الذين سيدرسون الفصل الذي سيأتي للتعرف

ثالثاً سيتسبب هذا الاسلوب في فرض الرأي وبالتالي المنتدى لن يصبح مشاركة بين طلاب وأنما سيكون عبارة عن سيد متحكم وطلاب الذين سيتلقون المعلومات التي تفرض عليهم

أخيراً :....
أتمنى وأرجوا أن تعطوا للطلاب المجال ... أحذفوا أي موضوع مسيء ... بل أطردوا أي عضوا أخطأ ... لكن لا تحرموا الطلاب من المشاركة بأغلاق مواضيعهم وثبتوا المواضيع المهمة في الاعلى .

أتمنى من كل قلبي التوفيق والنجاح للجميع

ملاحظة 1... أنا أتكلم عن هذا المستوى فقط ولا دخل لي بباقي المستويات

ملاحظة 2 ... لا أريد تثبيت الموضوع .... لكني أتمنى أن لا يغلق ... وستعرفون أن الكثير من الطلاب يشاركني نفس المشكلة

[الطيف المهاجر]

يغلق

قوانين الملتقى

هههههههههههههه

[جُ ــنُونُ]

غريب كلامك

بعد كل اختبار ينفتح موضوع للنقاش بالاختبار ومحد يقفله

الا اذا انا فهمتك غلط

[الطيف المهاجر]

الا احسن قفل المواضيع اللي مالها داعي ياخي مستوى اول كرهت شي اسمه ملتقى مليون موضوع ونص

مليون زي بعض

يجيك واحد طول الترم مسافر خارج البلاد اعتقد ويجيك قبل الاختبار بنص يوم ينزل موضوع طيب فيه ناس تعبانه

على الورش والتنظيم كلف عمرك واقرا مثبته قدام عيونك المواضيع

انا مالوم مشرفنا الفاضل بصراحة ويعجبني ويا ليت اكثر عشان يصير فيه كنترول ونتعلم ثقافة البحث قبل

[Asmaa Ali]

صحيح لازم يكون فيه شي من الflexability مع الطلبة خصوصا اللي بيريدو يعبروا عن شعورهم
ياريت يتم التنبه لهذا الامر، نعم نحن نتبع القوانين ومقيدون فيها بس احنا مش الات .. شكرا وبالتوفيق للجميع:17:

[لــوســي]

فعلا أحيانا يكون موضوع النقاش او الورشات تجاوزت 300 400 رد .. !

يعني أقعد افتح الصفحات واقرا رد رد حتى القى الشي اللي احتاجه ؟؟

واحيانا تكون الردود كلها شكرا .. يعطيك العافيه .. يسلمو .. اللخخخ

ومشكله اللي اتصاله بطيئ ويفتح له بالموت يبي اذا عنده سؤال او استفسار ..او يدور لشي

يقعد نص ساعه يفتح بصفحات كلها تشكرات وسوالف ..

هذه وجهة نظري ..

لكن من رأيي اللي يبي يسأل يفتح موضوع عادي ولما تنتهي الغايه منه ويلاقي جواب الموضوع يقفل ..

اما الفضفضه والسوالف مو مشكله يفضفض في اي مكان مو لازم يفتح موضوع ..

[roqa]

ارى ان الاغلاق يكون من باب التنسيق وترتيب القسم ...

لا يوجد اي موضوع اغلق الا وله سبب ....

وكلها بهالوقت ...ناس جاية ماتعرف حتى اش اسماء الدكاترة يلي يدرسونا ...!! عجبي ...

يعني كي مادة ولها ورشة نقاش .... مو مطلوب منك تبحث عن سؤالك بين الصفحات ....عادي اطرح سؤالك ضمن ورشة المناقشة ......مافي داعي للزحمة وفتح موضوع جديد ....

انا شخصيا كصاحبة ورشة ..انقهر لما اشوف موضوع يخص الانشاء نازل ...وبالنهاية يكون سؤال واحد توه داخل الملتقى ويقول ماحد جايب طاري هالمادة ولا احد عمل لها شي !!!!!!!!
اويلي ويلاه ....جلطة ....


ولما نرجع من الاختبار نفضفض ونحكي لتاني يوم هالشي مسموح وما ينغلق .....

باختصار لو وجد موضوع مكرر فهذا يدل على سوء اهتمام من الطالب نفسه ..وموضوعه حلال شرعا انو يغلق وبقوة كمان ....

لو كان مشغول وموفاضي طول الترم ..نصف ساعة للبحث بين فهرس المواضيع ما رح تخسره وقته ......

[الطيف المهاجر]

بعض الردود من الاعضاء تدل انه ما هو عارف وش جالس يصير طول الشهور الماضية

سجل مواده ورمى الكمبيوتر وجاء مصفي الطبلون وما يوقفه الا مصطلح ( موضوع جديد )

وبعضهم يقول الموضوع فيه صفحات كثير !!!

انت تعرف طيب انه اساتذة الروش جميعا مع شكري لهم عندهم ورش ما فيها اي رد للاعضاء

وموضوع النقاش في موضوع اخر يعني وين التعب اللي بتعتبه طال عمرك ؟

اتمنى ما احد يزعل بس الصراحة اوقات تزعل البعض .... فانت طالب جامعي ومستوى الان نقدر نقول :

رابع ان شاء الله وبافي ما تعرف تقرا وتتابع امورك بنفسك ... ترى المشرفين هنا ما وضعوا الا

للمساعدة في

حال احتياجها مو نرمي كل شي عليهم ونهاجر ونرجع نطالب ونتامر ولو تقل لواحد منهم سوي

قال ماعندي وقت !!!

