تكفون ابغى الفزعة إخواني واخواتي مستوى ثامن

[R.H]

السلام عليكم ورحمه الله وبركاته
إخواني وأخواتي انا من مستوى ثاني وانا وحده اتاثر مره اذا احد قالي اي كلام ما اقصد حساسه خخخخ لا اقصد مثلا كثييييير حطموني يقولون ليه دخلتي انجليزي ماراح تستفيدين وانتي عن بعد او ماراح تتطور لغتك أحسن لك غيري تخصصك أجي البيت اقعد افكر بيني وبين نفسي و اوسوس قلت مافيه غير حبايبنا المستوى الثامن هم اللي وصلوا اخر مرحله و يشوف ابغاكم ترشدوني هل أغير تخصصي ؟؟
هل القسم صعب ؟؟
وبالامانه بالأمانة هل استفدتوا يعني تحسون لغتهم تطورت ولا اسحب نفسي مادام مافي فايده تكفون ساعدوني أحس اني اذا تخرجت تعبي كله بروح
وبعد اخر شي فيه احد مثلا كانت لغته مييييححح واستفاد من الجامعه يعني صار يبربر بالانجليزي
وبس آسفه على الاطاله وآسفه اني أشغلت كم ادري أنكم الحين مضغوطين وكذا لازم اخر سمستر
وبالتوفيق ان شالله يارب :29:

[mr.7]

سؤال صعب جدا لكن اختصر عليك باجابه واحده اتوقع انها كافيه .
( لكل فعل ردة فعل ) تدرسي لغه اكيد في ردة فعل من اللغه لكن المحادثه انتي من يطورها وليس دراستها .

[~Mrs.ENGLI$H~]

شوفي عزيزتي

بكون واقعيه لأبعد حد معاك


هل انتي من النوع اللي اذا سمعتي محاضره مدتها ساعه كلها انقلش بإنقلش

تفهمينها كلها ؟ طيب مو كلها تفهمين 90 بالميه منها

خلينا نقول الـ 10 % الباقيه مفردات جديده كلنا نواجهها ونتعلمها

المقصد

دراستنا ادبيه

مو تعليم للغه نفسها

يعني التدريس هنا يتوقعون انك فاهمه كل شي وبتجين بس تاخذين معلومات جديده


اما تعليم اللغه نفسها .. عشان تفهمين المحاضرات ... عشان تستوعبين المعلومات ... هنا رح تتعبين و تزهقين فيما بعد وتروح عليك الميزانيه وتبدين من الصفر في تخصص ثاني


شوفي نفسك ... وقد ايش انتي فاهمه الانقلش كلغه ... بحيث ماتتعبين في استيعاب المعلومات ويضيع وقتك مابين ترجمه لكل كلمه في المحاضره و بعدييييييييييييييين يالله تبدين تاخذين معلومات وتلحقين ع كل المواد بهالشكل !!!!!


فيه ناس ممكن يقول لك لا جربي واني ممكن احبطك .. انا اقول بس قيمي نفسك ... وادخلي ع المحاضرات المسجله اللي بالمواضيع المثبته وشوفي لك كم محاضره واعملي تقييم على نفسك

القصد ... لا يضيع وقتك ومجهودك ... اجلسي مع نفسك كذا ساعتين زمان قيمي حالك فيها وتوكلي على الله اما بالبقاء او التحويل .. وسلامتك ... هذي وجهة نظري:16::16::16::16::16:

[فضيل]

اللغة ما تتطور الا مع الممارسة ، ولكن للأسف هنا مافيه الا فلبيين لغتهم الانجليزية مكسرة

ممكن الواحد يطلع برا 4 شهور ويستفيد اكثر من اللي درس اربع سنين هنا بكثير

اذا عندك لغة من اول بتمشين من غير تعب، حتى يشرحون لك زملاك بالعربي، الامور سهلة بإذن الله

وش طلعنا منه؟! ( طبعاً الشطار) تعلمو كم كلمة زيادة، وعرفو شوي شعار وكتاب انجليز وامريكان

اللي يبي الفايدة يسافر برا أو يدرس انتظام بجد مو لعب علشان هذه الدنيا لازم جد ( تكسب )

[R.H]

أخوي mr.7 و أختي مستر انجلش وأخوي فضيل مشكورين ويعطيكم العافية على نصايحكم وفعلا هذا اللي سمعته لازم انا اللي اطور نفسي وكذا شكلي بحول اذا طلعت السنه الجايه أقسام ثانيه
وشكرا مره ثانيه