سماحة الرجال ونذالة النساء

[زارع الورد]

السلام عليكم

الموضوع كله على بعضه المقصود فيه المراقبين على الطلاب والمراقبات على الطالبات .
أنا عن نفسي جميع الاختبارت الي اختبرتها المارقبين يشوفون حالات غش كثيره ولا يدققون ومنها :
الي يتساسر مع خويه الي جنبه:17:
والي قالط على ورقة خويه الثاني :27:
والي سادح الآيفون او الجلكسي وخاش على الصور وقاعد يقز قز :31: في المصطلحات أو المنهج بكبره ..
بينما أعرف قريبات لي يشتكون من جدية وصرامة المراقبات :26:
وانهم دايم يهددون بإلغاء الإختبار ..

ونفسياتهم نعال ووجيههم ودره كأنها هالفيس :30:

ياحبي للرجال بس
اذا شاف الواحد مزنوق فزع له
واذا شاف أحد سادح جواله ويغش منه يسوي نفسه كأنه ماشاف شي ... :35:

جعلني ما أذوق يومهم هالعينات من المراقبين ... لأنهم عارفين ان الشاب عنده ظروف وعنده مشاغل وعائله أقل شي يسويه المراقب انه يغض الطرف بشرط عدم حدوث فوضى بالقاعة ..

وانت بعد عزيزي الطالب
لاتصير وقح وتبين للعالم انك تغش
خلك ذيب وخلص امورك بدون ماتلفت الإنتباه ...


عزيزتي البنت :35:
خلك عاقله ولا تحاولين تسويين مثل الشباب
لأن المراقبات الي عندكم نفسياات
اذا شافتك تغشيبن
بتمعط كشتك وتكتب فيك محضر غش 0

[*طالبة انتساب*]

وغير كذا اول ماتدخل المشرفه يلا ي بنات شناطكم عند السبوره :4:

سلامات وربي ولا اجيب خبرها :20:

اهم شي نعدي ع خير يارب

[*طالبة انتساب*]

و على فكره المسااله ماهي نذاله كثر ماهي خوف لا احد يعلم عليها وبعدين تدخل في سين وجيم

الله المستعان

[زيدان9]

:13:


بس متوقع موضوع للحذف وبقوة الصاروخ :27:


الا اذا الادارة لها رأي آخر :28:

[فارس740]

فتحت باب وراح تكثر الردود وبيغلق الموضوع في اقل من دقائق

لا تعليق على محتوى الموضوع :16:

[شهم وكريم]

السلام عليكم

الموضوع كله على بعضه المقصود فيه المراقبين على الطلاب والمراقبات على الطالبات .
أنا عن نفسي جميع الاختبارت الي اختبرتها المارقبين يشوفون حالات غش كثيره ولا يدققون ومنها :
الي يتساسر مع خويه الي جنبه:17:
والي قالط على ورقة خويه الثاني :27:
والي سادح الآيفون او الجلكسي وخاش على الصور وقاعد يقز قز :31: في المصطلحات أو المنهج بكبره ..
بينما أعرف قريبات لي يشتكون من جدية وصرامة المراقبات :26:
وانهم دايم يهددون بإلغاء الإختبار ..

ونفسياتهم نعال ووجيههم ودره كأنها هالفيس :30:

ياحبي للرجال بس
اذا شاف الواحد مزنوق فزع له
واذا شاف أحد سادح جواله ويغش منه يسوي نفسه كأنه ماشاف شي ... :35:

جعلني ما أذوق يومهم هالعينات من المراقبين ... لأنهم عارفين ان الشاب عنده ظروف وعنده مشاغل وعائله أقل شي يسويه المراقب انه يغض الطرف بشرط عدم حدوث فوضى بالقاعة ..

وانت بعد عزيزي الطالب
لاتصير وقح وتبين للعالم انك تغش
خلك ذيب وخلص امورك بدون ماتلفت الإنتباه ...


عزيزتي البنت :35:
خلك عاقله ولا تحاولين تسويين مثل الشباب
لأن المراقبات الي عندكم نفسياات
اذا شافتك تغشيبن
بتمعط كشتك وتكتب فيك محضر غش 0


مع احترامي الشديد

كل ماذكر غير صحيح

نفسي اصدق بس قويه

[زارع الورد]

وغير كذا اول ماتدخل المشرفه يلا ي بنات شناطكم عند السبوره :4:

سلامات وربي ولا اجيب خبرها :20:

اهم شي نعدي ع خير يارب


يا عزتي لك وأنا أخوك

ليتكم تشوفون هالأشناب الي يراقبون علينا ..
أنا عن نفسي المراقب الي راقب علي اليوم علمني كم اجابة هالشنب ...
وصادني ساح آيفوني ولا دقق ..

أنا أخاف موضوعي هذا يجني علينا نحن معشر الشباب
همن يقلبون مراقبينا نفسيات مثل المراقبات الله لايبلانا :13:

[شهم وكريم]

انا عن نفسي جميع الاختبارت الي اختبرتها المارقبين يشوفون حالات غش كثيره ولا يدققون ومنها :
الي يتساسر مع خويه الي جنبه
والي قالط على ورقة خويه الثاني
والي سادح الآيفون او الجلكسي وخاش على الصور وقاعد يقز قز في المصطلحات أو المنهج بكبره ..