فاتوقع يوم واحد يجي يقول ابي واحد يختبر مكاني بكرة ماني فاضي اجل ليه مسجل

بالجامعة ؟!!

بالتوفيق واعرف الاسلوب كان صريح جدا بس للمصلحة العامة وتقدير لتعب ناس شفت تعبهم

طول شهور مضت

[ضجيج الحلم]

أتفق معك في أمور وأختلف معك في أمر..
هناك مواضيع فعلا تكون محتاجة لمزيد من النقاش...
بل أنها تُغلق قبل أن تأخذ حقها الكافي الوافي من النقاش..
وبالمقابل يوجد هناك مواضيع ... ليس لها لُب..
وانشائها ليس الا من باب العبث إن صح التعبير..
بل أتعجب من مواضيع تُنشأ من أجل استفسار بسيط...
سيجد اجابته في اول رد من الموضوع المثبت للماده..

أود أن أنوه الى أمر قد غاب عن بعضكم..
كل شخص منا له ظروفه الخاصه..لانريد أن نعلق على من يهمل كل الفصل الدراسي..
ويأتي هنا يلهث للبحث عن ماهو مفيد...
ليس من العدل أن نحكم على الجميع...
وختاما..
أشكر الجميع..
مشرفنا القدير راشد..وكل الاعضاء الرائعين الدين نفتخر بأخوتهم .. :16:

[عبوررر]

اتوقع الاخ ابو نوال يقصد بعض المواضبع التي اغلقت وكان فيها تعليق ع الدكتور

انا لاحظت فعلا ان الدكتور اذا احد سبه ينحذف الموضوع




بالنسبه للطلاب والطالبات الي ما يدرون عن شي لاتلومونهم

ترى ظروفنا ماهي وحده وفيها ناس عندها اشغال وتبي تكمل

دراستها نصيحتي اوقفو معهم وماله داعي لبعض الردود الي فيها

استهزاء والله اني انقهر وانا مالي دخل بالموضوع

[roqa]

اوك يعني معقولة ملتقى علمي يستند عالحوار والاحترام وجمعنا في اطار علمي بحت ....يسمح تنو تنفتح فيه مواضيع سب وشتم وشكاوي واحتجاجات !!!

ماله داعي وغير لائق ...قبل مايكون من قوانين الملتقى ...الانسان يلي ظلمني بالاسئلة غير لائق مني ان اسبه وابهدله علنا ...وهو.مو اي شخص ...دكتور طول بعرض له وزنه وسمعته واحنا تونا طلبة ...حتى النقد والاعتراض له اداب ...

سوري عالاسلوب بس انزعجت شوي وانفعلت ..

[Rashed]

الله يعطيك العافية يا ابو نوال ومشكور على ملاحظاتك

بالنسبة لاغلاق المواضيع اغلب المواضيع الي تغلق تكون استفسار وتم الرد عليه او موضوع مكرر

لو يكون الموضوع مايخص القسم بالحالة هذي ينقل للقسم المناسب او يغلق

بأيام الاختبارت اذا كل واحد فتح موضوع يشتت الطلاب فما يمنع اني اقفل الموضوع ...

في احتمال انه محد يرد عليه وممكن احد يرد عليه بأجابه غلط وممكن يردون عليه بأجابة صح بس لو انه استفسر بالتجمع الكل راح يناقشه والكل يستفيد

بأختصار الموضوع يغلق لسبب واحد للمصلحة الكل " الكل يستفيد راح يتفيد من استفساره"

و مثل ما شفت بموضوع انطبعات اختبار مادة القراءات عضو يشتم وعضو يدعي على الدكتور ..الخ

الكلام هذا ما يصير بملتقى تعليمي...حنا هنا كلنا نتعلم و الكلام هذا ما يجوز وماظن احد يرضاها على نفسه

اتمنى قبل اي احد يتكلم على اي مدرس يحاسب نفسه اذا هو اعطى المادة حقها بالمذاكرة او بدأ يذاكر لليلة الاختبار

في ناس ذاكرت و جتهدة اكييد وفي ناس مافتح ولا يعرف ايش هي المادة الا لليلة الاختبار

الي يقول كل واحد عنده ظروفه صحيح ...كل واحد عنده ظروف بس ما اظن احد سجل بجامعة وماعنده وقت خصصه للدراسة

في بعضنا يشتغل ويدرس وعنده عيال و ما شاء الله عنده وقت مخصصة للجامعة ...ومن المتفوقين..

اذا في اي ملاحظة عند اي شخص ما يمنع انه يكتبها في قسم التواصل hالادارة " المكان الصحيح لهذي الملاحظات "
http://www.ckfu.org/vb/f376

وهذا رابط قوانين الملتقى للي حاب يقراها
http://www.ckfu.org/vb/t89758.html

انا ما نقلت الموضوع كنت حاب اشوف وجهات نظركم

كلها كم يوم ان شاء الله وتنتهي الاختبارات ونشوفكم مبسوطين :42:

الله يوفقكم ويباركم فيكم جميعا و عذروني اي تقصير

وعن اذنك يا ابونوال يغلق
http://www.ckfu.org/vb/t89758.html