والله قويه

كل هذا في الاختبار

[Hanoo Abdulaziz]

لا نذاااله ولا شي بالعكس رائعين وتعاملهم مرررره رائع
ربي يوفقهم ويسعدهم ما قصروا << من اول ترم إلى اليوم مامرت علي نفسيه



وبالنسبة لمسآلة الغش حررررررررااااااااااااام ما راح تتوفون ياللي تغشون
حتى لو خذيتوا أعلى المعدلات التوفيق من رب العالمين
يقول رسول الله صل الله عليه وسلم ( من غشنا فليس منا )


آسآل الله لي ولكم التوفيق :16:

[زارع الورد]

مع احترامي الشديد

كل ماذكر غير صحيح

نفسي اصدق بس قويه


أنا عذرتك انك مستغرب أحسبك بنت وهالأشياء مستحيل تحصل عندهم
بس يوم شفت ان جنسك ذكر استغربت انك مستغرب أصلا ...

بس خل عنك شكل المركز الي تختبر فيه قروشه .

[ذيب الفيصل]

وين مكانك نفسي تعطينا واحد من مراقبينك الاشناب
ياخوي اللي عندنا مايسمحون بالي قلته

[زارع الورد]

انا عن نفسي جميع الاختبارت الي اختبرتها المارقبين يشوفون حالات غش كثيره ولا يدققون ومنها :
الي يتساسر مع خويه الي جنبه
والي قالط على ورقة خويه الثاني
والي سادح الآيفون او الجلكسي وخاش على الصور وقاعد يقز قز في المصطلحات أو المنهج بكبره ..

والله قويه

كل هذا في الاختبار


ماشاء الله عليك :21:

شكل من يبدأ الإختبار وانت منعفط ومدنق على ورقتك ولا تدري وش قاد يصير في القاعه ..

بس أهنيك هذا هو الصح :3: .. الواحد ماوده يعتمد على هالحاجات أثناء الإختبار ...

[زارع الورد]

وين مكانك نفسي تعطينا واحد من مراقبينك الاشناب


ياخوي اللي عندنا مايسمحون بالي قلته



شكلك أنت وشهم وكريم في مركز واحد :13:

لا وأنا أخوك ذاكر زين وأدفر واترك عنك الغش والخنبقه :13::13:

[برشلوني]

أصبحت الامانه نذاله وخيان الأمانه سماحة
وصاحب الموضوع يتباهى ويفتخر بالذنب

[اميرةالذوق]

بصراحه احنا يالطالبات فعلا تشديد اكثر منكم بكثير الجوال بالشنطه والشنطة بعيده عننا
واذا حطيتيه ع الطاولة هههههه في كيس نايلون .....
واطفيه او صمتيه بلا وطوطة بنص الاختبار وبعض المراقبات تقول حطيه ع الطاولة اللي قدام المراقبه
بس بالاخير المراقب من حقة يشدد لان هذي مهمته
وكل شخص يسيرة فطرة وغريزة بداخله مافيه سبب يدفعك للغش دام مذاكر
ولكن اغلب اللي بالاصل ينمسكون بالجوالات مو قصدهم غش لا تصوير اسئله
بس ياكلونها


واخر شي الله يوفقكم جميع ويارب ماتحتاجون لاي اسلوب من اساليب الغش
موفقين

[شهم وكريم]

والله يازارع الورد من يوم شفت صورتك متكي على هالخزان

عرفتك انك راعي نياق ما انت راعي ادارة

خذ هذه بس:16:

[زارع الورد]

والله يازارع الورد من يوم شفت صورتك متكي على هالخزان

عرفتك انك راعي نياق ما انت راعي ادارة

خذ هذه بس:16:

مشكور ياشهم وكريم على هالورده :13::14::13:

وعلى فكرة ترى اسمي زارع الورد ... :27:
ايه ياليتني راعي نياق على قولتك .. كان تشوف نياقي مرتزات في أم رقبيه .. وأحصد الملايين .. أبرك من ادارة أعمالك ودراستك الي مشغلينا فيها :13::13:

[صالحـ]

الله يصلح الحال

قال الرسول صلى الله عليه وسلم (( من غشنا فليس منا ))

https://www.google.com.sa/url?sa=t&rct=j&q=&esrc=s&source=web&cd=4&cad=rja&ved=0CEwQFjAD&url=http%3A%2F%2Fwww.saaid.net%2Fafkar%2Fschool%2F t28.htm&ei=S1CVUenhA_OQ7AaZwIH4Dg&usg=AFQjCNFfkPYCNgzr3lliKl6PZkonEhPkHA&sig2=vTfqxA3PSfx9SBXkMOg3Lw

[ابواريام]

الكلام هذا غير صحيح عندناااا المراقبين متشددين مره ولا عمري شفت محاوله غش

[د.محمد]

اذا كلامك صحيح اسميه خيانه الرجال وامانه النساء:16:

[ابو حلاوي]

انا اعقد انك جالس تسيء لادارات مراكز الاختبار وتثير البلبله عليهم بكلامك هذا ... ويحتمل ان تكون من العاملين في ادارة الجامعه وكتبت الموضوع في محاوله منك لاستنطاق الاخوة والاخوات في المنتدى

اتمنى من ادارة المنتدى اغلاق الموضوع لعدم الفائدة منه مع كامل احترامي لكاتبه

[ẤĽSЙΪфRẪΉ]

موضوع لايفيد القسم مطلقآً ..

يغلق + ينقل للسله ..


وفقت للخير